Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Իլոն Մասկը գնում է Թվիթերը 44 միլիարդ դոլարով

Իլոն Մասկը գնում է Թվիթերը 44 միլիարդ դոլարով

Twitter-ի տնօրենների խորհուրդը ընդունել է Իլոն Մասկի առաջարկը և վաճառելու է Թվիթերը 44 միլիարդ դոլարով (մի ակցիան 54,2 դոլար): Գործարքը նախատեսվում է ավարտին հասցնել մինչև 2022թ. վերջ, սակայն այն նախևառաջ պետք է ստանալ ռեգուլյատորների թույլատվությունը: Tesla-ի և SpaceX-ի ղեկավար Իլոն Մասկը նախատեսում է Twitter-ի կոդը դարձնել բաց և սոցկայքը դարձնել ազատ խոսքի պլատֆորմ:

Nvidia Instant NeRF նեյրոցանցը 2D լուսանկարներից գեներացնում է 3D միջավայր (օրինակ հայելու արտացոլանքը)

Nvidia Instant NeRF նեյրոցանցը 2D լուսանկարներից գեներացնում է 3D միջավայր (օրինակ հայելու արտացոլանքը)

Վերջերս Nvidia ընկերությունը ներկայացրեց Instant NeRF նեյրոցանցը, որը տարբեր կողմերից արված լուսանկարների և դրանց անկյան մասին ինֆորմացիայի հիման վրա մի քանի վայրկյանում ստանում է եռաչափ մոդել: Նեյրոցանցը նաև լրացնում է անորոշ հատվածներն ու գուշակում լուսավորությունը: 

Նշեմ, որ այս նոր տեխնոլոգիայի առավելությունը արագության մեջ է: Նախորդ ալգորիթմները սովորում էին մի քանի օր, իսկ արդյունքը գեներացնում էին մի քանի րոպեում: Այս նոր ալգորիթմը սովորում է 1000 անգամ ավելի արագ և գեներացնում է վայկյանների ընթացքում:

Թվիթերում հայտնվել է նաև ալգորիթմի հետաքրքիր դեմոնստրացիոն վիդեո, որտեղ ցուցադրվում է, թե ինչ տեսք ունեն այս ալգորիթմով սկանավորված սենյակն ու այնտեղ տեղադրված հայելու մեջ արտացոլված օբյեկտները: Տպավորություն է ստեղծվում, որ նկարողը մտնում է եռաչափ հայելու մեջ: Նեյրոցանցը սկանավորել է 134 լուսանկարներ և դրանց հիման վրա ստեղծել է եռաչափ սենյակն ու հայելին՝ լրացնելով անորոշ հատվածները: 

Հայաստանում մեկնարկել է Honor X8 սմարթֆոնի վաճառքը

Հայաստանում մեկնարկել է Honor X8 սմարթֆոնի վաճառքը

Honor ապրանքանիշը վերջերս ներկայացրեց միջին գնային սեգմենտի նոր Honor X8 սմարթֆոնը, որի վաճառքը Հայաստանում պաշտոնապես մեկնարկել է ապրիլի 15-ին: Սմարթֆոնի 6.7 դյույմանոց IPS էկրանը (2388×1080, 90 Հց) զբաղեցնում է առջևի մակերեսի 93.6%-ը: Honor X8 սմարթֆոնը հասանելի է 3 գույներով՝ Titanium Silver, Midnight Black և Ocean Blue:


Սմարթֆոնն ունի 8 միջուկանի Qualcomm Snapdragon 680 պրոցեսոր, Adreno 610 գրաֆիկական մոդուլ, 6 ԳԲ օպերատիվ և 128 ԳԲ ներքին հիշողություն:


Սմարթֆոնում ներդրված վիրտուալ հիշողության տեխնոլոգիան թույլ է տալիս ընդլայնել օպերատիվ հիշողությունը մինչև 8 ԳԲ:


Honor X8 սմարթֆոնի ետնամասում տեղադրված է տեսախցիկների քառակուսի բլոկը, որի վրա տեղադրված են 64 ՄՊ (f/1.8) հիմնական, 5 ՄՊ (f/2.2,120°) լայնանկյուն, 2 ՄՊ ( f/2.4) մակրո և 2 ՄՊ (f/2.4) խորության մոդուլները: 


Սմարտֆոնի էկրանի վերևի կենտրոնական հատվածում տեղադրված է 16 ՄՊ (f/2.45) սելֆի տեսախցիկ:


Honor X8 սմարթֆոնի մարտկոցը 4000 մԱժ է, որն արագ լիցքավորվում է 22.5 Վտ հզորությամբ: Սմարթֆոնն աշխատում է Android 11-ի վրա հիմնված Honor Magic UI 4.2 ինտերֆեյսով: 







Սմարթֆոնն ունի Wi-Fi 802.11ac, 4G LTE, Bluetooth 5.0, GPS մոդուլներ և USB-C, 3.5մմ բնիկներ: Սմարթֆոնի մատնահետքի սկաները գտնվում է կողքի հատվածում տեղադրված կոճակի վրա:


Նշեմ, որ սմարթֆոնը բավականին գեղեցիկ է ու արտաքնապես նման է վերջին սերնդի iPhone-ներին: Չնայած բարակությանը (7.45մմ) սմարթֆոնում տեղադրված է 4000 մԱժ մարտկոց և կշռում է ընդամենը 177 գրամ: 

Նշեմ նաև, որ այս սմարթֆոնը ներառում է նաև Google-ի ծառայությունները (Play Market և այլն), ինչը բավականին հաճելի նորություն է: Եթե գեղեցիկ տեսքին գումարենք նաև սմարթֆոնի տեխնիկական պարամետրերը, ապա գնի ու որակի հարաբերությամբ HONOR X8-ը բավականին մրցակցային սմարթֆոն է միջին սեգմենտի շուկայում:


Honor X8 սմարթֆոնները Հայաստանում կարող եք ձեռք բերել Ucom և Vega վաճառասրահներից 149900 դրամով:
Google-ը թողարկել է iOS-ից Android անցում կատարելու նոր հավելված

Google-ը թողարկել է iOS-ից Android անցում կատարելու նոր հավելված

Google ընկերությունը թողարկել է Switch to Android հավելվածը, որը հեռախոս փոխելու դեպքում հեշտացնում է ֆայլերի և կոնֆիգուրացիաների տեղափոխումը iOS-ից Android: Հավելվածը հասանելի է App Store-ում այս հղումով: Switch to Android հավելվածն առաջարկում է սմարթֆոնների միջև կապ հաստատել լարով կամ Wi-Fi-ով և մի քանի պարզ գործողություններով տեղափոխել կոնտակտները, օրացույցի իրադարձությունները, լուսանկարներն ու վիդեոները: Հավելվածի միջոցով հնարավոր է նաև iCloud-ից լուսանկարները տեղափոխել Google Photo: 

Հիշեցնեմ, որ նախկինում Google-ը առաջարկում էր iPhone-ի օգտատերերին ինքնուրույն ստեղծել տվյալների ռեզերվ Google Drive-ում և հետագայում վերականգնել դրանք Android-ում: Նշեմ նաև, որ Apple-ը վաղուց ունի նմանատիպ հավելված, որը թույլ է տալիս Android-ից անցում կատարել iOS:

Ներկայացվեց Rainbow Six Mobile բջջային խաղը (թրեյլեր)

Ներկայացվեց Rainbow Six Mobile բջջային խաղը (թրեյլեր)

Ubisoft ընկերությունը ներկայացրեց Rainbow Six Mobile մուլտիփլեյեր խաղը: Rainbow Six Mobile խաղում 5-ական օգտատերերով երկու թիմերը կռվում են միմյանց դեմ՝ օգտագործելով տարատեսակ զենքեր և դրոններ: 

Խաղում հասանելի են լինելու նաև տարատեսակ ռեժիմներ, որոնք հասանելի են ժամանակակից նմանատիպ շութերներում: Խաղը թողարկվելու է  iOS և Android համակարգերի համար մինչև 2022թ. ավարտը:

Microsoft-ը փոխել է Անդրոիդը Windows-ին կապող ծրագրի անունն ու թարմացրել դիզայնը

Microsoft-ը փոխել է Անդրոիդը Windows-ին կապող ծրագրի անունն ու թարմացրել դիզայնը

Microsoft ընկերությունը թարմացրել է Your Phone հավելվածը և փոխել անունը: Այժմ այն կոչվում է Phone Link: Android հավելվածը նույնպես փոխել է անունը՝ Link to Windows: Ծրագրում թարմացվել է նաև ինտերֆեյսը, որը ավելի է նմանեցվել Windows 11-ի դիզայնին: Կողքի հատվածում հայտնվել է ծանուցումների կենտրոնը, որտեղ ցուցադրվում են սմարթֆոնի վրա եկած ծանուցումները: Կողքի հատվածում տեղադրված են նաև ձայնը անջատելու, «Չանհանգստացնել» ռեժիմը միացնելու և Bluetooth-ով կապը կառավարելու կոճակները:

Հիշեցնեմ, որ Phone Link ծրագիրը թույլ է տալիս Windows համակարգչով կառավարել և տեսնել Անդրոիդ սմարթֆոնի պարունակությունը: Օրինակ կատարել կամ ստանալ զանգեր, տեսնել լուսանկարները, SMS-ները և այլն:

Որոշ Samsung սմարթֆոնների համար Phone Link-ը թույլ է տալիս միանգամից Windows-ում բացել սմարթֆոնի հավելվածները: Phone Link-ն այժմ արդեն համագործակցում է նաև HONOR ընկերության հետ (Magic V, Magic 4 series և Magic 3):

Phone Link-ը արդեն հասանելի է նաև Չինաստանում ի շնորհիվ Honor-ի հետ համագործակցության (Magic V, Magic 4 և Magic 3): Հիշեցնեմ, որ Phone Link-ը թույլ է տալիս Windows-ում աշխատացնել Android հավելվածները:

OnePlus 10 Pro սմարթֆոնը ներկայացվեց եվրոպական շուկայի համար

OnePlus 10 Pro սմարթֆոնը ներկայացվեց եվրոպական շուկայի համար

OnePlus 10 Pro սմարթֆոնը պաշտոնապես ներկայացվեց եվրոպական շուկայի համար, որը չի տարբերվում չինական տարբերակից: Հիշեցնեմ, որ այս սմարթֆոնը Չինաստանում ներկայացվել էր 2.5 ամիս առաջ: 

Սմարթֆոնն ունի 6.7 դյույմանոց AMOLED էկրան (120 Հց), 8 միջուկանի  Snapdragon 8 Gen 1 պրոցեսոր, 8/12 ԳԲ ներքին և 128/256/512 ԳԲ օպերատիվ հիշողություն: Սմարթֆոնի մարտկոցը 5000 մԱժ է, որը լարով լիցքավորվում է 80 Վտ հզորությամբ, իսկ անլար տարբերակով՝ 50 Վտ:

OnePlus 10 Pro սմարթֆոնի հետևի հատվածում տեղադրված է 3 մոդուլներից բաղկացած տեսախցիկների համակարգը (48 ՄՊ հիմնական, 8ՄՊ տելեֆոտո, 50 ՄՊ լայնանկյուն): Սմարթֆոնի առջևում տեղադրված է 32 ՄՊ տեսախցիկ: OnePlus 10 Pro սմարթֆոնի բազային տարբերակի գինը 900 եվրո է: