Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Windows-ի հայտնի ձայները հարավկորեական խմբի կատարմամբ (վիդեո)

Windows-ի հայտնի ձայները հարավկորեական խմբի կատարմամբ (վիդեո)



Հարավկորեական Maytree երգչախումբը կատարում է Windows-ի տարբեր տարբերակների հայտնի ձայները: Նույնիսկ Windows-ի պաշտոնական YouTube էջն է մտել ու մեկնաբանություններում 10/10 գնահատել կատարումը: Այս խումբը հայտնի է նաև այլ հետաքրքիր կատարումներով (օր. Super Mario):

Motorola-ն նույնպես ցուցադրեց հեռավորության վրա անլար լիցքավորման իր տեխնոլոգիան (վիդեո)

Motorola-ն նույնպես ցուցադրեց հեռավորության վրա անլար լիցքավորման իր տեխնոլոգիան (վիդեո)


Motorola ընկերությունը ցուցադրեց հեռավորույան վրա անլար լիցքավորման իր տեխնոլոգիան, որն աշխատում է այն դեպքում, երբ լիցքավորվող սարքի ու սմարթֆոնի միջև եղած տարածությունում արգելք չկա: Տեսանյութում ցուցադրվում են վերջերս թողարկված Motorola Edge երկու սմարթֆոններ, որոնք միաժամանակ լիցքավորվում են մոտ մեկ մետր հեռավորության վրա գտնվող լիցքավորման սարքից: 


Տեսանյութում ցուցադրվում է նաև, որ տարածության մեջ ֆիզիկական արգելքի դեպքում լիցքավորումը դադարում է: Առայժմ հստակ տվյալներ չկան, թե ինչ հզորություն է ապահովում այս տեխնոլոգիան: Հիշեցնեմ, որ այսօր առավոտյան նմանատիպ տեխնոլոգիա ներկայացրեց նաև Xiaomi ընկերությունը:
Reddit-ի օգտատերերը բարձրացրել են GameStop խաղերի խանութների ցանցի ակցիաների գինը 800%-ով

Reddit-ի օգտատերերը բարձրացրել են GameStop խաղերի խանութների ցանցի ակցիաների գինը 800%-ով



ԱՄՆ ֆոնդային բիրժաներում իսկական խառնաշփոթ են ստեղծել Reddit-ի օգտատերերը, ովքեր բարձրացրել են GameStop խաղերի խանութների ցանցի ակցիաների գինը 800%-ով: Ամեն ինչ սկսվել է u/ronoron օգտատիրոջ գրառումից, ով Melvin Capital ֆոնդի ներդրողներին մեղադրել է այն բանի մեջ, որ նրանք ցանկանում են խորտակել GameStop-ը և դրա հաշվին գումար վաստակել: 


Այսինքն ներդրողները կանխատեսելով այս և այլ ընկերությունների մոտակա վախճանը և խաղադրույքներ անելով ակցիաների գների նվազման վրա հարստանում են: GameStop-ը համակարգչային խաղերի վաճառքի հայտնի ցանց է, որի գործերը վերջերս այդքան էլ լավ չէին: 


Reddit-ի Wall Street Bets խմբի անդամները սկսել են զանգվածաբար գնել GameStop-ի ակցիաները, ինչը հետևանքով ստեղծվել է արհեստական պահանջարկ և գնաճ: 2 ամսվա ընթացքում GameStop-ի ակցիաների գներն աճել են 800%-ով՝ 16.56 դոլարից դառնալով 147.98 դոլար (հունվար 27 դրությամբ):


Ըստ S3 Partners վերլուծաբանների 2021թ. սկզբից GameStop-ի ակցիաների գների նվազման վրա խաղադրույք կատարող ներդրողներն արդեն կորցրել են 3.3 միլիարդ դոլար: Միայն հունվարի 22-ին, երբ ակցիաների գները բարձրացել են 51%-ով, ներդրողները կորցրել են 1.6 միլիարդ դոլար: Հունվարի 27-ի դրությամբ GameStop-ի ակցիաները ամենաշատ գնվող/վաճառվողներն էին:


Այս քաոսային իրավիճակը բնականաբար չէր կարող վրիպել պետական կառույցների ուշադրությունից: ԱՄՆ նախագահի աշխատակազմն արդեն հայտնել է, որ իրենց ուշադրության տակ է այս հարցը: Իլոն Մասկը նույնպես անդրադարձել է այս թեմային իր Թվիթերում, որտեղ տարածել է Wall Street Bets խմբի հղումն ու գրել Gamestonk մեկնաբանությունը: Սոցիալական ցանցերում Stonk մեմով ծաղրում են այն ներդրողներին, ովքեր կասկածելի ներդրումներ են անում գումար վաստակելու հույսով:


Նշեմ նաև, որ Robinhood և այլ բրոկերական հարթակներ ամբողջությամբ կամ մասամբ անջատել են տասնյակ ընկերությունների (AMC, GameStop, Nokia, Naked Brand, BlackBerry և այլն) ակցիաների առք ու վաճառքը այն բանից հետո, երբ WallStreetBets խմբի անդամները սկսել են զանգվածաբար գնել ակցիաները և արհեստական բարձրացնել գները: WallSteetBets-ի անդամները բնականաբար անդարդարձել են այս փաստին և մեղադրել են բրոկերական հարթակներին շուկան մանիպուլյացնելու մեջ:
Xiaomi-ն ներկայացրեց մոտակայքում գտնվող սարքերը անլար լիցքավորելու նոր տեխնոլոգիա

Xiaomi-ն ներկայացրեց մոտակայքում գտնվող սարքերը անլար լիցքավորելու նոր տեխնոլոգիա


Xiaomi ընկերությունը ներկայացրեց անլար լիցքավորման նոր սերնդի տեխնոլոգիա, որը կոչվում է Mi Air Charge: Նոր լիցքավորման կայանը թույլ է տալիս միաժամանակ լիցքավորել մոտակայքում գտնվող սարքերը 5Վտ առավելագույն հզորությամբ:


Արկղի նմանվող լիցքավորման կայանում տեղադրված են 5 անտենաներ, որոնք միլիվայրկյանների ընթացքում գտնում են մոտակայքում գտնվող սարքը և 144 անտենաներով փոխանցում են էներգիան: 


Լիվքավորվող սարքն ունի անտենաների երկու փոքր բլոկներ՝ Mi Air Charge-ի հետ կապ հաստատող և միլիմետրանոց ալիքն ընդունող ու այն էներգիայի փոխակերպող:
Պուտինի դղյակը 1:1 մասշտաբով կառուցել են Minecraft խաղում, ինչպես նաև Microsoft Flight Simulator-ով հետևել են վերևից (վիդեո)

Պուտինի դղյակը 1:1 մասշտաբով կառուցել են Minecraft խաղում, ինչպես նաև Microsoft Flight Simulator-ով հետևել են վերևից (վիդեո)

TeamCIS ընկերությունը Minecraft-ում 1:1 մասշտաբով կառուցել է Կրասնոդարի երկրամասում գտնվող Պուտինի դղյակը: Ընդ որում կառուցվել է ոչ միայն արտաքին շենքը, այլև ներսի սենյակներն ու կահավորումը: 

Վերջերս խաղասերների մեկը Microsoft Flight Simulator-ով ինքնաթիռից հետևել է այս դղյակին: Նշեմ, որ այս խաղում դետալիզացիան ավելի լավն է, քան օրինակ Yandex-ի քարտեզում:

Microsoft-ը հերթական գովազդում համեմատում է իր նոթբուքը MacBook Pro-ի հետ ու ծաղրում սենսորային Touch Bar-ը

Microsoft-ը հերթական գովազդում համեմատում է իր նոթբուքը MacBook Pro-ի հետ ու ծաղրում սենսորային Touch Bar-ը

Microsoft և Apple ընկերությունները շարունակում են գովազդներում համեմատել իրենց ապրանքներն ու հումորներ անել այս կամ այն ֆունկցիայի առկայության կամ բացակայության վերաբերյալ: Microsoft-ը հերթական գովազդում համեմատում է Surface Pro 7 նոթբուքը MacBook Pro-ի հետ ու ծաղրում սենսորային Touch Bar-ը: Գովազդում պատանին նշում է, թե իմաստը որն է ունենալ առանձին  Touch Bar, եթե դրա փոխարեն կարելի է ունենալ սենսորային մեծ էկրան:

Flash Player-ի սպասարկումը դադարեցնելու պատճառով Չինաստանի որոշ երկաթգծերի աշխատանքը քաոսի է վերածվել

Flash Player-ի սպասարկումը դադարեցնելու պատճառով Չինաստանի որոշ երկաթգծերի աշխատանքը քաոսի է վերածվել

Ս.թ. հունվարի 12-ից Adobe ընկերությունը դադարեցրեց Flash Player-ի սպասարկումն ու սկսեց արգելափակել այն: Սա բնականաբաև նորություն չէր և հայտնի էր դեռևս 2017 թվականից: Սակայն աշխարհում դեռ կան բազմաթիվ կայքեր ու պլատֆորմեր, որոնք աշխատում են այս տեխնոլոգիայով: 

Չինաստանի որոշ երկաթգծային կայաններ նույնպես օգտվում են այս տեխնոլոգիայից և հունվարի 12-ին իսկական քաոս է սկսվել, քանի որ օպերատորները չեն կարողացել էկրանին տեսնել անհրաժեշտ ինֆորմացիան: Խնդիրը շտկվել է հաջորդ օրը:

Epic Games-ից կարող եք անվճար վերցնել Galactic Civilizations III խաղը

Epic Games-ից կարող եք անվճար վերցնել Galactic Civilizations III խաղը


Epic Games-ն այս շաբաթ անվճար նվիրում է Galactic Civilizations III խաղը, որը ձեր գրադարաններում ավելացնելուց հետո կարող եք անվերջ անվճար խաղալ: Ակցիան գործում է մինչև հունվարի 28-ը:

Huawei-ից վերջերս առանձնացած Honor ընկերությունը ներկայացրեց իր առաջին Honor V40 5G սմարթֆոնը

Huawei-ից վերջերս առանձնացած Honor ընկերությունը ներկայացրեց իր առաջին Honor V40 5G սմարթֆոնը

Huawei-ից վերջերս առանձնացած Honor ընկերությունը ներկայացրեց Honor V40 ֆլագմանը: Հիշեցնեմ, որ վերջերս Huawei ընկերությունը վաճառեց Honor-ը, որպեսզի այս ապրանքանիշը չմտնի ԱՄՆ-ի կողմից կիրառվող պատժամիջոցների մեջ:

Honor V40 սմարթֆոնն ունի 6.72 դյույմանոց OLED էկրան (120Հց, 1236×2676): Սարքն աշխատում է MediaTek Dimensity 1000+ 5G պրոցեսորով: Օպերատիվ հիշողությունը 8ԳԲ է, իսկ ներքինը՝ 128/256 ԳԲ: Սարքի մարտկոցը 4200 մԱ/ժ է, որը լիցքավորվում է USB Type-C-ով 66 Վտ լիցքավորիչով, կամ 50Վտ անլար լիքավորիչով:

Սմարթֆոնի գլխավոր տեսախցիկը բացկացած է 50 ՄՊ հիմնական, 8 ՄՊ լայնանկյուն և 2ՄՊ մակրո մոդուլներից: Սմարթֆոնի առջևի տեսախցիկը բաղկացած է 16 ՄՊ-անոց մոդուլից և խորության սենսորից: Մատնահետքի սկաները տեղադրված է էկրանի մեջ:

Honor V40-ի չինական տարբերակում բացակայում են Google-ի ծառայությունները, քանի որ դրանք արգելափակված են Չինաստանում: Սպասվում է, որ Honor-ը կթողարկի Honor View 40 գլոբալ տարբերակը, որտեղ առկա կլինեն այդ ծառայությունները:

Սմարթֆոնը հասանելի է լինելու երեք գույներով և բազային տարբերակը վաճառվելու է $556-ով:

Raspberry-ն ներկայացրեց 4$-անոց մինի Pico համակարգիչը

Raspberry-ն ներկայացրեց 4$-անոց մինի Pico համակարգիչը

Raspberry Pi Foundation-ը թողարկել է հանել 4 դոլարանոց մինի Pico համակարգիչը, որը օնլայն կարելի է պատվիրել այստեղից: Այս սարքն աշխատում է ֆիրմային RP2040 չիպով, որն ունի երկու հատ Arm Cortex M0+ պրոցեսոր (max 133 MHz): 

Սարքն ունի ներդրված 264Կբ  SRAM հիշողություն, ինչը կարելի է շատացնել QSPI ինտերֆեյսով մինչև 16Մբ արտաքին հիշողություն միացնելու հաշվին:

Raspberry Pi Pico-ն ունի մեկ հատ Micro-USB 1.1 բնիկ, ինչի միջոցով սարքը միանում է հոսանքին կամ կատարվում է ծրագրավորում (C կամ MicroPython): Սարքն ունի նաև մի շարք այլ I/O ինտերֆեյսներ: Սարքը չունի Wi-Fi և Bluetooth մոդուլներ, սակայն ունի ջերմաստիճանի սենսոր: 

Rasperry-ն չի մոռացել նաև սկսնակների ծրագրավորողների ու ինժեների մասին և թողարկել է ուսուցողական գիրք:

Նշեմ, որ մոտ 35 դոլարով Raspberry-ն վաճառում է Pi 4 համակարգիչը, որն ունի Wi-Fi, LAN և Bluetooth մոդուլներ, 1 Գբ օպերատիվ հիշողություն, HDMI 4K ելք և այլն:

Chrome 88-ից ջնջվել են FTP և FLASH տեխնոլոգիաները, բարելավվել է սև ինտերֆեյսը

Chrome 88-ից ջնջվել են FTP և FLASH տեխնոլոգիաները, բարելավվել է սև ինտերֆեյսը

Google ընկերությունը թողարկել է Chrome դիտարկչի 88-րդ տարբերակը, որտեղ կատարվել են մի շարք փոփոխություններ: Chrome-ի վերջնական ջնջվել է ներդրված Flash Player-ը: Հիշեցնեմ, որ վերջերս Adobe-ը դադարեցրեց Flash Player-ի սպասարկումը: 

Chrome 88-ից ջնջվել է նաև ֆայլերի տեղափոխման FTP պրոտոկոլը: Այսինքն այլևս հնարավոր չի լինի Chrome-ում բացել ftp://-ով սկսվող հասցեները:


Chrome 88-ում բարելավվել են նաև սև ինտերֆեյսի որոշ էլեմենտներ:

Chrome 88-ում հայտնվել է նաև բացված թաբերը որոնելու գործառույթ, որը հնարավոր է միացնել chrome://flags/#enable-tab-search պարամետրը միացնելու դեպքում:


Chrome://flags-ում հայտնվել է նաև permission-chip պարամետրը, որը միացնելու դեպքում Chrome-ի թույլտվության հարցումները ցուցադրվում են ոչ թե փոքր պատուհանում, այլև անմիջապես հասցեի դաշտում: 

Մեկնարկել է iPhone-ով նկարած լուսանկարների ամենամյա մրցույթը, որին կարող են մասնակցել բոլոր ցանկացողները

Մեկնարկել է iPhone-ով նկարած լուսանկարների ամենամյա մրցույթը, որին կարող են մասնակցել բոլոր ցանկացողները


Մեկնարկվել է iPhone Photography Awards 2021 մրցույթի հայտերի ընդունումը, որին կարող են մասնակցել բոլոր ցանկացողները աշխարհի տարբեր երկրներից: Մասնակցությունը վճարովի է և գումարը կախված է մրցույթին ներկայացվող լուսանկարների քանակից: Օրինակ մի լուսանկարի դեպքում 5.5 դոլար է, իսկ 5 լուսանկարի դեպքում 18.5: Մրցույթում ներկայացված լուսանկարները բաժանվելու են 18 կատեգորիաների և բոլոր կատեգորիաներում մրցանակային 3 տեղ գրավողները ստանալու են մրցանակներ (Apple-ի սարքեր, ոսկու ձուլակտորներ): 

2020թ. հաղթող լուսանկարը Ռուսաստանից էր

2020թ. հաղթող լուսանկարը

Հայտերի ընդունման վերջնաժամկետը 2021թ. մարտի 13-ն է: Մրցույթին ներկայացվող լուսանկարները բնականաբար պետք է նկարահանված լինեն iPhone-ով:

Արգելվում է մրցույթին ներկայացնել համակարգչի ծրագրերով մշակված լուսանկարները (օր. Photoshop-ով), սակայն iOS համակարգի ծրագրերի վրա արգելք չկա:

Անցած տարվա հաղթողներին նվիրված Armblog-ի գրառումը կարող եք տեսնել այստեղ: Բոլոր տարիների հաղթող լուսանկարները կարող եք տեսնել մրցույթի պաշտոնական կայքում:

Disney-ի նոր ռոբոտը թարթում և շնչառական շարժումներ է անում մարդու նման (վիդեո)

Disney-ի նոր ռոբոտը թարթում և շնչառական շարժումներ է անում մարդու նման (վիդեո)

Disney Research-ի կողմից ստեղծված ռոբոտն այնքան բնական է թարթում աչքերը, որ իրականից դժվար է տարբերել: Ռոբոտը հատուկ տեսախցիկի միջոցով հայացքն ուղղում է դիմացը կանգնող մարդու վրա և սկսում է աչքերով հետևել մարդու շարժումներին ու բնականի նման թարթել: Disney-ի մասնագետները չեն մոռացել նաև շնչառական շարժումների մասին:

Համացանցում հայտնվել է 2020 թվականի իրադարձություններին նվիրված հետաքրքիր խաղ

Համացանցում հայտնվել է 2020 թվականի իրադարձություններին նվիրված հետաքրքիր խաղ


Համացանցում հայտնվել է մի հետաքրքիր օնլայն խաղ, որտեղ ներկայացված են 2020թ. իրադարձությունները: Խաղում տեղ են գտել Ավստրալիայի հրդեհները, կորոնավիրուսը, կարանտինը, խանութների հերթերը, զուգարանի թղթերը, վիդեոզանգերը, TikTok-ը, սևամորթ Ջորջ Ֆլոյդի ցույցերը, ԱՄՆ նախագահի ընտրությունները և այլն: Մի խոսքով ստացվել է 2D գրաֆիկայով ու հաճելի երաժշտությունով կարճ ու հետաքրքիր խաղ, որը հնարավոր է խաղալ ինչպես համակաչգով, այնպես էլ բջջային սարքերով:

Flash տեխնոլոգիան վերջնական մահացավ: Ինչպես տեսնել ու փորձել հազարավոր խաղերի արխիվը

Flash տեխնոլոգիան վերջնական մահացավ: Ինչպես տեսնել ու փորձել հազարավոր խաղերի արխիվը

2020թ. դեկտեմբերի 31-ից Adobe-ը դադարեցրեց Flash Player-ի սպասարկումը: Սրա մասին Adobe-ը հայտարարել էր 2017 թվականի հունիսին: Այս ընթացքում բոլոր հայտնի դիտարկիչները ամբողջովին կամ որոշակի սահմանափակումներով արգելափակում էին ֆլեշով պատրաստված անիմացիաները: 

Տարիներ առաջ առանց Ֆլեշ տեխնոլոգիայի չէր կարելի պատկերացնել ինտերնետ կայքերի աշխատանքը, քանի որ այն լայնորեն օգտագործվում էր: Օրինակ նախկինում վիդեոհոսթինգային կայքերում վիդեոները ցուցադրվում էին Ֆլեշով:


Նույնը կարելի է ասել օնլայն խաղերի համար: Տարիների ընթացքում Ֆլեշ տեխնոլոգիան փոխարինվեց HTML5, WebGL և այլ տեխնոլոգիաներով և հաշվի առնելով Ֆլեշում առկա լուրջ անվտանգության բացթողումները որոշում կայացվեց դադարեցնել դրա գործունեությունը: 

2021թ. հունվարի 12-ից Adobe-ը սկսել է արգելափակել նաև ինտերնետ կայքերի Flash Player-ում ցուցադրվող նյութերը և իր կայքից հանել է Flash Player-ը ներբեռնելու հնարավորությունը: Այժմ այդ կայքում ցուցադրվում է Flash-ից հրաժարվելու ինֆորմացիան և Adobe-ը խորհուրդ է տալիս համակարգիչներից ջնջել Ֆլեշ փլեյերը:


Նշեմ նաև, որ Ֆլեշ անիմացիաներ ստեղծելու համար նախատեսված Adobe Flash ծրագիրը (նախկինում Macromedia Flash) տարիներ առաջ վերանվանվեց Adobe Animate և այժմ նույնպես կարելի է ներբեռնել և օգտվել այդ ծրագրից: Adobe-ը շարունակելու է զարգացնել այս ծրագիրը, որով ստեղծված անիմացիաները կարելի է էկսպորտ անել HTML5 և այլ ֆորմատների: Նույնիսկ հնարավորություն կա այս ծրագրով ստեղծված անիմացիաներն ու խաղերը էկսպորտ անել որպես բջջային հավելվածներ ու խաղեր:

2000-ական թվականներին եթե օգտվել եք համացանցից, ապա կհիշեք Ֆլեշով ստեղծված բազմաթիվ ու բազմաժանր խաղերն ու հետաքրքիր անիմացիաները: Բարեբախտաբար դրանք պահպանվել են Internet Archive կայքում: Հնարավորություն կա նաև ներբեռնել ամբողջ արխիվը համակարգչի մեջ, ինչը կարող եք գտնել բլոգի նախորդ գրառումներից մեկում

Իմ կողմից ստեղծված «Ով է ուզում դառնալ միլիոնատեր» խաղը նույնպես Adobe Flash տեխնոլոգիայով է ստեղծված, որը կարող եք շարունակել խաղալ Windows օպերացիոն համակարգում:

Epic Games-ը անվճար նվիրում է STAR WARS Battlefront II: Celebration Edition խաղը

Epic Games-ը անվճար նվիրում է STAR WARS Battlefront II: Celebration Edition խաղը

Epic Games-ը շարունակում է թոփ խաղեր նվիրել խաղասերներին: Այս անգամ մինչև հունվարի 21-ը կարող եք անվճար ձեռք բերել STAR WARS Battlefront II: Celebration Edition խաղը, որը Ձեր գրադարանում ավելացնելուց հետո կարող եք անվերջ խաղալ:

Netflix-ը խոստանում է 2021 թվականին շաբաթական նվազագույնը մեկ ֆիլմ թողարկել (վիդեո, ցուցակ)

Netflix-ը խոստանում է 2021 թվականին շաբաթական նվազագույնը մեկ ֆիլմ թողարկել (վիդեո, ցուցակ)

2020 թվականը մեծ հարված հասցրեց նաև կինոթատրոններում ցուցադրվող կինոմատոգրաֆիային, սակայն նպաստեց օնլայն կինոթատրոնների զարգացմանը: Netflix-ը հանդիսանալով այդ ոլորտի ամենահայտնի ներկայացուցիչներից մեկը, խոստանում է 2021թ. շաբաթական նվազագույնը մեկ նոր լիամետրաժ ֆիլմ թողարկել: Սպասվող ամենահետաքրքիր ֆիլմերի մի քանի դրվագներ հավաքված են այս տեսանյութի մեջ: 

Սպասվող ֆիլմերի ցուցակը.

8 Rue de l’Humanité
A Boy Called Christmas
A Castle for Christmas
Afterlife of the Party
Army of the Dead
Awake
A Week Away
A Winter’s Tale from Shaun the Sheep
Back to the Outback
Bad Trip
Beauty
Blonde
Blood Red Sky
Bombay Rose
Beckett
Bruised
Concrete Cowboy
Don’t Look Up
Double Dad
Escape from Spiderhead
Fear Street Trilogy
Fever Dream*
Finding ‘Ohana (January 29)
Fuimos Canciones
I Care A Lot (February 19)
Intrusion
Kate
Love Hard
Malcolm & Marie (February 5)
Monster
Moxie (March 3)
Munich*
Nightbooks
Night Teeth
No One Gets Out Alive
O2*
Outside the Wire (January 15)
Penguin Bloom (January 27)
Pieces of Woman (January 7)
Red Notice
Rise of the Teenage Mutant Ninja Turtles
Robin Robin
Skater Girl
Stowaway
Sweet Girl
The Dig (January 29)
The Guilty
The Hand of God*
The Harder They Fall
The Kissing Booth 3
The Last Letter from Your Lover
The Last Mercenary
The Loud House Movie
The Power of the Dog
The Princess Switch 3
There’s Someone Inside Your House
The Starling
The Swarm
The White Tiger (January 22)
The Woman in the Window
Things Heard and Seen
Thunder Force
tick, tick…BOOM!
To All The Boys: Always and Forever
Trollhunters: Rise of the Titans
Untitled Alexandre Moratto
Untitled Graham King
Untitled Alicia Keys Rom-Com
Wish Dragon
YES DAY
Razer-ը ցուցադրեց RGB լուսավորությամբ թափանցիկ N95 ռեսպիրատոր

Razer-ը ցուցադրեց RGB լուսավորությամբ թափանցիկ N95 ռեսպիրատոր


Խաղային սարքեր ու ակսեսուարներ արտադրող Razer ընկերությունը CES 2021 ցուցահանդեսի ժամանակ ներկայացրեց բազմանգամյա օգտագործման N95 ռեսպիրատոր-դիմակ, որը ֆիլտրացիան մոտավորապես 95% է: Project Hazel կոչվող այդ դիմակի գնի և թողարկման ամսաթվի մասին ինֆորմացիա չկա և դեռևս պարզ չի, որ սա կգնա զանգվածային արտադրության: 


Այս դիմակը թափանցիկ է, որպեսզի տեսանելի լինեն զրուցակցի շուրթերը և դեմքի միմիկան: Այս դիմակին հատկապես տարբերվող տեսք են տալիս երկու կլոր օդամղիչները, որոնք տեղադրված են բերանի կողքի հատվածներում: 


Դիմակի մեջ տեղադրված է նաև բարձրախոս, որպեսզի զրուցակցի ձայնը ավելի բարձր լսվի: Դիմակի վրա տեղադրված է նաև Razer-ի ֆիրմային Chroma RGB լուսավորությունը: