Google ընկերությունը ներկայացեց Pixel 4A և Pixel 4A 5G սմարթֆոնները
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEiBqIAmN3DxjG0gnnveT1S5xZZq_oUm2I1qd_4pbJ1b2QWh6O17EH5hz6SUR-oCwo9L2Q6FuzMrv3F6Go-BjjDj13YpMftdRD5L1OHnYfExq4yqOCbIe2A6dil8CS5JYTYoFUVRCDww6epy/s640/5g.jpg)
Google ընկերությունը պաշտոնապես ներկայացրեց Pixel 4A, Pixel 4A 5G և Pixel 5 սմարթֆոնները, չնայած վերջին երկուսի մասին այդքան էլ շատ տվյալներ դեռ հայտնի չեն: Pixel 4A 5G անվանումից պարզ է դառնում, որ այն հանդիսանալու է Pixel 4A սմարթֆոնի 5G-ով աշխատող տարբերակը և միգուցե լինեն նաև մի քանի պարամետրերի տարբերություններ: Դե ինչ, եկեք տեսնենք, թե ինչ է իրենից ներկայացնում Pixel 4A սմարթֆոնը:
Pixel 4A սմարթֆոնն արդեն հնարավոր է պատվիրել Google-ի օնլայն խանութից 349$-ով: Այսինքն, այս սմարթֆոնը 50$-ով էժան է իր հիմնական մրցակից հանդիսացող iPhone SE սմարթֆոնի բազային տարբերակից: Ընդ որում, Pixel 4A սմարթֆոնն ունի 6ԳԲ օպերատիվ և 128ԳԲ ներքին հիշողություն: Այսինքն ստացվում է, որ Google Pixel 4A սմարթֆոնը 100$-ով էժան է iPhone SE-ից: Google Pixel 4A սմարթֆոնը տարբերվում է իր Անդրոիդով աշխատող մրցակիցներից պարբերաբար թարմացվող մաքուր Անդրոիդով:
![](https://blogger.googleusercontent.com/img/b/R29vZ2xl/AVvXsEgf9FjKSq_fn664vYD4SFDwlu9KlqW6flbBmViCv59Vl69tefWJPGrg10nlaCwt6Nc6eIA_Keh5pRdeuQUo_D7AW8z0LUw55of_yWyQrIaha3_pFDiGbPxWWosIXTC_yS2gIELquzuxmF5w/s640/pixel_4a__front___back_.jpg)
Google Pixel 4A սմարթֆոնն ունի 5,81 դյույմանոց OLED էկրան՝ 2340х1080 կետայնությամբ: Էկրանի վերևի ձախ հատվածում կլոր անցքի մեջ տեղադրված է առջևի 8ՄՊ տեսախցիկը: Սմարթֆոնն աշխատում է SoC Qualcomm Snapdragon 730G պրոցեսորով: Ինչպես արդեն նշեցի, սմարթֆոնն ունի 6ԳԲ օպերատիվ և 128ԳԲ ներքին հիշողություն: Սմարթֆոնի մարտկոցը 3140 մԱ/ժ է, որը լիցքավորվում է 18Վտ լիցքավորիչով:
![](https://blogger.googleusercontent.com/img/b/R29vZ2xl/AVvXsEgwbrmk2GsypGduw4bpn4xNgXZnYeQVJCmgcV8q_rzhzreGhmjUqWhHmsnO-rjycVTU36oos5leBSMnSuuFApWd08xDSngFO2cNlXUPWvHd8mCWjF6wIL_0IF-bQo7qCpt7ZJB6Azmpr7kX/s640/43434.png)
Google Pixel 4A սմարթֆոնի հիմնական տեսախցիկը մի մոդուլանի 12,2 ՄՊ է (Sony IMX363, F/1.7, 77°), որն ունի օպտիկական և էլեկտրական ստաբիլիզացիա: Google Pixel 4A սմարթֆոնի մատնահետքի սկաները նույնպես գտնվում է հետևի հատվածում: