Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Միսթր Բինը հայտնի ֆիլմերի հերոսների դերում (Զվարճալի ֆոտոշարք)

Միսթր Բինը հայտնի ֆիլմերի հերոսների դերում (Զվարճալի ֆոտոշարք)

Age of Empires IV խաղի առաջին գեյմփլեյ-թրեյլերը

Age of Empires IV խաղի առաջին գեյմփլեյ-թրեյլերը


X019 միջոցառման ժամանակ Microsoft-ը ցուցադրեց Age of Empires IV խաղի առաջին գեյմփլեյ-թրեյլերը: Խաղի թողարկման հստակ ժամկետ առայժմ հայտնի չի:

Ներկայացվեց ծալվող էկրանով Motorola RAZR սմարթֆոնը

Ներկայացվեց ծալվող էկրանով Motorola RAZR սմարթֆոնը


Motorola ընկերությունը ներկայացրեց երկար սպասված RAZR սմարթֆոնը, որն ունի 6.2 դյույմանոց ծալվող էկրան (2142×876): Փակված վիճակում սմարթֆոնն առջևի մասում ունի լրացուցիչ 2.7 դյույմանոց էկրան, որով հնարավոր է կատարել բազմաթիվ գործողություններ:


RAZR սմարթֆոնում տեղադրված է Snapdragon 710 պրոցեսոր, 6ԳԲ օպերատիվ և 128ԳԲ ներքին հիշողություն: Սմարթֆոնի մարտկոցը 2510 մԱ/ժ է, որը լիցքավորվում է USB Type-C պորտով: 


RAZR սմարթֆոնի առջևի տեսախցիկը 5 ՄՊ է, իսկ հետևինը՝ 16ՄՊ: Սմարթֆոնն ունի նաև մատնահետքի սկաներ: Սմարթֆոնի կորպուսը պատրաստված է ամուր մետաղից և Gorilla Glass ապակուց:


Նոր RAZR սմարթֆոնի վրա տեղադրված էն Android 9 օպերացիոն համակարգ: Այս սմարթֆոնը կվաճառվի 1500 դոլարով:
Արհեստական բանականությանը սովորեցրել են խոսել հայտնի մարդկանց ձայներով (Տեսանյութ)

Արհեստական բանականությանը սովորեցրել են խոսել հայտնի մարդկանց ձայներով (Տեսանյութ)


Ռուսական Screenlife Technologies-ը ստեղծել է մեքենայական ուսուցմամբ աշխատող նախագիծ, որը կարողանում է խոսել հայտնի մարդկանց ձայներով: Vera Voice կոչվող նախագծի հնարավորություններին կարող եք ծանոթանալ ներքևի տեսանյութում:



Vera Voice-ը կարող է ցանկացած տեքստ արտասանել ցանկացած մարդու ձայնով, եթե նախօրոք մի քանի ժամ լսի տվյալ մարդու խոսակցությունը: Նշվում է, որ նախագծի ստեղծողները տվյալ պահին որոնում են գործընկերների, որոնք հետաքրքրված են այս նախագիծն օգտագործել իրենց ապրանքներում:
Xiaomi-ն ներկայացրեց իր առաջին լիարժեք սմարթ ժամացույցը, որն ունի նաև eSim

Xiaomi-ն ներկայացրեց իր առաջին լիարժեք սմարթ ժամացույցը, որն ունի նաև eSim


Xiaomi ընկերությունը ներկայացրեց Mi Watch սմարթ ժամացույցը, որը մրցակցելու է Apple Watch-ի հետ: Նշեմ, որ այս ժամացույցը արտաքնապես շատ նման է Apple Watch-ին, իսկ ֆունկցիոնալ առումով զգալի տարբերվում է Xiaomi-ի նախորդ սմարթ ժամացույցներից:


Xiaomi Mi Watch-ի 1.75 դյույմանոց (326 PPI) AMOLED էկրանը ծածկված է սապֆիրի ապակով, կորպուսը այլումինից է, իսկ հետևի մասը՝ մետաղից: Ժամացույցը ղեկավարվում է աջ կողմում տեղադրված ֆիզիկական կոճակի միջոցով, որի ներքևում տեղադրված է միկրոֆոնը: Բնականաբար ժամացույցի սենսորները տեղադրված են հետևի հատվածում:

Xiaomi Mi Watch սմարֆոնում ներդրված է 4G մոդուլ, որը թույլ է տալիս զանգեր կատարել և ինտերնետ մտնել: Mi Watch ժամացույցի գլխավոր առավելություններից մեկը դա մարտկոցի ծավալն է՝ 570 մԱ/ժ, ինչը զգալի ավել է մրցակիցներից: Մի լիցքավորումը հերիքում է 36 ժամ օգտագործման համար: 


Mi Watch ժամացույցները պաշտպանված են ջրից և փոշուց: Xiaomi Mi Watch ժամացույցն ունի նաև NFC և Wi-Fi մոդուլներ:


Xiaomi Mi Watch ժամացույցներն աշխատում են Google-ի կողմից ստեղծված Wear OS օպերացիոն համակարգով, որը Xiaomi-ի կողմից մոդիֆիկացվել է և ավելացվել են ֆիրմային ծրագրեր, ցիֆերբլատներ և XiaoAI ձայնային օգնականը: 


Հասանելի է նաև հավելվածների խանութ, որտեղից կարող եք ներբեռնել տարբեր հավելվածներ այս ժամացույցի համար (WeChat, Keep և այլն): Չինաստանում Mi Watch ժամացույցները կվաճառվեն 185 դոլարով:
Համացանցն արձագանքում է AirPods Pro ականջակալներին

Համացանցն արձագանքում է AirPods Pro ականջակալներին


Apple ընկերությունը ներկայացրեց AirPods Pro ականջակալները, որոնք արտաքնապես տարբերվում են AirPods ականջակալներից և ծայրամասում ունեն սիլիկոնից ներդիրներ: Համացանցում արդեն կարելի է գտնել  AirPods Pro-ին վերաբերող հետաքրքիր ու զվարճալի նկարներ:

  



Apple-ը ներկայացրեց AirPods Pro անլար ականջակալներ

Apple-ը ներկայացրեց AirPods Pro անլար ականջակալներ



Apple ընկերությունը թողարկել է AirPods Pro անլար ականջակալներ, որոնք արտաքնապես և ֆունկցիոնալությամբ բավականին տարբերվում են AirPods ականջակալներից:


Այս ականջակալների վրա տեղադրվում է սիլիկոնից փափուկ 3 չափանի ներդիրներ, որոնք օգտատիրոջ ականջի մեջ ընդունում են համապատասխան ձևը: 


Այս ականջակալենրը խլացնում են դրսի ձայնը և պաշտպանված են ջրից ու փոշուց: Հնարավորություն կա նաև միացնել «թափանցիկ» ռեժիմը, որն անջատում է արտաքին ձայնի խլացուցիչը (օրինակ փողոցն անցնելուց): 


Այս ռեժիմը միանում է ականջակալի վրա գտնվող տվիչի միջոցով, որով հնարավոր է նաև պատասխանել զանգերին:


AirPods Pro ականջակալները լիցքավորումից հետո աշխատում են 5 ժամ՝ երաժշտություն լսելու համար: Արտաքին ձայնի խլացման ռեժիմում ականջակալները աշխատում են 4.5 ժամ: Ականջակալների տուփով դրանք լիցքավորելու դեպքում հնարավոր է 24 ժամ երաժշտություն լսել և 18 ժամ խոսել: 


Բնականաբար այս տուփը հնարավոր է լիցքավորել անլար տեխնոլոգիայով: AirPods Pro ականջակալները վաճառվում են 250$-ով:
Ինչու Chrome-ի վերջին տարբերակը չի աշխատում KdWin-ի հետ

Ինչու Chrome-ի վերջին տարբերակը չի աշխատում KdWin-ի հետ


Google ընկերությունը վերջերս թողարկեց Chrome-ի 78.0.3904.70 տարբերակը, որտեղ ցավոք մի կարևոր բացթողում կա։ Բանն այն է, որ այս տարբերակում հնարավոր չի KdWin-ի միջոցով ինտերնետ կայքերում հայերեն գրել։ Այս խնդիրը հատկապես առկա է Windows 8 կամ 10 օպերացիոն համակարգերի վրա աշխատող Chrome-ի վերջին տարբերակում։ Բանն այն է, որ Chromium-ից վերջերս հանվել է legacy IME գործիքներով տեքստեր գրելու հնարավորությունը, ինչը վերաբերում է նաև KdWin-ին և լեզուների հետ աշխատող նմանատիպ ծրագրերի։ 


Chromium-ի ծրագրային կոդի կայքից տեղեկանում ենք, որ խնդրի մասին արդեն տեղյակ են ծրագրավորողները և պատրաստվում են շատ շուտով ետ վերադարձնել  legacy IME գործառույթը։ Իսկ մեզ մնում է այս ընթացքում կամ օգտվել Windows-ում ներդրված լեզուների գործիքից, կամ տեղադրել Chrome-ի հին տարբերակը։
Ռուսական նեյրոցանցը Ձեր լուսանկարը վերածում է կոմիքսի

Ռուսական նեյրոցանցը Ձեր լուսանկարը վերածում է կոմիքսի


Ռուսական Bubble հրատարակչությունը թողարկել է մի գործիք, որը վերածում է օգտատիրոջ լուսանկարը կոմիքսի: Այս ծրագիրն աշխատում է վեբ տարբերակով և ոչինչ պետք չի ներբեռնել կամ գրանցվել: 


Պարզապես պետք է բացել համապատասխան կայքը և վերբեռնել լուսանկարը: Նկարից կախված երբեմն արյդունքը չափազանց լավն է ստացվում, երբեմն էլ շատ խառը պատկեր է ստացվում:

Chrome 78-ում ավելացել է կայքերը ստիպողաբար սև ռեժիմով ցուցադրելու գործառույթ

Chrome 78-ում ավելացել է կայքերը ստիպողաբար սև ռեժիմով ցուցադրելու գործառույթ


Google ընկերությունը թողարկել է Chrome դիտարկչի նոր տարբերակը, որտեղ ավելացել են մի շարք նոր գործառույթներ: Դրանցից մեկը «ստիպողաբար սև ռեժիմն» է, որը կարող եք ակտիվացնել  chrome://flags/#enable-force-dark կարգավորումը միացնելով: Այս ռեժիմի դեպքում բոլոր կայքերը սկսում են ցուցադրվել մուգ գույներով: 



Chrome 78-ում ավելացել է նաև թաբերի մասին ինֆորմացիա ցուցադրող վահանակ, որը հայտնվում է մկնիկը թաբի վրա պահելով: 



Այս ֆունկցիան կարող եք անջատել/միացնել chrome://flags/#tab-hover-cards կարգավորումով:



Chrome 78-ում թարմացվել են նաև մեկնարկային էջը ձևավորելու կարգավորումները: Դրանք կարող եք գտնել մեկնարկային էջի աջ կողմում գտնվող մատիտը սեղմելով:



Chrome 78-ում ներդրվել է նաև Google Password Checkup հավելվածը, որը ստուգում է օգտատիրոջ գաղտնաբառերը և անհրաժեշտության դեպքում խորհուրդ է տալիս փոխել դրանք:
PES խաղում պաշտոնապես ներկայացված է նաև Հայաստանի ազգային հավաքականը

PES խաղում պաշտոնապես ներկայացված է նաև Հայաստանի ազգային հավաքականը


Համակարգչային ֆուտբոլի սիրահարները այսուհետ կարող են միմյանց դեմ մրցել՝ «օգտագործելով» Տիգրան Բարսեղյանին, Կամո Հովհաննիսյանին, Մարկոս Պիզելլիին և մեր ազգային ընտրանու այլ ֆուտբոլիստներին։ Դեռևս մի քանի ամիս առաջ ՀՖՖ-ն և Pro Evolution Soccer (PES) խաղի արտադրող ճապոնական Konami ընկերությունը պայմանավորվածության էին հասել, որի համաձայն խաղի վերջին թողարկման մեջ պաշտոնապես ներկայացված է նաև Հայաստանի ազգային հավաքականը։ Տևական բանակցություններից հետո ՀՖՖ-ի և Konami-ի միջև ստորագրվեց պայմանագիր, որով հիմք դրվեց համագործակցության ավելի լայն շրջանակների։ Առաջիկայում ՀՖՖ-ի կողմից կազմակերպվելու է PES 2020-ի մրցաշար, որի հաղթողները ներկայացնելու են Հայաստանը 2020 թ․ հուլիսին Լոնդոնում անցկացվելիք e-football-ի միջազգային մրցաշարին։ Մասնակցության կարգի և այլ մանրամասների մասին ՀՖՖ-ն շուտով կտեղեկացնի։
Epic Games-ը անվճար նվիրում է Observer և Alan Wake’s American Nightmare խաղերը

Epic Games-ը անվճար նվիրում է Observer և Alan Wake’s American Nightmare խաղերը



Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է Observer և Alan Wake’s American Nightmare խաղերը:Նշեմ, որ այս ակցիան գործում է մինչև ս.թ. հոկտեմբերի 24-ը: Այս ընթացքում եթե նշված խաղերը ավելացնեք Epic Games-ի ձեր գրադարանում, ապա դրանք հավիտյան կարող եք անվճար խաղալ:

Մոտ 7000 ռետրո խաղեր հնարավոր է օնլայն խաղալ անմիջապես ինտերնետ դիտարկչում

Մոտ 7000 ռետրո խաղեր հնարավոր է օնլայն խաղալ անմիջապես ինտերնետ դիտարկչում


Internet Archive կայքում տարիներ առաջ տեղադրվել էին MS-DOS-ի բազմաթիվ խաղեր, որոնք հնարավոր էր ակնթարթորեն բացել և խաղալ անմիջապես ինտերնետ դիտարկչում: Վերջերս այս խաղերի ցանկը համալրվել է ևս 2500-ով և տվյալ պահին մոտ 7000 խաղ հնարավոր է խաղալ այս կայքում: 


Այս խաղերի շարքում կարող եք գտնել հայտնի DOOM, Jurassic Park, Mortal Kombat և բազմաթիվ այլ խաղեր:

iOS 13-ի «սև ռեժիմը» զգալի խնայում է մարտկոցի լիցքը (Տեսանյութ)

iOS 13-ի «սև ռեժիմը» զգալի խնայում է մարտկոցի լիցքը (Տեսանյութ)


Ինչպես գիտեք iOS 13-ում ներդրված է «սև ռեժիմ», որը միացնելու դեպքում հավելվածները ցուցադրվում են սև ֆոնով: Այս ռեժիմը զգալի խնայում է նաև սմարթֆոնի մարտկոցի լիցքը, ինչը կարող եք տեսնել այս տեսանյութում:



Տեսանյութի հեղինակը iPhone 11 Pro Max-ի վրա ռոբոտների միջոցով կատարում է միևնույն գործողությունները և փորձը ցույց է տալիս, որ «սև ռեժիմով» աշխատող սմարթֆոնում դեռ 30% էներգիա կա այն ժամանակ, երբ մյուս ռեժիմով աշխատողն անջատվում է:


Նշեմ, որ «սև ռեժիմը» զգալի ավելի քիչ էներգիա է պահանջում այն դեպքում, երբ սմարթֆոնն ունի OLED էկրան (iPhone 11 և iPhone Xr սմարֆոններում IPS էկրան է):

Xbox-ի խաղերը ևս հնարավոր է խաղալ Անդրոիդով

Xbox-ի խաղերը ևս հնարավոր է խաղալ Անդրոիդով


Մի քանի օր առաջ Sony ընկերությունը հայտնեց, որ Android օպերացիոն համակարգի օգտատերերը կարող են ներբեռնել համապատասխան հավելվածը և իրենց PlayStation խաղային կոնսոլի խաղերը խաղալ (վերահեռարձակել) Անդրոիդի վրա: Այսօր արդեն Microsoft-ը հայտնեց, որ մեկնարկում է Xbox-ի խաղերը Android-ով խաղալու փորձարկումը, որը հասանելի է բոլոր ցանկացողների համար:


Եթե Ձեր սմարթֆոնի Android-ը 6.0-ից բարձր է, ապա ներբեռնեք Xbox Game Streaming App-ը և խաղացեք Ձեր Xbox-ի խաղերը սմարթֆոնի վրա:
Աշխարհի ամենամեծ 3D տպիչով տպել են ամենամեծ օբյեկտը (Տեսանյութ)

Աշխարհի ամենամեծ 3D տպիչով տպել են ամենամեծ օբյեկտը (Տեսանյութ)


ԱՄՆ-ում 3D տպիչի միջոցով հաջողվել է տպել 2.2 տոննա քաշով մեծ նավ: Սա ամենամեծ օբյեկտն է, որը մինչ այժմ տպվել է 3D տպիչով: Նշեմ նաև, որ ինժեներների կողմից ստեղծված այս տպիչը նույնպես համարվում է ամենամեծը: Նավը տպելու համար պահանջվել է 72 ժամ:


Fortnite խաղն անհետացել է «սև անցքի» մեջ: Ծնողներն անհանգստացած են

Fortnite խաղն անհետացել է «սև անցքի» մեջ: Ծնողներն անհանգստացած են


Երեկ միլիոնավոր խաղասերներ YouTube-ում և Twitch-ում հետևում էին Fortnite խաղի 10-րդ սեզոնի ավարտի իրադարձությանը, որի ժամանակ երկնքից երկնաքերեր ընկան և խաղի քարտեզը անհետացավ սև անցքի մեջ: Տվյալ պահին հնարավոր չի խաղալ այս խաղը և դրա փոխարեն ցուցադրվում է սև անցքի անիմացիան: Fortnite խաղի ստեղծողները որոշել են նաև այսքանով չսահմանափակվել և Twitter-ից ջնջել են բոլոր գրառումները: Խաղի պաշտոնական բոլոր էջերում պրոֆիլի լուսանկարի փոխարեն ցուցադրվում է սև ֆոն, իսկ խաղի կայքում ցուցադրվում է սև անցքի անիմացիան:



Նշեմ, որ այս ամենը չէր կարող չանհանգստացնել բազմաթիվ մարդկանց, ովքեր այս խաղի նախորդ սեզոններում բավականին շատ եռանդ ու ռեսուրսներ են ներդրել: Անհանգստացած են նաև երեխաների ծնողները, քանի որ երեխաները ընկճախտի մեջ են ընկել այս իրադարձությունների պատճառով: Որոշ ծնողներ նշում են, որ իրենց երեխաները խաղի վրա ծախսել են մի քանի հազար եվրո և նրանք չգիտեն, թե ինչ է լինելու հետագայում: Սպասվում է, որ շուտով Fortnite-ը կներկայացնի խաղի 11-րդ սեզոնը:
AliExpress-ը Ռուսաստանում բացել է նոր պաշտոնական ինտերնետ խանութ

AliExpress-ը Ռուսաստանում բացել է նոր պաշտոնական ինտերնետ խանութ


Չինական AliExpress-ը Ռուսաստանում բացել է Molnia Electronics անունով նոր ինտերնետ խանութ, որտեղ պաշտոնապես վաճառվում են հայտնի չինական բրենդների ապրանքները: Molnia Electronics-ն աշխատում է Tmall-ի նման և հանդիսանում է AliExpress-ի մի մասը: Այս խանութը վաճառում է Xiaomi, Realmi, ILIFE, Toshiba, Meizu և այլ հայտնի ընկերությունների ապրանքներ:



Հիշեցնեմ, որ հայ օգտատերերը ևս կարող են օգտվել Tmall-ից և Molnia Electronics-ից: Այդ դեպքում AliExpress-ից գնված ապրանքները կարող են առաքվել Globbing-ի կամ Onex-ի միջոցով մի քանի օրում: Այս խանութներից գնելու դեպքում նաև կարող եք վստահ լինել, որ գնում եք օրիգինալ ապրանք վստահելի պաշտոնական մատակարարից:

Mortal Kombat 11 խաղը կարճ ժամկետով դարձել է անվճար PS4 և Xbox օգտատերերի համար

Mortal Kombat 11 խաղը կարճ ժամկետով դարձել է անվճար PS4 և Xbox օգտատերերի համար


Հոկտեմբերի 11-ից 14-ը PlayStation և Xbox խաղային կոնսոլների օգտատերերը կարող են անվճար ներբեռնել և խաղալ Mortal Kombat 11 խաղը:



Դեմո տարբերակում ներառված են նաև վերջերս ավելացված նոր հերոսները (Տերմինատոր,  Nightwolf և այլն):
Call of Duty Mobile խաղը մի շաբաթում ներբեռնումների ռեկորդ է սահմանել

Call of Duty Mobile խաղը մի շաբաթում ներբեռնումների ռեկորդ է սահմանել


Վերջերս թողարկված Call of Duty Mobile խաղը ոչ միայն դարձել է մի շարք երկրներում Google Play-ի և App Store-ի թիվ մեկ հավելվածը, այլև սահմանել է բջջային խաղի ներբեռնումների նոր ռեկորդ: Նշվում է, որ թողարկումից սկսած մեկ շաբաթվա ընթացքում այս խաղը ներբեռնել է ավելի քան 100 միլիոն օգտատեր: Համեմատության համար նշեմ, որ նմանատիպ խաղերից PUBG-ի ցուցանիշը 28 միլիոն է, իսկ Fortnite-ինը՝ 26,3 միլիոն:


Այս խաղում առայժմ հասանելի են երկու ռեժիմներ՝ 5 ընդդեմ 5-ի օնլայն ռեժիմ և արքայական մենամարտեր (PUGB-ի ու Fortnite-ի նման):