Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
iRecorder Անդրոիդ հավելվածը միկրոֆոնով գաղտնի ձայնագրում է խոսակցությունը և ուղարկում իր սերվերներին

iRecorder Անդրոիդ հավելվածը միկրոֆոնով գաղտնի ձայնագրում է խոսակցությունը և ուղարկում իր սերվերներին

ESET ընկերությունը  պարզել է, որ Անդրոիդի համար նախատեսված iRecorder կոչվող հավելվածը միկրոֆոնի միջոցով գաղտնի ձայնագրում է խոսակցությունը: Google ընկերությունն արդեն ջնջել է iRecorder հավելվածը  Google Play-ից: Ձայնագրումից բացի այս հավելվածը նաև սմարթֆոնի մեջ առկա մուլտիմեդիա ֆայլերն ու փաստաթղթերը ուղարկում էր իր սերվերներին: Google Play-ից ջնջելուց առաջ այս հավելվածն ուներ 50 000 ներբեռնում: Նշեմ, որ Google Play-ից ջնջելուց հետո օգտատերերը կարող են շարունակել օգտվել արդեն ներբեռնված այս հավելվածից և շարունակել խոցելի մնալ:

NVIDIA-ի նոր տեխնոլոգիան թույլ է տալիս զրուցել խաղային կերպարների հետ (վիդեո)

NVIDIA-ի նոր տեխնոլոգիան թույլ է տալիս զրուցել խաղային կերպարների հետ (վիդեո)

NVIDIA ընկերությունը խաղեր ստեղծողների համար ստեղծել է նոր տեխնոլոգիա, որը խաղացողներին թույլ կտա հաղորդակցվել NPC-ների հետ (խաղացողի կողմից չկառավարվող խաղային կերպար): Այսինքն կարող եք ձայնով հարցեր տալ կամ պարզապես զրուցել NPC-ների հետ: NVIDIA Avatar Cloud Engine for Games (ACE) կոչվող այս տեխնոլոգիան բաղկացած է երեք մոդուլներից՝

NeMo - լեզվային մեծ մոդել, որը թույլ կտա NPC-ներին սովորեցնել հաղորդակցվել խաղացողների հետ

Riva - խաղացողի խոսակցությունը հասկանալու և այն տեքստի վերածելու համար

Omniverse Audio2Face - խաղի հերոսների դեմքի անիմացիայի գեներացում խոսակցության հիման վրա:

NPC-ները կարող են նաև այս տեխնոլոգիայի միջոցով հաղորդակցվել միմյանց հետ:

Leadership in Tech (LIT) Academy-ն մեկնարկում է Հայաստանում տեխնոլոգիական առաջնորդության զարգացման երկու ծրագիր

Leadership in Tech (LIT) Academy-ն մեկնարկում է Հայաստանում տեխնոլոգիական առաջնորդության զարգացման երկու ծրագիր

Leadership in Tech (LIT) Academy-ն հայտարարեց Manage People ծրագրի երկու խմբերի մեկնարկի մասին: Խմբերից մեկը նախատեսված է սկսնակ տեխնոլոգիական առաջնորդների համար, իսկ մյուսը՝ փորձառուների:

LIT-ը միտված է տեխնոլոգիական ոլորտի առաջնորդության խթանմանն ու զարգացմանը:  Ծրագրում ներգրավված են և իրենց անմիջական շարունակական աջակցությունն են ցուցաբերում ոլորտի հանրահայտ ընկերությունների մի շարք առաջատար փորձագետներ, ինչպիսիք են՝ Արտեմ Գրիգորյանը (LinkedIn), Արսեն Բաբայանը (Adobe), Հարություն Բաղդասարյանը (QLess), դոկտոր Մերի Դուրյանը (Arup)  ինչպես նաև Meta, Apple, Microsoft,  H-E-B, Salesforce,VMware, TUMO և նման այլ հաջողակ կազմակերպությունների փորձառու  ներկայացուցիչներ:


Manage People-ը ծրագիր է`  նախատեսված տեխնոլոգիական թիմերի առաջնորդների և ավագ մասնագետների համար, ովքեր ձգտում են զարգացնել իրենց կառավարման և առաջնորդության հմտությունները: 

Ծրագիրը ներառում է խմբային հանդիպումներ, նեթվորքինգ միջոցառումներ, պանելային քննարկումներ և փակ միջոցառումներ՝ առաջարկելով մասնակիցներին գիտելիքների փոխանակման եզակի փորձ: Բացի այդ, ծրագրի մասնակիցները կունենան.

  • 34 ժամյա ֆասիլիտացիոն հանդիպումներ
  • 12 ժամյա ֆասիլիտացիոն հանդիպումներ քաղաքից դուրս
  • եռամսյա անհատական հանդիպումներ մենթորների հետ
  • ամենամյա ոչ ֆոմալ հանդիպումներ քաղաքից դուրս մենթորների և փորձագետների հետ
  • հասանելիություն տեխնոլոգիական կազմակերպությունների առաջնորդների փակ համայնքին և միջոցառումներին
  • հասանելիություն բոլոր դասընթացների նյութերին 
  • LIT Academy-ի առաջնորդության զարգացման վկայական:

Ծրագրին կարող են մասնակցել տեխնոլոգիական թիմերի առաջնորդներն ու ավագ մասնագետները:

Դիմելու վերջնաժամկետը հունիսի 4-ն է:

Բոլոր հետաքրքրված անձինք կարող են դիմել հետևյալ հղմամբ:

Ծրագիրը կմեկնարկի հունիսին:
Photoshop-ի բետա տարբերակում ավելացել է տեքստային նկարագրությունով լուսանկարները խմբագրելու գործառույթ

Photoshop-ի բետա տարբերակում ավելացել է տեքստային նկարագրությունով լուսանկարները խմբագրելու գործառույթ

Adobe ընկերությունը Photoshop ծրագրի բետա տարբերակում ավելացրել է Generative Fill գործիքը, որը հնարավորություն է խմբագրել լուսանկարները տեքստային նկարագրությունով (օրինակ լուսանկարի վրա ավելացնել կամ ջնջել տարբեր էլեմենտներ): Adobe -ը նշում է, որ այս նեյրոցանցը սովորել է լուսանկարներ գեներացնել միայն լիցենզավորված լուսանկարների հիման վրա և չի խախտում որևէ հեղինակային իրավունք: 

Generative Fill-ը հնարավորություն է տալիս նաև ընդլայնել լուսանկարը և լրացնել բացակայող հատվածները:

Հիշեցնեմ, որ Adobe-ը շաբաթներ առաջ ներկայացրեց Firefly գեներատիվ նեյրոցանցը, որը ներդրվելու է նաև Google Bard ծառայության մեջ: Նշեմ նաև, որ Photoshop ծրագրի համար նախկինում արդեն ստեղծվել էին տեքստային նկարագրությունով լուսանկարները խմբագրելու պլագիններ, սակայն դրանք պաշտոնական չէին:

Մինչև մայիսի 25-ը կարող եք անվճար ձեռք բերել Death Stranding և Metro: Last Light համակարգչային թոփ խաղերը

Մինչև մայիսի 25-ը կարող եք անվճար ձեռք բերել Death Stranding և Metro: Last Light համակարգչային թոփ խաղերը

Steam-ում և Epic Games-ում տվյալ պահին օգտատերերը հնարավորություն ունեն իրենց գրադարաններում անվճար ավելացնել համապատասխանաբար Metro: Last Light և Death Stranding խաղերը: Այս խաղերը ձեր գրադարանում կարող եք անվճար ավելացնել մինչև մայիսի 25-ը, իսկ ակցիայի ավարտից հետո կարող եք շարունակել անվճար խաղալ: Երկու խաղերն էլ բավականին հայտնի թոփ խաղեր են պոստապոկալիպտիկ աշխարհի մասին:

Metro: Last Light Complete Edition - Steam

Death Stranding - Epic Games Store

«Яндекс»-ը թողարկել է տեքստեր գեներացնող YandexGPT նեյրոցանցը և ներդրել այն «Алиса» օգնականի մեջ

«Яндекс»-ը թողարկել է տեքստեր գեներացնող YandexGPT նեյրոցանցը և ներդրել այն «Алиса» օգնականի մեջ

«Яндекс» ընկերությունը ներկայացրեց YandexGPT նեյրոցանցը, որն հանդիսանում է ChatGPT-ի ալտերնատիվ տարբերակներից մեկը: «Яндекс»-ը ներդրել է նաև այս նեյրոցանցը «Алиса» օգնականի մեջ: Նոր նեյրոցանցը կարողանում է գրել ռեսյումեներ, հավաքագրել փաստեր, առաջարկել կարգախոսներ, գրել ճանապարհորդության պլաններ և այլն:

YandexGPT-ից հնարավոր է օգտվել «Яндекса» հավելվածում և դիտարկչում, ինչպես նաև «Алиса»-ով աշխատող սարքերի վրա: Նշվում է նաև, որ այս նախագիծը դեռ փորձարկման փուլում է և մի շարք թերություններ ապագայում կշտկեն: Օրինակ նեյրոցանցը չի հասկանում խոսակցության կոնտեքստը:

Mortal Kombat շարքի հաջորդ խաղը կկոչվի Mortal Kombat 1: Այն կթողարկվի սեպտեմբերին (թրեյլեր)

Mortal Kombat շարքի հաջորդ խաղը կկոչվի Mortal Kombat 1: Այն կթողարկվի սեպտեմբերին (թրեյլեր)


Mortal Kombat շարքի հաջորդ խաղը կկոչվի Mortal Kombat 1: Խաղը կթողարկվի սեպտեմբերի 29-ին Nintendo Switch, PlayStation 5, Windows PC և Xbox Series X/S պլատֆորմերի համար: Այս նոր խաղի մեջ կտեղափոխի Mortal Kombat-ի պատմության սկիզբ, որտեղ կտեսնենք դասական հերոսներից շատերին (Scorpion, Sub Zero, Raiden և այլն):

WhatsApp-ում հայտնվել են գաղտնաբառով կամ մատնահետքով (դեմքով) պաշտպանված չաթեր

WhatsApp-ում հայտնվել են գաղտնաբառով կամ մատնահետքով (դեմքով) պաշտպանված չաթեր


Meta-ին պատկանող WhatsApp ծառայությունում հայտնվել է չաթերը գաղտնաբառով կամ մատնահետքով «պաշտպանելու հնարավորություն»: Չաթը պաշտպանելու համար պետք է մտնեք չաթի էջ, սեղմեք վերևում գտնվող վերնագրի վրա և բացված էջում ընտրեք chat lock պարամետրը: 


Այս նոր գործառույթն ակտիվացնելուց հետո ընտրված չաթերը կհայտնվեն առանձին թղթապանակի մեջ, որը բացվում է միայն մանտահետքի (դեմքի) սկանավորմամբ կամ գաղնտաբառով: Այս թղթապանակում առկա չաթերի ծանուցումներում չեն ցուցադրվելու ուղարկողի անունն ու պարունակությունը:
 Google-ը ներկայացրեց միջին սեգմենտի Pixel 7a սմարթֆոնը

Google-ը ներկայացրեց միջին սեգմենտի Pixel 7a սմարթֆոնը

Google I/O 2023 միջոցառման շրջանակներում ներկայացվեց միջին սեգմենտի Pixel 7a սմարթֆոնը: Արտաքնապես սմարթֆոնը նման է Pixel 7 և 7 Pro սմարթֆոններին և աշխատում է նույն Google Tensor G2 պրոցեսորով: Pxiel A դասի սմարթֆոնի վրա առաջին անգամ հասանելի են նաև պրեմիում դասի այնպիսի պարամետրեր, ինչպիսիք են Face Unlock-ը, 8ԳԲ օպերատիվ հիշողություն, 90 Հց էկրան և անլար լիցքավորում: Սմարթֆոնի մարտկոցը 4385 մԱժ է, որը լարով լիցքավորվում է 18 Վտ հզորությամբ, իսկ անլար՝ 7.5 Վտ:

Pixel 7a սմարթֆոնի հիմնական տեսախցիկը 64 Մպ է, որն ունի 8x Super Res զում: Առկա է նաև 13 Մպ լայնանկյուն մոդուլ: Սմարթֆոնի առջևի տեսախցիկը նույնպես 13 Մպ է:

Pixel 7a սմարթֆոնը հասանելի է 4 երանգներով՝ Charcoal, Snow, Sea, և Coral: Սմարթֆոնը պաշտպանված է ջրից IP67 ստանդարտով: 

Pixel 7a սմարթֆոնների վաճառքն արդեն մեկնարկել է: Սմարթֆոնները վաճառվում են 499 դոլարով:

 Google ընկերությունը ներկայացրեց իր առաջին Pixel Fold ծալվող սմարթֆոնը

Google ընկերությունը ներկայացրեց իր առաջին Pixel Fold ծալվող սմարթֆոնը

Google I/O 2023 միջոցառման շրջանակներում ներկայացվեց ծալվող էկրանով Pixel Fold սմարթֆոնը: Միջոցառման ժամանակ ցուցադրվեցին արտաքին և ներքին էկրանների միջը սահուն անցումը, միաժամանակ մի քանի աշխատանք կատարելու հնարավորությունները (multitasking), բացված հավելվածից ու էկրանների անկյունից կախված  ինֆորմացիա ցուցադրելու հնարավորությունը (օրինակ YouTube-ի դեպքում վիդեոն ցուցադրվում է մի էկրանին, իսկ կառավարող կոճակները՝ մյուս), տեսախցիկի ռեժիմում տարբեր էկրանների անցումը և այլն:



Pixel Fold սմարթֆոնն արտաքնապես նման է Pixel 7 սմարթֆնոներին: Սմարֆոնը կորպուսը պատրաստված է ապակուց ու ալյումինից: Սմարթֆոնի ներքին էկրանը բացված վիճակում 7.6 դյույմ է (6:5, 2208×1840, 380 ppi, OLED, 120 Հց, 1450 նիտ), իսկ արտաքին էկրանը՝ 5.8 դյույմ (17,4:9, 2092×1080 (408 ppi), OLED, 120 Հց, 1550 նիտ):

Pixel Fold սմարթֆոնն աշխատում է Pixel 7 սմարթֆոնների Google Tensor G2 պրոցեսորով: Օպերատիվ հիշողությունը 12 ԳԲ է, իսկ ներքին հիշողությունը՝ 256/512 ԳԲ: 

Սմարթֆոնի տեսախցիկների մոդուլներն են՝ 48 ՄՊ հիմնական, 10.8 ՄՊ տելեֆոտո (5x օպտիկական զում), 10.8 ՄՊ լայնանկյուն: Սմարթֆոնի արտաքին էկրանի վրա տեղադրված է 9.5 ՄՊ առջևի տեսախցիկ, իսկ ներքին էկրանի վրա՝ 8 ՄՊ: Սմարթֆոնի մարտկոցը 4821 մԱժ է, որը լարով լիցքավորվում է 30 Վտ հզորությամբ: Առկա է նաև անլար լիցքավորման տարբերակ:

Google Pixel Fold սմարթֆոնների 256ԳԲ մոդելն արժի 1799 դոլար, իսկ 512 ԳԲ տարբերակը՝ 1919 դոլար: Սմարթֆոնների նախապատվերն արդեն հասանելի է պաշտոնական կայքում: Pixel Fold-ը պատվիրելու դեպքում Google-ը նվիրում է նաև Pixel Watch սմարթ ժամացույց (400$):