Փնտրվում է...
Նոր խաղ Android-ի համար: ArmHang
«Ո՞վ է ուզում դառնալ միլիոնատեր» խաղի երկրորդ տարբերակը
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Դիտեք հայկական և արտասահմանյան հեռուստատեսային ալիքներն օնլայն
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
2015թ. ամենատարածված ու ամենահիմար գաղտնաբառերը

2015թ. ամենատարածված ու ամենահիմար գաղտնաբառերը


SplashData ընկերությունը ներկայացրել է 2015 թվականի ընթացքում ամենաշատ օգտագործված և ենթադրաբար ամենահիմար գաղտնաբառերի ցուցակը: Այդ ցուցակի վերին հորիզոնակում գտնվում են 123456 և password գաղտնաբառերը, որոնք չեն փոխվել անցած տարվա հետ համեմատած: Այս տարվա ցուցակում կան նաև մի շարք նոր գաղտնաբառեր, որոնցից են starwars-ը և princess-ը: Ստորև ներկայացված է 2015թ. ամենատարածված ու ամենահիմար 25 գաղտնաբառերը և դրանց փոփոխությունը նախորդ տարվա համեմատ:

1. 123456 (անփոփոխ)
2. password (անփոփոխ)
3. 12345678 (վերև 1 հորիզ.)
4. qwerty (վերև 1 հորիզ.)
5. 12345 (ներքև 2 հորիզ.)
6. 123456789 (անփոփոխ)
7. football (վերև 3 հորիզ.)
8. 1234 (ներքև 1 հորիզ.)
9. 1234567 (վերև 2 հորիզ.)
10. baseball (ներքև 2 հորիզ.)
11. welcome (նոր)
12. 1234567890 (նոր)
13. abc123 (վերև 1 հորիզ.)
14. 111111 (վերև 1 հորիզ.)
15. 1qaz2wsx (նոր)
16. dragon (ներքև 7 հորիզ.)
17. master (վերև 2 հորիզ.)
18. monkey (ներքև 6 հորիզ.)
19. letmein (ներքև 6 հորիզ.)
20. login (նոր)
21. princess (նոր)
22. qwertyuiop (նոր)
23. solo (նոր)
24. passw0rd (նոր)
25. starwars (նոր)
Վարորդներին անհրաժեշտ լավագույն Android հավելածները

Վարորդներին անհրաժեշտ լավագույն Android հավելածները


Անդրոիդ և iOS օպերացիոն համակարգերի համար գոյություն ունեն մի շարք օգտակար հավելվածներ, որոնք նախատեսված են օգնել վարորդներին և վարելու ընթացքում տալ անհրաժեշտ ինֆորմացիա: Այսօր կանդրադառնանք Android օպերացիոն համակարգի համար նախատեսված նմանատիպ մի քանի հավելվածների:

Google Maps
Google Maps-ի քարտեզի վրա կարող եք նշել վերջնական կետը և այն վայրկյանների ընթացքում կառաջարկի ամենալավ ճանապարհը այնտեղ հասնելու համար: Հնարավորություն կա նաև օգտվել որոնման ֆունկցիայից և որոնել փողոցներ կամ խանութներ, սրճարաններ և այլ հասարակական կառույցներ: Վարելու ընթացքում բնականաբար ցուցադրվում է Ձեր դիրքը: Google Maps-ում կարող եք նաև պահպանել արդեն այցելված վայրերը և հետագայում միանգամից գտնել դրանք: Google Maps-ի լիակատար աշխատանքի համար պահանջվում է ինտերնետ կապ (Wi-Fi կամ 3G/4G):


Վերջերս Google Maps-ում ավելացել է նաև որոշակի մասշտաբների քարտեզներ պահպանելու հնարավորություն, ինչի շնորհիվ հնարավոր է խնայել 3G/4G ինտերնետ տրաֆիկը և ավելորդ գումար չծախսել: Google Maps-ը նաև ինտեգրված է Android-ի Google Now ծառայության մեջ և ավտոմատ կարող է գուշակել թե ուր եք ցանկանում գնալ և առաջարկել ճանապարհը:

Maps.me
Նախկինում Maps.me հավելվածը վճարովի էր և այդքան էլ տարածված չէր, սակայն վերջերս այն դարձավ անվճար: Ի տարբերություն Google Maps-ի, այս ծրագրում հնարավոր է ընտրել քաղաքը և միանգամից ներբեռնել օֆլայն քարտեզներն ու ճանապարհային ուղեցույցները: 


Բնականաբար վարելու ընթացքում ինտերնետի կարիք այլևս չի առաջանում: Հավելվածով հնարավոր է նաև կատարել ինչ-որ տեղամասի որոնում, որը նույնպես ինտերնետ չի պահանջում: Մի խոսքով, եթե ցանկանում եք խնայել ինտերնետ տրաֆիկը և ձեռք բերել անվճար նավիգացիայի ծրագիր, ապա ձեզ անհրաժեշտ է հենց այս ծրագիրը:

Navitel
Նավիտել ծրագիրը նախատեսված է հենց վարորդների համար, այդ պատճառով այն ավելի պրոֆեսիոնալ է և վարորդների համար նախատեսված ավելի շատ գործիքներ ունի: Այստեղ նույնպես հնարավոր է նախօրոք ներբեռնել որևէ երկրի քարտեզը և հետագայում օֆլայն ռեժիմում օգտվել դրանցից: Նավիտելը ցուցադրում է նաև ճանապարհներին տեղադրված տեսախցիկներն ու զգուշացնում դրանց մասին: Նավիտելում կա ձայնային ուղեցույց (նաև հայերեն), որը նախապես զգուշացնում է վարորդներին, թե ինչ ճանապարհով գնան (օր. 200 մետրից թեքվեք աջ): Նավիտել հավելվածը ցուցադրում է մեքենայի ընթացիկ արագությունը, ինչպես նաև նպատակետին հասնելու ժամանակն ու երկարությունը:


Հավելվածը պահպանում և ցուցադրում է նաև մեքենայի առավելագույն ու միջին արագությունները, ինչպես նաև այլ վիճակագրական տվյալներ: Նավիտելում հնարավորություն կա որոնել ըստ հասցեների, ինչպես նաև քարտեզի վրա նշել նպատակակետը: Կարող եք նաև հիշողության մեջ պահպանել արդեն այցելած վայրերը և հետագայում հեշտ գտնել դրանք: Նավիտել ծրագրի միակ թերությունն այն է, որ այն վճարովի է և քարտեզներ ձեռք բերելու համար պետք է վճարել:

Mapcam.info
Այս հավելվածը նախատեսված է ճանապարհներին տեղադրված արագաչափերն ու այլ ճանապարհային նշանները ցուցադրելու համար և ներառում է բազմաթիվ կարգավորումներ, որոնց միջոցով հնարավոր է անջատել կամ միացնել նշված տիպի նշանների նախազգուշացումը: Օրինակ Երևանում երթևեկելու համար կարող եք անջատել խաչմերուկներում տեղադրված տեսախցիկները և թողնել միայն արագաչափերը: 


Հավելածը բազան պարբերաբար թարմանում է և սխալ զգուշացումները շատ քիչ են պատահում: Հավելվածն աշխատում է նաև ֆոնային ռեժիմում: Այդ դեպքում զգուշացումներն այնուամենայնիվ ցուցադրվում են տվյալ պահին բացված էկրանի վրա: Զգուշացման պատուհանի չափերն ու ձև կարող եք փոխել կարգավորումներում:

Ամփոփում
Վարելու ընթացքում խորհուրդ կտամ միշտ օգտագործել Mapcam.info հավելվածը ֆոնային ռեժիմում, որպեսզի անտեղի չնկարահանվեք արագաչափերի կողմից: Mapcam.info-ի հետ միաժամանակ կարող եք բացել և օգտագործել նավիգացիայի համար նախատեսված հետևյալ ծրագրերից որևէ մեկից՝ հաշվի առնելով դրանց թերություններն ու առավելությունները:

Google Maps
+ պրոֆեսիոնալ ու ճիշտ քարտեզներ
- հիմնականում աշխատում է ինտերնետով

Maps.me
+ աշխատում է օֆլայն
- ոչ այդքան պրոֆեսիոնալ քարեզներ

Navitel
+ պրոֆեսիոնալ քարտեզներ ու վարորդների համար նախատեսված գործիքներ
- վճարովի է
Օրվա կադրը

Օրվա կադրը


WhatsApp ծառայությունն այսօրվանից անվճար է

WhatsApp ծառայությունն այսօրվանից անվճար է


Երևի քչերը գիտեին, որ նախկինում WhatsApp ծառայությունից անվճար կարելի էր օգտվել միայն առաջին տարին: Հետագայում ծառայությունը պահանջում էր տարեկան $0,99: Պարզվում է, որ այսօրվանից սկսած WhatsApp-ը դառնում է ամբողջովին անվճար: Հիշեցնեմ, որ WhatsApp-ը պատկանում է Facebook ընկերությանը, որը ձեռք է բերել այն 19 միլիարդ դոլարով:
Facebook-ում շուտով կհայտնվի կատարելագործված ներքին դիտարկիչ

Facebook-ում շուտով կհայտնվի կատարելագործված ներքին դիտարկիչ


Facebook ընկերությունը շարունակում է զարգացնել իր ծառայությունները և այս անգամ որոշել է լավացնել Ֆեյսբուք բջջային հավելվածում ներդրված ինտերնետ դիտարկիչը: Լուսանկարներում կարող եք տեսնել, թե ինչ տեսք ունի այդ դիտարկիչն այժմ և ինչ տեսք կունենա մոտ ապագայում: Լուսանկարում երևում է, որ Ֆեյսբուքի ներդրված դիտարկչում ավելանալու է հասցեների դաշտ, որտեղ օգտատերը կարող է գրել ցանկացած կայքի հասցե և բացել այն: Նոր դիտարկչի ներքևի մասում ավելանալու է գրառման վիճակագրությունը ցուցադրող վահանակ, որի վրա տեղադրված է նաև գրառումը պահպանելու կոճակը:
Էլեկտրոնային վճարային համակարգերի գումարի փոխանակման հայկական նոր կայք

Էլեկտրոնային վճարային համակարգերի գումարի փոխանակման հայկական նոր կայք


Գործարկվել է նոր հայկական կայք, որի միջոցով կարող եք կատարել էլեկտրոնային փողերի փոխանակում: Տվյալ պահին համակարգի միջոցով կարող եք Webmoney-ի գումարը փոխանակել Idram-ի, կամ հակառակը: Փոխանակման գործընթացը բավականին պարզ է: Պետք է ընտրել գումարի չափսը, գրեք անհրաժեշտ տվյալները (Idram Id, Webmoney ID) և վերջ: Կայքի ներքևում տեղադրված է նաև Webmoney-ի սերտիֆիկատի բանեռը, ինչից կարելի է համոզված լինել, որ այս կայքում խաբեություն չկա: Չի բացառվում, որ մոտ ապագայում նախագծի մեջ կհայտնվեն նոր վճարային համակարգեր:
Վիրտուալ շրջայց Miniatur Wunderland թանգարանում

Վիրտուալ շրջայց Miniatur Wunderland թանգարանում


Գերմանիայում գտնվում է Miniatur Wunderland թանգարան, որտեղ ստեղծված են ԱՄՆ-ի և Եվրոպայի մի քանի քաղաքների փոքր տարբերակները, ինչպես նաև այդ քաղաքներում գտնվող տեսարժան վայրերը: 



Google-ը որոշել է օգտատերերին հնարավորություն տալ վիրտուալ շրջել այս թանգարանում և հատուկ փոքր տեսախցիկով նկարահանել ու ստեղծել է թանգարանի Street View տարբերակը:

Skype Translator ֆունկցիան արդեն հասանելի է Windows-ի բոլոր օգտատերերի համար

Skype Translator ֆունկցիան արդեն հասանելի է Windows-ի բոլոր օգտատերերի համար


Microsoft ընկերությունը վերջապես ավարտեց Skype ծառայության սինխրոն թարգմանության ֆունկցիայի փորձաշրջանը և այժմ այն հասանելի է Windows-ի բոլոր օգտատերերի համար: Այս ֆունկցիան թույլ է տալիս Skype-ով գրելու կամ խոսելու ընթացքում սինխրոն թարգմանել խոսակցությունը: Այս ֆունկցիան ակտիվացնելու համար պետք է Skype-ի չաթի պատուհանում սեղմել գլոբուսի նշանի վրա: Skype Translator ֆունկցիայից օգտվելու համար պետք է տեղադրել Skype-ի վերջին տարբերակը, կամ թարմացնել այն:
Օրվա կադրը

Օրվա կադրը


Ուղարկեց Անդրանիկ Մանուկյանը
«Անահիտ» մուլտֆիլմն արդեն կարելի է դիտել օնլայն

«Անահիտ» մուլտֆիլմն արդեն կարելի է դիտել օնլայն


Ուղիղ մեկ տարի մնալով էկրաններին՝ «Անահիտ» մուլտֆիլմը դիտումների քանակով ռեկորդ սահմանեց հայկական մուլտարտադրության ոլորտում. այն կինոթատրոններում դիտեց 80.000-ից ավելի մարդ: Այժմ Youtube-ի Sahakyants վիդեոալիքում 1080p որակով տեղադրվել է այս մուլտֆիլմի ամբողջական տարբերակը և ցանկացած օգտատեր կարող է այն դիտել առցանց ռեժիմում:

Թողարկվել է 360Stories Yerevan, Armenia Անդրոիդ հավելվածը

Թողարկվել է 360Stories Yerevan, Armenia Անդրոիդ հավելվածը



360Stories թիմը Android օպերացիոն համակարգի համար թողարկել է 360Stories Yerevan, Armenia հավելվածը, որի միջոցով կարող եք վիրտուալ շրջայց կատարել Հայաստանի գեղատեսիլ և հասարակական վայրերում, ինչպես նաև գրել պատմություններ ու հիշողություններ այդ վայրերի հետ կապված և դրանք ավելացնել 360Stories համակարգում: Հիշեցնեմ, որ այս ծառայության iOS տարբերակը վաղուց արդեն հասանելի էր App Store-ում: 360Stories-ի բջջային տարբերակներում կա նաև Cardboard ռեժիմ, որի դեպքում վիրտուալ վայրերը կարող եք տեսնել VR սարքերի միջոցով:



Նմանատիպ սարք կարող եք ձեռք բերել հենց 360Stories թիմից կամ օրինակ այստեղից, սակայն հաշվի առեք, որ Ձեր հեռախոսը պետք է ունենա Gyroscope մոդուլ:


Microsoft-ը դադարեցնում է Internet Explorer 11-ից ցածր տարբերակների տեխնիկական աջակցությունը

Microsoft-ը դադարեցնում է Internet Explorer 11-ից ցածր տարբերակների տեխնիկական աջակցությունը


Microsoft ընկերությունը հայտարարեց, որ ս.թ. հունվարի 12-ից դադարեցնում է Internet Explorer ինտերնետ դիտարկչի 10 և ավելի ցածր տարբերակների տեխնիկական աջակցությունը: Հիշեցնեմ, որ տվյալ պահի դրությամբ Internet Explorer-ի վերջին տարբերակը 11-ն է: Հավանաբար այն կլինի նաև ամենավերջինը, որովհետև Microsoft-ը կենտրոնացել է նոր Edge դիտարկչի զարգացման վրա: Այնուհանդերջ Microsoft-ը կշարունակի թողարկել կրիտիկական սխալները վերացնող թարմացումներ IE11-ի համար: