Օրվա լավագույն զեղչերը
Նկարում պատկերված այսօրվա զեղչերի հղումներն են՝
2. Logitech - Design Collection Limited Edition
Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Ստեղծված է զարմացնելու համար։ HONOR X9b սմարթֆոնի նկարագրություն
HONOR ընկերությունը թողարկել է նոր X9b սմարթֆոնը։ Չնայած մատչելի գնին, նորույթը առանձնանում է մի շարք
հետաքրքիր բնութագրերով։ Օրինակ, այն ստացել է ավելի ամուր կառուցվածք, ինչի շնորհիվ դարձել է
անհավանականորեն դիմացկուն ընկնելու դեպքում։ Ստորև բերվածը նոր HONOR X9b-ի այն լավագույն որակների
ցանկն է, որոնք առնանձնացնում են նորույթը մրցակիցների շարքից։
Պրեմիում կարգի արտաքին
Արտադրողը որոշակի շքեղություն է հաղորդել միջին գնային սեգմենտի սմարթֆոնին։ Եվ իրո՛ք, HONOR X9b
ակնհայտորեն ավելի թանկ տեսք ունի, քան դրա իրական արժեքն է։ Սա առանձնակի նկատելի է նարնջագույն
տարբերակում։ Այն ստացել է հատուկ ծածկույթ, որը թե՛ արտաքնապես, թե՛ շոշափելիս՝ կաշի է հիշեցնում, ինչը ավելի
թանկ ու շքեղ տեսք է տալիս։ Տարբերանշանի ու տեսախցիկների բլոկի շրջանակի ձևավորումը ոսկեգույն է, ինչը
համահունչ է հետևի վահանակի հետ և կրկին շքեղության շեշտեր է հաղորդում։
Եթե գերադասում եք դասական լուծումներ, ապա հասանելի են նաև կանաչ ու սև տարբերակները։ Դրանք ևս պրակտիկ
են, քանի որ արտաքին ծածկույթը փայլատ է և չի կեղտոտվում։ Ընդ որում ոսկեգույն շեշտադրումներով սև տարբերակը
իր շքեղությամբ ձգտում է հետ չմնալ նարնջագույնից։
Պաշտպանվածություն
HONOR X9b-ն իր տեսակով եզակի սմարթֆոն է, որտեղ մեծ ուշադրություն է դարձվում պաշտպանվածությանը։
Նորույթը առանձնանում է HONOR Ultra-Bounce եռամակարդակ պաշտպանությամբ, որը կանխում է տարատեսակ
հետքերի առաջացումը կոշտ մակերևույթների հետ բախումների արդյունքում։
Հատուկ կառուցվածքը պաշտպանում է նաև դիսփլեյը, շրջանակը և հեռախոսի ներքին բաղադրիչ տարրերը։ HONOR-ը
օգտագործել է նոր մեղմիչ նյութ և ուժեղացված ապակի, որոնք դիմակայում են քերծվածքներին և ճաքերին։
Անհավանական դիսփլեյ
HONOR X9b-ը սարքավորված է ֆլագմանի մակարդակի մատրիցով։ Դա բարձր տվայնությամբ (1200*2652) 6,78-
դյույմանոց AMOLED-էկրանն է, որը առանձնանում է մինչև 120 Հց դինամիկ հաճախականությամբ և 1200 նիթ
առավելագույն պայծառությամբ։ Այսպիսի էկրանը հիանալի ընթերցվում է նույնիսկ արևի ուղիղ ճառագայթների տակ,
իսկ դրա պատկերը միշտ մնում է վառ, կոնտրաստային և սահուն։
Ինժեներները չեն մոռացել նաև անվտանգության մասին։ HONOR X9b-ն կարող է հպարտանալ տեսողության
պաշտպանության բազմամակարդակ համակարգով։ Այստեղ կիրառված է բարձր հաճախականության լայնիմպուլսային
մոդուլացիա, որը չի հանգեցնում աչքերի ծանրաբեռնվածությանը։ Բացի այդ, էկրանի լուսավորությունը հարմարվում է
շրջակա պայմաններին, իսկ գիշերային ժամերին համակարգը նվազեցնում է կապույտ լույսի քանակությունը, որպեսզի
չխանգարի քնից առաջ մելատոնինի արտադրությանը։
Մեկ լիցքավորումով՝ երեք օր
Չնայած բարակ պրոֆիլին՝ HONOR X9b-ն համալրված է 5800 մԱժ տարողունակությամբ մարտկոցով։ Գերխիտ
կառուցվածքով մարտկոցը աչքի է ընկնում երկարակեցությամբ և ինքնավարության բարձր մակարդակով։ Մեկ
ամբողջական լիցքավորումը բավարար է երեք օր աշխատելու կամ 12 ժամ անընդհատ առցանց խաղալու համար։
Արտադրողականություն
HONOR X9b-ի հիմքում ընկած է հզոր Snapdragon 6 Gen 1 պրոցեսորը՝ 12 Գբ օպերատիվ հիշողությամբ (ավագ
մոդելի դեպքում) և 256 Գբ կուտակիչով։ Եթե ինչ-ինչ պատճառներով օպերատիվ հիշողությունը բավարար չեղավ,
համակարգը կարող է տրամադրել ևս 8 ԳԲ։ Արդյունքում ստանում ենք 20ԳԲ ՕՀՍ։ Այն ապահովում է հեռախոսի վրա
երբևէ բացված գրեթե յուրաքանչյուր հավելվածի վայրկենական հասանելիությունը։
Ձեզ լուսանկարիչ պատկերացրեք
Սմարթֆոնը սարքավորված է չորս տեսախցիկով՝ 16 Մպ սելֆիի համար, 2 Մպ սուպերմակրո լուսանկարների համար, 5
Մպ լայնաֆորմատ և 100 Մպ հիմնական։ Ընդ որում հիմնական սենսորը թույլ է տալիս լուսանկարների վրա մեծացնել
նույնիսկ ամենահեռավոր օբյեկտները։
Գին և մատչելիություն
Մեր շուկայում սմարթֆոնը ներկայացված է երեք գույնով՝ արևածագի նարնջագույն, զմրուխտե կանաչ և կեսգիշերային
սև։ Որպես ընտրություն հասանելի կլինի երկու համալրում՝
• 8 Գբ օպերատիվ և 256 Գբ ներկառուցված հիշողությամբ, որի արժեքն է 129 900 դ., սակայն տվյալ պահին առկա է անակնկալ առաջարկ՝ տարեվերջյան ակցիայի շրջանակներում սմարթֆոնը կառաջարկվի բացառիկ ՝ 109 900
դ. գնով
• 12 Գբ օպերատիվ և 256 Գբ ներկառուցված հիշողությամբ՝ 139 900 դ. արժեքով։ Այս իրապես վառ և
հիշվող սմարթֆոնը հարցրեք պաշտոնական գործընկերների վաճառասրահներում՝ TeamTelecom, Vega, ZigZag, VLV, Eldorado, Vesta:
Հայաստանում տեղի ունեցավ FC24 Samsung OLED առաջնությունը, որի հաղթողը ստացավ Samsung OLED հեռուստացույցը նվեր
Դեկտեմբերի 10-ից 16-ը Հայաստանում Samsung ընկերության հետ համագործակցությամբ տեղի ունեցավ FC24 ֆուտբոլային խաղի առաջնությունը: Մրցաշարն անց էր կացվում Երևանի Cyber Arena գեյմ զոնում, որտեղ հավաքվել էին Հայաստանի լավագույն ֆուտբոլային գեյմերները՝ որոշելու ուժեղագույններին:
Samsung OLED հեռուստացույցները, որոնցով անցկացվում էր առաջնությունը, արժանացան մրցաշարի մասնակիցների բարձր գնահատականին: Նշեմ, որ առաջնության հաղթողը նվեր ստացավ Samsung OLED 55S90C հեռուստացույց: Այս հեռուստացույցները, բացի գույնի գերազանց վերարտադրման և էկրանի 144 Հց հաճախականությունից, Dolby Atmos R ձայնի շնորհիվ՝ հնարավորություն է տալիս կիբեր սպորտի սիրահարներին ընկղմվել խաղի մեջ: Samsung OLED հեռուստացույցների HDMI 2.1-ով աշխատող ցանկացած 4 մուտքերին կարելի է միաժամանակ միացնել մի քանի խաղային սարքեր
Samsung OLED խաղային տեխնոլոգիաների առանձնահատկություններից խաղացողները հատկապես առանձնացրին հպումների ակնթարթային արձագանքը (Low Input Latency), պատկերի բարձրակարգ սահունությունը (FreeSync Premium Pro)՝ առանց ուշացումների կամ ընդմիջումների, ինչը հնարավորություն է տալիս արագ արձագանքել խաղադաշտում տեղի ունեցող իրադարձություններին. խաղային վահանակ (Game Bar), որով կարելի է փոխել կարգավորումները մի քանի հպումով:
Առաջնության հաղթողը՝ Պետրոս Աֆաջանյանը, արժանացավ գլխավոր մրցանակի՝ Samsung OLED S90C հեռուստացույցի։
Պետրոսը մեզ հետ զրույցում նշեց, որ թեև ուներ շատ հզոր հակառակորդներ, իրեն հաջողվեց հաղթել։ Ըստ նրա՝ Samsung OLED S90C հեռուստացույցով խաղն ավելի իրական էր, և գունային էֆեկտներն՝ ավելի տպավորիչ:
Օրվա լավագույն զեղչերը
Armblog.net-ում կփորձեմ հաճախ տեղադրել տեղեկատվական տեխնոլոգիաներին և սարքավորումներին վերաբերող օրվա լավագույն զեղչերը: Այսպիսով նկարում պատկերված այսօրվա զեղչերի հղումներն են՝
Google-ը ներկայացրեց Gemini անվճար նեյրոցանցը, որը մրցակցելու է GPT-4-ի հետ
Google-ն այսօր ներկայացրեց արհեստական բանականության ոլորտում նոր հեղափոխական նեյրոցանց, որը հանդիսանում է GPT-4-ի մրցակիցը և հասանելի է անվճար: Նեյրոցանցը հասանելի է երեք տարբերակներով, որոնք աշխատում են տեքստերի, նկարների, աուդիոյի և վիդեոյի հետ:
1. Nano տարբերակը ինտերգրվել է Pixel 8 Pro սմարթֆոնների մեջ (դեկտեմբեր ամսվա Անդրոիդ թարմացման մեջ արդեն կա): Այս նեյրոցանցով են օրինակ աշխատելու Gboard-ի Smart Reply-ը (տվյալ պահին WhatsApp-ում) կամ Record հավելվածի Summarize գործառույթները:
2. Pro տարբերակն այսօրվանից հասանելի է մինչ այս գոյություն ունեցող Bard ծառայությունում: Սա թողարկման օրվանից սկսած այս ծառայության ամենախոշոր թարմացումն է:
3. Ultra տարբերակն ամենամեծ և ամենաառաջադեմ մոդելն է, որը նախատեսված է բարդ խնդիրների համար: Մոտ ապագայում այս մոդելին հասանելիություն հստանան ընտրված գործընկերները, իսկ մյուս տարվանից այն հասանելի կլինի նաև ծրագրեր մշակողների և կորպորատիվ կլիենտների համար: Մյուս տարվա սկզբում թողարկվելու է նաև Bard Advanced ծառայությունը, որն աշխատելու է Gemini Ultra-ով: Եթե հավատանք փորձարկումներին, ապա Ultra մոդելը բոլոր առումներով գերազանցում է GPT-4-ին:
Ծրագրեր մշակողների և կորպորատիվ կլիենտների համար ս.թ. դեկտեմբերի 13-ից Google AI Studio-ում (անվճար վեբ գործիք) հասանելի կլինի Gemini API-ը, որով նրանք կարող են աշխատել Gemini Pro-ի հետ: API-ը հասանելի կլինի նաև Google Cloud Vertex AI-ում:
Հայաստանում գործարկվել են Ozon պատվերների տրամադրման բրենդավորված կետերը
Ozon էլեկտրոնային առևտրի հարթակը Հայաստանի շուկա մուտ էր գործել ս.թ. հուլիսին, սակայն ծանրոցներն առաքում էր գործընկեր լոգիստիկ կազմակերպությունների միջոցով, ինչի հետևանքով պատվերների գնից բացի պահանջվում էր նաև վճարել լրացուցիչ առաքման գումար: Վերջերս Հայաստանում գործարկվել են պատվերների տրամադրման բրենդավորված կետեր: Առաջին կետերն իրենց աշխատանքը սկսել են Երևանում: Մոտ ապագայում մի քանի տասնյակ կետեր կբացվեն ութ քաղաքներում, ինչպես նաև կավելանան Երևանում գտնվող կետերը: Նոր ստացման կետերը քարտեզի վրա կարող եք գտնել Ozon տարբերանշանով:
Ինչ ֆունկցիաներ են առաջարկում Garmin Vivoactive 5 և Venu 3 սմարթ ժամացույցները և ինչով են տարբերվում
Garmin ընկերությունը վերջերս վաճառքի հանեց Vivoactive 5 և Venu 3 սմարթ ժամացույցները, որոնք որոշ ֆունկցիաներով նման են, սակայն գներով զգալի տարբերվում են: Եկեք տեսնենք, թե ինչ ֆունկցիաներ ունեն այս ժամացույցները և ինչով են տարբերվում: Նախևառաջ նշեմ, որ Venu 3 շարքն ունի նաև Venu 3s մոդել, որն ավելի փոքր է չափսերով և ունի գույների ավելի մեծ ընտրություն:
Դիզայն և արտաքին պարամետրեր
Երկու ժամացույցներն էլ ունեն Amoled էկրան, որը պաշտպանված են Corning Gorilla Glass ապակիով: Երկու մոդելների էկրաններն էլ ունեն always-on ռեժիմ: Vivoactive 5-ը հասանելի է 4 գույներով, իսկ Venu 3-ը հասանելի է միայն սև և սպիտակ տարբերակներով:
Vivoactive 5-ը չափսերով (42.2 x 42.2 x 11.1 մմ) ավելի փոքր է Venu 3-ից (45.4 x 45.4 x 12.2 մմ): Vivoactive 5-ը նաև քաշով մի փոքր ավելի թեթև է: Նշեմ, որ Venu 3-ն ունի ավելի մեծ էկրան (1.4 դյույմ ընդդեմ 1.2 դյույմի) և պիկսելների ավելի մեծ թողունակություն (454x454 ընդդեմ 390x390-ի): Venu 3-ի շրջանակը չժանգոտվող պողպատից է, իսկ Vivoactive 5-ինը՝ ալյումինից:
Մարտկոց
Garmin ժամացույցները շուկայում առկա մնացած սմարթ ժամացույցներից զգալի տարբերվում են մարտկոցի լիցքաթափման տևողությամբ: Vivoactive 5 սմարթ ժամացույցի մարտկոցը լիցքաթափվում է 11 օրում (խնայող ռեժիմում՝ 21 օրում), իսկ Venu 3-ինը՝ 14 օրում (խնայող ռեժիմում՝ 26 օրում): Սրանք բավականին մեծ թվեր են նման կարգի սմարթ ժամացույցներիի համար: Համեմատության համար նշեմ, որ Apple-ի սմարթ ժամացույցների մարկտոցը լիցքաթափվում է 36 ժամում:
Ներքին հիշողություն
Venu 3 սմարթ ժամացույցի ներքին հիշողությունը 8 ԳԲ է, իսկ Vivoactive 5-ինը՝ 4 ԳԲ: Ժամացույցները թույլ են տալիս ներբեռնել երաժշտություն անմիջապես սարքի հիշողության մեջ և լսել առանց սմարթֆոնի առկայության:
Բարձրախոս և միկրոֆոն
Venu 3 ժամացույցներն ունեն ներկառուցված բարձրախոս և միկրոֆոն, ինչը թույլ է տալիս ժամացույցով պատասխանել զանգերին կամ օգտվել սմարթֆոնի ձայնային օգնականից: Բարձրախոսով հնարավոր է նաև լսել երաժշտություն: Vivoactive 5-ի դեպքում երաժշտություն հնարավոր է լսել Bluetooth ականջակալները ժամացույցին միացնելով: Venu 3-ի բարձրախոսով հնարավոր է նաև ստանալ ձայնային հուշումներ վազելու և քայլելու ընթացքում:
Ծանուցումներ և այլ սմարթ հնարավորություններ
Vivoactive 5 և Venu 3 ժամացույցներով կարող եք տեսնել բջջային սարքի ծանուցումները, ինչպես նաև ղեկավարել սմարթֆոնում նվագարկվող երաժշտությունը: Նշեմ, որ ժամացույցները ցուցադրում են ծանուցումներում առկա ֆոտո պատկերները: Ժամացույցները նաև առաջարկում են «Առավոտյան տեղեկատվություն» գործառույթ, որտեղ ցուցադրվում են օրացույցում առկա իրադարձություննեը, եղանակը, քունը և առողջությանը վերաբերող որոշ տվյալներ:
Քնի մարզիչ
Vivoactive 5 և Venu 3 ժամացույցների «Քնի մարզիչ» գործառույթի շնորհիվ կստանաք քնի գնահատական և տեղեկություն այն մասին, թե որքան քուն է Ձեզ անհրաժեշտ ու ինչպես կարող եք այն բարելավել։ Նույնիսկ կարող եք հետևել քնի տարբեր փուլերին, այդ թվում ցերեկային քնին, և տեսնել մի շարք կարևոր ու հիմնական ցուցանիշներ, ինչպիսին է HRV կարգավիճակը՝ Ձեր առողջության մասին ավելի լավ պատկերացում կազմելու համար։ Նշեմ, որ Apple Watch-ում առկա քնին հետևելու գործառույթն ավելի սահմանափակ է վերոնշյալ ժամացույցների հետ համեմատած:
Ցերեկային քուն
Նոր ժամացույցներում ներդրված է նաև ցերեկային քնի հայտնաբերման և մոնիթորինգի գործառույթ, ինչը նոր հնարավորություն է Garmin ժամացույնցներում և բավականին օգտակար է առօրյայում: Այս գործառույթը թույլ է տալիս ավտոմատ հայտնաբերել ցերեկային քունը, գրանցել վերջինիս ազդեցությունը օրգանիզմի վրա:
JET LAG խորհրդատու
Venu 3 ժամացույցների JET LAG խորհրդատուի միջոցով կարող եք ճանապարհորդելու ընթացքում հետևել Ձեր քնին՝ օգտվելով անհատականացված խորհուրդներից, ինչը կօգնի նվազագույնի հասցնել ժամային գոտու փոփոխության հետևանքները։ Vivoactive 5 ժամացույցներում այս խորհրդատուն չկա:
Body Battery մարմնի էներգիայի մոնիտորինգ
Vivoactive 5 և Venu 3 ժամացույցների օգնությամբ կարող եք հետևել Ձեր մարմնի էներգիայի սպառմանը ամբողջ օրվա ընթացքում, և կարող եք գտնել ակտիվության ու հանգստի լավագույն ժամանակահատվածը: Այդ թվում, կարող եք մանրամասն պատկերացում կազմել այն մասին, թե ինչպես են քունը, ցերեկային քունը, ամենօրյա գործունեությունը և բարձր սթրեսը հատկապես ազդում Ձեր էներգիայի վրա:
Ներդրված սպորտային հավելվածներ
Vivoactive 5 և Venu 3 ժամացույցների օգնությամբ կարող եք հետևել Ձեր յուրաքանչյուր շարժին և ակտիվությանը ավելի քան 30 սպորտային ծրագրերով՝ ներառյալ քայլը, վազքը, հեծանվազքը, լողը՝ լողավազանում, մարզանքներ հաշմանդամություն ունեցող մարդկանց համար և այլն։ Venu 3 ժամացույցի տարբերությունը Vivoactive 5-ից այստեղ այն է, որ մարզումների ժամանակ էկրանի վրա ցուցադրվում են սպորտային անիմացիաներ:
Մարզումների արդյունավետությունը և վերականգնման ժամանակը
Vivoactive 5 և Venu 3 ժամացույցների օգնությամբ կարող եք ավելի լավ հասկանալ, թե ինչպես է յուրաքանչյուր մարզում ազդում Ձեր մարմնի վրա և ինչքան ժամանակ է անհրաժեշտ վերականգնման համար, որպեսզի կարողանաք կատարել ցանկացած ֆիթնես մարտահրավեր։
Ֆիթնես տարիք
Vivoactive 5 և Venu 3 ժամացույցների օգնությամբ կարող եք իմանալ Ձեր մարզավիճակի տարիքը՝ իսկական տարիքի հետ համեմատ։
Կանանց առողջության հետևում
Vivoactive 5 և Venu 3 ժամացույցներով կանայք կարող են հետևել իրենց մինստրուալ ցիկլին կամ հղիությանը: Հնարավորություն կա ախտանիշները նշելով ստանալ վարժությունների և սննդակարգի մի շարք խորհուրդներ՝ ուղղված վիճակի կարգավորմանը։
Սրտի աշխատանք
Երկու ժամացույցներն էլ չափում են սրտի աշխատանքը, սակայն Venu 3 ժամացույցն ունի ավելի կատարելագործված և ավելի ճշգրիտ Garmin Elevate 5 սենսորներ: Vivoactive 5-ում օգտագործում են Elevate 4 սենսորները: Եթե սրտի աշխատանքի ցուցանիշը Ձեր համար այդքան էլ կարևոր չի, ապա այստեղ զգալի տարբերություն պետք է որ չզգաք: Նշեմ, որ ի տարբերություն Apple-ի ժամացույցներից, Garmin-ը տալիս է վայրկյանական ճշգրիտ թարմացումներ սրտի աշխատանքի համար:
PULSE OX սենսոր
Vivoactive 5 և Venu 3 ժամացույցների օգնությամբ կարող եք հետևել արյան մեջ թթածնի հագեցվածությանը՝ քնած կամ արթուն ժամանակ։
Անվտանգության հնարավորություններ
Vivoactive 5 և Venu 3 ժամացույցներն ավտոմատ զգում են, երբ Դուք վտանգի մեջ եք, և ավտոմատ կերպով Ձեր գտնվելու վայրի տվյալները ուղարկում են Ձեր վստահված կոնտակներին:
Բարոմետրիկ բարձրաչափ և գիրոսկոպ
Venu 3 ժամացույցներում առկա է բարձրաչափ (ալիտմետր), որն օրինակ չափում է, թե քանի աստիճան եք բարձրանում օրվա ընթացքում: Vivoactive 5-ում այս սենսորը չկա: Vivoactive 5-ում չկա նաև գիրոսկոպ, ինչն առկա է Venu 3-ում:
Գին
Հայաստանում Garmin-ի պաշտոնական խանութում Vivoactive 5-ը վաճառվում է 139000 դրամով, իսկ Venu 3-ը՝ 235000 դրամով: Նշեմ, որ Հայաստանի պաշտոնական խանութի գները գրեթե չեն տարբերվում այս ժամացույցների եվրոպական գներից:
ՕpenAI-ն թողարկել է տեքստը (նաև հայերեն) ձայնի վերածող նոր գործիքակազմ
OpenAI-ն թողարկել է տեքստը ձայնի վերածող իր Audio API-ն, որի միջոցով նեյրոցանցը ընտրված 6 ձայներից որևէ մեկով կարդում է ձեր տեքստը: Այստեղ հայերիս համար կարևոր նորությունն այն է, որ այս API-ն աշխատում է նաև հայերեն տեքստերի դեպքում: Վերջնական արդյունքը հնարավոր է ներբեռնել mp3 տարբերակով: Տեսանյութում կարող եք լսել, թե ինչպես է նեյրոցանցը կարդում «Ես իմ անուշ Հայաստանի» բանաստեղծությունը: Նոր գործիքակազմը կարող եք փորձել այստեղ:
HONOR 90 Lite սմարթֆոն գնելու հինգ պատճառ
HONOR 90 Lite-ը համաշխարհային արտադրողի առաջարկած բարձրակարգ սմարթֆոնների շարքին է դասվում։ Սակայն, ի տարբերություն ֆլագմանների, այս մոդելն առանձնանում է մատչելի գնով։ Ընդ որում, բացի հասանելի արժեքից, HONOR 90 Lite-ն ունի նաև բազում այլ արժանիքներ։ Ահա հինգ պատճառ նոր սմարթֆոնին հենց հիմա ուշադրություն դարձնելու համար։
Ճոխ դիզայն
HONOR 90 Lite-ի արտաքին տեսքը գրեթե չի տարբերվում մի քանի անգամ ավելի թանկ պրեմիում դասի սմարթֆոններից։ Այն ունի նրբագեղ դիզայն՝ տափակ կողեզրերով, արծաթագույնի, երկնագույնի և սևի նուրբ երանգներ, հետնամասի ծածկույթը մետաքսյա է, որի վրա չեն մնում հետքեր։
Սմարթֆոնի տեխնոլոգիականությունն ընդգծվում է նաև տեսախցիկների բլոկի դիզայնով։ Սենսորային երկու հարթակները հատվում են՝ ձևավորելով էլեգանտ լուծում, որն առավել նկատելի է երկնագույն և արծաթագույն տարբերակներում։
Շքեղ էկրան
HONOR-ը սմարթֆոնի մեջ տեղադրել է 6,7 դյույմանոց, առանց շրջանակի հսկա էկրան։ Դրա պատկերն առանձնանում է իրականությանը մոտ գունաարտացոլմամբ, ինչին նպաստում է էկրանի՝ HONOR-ի նախագծած ֆիրմային չափաբերումը։
Էկրանը նաև թույլ է տալիս թարմացնել պատկերը 90 Հց հաճախականությամբ, ինչի շնորհիվ այն առանձնանում է բացառիկ սահունությամբ։ Չմոռանանք նաև, որ արտադրողը հոգ է տանում օգտատիրոջ տեսողության մասին։ HONOR 90 Lite-ն օժտված է դինամիկ պայծառության ֆունկցիայով, որը հարմարվում է բնական լուսավորությանն ու նպասում է աչքերի հոգնածության նվազմանը։ Իսկ ցիրկադային ռեժիմը երեկոյան ժամերին կապահովի ավելի տաք երանգներ, որպեսզի չխաթարի հանգիստ քունը։
100 Մպ տեսախցիկ
Ընդհանուր առմամբ HONOR 90 Lite-ն ունի միանգամից չորս տեսախցիկ։ Դրանց թվում են առջևի 16 Մպ սենսորը, գերլայնանկյուն մոդուլը և սուպերմակրո տեսախցիկը։ Սակայն այս մոդելի աստղը հիմնական 100 Մպ տեսախցիկն է։ Այն թույլ է տալիս լուսանկարել բարձր կետայնությամբ և մոտեցնել նույնիսկ ամենահեռու օբյեկտները՝ գրեթե առանց որակի կորստի։
Ծրագրային ապահովումը հետ չի մնում բարձրակարգ տեխնոլոգիաներից: HONOR 90 Lite-ով արված լուսանկարներն ու տեսանյութերը մշակվում են արհեստական բանականության միջոցով։ Կարճ տեսանյութեր նկարելու սիրահարները հավանաբար կգնահատեն տեսանյութերի աուդիոուղորդման համար նախատեսված արդեն իսկ պատրաստի շաբլոնները։
Կատարողականություն յուրաքանչյուր օրվա համար
HONOR 90 Lite-ն ունի նոր Mediatek Dimensity 6020 պրոցեսոր և 8 ԳԲ օպերատիվ հիշողություն։ Այս համադրությունը բավարար է ցանկացած առօրյա խնդիր լուծելու համար։ Խաղե՞ր։ Ոչ մի խնդիր, կարելի է գործարկել ամենանոր նախագծերը։ Տեսանյու՞թ։ Կվերարտադրվի ցանկացած տեսանյութ՝ առանց որևէ ընդհատման։ ՕՀՍ մեծ ծավալի շնորհիվ ակնթարթորեն հասանելի կլինեն բոլոր նորագույն հավելվածները։
Տվյալների պահպանման համար նախատեսված է 256 Գբ ծավալով ներքին հիշողություն։ Ունիվերսալ ծավալ, որը հավանաբար կհերիքի մի քանի տարի։ Ընդ որում, կարիք չեք ունենա սահմանափակել ինքներդ ձեզ լուսա/տեսանկարահանման ժամանակ։
Շահավետություն
Ցանկում վերջինն է, բայց ոչ նվազ կարևորը։ Բոլոր թվարկված արժանիքներով հանդերձ, HONOR 90 Lite-ը առանձնանում է զարմանալիորեն մատչելի գնով։ Այս պահին սմարթֆոնը կարելի է ձեռք բերել ընդամենը 98400 դրամով։ Ավելին, եթե մինչև հոկտեմբերի 20-ը հասցնեք գնել HONOR 90 Lite-ը Team Telecom-ում, ապա որպես նվեր կստանաք անլար ականջակալ։
Age of Empires II խաղի նոր թարմացման մեջ հայտնվել է նաև հայ ազգը: Ինչպես խաղալ
Age of Empires II: Definitive Edition խաղի համար շուտով հասանելի կդառնա The Mountain Royals լրացումը (DLC), որտեղ հայտնվել են երկու նոր ազգեր՝ հայերն ու վրացիները:
Նոր DLC-ի մեջ թարմացվել են նաև պարսիկները, ինչպես նաև հասանելի են 3 նոր ամբողջական խաղային «կամպանիաներ»՝ Tamar (վրացիներ), Thoros the Great (հայեր) և Ismail (պարսիկներ):
The Mountain Royals թարմացումը հասանելի կլինի Xbox, Microsoft Store և Steam-ում ս.թ. հոկտեմբերի 31-ից: Այժմ կարող եք նախօրոք գնել թարմացումը 15% զեղչով: Տեղեկացնեմ, որ առանց հիմնական խաղը գնելու թարմացումը չի աշխատի: Այսինքն պետք է նաև առանձին ունենաք կամ գնեք հիմնական խաղը:
Team Telecom Armenia-ն անվճար կապ կտրամադրի բռնի տեղահանված արցախցիներին
Team Telecom Armenia-ն անվճար ինտերնետ և հեռախոսակապ կտրամադրի Արցախից բռնի տեղահանված հայրենակիցներին։ Արցախցիները կարող են պահպանել իրենց հեռախոսահամարը և միանալով Team-ի ցանցին անվճար օգտվել ինտերնետից և զանգեր կատարել դեպի Արցախ և ՀՀ բոլոր ցանցեր։ Նոր հեռախոսահամար ցանկացողներին Team-ը կտրամադրի «Բիֆրի 2900» սակագնային փաթեթը 6 ամիս անվճար օգտվելու հնարավորությամբ։ SIM քարտը կարելի է վերցնել Team-ի բոլոր մասնաճյուղերից` Երևանում և մարզերում։ «Բիֆրի 2900» սակագնային փաթեթը ներառում է WhatsApp, Viber, Telegram, Facebook և այլ ամենապահանջված հավելվածներից անսահմանափակ օգտվելու հնարավորություն, 10 ԳԲ ինտերնետ և 450 րոպե դեպի ՀՀ բոլոր ցանցեր, Արցախ, ԱՄՆ, Կանադա, ՌԴ խոսելու համար։
Google-ը որոնման մեջ ներդրել է երկու էմոջիներ միավորելու գործիք
Google ընկերությունը վեբ որոնման մեջ ավելացրել է Emoji Kitchen գործքիը, որը նախատեսված է երկու էմոջիներ միմյանց կպցնելու և արդյունքում նոր էմոջի ստանալու համար: Emoji Kitchen գործիքը մինչ այս հասանելի էր Android-ի Gboard ստեղնաշարի վրա, սակայն այսուհետ հասանելի է նաև բոլոր օգտատերերին վեբ տարբերակով (առայժմ ավելի քիչ էմոջիներով):
Գործիքից օտվելու հյամար հարկավոր է Google-ի որոնման դաշտում գրել Emoji Kitchen: Randomise կոճակը սեղմելու դեպքում գործիքը ավտոմատ կմիավորի պատահական ընտրված երկու էմոջիներ: Օգտատերերը նույնպես կարող են ընտրել նախընտրելի էմոջիները և միավորել: Ստացված էմոջին հնարավոր է պատճենահանել (որպես նկար), կամ պահպանել որպես PNG:
«Յանդեքս» քարտեզում իրական ժամանակում արդեն կարող եք հետևել Երևանի հասարակական տրանսպորտին
Երևանի բնակիչներն այժմ «Յանդեքս» քարտեզի միջոցով իրական ժամանակում կարող են տեսնել, թե ինչպես է տեղաշարժվում հասարակական տրանսպորտը: Հետևյալ յոթ երթուղիներն արդեն իսկ կահավորվել են անհրաժեշտ սարքավորումներով՝
N2 N25 N32 N34 N37 N61 N77Անհրաժեշտ է բջջային հավելվածով բացել «Յանդեքս» քարտեզը (Անդրոիդ, iOS), որպեսզի տեսնեք, թե որտեղ է այդ պահին գտնվում անհրաժեշտ երթուղու ավտոբուսը, սեղմելով «կանգառներ» նշանին՝ կարող եք տեղեկանալ նաև, թե փոխադրամիջոցը քանի րոպեից կհասնի ձեր կանգառ: Տեղեկատվությունը թարմացվում է յուրաքանչյուր 30 վայրկյանը մեկ: Առաջիկա 2 ամսում 50 երթուղիների տարբեր տեղատարողության ավելի քան 500 ավտոբուսներ ու տրոլեյբուսներ կվերազինվեն անհրաժեշտ տեխնիկական միջոցներով:Համակարգի թվայնացմանը զուգահեռ երևանյան ավտոբուսներում հասանելի կլինի նաև անվճար wi-fi ծածկույթ՝ ինտերնետ հասանելիությամբ:
Subscribe to:
Posts (Atom)