Google-ը ներկայացրեց միջին սեգմենտի Pixel 7a սմարթֆոնը
Ամսաթիվ
Google I/O 2023 միջոցառման շրջանակներում ներկայացվեց միջին սեգմենտի Pixel 7a սմարթֆոնը: Արտաքնապես սմարթֆոնը նման է Pixel 7 և 7 Pro սմարթֆոններին և աշխատում է նույն Google Tensor G2 պրոցեսորով: Pxiel A դասի սմարթֆոնի վրա առաջին անգամ հասանելի են նաև պրեմիում դասի այնպիսի պարամետրեր, ինչպիսիք են Face Unlock-ը, 8ԳԲ օպերատիվ հիշողություն, 90 Հց էկրան և անլար լիցքավորում: Սմարթֆոնի մարտկոցը 4385 մԱժ է, որը լարով լիցքավորվում է 18 Վտ հզորությամբ, իսկ անլար՝ 7.5 Վտ:
Pixel 7a սմարթֆոնի հիմնական տեսախցիկը 64 Մպ է, որն ունի 8x Super Res զում: Առկա է նաև 13 Մպ լայնանկյուն մոդուլ: Սմարթֆոնի առջևի տեսախցիկը նույնպես 13 Մպ է:
Pixel 7a սմարթֆոնը հասանելի է 4 երանգներով՝ Charcoal, Snow, Sea, և Coral: Սմարթֆոնը պաշտպանված է ջրից IP67 ստանդարտով:
Pixel 7a սմարթֆոնների վաճառքն արդեն մեկնարկել է: Սմարթֆոնները վաճառվում են 499 դոլարով:
