Բարձրանալ վերև
Փնտրվում է...
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
«Ո՞վ է ուզում դառնալ միլիոնատեր» խաղի երկրորդ տարբերակը
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Դիտեք հայկական և արտասահմանյան հեռուստատեսային ալիքներն օնլայն
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Այս ծրագրով կարող եք տպագիր տեքստը դարձնել ձեռագիր

Այս ծրագրով կարող եք տպագիր տեքստը դարձնել ձեռագիր



Համացանցում է հայտնվել «Писец» կոչվող ծառայությունը, որի միջոցով հնարավոր է տպագիր տեքստը դարձնել ձեռագիր: Ծառայությունն առայժմ գտնվում է բետա փորձարկման փուլում և կարողանում է փոխակերպել միայն անգլերեն և ռուսերեն տեքստերը: Վերջնական տարբերակում սպասվում է, որ կավելացվեն նաև մնացած յունիկոդ նշաններն ու լեզուները: «Писец» ծառայությունը թույլ է տալիս ընտրել նաև ձեռագիրը (տվյալ պահին հասանելի է միայն մեկ ձեռագիր):

«Писец»-ը միջոցով գեներացված ձեռագիր տեքստի լուսանկարը հնարավոր է ինչպես պահպանել համակարգչի մեջ, այնպես էլ միանգամից տպել: Ծառայությունում հետագայում նախատեսվում է ավելացնել այլ թղթերի ձևեր (օրինակ հորիզոնական գծերով կամ քառակուսիներով): Սակայն մինչ այդ կարող եք տպիչի մեջ դնել համապասխան թուղթը և տպել:




«Писец»-ը կարողանում է նաև ձևափոխել մաթեմատիկական ֆորմուլաներ (օրինակ cosα²+sinα²=1): Այս գործիքը կարող եք օգտագործել օրինակ կոնսպեկներ կամ տնային աշխատանքներ կատարելու համար:


Դե ինչ, սպասենք «Писец»-ի վերջնական տարբերակին և հուսանք, որ կավելանա նաև հայերեն տեքստեչը ձևափոխելու ֆունկցիան:

Օգտատերերը հետևել են վիդեոբլոգերի խորհրդին և ծակել իրենց iPhone 7-երը

Օգտատերերը հետևել են վիդեոբլոգերի խորհրդին և ծակել իրենց iPhone 7-երը



TechRax կեղծանունով վիդեոբլոգերը համացանցի օգտատերերին խորհուրդ է տվել iPhone 7-ի վրա անցք բացել, որպեսզի սարքի վրա ավելացվի 3.5մմ անց ականջակալների համար: Այդ տեսանյութը հրապարակվել է Youtube-ում և մեկ շաբաթվա ընթացքում այն դիտվել է 8 միլիոն անգամ: Վիդեոբլոգերը տեսանյութում ասում է, որ Apple-ը ականջակալների բնիկը թաքցրել է սարքի կորպուսի մեջ և տեսնելու համար պետք է ծակել հեռախոսը:



Դատելով տեսանյութի դիսլայքերի քանակից ու մեկնաբանություններից, կարելի է եզրակացնել, որ բազմաթիվ օգտատերեր հետևել են վիդեոբլոգերի ցուցումներին և վնասել իրենց սմարթֆոնները:

Ինչպես անվճար տեղադրել ցանկացած ծրագիր iPad-ի կամ iPhone-ի վրա (առանց jailbreak)

Ինչպես անվճար տեղադրել ցանկացած ծրագիր iPad-ի կամ iPhone-ի վրա (առանց jailbreak)


iOS համակարգն իրենից ներկայացնում է փակ օպերացիոն համակարգ և ունի մի շարք սահմանափակումներ: Այդ սահմանափակումները հանելու համար օգնության է գալիս jailbreak-ը, որը ցավոք iOS-ի վերջին տարբերակների համար բավականին ուշ է թողարկվում: Օրինակ iOS 10 համակարգի համար առայժմ jailbreak չկա և այս դեպքում պետք է փնտրենք այլ լուծումներ: iOS-ի ամենանշանակալի սահմանափակումներից մեկն այն է, որ հնարավոր չի այլ միջավայրերից տեղադրել հավելվածներ կամ խաղեր: Այսինքն կա միայն մեկ տարբերակ՝ ներբեռնել դրանք App Store-ից: Սակայն վերջերս հայտնաբերել եմ այս սահմանափակումը հանող մի մեթոդ, որի մասին այսօր կկիսվեմ ձեզ հետ:

1. Բացեք այս կայքը և ձեր օպերացիոն համակարգից կախված ներբեռնեք Cydia Impactor ծրագիրը:

2. Միացրեք iPad կամ iOS սարքը համակարգչին:

3. Բացեք ներբեռնված ծրագիրը և ոչինչ մի սեղմեք:

4. Որևէ կայքից ներբեռնեք ցանկացած ծրագրի ipa ֆայլ (ipa-ն iOS համակարգի հավելվածի ստանդարտ ֆորմատն է, օրինակ Անդրոիդում apk է: Ipa ֆայլը կարող է իրենից ներկայացնել ինչպես օրիգինալ հավելվածը, այնպես էլ դրա մոդիֆիկացված կամ crack արված տարբերակը: Այսինքն դա կարող է լինել օրինակ ինչ-որ հավելված, որը App Store-ում վաճառվում է գումարով: ipa ֆայլեր կարող եք ներբեռնել օրինակ այս կայքից):

5. Մկնիկով քաշեք և տեղադրեք ներբեռնված ipa ֆայլը Cydia Impactor ծրագրի վրա:


6. Գրեք iTunes-ի օգտանունն ու գաղտնաբառը: Հատուկ այս նպատակով կարող եք iCloud-ում գրանցել նոր հաշիվ, կամ օգտագործել ձեր ընթացիկ հաշիվը:


7. Հաստատեք սերտիֆիկատի մասին տեղեկացնող հաղորդագրությունը: Եթե ձեր ընթացիկ հաշիվը հանդիսանում է դեվելոփերի հաշիվ և այդ հաշվով թեստավորում եք ձեր ստեղծած հավելվածները, ապա հնարավոր են որոշակի խնդիրներ առաջանան: 


8. iPad-ի կամ iOS-ի վրա բացեք կարգավորումների էջը, այնուհետև պրոֆիլների էջը: Կախված օպերացիոն համակարգի տարբերակից այդ էջը տարբեր տեղեր է գտնվում (“Settings >> General >> Profiles & Device Management” կամ “Settings >> General >> Device Management” կամ “Settings >> General >> Profiles”):


8. Սեղմեք Developer app բաժնում հայտնված սերտիֆիկատի վրա և բացված էջում սեղմեք Trust:


9. Այս քայլերից հետո կարող եք ստուգել ձեր սարքի հավելվածների ցուցակը և կտեսնեք, որ ipa ֆայլը հաջողությամբ տեղադրվել է: Օրինակ ես այս մեթոդով տեղադրեցի Puffin դիտարկիչը, որը App Store-ում արժի 3.99$: 


Այս հավելվածով կարող եք բացել և տեսնել ֆլեշ փլեյեր պարունակող ինտերնետ կայքերը: Օրինակ կարող եք խաղալ ֆլեշ խաղեր կամ դիտել սպորտային հեռարձակումներ:

P.S.
Վերջում ավելացնեմ, որ այս հնարքը կատարում եք ձեր իսկ գիտությամբ ու ցանկությամբ, այսինքն հետագա խնդիրների համար (եթե դրանք առաջանան իհարկե) ես պատասխանատվություն չեմ կրում :)
Ինչպես նկարել և գտնել Ձեր ուզած Յունիկոդ նշանը

Ինչպես նկարել և գտնել Ձեր ուզած Յունիկոդ նշանը


Գոյություն ունեն բազմաթիվ Յունիկոդ նշաններ և երբեմն մեր ուզած նշանը գտնելու վրա բավականին շատ ժամանակ ենք ծախսում: Հատուկ այդ նպատակով ստեղծվել է մի օնլայն գործիք, որը թույլ է տալիս նկարել որոնվող նշանը, որից հետո առաջարկում է նկարին համապատասխան Յունիկոդ նշանները: Բնականաբար առաջարկվող նշանը հնարավոր է պատճենահանել և տեղադրել ցանկացած տեքստային դաշտում:


Օրինակ հայերենի չակերտը գրելու համար պետք է Windows-ում սեղմած պահեք alt կոճակը ու հավաքեք 0171 թվերը, կամ բացեք առաջարկվող կայքը և նկարեք չակերտը:

Խաղացեք Color Pop խաղը և ստացեք հնարավորություն շահելու «Արմֆոն» սմարթֆոն

Խաղացեք Color Pop խաղը և ստացեք հնարավորություն շահելու «Արմֆոն» սմարթֆոն



«Թեքնոլոջի ընդ Սայնս Դայնամիքս» ընկերությունն առաջարկում է մասնակցել Pop&Compete առաջնությանը։ 

1․Ներբեռնի՛ր Color Pop խաղը Google Play Store-ից, իսկ եթե ունես այն, ուղղակի թարմեցրու:
2․Շարունակաբար խաղա՛ խաղը մինչև սեպտեմբերի 21-ը
3․Հայտնվի՛ր լավագույն 16-ի ցուցակում (Competition: September: Made in Armenia Leaderboard-ում)
4․Սեպտեմբերի 21-ին ժամը 14։00-ին այցելի՛ր Made in Armenia 2016 ցուցահանդես, որտեղ կկայանա մրցույթի եզրափակիչ փուլը։
5․Մրցի՛ր լավագույնների հետ և ստացի՛ր սպասված «Արմֆոն 0520» հեռախոսը։



Յուրաքանչյուր օր երեկոյան ժամը 18։00-ին լավագույն 16 արդյունքները ներկայացվելու են Color Pop իրադարձության Ֆեսյբուքյան էջում։

Ինչքան դիմացկուն է iPhone 7-ը (Տեսանյութ)

Ինչքան դիմացկուն է iPhone 7-ը (Տեսանյութ)


Google Chrome 54-րդ տարբերակում ավելացել է Անդրոիդում ֆոնային ռեժիմում վիդեոների նվագարկման հնարավորություն

Google Chrome 54-րդ տարբերակում ավելացել է Անդրոիդում ֆոնային ռեժիմում վիդեոների նվագարկման հնարավորություն


Android օպերացիոն համակարգի համար նախատեսված Google Chrome 54 ինտերնետ դիտարկչի 54-րդ տարբերակում ավելացել է ֆոնային ռեժիմում վիդեոների նվագարկման հնարավորություն: Այսինքն կարող եք բացել Youtube-ը, միացնել որևէ տեսահոլովակ և դիտարկիչը ծալելուց հետո ծանուցումների պատուհանից միացնել տեսանյութի ձայնը: Այս օգտակար ֆունկցիան առայժմ հասանելի է միայն Google Chrome-ի բետա տարբերակում, որը կարող եք անվճար ներբեռնել Google Play-ից: 

Օպտիկական խաբկանք: 12 կետեր

Օպտիկական խաբկանք: 12 կետեր


Համացանցում տարածվել է հերթական նկարը, որը քննարկումների առիթ է դարձել բազմաթիվ օգտատերերի կողմից: Թվիթերի իր էջում Ուիլ Կերսլեյկը տեղադրել է այս լուսանկարը հետևյալ գրությամբ՝ Այս նկարում պատկերված են 12 սև կետեր, սակայն Ձեր ուղեղը թույլ չի տալիս դրանք միաժամանակ տեսնել: Այս պատկերը իրականում հանդիսանում է Հերմանի ցանց կոչվող հերթական օպտիկական խաբկանքը:
ВКонтакте-ի iOS հավելվածում նորից հնարավոր է երգեր լսել

ВКонтакте-ի iOS հավելվածում նորից հնարավոր է երգեր լսել



Ռուսական ВКонтакте սոցիալական ցանցի iOS հավելվածից ամիսներ առաջ վերացվել էր երգեր լսելու հնարավորությունը: Դա պայմանավորված էր այն փաստի հետ, որ Apple-ը արգելք էր դրել այդ հավելվածի վրա և ВКонтакте-ին մեղադրում էր անօրինական ճանապարհով երգեր տարածելու մեջ: Սակայն այս հավելվածի վերջին տարբերակում վերադարձվել է այս ֆունկցիան և հայտնի չի, թե ինչպես է ВКонтакте-ն համաձայնության եկել Apple-ի հետ: Նշեմ նաև, որ այդ ֆունկցիան հասանելի է միայն ԱՊՀ երկրներում (այդ թվում Հայաստանում): Հավելվածը թույլ է տալիս նաև երգերը լսել ֆոնային ռեժիմում:

Երկու 16 տարեկան հայ պատանիների կողմից ստեղծված խաղ Անդրոիդի համար: GunWar 2D Shooter

Երկու 16 տարեկան հայ պատանիների կողմից ստեղծված խաղ Անդրոիդի համար: GunWar 2D Shooter



GunWar 2D Shooter խաղը ստեղծվել է երկու 16 տարեկան պատանիների կողմից, ովքեր սովորում են ՀՊՃՀ ավագ դպրոցում: Սա նրանց առաջին նախագիծն է և տևել է 10 ամիս: GunWar 2D Shooter խաղում անհրաժեշտ է կրակել մրցակիցներին և նրանց ցած նետել: 



Խաղում հասանելի են մի քանի աշխարհներ, որոնցից յուրաքանչյուրն իր հերթին ներառում է տարբեր լեվելներ: Հնարավոր է ընտրել նաև խաղացողի կերպարը: Խաղն անվճար հասանելի է Google Play-ում:

Sony-ն ներկայացրեց նոր PlayStation 4 Pro և թարմացված PlayStation 4 կոնսոլները

Sony-ն ներկայացրեց նոր PlayStation 4 Pro և թարմացված PlayStation 4 կոնսոլները



Sony ընկերությունը ներկայացրեց նոր PlayStation 4 Pro և թարմացված PlayStation 4 կոնսոլները: Այս նոր կոնսոլն ունի բավականին արագ 8 միջուկանի AMD «Jaguar» պորցեսոր, 8Գբ GDDR5 օպերատիվ հիշողություն, 1Տբ հիշողություն և ամենակարևորը նախորդ տարբերակից բավականին արագ AMD Radeon գրաֆիկական քարտ: Խաղային կոնսոլի բարելավված պարամետրերի շնորհիվ այն կարող է աշխատել 4K թողունակության ռեժիմում: PlayStation 4 կոնսոլն ունի նաև HDR ռեժիմ:



PlayStation 4 Pro-ն ունի 3 հատ USB պորտ և Ethernet, Wi-Fi, Bluetooth 4.0, DVD/Blu-ray մոդուլներ: Խաղային կոնսոլի չափսերն են՝ 327х295х55, իսկ կշիռը՝ 3.3կգ:
PlayStation 4-ի ներկայացման ընթացքում ցուցադրվել են նաև Horizon Zero Dawn և Mass Effect: Andromeda խաղերի գեյմփլեյները:





PlayStation 4 Pro-ից բացի Sony-ն ներկայացրեց նաև թարմացված PlayStation 4 կոնսոլը, որի վրա փոխվել են միայն արտաքին տեսքն ու չափսերը (288х265х39մմ, 2.1 կգ):



PlayStation 4 Pro կոնսոլները հասանելի կլինեն նոյեմբերի 10-ից և ԱՄՆ-ում կարժենան 399 դոլար: Թարմացված PlayStation 4 կոնսոլները հասանելի կլինեն սեպտեմբերի 15-ից և ԱՄՆ-ում կարժենան 299 դոլար:

Ի՞նչ ցույց տվեց Apple-ը Սեպտեմբերի 7-ին: Հայերեն վիդեո-անդրադարձ

Ի՞նչ ցույց տվեց Apple-ը Սեպտեմբերի 7-ին: Հայերեն վիդեո-անդրադարձ


iOS-ում վերջապես հայտնվելու է Super Mario խաղը (Տեսանյութ)

iOS-ում վերջապես հայտնվելու է Super Mario խաղը (Տեսանյութ)



Երեկ Apple ընկերությունը իր ամենամյա համաժողովի ժամանակ տեղեկացրեց, որ այս տարվա վերջում App Store-ում է հայտնվելու Super Mario Run խաղը, որը լինելու է վճարովի: Խաղը հարմարեցված է լինելու սենսորային էկրանով խաղալու համար:

Apple ընկերությունը ներկայացրեց iPhone 7 և iPhone 7 Plus սմարթֆոնները

Apple ընկերությունը ներկայացրեց iPhone 7 և iPhone 7 Plus սմարթֆոնները


Ինչպես և սպասվում էր, Apple ընկերությունը երեկ ներկայացրեց iPhone 7 և iPhone 7 Plus սմարթֆոնները: Արտաքնապես iPhone 7-ը նման է նախորդ մոդելին: Այն պատրաստված է ալյումինային կորպուսով և հասանելի է նաև սև գույնով (փայլուն և անփայլ): Նոր iPhone-ում ձևափոխվել է նաև Home կոճակը: Այն դարձել է զգայուն սեղմման ուժի նկատմամբ:


iPhone 7-ը ջրակայուն է և մեկ մետր խորությամբ ջրի տակ աշխատելու է մոտ կես ժամ: Այս նոր մոդելը նաև պաշտպանված է փոշուց:



iPhone 7-ում տեղադրված են ավելի կատարելագործված տեսախցիկները: Սմարթֆոնի առջևի տեսախցիկը 7Մպ է, իսկ հետևինը՝ 12Մպ: iPhone 7 Plus-ի հետևում տեղադրված են երկու 12Մպ-անոց տեսախցիկներ և եթե չափսերից բացի սա միակ առավելությունն է iPhone7-ի նկատմամբ:



iPhone 7-ում բարելավվել է նաև էկրանը: Այժմ այն 25%-ով ավելի լուսավոր է և ներառում է ավելի շատ գույներ: Էկրանի չափսերն ու դրանց թողունակությունները չեն փոխվել նախորդ մոդելների հետ համեմատած: iPhone 7-ն ունի 4.7 դյույմանոց էկրան՝ 1334х750 թողունակությամբ, իսկ iPhone 7 Plus-ը՝ 5.5 դյույմանոց Full HD էկրան՝ 1920x1080 թողունակությամբ:

iPhone 7-ում ավելացել են ստերեո բարձրախոսներ: Նոր սմարթֆոնում բացակայում է ականջակալների համար նախատեսված 3,5մմ-անոց անցքը: Ականջակալները iPhone7-ին միանում են լիցքավորման համար նախատեսված Lightning բնիկին: iPhone7-ի կոմպլեկտի մեջ մտնում է նաև Lightning-ից 3.5մմ փոխակերպող սարք:



Apple-ը ներկայացրեց նաև AirPods կոչվող անլար ականջակալները, որոնցից յուրաքանչյուրն ունի երկու միկրոֆոն, երկու ակսելերոմետր և ինֆրակարմիր սենսոր: Այս սենսորներով միանում և անջատվում են ականջակալները: Այսինքն դրանք միանում են ականջի մեջ տեղադրելու դեպքում և անջատվում են՝ հանելու դեպքում: AirPods ականջակալները չեն ներառվի iPhone 7-ի փաթեթի մեջ և վաճառվելու են 159 դոլարով:



Ականջակալները լիցքավորելուց հետո աշխատում են 5 ժամ և տեղադրվում են հատուկ տուփի մեջ, որը հանդիսանում է նաև շարժական լիցքավորիչ: Այս տուփը թույլ է տալիս լիցքավորել ականջակալները 5 անգամ (այսինքն 25 ժամ):
iPhone 7 և 7 Plus սմարթֆոնները աշխատում են 64 բիթանոց A10 Fusion պրոցեսորով, որը 40%-ով ավելի արագ է A9 պրոցեսորից: Այս նոր սմարթֆոններում ավելացել է նաև ավտոնոմ ռեժիմում աշխատելու ժամանակը՝ +2 ժամ և +1 ժամ՝ iPhone 6s և iPhone 6s Plus մոդելների հետ համեմատած: iPhone 7 սմարթֆոնը արտաքին չափսերով չի տարբերվում նախորդ մոդելին, սակայն ավելի թեթև է:



iPhone 7-ի 32Գբ տարբերակը կարժենա 650 դոլար, իսկ iPhone 7 Plus-ը՝ 770 դոլար: Հասանելի կլինեն նաև 128 Գբ և 256 Գբ տարբերակներ:
Paroonak հավելվածով կարող եք ներբեռնել հայկական ռինգթոններ, լուսանկարներ և հավելվածներ

Paroonak հավելվածով կարող եք ներբեռնել հայկական ռինգթոններ, լուսանկարներ և հավելվածներ



ArmPhone հեռախոսներ արտադրող «Technology and Science Dynamics» ընկերության կողմից վերջերս թողարկվել է Paroonak հավելվածը, որը նախատեսված է Անդրիոդ օպերացիոն համակարգի համար: Այս հավելվածում հավաքված են հայկական թեմաներով լուսանկարներ, ռինգթոններ և հավելվածներ: Ռինգթոնների մեջ կան հայ դասականների ստեղծագործությունները, որոնց մի մասը հնարավոր է ներբեռնել նաև անվճար տարբերակով: 


Paroonak-ի հավելվածների բաժնում ներկայացված են միայն հայկական հավելվածները, որոնք խմբավորված են ըստ ենթաբաժինների: Paroonak-ի հավելվածների, ռինգթոնների և լուսանկարների ցանկը ժամանակի ընթացքում դինամիկ ավելանում է:


Օրվա կադրը

Օրվա կադրը


Ուղարկեց ՄԵլինե Հարությունյանը

Instagram-ում ավելացել է լուսանկարները մեծացնելու ֆունկցա

Instagram-ում ավելացել է լուսանկարները մեծացնելու ֆունկցա


Instagram-ի iOS տարբերակում բազմաթիվ օգտատերերի խնդրանքով ավելացել է լուսանկարները մեծացնելու գործառույթ: Նշվում է նաև, որ այս ֆունկցիան մոտակա շաբաթներին հասանելի կլինի նաև Android-ի օգտատերերի համար:
Facebook Messenger-ը վերջապես թույլ է տալիս ուղարկել մեծ չափսերով ցանկացած էմոջի

Facebook Messenger-ը վերջապես թույլ է տալիս ուղարկել մեծ չափսերով ցանկացած էմոջի


Facebook Messenger-ում ամիսներ առաջ հայտնվեց մի ֆունկցիա, որը թույլ է տալիս ընտրել խոսակցության գլխավոր էմոջին և հետագայում սեղմելով խոսակցության դաշտի կողքը հայտնված նշանի վրա արագ ուղարկել այդ էմոջին: Գլխավոր էմոտի ընտրելու առանձնահատկություններից մեկն այն է, որ այն հնարավոր է ուղարկել մեծ չափսերով: Դրա համար պետք է սեղմած պահեք այդ էմոջու կոճակը և մի քանի վայրկյան անց բաց թողնեք: 


Այսպիսով Մեսենջերի վերջին տարբերակում հնարավոր է մեծացնել ոչ միայն գլխավոր էմոջին, այլ մնացած էմոջիները: Ուղարկելու ձևը նույնն է` սեղմած պահեք ցանկացած էմոջի և այն մեծանալուն պես բաց թողեք: Այս նոր ֆունկցիան տեսնելու համար պետք է թարմացնեք Messenger ծրագիրը:
Intel-ը պաշտոնապես ներկայացրեց 7-րդ սերնդի պրոցեսորները

Intel-ը պաշտոնապես ներկայացրեց 7-րդ սերնդի պրոցեսորները



Intel ընկերությունը պաշտոնապես ներկայացրեց 7-րդ սերնդի նոր պրոցեսորները, որոնք կոչվում են Kaby Lake: Այս նոր պրոցեսորները ապահավում են 12–19% ավել արտադրողականություն, ավելի քիչ են ծանրաբեռնում կենտրոնական պրոցեսորը (CPU), սպառոււմ են ավելի քիչ էներգիա և ավելի արդյունավետ են աշխատում 4K վիդեոների հետ: Օրինակ՝ Core i7-7500U պրոցեսորով 4K վիդեո նայելու դեպքում CPU-ն ծանրաբեռնվում է 5%-ով և սպառում է 0.5Վտ էներգիա, իսկ 6-րդ սերնդի i7-6500U պրոցեսորի դեպքում CPU-ն ծանրաբեռնում է 40–70% և սպառվում է 10.2Վտ էներգիա: Kaby Lake պրոցեսորներով աշխատող առաջին նոթբուքները հասանելի կլինեն արդեն մոտակա շաբաթների ընթացքում
Ներկայացվեց աշխարհի ամենաբարակ նոթբուքը: Acer Swift 7

Ներկայացվեց աշխարհի ամենաբարակ նոթբուքը: Acer Swift 7

Acer ընկերությունը ցուցադրեց Acer Swift 7 նորբուքը, որը տվյալ պահին հանդիսանում է աշխարհի ամենաբարակ նոթբուքը: Swift 7-ի հաստությունը կազմում է ընդամենը 9.98 միլիմետր: Նոթբուքը աշխատում է օրեր առաջ Intel-ի կողմից ներկայացված 7-րդ սերնդի Kaby Lake i5 պրոցեսորով: Swift 7-ի վրա կան տեղադրված երկու USB Type-C 3.1 պորտեր և մեկ 3,5մմ աուդիո պորտ: 



Swift 7 նորթբուքն աշխատում է Windows 10 օպերացիոն համակարգով: Մարտկոցի լիցքը հերիքում է 9 ժամ աշխատելու համար: Նոթբուքն ունի 13.3 դյույմանոց Full HD IPS էկրան, 8 Գբ օպերացիոն հիշողություն և 256 Գբ SSD հիշողություն: Նոթբուքը կշռում է 1.1 կիլոգրամ: Swift 7 նոթբուքները վաճառքի կհանվեն մոտակա շաբաթների ընթացքում և ԱՄՆ-ում կարժենան 999 դոլար: