Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
iRobot փոշեկուլները Google-ին են փոխանցում տան հատակագիծը

iRobot փոշեկուլները Google-ին են փոխանցում տան հատակագիծը


Ռոբոտ փոշեկուլները արտադրող iRobot ընկերությունը սկսել է համագործակցել Google-ի հետ, որի շրջանակներում iRobot փոշեկուլները սկանավորում և Google-ին են փոխանցում տան հատակագիծը: Նշվում է, որ Google-ն օգտագործում է այս ինֆորմացիան «խելացի տուն» համակարգի համար:


iRobot-ի վերջին մոդելը՝ Roomba i7+ -ը հատուկ տվիչների շնորհիվ սկանավորում է տան հատակագիծը և հավաքում ցածր որակի լուսանկարներ: Roomba i7+ փոշեկուլը Wi-Fi կապի միջոցով Google-ին է ուղարկում հատակագիծը, իսկ ցածր որակի լուսանկարները մնում են սարքի մեջ:


iRobot-ի ղեկավարը նշում է, որ այս համագործակցության շնորհիվ Google Assistant-ը կարող է կատարել ավելի շատ ու ճշգրիտ հրամաններ: Օրինակ, եթե Google-ին հանձնարարեք, որ գրաֆիկով մաքրի խոհանոցը, ռոբոտն ու Google-ը պետք է նախօրոք իմանան, թե որտեղ է գտնվում խոհանոցը: Այս համակագործակցության շնորհիվ օրինակ ապագայում հնարավոր կլինի ձեռքերով ռոբոտին խնդրել, որպեսզի նա գարեջուր բերի: Բնականաբար ռոբոը հավաքված տվյալներով կիմանա, թե որտեղ է գտնվում խոհանոցն ու սառնարանը:)


iRobot-ը պլանավորում է նաև ապագայում համագործակցել Apple-ի և Amazon-ի հետ: Նշվում է, որ այս համագործակցության արդյունքում հավաքված տվյալները չեն օգտագործվի նպատակաուղղված գովազդներ ցուցադրելու համար:
Google-ը բոլորի համար հասանելի է դարձրել «անտեսանելի» reCAPTCHA v3-ը

Google-ը բոլորի համար հասանելի է դարձրել «անտեսանելի» reCAPTCHA v3-ը



Ինտերնետում հաճախակի հանդիպած կլինեք կայքերի, որտեղ պահանջվում է ընտրել անհրաժեշտ լուսանկարը կամ գրել պատկերված թիվը: Այս տեխնոլոգիան նախատեսված է ինտերնետում բոտերի դեմ պայքարելու համար և թույլատրում է որոշակի գործողություն անել միայն այն դեպքում, եթե համակարգչի առջև իրական օգտատեր է նստած:


Ինտերնետ կայքեր ստեղծողներին Google-ը անվճար տրամադրում է reCAPTCHA կոչվող գործիքը, որը ղեկավարում է վերևում նկարագրված ողջ պրոցեսը: reCAPTCHA-ի նախորդ տարբերակներում պահանջվում էր, որպեսզի օգտատերը միջամտեր և կատարեր պահանջվող քայլերը, իսկ ահա reCAPTCHA v3-ում ոչինչ չի ցուցադրվում: Այսինքն, թաքնված ծրագրային կոդը հետևում է ինտերնետ կայքում օգտատիրոջ վարքագծին (մկնիկի շարժումներին, քլիքներին, լրացված տվյալներին և այլն) և դրանից կախված տրամադրում է 0-ից 1 միջակայքում միավորներ: 



Ինչքան ցածր է միավորը, այնքան հավանական է բոտի առկայությունը: Ընդ որում, ինտերնետ կայքի ստեղծողն է որոշում, թե որ միավորի դեպքում է պետք պարտադիր ցուցադրել reCAPTCHA-ն:
PUBG խաղը վերջապես հասանելի դարձավ նաև PS4 կոնսոլների համար

PUBG խաղը վերջապես հասանելի դարձավ նաև PS4 կոնսոլների համար


Xbox One կոնսոլների վրա PlayerUnknown’s Battlegrounds խաղը թողարկվել է մոտ մեկ տարի առաջ, իսկ ահա PlayStation 4-ի համար այն մինչ այս հասանելի չէր:



Այս խաղը PS4-ի համար հասանելի կլինի ս.թ. դեկտեմբերի 7-ին, իսկ մինչ այդ խաղասերները կարող են նախապես պատվիրել խաղի 4 տարբերակներից մեկը՝ Disc Edition (բազային տարբերակ), Looter’s Digital Edition (բազային թվային տարբերակ), Survivor’s Digital Edition (Vikendi Event Pass, 2,300 G-Coin Pack, 20,000 BP) և Champion’s Digital Edition (Vikendi Event Pass, 6,000 G-Coin Pack, 20,000 BP): 



PUBG խաղի բազային տարբերակն արժի $29,99: PUBG խաղը նախօրոք պատվիրելու դեպքում PS4 օգտատերերը ստանալու են նաև բացառիկ էլեմենտներ (Uncharted խաղի հերոս Նաթան Դռեյկի հագուստը, ավատարներ, թեմաներ ր այլն):

Google-ի այս գործիքով կարող եք առանց որակի կորստի նվազեցնել լուսանկարների ծավալը

Google-ի այս գործիքով կարող եք առանց որակի կորստի նվազեցնել լուսանկարների ծավալը


Google ընկերությունը Chrome Labs ծրագրի շրջանակներում թողարկել է Squoosh կոչվող վեբ ծառայությունը, որի միջոցով հնարավոր է լուսանկարների ծավալը մի քանի անգամ քչացնել: Կարևորն այն է, որ այս գործընթացի ընթացքում լուսանկարի որակը չի ընկնում: 


Squoosh-ում կարող եք նշել լուսանկարի «սեղմման» աստիճանը և համեմատել օրիգինալ լուսանկարի հետ: Squoosh-ն աշխատում է ինչպես համակարգիչների, այնպես էլ բջջային սարքերի վրա:

Ռուսաստանում iPhone Xs են գնել լոգարանակոնքում լցված կոպեկներով (Տեսանյութ)

Ռուսաստանում iPhone Xs են գնել լոգարանակոնքում լցված կոպեկներով (Տեսանյութ)


Ռուսաստանում երեք երիտասարդներ լոգարանակոնքի մեջ լցրել են 100 հազար հատ 1 ռուբլիանոց կոպեկներ և այն էլեկտրոնիկայի խանութ քարշ տալով գնել են 256ԳԲ ծավալով iPhone Xs: Հետաքրքիրն այն է, որ այս ամբողջ գործընթացը տեսաձայնագրվել է:



Երիտասարդներին այս ամենն այդքան էլ հեշտ չի տրվել: Նախ շենքի բնակիչներն են ոստիկաններին կանչել, երբ տեսել են, թե ինչպես են երիտասարդները բակում դրված լոգարանակոնքի մեջ կոպեկներ լցնում: Այնուհետև խանութի անբտանգության աշխատակիցների հետ է կոնֆլիկտ առաջացել և նրանք նորից ոստիկաններին են կանչել: Իսկ ամենավերջում խանութի աշխատողներին են եղել ապացուցել, որ նրանք իրավունք չունեն չընդունել կոպեկները:



Խանութի աշխատողներից մոտ 2 ժամ է պահանջվել, որպեսզի նրանք հաշվեն և վերցնեն անհրաժեշտ գումարը: Զավեշտալին այն է, որ աշխատակիցները վերադարձրել են ավելորդ մեկ ռուբլին:)

Windows 10-ում հայտնվել է «բաց երանգներով» թեմա

Windows 10-ում հայտնվել է «բաց երանգներով» թեմա


Microsoft ընկերությունը թողարկել է Windows 10-ի հերթական փորձնական թարմացումը, որը հնարավոր է տեղադրել Windows Insider ծրագրի շրջանակներում: 18282 համարը կրող այս թարմացման մեջ հայտնվել է «բաց երանգներով» թեմա, որը հնարավոր է կիրառել համակարգի կարգավորումներից: Այս թեման կիրառելուց հետո Windows 10-ի ծրագրերի վահանակը, ստարտ մենյուն, ծանուցումների կենտրոնը և օպերացիոն համակարգի այլ էլեմենտներ ցուցադրվում են ավելի բաց երանգներով: 


18282 թարմացման մեջ ներառված են նաև մի քանի էկրանի նկարներ, որոնք համապատասխանում են նոր թեմային: 18282 թարմացման մեջ ներառված են նաև այլ նորույթներ, որոնք կարող եք ծանոթանալ այստեղ: Հիշեցնեմ, որ ամիսներ առաջ Windows 10-ում հայտնվեց սև թեմա:
Այս գործիքով կարող եք ստեղծել յուրահատուկ էմոջիներ

Այս գործիքով կարող եք ստեղծել յուրահատուկ էմոջիներ


Համացանցի օգտատերերից մեկը ստեղծել է մի հետաքրքիր օնլայն գործիք, որը թույլ է տալիս ստեղծել յուրահատուկ էմոջիներ՝ համադրելով առաջարկվող դետալները: Կայքում հնարավորություն կա նաև սեղմել Randomize կոճակը և ստանալ պատահական դետալներով էմոջիներ: Ստեղծված էմոջիները կարող եք png ֆորմատով պահպանել համակարգչի մեջ և օգտագործել ցանկացած տեղ: Օրինակ կարող եք Telegram-ում ստեղծել Ձեր սեփական էմոջիների փաթեթը:

Samsung-ը ներկայացրեց երկու էկրանով «բացովի-փակովի» սմարթֆոն

Samsung-ը ներկայացրեց երկու էկրանով «բացովի-փակովի» սմարթֆոն


Samsung ընկերությունը ներկայացրեց W2019 «բացովի-փակովի» սմարթֆոնը, որն աշխատում է Android համակարգով: Այս նոր սմարթֆոնը դրսի և ներսի կողմում ունի 4,2 դյույմանոց երկու Full HD AMOLED էկրան: 


Սմարթֆոնի վրա տեղադրված է Snapdragon 845 պրոցեսոր, 6ԳԲ օպերատիվ և 128/256ԳԲ ներքին հիշողություն: Սմարթֆոնի մարտկոցը 3080 մԱ/ժ է:


W2019 սմարթֆոնի տեսախցիկը բաղկացած է երկու 12 ՄՊ սենսորներից: Սմարթֆոնն արժի 1500 դոլար (որոշ տեղերում նշվում է, որ այն կարող է արժենալ 2700 դոլար):
Onex-ը ԱՄՆ-ում գործարկել է նոր պահեստ, սակագին, բոնուսային համակարգ և SMART ծառայություններ

Onex-ը ԱՄՆ-ում գործարկել է նոր պահեստ, սակագին, բոնուսային համակարգ և SMART ծառայություններ


Օնլայն գնումներն ու ծանրոցներըն առաքող հայկական Onex ընկերությունը տոներին ու մեծ զեղչերին ընդառաջ ԱՄՆ-ում գործարկել է նոր պահեստ՝ նոր սակագնով, բոնուսային նոր համակարգով եւ միակը Հայաստանում SMART ծառայություններով: ԱՄՆ-ի հին հասցեն կգործի մինչև ս.թ. դեկտեմբերի 31-ը, իսկ նոր հասցեն գործում է այսօրվանից սկսած: Մինչև ս.թ. դեկտեմբերի 31-ը Onex-ի նոր պահեստից ապրանքներ առաքելու դեպքում գործում է 3500 դր/կգ սակագինը և 10% բոնուսային համակարգը:

Onex-ը գործարկել է նաև 8 SMART ծառայություններ, որոնցով կարող եք հետևել և ղեկավարել պահեստում գտնող ապրանքները: 



Օրինակ կարող եք պահեստից անվճար պահանջել ծանրոցի արտաքին լուսանկարը, կամ որոշակի գումարի դիմաց բացել/լուսանկարել ծանրոցը, ստուգել պատվերը, ժամանակավորապես դադարեցնել առաքումը, հետ վերադարձնել, մաս-մաս առաքել և այլն:
Ինչպես Google-ի ստեղնաշարի միջոցով ստեղծել Ձեր դեմքին նման ստիկերներ

Ինչպես Google-ի ստեղնաշարի միջոցով ստեղծել Ձեր դեմքին նման ստիկերներ


iOS և Android համակարգերը թույլ են տալիս իրենց ստեղնաշարերի փոխարեն օգտվել այլ մարդկանց կողմից ստեղծված ստեղնաշարերից: Նմանատիպ ստեղնաշարերից է օրինակ Gboard-ը, որը ստեղծվել է Google-ի կողմից: Այս ստեղնաշարը հիմնականում տեղադրված է լինում ժամանակակից Անդրոիդ սմարթֆոններում: Եթե այնուամենայնիվ այս ստեղնաշարը չկա Ձեր սմարթֆոնում, ապա կարող եք ներբեռնել Google Play-ից և App Store-ից: Այնուհետ պետք է մտնեք համակարգի ստեղնաշարի կարգավորումները և որպես հիմնական ստեղնաշար նշել Gboard-ը:


Վերջերս Gboard-ում ավելացել է մի նոր գործիք, որը սկանավորում է օգտատիրոջ դեմքը և ստեղծում է դեմքին համապատասխան ստիկերների հավաքածու: Հնարավորություն կա նաև փոխել գեներացված ստիկերի մազերի գույնը, գլխի կառուցվածքը և մնացած մասերը: 



Անհատական ստիկերներ գեներացնող այս գործիքը տեսնելու համար պետք է բացեք Gboard ստեղնաշարի ստիկերների բաժինը և ընտրեք նկարում ցուցադրված նշանը: Այնուհետև պետք է սկանավորել դեմքը և ստեղծել ստիկերը:


Եթե Gboard-ում չեք կարողանում գտնել սմայլիկների բաժինը, ապա պետք է սեղմած պահեք ստորակետը և բացված ցանկից ընտրեք համապատասխան նշանը: 


Կարող եք նաև բացել Gboard-ի կարգավորումները և փոխել տառերի չափսերը, գույները և այլ պարամետրեր:
Samsung-ը ներկայացրեց ծալվող էկրանով սմարթֆոնի նախանմուշ

Samsung-ը ներկայացրեց ծալվող էկրանով սմարթֆոնի նախանմուշ


Samsung Developer Conference 2018 միջոցառման ժամանակ Samsung ընկերությունը ցուցադրեց ծալվող էկրանով սմարթֆոնի նախանմուշ, որի 7,3 դյույմանոց էկրանը մեջտեղից ծալվում է երկու հավասար մասի: Սմարթֆոնն աշխատում է Android-ի մոդիֆիկացված տարբերակով, որի էկրանից կախված փոխում է ինտտերֆեյսը:


Հիշեցնեմ, որ օրեր առաջ չինական ընկերություններից մեկը նույնպես ներկայացրեց և վաճառքի հանեց նմանատիպ սարք: Իսկ ահա Samsung-ի դեպքում սա առայժմ նախանմուշ է, որը նախատեսվում է թողարկել 2019 թվականին: 
Xiaomi-ն ներկայացրեց 30 դոլար արժողությամբ  Mi AirDots անլար ականջակալները

Xiaomi-ն ներկայացրեց 30 դոլար արժողությամբ Mi AirDots անլար ականջակալները


Xiaomi ընկերությունը ներկայացրեց Mi AirDots Youth Edition անլար ականջակալները, որոնք Bluetooth 5.0 տեխնոլոգիայով միանում են ինչպես Android, այնպես էլ iOS համակարգերին: Ականջակալների վրա տեղադրված են 7.2մմ դինամիկներ, ինչպես նաև սենսորներ, որոնցով հնարավոր է կարգավորել բարձրությունը, կանչել ձայնային օգնականներին կամ կատարել զանգեր: 


Ականջակալների մարտկոցը 40 մԱ/ժ է, որը բավականացնում է 4 ժամ անդադար երաժշտություն լսելու համար: Ականջակալների տուփն ունի լրացուցիչ 350 մԱ/ժ մարտկոց, որի միջոցով հնարավոր է յուրաքանչյուր ականջակալը լիցքավորել երկու անգամ: 


Այս նոր ականջակալների վաճառքը Չինաստանում կմեկնարկի ս.թ. նոյեմբերի 11-ին, իսկ ավելի ուշ կհայտնի նաև օնլայն խանութներում: Ականջակալներն արժեն 29 դոլար:
Առաջիկա տոների առթիվ Amazon-ը պատվերների առաքումը դարձրել է անվճար

Առաջիկա տոների առթիվ Amazon-ը պատվերների առաքումը դարձրել է անվճար


Amazon ընկերությունը պատրաստվում է Black Friday-ին և առաջիկա տոներին: Այս առիթով Amazon-ը ԱՄՆ-ում տարածքում բոլոր պատվերների առաքումը դարձրել է անվճար: Առայժմ հայտնի չի, թե ինչքան կտևի այս անվճար առաջարկը: Հիշեցնեմ, որ սովորաբար Amazon-ը պատվերներն անվճար առաքում է միայն այն դեպքում, երբ զամբյուղի արժեքը գերազանցում է 25 դոլարը, կամ օգտատերը բաժանորդագրվում է Prime ծառայությանը:

Նշեմ, որ հայ օգտատերերը նույնպես կարող են օգտվել Amazon-ի այս ակցիայից: Պետք է պատվերներ կատարելու ընթացքում հասցեն նշել Globbing-ի, Onex-ի, Nova-ի և նմանատիպ այլ ծառայության կողմից տրամադրված հասցե և ապրանքը ստանալ Հայաստանում: Բնականաբար այս դեպքում Amazon-ը անվճար կառաքի մինչև նշված ծառայությունների պահեստ, իսկ Հայաստան կառաքվի այդ ծառայությունների կողմից սահմանված սակագներով:
Ներկայացվեց 6 տեսախցիկ ունեցող Honor Magic 2 սլայդեր սմարթֆոնը

Ներկայացվեց 6 տեսախցիկ ունեցող Honor Magic 2 սլայդեր սմարթֆոնը


Huawei ընկերությունը ներկայացրեց Honor Magic 2 սմարթֆոնը, որը պատրաստված է սլայդերի մեխանիզմով: Առջևի տեսախցիկները տեսնելու համար սմարթֆոնի հետևի վահանակը պետք է բարձրացնել վերև (Xiaomi Mi Mix 3-ի նման): Սլայդերի շնորհիվ Honor Magic 2-ի 6.4 դյունմանոց OLED էկրանը վերևի հատվածում չունի տեսախցիկների կտրվածք:


Honor Magic 2 սմարթֆոնի վրա տեղադրված է Kirin 980 պրոցեսոր, 6/8ԳԲ օպերատիվ և 128/256ԳԲ ներքին հիշողություն: Սմարթֆոնի առջևի հատվածում տեղադված է եռակի մոդուլով տեսախցիկ՝ 16ՆՊ և երկու հատ 2ՄՊ: 


Սմարթֆոնի հետնամասում տեղադրված են երկու հատ 16ՄՊ, և մեկ հատ 24ՄՊ և տեսախցիկներ: Սմարթֆոնն ունի նաև ինֆրակարմիր սենսոր, որի նախատեսված է դեմքի ճանաչման 3D Face Unlock-ի համար: Առկա է նաև մատնահետքի սենսոր, որը տեղադրված է էկրանի մեջ: Սմարթֆոնի մարտկոցը 3400 մԱ/ժ է, որը լիցքավորվում է բավականին արագ:


Honor Magic 2 սմարթֆոնն ունի նաև Bluetooth 5 և կրկնակի GPS մոդուլները: Սմարթֆոնի մեջ ներդրված է ֆիրմային Yoyo ձայնային օգնականը: 


Սմարթֆոնի բազային տարբերակն արժի 545$, իսկ թոփ տարբերակը՝ 700$: Հասանելի են կապույտ, կարմիր և սև երանգները:
Ներկայացվեց ծալվող էկրանով առաջին սմարթֆոնը

Ներկայացվեց ծալվող էկրանով առաջին սմարթֆոնը


Չինական Rouyu Technology ընկերությունը ներկայացրեց ծալվող էկրանով առաջին սմարթֆոնը՝ FlexPai-ը: Այս սմարթֆոնը հանդիսանում է նաև առաջին սարքը, որի մեջ տեղադրված է 7 նանոմետրանոց Qualcomm Snapdragon 8150 պրոցեսորը:


FlexPai-ն ունի 7.8 դյույմանոց ճկվող էկրան, որը մեջտեղից ծալվում է և արդյունքում ստացվում է երկու 4 դյույմանոց էկրան: Սմարթֆոնի վրա տեղադրված է 16ՄՊ և 20 ՄՊ կրկնակի տեսախցիկ, 6/8ԳԲ օպերատիվ և 128/256/512ԳԲ ներքին հիշողություն:


Սմարթֆոնի բազային տարբերակի գինը 1290$ է, իսկ թոփ տարբերակինը՝ 1864$: Սմարթֆոնն արդեն վաճառվում է Չինաստանում:

Alexa ձայնային օգնականը սովորել է շշուկով խոսել (Տեսանյութ)

Alexa ձայնային օգնականը սովորել է շշուկով խոսել (Տեսանյութ)


Amazon ընկերությանը պատկանող Alexa ձայնային օգնականն արդեն կարողանում է շշուկով պատասխանել օգտատիրոջը: Պետք է ընդամենը ծրագրի կարգավորումներում միացնել համապատասխան պարամետրը: 



Տվյալ պահին Alexa-ն շշուկով է խոսում միայն անգլերեն, սակայն հետագայում այս գործառույթը հասանելի կլինի մնացած լեզուների համար:

Google-ի նոր «.new» դոմեյներով հնարավոր է արագ ստեղծել օնլայն փաստաթղթեր

Google-ի նոր «.new» դոմեյներով հնարավոր է արագ ստեղծել օնլայն փաստաթղթեր


Google ընկերությունը ներկայացրեց «.new» նոր դոմեյնը, որը նախատեսված է արագ բացել Google Docs և Google Site կայքերը և միանգամից ստեղծել փաստաթղթեր կամ կայքեր: 

Տվյալ պահին առկա են 15 «.new» դոմեյներ՝
Արհեստական բանականության կողմից գեներացված պատկերն աճուրդում վաճառվել է 432.500$-ով

Արհեստական բանականության կողմից գեներացված պատկերն աճուրդում վաճառվել է 432.500$-ով


Վերջերս հայտնի աճուրդներից մեկում վաճառվել է մի լուսանկար, որը գեներացվել է արհեստական բանականության շնորհիվ: Հետաքրքիրն այն է, որ այս լուսանկարը աճուրդում գնահատվում էր 7000-10000 դոլար, սակայն այն վաճառվել է 432.500 դոլարով: Գնորդը ցանկացել է անոնիմ մնալ, սակայն քննարկման առիթը ոչ թե գնորդն է, այլ հեղինակն ու վաճառողը:

Բանն այն է, որ լուսանկարը վաճառած ֆրանսիացի մի քանի ուսանողներ օգտվել են այսպես կոչված GAN տեխնոլոգիայից, որը մեքենայական ուսուցման շնորհիվ գեներացնում է պատկերներ: Երիտասարդները GitHub-ից վերցրել են բաց ծրագրային կոդ և դա փոփոխելով ստացել են այս պատկերը: 



Նրանք նշել են, որ շնորհակալ են GAN տեխնոլոգիան ստեղծողից և GitHub-ում տեղադրված կոդի հեղինակ Ռոբբի Բարրաթից:



GitHub-ում այս ծրագրային կոդը տեղադրողը Twitter-ում գրառում է կատարել, որտեղ տեղադրել է վաճառված լուսանկարն ու իր ծրագրի արդյունքները:


Նա նշել է, որ երիտասարդները պարզապես օգտագործել են իր ծրագրային կոդը և վաճառել ստացված պատկերը:
Ներկայացվեց Xiaomi Mi Mix 3 սմարթֆոնը, որն ունի 5G կապ, 10ԳԲ ՕՀ և շարժական տեսախցիկներ

Ներկայացվեց Xiaomi Mi Mix 3 սմարթֆոնը, որն ունի 5G կապ, 10ԳԲ ՕՀ և շարժական տեսախցիկներ



Xiaomi ընկերությունը ներկայացրեց Xiaomi Mi Mix 3 սմարթֆոնը, որտեղ ներդրված են մի քանի նորարարություններ: Xiaomi Mi Mix 3-ն ունի անշրջանակ 6,39 դյույմանոց Super AMOLED էկրան` 2340х1080 թողունակությամբ և 19.5:9 կողմերի հարաբերակցությամբ: Այս սմարթֆոնի մեջ տեղադրված հատուկ կոնստրուկցիայի շնորհիվ էկրանը զբաղեցնում է առջևի մասի 93,4%-ը: 



Սմարթֆոնի մեջ տեղադրված է Qualcomm Snapdragon 845 պրոցեսոր, 6/8/10 ԳԲ օպերատիվ և 128/256ԳԲ ներքին հիշողություն: Սմարթֆոնը չունի microSD քարտի և 3.5մմ ականջակալի բնիկի հնարավորություն:



Xiaomi Mi Mix 3 սմարթֆոնի վրա բնականաբար մեծ ուշադրության են արժանացել տեսախցիկները: Առջևի 24 ՄՊ և 2 ՄՊ տեսախցիկները շարժական են և տեղադրված են հատուկ կոնստրուկցիայի մեջ:



Սմարթֆոնի հետևում տեղադրված են 12ՄՊ երկլու տեսախցիկներ: Բոլոր տեսախցիկներում տեղադրված են կատարելագործված սենսորներ՝ իդեալական լուսանկարներ ստանալու համար: Առկա է նաև Night Mode ռեժիմ, որը նախատեսված է գիշերային լուսանկարների համար: 



DxOMark-ի մասնագետներն արդեն հասցրել են փորձարկել այս նոր սմարթֆոնով նկարած լուսանկարներն ու վիդեոները: Այսպիսով, Xiaomi Mi Mix 3-ը DxOMark-ում հավաքել է 103 միավոր, ինչը հավասար է Samsung Galaxy Note9 7 HTC U12+ սմարթֆոնների միավորներին: Այս սմարթֆոններից ավելի շատ միավորներ են հավաքել iPhone Xs Max-ը (105) և uawei P20 Pro-ն (109):

Xiaomi Mi Mix 3 սմարթֆոններն ունեն Bluetooth 5.0, NFC, Wi-Fi 802.11ac (4×4 MIMO), USB-C, մատնահետքի սկաներ և կրկնակի GPS մոդուլներներ: Եվրոպական շուկայի համար հասանելի կլինեն 5G կապի հնարավորությամբ մոդելներ, որոնք կթողարկվեն 2019-ի առաջին եռամսյակում:



Xiaomi Mi Mix 3 սմարթֆոնի մարտկոցը 3200 մԱ/ժ է, որն հնարավոր է լիցքավորել ինչպե անլար, այնպես էլ լարով տարբերակներով:



Xiaomi Mi Mix 3 սմարթֆոնի վրա հայտնվել է նաև նոր ֆիզիկական կոճակ, որը նախատեսված է XiaoAI նոր ֆիրմային ձայնային օգնականը միացնելու համար: Առայժմ այս օգնականը գիտի միայն չինարեն: Առայժմ պարզ չի, թե միջազգային տարբերակներում ինչ դեր կունենա այս կոճակը:



Xiaomi Mi Mix 3 սմարթֆոնները հասանելի կլինեն երեք երանգներով՝ Jade Green, Sapphire Blue և Onyx Black: Կթողարկվի նաև Forbidden City կոչվող հատուկ մոդել, որը կունենա 10ԳԲ օպերատիվ հիշողություն և հատուկ երանգներով կորպուս:



Չինաստանում այս նոր սմարթֆոնների վաճառքը կմեկնարկի ս.թ. նոյեմբերի 1-ին: 6/128 մոդելը կարժենա $475, 8/128-ը՝ $520, 8/256-ը՝ $575, իսկ Forbidden City տարբերակը՝ $720: