Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
ArmRadio հավելվածում ավելացել է «Ընտրյալներ» բաժինը

ArmRadio հավելվածում ավելացել է «Ընտրյալներ» բաժինը



Բազմաթիվ օգտատերերի խնդրանքով ArmRadio հավելվածում ավելացրել եմ «Ընտրյալները» բաժինը, որտեղ հնարավոր է տեղադրել սիրելի ռադիոկայանները և հետագայում ավելի հեշտ գտնել դրանք: Հիշեցնեմ, որ իմ կողմից ստեղծված ArmRadio հավելվածով կարող եք օնլայն ռեժիմով լսել հայկական ռադիոկայանները: Հավելվածն աշխատում է Android 4.1-ից բարձր բոլոր հեռախոսների վրա և պահանջում է ինտերնետ կապի հասանելիություն: Հավելվածն աշխատում է նաև ֆոնային ռեժիմում:

Google-ը տոնում է ծննդյան 19-ամյակը: Պտտեք անիվը և տեսեք Google-ի հետաքրքիր Դուդլներն ու ծրագրերը

Google-ը տոնում է ծննդյան 19-ամյակը: Պտտեք անիվը և տեսեք Google-ի հետաքրքիր Դուդլներն ու ծրագրերը



Google ընկերությունը ստեղծվել է 1998 թվականի սեպտեմբերի 2-ին, իսկ Google.com դոմեյնը գնվել է 1997 թվականի սեպտեմբերի 15-ին: Սակայն Google ընկերությունը ամեն տարի նշում է իր ծննդյան օրը սեպտեմբերի 27-ին: Այս տարի Google ընկերությունը տոնում է իր ծննդյան 19-ամյակը և այս կապակցությամբ ստեղծել է հերթական տոնական Դուդլը:


Այս Դուդլն ունի անիվի տեսք, որը հնարավոր է պտտել: Պտտվելուց հետո ընտրվում է 19 սեկտորներից մեկը, որն իրենից ներկայացնում է Google-ի Դուդլներից կամ հնարքներից մեկը:
Google-ի որոնման արդյունքներում կարող եք խաղալ հայտնի Snake խաղը

Google-ի որոնման արդյունքներում կարող եք խաղալ հայտնի Snake խաղը


Google ընկերությունն ունի բազմաթիվ թաքնված խաղեր ու էֆեկտներ, որոնք ցուցադրվում են հատուկ բառեր որոնելու դեպքում (օրինակ solitaire և tic-tac-toe խաղերի մասին կարող եք կարդալ այստեղ): Վերջերս Google-ի որոնման արդյունքներում ավելացել է նաև հայտնի Snake խաղը, որը տեսնելու համար բավական է որոնել Snake բառը:

Youtube-ի որոնման արդյունքները ֆիլտրող հրամաններ

Youtube-ի որոնման արդյունքները ֆիլտրող հրամաններ


Հաճախ Youtube-ի որոնման արդյունքներում չեն ցուցադրվում այն վիդեոները, որոնք իրականում ուզում էիք տեսնել, կամ դրանք ցուցադրվում են որոնման արդյունքների ներքևի հատվածներում: Որոնման արդյունքներն ավելի արդյունավետ դարձնելու համար գոյություն ունեն ֆիլտրեր, որոնք տեսնելու համար պետք է ամեն անգամ բացել ֆիլտրերի բաժինը և ընտրել դրանք:

Պարզվում է, որ որոնման ֆիլտրերը կարելի է կիրառել նաև անմիջապես որոնման դաշտի մեջ: Այս դեպքում որոնման և ֆիլտրելու գործընթացը կդառնա ավելի արդյունավետ և արագ: Ֆիլտրերը գրելու համար պետք է որոնվող արտահայտության վերջում դնել ստորակետ և գրել անհրաժեշտ բառը: Եկեք տեսնենք, թե ինչ տեքստային ֆիլտրեր կարող ենք գրել`

Apple, channel - ցուցադրվում են կանալները:

concert, show - ցուցադրվում են ուղիղ եթերները:

Bruce Lee, movie - ցուցադրվում են ֆիլմերը:

Tata Simonyan, playlist - ցուցադրվում են փլեյլիսթերը:

Titanic, short - ցուցադրվում են 4ր.ից կարճ վիդեոները:

Titanic, long - ցուցադրվում են 20ր.ից երկար վիդեոները:

Yerevan, 3d- ցուցադրվում են 3d վիդեոները:

concert, live - ցուցադրվում են ուղիղ եթերները:

Yerevan, 360 - ցուցադրվում են 360° վիդեոները:

Yerevan, HD - ցուցադրվում են HD վիդեոները:

Yerevan, 4K - ցուցադրվում են 4K վիդեոները:

Armenia, hour - ցուցադրվում են 1 ժամ առաջ տեղադրված վիդեոները: Կարող եք նաև օգտագործել today (օր), week (շաբաթ), month (ամիս) և year (տարի) բառերը:

Տղամարդիկ, cc - ցուցադրվում են ենթատեքստ պարունակող վիդեոները:

allintitle:"Հայաստան ջան" - ցուցադրվում են այն վիդեոները, որոնց վերնագրերը պարունակում են որոնվող բոլոր բառերը:

+iPhone -Samsung - ցուցադրվում են այն վիդեոները, որոնց մեջ առկա են գումարման + նշանին հաջորդող բառերը, և բացակայում են - նշանին հաջորդող բառերը:

Yerevan, hd, year, long - Կարող եք նաև միաժամանակ գրել որոշ ֆիլտրեր: Այս օրինակի դեպքում կցուցադրվեն Yerevan-ի հետ կապված բոլոր այն HD վիդեոները, որոնք տեղադրվել են վերջին մեկ տարում և երկար են 20ր.-ից:
staff.am կարիերայի հարթակը DigiTec Expo 2017-ում կներկայացնի staff.am Trainings-ը

staff.am կարիերայի հարթակը DigiTec Expo 2017-ում կներկայացնի staff.am Trainings-ը


staff.am կարիերայի հարթակը սեպտեմբերի 30-ին DigiTec Expo 2017 շրջանակներում կներկայացնի staff.am Trainings-ի նորագույն ՏՏ գործիքակազմը։ Ներկայացումը տեղի կունենա ժամը 15:30, էքսպոկենտրոնի 3-րդ հարկում։ Պրեզենտացիան կտևի 30 րոպե:

Պրեզենտացիայի ժամանակ՝

•Ներկայացվելու է ամենևին վերջերս անցկացրած և դեռևս չհրապարակված, ՀՀ աշխատաշուկայի վերաբերյալ մեծ հետազոտությունից հատվածներ, որտեղ կխոսենք ամենապահանջված աշխատանքների և մասնագիտությունների մասին.

•Ներկայացվելու է գործատուների կողմից ամենապահանջված մասնագիտական հմտությունները.

•Խոսվելու է այն մասին, թե ինչպես staff.am Trainings-ը կարող է նպաստել կարիերայի աճին և օգնել ցանկալի աշխատանք գտնելու հարցում.

•Ներկայացվելու է հմտությունների հաստատման (վերիֆիկացայի) մեր ինովատիվ հարթակը, որը լիովին նոր մոտեցում է ապահովելու գործատուներին Ձեր օնլայն CV-ին դիտարկելիս:



staff.am Trainings-ի մասին
staff.am Trainings-ը նոր է թողարկվել և այն կազմում է staff.am կարիերայի հարթակի բաղադրիչ մասը: Մասնագիտական թրեյնինգների այս նոր հարթակի նպատակն է օգնել աշխատանք փնտրողներին լրացնել մասնագիտական գիտելիքների բացը, զարգացնել կարիերան և/կամ գտնել ցանկալի աշխատանք: staff.am Trainings-ի հետ միասին ներկայացվում է նաև մասնագիտական հմտությունների հաստատման (verification) նոր համակարգ, որի միջոցով անհատները կարող են staff.am իրենց օնլայն CV-ում արտացոլել տեղեկատվություն ինչպես մասնագիտական հմտությունների այնպես էլ մասնակցած թրեյնինգների վերաբերյալ, իսկ այդ տեղեկատվությունը կհաստատվի (կվերիֆիկացվի) staff.am-ի կողմից: Այսինքն, գործատուն ստանում է գործիք, որի միջոցով կարողանում է հաստատել անհատի մասնագիտական կարողությունները։
Ինչ վերաբերվում է լեզուների, մասնավորապես անգլերենի իմացության ստուգմանը, ապա staff.am-ը միակ կազմակերպությունն է Հայաստանում, որը համագործակցում է Հայաստանում Բրիտանական Խորհրդի հետ Aptis English Testing-ի շրջանակներում, անհատների անգլերենի իմացության ստուգման, արդյունքների հաստատման և դրանք օնլայն CV-ում արտացոլելու գործում:


staff.am Trainings հարթակի առանձնահատկությունները
•Առաջին անգամ Հայաստանում առկա աշխատանքներին համապտասխան մասնագիտական բոլոր թրեյնինգները մեկ վայրում

•Թրեյնինգները մատուցվում են ինչպես տեղական լավագույն ընկերությունների, այնպես էլ միջազգային մեծ տարածում գտած օնլաjն հարթակների կողմից (Udemy, Coursera, eDX եւ այլն):

•Օնլայն թրեյնինգներն ընտրվում են մեր մասնագետների կողմից ըստ հայկական աշխատաշուկայում առկա մասնագիտական հմտությունների և տեխնոլոգիաների իմացության պահանջարկի:

•Հարթակում առկա են ինչպես վճարովի այնպես էլ անվճար թրեյնինգներ:

•Թրեյնինգի մասնակիցները կարող են նաև հաստատել (վերիֆիկացնել) այն հմտությունները, որոնք նրանք ձեռք են բերել թրեյնինգի ընթացքում, և արտացոլել այդ արդյունքները staff.am-ում առկա իրենց օնլայն CV-ում:

•Գիտելիքների վերիֆիկացիան տարածվում է նաև անգլերեն լեզվի իմացության վրա, մասնավորապես Բրիտանական Խորհրդի կողմից անցկացվող Aptis English Testing-ի համար անհատները կարող են գրանցվել միայն staff.am-ի միջոցով, քանի որ staff.am-ը համագործակցում է Հայաստանում Բրիտանական Խորհրդի հետ Aptis թեսթերի կազմակերպման գործընթացում:

•Staff.am Trainings-ը բավականին ակտիվ է նաև սոցիալական մեդիաներում և առկա թրեյնինգներին անհատները կարող են տեղեկանալ նաև սոցցանցերից:

•Հարթակը հնարավորություն է տալիս նաև ստեղծել ծանուցումներ, որի միջոցով անհատները կարող են անմիջապես տեղեկանալ, երբ հետաքրքրող ոլորտում նոր թրեյնինգ է առկա:


Staff.am-ի մասին

Staff.am-ն ամենաարագ զարգացող կարիերայի հարթակն է Հայաստանում, որը տրամադրում է ինովացիոն գործիքներ աշխատանք և աշխատակցներ փնտրելու համար: Հարթակն իր գործունեության կարճ ժամանակահատվածում գրավել է առաջատար դիրք հայկական աշխատաշուկայում՝ առաջարկելով համապարփակ փաթեթներ գործատուներին, խելացի գործիքներ օնլայն դիմումների ստացման և կառավարման համար, սոցիալական մեդիաների լիարժեք ինտեգրում և գործատուի բրենդինգի առաջխաղացում: staff.am-ը հայկական շուկայում առաջին անգամ ներկայացրել է աշխատանքի փնտրման iOS և Android հավելվածներ: Հարթակը բոլորովին վերջերս համալրվել է նաև StaffSearch Engine թեկնածուների որոնման խելացի համակարգով, որի օգնությամբ HR մասնագետները կխնայեն ժամանակ և գումար: Staff.am-ի միջոցով անհատները կարող են ծանոթանալ նաև մասնագիտական թրեյնինգներին, որոնք մատուցվում են լավագույն հայկական ընկերությունների և միջազգային ճանաչում գտած օնլայն հարթակների կողմից: Staff.am-ը մշակել է համակարգ, որի միջոցով անհատները կարող են գնահատել և հաստատել իրենց մասնագիտական հմտությունները և արտացոլել արդյունքներն իրենց օնլայն CV-ում:
Հայկական Ktav հավելվածով կարող եք ցանկացած լուսանկար վերածել գեղանկարի

Հայկական Ktav հավելվածով կարող եք ցանկացած լուսանկար վերածել գեղանկարի



Հայկական LENZ ընկերությունը ստեղծել է Ktav կոչվող հավելված, որը թույլ է տալիս վայրկյանների ընթացքում ցանկացած լուսանկար վերածել հայ հայտնի նկարիչների ոճերով պատկերված գեղանկարների: Անհրաժեշտ է ընդամենը ընտրել լուսանկարը և ոճը: 


Տվյալ պահին հավելվածում առկա են հետևյալ նկարիչների ոճերը՝
  • Մարտիրոս Սարյան
  • Ժան Գարզուն
  • Արշիլ Գորկի
  • Հակոբ Հակոբյան
  • Վրույր Գալստյան
  • Մինաս Ավետիսյան

Call of Duty WWII խաղի թրեյլերը

Call of Duty WWII խաղի թրեյլերը

Android համակարգի Gboard հավելվածում ավելացել է անգլերեն ստեղնաշարով հայատառ գրելու հնարավորութոյւն

Android համակարգի Gboard հավելվածում ավելացել է անգլերեն ստեղնաշարով հայատառ գրելու հնարավորութոյւն


Android համակարգի համար գոյություն ունի  Gboard  հավելված, որը ստեղծվել է Google-ի կողմից: Հավելվածը տեղադրելուց հետո կարող եք Ձեր Անդրոիդի հիմնական ստեղնաշարը փոխարինել Gboard-ով և օգտվել այս ստեղնաշարի մի շարք առավելություններից: 



Gboard-ի վերջին թարմացման մեջ ավելացել է նաև հայերենի համար մի օգտակար գործառույթ (տեղեկացրեց Արթուր Տեր-Գրիգորյանը): Այսուհետ հնարավորություն կլինի Gboard -ի անգլերեն ստեղնաշարի վրա գրել հայատառ: Այսինքն, օգտատերերը սեղմելու են անգլերեն տառեր, իսկ էկրանին հայտնվելու են հայերեն տառերը:



Հայերենի փոխակերպման նոր ֆունկցիայից օգտվելու համար պետք է նախևառաջ տեղադրեք Gboard հավելվածը և լեզուների ցանկից ընտրեք Armenian (abc ➡ հայերեն):

FIFA 18 խաղի demo տարբերակն անվճար հասանելի է PC, Playstation և XBox պլատֆորմերի համար

FIFA 18 խաղի demo տարբերակն անվճար հասանելի է PC, Playstation և XBox պլատֆորմերի համար


EA Games-ը թողարկել է FIFA 18 խաղի դեմո տարբերակը: Այն հասանելի է PC, Playstation և XBox պլատֆորմերի համար: Խաղի դեմո տարբերակը կարող եք անվճար ներբեռնել նշված պլատֆորմերի խանութներից (PlayStation Store, Microsoft Store և Origin):



FIFA 18 խաղի դեմո տարբերակում առկա են 12 ակումբներ, 4 մարզադաշտեր և Ալեքս Հանթերի պատմության երկրորդ մասից մի հատված:



Հասանելի ակումբներ

Manchester United 
Manchester City 
REAL Madrid CF 
Atlético de Madrid 
Juventus F.C. 
FC Bayern Munich 
Paris Saint-Germain F.C. 
LA Galaxy 
Toronto FC 
Boca Juniors 
C.D. Guadalajara 
Vissel Kobe

Մարզադաշտեր
Santiago Bernabéu 
La Bombonera 
StubHub Center 
King Fahd Stadium



FIFA 18 խաղի վերջնական տարբերակը հասանելի է լինելու սեպտեմբերի 29-ին երեք տարբերակներով՝ Standard, Ronaldo և Icon:


Ինչպես ներբեռնել PC-ի համար

1.Ներբեռնեք և տեղադրեք Origin ծրագիրը:

2.Գրանցվեք Origin-ում կամ մուտք գործեք նախկինում գրանցված պրոֆիլը:

3.Origin ծրագում որոնեք FIFA 18 խաղը և ներբեռնեք:



Apple-ը ներկայացրեց iPhone 8, 8 Plus և X սմարթֆոնները

Apple-ը ներկայացրեց iPhone 8, 8 Plus և X սմարթֆոնները


Steve Jobs-ի անունը կրող շենքում Apple ընկերությունը անցկացրեց հերթական միջոցառումը, որի ընթացքում ներկայացվեցին Apple-ի վերջին նորույթները: Apple Watch ու AppleTV սարքերից հետո ներկայացվեցին iPhone 8, iPhone 8 Plus և iPhone X (10) մոդելները: Այսպիսով, iPhone 8 և iPhone 8 Plus սմարթֆոններն արտաքնապես գրեթե չեն տարբերվում նախորդ սերնդի մոդելներից: Սմարթֆոնների ալյումինե պատյանը ետնամասում պատված է ապակիով: Սմարթֆոնները պաշտպանված են ջրից և փոշուց: 

Նոր սմարթֆոններում օգտագործվում են 4,7 և 5,5 դույմանոց True Tone էկրաններ: Սմարթֆոններն աշխատում են 6 միջուկանի 64 բիթանց A11 Bionic պրոցեսորով: Նոր iPhone-ների վրա տեղադրվել է սեփական արտադրության գրաֆիկական պրոցեսոր (GPU):



iPhone 8 և iPhone 8 Plus սարքերի տեսախցիկները նույնպես թարմացվել են: Երկու հեռախոսներն էլ ունեն լուսանկարի ստաբիլիզացման օպտիկական համակարգ: iPhone 8 Plus-ը ետնամասում ունի նաև կրկնակի տեսախցիկ: Սմարթֆոնների հիմնական տեսախցիկները 12Մպ են, իսկ առջևինները՝ 7Մպ:

Սմարթֆոններում զգալի բարելավվել են տեսախցիկի հնարավորությունները, թարմացվել է դիմանկարների ռեժիմը: Հնարավորություն կա առանձնացնել հետևի ֆոնն ու դեմքը և ստանալ գեղեցիկ դիմանկարներ: Տեսախցիկներն այժմ կարող են նկարել 60fps 4K կամ 240fps Full HD ռեժիմներով (slow motion):



iPhone 8 և iPhone 8 Plus սարքերն ադապտացված են նաև Augmented Reality (AR) տեխնոլոգիայի համար: iPhone 8 և iPhone 8 Plus սարքերում վերջապես հայտնվել է անլար լիցքավորման տեխնոլոգիան:
Apple iPhone 8 և iPhone 8 Plus սմարթֆոնները հասանելի կլինեն 64Գբ և 256Գբ տարբերակներով: iPhone 8-ի գինը սկսվում է $699-ից, իսկ iPhone 8 Plus-ինը՝ $799: Նախնական պատվերները ընդունվելու են ս.թ. սեպտեմբերի 15-ից, իսկ առաքումն ու վաճառքը՝ սեպտեմբերի 22-ից: Սարքերն աշխատելու են iOS 11 օպերացիոն համակարգով, որը հասանելի է լինելու ս.թ. սեպտեմբերի 19-ից:



One more thing...
Ահա այս խոսքերից հետո Apple-ը ներկայացրեց ևս մեկ սմարթֆոն, որը կոչվում է iPhone X (10): Այս մոդելի վրա չկա ավանդական Home կոճակը և Touch ID սենսորը, ինչի շնորհիվ էկրանը զբաղեցնում է առաջնային մասի գրեթե ողջ մակերեսը:



iPhone X-ը նույնպես պատված է ապակիով: Այս մոդելը նույնպես ունի ջրի և փոշու պաշտպանություն:


iPhone X-ն ունի 5,8 դույմանոց OLED Super Retina Display էկրան՝ 2436x1125 թողունակությամբ: iPhone X սմարթֆոնը ետնամասում ունի 12Մպ երկու տեսախցիկ, իսկ առաջնային մասում՝ 7Մպ:

iPhone X-ը նույնպես հնարավոր կլինի լիցքավորել անլար տեխնոլոգիայով: Apple-ը ներկայացրեց նաև AirPower անլար լիցքավորման սարքը, որի շնորհիվ հնարավոր կլինի միանգամից լիցքավորել մի քանի սարքեր:


Ինչպես արդեն նշեցի, iPhone X-ի վրա բացակայում է Home կոճակը: Այդ կոճակի փոխարեն ավելացել են հատուկ ժեստեր էկրանի վրա, որոնց շնորհիվ հնարավոր է կառավարել սմարթֆոնը: Իսկ ահա Touch ID-ին փոխարինելու է գալիս Face ID սենսորը, որը հատուկ սենսորների օգնությամբ սկանավորելու է օգտատիրոջ դեմքը և նույնականացնելու է նրան Apple Pay-ից օգտվելու կամ պարզապես սմարթֆոնը ապաարգելափակելու համար: 


Face ID-ն ճանաչելու է օգտատիրոջը նաև ակնոցներով, փոխված սանրվածքով և մութ լուսավորության դեպքում: Apple-ը հավաստիացնում է, որ Face ID-ին հնարավոր չի խաբել օգտատիրոջ լուսանկարը ցուցադրելով:


iPhone X սմարթֆոններում հնարավորություն կա ստեղծել և ուղարկել անիմացիոն 3D էմոջիներ, որոնք կրկնելու են օգտատիրոջ դեմքի շարժումները:


iPhone X-ը հասանելի կլինի 64Մբ և 256Մբ տարբերակներով: Նոր սմարթֆոնի պատվերները կընդունվեն հոկտեմբերի 27-ից, իսկ վաճառքը կմեկնարկի նոյեմբերի 3-ից: Սմարթֆոնի գինը կսկվի $999-ից:

Apple-ը ներկայացրեց Watch Series 3-ը

Apple-ը ներկայացրեց Watch Series 3-ը


Steve Jobs-ի անունը կրող շենքում Apple ընկերությունը անցկացրեց հերթական միջոցառումը, որի ընթացքում ներկայացվեցին Apple-ի վերջին նորույթները: Միջոցառման սկզվում ցուցադրվեցին նոր սերնդի Apple Watch Series 3 խելացի ժամաույցները: Նախևառաջ նշվեց, որ Apple Watch-ը դարձել է աշխարհի ամենահայտնի ժամացույցը՝ առաջ անցնելով Rolex, Fossil, Omega, Cartier և այլ հայտնի ապրանքանիշերից:



Նոր Apple Watch-ում տեղադրված WatchOS 4 օպերացիոն համակարգում բարելավվել է Heart Rate գործառույթը: Այն այսուհետ մշտապես էկրանին ցուցադրելու է սրտի աշխատանքը և խնդիրների դեպքում տեղեկացնելու է օգտատիրոջը:Ավելացել է նաև նոր Heart Study ծրագիրը, որը բոլոր օգտատերերից հավաքագրելու է սրտի աշխատանքի տվյալները՝ սրտի հետ կապված խնդիրներըն ուսումնասիրելու համար:


Նոր Apple Watch-ն արտաքնապես չի տարբերվում նախորդ սերնդի ժամացույցներից: Ժամացույցները թողարկվելու են երեք երանգներով: Հասանելի են լինելու նաև բազմատեսակ ժապավեններ:


Նոր Apple Watch-երի գլխավոր առանձնահատկությունն այն է, որ այն ունենալու է Sim քարտ: Այսինքն հնարավոր կլինի առանց հեռախոսի զանգեր կատարել և օգտվել ինտերնետից: Sim քարտը նախօրոք տեղադրվելու է սարքերի մեջ և աշխատելու է ոչ բոլոր երկրներում: Նշեմ նաև, որ Sim քարտի համարը լինելու է նույն համարը, ինչ iPhone հեռախոսինը: Sim քարտի առկայությունը թույլ է տալիս նաև միանալ iTunes-ին և լսել օնլայն երգեր:



Apple Watch Series 3-ի նախնական պատվերները սկսվելու են սեպտեմբերի 15-ից, իսկ վաճառքը սկսվելու է սեպտեմբերի 22-ից: Նոր Apple Watch-ի LTE տարբերակի գինը սկսվելու է 399$-ից: Առանց LTE տարբերակի գինը սկսվելու է 329$-ից, իսկ Apple Watch Series 1-ի գինը՝ 249$-ից: Նշեմ նաև, որ վաճառքից հանվելու է Apple Watch Series 2 տարբերակը:
Ինչպես գրանցվել TaoBao կայքում, լրացնել Globbing-ի հասցեն և արագ ստանալ պատվերը

Ինչպես գրանցվել TaoBao կայքում, լրացնել Globbing-ի հասցեն և արագ ստանալ պատվերը



Ինչպես գիտեք, պատվերների առաքման հայկական Globbing ծառայության հասցեների ցանկում վերջերս ավելացել է Չինաստանի հասցե: Սա նշանակում է, որ կարող եք պատվերներ կատարել չինական կայքերից և կարճ ժամանակահատվածում ստանալ պատվերը: Դրա համար անհրաժեշտ է գրանցվել Գլոբբինգում, այնուհետև օնլայն խանութներում գրել Գլոբբինգի կողմից տրամադրված Չինաստանի հասցեն: