Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Տրոյան վիրուսի պատմությունը

Տրոյան վիրուսի պատմությունը


Ողջու՛յն: Ես Տրոյան վիրուսն եմ: Ոմանք փորձում են իմ մեջ հայկական արմատներ գտնել, սակայն շտապեմ ձեզ հուսախաբ անել. իմ նախնիների մեջ հայկական ոչ մի արմատ չկա: Պարզապես ազգանունս համընկել է հայկական ազգանունների հետ: Բայց դա չի նշանակում, որ ես հայերին չեմ սիրում, կամ նրանց հետ կապ չունեմ: Դեռ ավելին, Հայաստանում ունեմ բազմաթիվ քույրեր ու եղբայրներ, որոնք շարունակում են անել իրենց սև գործը և բարձր պահել Տրոյանների անունը: Մեր ցեղն անվանել են ի պատիվ Տրոյական ձիու, որի շնորհիվ Տրոյան անկում ապրեց: Այդ փայտե ձին նվեր էին ստացել Տրոյացիները ի նշան համերաշխության: Սակայն դրա մեջ թաքնված էին հակառակորդի զինվորները, ովքեր գիշերը բացեցին դռները, և թշնամու բանակը մտավ Տրոյա: Հենց այդ նույն սկզբունքով է գործում իմ ազգի մեծամասնությունը: Նրանք թաքնվում են օգտակար կամ անվնաս ծրագրի տակ, որպեսզի մուտք գործեն ուրիշի համակարգիչ և հետո ցույց են տալիս իրենց իրական դեմքերը: 



Վերջին ժամանակներում մեր ընտանիքի ակտիվիստներից է Տրոյան Winlock-ը: Նա մեր ընտանիքում շատ հարգված ու վտանգավոր դեմք է: Նրանից բոլորը փորձում են զգույշ մնալ, քանի որ նա մարդկանց համակարգիչները արգելափակում է ու դրա դիմաց պահանջում է գումարներ ուղղարկել SMS-ի միջոցով: Winlock-ը ծնվել է 2007 թվականին: Ընդհանրապես մեր Տրոյանների ընտանիքում ոչ բոլորն են գումար աշխատում: Ոմանք գնում են աշխատանքի պարզապես զվարճանալու, ոմանք վնասներ տալու, ոմանք ինֆորմացիա գողանալու, ոմանք էլ չգիտեն, թե ինչու և թե ուր են գնում: Մեզ ստեղծողները մարդիկ են, ովքեր մեզ օգտագործում են տարբեր նպատակների համար:



Մեր կյանքը շատ լավ էր ընթանում, քանի դեռ չհայտնվեցին թշնամիները: Նրանց անվանում են անտիվիրուսներ: Մերոնցից շատերին են նրանք վերացրել: Աչքերիս առաջ ամենօր հազարավորները մահանում են: Բայց մենք չենք հանձնվում ու չենք էլ հանձնվի: Մեզանից ոմանք կարողանում են պատասխան հարված հասցնել Անտիվիրուսների ընտանիքին: Մեր ընտանիքը միլիոնավոր վնասներ է հասցրել մարդկանց: Օրինակ 2 տարի առաջ տեղի է ունեցել խոշոր ավիավթար, որի պատճառներից մեկը եղել է Տրոյան Ծրագիրը: 154 մարդկու կյանք խլած վթարը հնարավոր չի եղել կանխել այն պատճառով, որ տեխնիկական անսարքությունների վերաբերյալ հաղորդագրություններ ուղղարկող համակարգչի աշխատանքը, Տրոյան ծրագրի վիրուսային ազդեցությամբ պայմանավորված, սահմանափակվել է:


Հ.Գ.
Այնպես որ, սիրելի՛ օգտագործողներ, մի նմանվեք հին Տրոյացիներին և մի՛ բացեք դարպասները Տրոյան ձիերի առջև:
Օրվա կադրը

Օրվա կադրը


Ինչպես խաբել խաղերին և դրանցում ավելացնել միավորներ, ոսկիներ և այլ ռեսուրսներ

Ինչպես խաբել խաղերին և դրանցում ավելացնել միավորներ, ոսկիներ և այլ ռեսուրսներ



Գոյություն ունեն ծրագրեր, որոնց միջոցով հնարավոր է փոխել խաղերի պարամետրերը: Դրանցից են օրինակ Cheat Engine-ը և ArtMoney-ն: Այսօր կխոսենք առաջին ծրագրի մասին: Ենթադրենք խաղում ենք մի խաղ, որտեղ մենք ունենք 100 ոսկի: Այս դեպքում ծրագրում որոնում ենք բոլոր այն փոփոխականները, որոնց արժեքները հավասար են 100-ի: Այնուհետև խաղում կատարում ենք որոշակի գործողություններ, որից հետո ոսկին դառնում է 120: Այս դեպքում պետք է ծրագրի մեջ որոնել այն փոփոխականները, որոնք 100-ից դարձել են 120: Այս պրոցեսը այնքան ենք շարունակում, մինչև ծրագրում հստակ մնա մի փոփոխական, որի արժեքը փոխելով մեր ոսկիները դարձնում ենք 1000 կամ ավելի շատ: Օրինակի վրա տեսնենք, թե ինչպես է ծրագիրը աշխատում: Փորձարկումը կանենք Windows-ի մեջ ներառված Solitaire խաղի վրա:


Խաղի սկզբում մենք ունենք 0 միավոր: Բացում ենք Cheat Engine ծրագիրը և սեղմում նկարում ցույց տրված կոճակը:


Բացված պատուհանում գտնում ենք ընթացիկ խաղի պրոցեսը և բացում այն:

Քանի որ մենք սկզբնական ունենք 0 միավոր, ապա ծրագրում գրում ենք 0 և որոնում այն փոփոխականները, որոնց արժեքները հավասար են 0՝


Ծրագրի ձախ անկյունում կանաչ գույնով հայտնվում են այն փոփոխականների հասցեները, որոնց արժեքները հավասար են 0: Այնուհետև խաղում որոշակի ճիշտ գործողություններ կատարելուց հետո մեր միավորների քանակը շատացնում ենք:


Վերադառնում ենք Cheat Engine ծրագիր և այս անգամ որոնում մեր նոր միավորը՝


Ծրագիրն արդեն ֆիլտրեց մի քանի հասցեներ և մեր միավորների հասցեն դրանցից մեկի մեջ է: Քանի որ հաստատ չգիտենք, թե դրանցից որն է, ապա շարունակում ենք խաղալ, մինչև մեր միավորը ևս մեկ անգամ փոխվի


Վերադառնում ենք Cheat Engine ծրագիր և որոնում նոր արժեքը՝


Ծրագրի ձախ հատվածում մնաց միայն մեկ արժեք (Եթե մեկից ավել են, ապա շարունակում ենք կրկնել նախորդ քայլերը, մինչև մնա մի արժեք): Դա նշանակում է, որ մենք գտանք այն փոփոխակի հասցեն, որի արժեքը փոխելով կարող ենք շատացնել մեր միավորները: Երկու անգամ սեղմում ենք այդ հասցեի վրա (տվյալ դեպքում 06291410): Այն հայտնվում է ծրագրի ներքևի մասում: Այնուհետև 2 անգամ սեղմում ենք դրա Value արժեքի վրա և գրում ցանկացած թիվ: Բացում ենք խաղը և հիանում մեր միավորներով:


Տվյալ ծրագրով հնարավոր է փոխել բազմաթիվ խաղերի ու ծրագրերի պարամետրեր: Նշեմ նաև, որ օդնոկլասնիկի կայքի խաղերի մեծամասնությունը լինում է տվյալ ծրագրով խաբել: Մնացածը թողնում եմ Ձեր երևակայության և հնարավորությունների վրա:


Փորձեք կանգնացնել բոլոր երեխաներին

Փորձեք կանգնացնել բոլոր երեխաներին


Զվարճալի անուններով Ֆեյսբուքի օգտատերերը (Ֆոտոշարք)

Զվարճալի անուններով Ֆեյսբուքի օգտատերերը (Ֆոտոշարք)












Օրվա կադրը

Օրվա կադրը



Ուղարկեց Արմինե Ավետիսյանը
Ինչպես արգելափակել Windows-ի թղթապանակներն ու ֆայլերը

Ինչպես արգելափակել Windows-ի թղթապանակներն ու ֆայլերը



Թղթապանակներն ու ֆայլերը արգելափակելու համար կարող եք օգտվել Folder Lock ծրագրից: Նշեմ, որ այլ օգտագործող չի կարող ջնջել ծրագիրը ու տեսնել արգելափակված ֆայլերը, քանի որ ծրագիրը հնարավոր է ջնջել միայն Ձեր գաղտնաբառը գրելով:


Ինչպես օգտվել
1.Բացեք ծրագիրը և ակտիվացրեք (սկզբում աշխատացրեք block կոչվող ենթածրագիրը, այնուհետ ծրագրում գրեք փաթեթում առկա կոդերից մեկը):

2.Գրեք Ձեր գաղտնաբառը, որով հետագայում արգելափակելու եք կամ արգելքից հանելու եք ֆայլերը:



Այս քայլերից հետո ծրագիրը պատրաստ է աշխատանքի համար: Ծրագիրն ունի երկու հիմնական ռեժիմներ՝ արգելափակում և կոդավորում: Եկեք քայլ առ քայլ տեսնենք, թե ինչպես օգտվել այս ռեժիմներից:

1-ին ռեժիմ: Արգելափակում
Ծրագրի ձախ կողմից ընտրեք Lock Folders բաժինը: Քաշեք և ծրագրի մեջ տեղադրեք այն ֆայլերն ու թղթապանակները, որոնք պետք է արգելափակել: 


Կարող եք նաև ծրագրի մեջ սեղմել Add items to lock կոճակը և նշել արգելափակվող ֆայլերը, թղթապանակներն ու սկավառակները:


Ծրագրի ցուցակում հայտնված ֆայլերն ու թղթապանակներն այս քայլից հետո արգելափակվում են: Դրանք նաև անհետանում են իրենց թղթապանակներից: Ֆայլերը հետագայում ապաարգելափակելու և տեսնելու համար պետք է նորից բացեք ծրագիրը, գրեք գաղտնաբառը, հետո սեղմեք նկարում ցուցադրված կոճակներից մեկը:


2-րդ ռեժիմ: Կոդավորում
Այս ռեժիմի դեպքում ստեղծվում է հատուկ վիրտուալ սկավառակ և ֆայլերը կոդավորվելով տեղադրվում են դրա մեջ: Այս ռեժիմից օգտվելու համար սեղմեք Encrypt Files ենթաբաժնի վրա: Այնուհետ սեղմեք Create Locker կոճակը և ստեղծեք վիրտուալ սկավառակ, որի վրա հետագայում տեղադրվելու են կոդավորված ֆայլերը:


Վիրտուալ սկավառակը ստեղծելուց հետո կարող եք այնտեղ տեղադրել կոդավորվող ֆայլերն ու թղթապանակները: 


Վերջում սեղմեք Close Locker կոճակը և սկավառակը կփակվի ու կդառնա անհասանելի: Այն հետագայում բացելու համար պետք է սեղմել Open Locker կոճակը: Նշեմ նաև, որ կարող եք ստեղծել մեկից ավելի սկավառակներ:


Այս ծրագիրն ունի նաև մի քանի այլ օգտակար ռեժիմներ, որոնք կարող եք իքներդ ուսումնասիրել:

Թողարկվել է ESET NOD32 անտիվիրուսի 5-րդ տարբերակը

Թողարկվել է ESET NOD32 անտիվիրուսի 5-րդ տարբերակը



Eset ընկերությունը վերջապես թողարկեց NOD32 անտիվիրուսի 5-րդ տարբերակը, որն առայժմ գտնվում է բետա փորձարկման փուլում: Այս տարբերակում կան մի շարք զգալի փոփոխություններ: Այժմ տեսնենք, թե 4-րդ տարբերակի համեմատ ինչ առավելություններ ունի նոր տարբերակը:

1) Թարմացվել է ծրագրի ինտերֆեյսը: Այն դարձել է ավելի գրավիչ, պարզ և հարմար:

2) Ավելացել է նոր  «ծնողի հսկողություն» մոդուլը: Այն թույլ է տալիս արգելափակել անցանկալի կայքերը: 

3) Ավելացել է նոր ռեժիմ խաղեր խաղացողների համար: Այդ ռեժիմում չկան բացվող պատուհաններ և տեղեկացումներ: Այդ ռեժիմը կարող է ավտոմատ միացվել, երբ բացվում է ամբողջ էկրանով որևէ խաղ:

4) Ավելացել է կրիչների ընդլայնված ղեկավարման գործառույթ. ծրագիրն ավտոմատ առաջարկում է ստուգել USB կրիչների և սկավառակների պարունակությունը:

5) Այժմ համակարգչի սկանավորումը տեղի չի ունենում անմիջապես օպերացիոն համակարգ մտնելուց հետո: Այն կատարվում է մի փոքր ուշ, որպեսզի չխանգարի համակարգչի բեռնման գործընթացին:

6) Բարելավվել են անտիսպամի և ֆայրվոլի մոդուլները:

7) Բարելավվել են ծրագրի մնացած մոդուլները:

Անեկդոտներ

Անեկդոտներ



Որդին հարցնում է հորը, թե որտեղից է ինքը: Հայրը, կարմրելով, կմկմալով, շրջանցելով ամենանուրբ պահերը, ամեն ինչ բացատրում է և հարցնում.
– Հասկացա՞ր, որդիս:
Ապշահար տղան.
– Պարզվում է` բավականին հետաքրքիր է: Իսկ երբ մեր դասարանի Արմենն էր նույն հարցը
տվել իր հայրիկին, նա պարզապես պատասխանել էր. <<Վարդենիսից>>:



Պապը հիշում է հին ու բարի ժամանակները.
– Երբ ես փոքր էի, մայրս կարող էր ինձ խանութ ուղարկել 50 կոպեկով, և ես տուն էի վերադառնում 5 կգ կարտոֆիլով, երկու հատ մատնաքաշով, երեք շիշ կաթով, կես կգ պանրով, մեկ տուփ թեյով և մեկ կգ շաքարավազով: Իսկ հիմա հնարավոր չէ. չափից շատ են հսկող տեսախցիկները:



Պետին առաջ են քաշում: Գալիս է իր նախկին բաժին` հրաժեշտ տալու աշխատակիցներին.
– Տղանե՜ր, շնորհակալություն ամեն ինչի համար: Ինչպե՞ս եք առանց ինձ մնալու: Նույնիսկ
խղճում եմ ձեզ: Իմ փոխարեն մի ապուշի կնշանակեն...
Հնչում է տխուր մի ձայն.
– Ըհը, էլի ապուշի են նշանակելու...


– Չգիտեմ ինչ գնեմ կնոջս ծննդյան տարեդարձի առթիվ:
– Հարցրու իրեն:
– Օ՛, ի՛նչ ես ասում: Ես այդքան փող չունեմ:


Կինը` ամուսնուն.
– Սիրելիս, երեկ ինձ այնքան հաճոյախոսություն
արեցիր: Նման բան քեզանից ես կյանքում չէի լսել:
– Կներես, հարբած էի:
Օրվա կադրը

Օրվա կադրը



Ուղարկեց Ավիկը
Ինչպես շատացնել Google Chrome-ի մեկնարկային էջում ցուցադրվող կայքերի քանակը

Ինչպես շատացնել Google Chrome-ի մեկնարկային էջում ցուցադրվող կայքերի քանակը



Google Chrome դիտարկչի սկզբնական էջում ցուցադրվում են հաճախ այցելվող կայքերը և դրանց փոխարեն այլ կայքեր տեղադրելու կամ դրանք շատացնելու հնարավորություն չկա: Սակայն գոյություն ունի Chrome-ի շատ օգտակար հավելված, որի միջոցով հնարավոր է ինչպես շատացնել դրանց քանակը, այնպես էլ փոփոխել դրանք ըստ ձեր ճաշակի:

Խնայեք ձեր աչքեր 20-20-20 կանոնի օգնությամբ

Խնայեք ձեր աչքեր 20-20-20 կանոնի օգնությամբ



Համակարգչի առաջ երկար նստած օգտատերերը համեմատաբար քիչ են թարթում աչքերը, այդ պատճառով աչքերը չորանում և հոգնում են: Գոյություն ունի մի կանոն, որը կոչվում է 20-20-20: Այն նախատեսված է աչքերը խնայելու համար:


20-20-20 նշանակում է, որ համակարգչի էկրանի առջև յուրաքանչյուր 20 րոպե աշխատելուց հետո պետք է անեք 20 վայրկյան ընդմիջում և նայեք հեռու օբյեկտների, որոնց նվազագույն հեռավորությունը կազմում է 20 ֆուտ (6 մետր):



Որպեսզի չմոռանաք դա անել յուրաքանչյուր 20 րոպեն մեկ, կարող եք օգտագործել թայմերի ցանկացած ծրագիր: Խորհուրդ կտամ օգտագործել WorkRave ծրագիրը, որի միջոցով կարող եք նաև կատարել տարբեր վարժություններ: