Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Xiaomi-ն ներկայացրեց ևս մեկ 12 Pro մոդել: Այն աշխատում է Dimensity 9000+ պրոցեսորով

Xiaomi-ն ներկայացրեց ևս մեկ 12 Pro մոդել: Այն աշխատում է Dimensity 9000+ պրոցեսորով

Xiaomi ընկերությունը հերթական ցուցադրության ժամանակ ներկայացրեց նոր 12S շարքը, որտեղ ցուցադրվեցին 12S, 12S Pro և 12S Ultra սմարթֆոնները: Xiaomi-ն ներկայացրեց նաև սովորական 12 շարքի Pro մոդելի նոր սմարթֆոն, որն աշխատում է ոչ թե Snapdragon 8 Gen 1-ով, այլ Dimensity 9000+ պրոցեսորով: 

Այս սմարթֆոնում տարբերվում է նաև մարտկոցը՝ 4600 մԱժ-ի փոխարեն տեղադրված է 5160 մԱժ, որը 120 Վտ-ի փոխարեն լիցքավորվում է 67 Վտ-ով:

Ի տարբերություն նոր S սարքի, այս թարմացված սմարթֆոնի տեսախցիկը չի ստացել Leica տարբերանշանը: Տեսախցիկի հիմնական սենսորը 50 ՄՊ-անոց Sony IMX707 է: Սմարթֆոնի 6.73 դյույմանոցի էկրանի վերևի հատվածում տեղադրված է 32 ՄՊ առջևի տեսախցիկ:

Ներկայացվեցին Xiaomi 12S, Xiaomi 12S Pro և Xiaomi 12S Ultra սմարթֆոնները

Ներկայացվեցին Xiaomi 12S, Xiaomi 12S Pro և Xiaomi 12S Ultra սմարթֆոնները


Xiaomi 12 ընկերությունը ներկայացրեց նոր 12S սարքի երեք սմարթֆոններ: Xiaomi 12S և 12S Pro մոդելները արտաքնապես նման են Xiaomi 12-ին, իսկ ահա 12S Ultra-ն զգալի տարբերվում է հատկապես տեսախցիկների տեսքով: 


Երեք սմարթֆոններն էլ աշխատում են Snapdragon 8+ Gen 1 թոփ պրոցեսորով: Սմարթֆոնների օպերատիվ հիշողությունը 8/12 ԳԲ է, իսկ ներքին հիշոությունը՝ 128/256/512 ԳԲ: 


Xiaomi 12S-ի էկրանը 6,28 դյույմ է (FHD+, 419 ppi, 120 Հց), իսկ12S Pro-ինն ու Ultra-ինը՝ 6.73 դյույմ (QHD+, 522 ppi, 1-120 Հց): Բոլոր երեք սմարթֆոնների էկրանները Dolby Vision տեխնոլոգիայով են և ծածկված են Corning Gorilla Glass Victus ապակիով: 


Xiaomi 12S-ի մարտկոցը 4500 մԱժ է, որը լարով լիցքավորվում է 67 Վտ-ով, անլար՝ 50 Վտ, հետադարձ անլար՝ 10 Վտ: Xiaomi 12S Pro-ի մարտկոցը 4600 մԱժ է, որը լարով լիցքավորվում է 120 Վտ-ով, անլար՝ 50 Վտ, հետադարձ անլար՝ 10 Վտ: Xiaomi 12S Ultra-ի մարտկոցը 4860 մԱժ է, որը լարով լիցքավորվում է 67 Վտ-ով, անլար՝ 50 Վտ, հետադարձ անլար՝ 10 Վտ: 


Xiaomi 12S շարքի բոլոր մոդելներում տեղադրված տեսախցիկները ստեղծվել են Leica ընկերության հետ համագործակցության շրջանակներում: Xiaomi 12S-ի և 12S Pro-ի տեսախցիկների հիմնական մոդուլը 50 ՄՊ Sony IMX707 սենսորն է: Իսկ ահա 12S Ultra-ի գլխավոր մոդուլը 1 դյույմանոց Sony IMX989 սենսոր է: 


Այսպիսով Xiaomi 12S-ի տեսախցիկների մոդուլներն են՝ 50 ՄՊ հիմնական, 13 ՄՊ լայնանկյուն, 5 ՄՊ մակրո և 32 ՄՊ առջևի: Xiaomi 12S Pro-ի մոդուլներն են՝ 50 ՄՊ հիմնական, 50 ՄՊ տելեֆոտո, 50 ՄՊ լայնանկյուն և 32 ՄՊ առջևի: 



Xiaomi 12S Ultra-ի մոդուլներն են՝ 50 ՄՊ հիմնական, 48 ՄՊ տելեֆոտո, 48 ՄՊ լայնանկյուն և 32 ՄՊ առջևի: 



Xiaomi 12S Ultra-ի տեսախցիկն ունի 120X թվային զում: Ultra-ի տեսախցիկը թույլ է տալիս նաև նկարել Dolby Vision HDR վիդեո 4K և FullHD թողունակություններով: Հնարավորություն կա նաև նկարել 8K վիդեոներ: 


Xiaomi 12S Ultra սմարթֆոնում հետևի հատվածը կաշվից է, իսկ կորպուսը պաշտպանված է ջրից ու փոշուց IP68 ստանդարտով: Սմարթֆոնում տեղադրված է նաև Harman Kardon ստերեոդինամիկներ:


Xiaomi 12S-ում տեղադրված են նաև ֆիրմային  Surge P1 և Surge G1 պրոցեսորները, որոնք պատասխանատու են լիցքավորման վերահսկման և մոնիթորինգի համար: Սմարթֆոններում ներդրված է նաև հովացման նոր տեխնոլոգիա:



Xiaomi 12S սմարթֆոնի 8/128ԳԲ տարբերակի  գինը 600 դոլար է, 8/128ԳԲ 12S Pro-ինը՝ 700 դոլար, իսկ 8/256 ԳԲ Ultra տարբերակինը՝ 900 դոլար:
Ներկայացվեցին Xiaomi Smart Band 7 Pro ֆիթնես թևոցները

Ներկայացվեցին Xiaomi Smart Band 7 Pro ֆիթնես թևոցները

Xiaomi ընկերությունը ներկայացրեց Smart Band 7 Pro ֆիթնես թևնոցները, որոնք արտաքնապես նման են  Redmi Smart Band Pro կամ Honor Band 6 թևնոցներին:

Այս նոր սարքի AMOLED էկրանը 1.64 դյույմ է՝ 280×456 թողունակությամբ (326 ppi): Թևնոցում ներդրված է արտաքին միջավայրի լույսի սենսոր, որով կարգավորվում է էկրանի լուսավորությունը: 

Smart Band 7 Pro-ի գլխավոր առանձնահատկություններից է նաև Always On Display գործառույթը, որի շնորհիվ ժամացույցն ու այլ ինֆորմացիա մշտապես ցուցադրվում է էկրանին: 

Թևնոցն ունի ավելի քան 180 պաշտոնական ցիֆերբլատներ: Բնականաբար արտաքին տեսքը հնարավոր է փոխել նաև բազմազան ժապավենների միջոցով:


Smart Band 7 Pro թևնոցն ունի նաև ներդրված GPS մոդուլ, ինչը չկա սովորական Mi Band-երում: Թևնոցն աշխատում է նաև Beidou, ГЛОНАСС, Galileo և QZSS համակարգերով: Մնացած մոդուլներից կարելի է առանձնացնել  NFC և Bluetooth BLE 5.2-ը:

Smart Band 7 Pro-ի մարտկոցը 235 մԱժ է, ինչը թույլ է տալիս մեկ լիցքավորումով սարքն օգտագործել 12 օր: Թևնոցը 5 АТМ ջրակայուն է:

Smart Band 7 Pro թևնոցը կարողանում է հետևել 117 սպորտային ռեժիմների: Band 7 Pro-ն ունի նմանատիպ թևնոցներին բնորոշ մնացած բոլոր գործառույթները (քնի, սրտի աշխատանքի և արյան մեջ թթվածնի քանակի հետևում և այլն): Smart Band 7 Pro թևնոցը սկզբնական շրջանում վաճառվելու է մոտ 60 դոլարով:


Raspberry Pi-ն ներկայացրեց Wi-Fi մոդուլով աշխատող 6 դոլարանոց Pico W միկրոսխեման

Raspberry Pi-ն ներկայացրեց Wi-Fi մոդուլով աշխատող 6 դոլարանոց Pico W միկրոսխեման

Paspberry Pi-ն ներկայացրեց Pico W ծրագրավորվող միկրոսխեման, որը տարբերվում է նախորդ տարվա Pico-ից Wi-Fi 802.11n 2.4GHz մոդուլով: Pico-ն ունի երկմիջուկանի ARM Cortex-M0+ պրոցեսոր (133 Մհց), 264 Կբ օպերատիվ հիշողություն և մինչև 16 Մբ արտաքին ֆլեշ հիշողություն: Միկրոսխեմայի վրա տեղադրված նոր Wi-Fi CYW43439 չիպը ներառում է նաև Bluetooth մոդուլ, սակայն այն անջատված է (միգուցե ապագայում միացնեն): 

Pico W-ն կարելի է ծրագրավորել MicroPython, C և C++ լեզուներով: Այն հիմնականում օգտագործվում է ուսուցողական նպատակներով կամ օրինակ խելացի տան համակարգ ստեղծելու համար:

Paspberry Pi-ն ներկայացրեց նաև երկու նոր միկրոսխեմաներ՝ Pico H և Pico WH: Դրանք փաստացի հանդիսանում են Pico և Pico W միկրոսխեմաների պատճենները, սակայն ներառում են կոնտակտային կցիչներ: 

Paspberry Pi-ն արժի 4 դոլար, Pico H-ը՝ 5 դոլար, Pico W-ն՝ 6 դոլար, իսկ Picow WH-ը՝ 7 դոլար:

Apple-ի RoomPlan նոր API-ով հնարավոր է սկանավորել սենյակն ու կահույքը և ստանալ եռաչափ հատակագիծ

Apple-ի RoomPlan նոր API-ով հնարավոր է սկանավորել սենյակն ու կահույքը և ստանալ եռաչափ հատակագիծ

Apple ընկերությունը Swift-ում ստեղծել է ARKit-ով աշխատող նոր API, որը կոչվում է RoomPlan: Այն iPhone-ի կամ iPad-ի LiDAR սկաններով և տեսախցիկով սկանավորում է սենյակն ու իրական ժամանակում ստեղծում եռաչափ հատակագիծ: 

Հետաքրքիրն այն է, որ այն սկանավորում է նաև կահույքն ու դրա հատկությունները (օրինակ չափս, կոորդինատ և այլն): RoomPlan-ը կարողանում է նաև տարբերել հայելիները, դռները, լուսամուտները և այլն:

Ծրագրավորողները կարող են այն ներդնել RoomPlan-ը իրենց ծրագրերում: Հնարավորություն կա նաև վերջում արտահանել հատակագիծը դեպի Cinema 4D, AutoCAD և այլ ծրագրեր:

 Ինչպես լիցքավորել iLookTV-ի հաշվեհամարը և դիտել հազարավոր օնլայն ալիքներ

Ինչպես լիցքավորել iLookTV-ի հաշվեհամարը և դիտել հազարավոր օնլայն ալիքներ

Բլոգի նախորդ գրառումներում անդրադարձել եմ ինտերնետով հեռուստացույց նայելու մեթոդներին, որոնցից Հայաստանում ամենատարածվածներից է iLookTV-ն (նախկին EdemTV): Նշեմ, որ այս ծառայությունը ամսական 1 դոլարով տրամադրում է IPTV փլեյլիստ, որը ներառում է հազարավոր հեռուստաալիքներ: Այդ փլեյլիստը կարելի է բացել ցանկացած սարքի վրա համապատասխան ծրագրով: 


Ցավոք վերջերս Հայաստանից անհնար է դարձել այդ կայքում գրանցվելը, իսկ գրանցված օգտատերերի համար այլևս հնարավոր չի լիցքավորել հաշիվը բանկային քարտով: Գրանցվելու համար բավական է ինտերնետ դիտարկչի վրա տեղադրեք ցանկացած անվճար VPN հավելված և երկիրը ընտրեք օրինակ Ռուսաստան: Օրինակ Google Chrome-ի դեպքում կարող եք օգտագործել Free VPN for Chrome հավելվածը, երկիրը նշեք Ռուսաստան և բացեք iLookTV-ի գրանցվելու էջը: Գրանցումը բարեհաջող կատարելուց հետո կարող եք անջատել հավելվածը և ջնջել: Մուտք գործելու համար VPN-ի կարիք չկա:

Իսկ ինչ վերաբերում է լիցքավորման խնդրին, ապա այստեղ ինչ-ինչ պատճառներով ցուցակից բացակայում են մի շարք վճարման միջոցներ և միակ ընտրությունը կրիպտոարժույթն է: Եթե ունեք Բիթքոին դրամապանակ, ապա պետք է առաջարկվող կրիպտո հաշվեհամարին փոխանցել գումարը: Իսկ Բիթքոին դրամապանակի բացակայության դեպքում պետք է օգտվել այլ կայքերից, որոնք ընդունում են օրինակ MasterCard և փոխարենը տալիս են Բիթքոին: Ես ինքս փորձել եմ BTCBIT.NET կայքը: Գրանցվելուց հետո բացեք Bitcoin գնելու էջը և լրացրեք համապատասխան դաշտերը: Տվյալ պահին նվազագույնը կարող եք գրել 7 դոլար:

Բիթքոին դրամապանակի դաշտում պետք է գրեք iLookTV-ի կողմից տրամադրված հաշվեհամարը:



Նշեմ, որ գումարը  iLookTV-ի հաշվեհամարին փոխանցվում է մոտ մեկ ժամվա ընթացքում: Տեղեկացնեմ նաև, որ վերոնշյալ կայքը ծառայության միջնորդավճար է պահում, սակայն այս պարագայում այդքան էլ շատ չի և iLookTV-ն լիցքավորելու միակ ելքն է:


Հիշեցնեմ, որ iLookTV-ի և OttPlayer-ի մասին մանրամասն կարող եք կարդալ իմ նախորդ գրառումներից մեկում:

Ինչ տեսք ունի Nothing Phone (1)-ը

Ինչ տեսք ունի Nothing Phone (1)-ը

YouTube բլոգեր Մարկես Բրաունլին թողարկել է տեսահոլովակ, որտեղ ցուցադրում է Nothing Phone (1) սմարթֆոնը:  Հիշեցնեմ, որ այս սմարթֆոնի հեղինակը OnePlus ստարտափի հիմնադիրն է: 

Նոր սմարթֆոնը պաշտոնապես կներկայացնեն հուլիսի 12-ին: Սմարթֆոնի տեխնիկական պարամետրերից դեռևս քիչ ինֆորմացիա է հայտնի, այդ պատճառով սպասենք պաշտոնական հաղորդագրությանը: Սմարթֆոնն աշխատելու է Անդրոիդի հիման վրա ստեղծված Nothing OS համակարգով: 


Սմարթֆոնի գլխավոր առաջնահատկություններից մեկը արտաքին տեսքն է: Օրինակ հետևի հատվածում տեղադրված են լեդ լույսեր, որոնք հնարավոր է կարգավորել:


Telegram-ում հայտնվել է Premium բաժանորդագրություն: Ինչ առավելություններ այն ունի

Telegram-ում հայտնվել է Premium բաժանորդագրություն: Ինչ առավելություններ այն ունի

2022թ. Telegram-ը դասվել է աշխարհում ամենաշատ ներբեռնվող Top 5 հավելվածների շարքում, իսկ ամսական ակտիվ օգտատերերի քանակը ավելի քան 700 միլիոն է: Telegram-ի թիմը որոշել է ներդնել Premium բաժանորդագրությունը, որին միանալու ամսավճարը 4.99$ է: Premium-ի օգտատերերը ստանում են մի շարք առավելություններ և կրկնապատկված ծավալներ: Եկեք տեսնենք, թե ինչ է ներառում Premium բաժանորդագրությունը:


Ավելի մեծ ծավալով ֆայլեր

Տելեգրամում սովորական օգտատերերը կարող են վերբեռնել մինչև 2ԳԲ ծավալով ֆայլեր, իսկ Premium բաժանորդները կարող են վերբեռնել մինչև 4ԳԲ ծավալով ֆայլեր: Նշեմ, որ այստեղ խոսքը մեկ ֆայլի ծավալի մասին է, ոչ թե գումարային: Ոչ Premium բաժանորդները կարող են ներբեռնել Premium բաժանորդների կողմից ուղարկված մեծ ծավալով ֆայլերը:

Արագացված ներբեռնում

Premium օգտատերերը կարող են ներբեռնել ֆոտո, վիդեո և այլ ֆայլեր առավելագույն արագությունով՝ առանց սահմանափակումների: Ֆայլերի ներբեռնման արագությունը կախված է լինելու միայն օգտատիրոջ ինտերնետի արագությունից:


Կրկնակի քիչ սահմանափակումներ

Premium օգտատերերը կարող են հետևել մինչև 1000 ալիքի, հավելվածին կպցնել մինչև 4 օգտահաշիվ, ստեղծել մինչև 20 թղթապանակ, որոնցից յուրաքանչյուրում կտեղավորվի մինչև 200 չաթ: Օգտատերերը կարող են նաև հիմնական ցանկում ամրացնել մինչև 10 չաթ և պահպանել մինչև 10 նախընտրելի ստիկերներ ու մինչև 400 նախընտրելի gif-եր: Պրոֆիլի կենսագրությունում հնարավոր է գրել ավլեի երկար տեքստ: Premium օգտատերերը կարող են նաև իրենց ալիքների և խմբերի համար ստեղծել t.me-ով սկսվող մինչև 20 կարճ հղումներ:


Ձայնային նամակների տեքստային վերծանում

Telegram-ի Premium օգտատերերին հնարավորություն է տրվում ձայնային հաղորդագրությունները դարձնել տեքստ և դրանք լսելու փոխարեն կարդալ:


Յուրահատուկ ստիկերներ

Premium օգտատերերը կարող են ուղարկել տասնյակ ստիկերներ, որոնք ցուցադրվելու են ամբողջ էկրանով: Ընդ որում այդ անիմացիաները ցուցադրվելու են նաև ոչ Premium օգտատերերին:


Յուրահատուկ ռեակցիաներ

Telegram Premium օգտատերերին հասանելի են ավելի քան 10 մոր էմոջիներ, որոնցով կարող են արձագանքել նամակներին: Նոր էմոջիներից են 👌😍❤️‍🔥💯🤡🌭🐳:


Չաթերը կառավարելու ավելի շատ գործիքներ
 
Telegram Premium օգտատերերը ստանում են չաթերը կառավարելու ավելի շատ գործիքներ: Օրինակ հնարավոր է ցանկացած թղթապանակ դարձնել գլխավոր և հավելվածը բացելուց միանգամից կբացվի այդ թղթապանակը: Հավելվածի «Конфиденциальность» բաժնում համապատասխան կարգավորումից հետո բաժանորդները կարող են ավտոմատ նոր չաթերը տեղադրել արխիվի մեջ և անջատել դրանց ծանուցումները:


Միշտ ակտիվ վիդեոավատարներ և Premium նշան

Premium բաժանորդների վիդեոավատարները ցուցադրվելու են բոլոր օգտատերերին բոլոր բաժիններում, այդ թվում չաթերի ցուցակում և չաթերում: Նաև Premium բաժանորդների անունների կողքը ցուցարվելու է Premium տարբերանշանը:


Գովազդի անջատում

Ամիսներ առաջ մեծ լսարան ունեցող Տելեգրամ ալիքներում հայտնվել էին տեքստային գովազդներ: Premium բաժանորդները կարող են անջատել այդ գովազդները: 


Telegram-ում հայտնվել են նաև մի շարք նոր գործառույթներ, որոնք հասանելի են ոչ միայն Premium բաժանորդների համար: Եկեք տեսնենք, թե ինչ նորույթներ կան:

Խումբ մուտք գործելու հայտ

Խմբերի ադմինիստրատորները կարող են միացնել հայտով խումբ մուտք գործելու գործառույթը, որպեսզի ստուգեն նոր մասնակիցներին խումբ ներս թողնելուց առաջ: Երբ օգտատերը բացի խումբը, ապա կտեսնի «Подать заявку» կոճակը: Ադմինիստրատորները կարող են նամակ գրել հայտ ներկայացնողներին, որպեսզի ներկայացնեն խմբի կանոնները կամ ծանոթանան նոր մասնակցի հետ: Այդ պարագայում հայտ ներկայացնող օգտատերը ծանուցվում է, որ իր հետ կապնվել է հենց խմբի ադմինիստրատորը: 


Հաստատված պրոֆիլի տարբերանշան
Հայտնի մարդիկ և կազմակերպությունները կարող են պաշտոնապես հաստատել իրենց խմբերը, ալիքները և բոթերը: Այդ դեպքում անունների կողքը կցուցադրվի Verification Check հատուկ նշան: Այսուհետև այդ նշանը կցուցադրվի ոչ միայն պրոֆիլներում, որոնման արդյունքներում և չաթերի ցանկում, այլև չաթի վերևի հատվածում: Եթե ունեք հաստատված պրոֆիլ գոնե 2 սոցցանցերում, ապա կարող եք Տելեգրամում հաստատման հայտ ուղարկել այստեղ:


Android-ի վրա չաթերի պարզեցված նախադիտում

Տելեգրամի Անդրոիդ հավելվածում հայտնվել է չաթերի պարզեցված նախադիտման հնարավորություն (ինչպես iOS-ում): Այժմ այդ ռեժիմում հնարավոր է դիտել ամբողջ չաթը: Նշեմ, որ նախադիտման դեպքում չաթը չի նշվի որպես կարդացված: Նախադիտման ռեժիմում հայտնվել են նաև նոր կոճակներ, որոնցով հնարավոր է անջատել չաթի ծանուցումները, նշել որպես կարդացված, ամրացնել կամ ջնջել չաթը: Նախադիտման համար բավական է չաթերի ցանկում սեղմած պահել որևէ չաթի պրոֆիլի լուսանկարի վրա:


macOS-ում անիմացիոն ավատարների գործիք

macOS օպերացիոն համակարգի օգտատերերը կարող են օգտվել անիմացիոն ավատարներ ստեղծող նոր գործիքից: Բավական է միայն ընտրել համապատասխան ստիկերը կամ անիմացիոն էմոջին և հետևի ֆոնը: