2013թ. օգտատերերը App Store-ի վրա ծախսել են 10 միլիարդ դոլար
Ամսաթիվ
Apple-ի պաշտոնական հաղորդագրությունից տեղեկանում ենք, որ 2013 թվականի ընթացքում օգտատերերը App Store-ից հավելվածներ գնելու համար ծախսել են ավելի քան 10 միլիարդ դոլար: Ընդ որում նշվում է, որ 1 միլիարդը ծախսվել է միայն դեկտեմբեր ամսին: Այսպիսով 2013 թվականի դեկտեմբեր ամիսը App Store-ի պատմության մեջ դարձավ օգտատերերի կողմից ամենաշատ գնումներ կատարված ամիսը: Տվյալ պահին App Store-ում կան ավելի քան 1 միլիոն հավելվածներ, որոնք հասանելի են iPod, iPad և iPhone սարքերի համար: Նշվում է նաև, որ App Store-ում 2013 թվականի ամենահայտնի հավելվածների ցուցակը գլխավորում են Candy Crush Saga, Puzzles & Dragons, Minecraft, QuizUp և Clumsy Ninja խաղերը:
