Համացանցում մեծ տարածում է գտել Lensa հավելվածը, որը նախատեսված է լուսանկարները մշակելու համար: Այս հավելվածով օրինակ կարող եք մի քանի վայրկյանում փոխել լուսանկարի հետևի ֆոնը կամ կիրառել տարբեր էֆեկտներ: Սակայն այս հավելվածը համացանցում տարածվել է այն բանի շնորհիվ, որ արհեստական բանականությունով գեներացնում է տարբեր թեմատիկաներով ձեր դիմանկարները: Անհրաժեշտ է ընդամենը վերբեռնել 10-ից 20 սելֆիներ և սպասել մոտ 20 րոպե: 

Հավելվածն անվճար է, սակայն դիմանկարների գեներացման գործառույթը ցավոք վճարովի է: Օրինակ 50 տարբեր դիմանկար գեներացնելու համար պահանջվում է 3.99 դոլար: Ծրագիրն ունի նաև վճարովի բաժանորդագրութուն, սակայն հաշվի առեք, որ այս բաժանորդագրությունը չի ներառում դիմանկարներ գեներացնելու գործիքը: Իմ փորձով կիսվել, թե ինչպես մատչելի գնով գեներացնել լուսանկարները: Անհրաժեշտ է ներբեռնել հավելվածը և սկզբնական էկրանին կհայնտվի առաջարկ, որպեսզի 7 օրով փորձնական բաժանորդագրվեք Premium փաթեթին:

Այս փորձնական բաժանորդագրությունը գումար չի գանձի, սակայն 7 օրվա մեջ պիտի չմոռանաք անջատեք: Փորձնական բաժանորագրության շրջանակներում ավատարների գեներացման գործիքը 50%-ով զեղչվում է: 

Այսինքն 50 դիմանկարի համար կպահանջվի 1.99 դոլար: Դիմանկարները գեներացնելուց հետո կարող եք դրանք պահպանել սմարթֆոնի մեջ և անջատել 7-օրյա փորձնական բաժանորդագրությունը (եթե իհարկե չեք ցանկանում շարունակել):

Նոյեմբերի 14-ին Երևանում տեղի ունեցավ Samsung Neo QLED հեռուստացույցների նոր մոդելային շարքի վաճառքի շնորհանդեսը Հայաստանում: Թվում է, թե արտադրողները հեռուստացույցների շուկայում այլևս սպառողներիս զարմացնելու քիչ շանսեր ունեն, սակայն Samsung ընկերությունը շարունակում է կատարելագործել իր հեռուստացույցներն ու դրանց մեջ ներդնել նոր տեխնոլոգիաներ: 

Neo QLED նորացված մոդելային շարքն ունի պատկերի ու ձայնի բարելավված որակ, պրեմիում կարգի դիզայն և անհատականացման խելացի տեխնոլոգիաներ, որոնց շնորհիվ հեռուստադիտողները կկարողանան առավելագույն հարմարավետությամբ դիտել իրենց սիրելի ֆիլմերն ու հաղորդումները:

Հեռուստացույցները նախևառաջ հանդիսանում է ինտերիերի անբաժան մասնիկներից մեկը և կարևոր է, որպեսզի դրանք լինեն հնարավորինս բարակ և գեղեցիկ: Infinity One մինիմալիստիկ դիզայնով ստեղծված Neo QLED ֆլագմանային մոդելների կորպուսը չափազանց բարակ է, իսկ էկրանի մետաղյա շրջանակը հեռուստացույցին տալիս է պրեմիում դասի տեսք: Թարմացված Slim Fit ամրակը թույլ է տալիս հեռուստացույցը կախել պատից այնպես, որպեսզի պատի և հեռուստացույցի միջև տարածքը լինի հնավորինս քիչ: 

Իսկ բարակ շրջանակով Slim One Connect բլոկի շնորհիվ կազատվեք խառնված լարերից:

Այժմ հեռուստացույցի տերերը կարող են ներբեռնել սմարթֆոնի  Smart Calibration հավելվածը և դրա միջոցով ինքնուրույն արագ կարգավորել հեռուստացույցի գույները:

2022թ. Neo QLED հեռուստացույցներում կոնտրաստի մեփինգը նախկին 12 բիթի փոխարեն դարձել է 14 բիթ, ինչը թույլ է տալիս տեսնել ավելի լուսավոր և դետալիզացված պատկերներ:

Neo QLED հեռուստացույցի հզոր պրոցեսորը ապահովում է պատկերի ու ձայնի բարելավված որակ: Արհեստական բանականության տեխնոլոգիաների հիման վրա մինչև 4K և 8K պատկերի ինտելեկտուալ մաշտաբավորումը կատարվում է նեյրոցանցերի միջոցով ու թույլ է տալիս սիրելի կոնտենտը դիտել բարձր կետայնությամբ: Թարմացված պրոցեսորի շնորհիվ բարելավվում է կոնտրաստայնությունը, 4 անգամ մեծանում է ցայտունության մակարդակը և ապահովվում է գույնի 16 հազարից ավել գրադացիա՝ էկրանին ամենափոքր դետալները փոխանցելու համար:

Հեռուստացույցների նոր մոդելներում առկա է EyeComfort ռեժիմը, որը ավտոմատ կերպով կարգավորում է ցայտունությունն ու գունային տոները՝ օգտագործելով տարածքի լուսավորվածության և օրվա լուսային տևողության վերաբերյալ սենսորի տվյալները: Արդյունքում՝ օրվա ցանկացած ժամին հեռուստացույց դիտելիս նվազում է աչքերի լարվածությունը:

Թարմացված Neo QLED հեռուստացույցը Wi-Fi-ի միջոցով ապահովում է անլար Dolby Atmos, ինչը բազմալիք բարձրախոսների հետ միասին սենյակի ցանկացած հատվածում ապահովում է հագեցած ու ծավալուն ձայն:

OTS Pro (Object Tracking Sound) տեխնոլոգիան ապահովում է իսկական կինոթատրոն հիշեցնող իմմերսիվ ձայն: Այս տեխնոլոգիան էկրանի վրայի օբյեկտի հետ միասին «տեղափոխում» է ձայնը սենյակով մեկ՝ ստեղծելով կատարվող իրադարձություններին մասնակից լինելու տպավորություն:

2022թ. Samsung Smart հեռուստացույցները ստացել են Smart Hub թարմացված ինտերֆեյսը, ինչի շնորհիվ կոնտենտի որոնումը դարձել է ավելի արագ ու հարմար: Հեռուստացույցն աշխատում է Tizen օպերացիոն համակարգով:

2022թ. Neo QLED հեռուստացույցներում առկա է Multi View գործառույթը, ինչը թույլ է տալիս միաժամանակ էկրանի վրա ցուցադրել մինչև 4 տարբեր պատկեր 8K մոդելի դեպքում և մինչև 2 պատկեր՝ 4K-ի դեպքում: Սիրելի ֆիլմերն ու հաղորդումները դիտելիս Neo QLED-ի միջոցով հնարավոր է օրինակ միաժամանակ տեսաչաթով շփվել ընկերների կամ ընտանիքի անդամների հետ:

Հեռուստացույցները նաև կարևոր բաղադրիչ են հանդիսանում խաղասերների համար և 2022թ. Neo QLED հեռուստացույցներում խաղերի համար առկա են մի շարք կարող եք վերածել գերլայնանկյուն խաղային մոնիտորի: Հեռուստացույցում ներդրված են ժամանակակից խաղային կոնսոլներում առկա պատկերի ցուցադրման HDR և այլ տեխնոլոգիաները:

2022թ. Neo QLED հեռուստացույցն ունի բավականին թեթև և պարզեցված հեռակառավարման վահանակ, որն աշխատում է արևային մարտկոցով: Այս վահանակը ղեկավարում է ինչպես հեռուստացույցը, այնպես էլ դրան միակցված մյուս սարքավորումները: 

Թարմացված հեռակառավարման վահանակը կարելի է լիցքավորել անգամ գիշերը՝ շնորհիվ RF Harvesting տեխնոլոգիայի, որը կլանում է կենցաղային այլ սարքավորումների էլեկտրամագնիսային ճառագայթումները:

Հայաստանում Neo QLED հեռուստացույցների թարմացված մոդելային շարքը պաշտոնապես ներկայացված է տարբեր անկյունաչափեր ունեցող հետևյալ մոդելներով. Neo QLED 4K՝ QN90B, QN85B, Neo QLED 8K՝ QN900B,QN800B, QN700B:

Հայաստանի բանկերը օրեր առաջ Ֆեյսբուքի էջերով մի քանի գրառումներ արեցին, որոնք ակնարկում էին Գուգլի ծառայության մասին: Այն ժամանակ պարզ դարձավ, որ Google Pay (Wallet) ծառայությունը շուտով հասանելի է դառնալու նաև Հայաստանի օգտատերերի համար: Այսօրվանից արդեն Google Play-ից հնարավորություն կա ներբեռնելու Google Wallet հավելվածը: 

Որոշ բանկեր նույնպես այսօր հայտնեցին, որ իրենց քարտերը կարող եք ավելացնել Google Wallet-ում և POS տերմինալներում վճարումներ կատարել Անդրոիդ սմարթֆոններով կամ Google Wear OS համակարգով աշխատող սմարթ ժամացույցներով: Google Wallet-ով կարող եք նաև ձեր սարքերի միջոցով գումար կանխիկացնել բանկոմատներից: Google Pay-ով կարող եք նաև համապատասխան կայքերում օնլայն վճարումներ կատարել:

Չնայած Google-ի պաշտոնական կայքում դեռևս գրում է, որ Հայաստանում այս ծառայությունն անհասանելի է, այնուհանդերձ հայտնվել է մի աղյուսակ, որտեղ գրված են այն բանկերի անունները, որոնք արդեն ակտիվացրել են Google Pay-ը: Նշեմ, որ ցանկից բացակայող Ինեկո բանկը նույնպես օրեր առաջ հայտնել էր, որ շուտով իր քարտերը հնարավոր կլինի կցել Google Pay-ին:

Վերջում ներկայացնեմ այն բանկերի էջերը, որտեղ ներկայացված են Google Pay-ի մասին տվյալներ:

ACBA BANK 

AMERIA BANK

ARDSHINBANK

ARMECONOMBANK

CONVERSE BANK

EVOCOBANK

Picsart ծառայությունում հայտնվել է արհեստական բանականությամբ աշխատող նոր գործիք, որը գեներացնում է լուսանկարներ ըստ նկարագրված տեքստի:

Այս նոր գործիքն անվճար հասանելի է որոշ երկրների iOS հավելվածում, ինչպես նաև Picsart-ի վեբ տարբերակում: Մոտ ապագայում այն հասանելի կլինի նաև այլ պլատֆորմերում:

Նշեմ, որ գործիքով հնարավոր է գեներացնել ոչ միայն լուսանկարներ, այլ նաև ֆիլտրեր: Օրինակ կարող եք գեներացնել «լղոզված» ֆոնով լուսանկարներ (panda wearing glasses bokeh): 

Այս գործիքի կողմից գեներացված որոշ լուսանկարներ կարող եք տեսնել պաշտոնական կայքում կամ փորձեք ինքներդ գեներացնել ձեր երևակայության մեջ եղած նկարը:

Չինացի ինժեներներից մեկին հաջողվել է իր iPhone 13 Pro-ն դարձնել ծալվող: Սմարթֆոնը ստեղծելուց հեղինակն օգտագործել է Moto Razr 2020-ի որոշ մասեր, ինչպես նաև օգտվել է 3D տպիչից: Հեղինակն այս նախագծի վրա աշխատել է մոտ մեկ տարի և պրոցեսը տեսանկարահանել է:

Microsoft ընկերությունը թողարկել է PowerToys ծրագրի 0.64 տարբերակը, որտեղ հայտնվել են երկու նոր օգտակար գործիքներ: Առաջին գործիքը կոչվում է File Locksmith: Այս գործիքը ցուցադրում է Windows-ի պրոցեսները, որոնք տվյալ պահին օգտագործում են և արգելափակում են նշված ֆայլը: Օրինակ, եթե ցանկանում եք ջնջել որևէ ֆայլ, որը տվյալ պահին օգտագործվում է ինչ-որ պրոցեսի կողմից, ապա Windows-ը թույլ չի տալիս ջնջել այդ ֆայլը: Գործիքի օգտվելու համար բավական է նշել ֆայլը (ֆայլերը) կամ թղթապանակը և բացված ցանկում սեղմել What's using this file? կոճակը: Այնուհետև կցուցադրվեն արգելափակող պրոցեսները, որոնք կարող եք դադարեցնել անմիջապես այս գործիքում: Այս գործիքը փաստացի հանդիսանում է հայտնի Unlocker ծրագրի ալտերնատիվ տարբերակը

PowerToys-ում հայտնված մյուս օգտակար գործիքը կոչվում է Hosts File Editor: Անվանումից արդեն պարզ է, որ այն նախատեսված է Windows-ի ծրագրային hosts ֆայլը պարզ ինտերֆեյսով խմբագրելու համար: Hosts ֆայլի դերակատարության մասին կարող եք կարդալ բլոգի հին գրառումներից մեկում:

Tesla-ի ղեկավար Իլոն Մասկին վերջապես հաջողվեց գործարքը ավարտին հասցնել և գնել Թվիթերը 44 միլիարդ դոլարով: Գործարքը կատարելուց հետո նաև Թվիթերում գրել է՝ «Թռչնակն արդեն ազատ է»: Մասկը նաև գովազդատուներին է ուղերձ հղել Թվիթերում, որում նշում է, որ Թվիթերը գնել է ոչ թե գումար վաստակելու համար, այլև մարդկությանը օգնելու համար:

Նշվում է, որ Մասկը անմիջապես աշխատանքից հեռացրել է գործադիր տնօրենին, իրավաբանական և ֆինանսական բաժինների ղեկավարներին: Ընդհանուր առմամբ նրանք ստացել են 88 միլիոն դոլարի փոխհատուցում: Միայն գլխավոր գործադիր տնօրենը ստացել է 38.7 միլիոն դոլար փոխհատուցում:

Xiaomi-ի ենթաբրենդ հանդիսացող Redmi ընկերությունը ներկայացրեց Redmi Note 12 սմարթֆոնների շարքը, որոնք նախկան պաշտոնական ներկայացումը արդեն հիթ էին դարձել Չինաստանում: Note 12 շարքը բաղկացած է 4 մոդելներից՝ Redmi Note 12 5G, Note 12 Pro, Note 12 Pro+ և Redmi Note 12 Discovery Edition:

Redmi Note 12 սմարթֆոնն ունի 6.67 դյույմանոց OLED էկրան (120 Հց, FHD+ 2400х1080, 20:9, 1200 նիտ): Սմարթֆոնն աշխատում է Qualcomm Snapdragon 4 Gen 1 պրոցեսորով և Adreno 619 գրաֆիկական ադապտերով: Սմարթֆոնի մարտկոցը 5000 մԱժ է, որը լիցքավորվում է 33 Վտ հզորությամբ: 

Սմարթֆոնի հիմնական տեսախցիկների բլոկը բաղկացած է 48 ՄՊ հիմնական և 2 ՄՊ խորության մոդուլներից: Առջևի տեսախցիկը 8 ՄՊ է: Սմարթֆոնի ներքին հիշողությունը 128/256 ԳԲ է, իսկ օպերատիվ հիշողությունը՝ 4/6/8 ԳԲ: Սմարթֆոնում առկա են USB Type-C, 5G, Wi-Fi 5, Bluetooth 5.1 տեխնոլոգիաները, ինչպես նաև 3,5 մմ բնիկը: Սմարթֆոնները հասանելի են լինելու սպիտակ, սև և կապույտ երանգներով:

Redmi Note 12 Pro սմարթֆոնն ունի 6.67 դյույմանոց OLED էկրան (120 Հց, FHD+ 2400х1080, 20:9, 900 նիտ, Dolby Vision, HDR10+): Սմարթֆոնն աշխատում է 8 միջուկանի MediaTek Dimensity 1080 (2 հատ Cortex-A78 2,6 Գհց և 6 հատ Cortex-A55 2,0 Գհց) պրոցեսորով և Mali G68 գրաֆիկական ադապտերով: Սմարթֆոնի մարտկոցը 5000 մԱժ է , որը լիցքավորվում է 67 Վտ հզորությամբ: 

Սմարթֆոնի հիմնական տեսախցիկների բլոկը բաղկացած է 50 ՄՊ (Sony IMX766) հիմնական, 8ՄՊ լայնանկյուն  և 2 ՄՊ մակրո մոդուլներից: Առջևի տեսախցիկը 16 ՄՊ է: Սմարթֆոնի ներքին հիշողությունը 128/256 ԳԲ է, իսկ օպերատիվ հիշողությունը՝ 6/8/12 ԳԲ: Սմարթֆոնում առկա են USB Type-C, 5G, Wi-Fi 6, Bluetooth 5.2, NFC տեխնոլոգիաները, ինչպես նաև 3,5 մմ բնիկը: Սմարթֆոնները հասանելի են լինելու սպիտակ, սև, կապույտ և վարդագույն երանգներով:

Redmi Note 12 Pro+ սմարթֆոնն ունի Pro տարբերակի էկրանն ու աշխատում է նույն պրոցեսորով: Մարտկոցը նույնպես 5000 մԱժ է, սակայն լիցքավորվում է 120 Վտ հզորությամբ: Տեսախցիկների հարցում նույնպես կա զգալի տարբերություն: Pro+ տարբերակում տեսախցիկների հիմնական մոդուլը 200 ՄՊ է (Samsung ISOCELL HPX): Առջևի տեսախցիկը 16 ՄՊ է: 

Սմարթֆոնի ներքին հիշողությունը 256 ԳԲ է, իսկ օպերատիվ հիշողությունը՝ 8/12 ԳԲ: Սմարթֆոնում առկա են USB Type-C, 5G, Wi-Fi 6, Bluetooth 5.2, NFC տեխնոլոգիաները, ինչպես նաև 3,5 մմ բնիկը: Սմարթֆոնները հասանելի են լինելու սպիտակ, սև և կապույտ երանգներով: Հասանելի է լինելու նաև երկերանգ Yibo Edition տարբերակը՝ կանաչ և սև գույներով: 

Redmi Note 12 Discovery Edition տարբերակը նույնպես ունի Pro տարբերակի էկրանն ու աշխատում է նույն պրոցեսորով: Սմարթֆոնի մարտկոցը 4300 մԱժ է, որը լիցքավորվում է 210 Վտ հզորությամբ (ամբողջական լիցքավորումը 9 րոպեում): 

Սմարթֆոնում տեղադրված են Pro+ տարբերակի տեսախցիկները: Սմարթֆոնի ներքին հիշողությունը 256 ԳԲ է, իսկ օպերատիվ հիշողությունը՝ 8 ԳԲ: Սմարթֆոնում առկա են USB Type-C, 5G, Wi-Fi 6, Bluetooth 5.2, NFC տեխնոլոգիաները, ինչպես նաև 3,5 մմ բնիկը: Սմարթֆոնները հասանելի են լինելու միայն սև երանգով:

Բոլոր սմարթֆոններն աշխատում են Android 12-ի հիման վրա ստեղծված MIUI 13 ինտերֆեյսով: Սմարթֆոնները պաշտպանված են ջրից ու փոշուց IP53 ստանդարտով: Սմարթֆոնները վաճառվելու են հետևյալ գներով՝

Redmi 12

4/128 ԳԲ - $165

6/128 ԳԲ - $180

8/128 ԳԲ - $205

8/256 ԳԲ - $235

Redmi 12 Pro

6/128 ԳԲ - $235

8/128 ԳԲ - $250

8/256 ԳԲ - $275

12/256 ԳԲ - $305

Redmi 12 Pro+

8/256 ԳԲ - $305

12/256 ԳԲ - $330

Redmi Note 12 Discovery Edition

8/256 ԳԲ - $330