Բարձրանալ վերև
Փնտրվում է...

Այսօր Odnoklassniki կայքը դարձավ 7 տարեկան: Պատմական և վիճակագրական տվյալներ



Ռուսական հայտնի Odnoklassniki..ru սոցիալական կայքն այսօր դարձավ 7 տարեկան: 2002թ. բրիտանական i-CD Publishing ընկերությունում աշխատող ռուս ծրագրավորող Ալբերտ Պոպկովը գրանցեց համանուն դոմեյնը, իսկ 4 տարի անց համացանցում հայտնվեց այդ սոցիալական կայքը: 2007թ. սեպտեմբերին Պոպկովը վաճառեց պրոյեկտի 30%-ը լատվիական Forticom ընկերությանը: Մեկնարկից 9 ամիս անց սոցիալական կայքն արդեն ուներ մոտ կես միլիոն գրանցված օգտատերեր: 2008թ. ամռանը կայքում գրանցված էին 20 միլիոն օգտատերեր, իսկ 2009թ. փետրվարին գրանցված օգտատերերի թիվը հատեց 30 միլիոնի սահմանը: 2008թ. սեպտեմբերին կայքը վաճառվեց Mail.ru ընկերությանը, իսկ հիմնադիր Ալբերտ Պոպկովը հեռացավ գլխավոր տնօրենի պաշտոնից: Այժմ այդ կայքի օրական այցելուների թիվը 40 միլիոն է, որից մոտ 770.000-ը Հայաստանից են:

Odnoklassniki.ru կայքը ստացել է նաև մի շարք մրցանակներ և մի քանի անգամ ճանաչվել է Ռունետի լավագույն կայք, սակայն Ռուսաստանում և մի շարք ԱՊՀ երկրներում այս կայքը չի հանդիսանում առաջատար սոցիալական կայք: Ռուսաստանում ավելի շատ օգտվում են Vkontakte սոցիալական ցանցից, իսկ Հայաստանում Facebook-ից: Odnoklassniki.ru կայքում այժմ գրանցված են ավելի քան 205 միլիոն օգտատերեր: Հիշեցնեմ, որ Ֆեյսբուքում գրանցված են մեկ միլիարդից ավել օգտատերեր:

Հավանեցի՞ր, դե տեղեկացրու ընկերներիդ`

Comments
1 Comments

1 մեկնաբ.:

  1. Հայաստանից Ֆեյսբուքում այս պահի դրությամբ գրանցված են 415,100 մարդ, սակայն չկան տվյալներ, թե գրանցվածներից քանիսն են ամեն օր օգտվում Ֆեյսբուք կայքից:
    Իսկ Օդնոկլասսնիկին Հայաստանից ունի օրեկան 700,000 այցելություն, և չկան տվյալներ, թե քանի գրանցված հաշիվներ /ամեն դեպքում 700,000-ից ավել/:
    Հետևաբար, ինչքան էլ որ դժվար լինի ընդունել, այնուամենայնիվ Օդնոկլասսնիկին ամենամասսայականություն վայելող սոցիալական կայքն է Հայաստանում :)

    ReplyDelete