Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Մարտ ամսին մի շարք Xiaomi և Redmi սմարթֆոններ կստանան MIUI 14 թարմացումը

Մարտ ամսին մի շարք Xiaomi և Redmi սմարթֆոններ կստանան MIUI 14 թարմացումը

Xiaomi ընկերությունը հայտնեց  MIUI 14 համակարգի գլոբալ թարմացման գրաֆիկը: Այսպիսով մինչև մարտ ամսվա վերջ թարմացումը կստանան հետևյալ սմարթֆոնները՝

Xiaomi 12
Xiaomi 12 Pro
Xiaomi 12 Lite
Xiaomi 12X
Xiaomi 12T
Xiaomi 12T Pro
Xiaomi Mi 11
Xiaomi Mi 11 Lite
Xiaomi Mi 11 Lite 5G
Xiaomi Mi 11 Lite 5G NE
Xiaomi Mi 11 Ultra
Xiaomi Mi 11i
Xiaomi 11T
Xiaomi 11T Pro
Redmi Note 11 Pro+ 5G
Redmi Note 10
Redmi Note 10 Pro
Redmi 10 5G

 Google Pixel 6 և 7 սմարթֆոնների էքսկլյուզիվ Magic Eraser գործիքն արդեն հասանելի է այլ iOS/Android սմարթֆոններում

Google Pixel 6 և 7 սմարթֆոնների էքսկլյուզիվ Magic Eraser գործիքն արդեն հասանելի է այլ iOS/Android սմարթֆոններում

Google ընկերությունը մնացած սմարթֆոնների համար հասանելի է դարձրել արհեստական բանականությամբ աշխատող Magic Eraser գործիքը, որը մինչ այժմ համարվում էր  Google Pixel 6 և 7 սմարթֆոնների էքսկլյուզիվ և հասանելի էր միայն այդ սմարթֆոնների համար: 

Նշեմ, որ ի տարբերություն Pixel սմարթֆոնների, մնացած սմարթֆոններում Magic Eraser-ը հասանելի է լինելու միայն Google One ծառայության բաժանորդների համար: Հիշեցնեմ, որ այս ծառայության բաժանորդները նաև ստանում են հավելյալ ամպային հիշողություն՝ իրենց լուսանկարներն ու այլ տվյալներ պահպանելու համար:

Magic Eraser գործիքը լուսանկարից հեռացնում է կողմնակի օբյեկտները կամ մարդկանց: Գործիքն աշխատում է կամ ավտոմատ ռեժիմում, կամ անցանկալի օբյեկտը ձեռքով նշելով: Magic Eraser գործիքը ներդրված է Google Photos հավելվածի մեջ:

Google Photos-ում այսուհետ հնարավոր է նաև HDR էֆեկտ կիրառել ինչպես լուսանկարների, այնպես էլ վիդեոների վրա: 

Spotify-ում հայտնվել է արհեստական բանականությամբ աշխատող հաղորդավարով ռադիո

Spotify-ում հայտնվել է արհեստական բանականությամբ աշխատող հաղորդավարով ռադիո

Spotify ծառայությունում հայտնվել է նոր ռադիո, որտեղ հնչող երգերը համախմբված են օգտատիրոջ նախասիրությունների հիման վրա: Սակայն այստեղ կարևոր փաստն այն է, որ ռադիոյում խոսում է արհեստական բանականությունը: 

Վիրտուալ հաղորդավարը ներկայացնում է երգերը և հաղորդում այլ հետաքրքիր տվյալներ: DJ կոչվող նոր ծառայությունն արդեն հասանելի է ԱՄՆ-ի և Կանադայի օգտատերերի համար: Ավելի մանրամասն կարող եք կարդալ պաշտոնական կայքում:

Leadership in Tech (LIT) Academy-ն մեկնարկում է Հայաստանում տեխնոլոգիական առաջնորդության զարգացման նոր հեղինակավոր ծրագիր

Leadership in Tech (LIT) Academy-ն մեկնարկում է Հայաստանում տեխնոլոգիական առաջնորդության զարգացման նոր հեղինակավոր ծրագիր


Leadership in Tech (LIT) Academy-ն հայտարարեց Manage People ծրագրի մեկնարկի մասին: 

Արտեմ Գրիգորյանի (LinkedIn), Արսեն Բաբայանի (Adobe), Հարություն Բաղդասարյանի (QLess), դոկտոր Մերի Դուրյանի (Arup) և մի շարք այլ հանրահայտ ընկերությունների ոլորտի առաջատար փորձագետների անմիջական ներգրավվածությամբ և Meta, Apple, Microsoft, H-E-B, Salesforce,VMware, TUMO և նման այլ հաջողակ կազմակերպությունների ներկայացուցիչների շարունակական աջակցությամբ LIT-ը միտված է նպաստել տեխնոլոգիական ոլորտում առաջնորդության զարգացմանն ու խթանմանը: 

Manage People-ը 6-ամսյա ծրագիր է` նախատեսված տեխնոլոգիական թիմերի առաջնորդների և ավագ մասնագետների համար, ովքեր ձգտում են զարգացնել իրենց կառավարման և առաջնորդության հմտությունները:

Ծրագիրը ներառում է խմբային հանդիպումներ, նեթվորքինգ միջոցառումներ, պանելային քննարկումներ և փակ միջոցառումներ՝ առաջարկելով մասնակիցներին գիտելիքների փոխանակման եզակի փորձ: Բացի այդ, ծրագրի մասնակիցները կունենան.

  • 52 ժամյա ֆասիլիտացիոն հանդիպումներ
  • եռամսյա անհատական հանդիպումներ մենթորների հետ
  • ամենամյա ոչ ֆոմալ հանդիպումներ քաղաքից դուրս մենթորների և փորձագետների հետ
  • հասանելիություն տեխնոլոգիական կազմակերպությունների առաջնորդների փակ համայնքին և միջոցառումներին
  • հասանելիություն բոլոր դասընթացների նյութերին 
  • LIT Academy-ի առաջնորդության զարգացման վկայական:
Ծրագրին կարող են մասնակցել տեխնոլոգիական թիմերի առաջնորդներն ու ավագ մասնագետները:

Առաջին խմբի մասնակիցները կստանան 25% զեղչ մասնակցության վճարից:

Դիմելու վերջնաժամկետը փետրվարի 24-ն է:

Բոլոր հետաքրքրված անձինք կարող են դիմել հետևյալ հղմամբ:

Ծրագիրը կմեկնարկի մարտի 1-ին:

Շտապե՛ք, տեղերը սահմանափակ են։ 


Ստեղծվել է նոր նեյրոցանց, որը լավացնում է նկարի որակը, նույնիսկ եթե այն փոքր չափսի է և լղոզված

Ստեղծվել է նոր նեյրոցանց, որը լավացնում է նկարի որակը, նույնիսկ եթե այն փոքր չափսի է և լղոզված

GitHub-ում հայտնվել է նոր նեյրոցանցի կոդ, որը լավացնում է նկարի որակը, նույնիսկ եթե այն փոքր չափսի է և լղոզված: Գործիքի կայքում ցուցադրված են նմուշներ, որոնց միջոցով կարող են տեսնել, թե ինչ որակի նկարներ է ստացվում բավականին վատ նկարներից:

Գործիքը կարող եք փորձել այս կայքում: Որակը լավացնելու համար կարող եք փոխել Codeformer_Fidelity պարամետրը (ինչքան ցածր թիվ, այնքան որակյալ արդյունք):

Facebook-ում և Instagram-ում ավելացել է վճարովի բաժանորդագրություն, որը պրոֆիլին ավելացնում է «վերիֆիկացիայի» նշան

Facebook-ում և Instagram-ում ավելացել է վճարովի բաժանորդագրություն, որը պրոֆիլին ավելացնում է «վերիֆիկացիայի» նշան

Meta ընկերության ղեկավար Մարկ Ցուկերբերգը հայտարարեց, որ Meta-ի ծառայություններում ավելանում է վճարովի բաժանորդագրություն, որի շնորհիվ Facebook-ի և Instagram-ի օգտատերերը կարող են ստանալ «հաստատված պրոֆիլի» կապույտ նշան: Այս բաժանորդագրությունն արդեն հասանելի է Նոր Զելանդիայի և Ավստրալիայի օգտատերերի համար: Բաժանորդագրության արժեքն է ամսական 11.99 դոլար վեբ տարբերակի դեպքում և 14.99 դոլար բջջային տարբերակում: Ապագայում բաժանորդագրության հնարավորությունը հասանելի կլինի բոլոր երկրների համար: Բաժանորդագրված օգտատերերը վերիֆիկացիա են անցնում անձնագրով: Բաժանորդագրությունն իր մեջ ներառում է նաև որոնման համակարգում, նորությունների հոսքում, մեկնաբանություններում և այլ վայրերում ավելի շատ երևալու հնարավորություն: Բաժանորդագրված օգտատերերը կարող են նաև ավելի հեշտ կապ հաստատել տեխնիկական սպասարկման բաժնի իրական աշխատակցի հետ

Microsoft-ը ներդրել է chatGPT արհեստական բանականությունը Bing որոնողական համակարգում

Microsoft-ը ներդրել է chatGPT արհեստական բանականությունը Bing որոնողական համակարգում


Microsoft ընկերությունը ներկայացրեց Bing որոնողական համակարգի թարմացված տարբերակը, որտեղ ներդրված է OpenAI-ի ChatGPT արհեստական բանականությունը: Նշվում է, որ Bing-ում տեղադրված է ChatGPT-ի բարելավված տարբերակը: 


Այս նեյրոցանցը հասանելի է լինելու ինչպես Bing-ում, այնպես էլ Edge դիտարկչում: Նոր նեյրոցանցը կփոխարինի դասական որոնողական համակարգին, որը տարիներ շարունակ մեծ փոփոխությունների չի ենթարկվել: Օրինակ կարող եք արհեստական բանականությանը խնդրել, որպեսզի նա կազմի 4 հոգանոց ընտանիքի հանգստի պլանը Մեքսիկայում կամ կգրի անհրաժեշտ ծրագրային կոդը:


Նեյրոցանցը բավականին արագ է աշխատում և օրինակ կարող է 15 էջանոց PDF ֆայլից 2 վայկյանի ընթացքում գտնել անհրաժեշտ ինֆորմացիան և համառոտ վերաձևակերպելով տա պատասխան: Bing-ի թարմացված տարբերակն արդեն հասանելի է որոշ օգտատերերի համար, իսկ մնացած առաջարկվում է սեղմել համապատասխան կոճակը և սպասել:
Հայերեն «Ով է ուզում դառնալ միլիոնատեր» խաղն արդեն հասանելի  է Անդրոիդ սարքերում

Հայերեն «Ով է ուզում դառնալ միլիոնատեր» խաղն արդեն հասանելի է Անդրոիդ սարքերում

 


Ուրախ եմ տեղեկացնել, որ տարիներ առաջ իմ կողմից ստեղծած հայերեն «Ով է ուզում դառնալ միլիոնատեր» խաղն արդեն հասանելի է նաև Անդրոիդ սմարթֆոնների համար: Խաղն ամբողջովին անվճար է և հասանելի է Google Play-ում: Խաղը կարող եք ներբեռնել սեղմելով ներքևի հղման վրա, կամ Google Play Store-ում որոնելով Milionater բառը: Հիշեցնեմ, որ Windows օպերացիոն համակարգի համար նախատեսված տարբերակը կարող եք ներբեռնել այստեղից:

Համացանցում հեռարձակվում է սիթքոմ-սերիալ, որն ամբողջովին գեներացվում է նեյրոցանցերի կողմից

Համացանցում հեռարձակվում է սիթքոմ-սերիալ, որն ամբողջովին գեներացվում է նեյրոցանցերի կողմից

Twitch ծառայությունում մեկնարկել է Nothing, Forever սիթքոմ-սերիալի հեռարձակումը, որն ամբողջովին գեներացվում է նեյրոցանցերի կողմից: Սերիալի տեքստերը գրում է ChatGPT-ն, նկարները գեներացնում է DALL-E-ն, ինչպես նաև օգտագորվում են Stable Diffusion և Azure Cognitive Services ծառայությունները: Ներքևի տեսանյութում կարող եք տեսնել այս սերիալի էպիզոդներից մեկը, իսկ ամբողջ սերիալին կարող եք հետևել Twitch-ում:

Samsung-ը ներկայացրեց Galaxy S23, Galaxy S23+ և Galaxy S23 Ultra սմարթֆոնները

Samsung-ը ներկայացրեց Galaxy S23, Galaxy S23+ և Galaxy S23 Ultra սմարթֆոնները


Samsung ընկերությունը Galaxy Unpacked 2023 միջոցառման ժամանակ պաշտոնապես ներկայացրեց սմարթֆոնները: Արտաքին տեսքի առումով S23 և S23+ մոդելները զրկվել են հետևի տեսախցիկների ուռոցիկ վահանակից, ինչի շնորհիվ նմանվել են S23 Ultra մոդելին:


S23 և S23+ սմարթֆոնների տեսախցիկների հետևի կոնֆիգուրացիան մնացել է նույնը, իսկ առջևի տեսախցիկները 10 ՄՊ-ից դարձել են 12 ՄՊ: S23 Ultra-ի դեպքում առջևի տեսախցիկը 40 ՄՊ-ից նույնպես դարձել է 12 ՄՊ: Իսկ ահա Ultra-ի հետևի հիմնական լայնանկյուն տեսախցիկը 108-ից դարձել է 200 ՄՊ (Samsung ISOCELL HP2):


Galaxy S23-ն ունի 6,1 դյույմանոց AMOLED էկրան (2340×1080, 120 Հց, HDR10+, 425 ppi, Corning Gorilla Glass Victus 2): Սմարթֆոնն աշխատում է 8 միջուկանի Qualcomm Snapdragon 8 Gen 2 պրոցեսորով: Սմարթֆոնի ներքին հիշողությունը 128/256/512 ԳԲ է, իսկ օպերատիվ հիշողությունը՝ 8 ԳԲ: 

Galaxy S23  սմարթֆոնի մարտկոցը 3900 մԱժ է, որը արագ տեխնոլոգիայով լիցքավորվում է 25 Վտ հզորությամբ, իսկ անլար տեխնոլոգիայով՝ 10 Վտ:


Galaxy S23-ի տեսախցիկների բլոկը բաղկացած է հետևյալ մոդուլներից՝ 50 ՄՊ հիմնական (f/1,8), 12 ՄՊ լայնանկյուն  (f/2,2), 10 ՄՊ տելեֆոտո (f/2,4), 12 ՄՊ առջևի (f/2,2):


Galaxy S23+ սմարթֆոնն ունի 6,6 դյույմանոց AMOLED էկրան (2340×1080, 120 Հց, HDR10+, 393 ppi, Corning Gorilla Glass Victus 2): Սմարթֆոնն աշխատում է 8 միջուկանի Qualcomm Snapdragon 8 Gen 2 պրոցեսորով: Սմարթֆոնի ներքին հիշողությունը 256/512 ԳԲ է, իսկ օպերատիվ հիշողությունը՝ 8 ԳԲ: 


Galaxy S23+ սմարթֆոնի մարտկոցը 4700 մԱժ է, որը արագ տեխնոլոգիայով լիցքավորվում է 45 Վտ հզորությամբ, իսկ անլար տեխնոլոգիայով՝ 10 Վտ: Galaxy S23+ սմարթֆոնի տեսախցիկների բլոկը բաղկացած է չի տարբերվում S23-ի տեսախցիկներից:


Galaxy S23 Ultra-ն ունի 6,8 դյույմանոց AMOLED էկրան (3088×1440, 1-120 Հց, HDR10+, 500 ppi, Corning Gorilla Glass Victus 2): Սմարթֆոնն աշխատում է 8 միջուկանի Qualcomm Snapdragon 8 Gen 2 պրոցեսորով: Սմարթֆոնի ներքին հիշողությունը 256/512 ԳԲ է, իսկ օպերատիվ հիշողությունը՝ 8/12 ԳԲ: 


Galaxy S23 Ultra  սմարթֆոնի մարտկոցը 5000 մԱժ է, որը արագ տեխնոլոգիայով լիցքավորվում է 45 Վտ հզորությամբ, իսկ անլար տեխնոլոգիայով՝ 10 Վտ:


Galaxy S23-ի տեսախցիկների բլոկը բաղկացած է հետևյալ մոդուլներից՝ 200 ՄՊ հիմնական (f/1,7), 12 ՄՊ լայնանկյուն  (f/2,2), 10 ՄՊ տելեֆոտո (f/2,4), 10 ՄՊ տելեֆոտո (f/4,9), 12 ՄՊ առջևի (f/2,2): 


Galaxy S23 Ultra-ն թույլ է տալիս ստանալ 100x զում՝ պահպանելով օրիգինալը որակը մինչև 30x դեպքում:


Galaxy S23 սմարթֆոնը վաճառվելու է 800 դոլարով,  S23+ սմարթֆոնը՝ 1000 դոլարով, իսկ S23 Ultra-ն՝ 1200 դոլարով: