Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
WWF կայքում ուղիղ միացումով կարող եք հետևել պլաստիկ շշի քայքայման պրոցեսին, որը տևելու է 450 տարի

WWF կայքում ուղիղ միացումով կարող եք հետևել պլաստիկ շշի քայքայման պրոցեսին, որը տևելու է 450 տարի


Վայրի բնության համաշխարհային հիմնադրամի կայքում տեղադրվել է օնլայն հեռարձակում, որտեղ ուղիղ եթերով ցուցադրվում է, թե ինչքան երկար ժամանակ է պահանջվում պլաստիկ շշի ամբողջական քայքայումը: 



Սա կարող է դառնալ պատմության մեջ ամենաերկար հեռարձակումը, քանի որ այն կարող է տևել 450 տարի: Ուղիղ հեռարձակմանը կարող եք հետևել WWF-ի կայքում: Ցավալին այն է, որ մենք չենք տեսնի այս լայվսթրիմի ավարտը 😢
Գրանցվեք և NASA-ի միջոցով ուղարկեք Ձեր անունը Մարս մոլորակ

Գրանցվեք և NASA-ի միջոցով ուղարկեք Ձեր անունը Մարս մոլորակ


NASA-ն հնարավորություն է տալիս բոլոր ցանկացողներին իրենց անունները ուղարկել Մարս մոլորակ 2020 թվականին: Անհրաժեշտ է ընդամենը բացել այս հղումը և գրել տվյալները: Նշեմ, որ բոլոր գրանցված օգտատերերի տվյալները վերջում գրվելու են հատուկ չիպի վրա և այն Մարսագնացի միջոցով ուղևորվելու է Մարս մոլորակ: 


Գրանցվելուց հետո NASA-ն օգտատերերին տրամադրում է նաև վիրտուալ տոմս, որտեղ գրված են ուղևորությանը վերաբերող տվյալներ: Նշեմ, որ տվյալ պահին Հայաստանից գրանցվել են ավելի քան 1000 օգտատերեր:

Գործարկվել է կոռուպցիոն հանցագործությունների ազդարարման հարթակ՝ Azdararir.am

Գործարկվել է կոռուպցիոն հանցագործությունների ազդարարման հարթակ՝ Azdararir.am



Հայաստանում գործարկվել է ազդարարման միասնական էլեկտրոնային հարթակ, որի միջոցով, «Ազդարարման համակարգի մասին» ՀՀ օրենքի համաձայն, ազդարարը կարող է անանուն եղանակով հաղորդել տեղեկություններ կոռուպցիոն դեպքի մասին: Միասնական էլեկտրոնային հարթակի միջոցով ՀՀ՝ ի դեմս ՀՀ արդարադատության նախարարության, երաշխավորում է ազդարարի պաշտպանությունը՝ ապահովելով նրա անանունությունը:


Հարթակի այցելուներին հնարավորություն է տրվում ընտրելու անանուն կամ տվյալներ ներկայացնելու միջոցով ազդարարման եղանակներից իրենց համար նախընտրելի տարբերակը, լրացնել համապատասխան դաշտերում ընտրված ազդարարման եղանակին համապատասխան տվյալները, ամրակցել հաղորդմանը առնչվող էլեկտրոնային նյութերը, լրացված տվյալները ստուգելուց հետո հաստատել հաղորդումը և ներկայացնել այն համակարգի հաղորդումների կառավարման մոդուլ:


Ազդարարի անանունությունը երաշխավորվում է նրա համացանցային հաղորդակարգի հասցեն (IP Address) ծածկագրելու միջոցով: 


Azdararir.am կայքում տեղադրված է մանրամասն ուղեցույց, թե ինչպես տարբեր ինտերնետ դիտարկիչներով թաքցնել IP հասցեն:

ԲԱՑԱՀԱՅՏՈՒՄ - Զոնա 51

ԲԱՑԱՀԱՅՏՈՒՄ - Զոնա 51

Huawei-ի սարքերը կարող են զրկվել Google-ի ծառայություններից: Intel, Qualcomm և Broadcom-ը նույնպես միացել են պայքարին

Huawei-ի սարքերը կարող են զրկվել Google-ի ծառայություններից: Intel, Qualcomm և Broadcom-ը նույնպես միացել են պայքարին


ԱՄՆ կառավարությունը շուտվանից ընկած է չինական Huawei ընկերության հետևից (կասկածում է լրտեսության մեջ), իսկ օրեր առաջ այս հակամարտությունն ավելի սրվեց: Վերջերս ԱՄՆ նախագահ Դոնալդ Թրամփը մի հրամանագիր ստորագրեց, որը պարտավորեցնում է պաշտպանել ինֆորմացիոն տեխնոլոգիաներն արտաքին սպառնալիքներից և լրտեսությունից: Այս հրամանագրից հետո ԱՄՆ-ի սև ցուցակում հայտնվեցին մոտ 70 ընկերություններ, որոնց մեջ է նաև Huawei-ը: 


Huawei-ին արգելվել է առանց հատուկ թույլտվության գնել կոմպոնենտներ և ծրագրեր ամերիկյան ընկերություններից, ինչպես նաև իր ապրանքները վաճառել ԱՄՆ-ի տարածքում: Նշվում է նաև, որ այս պայքարին են միացել ԱՄՆ-ի չիպ արտադրող Intel, Qualcomm և Broadcom ընկերությունները: Google-ը նույնպես որոշել է արգելել Huawei-ին, որպեսզի իր սարքերում օգտագործի Google-ի ծառայությունները: Բնականաբար Google-ը չի կարող Huawei-ին ստիպել հրաժարվել ազատ լիցենզիայով տարածվող Անդրոիդից, սակայն Google-ի ծառայությունները մեծ դեր ունեն Անդրոիդում և առանց դրանց (Google Play, Gmail, Search, YouTube և այլն) այս համակարգը դառնում է թերի: Չի բացառվում նաև, որ Microsoft-ը ևս կմիանա այս պայքարին և կարգելի Huawei-ին իր նոթբուքներում տեղադրել Windows 10 օպերացիոն համակարգը:


Նշեմ նաև, որ այս արգելքները չեն վերաբերվում մինչ այս թողարկված սարքերին և դրանցում շարունակելու են առանց խնդիրների աշխատել Google-ի ծառայությունները: Արգելքը վերաբերում է Huawei հետագա նոր սարքերին, իսկ հին սարքերը կարող են զրկվել հետագա կարևոր թարմացումներից:


Հուսանք, որ Huawei-ին կհաջողվի համաձայնության գալ թվարկված խոշոր ընկերությունների հետ և արդյունքում չեն տուժի սովորական օգտատերերը:
Պաշտոնապես ներկայացվեցին OnePlus 7 և OnePlus 7 Pro սմարթֆոնները

Պաշտոնապես ներկայացվեցին OnePlus 7 և OnePlus 7 Pro սմարթֆոնները


Ինչպես և սպասվում էր, այսօր պաշտոնապես ներկայացվեցին OnePlus 7 և OnePlus 7 Pro սմարթֆոնները: OnePlus 7 սմարթֆոնն ունի 6,41 դյույմանոց AMOLED էկրան (Full HD+,2340х1080), որը վերևի հատվածում ունի «կաթիլանման» կտրվածք: Այս էկրանն աշխատում է 60 Հց-ով և ծածկված է Corning Gorilla Glass 5 պաշտպանիչ շերտով: Սմարթֆոնն ունի Snapdragon 855 պրոցեսոր, 6/8 ԳԲ օպերատիվ և 128/256ԳԲ UFS 3.0 ներքին հիշողություն: 


OnePlus 7-ի հետնամասում տեղադրված է կրկնակի տեսախցիկ՝ 48 ՄՊ և 5ՄՊ: Սմարթֆոնի առջևի տեսախցիկը 16 ՄՊ է: Մատնահետքի սկաները տեղադրված սմարթֆոնի դիմերեսին՝ էկրանի մեջ:


OnePlus 7-ն ունի ստերեո դինամիկներ իսկ ականջակալների 3.5մմ բնիկը բացակայում է: Սմարթֆոնի մարտկոցը 3700 մԱ/ժ է, որը լիցքավորվում է արագ լիցքավորման տեխնոլոգիայով (20Վտ):



OnePlus 7 Pro սմարթֆոնն ունի ավելի մեծ՝ 6.67 դյույմանոց AMOLED էկրան (QHD+,3120х1440), որը թարմացվում է 90 Հց հաճախականությամբ: Այս սմարթֆոնի պրոցեսորը նույնպես Snapdragon 855 է, իսկ ահա օպերատիվ հիշողությունը 12 ԳԲ է (կամ 6ԳԲ):


OnePlus 7 Pro սմարթֆոնն ունի եռակի հիմնական տեսախցիկ՝ 48ՄՊ, 16ՄՊ և 8ՄՊ: Հնարավորություն կա վիդեո նկարել 4K/60 ռեժիմով, ինչպես նաև slow-motion 1080p/240 և 720p/480: DxOMark-ի մասնագետներն արդեն հասցրել են փորձարկել այս սմարթֆոնի տեսախցիկը և տվել են 111 միջին միավոր (118 միավոր լուսանկարելուն և 98 միավոր վիդեո նկարելուն): Այս ցուցանիշը շատ քիչ է զիջում Huawei P30 Pro-ի ցուցանիշին:



OnePlus 7 Pro սմարթֆոնի էկրանը չունի կտրվածք, իսկ առջևի 16 ՄՊ տեսախցիկը տեղադրված է բացվող մեխանիզմի մեջ: Այս սմարթֆոնը կարողանում է ֆիքսել պատահական ընկնելու պահը և ավտոմատ փակում է այս մեխանիզմը: OnePlus 7 Pro սմարթֆոնի մարտկոցը 4000 մԱ/ժ է, որը լիցքավորվում է արագ լիցքավորման Warp Charge տեխնոլոգիայով (30Վտ):


OnePlus 7 սմարթֆոնի բազային տարբերակի գինը մոտ €500 է, իսկ ահա OnePlus 7 Pro-ինը՝ €650:
Երկու ամսում վաճառվել է 2 միլիոն Xiaomi Redmi Note 7 սմարթֆոն

Երկու ամսում վաճառվել է 2 միլիոն Xiaomi Redmi Note 7 սմարթֆոն


Վերջերս թողարկված Xiaomi Redmi Note 7 սմարթֆոնը հավանաբար տվյալ պահին շուկայում գին/որակ հարաբերակցությամբ լավագույն սմարթֆոնն է: 48 ՄՊ տեսախցիկով այս սմարթֆոնն արժի 150$-200$ և աշխատում է Snapdragon 660 պրոցեսորով, ունի 4000 մԱ/ժ մարտկոց: 

Redmi India Թվիթերի էջից տեղեկանում ենք, որ 2 ամսվա մեջ վաճառվել է 2 միլիոն Xiaomi Redmi Note 7 սմարթֆոն: Նշեմ, որ AliExpress-ի ռուսական պաշտոնական խանութում՝ Tmall-ում առկա է այս սմարթֆոնը:
Microsoft-ը ներկայացեց բազմաֆունկցիոնալ Windows Terminal ծրագիրը

Microsoft-ը ներկայացեց բազմաֆունկցիոնալ Windows Terminal ծրագիրը


Build 2019 համաժողովի շրջանակներում Microsoft ընկերությունը ներկայացրեց նոր Windows Terminal ծրագիրը, որը շուտով անվճար հասանելի կլինի Windows 10-ի օգտատերերի համար: Այս ծրագրի բաց կոդերն արդեն տեղադրված են GitHub-ում: 


Այս ծրագիրը ոչ թե փոխարինելու է Windows-ի Command Prompt-ը, այլ օգտատերերին տրամադրելու է բազմաֆունկցիոնալ այլընտրանքային գործիք, որտեղ մեկտեղ հավաքված են PowerShell-ը, Command Prompt-ը և Linux-ի տերմինալը:


Windows Terminal-ի կարևոր առանձնահատկություններից է բազմապատուհան ռեժիմը (multitab), ինչի շնորհիվ միաժամանակ հնարավոր է մի պատուհանում օգտվել տարբեր կոնսոլներից:


Ucom-ի բաժանորդներն արդեն կարող են իրենց նոր iPhone-ները օգտագործել երկու SIM քարտով

Ucom-ի բաժանորդներն արդեն կարող են իրենց նոր iPhone-ները օգտագործել երկու SIM քարտով


Այսուհետ Ucom ընկերության շարժական կապի բաժանորդները կկարողանան օգտագործել իրենց iPhone XS, XS Max և XR սմարթֆոնները երկու SIM քարտով միաժամանակ: Apple ընկերության պաշտոնական գործընկեր Ucom-ը տարածաշրջանում առաջինն է ներդնում և գործարկում eSIM տեխնոլոգիան, որն այս պահի դրությամբ գործում է աշխարհի ընդամենը 29 երկրներում։ Այս նոր տեխնոլոգիան եկել է փոխարինելու ֆիզիկական SIM քարտերին մասնավորապես նորագույն սերնդի iPhone-ներում, որոնց մեջ ներկառուցված SIM-ը կոչվում է eSIM։


Այսինքն, եթե բաժանորդների սմարթֆոններն ունեն նման հնարավորություն, մնում է միայն ակտիվացնել ծառայությունը և eSIM-ն անմիջապես կգործարկվի։ Արդյունքում բաժանորդները կունենան ևս մեկ հեռախոսահամար իրենց սմարթֆոնում:


«Սա կարևոր նորամուծություն է մասնավորապես iPhone օգտագործողների համար, քանի որ նրանցից շատերը մշտապես զգում են երկրորդ SIM քարտի անհրաժեշտությունը: Այս պահին մեր ընկերությունը բանակցում է նաև Apple Watch 3 կամ 4-ի և մի շարք այլ արտադրողների կողմից արտադրվող սմարթֆոնների օգտատերերին նույն հնարավորությունն ընձեռելու ուղղությամբ», - նշել է Ucom ընկերության համահիմնադիր և գլխավոր տնօրեն Հայկ Եսայանը։
Instagram-ի, Facebook-ի և Snapchat-ի լավագույն Camera Effect-ները մեկ վայրում

Instagram-ի, Facebook-ի և Snapchat-ի լավագույն Camera Effect-ները մեկ վայրում


Ժամանակակից սոցիալական ցանցերի համելվածները թույլատրում են օգտատերերին տարբեր էֆեկտներ կիրառել իրենց նկարների և վիդեոների վրա ու դրանք տեղադրել Story-ներում: Քանի որ այդ էֆեկտները բավականին շատ են, այդ պատճառով սոց. ցանցերը պարբերաբար թարմացնում են հասանելի էֆեկտների ցանկը և ժամանակի ընթացքում որոշ էֆեկտներ գտնելը դառնում է չափազանց բարդ խնդիր: 



Վերջերս հայտնաբերել եմ մի կայք, որտեղ տեղադրվում են Instagram-ի, Facebook-ի և Snapchat-ի լավագույն Camera Effect-ները: Այդ կայքում էֆեկտների կողքին տեղադրված է նաև դրանք միանգամից բացելու և կիրառելու հղումները (բացառությամբ որոշ էֆեկտների): Նշված կայքում հնարավոր է նաև որոնել էֆեկտներն ըստ անունների կամ «բանալի» բառերի:

Unity Learning-ում կարող եք անվճար սովորել և ստեղծել 2D ու 3D խաղեր

Unity Learning-ում կարող եք անվճար սովորել և ստեղծել 2D ու 3D խաղեր


Unity ընկերությունը խաղեր մշակողների համար ներկայացրեց Unity Learning պլատֆորմը, որտեղ տեղադրվելու են Unity-ին նվիրված բազմաթիվ ուսումնական նյութեր:


Տվյալ պահին այս պլատֆորմում առկա են մի քանի դասեր, որոնցով հնարավոր է սովորել 2D և 3D խաղերի պատրաստում: Unity Learning-ում տեղադրված նյութերն անվճար են և մոտ ապագայում հասանելի կլինեն նաև այլ լեզուներով:

Հաղարծինում տեղի ունեցավ խաչաղբյուրի օծում

Հաղարծինում տեղի ունեցավ խաչաղբյուրի օծում


Այսօր Հաղարծինում տեղի ունեցավ խաչաղբյուր բացում` Իքս գրուպ կոնցերնի նախագահ Խաչիկ Խաչատրյանի բարերարությամբ: Օծումը կատարեց Տավուշի թեմի առաջնորդ Բագրատ սրբազանը: 


«Խաչիկը եղել է մեր թաղի մեծերից, մեր ավագներից: Մեր աճելու, մեծանալու, հասունանալու ժամանակում մեր ավագները ներդրում են ունեցել մեր կյանքում, ներդրում են ունեցել, ճանապարհ են սովորեցրել, երբեմն բարկացել, երբեմն ուրախացել: Կարող եմ ասել` փողոցի ուսումը ավելի մեծ է եղել, քան որեւէ համալսարանական դիպլոմ, այնպես ինչպես ապրում էին Հիսուսի աշակերտները` առանց դիպլոմ ունենալու, որոնց ուսուցումները հիմա բարձրագույն համալսարաններում են սովորում: Այդ ճանապարհի մեջ Աստված այնպես է տնօրինում, որ այդ տարիներին հանդիպել ենք մեր ավագ եղբորը, եւ այդ զգացումներն ու հիշողությունները անընդհատ մեր մեջ են մնացել: Եւ նույնիսկ նկարագրություններով, խոսակցություններով, ամեն իմաստով այդ թաղը մի եռուն համայնք էր եւ ապրում էին բոլորը բոլորի ուրախությամբ, բոլորը բոլորի ցավերով, հաջողություններով: Եւ մենք այդտեղ ենք մեծացել, որի մեջ մեծ մասնակցություն եւ ներդրում ունեցել ` մեր սիրելի Խաչիկը: Այսօր Հաղարծնի այս սրբավարյում արդեն իր ընտանիքի հետ են այստեղ` նախաձեռնելով այս խաչքարի կանգնեցումը եւ այսօր էլ` օծման արարողությունը »,-ասաց Բագրատ Սրբազանը:



Բացման ժամանակ ելույթ ունեցավ նաեւ բարերարը. «Մեկս մյուսին միտք-գաղափար տալով հաջողեցինք այս ծրագիրը եւ այսօր իրոք մենք համոզվում ենք, որ շատ ճիշտ, շատ բարի, կարեւոր արարողություն տեղի ունեցավ: Ցանկություն ունենք, որ բոլորը գան վայելեն, միշտ լավ առիթներով գան եկեղեցի, Աստծուց լավը ուզեն: Բոլորիդ մաղթում եմ առողջություն, ցանկանում եմ լավն ու բարին »,-ասաց բարերար Խաչիկ Խաչատրյանը: