Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Լրացված իրականությամբ Angry Birds խաղն արդեն հասանելի է

Լրացված իրականությամբ Angry Birds խաղն արդեն հասանելի է


Rovio ընկերությունը iOS համակարգի համար թողարկել է Angry Birds AR: Isle of Pigs լրացված իրականությամբ խաղը: Խաղալու համար պետք է գտնել հարթ մակերևույթ (սեղան, հատակ և այլն) և հեռախոսի տեսախցիկը պահել դրա վրա: 



Խաղն անվճար է և շուտով հասանելի կլինի նաև Android-ի օգտատերերի համար:

MuseNet նեյրոցանցը սովորել է գեներացնել երաժշտություն: Փորձեք ինքներդ

MuseNet նեյրոցանցը սովորել է գեներացնել երաժշտություն: Փորձեք ինքներդ


MuseNet կոչվող նեյրոցանցը կարողանում է մեքենայական ուսուցման շնորհիվ գեներացնել 4 րոպե տևողությամբ երաժշտություն:



Այս ցանցն օգտագործում է 10 երաժշտական գործիքներ և կարողանում է միախառնել տարբեր երաժշտական ոճեր (Մոցարտից մինչև Բիթլս և այլն):



MuseNet-ը ներյոցանցը «ուսումնասիրել» է հազարավոր MIDI ֆայլեր, ինչի շնորհիվ արհեստական ինտելեկտն ավտոմատ որոշում է, թե ինչպիսին պետք է լինի երաժշտության  հաջորդ կտորը:



Մինչև Մայիսի 12-ը օգտատերերը կարող են ինքնուրույն փորձել այս գործիքը: Պետք է ընդամենը ընտրել սկզբի և ամբողջ երաժշտության ոճը:

Avengers Endgame ֆիլմի պատվին Google-ում հայտնվել է նոր «զատկի ձու»

Avengers Endgame ֆիլմի պատվին Google-ում հայտնվել է նոր «զատկի ձու»


Avengers: Endgame ֆիլմն այժմ մեծ էկրաններին է և այս առիթով Google-ում հայտնվել է նոր «զատկի ձու»: Ֆիլմի գլխավոր չարագործ Thanos-ի անունը Google-ում որոնելու դեպքում հայտնվում է Thanos-ի ձեռնոցը, որի վրա սեղմելով սկսում են անհայտանալ որոնման արդյունքների կեսը: Հիշեցնեմ, որ ֆիլմի նախորդ սերիայում Thanos-ը երկրի երեսից վերացնում է բնակչության կեսին:

Lenovo-ի նոր «գազանը»՝ 12ԳԲ RAM, Snapdragon 855 պրոցեսոր, 4 տեսախցիկ (100 ՄՊ)

Lenovo-ի նոր «գազանը»՝ 12ԳԲ RAM, Snapdragon 855 պրոցեսոր, 4 տեսախցիկ (100 ՄՊ)


Lenovo ընկերությունը ներկայացրեց Z6 Pro սմարթֆոնը, որն իր տեխնիկական պարամետրերով չի ջիջում ժամանակակից ֆլագմաններին: Այս սմարթֆոնն ունի 6.39 դյույմանոց Full HD+ AMOLED էկրան, 6/12 ԳԲ օպերատիվ և 128/256/512ԳԲ ներքին հիշողություն, Snapdragon 855 պրոցեսոր (մինչև 3Գհց աշխատելու հնարավորությամբ), 4000 մԱ/ժ մարտկոց:


Z6 Pro սմարթֆոնի վրա տեղադրված է 4 տեսախցիկ (48Մպ, 16Մպ, 8ՄՊ և 2ՄՊ), որոնք միասին կարողանում են ստանալ 100 մեգապիքսելանոց լուսանկար: 


Hyper Video տեխնոլոգիայն թույլ է տալիս միաժամանակ վիդեո նկարել առջևի և հետևի տեսախցիկներով: 


Սմարթֆոնի առջևի տեսախցիկը 32ՄՊ է, որը տեղադրված է կաթիլանման կտրվածքի մեջ: Z6 Pro սմարթֆոնի մատնահետքի սկաները տեղադրված է էկրանի մեջ: Սմարթֆոնն ունի նաև հատուկ հեղուկով աշխատող հովացման համակարգ:


Բացահայտում - Փարիզի Աստվածամոր տաճարը

Բացահայտում - Փարիզի Աստվածամոր տաճարը

Այս գործիքով կարող եք Ձեր լուսանկարից ստանալ դեմքի եռաչափ մոդելը

Այս գործիքով կարող եք Ձեր լուսանկարից ստանալ դեմքի եռաչափ մոդելը




Մեքենայական ուսուցմամբ աշխատող այս գործիքը կարողանում է մարդու լուսանկարի հիման վրա ստանալ դեմքի եռաչափ մոդելը: Գործիքը հնարավորություն է տալիս նաև ներբեռնել ստեղծված եռաչափ մոդելները համակարգչի մեջ:

Mortal Kombat 11 խաղի ռելիզ-թրեյլերը: Խաղը հասանելի կլինի ապրիլի 23-ին

Mortal Kombat 11 խաղի ռելիզ-թրեյլերը: Խաղը հասանելի կլինի ապրիլի 23-ին

Ubisoft-ը անվճար է դարձրել Assassin’s Creed Unity խաղը

Ubisoft-ը անվճար է դարձրել Assassin’s Creed Unity խաղը


Մինչև ս.թ. ապրիլի 25-ին համակարգիչների օգտատերերը կարող են անվճար ներբեռնել Assassin’s Creed Unity խաղը Uplay խանութից: Այս ակցիան կապված է վերջերս հրդեհված Փարիզի Աստվածամոր տաճարի հետ: 



Հիշեցնեմ, որ  Assassin’s Creed Unity խաղում մանրամասն դետալներով առկա է վերոնշյալ տաճարի եռաչափ մոդելը: Խաղի մոդելավորողները դրա վրա աշխատել են մոտ 2 տարի:

Չինական օնլայն հարթակներում հայտնվել է Apple AirPods 2-ի պատճեն, որը դժվար է տարբերել օրիգինալից

Չինական օնլայն հարթակներում հայտնվել է Apple AirPods 2-ի պատճեն, որը դժվար է տարբերել օրիգինալից


Չինական օնլայն խանութներում հաճախ կարելի է հանդիպել Apple-ի ականջակալների պատճեները, որոնք հիմնականում անորակ են լինում ու չափսերով զգալի տարբերվում են օրիգինալից: Սակայն LK-TE9 սերիական համարով նոր ականջակալները չափսերով շատ նման են օրիգինալին և հետաքրքիրն այն է, որ iPhone-ը դրանք ճանաչում է որպես օրիգինալ և էկրանին ցուցադրում է կապ հաստատելու «ֆիրմային» պատուհանը:


Ինչպես վերջերս ներկայացված AirPods 2-ը, այնպես էլ այս ականջակալները հնարավոր է լիցքավորել անլար տեխնոլոգիայով: LK-TE9 ականջակալներում կիրառված է սեփական ժեստերի համակարգը (օրինակ ձայնը բարձրացնելու համար հարկավոր է «թակել» ձախ ականջակալը): Վերջում ավելացնեմ, որ այս ականջակալների գները սկսվում են 35 դոլարից, ինչը մոտ 5 անգամ էժան է AirPods 2-ից:
Գործարկվել է ArCa համակարգի նոր կայքն ու հավելվածը

Գործարկվել է ArCa համակարգի նոր կայքն ու հավելվածը


«Արմենիան Քարդ»-ը վերջապես օգտատերերին ներկացրեց թարմացված կայքն ու Android/iOS բջջային հավելվածները: ArCa համակարգում հնարավոր է միանգամից կցել մի քանի բանկային քարտեր և դրանցով վճարել ինչպես կոմունալ վճարները (մարզերն ու Արցախը ներառյալ), այնպես էլ ՃՈ տուգանքները, գույքահարկը և ավտոկայանատեղին: 


Քարտից քարտ փոխանցումները նույնպես առկա են այս համակարգում:



Նոր ArCa համակարգը փորձելու համար պետք է բացել https://cabinet.arca.am էջը: Այնուհետև անհրաժեշտ է գրանցվել էլեկտրոնային փոստով և կցել բանկային քարտը կամ քարտերը: Նոր ArCa-ն հին համակարգից ավտոմատ տեղափոխում է պահպանված խմբերը:


Նոր ArCa համակարգում հնարավոր է նաև ստեղծել  ավտոմատացված պարբերական վճարումները (օր. կոմունալ վճարումները): Հնարավորություն կա նաև հետևել կուտակային կենսաթոշակային համակարգի վճարումներին (այլ ծառայություններ բաժնում):



Ինչպես արդեն նշեցի, Arca-ն ներկայացրեց նաև Android և iOS բջջային հավելվածները, որոնք էլ ավելի են հեշտացնում վճարումներ կատարելու գործընթացը: 


Հավելվածներում կարող եք նաև քարտեզի վրա տեսնել մոտակա բանկոմատները: Հնարավորություն կա մուտք գործել հավելված մատնահետքի միջոցով:

КиноПоиск-ում ավելացել է ֆիլմի ընթացքում դերասաններին իդենտիֆիկացնող գործառույթ

КиноПоиск-ում ավելացել է ֆիլմի ընթացքում դերասաններին իդենտիֆիկացնող գործառույթ


Ռուսական «КиноПоиск» ծառայությունը թողարկել է ֆիլմերում դերասաններին իդենտիֆիկացնելու գործառույթ, որի հիմքում ընկած է «Яндекс»-ի և «КиноПоиск»-ի մեքենայական ուսուցմամբ աշխատող DeepDive ալգորիթմը: 


Այս նոր գործառույթը որ միայն ցուցադրում է տվյալ պահին էկրանին հայտնվող դերասանների անունները, այլև ցուցադրում է ֆիլմում տվյալ «հերոսի» մասին ինֆորմացիա: Տվյալ պահին այս ծառայությունը հասանելի է ավելի քան 150 ֆիլմերում և սերիալներում, որոնք հնարավոր է դիտել «КиноПоиска»-ում բաժանորդագրվելով:



Դերասաններին իդենտիֆիկացնելու գործառույթը տվյալ պահին աշխատում է Samsung և LG սմարթ հեռուստացույցների «КиноПоиск» հավելվածներում, իսկ մոտակա ժամանակներում այն հասանելի կլինի նաև վեբ տարբերակում:
Adobe After Effects-ի նոր գործիքով կարող եք տեսանյութի վրայից օբյեկտներ ջնջել

Adobe After Effects-ի նոր գործիքով կարող եք տեսանյութի վրայից օբյեկտներ ջնջել


Adobe After Effects ծրագրի նոր տարբերակում հայտնվել է Content-Aware Fill անունով գործիք, որի միջոցով հնարավոր է տեսանյութից ջնջել անցանկալի օբյեկտներ ը և մեքենայական ուսուցման շնորհիվ նկարել բացակայող օբյեկտների հատվածները: 


Ներքևի տեսանյութում կարող եք տեսնել, թե ինչպես է աշխատում այս նոր գործիքը:


Հիշեցնեմ, որ վերջերս նմանատիպ գործիք էր թողարկել նաև Nvidia ընկերությունը, որի միջոցով հնարավոր է պատկերների վրայից ջնջել անցանկալի օբյեկտները:
2019թ. մարտի վերջի դրությամբ ամենաարագործ Android սմարթֆոնները

2019թ. մարտի վերջի դրությամբ ամենաարագործ Android սմարթֆոնները


AnTuTu ընկերությունը կազմել է 2019թ. մարտի վերջի դրությամբ ամենաարագործ Android սմարթֆոններ ցուցակը, որը կազմվել է AnTuTu Benchmark v7 հավելվածում հավաքված միավորներով: Նշեմ, որ այդ միավորները ոչ թե առավելագույն ցուցանիշներն են, այլ՝ միջին: Ցուցակի առաջատար 3 սմարթֆոններն ունեն Snapdragon 855 պրոցեսոր:


Այս ցուցակը վերաբերում է գլոբալ շուկայում առկա սմարթֆոններին: Չինական շուկայի համար ցուցակն այլ տեսք ունի: