Facebook-ը դարձավ 10 տարեկան։ Կարճամետրաժ ֆիլմ Ձեր պրոֆիլի մասին

Ամսաթիվ 04/02/2014 թ.

Ընդամենը 10 տարի առաջ չկար Ֆեյսբուքը, իսկ այժմ այն արդեն ունի ավելի քան մեկ միլիարդ օգտատերեր և համարվում է աշխարհի թիվ մեկ սոցիալական ցանցը։ Ֆեյսբուքի ֆինանսական եկամուտների մասին ավելի լավ է լռել, քանի որ դրանք նույնպես ապշեցուցիչ են։ Միայն նշեմ, որ Ֆեյսբուքի հիմնադիր Մարկ Ցուկերբերգը համարվում է աշխարհի ամենաերիտասարդ միլիարդատերը։ Եթե չգիտեք Ֆեյսբուքի ստեղծման պատմությունը, ապա առաջարկում եմ դիտել The Social Network ֆիլմը։ Ճիշտ է, այն ամբողջովին հիմնված չի ճիշտ փաստերի ու դեպքերի վրա, սակայն պատկերավոր ցույց է տալիս Ֆեյսբուքի ստեղծման պատմությունը։

Իր 10-րդ տարեդարձի առթիվ Ֆեյսբուքը անակնկալ է պատրաստել իր օգտատերերին և կազմել է կարճամետրաժ ֆիլմեր յուրաքանչյուր օգտատիրոջ պրոֆիլի մասին։ Ձեր պրոֆիլի մասին ֆիլմը տեսնելու համար սեղմեք այստեղ։