Հարավկորեական MBC հեռուստաալիքով ցուցադրվեց I Met You հեռուստանախագծի հատուկ թողարկումը, որի ընթացքում մայրը վիրտուալ իրականության տեխնոլոգիայի շնորհիվ հանդիպեց իր մահացած աղջկա հետ: Վիրտուալ աղջկա ձայնը, տեսքը, շարժումմներն ու միմիկան ստեղծված են հնարավորինս իրականին մոտ:
Այս հանդիպումն ավելի իրական դարձնելու համար մայրը հագել է հատուկ ձեռնոցներ, որոնցով կարողացել է շգալ շոշափումը: Հեռուստադիտողներն ու համացանցի օգտատերերը ոչ միանշանակ են ընդունել վիրտուալ իրականության տեխնոլոգիայի այսպիսի օգտատործումը:
Վերջերս բազմաթիվ նամակներ էի ստանում, որ Տելեգրամի համար ստեղծված ստիկերները հասանելի դարձնեմ նաև Viber-ի համար: Այսպիսով ձեզ եմ ներկայացնում ArmPhrase 1 և ArmPhrase 2 հայերեն ստիկերների հավաքածուները, որոնք կարող եք անվճար օգտգագործել Viber-ում: Տելեգրամում այս ստիկերները հասանելի են մի (ArmPhrase) փաթեթի մեջ:
Կաշխատեմ ստիկերների հավաքածուն աստիճանաբար շատացնել: Վերջում նշեմ, որ Տելեգրամում այս ստիկերներն արդեն օգտագործվել են մոտ 40.000 անգամ:
Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է Assassin's Creed Syndicate և Faeria խաղերը: Նշեմ, որ այս ակցիան գործում է մինչև փետրվարի 27-ը:
Այս ընթացքում եթե նշված խաղերն ավելացնեք Epic Games-ի ձեր գրադարանում, ապա դրանք հետագայում նույնպես կարող եք անվճար խաղալ:
Apple ընկերությունը թողարկել է Swift Playgrounds անվճար ծրագիրը MacOS օպերացացիոն համակարգի համար: Հիշեցնեմ, որ 2016թ. այս հավելվածը թողարկվել էր iPad սարքերի համար:
Այն թույլ է տալիս գլուխկոտրուկների, խաղերի և այլ բազմատեսակ դասընթացների շնորհիվ սովորել Swift ծրագրավորման լեզուն (այս լեզուն օգտագործվում է iOS հավելվածներ ստեղծելու համար):
Այսուհետ մինչև 100․000 դրամ գույքային պահանջներով ավտոպատահարները կարող եք գրանցել նաև «ASWA» բջջային հավելվածի միջոցով՝ Համաձայնեցված հայտարարագրի էլեկտրոնային լրացման եղանակով։
«ASWA» բջջային հավելվածը կարող եք անվճար ներբեռնել iOS 8 և ավելի նոր կամ Android 4.1 և ավելի նոր օպերացիոն համակարգերով աշխատող սմարտֆոնների միջոցով՝ App Store և Google Play Store հարթակներից։ Բջջային հավելվածով պատահարը կարող է ձևակերպել ինչպես պատահարին մասնակից վարորդներից որևէ մեկը, այնպես էլ ցանկացած երրորդ անձ, ով ունի ներբեռնված բջջային հավելված և ինտերնետ հասանելիություն դեպքի վայրում։ Բջջային հավելվածն աշխատում է շուրջօրյա՝ առցանց (on-line) ռեժիմով։ Բջջային hավելվածի օգտագործումը բավական մատչելի է․ հավելվածով հնարավոր է պատահարը գրանցել պարզ գործողությունների միջոցով և հաշված րոպեների ընթացքում։
Բջջային հավելվածով պատահար գրանցելու դեպքում Համաձայնեցված հայտարարագրի թղթային տարբերակ այլևս չի կազմվում, ինչպես նաև անհրաժեշտ չէ հեռախոսազանգի միջոցով ապահովագրական ընկերությանը տեղեկացնել տեղի ունեցած պատահարի մասին: Բջջային հավելվածի միջոցով ավտոպատահարի գրանցման մասին տեղեկատվությունը պատահարի գրանցումից անմիջապես հետո ուղարկվում է պատահարին մասնակից ավտոմեքենաների՝ տվյալ պահին գործող ԱՊՊԱ պայմանագրում նշված էլեկտրոնային փոստի հասցեներին։
Ուշադրությու՛ն․ Ձեզ պատկանող ավտոմեքենաների վերաբերյալ բջջային հավելվածի միջոցով գրանցվող պատահարների մասին պատշաճ տեղեկատվություն ստանալու նպատակով խնդրում ենք ստուգել և համոզվել, որ Ձեր ԱՊՊԱ պայմանագրում լրացված է ճիշտ էլեկտրոնային փոստի հասցե։ Եթե ԱՊՊԱ պայմանագրում նշված է սխալ էլեկտրոնային փոստի հասցե, ապա հնարավորինս սեղմ ժամկետներում դիմեք Ձեր ապահովագրական ընկերությանը և ճշգրտեք այն։
Xiaomi ընկերությունը ներկայացրեց Mi 10 և Mi 10 Pro սմարթֆոնները: Այս նոր սարքերն ունեն 6.7 դյույմանոց Super AMOLED էկրան՝ 2340×1080 թողունակությամբ և 90Հց հաճախականությամբ:
Էկրանի վերևի ձախ անկյունում ներդրված է առջևի 20ՄՊ տեսախցիկը, որի չափսերը բավականին փոքր են: Մատնահետքի սկաները նույնպես տեղադրված է էկրանի մեջ: Սմարթֆոններն ունեն LPDDR5 8/12ԳԲ օպերատիվ և 128/256ԳԲ/512ԳԲ ներքին UFS 3.0 հիշողություն:
Mi 10 և Mi 10 Pro սմարթֆոններն աշխատում են Snapdragon 865 պրոցեսորով և Antutu-ում ունեն արագագործության ռեկորդային նոր ցուցանիշ՝ 585.232: Մեծ ուշադրության է արժանացել նաև սմարթֆոնների նոր հովացման համակարգի ու էկրանի լուսավորության աստիճանի վրա: Սմարթֆոններն արտաքնապես պաշտպանված են Corning Gorilla Glass 5 ապակիով:
Նոր սմարթֆոններն աշխատում են Wi-Fi 6 տեխնոլոգիայով և 5G/LTE ցանցով: Սմարթֆոններում ներդրված է MultiLink տեխնոլոգիան, որը թույլ է տալիս միաժամանակ առավելագույն արագությունով ներբեռնել տվյալներ WiFi և բջջային կապով:
Mi 10 սմարթֆոնն ունի 108ՄՊ հիմնական տեսախցիկ, որի կողքին տեղադրված են 13ՄՊ, 2ՄՊ, 2ՄՊ տեսախցիկներ: Mi 10 Pro սմարթֆոնի դեպքում՝ 108ՄՊ, 20ՄՊ, 12ՄՊ, 8ՄՊ: Այս սմարթֆոններով հնարավոր է վիդեո նկարել 8K որակով:
Mi 10 Pro սմարթֆոնի տեսախցիկերն ունեն 2x և 5x օպտիկական, 10x հիբրիդային և 50x ծրագրային զում: Xiaomi Mi 10 Pro-ի տեսախցիկներն արդեն փորձարկել են DxOMark-ի մասնագետները և այն տվյալ պահին հայտնվել է առաջին հորիզոնականում:
Mi 10 սմարթֆոնի մարտկոցը 4780 մԱ/ժ է (30Վտ), իսկ Pro-ինը՝ 4500 մԱ/ժ (50Վտ): Սմարթֆոնները լիցքավորվում են նաև անլար ռեժիմով ու կարող են լիցքավորել այլ սարքեր:
Ինչ վերաբերում է գնին, ապա Mi 10 և Mi 10 Pro սմարթֆոններն այդքան էլ էժան չեն, սակայն գրեթե նույն տեխնիկական պարամետրերով վերջերս ներկայացված Galaxy S20 սմարթֆոններից մոտ երկու անգամ էժան են:
Galaxy UNPACKED 2020 միջոցառման ժամանակ Samsung-ը ներկայացրեց ծալվող էկրանով Galaxy Z Flip սմարթֆոնը: Բացված վիճակում այս սմարթֆոնի էկրանը 6.7 դյույմ է, իսկ 90 աստիճան ծալելու դեպքում էկրանը բաժանվում է երկու մասի, որոնցից յուրաքանչյուրի վրա հնարավոր է տեսնել տարբեր պարունակություն:
Galaxy Z Flip սմարթֆոնի առջևի 10ՄՊ-անոց տեսախցիկը տեղադրված է էկրանի վերևի մեջտեղի հատվածում: Սմարթֆոնի հետևի մասում տեղադրված է երկու մոդուլանի (12ՄՊ) հիմնական տեսախցիկը:
Սմարթֆոնի կորպուսի դրսի մասում կա լրացուցիչ 1,1 դյույմանոց էկրան, որի վրա ցուցադրվում է օգտակար ինֆորմացիա՝ ժամացույց, ծանուցումներ, զանգեր և այլն:
Galaxy Z Flip սմարթֆոնն աշխատում է 8 միջուկանի պրոցեսորով, ունի 8ԳԲ օպերատիվ և 256ԳԲ ներքին հիշողություն: Սմարթֆոնն ունի 3300 մԱ/ժ մարտկոց, որը լիցքավորվում է նաև անլար ռեժիմով: Սմարթֆոնը կվաճառվի $1,380-ով:
Samsung ընկերությունը ներկայացրեց Galaxy S20 սմարթֆոնները, որոնք հանդիսանում են Galaxy S10 սմարթֆոնների հաջորդ մոդելները: S20 սերիան իր մեջ ներառում է 3 մոդելներ՝ Galaxy S20, S20+ և S20 Ultra: Բոլոր մոդելներն աշխատում են 5G ցանցով:
Սմարթֆոնների էկրաններն աշխատում են 120 Հց թարմացման հաճախականությամբ, ինչը հատկապես օգտակար է խաղասերների համար: Շուկայից կախված այս մոդելների մեջ տեղադրվելու են Snapdragon 865 կամ Exynos 990 պրոցեսորներ:
Galaxy S20 մոդելն ունի 8/12ԳԲ LPDDR5 օպերատիվ և 128ԳԲ UFS3 ներքին հիշողություն: Ավելի մեծ չափսերով S20+ սմարթֆոնը կվաճառվի 8/128 ԳԲ և 12/512 ԳԲ տարբերակներով, իսկ ամենաթոփային Galaxy S20 Ultra սմարթֆոնը՝ 12/16 ԳԲ և 512ԳԲ տարբերակներով: Բոլոր սմարթֆոններն ունեն մինչև 1 Տբ microSD քարտ տեղադրելու հնարավորություն:
Բոլոր մոդելներն ունեն Quad HD+ Dynamic AMOLED 2X էկրան, որի վերևի հատվածում տեղադրված է մի մոդուլանոց տեսախցիկ (մեջտեղի հատվածում՝ Infinity-O): Մատնահետքի սկաները նույնպես տեղադրված է այս էկրանի մեջ: Էկրաններն աշխատում են HDR10+ տեխնոլոգիայով:
Galaxy S20 սմարթֆոնի էկրանը 6.2 դյույմ է, S20+ սմարթֆոնինը՝ 6.7 դյույմ, իսկ Galaxy S20 Ultra սմարթֆոնինը՝ 6.9 դյույմ: Galaxy S20 և S20+ սմարթֆոնների առջևի տեսախցիկը 12Մպ է (F/2.2,80˚), իսկ Galaxy S20 Ultra-ինը՝ 40Մպ:
Galaxy S20 սերիայի բոլոր մոդելների հիմնական տեսախցիկները բաղկացած են մի քանի մոդուլների ու սենսորների բազմությունից, որոնցով հնարավոր է ստանալ գրեթե կատարյալ լուսանկարներ:
Galaxy S20 Ultra-ի ի հիմնական տեսախցիկը 108Մպ է, որն ունի 100x զում: Բոլոր մոդելներով հնարավոր է ձայնագրել 8K վիդեո:
Սմարթֆոններն ունեն մետաղյա կորպուս, որը ծածկված է 6-րդ սերնդի Gorilla ապակով: 3,5մմ բնիկ այս սմարթֆոնների վրա չկա, փոխարենը կա Type-C մոդուլ:
Այս սմարթֆոնների վրա տեղադրված չի նաև նախորդ մոդելի Bixby ֆիզիկական կոճակը: Սմարթֆոնները պաշտպանված են ջրից ու փոշուց IP68 ստանդարտով:
Galaxy S20 սմարթֆոնի մարտկոցը՝ 4000 մԱ/ժ է, S20+ սմարթֆոնինը՝ 4500 մԱ/ժ, իսկ S20 Ultra-ինը՝ 5000 մԱ/ժ: Մարտկոցները լարով լիցքավորվում են 25Վտ կամ 45Վտ (Ultra-ի դեպքում) հզորությամբ, իսկ անլար ռեժիմով՝ 10Վտ: PowerShare տեխնոլոգիան թույլ է տալիս սմարթֆոնի միջոցով անլար լիցքավորել այլ սարքեր:
Galaxy S20 սմարթֆոնի բազային մոդելը կարժենա 1000 ԱՄՆ դոլար, S20+ սմարթֆոնի դեպքում՝ 1200$, իսկ թոփային Galaxy S20 Ultra սմարթֆոնը կվաճառվի 1400$-ով: Բոլոր սմարթֆոնները տուփից աշխատում են Android 10-ով:
Google Chrome ինտերնետ դիտարկչի 80-րդ տարբերակում ավելացել է մի նոր գործառույթ, որը թույլ է տալիս խմբավորել բացված թաբերը ըստ գույների և ավելի հեշտ գտնել ու կառավարել դրանք: Այս գործառույթն առայժմ գտնվում է փորձարկման փուլում և այն հնարավոր է միացնել flags-ում համապատասխան կարգավորումը միացնելու դեպքում:
Ինչպես միացնել
1. Google Chrome-ում բացեք chrome://flags/#tab-groups էջը:
2. Tab Groups կարգավորումը դրեք Enalbed:
3. Փակեք և բացեք Google Chrome-ը:
Ինչպես օգտվել
Աջ քլիք արեք ցանկացած բացված թաբի վրա և սեղմեք Add to new group կոճակը: Այս գործողությունից հետո նշված թաբը կհայտնի նոր խմբի մեջ, որի անունն ու գույնը կարող եք փոխել սեղմելով գույնի կլորակի վրա:
Այնուհետ ցանկացած թաբ կարող եք քաշել և տեղադրել այդ խմբի մեջ (կամ ավելացնել աջ քլիքի մենյուով): Խմբավորման այս նոր գործառույթը թույլ է տալիս ստեղծել տարբեր գույներով խմբեր և թաբերը խմբավորել դրանց մեջ:
Օսկար 2020 մրցանակաբաշխության ժամանակ Samsung-ը առաջին անգամ պաշտոնապես ցուցադրեց Galaxy Z Flip սմարթֆոնի գովազդը: Սպասվում է, որ ծալվող էկրանով այս նոր սմարթֆոնը կներկայացվի մի քանի օրից:
Չինական TCL ընկերությունը հայտարարել է, որ այլևս չի թողարկելու BlackBerry հեռախոսներ, իսկ տեխնիկական սպասարկումը կշարունակվի մինչև 2022թ. օգոստոսի 31-ը: Հիշեցնեմ, որ 2016թ. TCL-ը պայմանագիր էր կնքել BlackBerry-ի հետ և այդ ապրանքանիշով հեռախոսներ էր թողարկում:
Պաբլո Էսկոբարի եղբայրը թողարկել է Pablo Escobar Fold 2 ծալվող էկրանով սմարթֆոնը, որի հիմնական մրցակիցը Samsung Galaxy Fold սմարթֆոնն է:
Այս նոր սմարթֆոնի գովազդային արշավում օգտագործվում է RIPSAMSUNG արտահայտությունը, իսկ գովազդներից մեկում ջարդվում են Samsung-ի հեռախոսները:
Նշեմ, որ այս սմարթֆոնի գինը մոտ 4 անգամ էժան է Galaxy Fold-ի գնից:
Pablo Escobar Fold 2 սմարթֆոնն աշխատում է Android 10-ով: Այն ունի Qualcomm Snapdragon 855 պրոցեսոր, 4380 մԱ/ժ մարտկոց, 7.3 դյույմանոց էկրան, 5 տեսախցիկ:
Օրեր առաջ ԱՄՆ-ում տեղի ունեցավ 54-րդ «Super Bowl»-ը՝ ԱՄՆ Ազգային ֆուտբոլային Լիգայի եզրափակիչ խաղը: Այս միջոցառման ժամանակ ցուցադրվում են նաև աստղերի մասնակցությամբ ամենաթարմ թրեյլերներն ու հետաքրքիր գովազդները:
Վերջերս թողարկված «Առյուծ արքա» մուլտֆիլմի կենդանիներն ու վայրի բնությունն ամբողջությամբ ստեղծվել են համակարգչային գրաֆիկայի միջոցով, բացառությամբ մի կարճ դրվագի (ներևքի նկարը):
Մուլտֆիլմի հեղինակները վերջերս համացանցում տեղադրել են մի տեսահոլովակ, որտեղ ցուցադրվում են, թե ինչպես են ստեղծվել որոշ դրվագների էֆֆեկտները:
Ալեն Պեն անունով ինժեները կարողացել է այնպես անել, որպեսզի «Վազքուղու» մարզասարքով քայլելու կամ վազելու ընթացքում սեղմմվի PS4-ի ջոյստիկի համապատասխան կոճակը: Նա այս սարքը փորձել է Death Stranding խաղի վրա, որտեղ հիմնականում պետք է քայլել կամ վազել:
Քանի որ «Վազքուղու» սարքով հնարավոր չի ղեկավարել խաղի մնացած գործառույթները, այդ պատճառով նա իր ձեռքում է պահել նաև PS4-ի ջոյստիկը:
Գերմանացի նկարիչ Սայմոն Վեկերտը համացանցում կիսվել է իր վերջին փորձի մասին: Նա սայլակի մեջ տեղադրել ու դանդաղ տեղափոխել է 99 սմարթֆոններ, որոնց վրա միացված է եղել Google Maps-ի նավիգացիան:
Google Maps-ն էլ անալիզ է արել այդ հարվածի տրաֆիկի արագությունը և որոշել է, որ այդ հատվածում խցանում է:
Արդյունքում Google Maps-ի քարտեզի վրա այդ հատվածը կարմրել է և վարորդները խուսափել են այդ փողոց մտնելուց: Առայժմ Google-ի կողմից պաշտոնական պատասխան չի տրվել և դեռևս պարզ չի, թե ինչքանով է այս պատմությունը ճիշտ:
