Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Kickstarter-ում հայտնվել է թափանցիկ վահանակ, որը անտեսանելի է դարձնում ետևում գտնվող մարդկանց

Kickstarter-ում հայտնվել է թափանցիկ վահանակ, որը անտեսանելի է դարձնում ետևում գտնվող մարդկանց

Բրիտանական Invisibility Shield Co. ընկերությունը Kickstarter քրաուդֆանդինգային հարթակում ներկայացրել է թափանցիկ վահանակ, որը անտեսանելի է դարձնում ետևում գտնվող մարդկանց: 

Տվյալ պահին ստեղծվել են 25 նմանատիպ վահանակներ և հեղինակները Kickstarter-ում գումար են հավաքում, որպեսզի այս նախագիծը կյանքի կոչեն և վահանակը հասանելի դարձնեն բոլորի համար: Այս պահին հավաքվել է ավելի քան $156.000:




Վահանակները հասանելի են տարբեր չափսերով և բականին թեթև են հեշտ տեղափոխելու համար: Վահանակները ստեղծված են հատուկ լինզաներով, որոնք թեքում են լույսի ուղղությունը:

Sony-ն ներկայացրեց Xbox Game Pass-ի իր անալոգը` PS Plus Essentials, PS Plus Extra և PS Plus Premium (Deluxe)

Sony-ն ներկայացրեց Xbox Game Pass-ի իր անալոգը` PS Plus Essentials, PS Plus Extra և PS Plus Premium (Deluxe)

Sony ընկերությունը ներկայացրեց բաժանորդագրման նոր ընդլայնված ծառայությունը, որը մինչ այժմ հայտնի էր պայմանական Spartacus անվանումով: Օգտատերերին հասանելի են լինելու երեք տարիֆներ՝ PS Plus Essentials, PS Plus Extra և PS Plus Premium: Առաջին ծառայությունը փաստացի հանդիսանալու է այժմյան PS Plus ծառայությունը: Այն նույն գնով (տարեկան 59.99 դոլար, ամսական 9.99 դոլար) խաղասերներին հնարավորություն է տալու խաղալ օնլայն, ամսական նվիրելու է երկու անվճար խաղ, առաջարկելու է զեղչված խաղեր և հնարավորություն է տալու խաղերի ընթացքը սինխրոնիզացնել ամպային հիշողության վրա:

PS Plus Extra ծառայությունը ներառելու է PS Plus Essentials ծառայությունը և օգտատերերի համար հասանելի է դարձնելու PS4 և PS5 կոնսոլների մոտ 400 խաղեր: Սկզբում օգտատերերին հասանելի են լինելու Death Stranding, God of War, Marvel’s Spider-Man, Marvel’s Spider-Man: Miles Morales, Mortal Kombat 11, Returnal և այլ հայտնի խաղեր: Այս ծառայության արժեքը ամսական 14.99 դոլար է, իսկ տարեկան 99.99 դոլար:

PS Plus Premium ծառայությունը ներառելու է նախորդ երկու ծառայությունները և տրամադրելու է PS3, PS2, PS և PSP կոնսոլների 340 լրացուցիչ խաղեր: Ընդ որում PlayStation 3-ի խաղերը հասանելի են լինելու միայն «ամպում» և հնարավոր չի լինի ներբեռնել կոնսոլի վրա: PS Plus Premium ծառայության արժեքը ամսական 19.99 դոլար է, իսկ տարեկան 119.99 դոլար: PS Plus Premium ծառայությունը հասանելի է դարձնելու նաև PS Plus Extra ծառայության խաղերի սթրիմինգային (ամպային) տարբերակները: Նշեմ, որ «սթրիմինգային» խաղերը հասանելի են լինելու ոչ բոլոր երկրներում: Մնացած երկրենրի համար լինելու է PlayStation Plus Deluxe ծառայությունը, որը  Premium-ից մի փոքր էժան է լինելու և ներառելու է PlayStation, PS2 և PSP կոնսոլների դասական խաղերը, որոնք հնարավոր կլինի ներբեռնել կոնսոլի վրա: Այսինքն Deluxe-ը դա նույն Premium-ի առանց խաղերի սթրիմինգի տարբերակն է: Ներկայացված նոր ծառայությունները հասանելի կլինեն ս.թ. հունիսից:

Առցանց անմաքս առևտրի շեմը սահմանվեց 200.000 դրամ 1000 եվրոյի փոխարեն

Առցանց անմաքս առևտրի շեմը սահմանվեց 200.000 դրամ 1000 եվրոյի փոխարեն

Ս.թ. մարտի 18-ին ՀՀ պետական եկամուտների կոմիտեն հայտարարություն էր տարածել, որ Մոսկվայում կայացած Եվրասիական տնտեսական հանձնաժողովի խորհրդի նիստի ընթացքում ընդունված որոշմամբ՝ ֆիզիկական անձանց կողմից անձնական օգտագործման համար առցանց անմաքս առևտրի շեմը՝ գործող 200 եվրոյի փոխարեն սահմանվել է 1000 եվրո (մինչև 2022թ․ հոկտեմբերի 1-ը): Այն դեպքում, երբ ծանրոցի արժեքը գերազանցում է 1000 եվրոն, կամ դրա քաշը կազմում է ավելի, քան 31 կգ, անհրաժեշտ կլինի վճարել մաքսատուրք` պատվերների արժեքի 15 %  չափով, բայց ոչ պակաս, քան 2 եվրո՝ 1 կգ համար: Նշվում էր նաև, որ ԵՏՀ խորհրդի կողմից ընդունված որոշումը թույլ կտա աջակցել ԵԱՏՄ անդամ պետությունների  այն քաղաքացիներին, որոնք անձնական օգտագործման ապրանքներ են պատվիրում արտասահմանյան ինտերնետ-խանութներում, միաժամանակ՝ խուսափել ապրանքների դեֆիցիտից:


Սակայն մարտի 22-ին ՀՀ պետական եկամուտների կոմիտեն տարածեց նոր հայտարարություն, որտեղ նշվում է, որ Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի N107 որոշմամբ սահմանված է, որ անդամ պետությունների ազգային օրենսդրությամբ կարող են սահմանվել որոշմամբ նախատեսված արժեքային, քաշային և (կամ) քանակական նորմերից ավելի խիստ նորմեր, որոնց դեպքում գործում են ազգային օրենսդրությամբ սահմանված նորմերը։ «Մաքսային կարգավորման մասին» օրենքի 249-րդ հոդվածի 4-րդ մասի 1-ին կետով առանց մաքսատուրքերի, հարկերի վճարման արժեքային, քաշային շեմը սահմանված է 200000 դրամ և (կամ) 30 կգ, հետևաբար Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի N107 որոշումն ուժի մեջ մտնելու օրվանից՝ մարտի 31-ից, կգործի «Մաքսային կարգավորման մասին» օրենքով սահմանված՝ 200000 դրամի և (կամ) 30 կգ-ի շեմը։

Алиса-ն սովորել է պատասխանել բջջային զանգերին

Алиса-ն սովորել է պատասխանել բջջային զանգերին

«Яндекс» բջջային հավելվածում ներդրված «Алиса» ձայնային օգնականը սովորել է պատասխանել հեռախոսազանգերին ի շնորհիվ նոր Телефонный Ассистент գործառույթի: Եթե օգտատերը չի պատասխանում հեռախոսազանգին 20 վայրկյանի ընթացքում կամ անջատում է, ապա զանգին պատասխանում է «Алиса»-ն: Այս գործառույթն աշխատում է նաև այն դեպքում, եթե բաժանորդն անհասանելի է: 


«Алиса»-ն հարցնելու է զանգելու նպատակը, որից հետո զանգի մասին ինֆորմացիան ուղարկելու է «Яндекс», Viber կամ Telegram հավելվածներին: Ապագայում կավելանա նաև WhatsApp-ը:
Epic Games-ը Fortnite-ից ստացած ամբողջ եկամուտը նվիրաբերելու է Ուկրաինային

Epic Games-ը Fortnite-ից ստացած ամբողջ եկամուտը նվիրաբերելու է Ուկրաինային

Epic Games ընկերությունը տեղեկացնում է, որ փոխանցելու է Fortnite-ից ստացած ամբողջ եկամուտը պատերազմի հետևանքով տուժած ուկրաինացիներին: Այս ակցիային է միացել նաև Xbox-ը, որը նույնպես  Fortnite խաղից ստացած իր մասնաբաժինը նվիրաբերելու բարեգործության համար: Ակցիան գործելու է մարտի 20-ից մինչև ապրիլի 3-ը: Խոսքը գնում է Fortnite խաղի ներսում կատարվող գնումներից ստացած եկամուտի մասին: 

Epic Games-ը ներկայացրեց նաև Fortnite խաղի նոր սեզոնի թրեյլերը, որտեղ հայտնվելու են Iron Man-ի, Lara Croft-ի, Doctor Strange-ի և այլ հերոսների սկինները:

ԵԱՏՄ-ում առցանց անմաքս առևտրի շեմը 200 եվրոյի փոխարեն սահմանվել է 1000 եվրո

ԵԱՏՄ-ում առցանց անմաքս առևտրի շեմը 200 եվրոյի փոխարեն սահմանվել է 1000 եվրո

Պետական եկամուտների կոմիտեն տեղեկացնում է, որ 2022 թվականի մարտի 17-ին Մոսկվայում կայացած Եվրասիական տնտեսական հանձնաժողովի խորհրդի նիստի ընթացքում ընդունված որոշմամբ՝ ֆիզիկական անձանց կողմից անձնական օգտագործման համար առցանց անմաքս առևտրի շեմը՝ գործող 200 եվրոյի փոխարեն սահմանվել է 1000 եվրո:

Այն կգործի  մինչև 2022թ․ հոկտեմբերի 1-ը։

Այն դեպքում, երբ ծանրոցի արժեքը գերազանցում է 1000 եվրոն, կամ դրա քաշը կազմում է ավելի, քան 31 կգ, անհրաժեշտ կլինի վճարել մաքսատուրք` պատվերների արժեքի 15 %  չափով, բայց ոչ պակաս, քան 2 եվրո՝ 1 կգ համար: 

ԵՏՀ խորհրդի կողմից ընդունված որոշումը թույլ կտա աջակցել ԵԱՏՄ անդամ պետությունների  այն քաղաքացիներին, որոնք անձնական օգտագործման ապրանքներ են պատվիրում արտասահմանյան ինտերնետ-խանութներում, միաժամանակ՝ խուսափել ապրանքների դեֆիցիտից:

Թողարկվել է GTA V խաղի թարմացված տարբերակը PlayStation 5 և Xbox Series X/S համար

Թողարկվել է GTA V խաղի թարմացված տարբերակը PlayStation 5 և Xbox Series X/S համար

 

Մարտի 15-ին թողարկվեց հայտնի GTA V խաղի թարմացված տարբերակը PlayStation 5 և Xbox Series X/S կոնսոլների համար: Սակայն Rockstar Games-ը սկսել է վերադարձնել խաղը նախօրոք գնած PlayStation-ի այն օգտատերերի գումարները, ում պրոֆիլներում ռեգիոնը նշված է Ռուսաստան: Հետաքրքիրն այն է, որ վերադարձած գումարը հնարավոր չի ծախսել կամ կանխիկացնել և այն մնալու է արգելափակված պրոֆիլի վրա: 


Հիշեցնեմ, որ Ուկրաինայի դեպքերի հետ կապված Sony-ն վերջերս արգելափակեց PlayStation Store-ը Ռուսաստանի ռեգիոնի համար: Քանի որ նոր պրոֆիլ գրանցելուց երկրների ցանկում չկան մի շարք ԱՊՀ երկրներ, այդ պատճառով Հայաստանի օգտատերերի մեծ մասը գրանցվելուց նշել է Ռուսաստան և հիմա ընկել է արգելքի տակ: Այս պարագայում կամ պետք է նոր պրոֆիլ բացել և ռեգիոնը նշել օրինակ ԱՄՆ, կամ սպասել, մինչև պատերազմն ավարտվի և Sony-ն վերջնական որոշում կայացնի: Նշեմ, որ պրոֆիլի ռեգիոնը տվյալ պարագայում որոշիչ դեր ունի խաղերի լեզուների համար: Օրինակ ԱՄՆ նշելու դեպքում խաղերի ճնշող մեծամասնությունը կլինեն անգլերեն:
Windows 11-ի File Explorer-ում ավելացել են թաբեր

Windows 11-ի File Explorer-ում ավելացել են թաբեր

Microsoft ընկերությունը ամիսներ առաջ հայտնել էր, որ պատրաստվում է File Explorer-ում ավելացնել թաբեր և ահա վերջապես այս գործառույթը սկսել է հայտնվել Windows 11-ի փորձնական տարբերակներում (Windows 11 22572, feature 34370472): 

Եթե օգտագործում եք Windows 10 կամ Windows 11-ի ստաբիլ տարբերակը և ցանկանում եք ունենալ թաբերով  File Explorer, ապա կարող եք Windows Store-ից ներբեռնել ոչ պաշտոնական Files App հավելվածը, որն ունի բավականին հագեցած կարգավորումներ և գործառույթներ:

Sony-ն Ռուսաստանում փակել է PlayStation Store-ը: Հայ օգտատերերը ևս տուժել են

Sony-ն Ռուսաստանում փակել է PlayStation Store-ը: Հայ օգտատերերը ևս տուժել են

Sony-ն փակել է PlayStation Store-ի մուտքն ու մի շարք այլ գործառույթներ Ռուսաստանում, սակայն իրականում փակել է մուտքը նաև Հայաստանի, Վրաստանի, Ղազախստանի և այլ երկրների համար: Բանն այն է, որ PlayStation-ի նոր պրոֆիլ գրանցելուց ցանկում չկան վերոնշյալ երկրները և օգտատերերը ստիպված Ռուսաստան են նշել: Այսինքն հնարավոր չի նոր խաղեր գնել, ինչպես նաև PS Plus բաժանորդները չեն կարողանա վերցնել ամսական անվճար խաղերը: Տվյալ պահին PS Plus բաժանորդները կարողանում են օգտվել օնլայն ռեժիմից: Sony-ն Ռուսաստանում չի վաճառի նաև նոր PlayStation-ներ և խաղերի սկավառակներ: