Windows XP-ից հրաժարվելու 8 պատճառ

Ամսաթիվ


Հեռավոր 2001 թվականին Microsoft-ը թողարկեց Windows XP օպերացիոն համակարգը, որը դեռևս տեղադրված է աշխարհի բազմաթիվ համակարգիչների վրա և հանդիսանում է ամենահաջողված օպերացիոն համակարգերից մեկը: Սակայն ժամանակի ընթացքում այն հնացել է և հաշվի առնելով նաև այն փաստը, որ վերջերս դադարեցվել է դրա սպասարկումը, խորհուրդ է տրվում տեղադրել ավելի նոր օպերացիոն համակարգեր: Այսպիսով եկեք տեսնենք, թե ինչու պետք է հրաժարվել այս օպերացիոն համակարգից:

1. XP-ն այլևս չի սպասարկվում:
Վերջերս դադարեցվեց այս օպերացիոն համակարգի սպասարկումն ու թարմացումների տրամադրումը: Դա նշանակում է, որ այս համակարգը բաց է վիրուսների և այլ վնասակար ծրագրերի համար: Այսինքն Microsoft-ը այլևս չի փակելու հետագայում հայտնաբերված խոցելի կոմպոնենտները: Սա նաև մեծ վտանք է ներկայացնում բանկոմատների համար, քանի որ աշխարհի բանկոմատների մեծամասնության վրա դեռևս տեղադրված է Windows XP:

2.Լիարժեք օգտվել սարքերի հնարավորություններից:
Windows XP-ն ստեղծվել է այն ժամանակ, երբ համակարգիչներն իրենց տեխնիկական պարամետրերով նույնիսկ զիջում էին ժամանակակից սմարթֆոններին: Microsoft-ի կայքում տեղադրված են Windows XP օպերացիոն համակարգի համար պահանջվող ապարատային պահանջները: Փաստորեն անհրաժեշտ է ընդամենը 233 Մհց պրոցեսոր, 64 մեգաբայթ օպերատիվ հիշողություն և 1.5 Գբ ազատ ծավալ: XP-ն պարզապես չի կարող օգտվել ժամանակակից սարքերի հնարավորություններից, քանի որ այն նախատեսված է հին համակարգիչների համար:

3.Համատեղելիության խնդիրներ:
Այժմ արդեն համակարգչային խաղերի մեծ մասը չեն աշխատում Windows XP օպերացիոն համակարգի վրա, քանի որ դրա վրա հնարավոր չի տեղադրել DirectX 10 կամ ավելի բարձր: Ժամանակի ընթացքում այս խնդիրը ավելի է խորանալու: Բացի այդ, բազմաթիվ ծրագրեր և դրայվերներ այլևս չեն աշխատում Windows XP-ի վրա: Իսկ օրինակ Windows 7-ում հնարավորություն կա հին ծրագրերը աշխատացնել Windows XP միջավայրում:

4. Հին դիզայն:
Windows XP-ն հնացել է նաև արտաքնապես: XP համակարգը նախատեսված է հին համակարգիչների համար, իսկ գեղեցիկ անիմացիաներն ու դիզայնի այլ էֆեկտները այն ժամանակ շատ ռեսուրսներ էին պահանջում: Բացի այդ, այժմ ինտերնետ կայքերն ու ծրագրերի արտաքին ինտերֆեյսները բոլորովին չեն համապատասխանում Windows XP-ի դիզայնին:

5. XP-ի համար չկա ծրագրերի խանութ:
XP-ի օգտատերերը զրկված են իրենց օպերացիոն համակարգի համար նախատեսված ծրագրերի խանութից և դրանք հեշտ թարմացնելու հնարավորությունից: Մասնավորապես այդպիսի խանութներ կան Windows 8, OS X Ubuntu համակարգերում և ժամանակակից բոլոր բջջային օպերացիոն համակարգերում: :

6. Անհարմար ու դանդաղ որոնման համակարգ:
Windows-ի ավելի նոր տարբերակներում առկա է որոնման ավելի արագ ու հարմար համակարգ: Օրինակ Windows 8-ում ցանկացած վայրում կարելի է բացել որոնման համակարգը և մի քանի վայրկյանում գտնել անհրաժեշտ ինֆորմացիան: Windows XP-ում որոնման համակարգը չափազանց դանդաղ է:

7. Սահմանափակ արագություն
Չնայած, որ XP-ն պահանջում է քիչ ռեսուրսներ, ժամանակակից համակարգիչների վրա ավելի նոր օպերացիոն համակարգերը ավելի արագ են աշխատում: Կոշտ սկավառակի վրա ֆայլերի տեղադրումը, տվյալների տեղափոխումը, արխիվային ֆայլերի բացումը և այլ գործողություններ ավելի արագ են կատարվում Windows 7-ում կամ Windows 8-ում, քան Windows XP-ում: 

8. Ամպային սինխրոնիզացիայի բացակայություն
Windows XP-ն թողարվել է այն ժամանակ, երբ ոչ մեկ դեռ չէր մտածում «ամպային» տեխնոլոգիաների մասին: Windows-ի ավելի նոր տարբերակները ներառում են OneDrive ամպային ծառայությունը: «Ամպերի» վրա ֆայլերի պահպանումը շատ հարմար է: Դա թույլ է տալիս տարբեր համակարգիչների վրա ունենալ միևնույն ֆայլերը:

Հավանեցի՞ր, դե տեղեկացրու ընկերներիդ,
կարդա նաև նմանատիպ գրառումները 😊

մեկնաբանություն Facebook-ի պրոֆիլով
1 մեկնաբանություն Google-ի պրոֆիլով

1 մեկնաբ.:

  1. Արմեն ջան քո առաջարկած պատճառները անհիմն են քանի որ՝
    1.Ամպային ծառայությունները անիմմաստ բան են քանի որ քո բոլոր անձնական տվյալները հայտվում են Մայքրոսոֆտի բազայում
    2.Ծրագրերի խանութի պատճառով չես կարող տեղադրել ծրագրի քո ուզած վերսիան
    3.Directx 10-ը ինչ ես անում

    բայց դանդաղ աշխատելու պահով ճիշտ էս

    ReplyDelete