Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
SXSW. Հայկական BrandLens ստարտափը միջազգային կոնֆերանսում

SXSW. Հայկական BrandLens ստարտափը միջազգային կոնֆերանսում


Մարտի 10-ից 19-ը Տեխաս նահանգի Օսթին քաղաքում տեղի ունեցավ ամենամյա SXSW (South by Southwest) միջոցառումը, որին մասնակցեցին նաև հայկական BrandLens ստարտափի հիմնադիրներ Վահագ Քարայանը և Գուրգեն Մարտիկյանը։

SXSW-ը բաղկացած է տարբեր կոնֆերանսներից և փառատոններից՝ տեխնոլոգիաների, երաժշտության, ֆիլմերի, կրթության և մշակույթի մասին։ Այս ահռելի միջոցառմանը տարեկան մասնակիցների թիվը միջինում գերազանցում է 300.000-ը։ 


Միջոցառման օրերը համընկան տեխնոլոգիական աշխարհում ամենածանր իրադարձություններից մեկի՝ Silicon Valley Bank-ի սնանկության հայտարարման հետ։ SXSW-ի ընթացքում Վահագ Քարայանը հարցազրույց է ունեցել այս թեմայի վերաբերյալ, որը հրապարակվել է Yahoo-ում։ 


Իրադարձությունների մասին Քարայանը նշել է. «Որպես ձեռնարկատերեր մենք պետք է պայքարենք։ Պետք է առաջ շարժվել նույնիսկ անորոշության մեջ։ Այլ տարբերակ չկա»։

«Շատ ներդրողներ գումար կկորցնեն։ Բայց սա է խաղը: Բոլոր նրդրումներն էլ ռիսկ ունեն։ Լավն այն է, որ ստարտափերը կկարողանան առաջ շարժվել։ Միացյալ Նահանգների համար և ցանկացած այլ երկրի համար, ուժեղ ստարտափ էկոհամակարգ ունենալը կարևոր է նորարարության համար», - ավելացնում է նա: 

Ամբողջական հոդվածը կարող եք կարդալ այստեղ։ 


BrandLens-ի մասին. 
BrandLens-ը պլատֆորմ է մարքեթինգի մասնագետների և կազմակերպությունների կողմից՝ մասսայական վիդեո կոնտենտի ստեղծման համար։ Ընկերությունը հեշտացնում է կոնտենտի ստեղծման և ներգրավման (engagement) գործընթացը՝ բրենդների հաճախորդների, հետևորդների և ընկերների համար։ BrandLens-ի գլխավոր առավելություններից մեկը առանց ծրագրի ներբեռման աշխատելու կարողությունն է։
Ներկայացվեց Redmi Note 12 Turbo սմարթֆոնը: 16 ԳԲ/ 1ՏԲ հիշողություն, 5000 մԱժ մարտկոց և այլն

Ներկայացվեց Redmi Note 12 Turbo սմարթֆոնը: 16 ԳԲ/ 1ՏԲ հիշողություն, 5000 մԱժ մարտկոց և այլն

Xiaomi-ի ենթաբրենդ հանդիսացող Redmi-ն ներկայացրեց Note 12 Turbo սմարթֆոնը, որն ունի բավականին լավ պարամետրեր ու ոչ այդքան թանկ գին:

Սմարթֆոնն ունի 6,67 դյույմանոց OLED էկրան (FullHD+, 120 Հց, 1000 նիտ, HDR 10+), 8 միջուկանի Qualcomm Snapdragon 7+ Gen 2 պրոցեսոր, 8/12/16 ԳԲ օպերատիվ (LPDDR5) և 256/512ԳԲ ու 1 ՏԲ ներքին հիշողություն (UFS 3.1):

Սմարթֆոնի մարտկոցը 5000 մԱժ է, որը լիցքավորվում է 67 Վտ հզորությամբ: Սմարթֆոնում ներդրված են USB Type-C, Wi-Fi 6, Bluetooth 5.3, NFC, 5G, 3,5 մմ մոդուլները: Սմարթֆոնի դինամիկներն աշխատում են Hi-Res և Dolby Atmos տեխնոլոգիաներով:

Note 12 Turbo սմարթֆոնի տեսախցիկների բլոկը բաղկացած է 64 Մպ հիմնական, 8 Մպ լայնանկյուն, 2 Մպ մակրո և 16 Մպ սելֆի մոդուլներից: Հիմնական մոդուլն ունի պատկերի օպտիկական ստաբիլիզացիայի գործառույթ, ինչպես նաև ներդրված է In-Sensor Zoom և Xiaomi Imaging Brain 2.0 տեխնոլոգիաները: 

Note 12 Turbo-ի ցուցադրման ժամանակ մեծ ուշադրություն դարձվեց նաև սմարթֆոնի խաղային հնարավորություններին:


Redmi Note 12 Turbo սմարթֆոնի գները՝

8+256 ԳԲ - 290$

12+256 ԳԲ - 320$

12+512 ԳԲ -350$

16+1 ՏԲ - 410$

Այս նեյրոցանցը լուսանկարների վրայից ջնջում է լոգոներն ու պաշտպանիչ այլ նշանները (watermark)

Այս նեյրոցանցը լուսանկարների վրայից ջնջում է լոգոներն ու պաշտպանիչ այլ նշանները (watermark)

Համացանցում հայտնվել է արհեստական բանականությամբ աշխատող նոր նեյրոցանց, որը վայրկյանների ընթացքում լուսանկարների վրայից ջնջում է լոգոներն ու պաշտպանիչ այլ նշանները: Անհրաժեշտ է ընամենը վերբեռնել լուսանկարն ու սեղմել համապատասխան կոճակը: 



Անձամբ փորձարկել եմ այս նեյրոցանցը հայտնի Shutterstock և iStockphoto կայքերից ներբեռնված լուսանկարների վրա և կարող եմ փաստել, որ նեյրոցանցը վայրկյանների ընթացքում շատ լավ կատարում է իր առջև դրած առաջադրանքը:

Microsoft-ը Bing-ի մեջ ներդրել է տեքստից նկարներ գեներացնող DALL-E նեյրոցանցը

Microsoft-ը Bing-ի մեջ ներդրել է տեքստից նկարներ գեներացնող DALL-E նեյրոցանցը

 


Microsoft-ը թողարկել է Bing Image Creator գործիքը, որը DALL-E նեյրոցանցի հիման վրա տեքստային նկարագրությունից գեներացնում է նկարներ: Այս նոր գործիքը ներդրված է Edge դիտարկչիի բետա տարբերակում, ինչպես նաև Bing որոնողական համակարգում վերջերս ներդրած chatGPT-ում: Գործիքը հասանելի է նաև այս հասցեով՝ https://www.bing.com/images/create

Adobe-ը թողարկել է տեքստից նկարներ գեներացնող Adobe Firefly նեյրոցանցը

Adobe-ը թողարկել է տեքստից նկարներ գեներացնող Adobe Firefly նեյրոցանցը

Adobe ընկերույունը թողարկել է նկարներ գեներացնելու Adobe Firefly նեյրոցանցը: Տվյալ պահին հասանելի են երկու գործիքներ. առաջինը տեքստային նկարագրության հիման վրա գեներացնում է նկարներ (ինչպես DALL-E կամ Midjourney նեյրոցանցերը), իսկ երկրորդը ստեղծում է ոճավորված տեքստեր: 

Ի տարբերություն նմանատիպ նեյրոցանցերի, Adobe Firefly-ը «սովորել է նկարել» լիցենզավորված լուսանկարների հիման վրա: Adobe Firefly-ի առանձնահատկություններից է նաև պարզ և հարմար ինտերյֆեսը: Անհրաժեշտ է ընդամենը գրել տեքստը և նշել մի քանի պարամետրեր (ոճ, լուսավորություն, կողմերի հարաբերություն և այլն): 

Սկզբնական շրջանում Firefly-ը հասանելի է վեբ տարբերակով, իսկ հետագայում այն կավելացվի Photoshop, After Effects և Premiere Pro ծրագրերում: Adobe Firefly փորձելու համար կարող եք հայտ ներկայացնել այստեղ:

Թողարկվել է տեքստից նկարներ գեներացնող Midjourney նեյրոցանցի 5-րդ տարբերակը

Թողարկվել է տեքստից նկարներ գեներացնող Midjourney նեյրոցանցի 5-րդ տարբերակը


Midjourney նեյրոցանցի 5-րդ տարբերակը հասանելի է դարձել բոլորի համար: Հիշեցնեմ, որ Midjourney-ը գեներացնում է նկարներ տեսքստային նկարագրությունով: Թարմացված Midjourney V5-ը գեներացնում է ավելի բարձր որակի և դետալիզացված լուսանկարներ: Թարմացված նեյրոցանցում բարելավվել է նաև մարդու աչքերի ու ձեռքերի գեներացիան: Այժմ ալգորիթմն ավելի հազվադեպ է նկարում 6 մատով ձեռքեր: 




Midjourney V5-ը կարող եք միացնել Discord-ի համապատասխան կանալում գրելով /settings և ակտիվացնելով MJ version 5 պարամետրը:
Samsung-ը ներկայացրեց միջին դասի երկու նոր սմարթֆոններ, որոնք տեսքով նման են Galaxy S23-ին

Samsung-ը ներկայացրեց միջին դասի երկու նոր սմարթֆոններ, որոնք տեսքով նման են Galaxy S23-ին

Samsung ընկերությունը պաշտոնապես ներկայացրեց Galaxy A դասի երկու նոր սմարթֆոններ: Խոսքը գնում է Galaxy A54 5G և Galaxy A34 5G մոդելների մասին: Հատկանշական է, որ այս սմարթֆոններն արտաքին տեսքով նման են Galaxy S23 սմարթֆոններին: 

Սմարթֆոններն ունեն հետևյալ տեխնիկական բնութագրերը՝


Երկու մոդելներն էլ պաշտպանված են ջրից ու փոշուց IP67 ստանդարտով: Սմարթֆոնների վաճառքը կմեկնարկի այս ամսվա մեջ: Սմարթֆոնների գներն են՝

Galaxy A34 (6/128) - 390 եվրո
Galaxy A34 (8/256) - 460 եվրո
Galaxy A54 (6/128) - 490 եվրո
Galaxy A54 (8/256) - 550 եվրո

Reddit-ում հայտնվել է ապացույց, որ Samsung-ը «կեղծում» է լուսնի լուսանկարները

Reddit-ում հայտնվել է ապացույց, որ Samsung-ը «կեղծում» է լուսնի լուսանկարները

Reddit-ի օգտատերերից մեկը գրառում է արել, որտեղ ապացուցում է, որ Samsung-ով նկարած լուսնի նկարներն իրական չեն: Ավելի ճիշտ կլինի ասել, որ Samsung-ի տեսախցիկով նկարած լուսնի դետալիզացիան ոչ թե տեսախցիկների շնորհիվ է, այլ արհեստական բանականության, որն ավտոմատ ճանաչում է լուսնի լուսանկարն ու լրացնում դետալները: Հանուն արդարության նշեմ, որ Samsung-ը երբեք չի էլ թաքցրել, որ որակյալ լուսանկարներ ստանալու համար օգտագործում է արհեստական բանականությունը: 

Իսկ ինչպես է Reddit-ի օգտատերը ապացուցում իր պնդումը: Նա պարզապես համացանցից վերցրել է բարձր որակով լուսնի լուսանկարը, փոքրացրել է այն մինչև 170×170 և դրա վրա կիրառել է լղոզման էֆեկտը (blur): Արդյունքում ստացվել է փոքր չափսի խավար նկար: 

Վերջում օգտատերը տեղադրել է ստացված լուսանկարը համակարգչի էկրանի վրա, անջատել է սենյակի լույսն ու հեռվից նկարել Galaxy Ultra-ով: Արդյունքում ստացվել է լուսանկար, որտեղ պարզ երևում է լուսնի դետալիզացիան, որը լրացվել է արհեստական բանականության շնորհիվ:

Ստեղծվել է ֆրիլանս հարթակ հայ ծրագրավորողների կողմից

Ստեղծվել է ֆրիլանս հարթակ հայ ծրագրավորողների կողմից

Աշխատանքի ընդունման համար որակավորված համապատասխան թեկնածու գտնելը յուրաքանչյուր կազմակերպության գլխավոր նպատակն է։ Մենք միշտ մտածում ենք որ այդ գործընթացը կլինի արդար և օբյեկտիվ։ Ցավոք դա միշտ չէ, որ այդպես է։ Անուղղակի բացահայտ կողմնակալությունը  և խտրականությունը շարունակում են ազդել աշխատանքի ընդունման գործընթացի վրա։ Խտրականության դեմ պայքարելու, արդար գնահատականներն ամրապնդելու նպատակով  ստեղծվել է hiretodo.com ֆրիլանս հարթակը, որը թույլ է տալիս աշխատանք փնտրողներին ստեղծել  իրենց անանուն էջը և ստանալ նախագծերի առաջարկներ:

Ի տարբերություն նմանատիպ հայտնի Upwork, Fiver և այլն հարթակների, HireToDo-ում նույնականացում անցնելու գործընթացը ավելի հեշտ է և առկա է գրանցման երկու եղանակ՝ որպես գործատու կամ տվյալներ հավաքագրող և որպես ֆրիլանս (աշխատանք փնտրող): 


Ինչպես նշեցինք աշխատանք փնտրողների կոնտակտային տվյալները գաղտնի են պահվում նույնիսկ նույնականացումն անցնելուց հետո: Այդ տվյալները ցուցադրվում են միայն այն դեպքում, երբ գործատուն տվյալները տեսնելու հարցում է ուղարկում և օգտատերն ընդունում է հարցումը:


HireToDo հարթակում առկա են գործատուների և աշխատանք փնտրողների միավորումն ապահովող մի շարք գործառույթներ, որոնցից են live chat-ը, աշխատանքի ժամանակին հետևելն ու ժամավճարով աշխատելը, կոնտակտային տվյալները բացելու և աշխատանքի հարցումներ ուղարկելը, աշխատանքային հայտարարությունների տեղադրումը և այլն: 

Նշեմ, որ համակարգի առավելություններից է նաև ներդրված արհեստական բանականությունը, որը գործատուի կողմից տեղադրված աշխատանքային հայտարարության հիման վրա առաջարկում է աշխատողների, ովքեր համապատասխանում են տվյալ նախագծին:


Հարթակում գրանցվելիս աշխատանք փնտրողները կարող են նաև նշել, թե որ տարբերակով են նախընտրում աշխատել (հեռակա, կես դրույք, մի նախագծի ֆրիլանս և այլն), նաև ընտրել ակտիվ կամ պասիվ աշխատանքի որոնում, ինչը կօգնի գործատուներին ավելի հեշտ գտնել իրենց պահանջներին համապատասխան աշխատողներին: 

Անանուն աշխատանքի ընդունումը վերացնում է կողմնակալության հնարավորությունը, հանգեցնելով թեկնածուների ավելի արդար գնահատմանը տվյալ աշխատանքի համար։

Աշխատանքի ընդունող մենեջերների համար կարևոր է հիշել, որ դուք փնտրում եք մշակութային հավելում, այլ ոչ թե պարզապես մշակութային համապատասխանություն. լավ թեկնածուի համար բոլորին համապատասխան չափանիշ չկա:













Այս նեյրոցանցը ձեր «խզբզոցները» վերածում է նկարների

Այս նեյրոցանցը ձեր «խզբզոցները» վերածում է նկարների

Համացանցում հայտնվել է անվճար նեյրոցանց, որը ձեր խզբզոցները կամ էսքիզները արհեստական բանականության միջոցով վերածում է նկարների: 

Նեյրոցանցից օգտվելու համար բացեք այս կայքը, նկարեք որևէ բան և տեքստով նկարագրեք, թե ինչ եք նկարել:

InteriorAI նեյրոցանցը վայրկյանների ընթացքում կնախագծի ձեր սենյակի ինտերիերի դիզայնը

InteriorAI նեյրոցանցը վայրկյանների ընթացքում կնախագծի ձեր սենյակի ինտերիերի դիզայնը

Ստեղծվել է InteriorAI նեյրոցանցը, որը վայրկյանների ընթացքում նախագծում է ձեր սենյակի ինտերիերի դիզայնը: Անհրաժեշտ է ընդամենը վերբեռնել սենյակի լուսանկարը, ընտրել սենյակի տեսակն ու նախագծվող ինտերիերի ոճը: 

Բոլորովին պարտադիր չի, որ վեռբեռնվող սենյակները լինեն դատարկ: Նեյրոցանցն ավտոմատ կջնջի կահույքն ու կառատարկի նոր դիզայն: 

InteriorAI-ն ունի ինչպես վճարովի, այնպես էլ անվճար տարբերակ: Նշեմ, որ անվճար տարբերակից օգտվելու դեպքում վերբեռնված նկարները հասանելի են դառնում մնացած օգտատերերի համար, իսկ նախագծերի քանակը սահմանափակ է: Վճարովի տարբերակը նաև առաջարկում է ավելի բարձր որակով ու միանգամից մի քանի նախագծեր: Pro տարբերակում կարող եք նաև խմբագրել նախագծերը:

Նշեմ, որ mode պարամետրում առկա Virtual Staging տարբերակը ընտրելու դեպքում նեյրոցանցն ավտոմատ կճանաչի սենյակի պատերը, առաստաղները և այլ կոնստրուկցիաներ ու փոփոխության չի ենթարկի դրանք, իսկ Interior design տարբերակի դեպքում դրանք նույնպես փոփոխության կենթարկվեն:

InteriorAI կայքից օգտվելու համար պետք է գրեք էլ. փոստի հասցեն, որից հետո ձեր էլէկտրոնային փոստում սեղմեք ուղարկված նամակում առկա հղումի վրա: