Բարձրանալ վերև
Փնտրվում է...

Samsung-ը ներկայացրեց Galaxy Note 5-ը


Samsung Galaxy Unpacked 2015 իրադարձության ժամանակ Samsung-ը ներկայացրեց Galaxy Note 5 սմարթֆոնը: Այս մոդելը դիզայնով հիմնականում նման է Galaxy S6-ին: Այն ունի մետաղյա կորպուս և հետևի ու առջևի կողմերում ապակյա շերտ: Samsung Galaxy Note 5 սմարթֆոնն ունի 5.7 դյույմանոց Super AMOLED էկրան՝ 2560×1440 պիկսելների թողունակությամբ: Պիկսելների խտությունը կազմում է 518 ppi: 


Սարքն ունի 8 միջուկանի 64 բիթանոց Exynos պրոցեսոր, որի 4 միջուկը աշխատում են 1,5 Գհց հաճախականությամբ, իսկ մնացած 4-ը՝ 2.1 Գհց: Սարքի վրա տեղադրված է 4Գբ օպերատիվ հիշողություն, իսկ ներքին հիշողությունը մոդելից կախված կարող է լինել 32 կամ 64 Գբ: Սարքի հետևի կողմում տեղադրված է 16 մեգապիկսելանոց տեսախցիկ, իսկ առջևի մասում՝ 5 մպ: Սարքն ունի Wi-Fi 802.11 a/b/g/n/ac, Bluetooth 4.2 LE, NFC և ANT+ մոդուլները, ինպես նաև մատնահետքերի սկաները, ակսելերոմետր, հիրոսկոպ, բարոմետր և այլ սենսորներ:


Galaxy Note 5 սմարթֆոնի վրա տեղադրված է 3000 մԱ/ժ մարտկոց, որը լիցքավորվում է շատ արագ՝ Fast Charging տեխնոլոգիայով: Սարքն աշխատում է Android 5.1 (Lollipop) օպերացիոն համակարգով:

Հավանեցի՞ր, դե տեղեկացրու ընկերներիդ`

Comments
0 Comments

Գրել մեկնաբանություն