Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Լուկաշենկոյի զենքով նոր լուսանկարը դարձել է նոր մեմերի աղբյուր

Լուկաշենկոյի զենքով նոր լուսանկարը դարձել է նոր մեմերի աղբյուր


РИА Новости ընկերությունը պաշտոնական նամակ է գրել Լուկաշենկոյի գրասենյակին և հարցրել է, թե որտեղ է այս պահին Լուկաշենկոն: Ի պատասխան Լուկաշենկոյի մամուլի քարտուղարը լրատվականին է ուղարկել լուսանկարը, որտեղ Լուկաշենկոն է կանգնած է ավտոմատը ձեռքում բռնած: Բնականաբար այս լուսանկարը չէր կարող չդառնալ բազմաթիվ մեմերի պատճառ :)
















Samsung-ը ներկայացրեց 7000 մԱ/ժ մարտկոց ունեցող Galaxy M51 սմարթֆոնը

Samsung-ը ներկայացրեց 7000 մԱ/ժ մարտկոց ունեցող Galaxy M51 սմարթֆոնը

Samsung ընկերություն ներկայացրեց միջին գնային կատեգորիայի Galaxy M51 սմարթֆոնը, որն ունի 7000 մԱ/ժ մարտկոց (25Վտ): Սմարթֆոնն ունի Snapdragon 730 պրոցեսոր, 6 ԳԲ օպերատիվ և 128 ԳԲ ներքին հիշողություն: 


Սմարթֆոնի Super AMOLED էկրանը 6.7 դյույմ է, որը թարմացվում է 60 Հց հաճախականությամբ (Full HD+ 2340х1080): Սմարթֆոնի հիմնական տեսախցիկը 4 մոդուլանի է՝ 64ՄՊ, 5ՄՊ, 12ՄՊ և 5ՄՊ:


Սմարթֆոնի առջևի տեսախցիկը տեղադրված է էկրանի փոքր անցքի մեջ: Սմարթֆոնի մատնահետքի սկաները տեղադրված է միացնել/անջատելու կոճակի մեջ:


Վաճառքը մեկնարկելու է Գերմանիայում սեպտեմբերի 11-ից: Հասանելի են լինելու սև և սպիտակ երանգները: Սմարթֆոնները վաճառվելու են 360 եվրոյով:
Huawei ընկերությունը ներկայացրեց Watch Fit խելացի ժամացույցները

Huawei ընկերությունը ներկայացրեց Watch Fit խելացի ժամացույցները

Huawei ընկերությունը ներկայացրեց Watch Fit խելացի ժամացույցները, որոնց մասին մինչ այս ինտերնետում արդեն որոշակի ինֆորմացիա կար: Այս նոր ժամացույցներն ունեն 1,64 դյույմանոց AMOLED էկրան (280×456), որը կողքի հատվածներում փոքր ինչ ճկված է: 


Էկրանն ունի Always-on Display գործառույթ, ինչի շնորհիվ էկրանին միշտ ինֆորմացիա է ցուցադրվում: Սմարթ ժամացույցների էկրանին հնարավոր է տեղադրել բազմատեսակ ցիֆերբլատներ:


Սմարթ ժամացույցների մեջ ներդրված են 12 սպորտային ռեժիմներ և վարժություններ: Ժամացույցները ջրակայուն են և դրանք կարելի է օգտագործել լողավազանում կամ ցնցուղի տակ (5 ATM): Ժամացույցը հսկում է նաև կանանց ամսական ցիկլերը:





Ժամացույցներն ունեն ներդրված GPS մոդուլ, պուլսոմետր, արյան մեջ թթվածնի հագեցվածությունը չափիչ, լուսավորության սենսոր, գիրոսկոպ և ակսելերոմետր:


Ժամացույցների էկրանի վրա ցուցադրվում են օրվա ֆիզիկական ակտիվության տվյալները, ինչպես նաև սմարթֆոնից էկած ծանուցումներն ու զանգերը: Հնարավորություն կա նաև սմարթֆոնի միջոցով կառավարել սմարթֆոնի երաժշտությունը և տեսախցիկը: Ժամացույցները կարողանում են հետևել նաև քնի որակին:

Huawei Watch Fit ժամացույցների մատկոցն աշխատում է 1-ից 1.5 շաբաթ՝ կախված օգտագործման ակտիվությունից և միացված ռեժիմներից: GPS-ը միշտ միացված վիճակում ժամացույցներն աշխատում են 12 ժամ: Ժամացույցներն արժեն մոտ 110 դոլար:
Netflix-ը անվճար է դարձրել 10 ֆիլմերի և սերիալների դիտումը

Netflix-ը անվճար է դարձրել 10 ֆիլմերի և սերիալների դիտումը


Netflix ընկերությունում հայտնվել է Watch Free բաժինը, որտեղ տեղադրված 10 ֆիլմերն ու սերիալները հնարավոր է դիտել բոլորովին անվճար: Նշեմ նաև, որ ֆիլմերը դիտելու համար չի պահանջվում գրանցվել կամ մուտք գործել Netflix-ի պրոֆիլ: Այս առաջարկն աշխատում է նաև Հայաստանի օգտատերերի համար: 

Վիդեոների վրա դեմքեր փոխող ուկրաինական հավելվածը հայտնվել է թոփերում

Վիդեոների վրա դեմքեր փոխող ուկրաինական հավելվածը հայտնվել է թոփերում


Վիդեոների վրա դեմքեր փոխող ուկրաինական Reface հավելվածը հայտնվել է մի շարք երկրների App Store-ի և Google Play-ի թոփերում: Մասնավորապես Reface-ը տվյալ պահին ԱՄՆ-ի App Store-ում զբաղեցնում է առաջին հորիզոնականը: 


Հավելվածից արդեն օգտվել են բազմաթիվ հայտնի մարդիկ և զվարճալի վիդեոները տեղադրել սոցիալական ցանցերում:


Reface հավելվածը մեքենայական ուսուցման շնորհիվ փոխարինում է հայտնի վիդեոների վրայի դեմքերը օգտատիրոջ նշած դեմքով: Հնարավորություն կա նաև փոխել gif անիմացիաների վրա գտնվող մարդկանց դեմքերը:


Նշեմ, որ այս տարվա սկզբում ուկրաինական ընկերությունը թողարկել էր Doublicat հավելվածը, որը հետագայում վերանվանվեց Reface: Նույն ընկերությունը App Store-ում և Google Play-ում ունի նաև Reflect հավելվածը, որը փոխարինում է լուսանկարի վրայի մարդու դեմքը: Google Pay-ում տվյալ պահին հղումը չի աշխատում, կարող եք ներբեռնել այստեղից:


Fortnite-ը արգելափակելու ֆոնին App Store-ում հայտնվել է PUBG-ին նվիրված հրապարակում

Fortnite-ը արգելափակելու ֆոնին App Store-ում հայտնվել է PUBG-ին նվիրված հրապարակում


App Store-ում տեղադրվել է հատուկ հրապարակում, որը նվիրված է PUBG խաղի նոր թարմացմանը: Նշեմ, որ այս խաղը հանդիսանում է Fortnite խաղի մրցակիցներին մեկը: Տվյալ պահին Fortnite խաղը ջնջված է App Store-ից, իսկ հին օգտատերերը չեն ստանա այս խաղի հետագա թարմացումները: Կոնֆլիկտի պատճառն այն է, որ Epic Games-ը չի ցանկանում Fortnite խաղում կատարված գնումներից 30% միջնորդավճար տալ Apple-ին:

Հ.Գ.
Սեպտեմբերի 1-ից PUBG խաղը անվճար է լինելու նաև PlayStation Plus բաժանորդների համար:
Apple-ը արգելափակել է Facebook-ի թարմացումը, քանի որ հիշեցում կար 30% միջնորդավճարի մասին

Apple-ը արգելափակել է Facebook-ի թարմացումը, քանի որ հիշեցում կար 30% միջնորդավճարի մասին


Apple ընկերությունը վերջերս արգելափակել է App Store-ում Facebook հավելվածի թարմացված տարբերակը, քանի որ այդ հավելվածում ներքին գնումներ անելիս փոքր գրառում էր հայտնվել, որ գնումների 30%-ը գնում է Apple-ին որպես միջնորդավճար: Ֆեյսբուքը Apple-ին խնդրել էր նաև, որ հանի այդ միջնորդավճարը, որպեսզի ամբողջ գումարը հասնի վաճառքի կազմակերպիչներին, սակայն Apple-ը ոչ մի կերպ չի ուզում զիջումների գնալ: 
Հիշեցնեմ, որ վերջերս Apple-ը App Store-ից ջնջել է Fortnite խաղը, որտեղ հայտնվել է Apple-ի միջնորդավճարը շրջանցող գնումների հնարավորություն: Epic Games-ն ու Apple-ը այժմ դատական գործընթացների մեջ են: 
Gamescom 2020-ի ժամանակ ցուցադրված խաղերի գեյմփլեյներն ու թրեյլերները

Gamescom 2020-ի ժամանակ ցուցադրված խաղերի գեյմփլեյներն ու թրեյլերները


Տեղի ունեցավ gamescom 2020 միջոցառման բացումը, որի ժամանակ ցուցադրվեցին մի շարք նոր խաղերի գեյմփլեյներ ու թրեյլերներ: Մասնավորապես ցուցադրվեցին PS5-ի Ratchet & Clank: Rift Apart խաղի 7.5 րոպեանոց գեյմփլեյը, Fall Guys խաղի երկրորդ սեզոնը անոնսը, Call of Duty: Black Ops Cold War, Age of Empires III: Definitive Edition և տասնյակ այլ խաղերի թրեյլերներ: Միջոցառման ձայնագրված տարբերակը կարող եք տեսնել ներքևի տեսանյութում:



Առանձին ներկայացնեմ նաև միջոցառման ժամանակ ցուցադրված մի քանի հետաքրքիր խաղերի տեսանյութեր:































Xiaomi-ն շուտով արտադրելու է էկրանի մեջ թաքնված տեսախցիկով սմարթֆոններ (Վիդեո)

Xiaomi-ն շուտով արտադրելու է էկրանի մեջ թաքնված տեսախցիկով սմարթֆոններ (Վիդեո)



Xiaomi ընկերությունը տեսանյութ է հրապարակել, որտեղ ցուցադրվում է էկրանի մեջ թաքնված տեսախցիկով սմարթֆոնի մոդել: Նշվում է, որ նմանատիպ սմարթֆոններ մասսայաբար կարտադրվեն 2021 թվականին: Մինչ այս արդեն հայտնի էր, որ Xiaomi-ն ու մի շարք այլ ընկերություններ աշխատում են այս տեխնոլոգիայի վրա: Վերջերս ZTE ընկերությունը ցուցադրեց նման տեխնոլոգիայով աշխատող Axon 20 5G սմարթֆոնի լուսանկարը, որը ներկայացնելու է սեպտեմբերի 1-ին: Սա փաստացի լինելու է այս տեխնոլոգիայով աշխատող առաջին սմարթֆոնը:
Անվճար դարձած խաղեր (Windows, Xbox, Mac, Android, iOS)

Անվճար դարձած խաղեր (Windows, Xbox, Mac, Android, iOS)


Epic Games-ում 2021թ. բացառիկ կարգով թողարկվելու է Hitman 3 խաղը: Այս առիթով այսօրվանից (օգոստոսի 27-ից) մինչև սեպտեմբերի 3-ը կարող եք անվճար Ձեր գրադարանում ավելացնել այս խաղի առաջին տարբերակը, որը հետագայում նույնպես կարող եք անվճար խաղալ: Epic Games-ը այս շաբաթ անվճար նվիրում է նաև Shadowrun Collection և 3 out of 10, EP 3 խաղերը:


Ubisoft-ը մեկ շաբաթով անվճար նվիրում է Rainbow Six Seige խաղը PlatStation, Xbox և PC պլատֆորմերի համար:


Indiegala կայքում տվյալ պահին անվճար են Silent Gentlemen և Death Track Resurrection խաղերը, որոնք Ձեր գրադարանում ավելացնելուց հետո հետագայում նույնպես կարող եք անվճար խաղալ:


Itch.io կայքում տվյալ պահին անվճար են AnnulusGreen IslandRyza Roads, Shines Over 2Linda & Joan PrologueDisorientationCOLUMNSThe MansterSoft 3-in-1 Fun-PakBlack Crystal 7Klure և Evolvedustry  խաղերը, որոնք Ձեր գրադարանում ավելացնելուց հետո հետագայում նույնպես կարող եք անվճար խաղալ:


Steam-ում անվճար կարող եք խաղալ Occupy Mars: PrologueUragun Demo խաղերը:


Digerati Distribution ընկերությունը իր կայքում անվճար նվիրում է Slain: Back From Hell խաղը: Պետք է ընդամենը բացել այս կայքը և բաժանորդագրվել էլ. փոստով, որից հետո նամակով կստանաք խաղի կոդը Gog.com-ի գրադարանում ավելացնելու համար:


Microsoft Store-ում անվճար են Bricks Breaker+SudokuT, No One CrashChinese Checkers Master խաղերը, որոնք Ձեր գրադարանում ավելացնելուց հետո հետագայում նույնպես կարող եք անվճար խաղալ:


Android սարքերի համար տվյալ պահին անվճար են ներքևում նշված խաղերը, որոնք Ձեր գրադարանում ավելացնելուց հետո հետագայում նույնպես կարող եք անվճար խաղալ:



iOS սարքերի համար տվյալ պահին անվճար են ներքևում նշված խաղերը, որոնք Ձեր գրադարանում ավելացնելուց հետո հետագայում նույնպես կարող եք անվճար խաղալ:



Amazon-ը թողարկել է իր առաջին սմարթ թևնոցը, որը չունի էկրան

Amazon-ը թողարկել է իր առաջին սմարթ թևնոցը, որը չունի էկրան


Amazon ընկերությունը թողարկել է Halo կոչվող իր առաջին սմարթ թևնոցը, որը մնացած սմարթ թևնոցներից տարբերվում է մի շարք գործառույթներով:



Նախևառաջ այս թևնոցը չունի էկրան, իսկ տվյալները ցուցադրվում են սմարթֆոնի վրա տեղադրվող հատուկ հավելվածի մեջ: 


Amazon Halo սմարթ թևնոցը լսում է օգտատիրոջ ձայնը տարբեր իրավիճակներում և տարբեր մարդկանց հետ խոսելիս ու ըստ դրա հասկանում է ձեր տրամադրությունը ու խորհուրդներ տալիս:


Amazon Halo սարքը խորհուրդներ է տալիս նաև մարմնի կառուցվածքի ու ավել ճարպերի մասին: 


Այս նպատակով սմարթֆոնի հավելվածով ու տեսախցիկով ստեղծվում է մարմնի եռաչափ մոդելը, որպեսզի օգտատերը հետևի իր մարմնի փոփոխություններին:


Amazon Halo սարքը պաշտպանված է ջրից մինչև 50 մետր խորության վրա:  Սարքի վրա տեղադրված են երկու միկրոֆոններ, որոնք նախատեսված են օգտատիրոջ ձայնը լսելու համար: Amazon Alexa ձայնային օգնական չկա այս սարքի մեջ:


Amazon Halo սարքն ունի նաև քնի, մարզվելու և առողջության հսկման գործառույթներ: Սարքի մեջ տեղադրված է ակսելերոմետր և ջերմաչափ:


Սկզբնական շրջանում այս սարքը վաճառվում է 65 դոլարով, իսկ հետագայում կվաճառվի 100 դոլարով: Գնի մեջ մտնում է նաև Halo ծառայության 6 ամսվա բաժանորդագրություն, առանց որի սարքը չի աշխատի: 


Այս բաժանորդագրությունն առանձին արժի ամսական 4 դոլար: Սարքը տվյալ պահին վաճառվում է Amazon-ի կայքում: