Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Ամազոնը ցուցադրեց Astro ռոբոտ օգնականին, որը հսկում է տունը և կատարում հրամաններ

Ամազոնը ցուցադրեց Astro ռոբոտ օգնականին, որը հսկում է տունը և կատարում հրամաններ

Amazon ընկերությունը անցկացրեց իր ամենամյա աշնանային ցուցադրությունը, ինչի ժամանակ ներկայացվեցին մի շարք նոր սարքեր, որոնցից ամենահետաքրքիրը երևի թե նոր Astro ռոբոտ օգնականն է:

Astro ռոբոտը նախատեսված է տնային պայմաններում մարդկանց օգնելու համար:  Այն կարողանում է նվագարկել երաժշտություն, ցուցադրել եղանակը և այլ ինֆորմացիա և պատասխանել հարցերին ինչպես Alexa-ով աշխատող ցանկացած սարք: 

Ռոբոտի վրա տեղադրված է 12 դյույմանոց էկրան, ինչը հանդիսանում է ռոբոտի «դեմքը»: Այդ էկրանի վրա ռոբոտը ցուցադրում է իր էմոցիաները: 

Վիդեոզանգերի ընթացքում ռոբոտը հետևում է մարդուն և նրան պահում կադրի մեջ: Ռոբոտին հնարավոր է կառավարել նաև հեռակա (օրինակ տանից բացակայելու դեպքում ստուգել տունը): Ռոբոտի վրա կա նաև փոքր բեռնախցիկ, ինչի միջոցով ռոբոտը կարողանում է մարդկանց ապրանքներ առաքել: 

Astro ռոբոտը կարողանում է սկանավորել և ճանաչել ընտանիքի անդամներին: Այսինքն կարելի է խնդրել ռոբոտին, որպեսզի ինչ-որ ապրանք առաքի կոնկրետ մարդու:

Ռոբոտի վրա առկա է USB-C բնիկ, ինչով կարելի է լիցքավորել սմարթֆոնը կամ միացնել այլ ակսեսուարներ: Ռոբոտի լիցքավորումը տևում է 45 րոպե:

Ժամանակակից ռոբոտ փոշեկուլների նման Astro ռոբոտը գծում է տան հատակագիծը և հետագայում հեշտ կողմնորոշվում տան մեջ: Օրինակ կարելի է ուղարկել ինչ-որ սենյակ կամ արգելել ռոբոտին մտնել «գաղտնի» սենյակներ: Ռոբոտի վրա տեղադրված սկաներների ու տեսախցիկների շնորհիվ ռոբոտը կարողանում է հաղթահարել խոչընդոտները և գտնել լիցքավորման սարքը:

Astro ռոբոտն ունի նաև շարժական տեսախցիկ, որը բարձրանում է մոտ մեկ մետր: Այդ տեսախցիկով ռոբոտը օրինակ կարող է տեսնել այնպիսի տարածքներ, որոնք չեն երևում սովորական տեսախցիկով:

Astro ռոբոտին հնարավոր է սինխրոնիզացնել Ring անվտանգության համակարգի հետ և ռոբոտը կարող է ինքնուրույն հսկել տունը: Astro Alexa Guard համակարգն ավտոմատ հայտնաբերում է ջարդվող ապակու ձայնը կամ տարբեր անվտանգության սենսորներից էկող ազդանշանները: Վտանգ հայտնաբերելու դեպքում սմարթֆոնի վրա ծանուցում է գալիս և օգտատերը ուղիղ միացմամբ կարող է տեսնել առկա խնդիրը:

Amazon Astro ռոբոտն արժի 1449 դոլար, սակայն Day 1 Editions ակցիայի շրջանակներում այն վաճառվելու է 999 դոլարով, որը ներառում է նաև Ring Protect Pro ծառայության 6 ամսվա բաժանորդագրություն: Ակցիային միանալու համար պետք է այցելել այս հասցեն:

Apple-ի երեկվա պրեզենտացիայի ընթացքում ցուցադրված գեղեցիկ գովազդները

Apple-ի երեկվա պրեզենտացիայի ընթացքում ցուցադրված գեղեցիկ գովազդները








Ուղիղ միացում: Apple-ը ներկայացնում է iPhone 13-ն ու այլ նորույթներ

Ուղիղ միացում: Apple-ը ներկայացնում է iPhone 13-ն ու այլ նորույթներ

Epic Games-ում անվճար են Nioh և Sheltered խաղերը

Epic Games-ում անվճար են Nioh և Sheltered խաղերը

Epic Games-ը շարունակում է հետաքրքիր ու գեղեցիկ խաղեր նվիրել օգտատերերին: Այս շաբաթվա ընթացքում կարող եք Epic Games-ից անվճար վերցնել Nioh և Sheltered խաղերը, որոնք Ձեր գրադարանում ավելացնելուց հետո կարող եք անվերջ խաղալ:

Motorola-ն ցուցադրեց նոր տեխնոլոգիա, որը օդով միաժամանակ լիցքավորում է 4 սարքեր

Motorola-ն ցուցադրեց նոր տեխնոլոգիա, որը օդով միաժամանակ լիցքավորում է 4 սարքեր

2021թ. հունվարին Motorola ընկերությունը ցուցադրեց տարածության մեջ անլար լիցքավորման իր նոր տեխնոլոգիան: Այժմ արդեն Motorola-ն ներկայացրեց այդ տեխնոլոգիայի բարելավված տարբերակը, որն ստացել է  Space Charging անվանումը: Նշվում է, որ այս տեխնոլոգիան թույլ է տալիս միաժամանակ լիցքավորել մինչև 3 մետր հեռավորության վրա գտնվող 4 սարք: Լիցքավորումը տարածվում է 100 աստիճան անկյունով:

Լիցքավորող սարքն ունի 1600 անտենա, որոնցից դուրս էկող ազդանշանը կարող է անցնել թղթի կամ այլ նմանատիպ արգելքների միջով: Լիցքավորումը դադարում է, երբ մարդ է կանգնում լիցքավորող և լիցքավորվող սարքերի միջև: Այս տեխնոլոգիայով լիցքավորման հզորությունը 5Վտ է, ինչը կարող է քիչ լինել ժամանակակից սմարթֆոնների համար, սակայն այլ խելացի սարքերի համար բավական է (օր. սմարթ ժամացույց կամ անլար ականջակալ):

Space Charging տեխնոլոգիան գրեթե պատրաստ է շուկա դուրս գալու համար, սակայն կոնկրետ ժամկետներ չեն նշվում: Հիշեցնեմ, որ նմանատիպ տեխնոլոգիա ունի նաև Xiaomi ընկերությունը, որը կոչվում է Mi Air Charge:

Facebook-ն ու Ray-Ban-ը ներկայացրեցին նոր սմարթ ակնոցներ, որոնց վրա կան տեսախցիկներ

Facebook-ն ու Ray-Ban-ը ներկայացրեցին նոր սմարթ ակնոցներ, որոնց վրա կան տեսախցիկներ

Facebook-ն ու Ray-Ban-ը ներկայացրեցին նոր սմարթ ակնոցներ, որոնք վաճառվելու են 299 դոլարով: Այս ակնոցների վրա տեղադրված են երկու հատ 5ՄՊ տեսախցիկներ, որոնցով հնարավոր է լուսանկարել կամ վիդեոներ ձայնագրել: Ակնոցների լուսանկարները սինխրոնիզացվում են Ֆեյսբուքի նոր Facebook View բջջային հավելվածի հետ, որտեղ հնարավոր է մշակել նկարներն ու վիդեոները և ցանկության դեպքում տարածել սոցիալական ցանցերում (ոչ միայն Ֆեյսբուքում): 

Ակնոցների վրա տեղադրված է ֆիզիկական կոճակ, սակայն հնարավոր է նաև կառավարել ձայնի միջոցով (օր. Hey Facebook, take a video ասելով կմիանա վիդեո ձայնագրությունը): Ակնոցների վրա տեղադրված է նաև դինամիկ և միկրոֆոն, ինչը թույլ է տալիս Bluetooth-ով պատասխանել հեռախոսազանգերին: 

Ակնոցների կողքի հատվածում տեղադրված է սոնսորային վահանակ, որի միջոցով հնարավոր է կառավարել ձայնի բարձրությունը կամ դադարեցնել երաժշտության նվագարկումը:

Ակնոցների վրա տեղադրված են նաև ընթացիկ ստատուսը ցուցադրող լույսեր (մարտկոցի կարգավիճակը, ձայնագրման կարգավիճակը և այլն): Մեկ ամբողջական լիցքավորումը տևում է մոտ մեկ ժամ, որը բավականացնում է 5 ժամ ինտենսիվ աշխատանքի համար: Ակնոցները լիցքավորվում են նաև պատյանի մեջ դրված:

«Яндекс»-ն արդեն սինխրոն ձայնով թարգմանում է YouTube, Facebook և այլ կայքերում տեղադրված ցանկացած անգլերեն վիդեո

«Яндекс»-ն արդեն սինխրոն ձայնով թարգմանում է YouTube, Facebook և այլ կայքերում տեղադրված ցանկացած անգլերեն վիդեո

Բլոգի նախորդ գրառումներից մեկում անդրադարձել էի Yandex-ի նոր տեխնոլոգիային, որով հնարավոր է սինխրոն ձայնով թարգմանել անգլերեն վիդեոները ռուսերենի: Այն ժամանակ այս տեխնոլոգիան աշխատում էր միայն YouTube-ի հատուկ փլեյլիստի վրա: Այժմ արդեն Yandex-ը հասանելի է դարձրել այս տեխնոլոգիան բոլոր վիդեոների համար: 

Այս տեխնոլոգիան ավտոմատ ճանաչում է վիդեոյում խոսացողի սեռը (չնայած մեր օրերում դա այդքան էլ հեշտ գործ չի 😊) և սինխրոն թարգմանության ձայնը համապատասխանեցնում է ըստ սեռի: Տեխնոլոգիան նաև սինխրոնիզացնում է թարգմանված ձայնը տեսահոլովակի հետ (դադարներ, արագություն և այլն):

Այս տեխնոլոգիան աշխատում է Windows, macOS, Linux և Android համակարգերի «Яндекс.Браузер» ծրագրում և iOS-ի կամ Android-ի «Яндекс» հավելվածում:  Այս պահին հնարավոր է թարմանել YouTube, Vimeo, TikTok, Twitter, Facebook և «ВКонтакте» կայքերի վիդեոները: Ցավոք որոշ կայքերում այս տեխնոլոգիան դեռևս չի աշխատում (օր. Netflix): 


Ստեղծվել է էլեկտրական  ռոբոտ ձի, որին հնարավոր է հեծնել

Ստեղծվել է էլեկտրական ռոբոտ ձի, որին հնարավոր է հեծնել

Չինական Xpeng Motors ընկերությունը արտադրել է ռոբոտ ձի, որին հնարավոր է հեծնել: Ընկերությունը նշում է, որ սա առաջին նմանատիպ ռոբոտն է: Գովազդային նյութերից երևում է, որ այս ռոբոտը նախատեսված է նախևառաջ երեխաների համար:

Ռոբոտը կարողանում է արտահայտել էմոցիաներ, ինչպես նաև արձագանքում է հպումներին և ձայնային հրամաններին: 

Ռոբոտը հագեցած է տեսախցիկներով և Lidar սենսորներով, ինչը թույլ է տալիս ավտոնոմ ռեժիմում տեղաշարժվել տարածության մեջ: 

Ռոբոտը կարող է նաև ավտոնոմ ռեժիմում առարկաներ տեղափոխել մեջքին տեղադրված հատուկ արկղի միջոցով: 

Մարտկոցը լիցքաթափվելուց հետո ռոբոտն ավտոմատ գնում է նստում է լիցքավորման կայանի վրա: 

Գնի և ժամկետների մասին առայժմ տեղեկություն չկա:

Mercedes-Benz VISION AVTR ավտոմեքենան հնարավոր է կառավարել մտքով

Mercedes-Benz VISION AVTR ավտոմեքենան հնարավոր է կառավարել մտքով

2020թ. հունվարին  Mercedes-Benz ընկերությունը ներկայացրեց VISION AVTR մեքենայի կոնցեպտը, որը ստեղծվել է ոգեշնչվելով Avatar ֆիլմից: 

IAA Mobility 2021 ցուցահանդեսի ժամանակ Mercedes-ը հայտնեց, որ մեքենան հնարավոր կլինի կառավարել BCI սարքով: Այս սարքը նախատեսված է մարդու միտքը մեքենայի համակարգի հետ կապելու համար: Սարքը տեղադրվում է վարորդի ծոծրակին և մոտ մեկ րոպե կատարվում է սինխրոնիզացում: 

Կապը հաստատելուց հետո մեքենայի համակարգը կարողանում է կարդալ վարորդի ուղեղի ակտիվությունը և կատարել գործողություններ, որոնց վրա մտովի կենտրոնանում է վարորդը:

Օրինակ այս սարքով վարորդը կարող եք կառավարել մեքենայի մուլտիմեդիան, GPS-ով գծել մարշրուտը կամ ընտրել մեքենայի կայանման վայրը: Այս ամենը հնարավոր է անել առանց հպման և ձայնային հրամանների: 

Այս սարքը ապագայում կարող է հատկապես օգնել սահմանափակ հնարավորություններով վարորդներին:

Mercedes-Benz VISION AVTR ավտոմեքենան  ունի ֆուտուրիստական դիզայն և կազմված է վերամշակված նյութերից: Մեքենայի սրահի կաշին արհեստական է: Մեքենան ունի 350 ԿՎտ հզորությամբ էլեկտրական շարժիչ: Մեկ լիցքավորումով մեքենան գնում է 700 կմ:

Ցուցադրվեց «Մատրիցա 4» ֆիլմի թրեյլերը

Ցուցադրվեց «Մատրիցա 4» ֆիլմի թրեյլերը

Ինչպես Windows 10-ում կամ 11-ում տեղադրել օրվա ժամից կախված դինամիկ էկրանի նկարներ

Ինչպես Windows 10-ում կամ 11-ում տեղադրել օրվա ժամից կախված դինամիկ էկրանի նկարներ

Ինչպես գիտեք MacOs-ում կա մի գործառույթ, որը փոխում է էկրանի լուսանկարը օրվա ժամից կախված: Ծրագրավորողներն այս գործառույթը ներդրել են Windows 10-ի կամ Windows 11-ի WinDynamicDesktop հավելվածի մեջ: Այս հավելվածն իր մեջ ունի նկարների մեծ գրադարան: 

Հնարավորություն կա նաև ինտերնետից ներբեռնել այլ դինամիկ լուսանկարներ և տեղադրել ծրագրի մեջ: 

Ծրագրի կարգավորումներում կարող եք ինքներդ նշել արևածագի և մայրամուտի ժամերը, կամ թույլ տալ, որպեսզի ծրագիրն ավտոմատ որոշի: Ծրագրի բաց կոդը տեղադրված է GitHub-ում: Նոր լուսանկարներ կարող եք ներբեռնել այստեղից: Դինամիկ լուսանկարներն հիմնականում անվճար են:

Epic Games-ն անվճար նվիրում է Yoku's Island Express գեղեցիկ խաղը

Epic Games-ն անվճար նվիրում է Yoku's Island Express գեղեցիկ խաղը

Epic Games-ը շարունակում է հետաքրքիր ու գեղեցիկ խաղեր նվիրել օգտատերերին: Այս շաբաթվա ընթացքում կարող եք Epic Games-ից անվճար վերցնել Yoku's Island Express խաղը, որը Ձեր գրադարանում ավելացնելուց հետո կարող եք անվերջ խաղալ:

Google-ի նոր տեխնոլոգիան թույլ է տալիս մեծացնել նկարները 16 անգամ և պահպանել որակը

Google-ի նոր տեխնոլոգիան թույլ է տալիս մեծացնել նկարները 16 անգամ և պահպանել որակը


Google ստեղծել է նոր տեխնոլոգիա, որով հնարավոր է մեծացնել լուսանկարի չափսը 16 անգամ և պահպանել որակը: Google-ն օգտագործում է երկու նոր ալգորիթմներ՝ SR3 և CDM: 


Առաջինի դեպքում փոքր չափսերով նկարի վրա «աղմուկ» ավելացնելով աստիճանաբար մեծանում է: Վերջում լուսանկարի վրայից ջնջվում է «աղմուկը»: 


Այս ալգորիթմն ավելի լավ աշխատում է դիմանկարները և բնության նկարները մեծացնելու դեպքում: Նշվում է, որ այս ալգորիթմի արդյունավետությունը զգալի շատ է մինչ այժմ գոյություն ունեցող PULSE և FSRGAN ալգորիթմներից:


Իսկ ահա երկրորդ ալգորիթմը հիմնված է մեքենայական ուսուցման հիման վրա: Այս ալգորիթմը «սովորել է» միլիոնավոր լուսանկարներ անալիզ անելով:


Առայժմ հայտնի չի, թե որտեղ է Google-ը նախատեսում կիրառել այս նոր տեխնոլոգիան: