Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Այս հավելվածը ցուցադրում է հայկական լրատվական կայքերի վստահելիության ցուցանիշը

Այս հավելվածը ցուցադրում է հայկական լրատվական կայքերի վստահելիության ցուցանիշը


Google Chrome դիտարկչի համար ստեղծվել է Octonews - News Trust Score հավելված, որը ցուցադրում է հայկական լրատվական կայքերի վստահելիության ցուցանիշները: Այս հավելվածը տեղադրելուց և հայկական լրատվական կայք այցելելուց հետո դիտարկչի վերևի հատվածում ցուցադրվում է 2 գնահատական: 


Առաջինը կոչվում է վստահելիության գնահատական և ցուցադրում է անկախ փորձագետների ու մասնագետների կողմից տրված գնահատականը, իսկ երկրորդ ցուցանիշը կոչվում է օգտատերերի գնահատական: Այս ցուցանիշը կազմվում է օգտատերերի գնահատականի հիման վրա: 



Դուք նույնպես կարող եք մասնակցել այս գնահատականի ձևավորմանը: Անհրաժեշտ է սեղմել հավելվածի նշանի ու Գնահատել կոճակի վրա:

Ինչ փոփոխություններ կան նոր Gmail-ում և ինչպես ակտիվացնել

Ինչ փոփոխություններ կան նոր Gmail-ում և ինչպես ակտիվացնել


Շաբաթներ առաջ հայտնի դարձավ, որ Google-ը թողարկել է Gmail-ի նոր ինտերֆեյս և այն աստիճանաբար շուտով հասանելի կլնի բոլոր օգտատերերի համար: Այսպիսով օգտատերերի մեծ մասի մոտ արդեն հայտնվել է մի կոճակ, որի միջոցով հնարավոր է տեսնել այս նոր ինտերֆեյսը: Պետք է ընդամենը սեղմել վերևի աջ անկյունում գտնվող կարգավորումների կոճակի վրա և սեղմել Try the new Gmail կոճակը: Նշեմ, որ այդ կոճակի բացակայության դեպքում պետք է սպասեք, մինչև որ այն հասանելի դառնա ձեր պրոֆիլի համար:


Եթե Ձեր Gmail-ի հաշիվը կարգավորվում է աշխատանքի վայրի կամ ուսումնական հաստատության ադմինիստրատորի կողմից, ապա նա պետք է Google Admin-ում ակտիվացնի այս նոր ինտերֆեյսը:


Նոր Gmail-ում կատարված փոփոխությունները թույլ են տալիս ընտրել առաջարկվող կարճ պատասխաններից որևէ մեկը (բջջային տարբերակների վրա շուտվանից կար), միանգամից տեսնել նամակին կցված ֆայլերը, Snooze ֆունկցիայով հետաձգել նամակների ընթերցումը, իսկ Mark unread from here ֆունկցիայով կարող եք «չկարդացված» պիտակավորել միայն ճյուղավորված նամակների մի մասը:


Նոր Gmail-ում կարող եք նաև միանգամից օգտվել Google Calendar-ից, Keep-ից և ծառայություններից, որոնք կարող եք ավելացնել G Suite Marketplace-ից:


Նշեմ նաև, որ Gmail-ի բջջային տարբերակը նույնպես անմասն չի մնացել այս փոփոխություններից:
ՊԵԿ-ի կայքում տեղադրվել է ավտոմեքենաների մաքսային արժեքի ավտոմատ հաշվիչ

ՊԵԿ-ի կայքում տեղադրվել է ավտոմեքենաների մաքսային արժեքի ավտոմատ հաշվիչ


Պետական եկամուտների կոմիտեի պաշտոնական կայքում վերջապես տեղադրվել է ավտոմեքենաների մաքսային արժեքի ավտոմատ հաշվիչ: Այսինքն մեքենա ներկրողները կարող են նախօրոք այս հաշվիչով տեսնել, թե ինչ վճարումներ պետք է կատարեն: Հաշվիչը ցուցադրում է ինչպես մեքենայի մաքսային արժեքը, այնպես էլ մաքսատուրքը, ԱԱՀ-ն ու բնապահպանական հարկը: Հաշվիչից օգտվելու համար անհրաժեշտ է բացել այս կայքը և ընտրել մեքենայի տվյալները:
Հաքերները Youtube-ից ջնջել են Despacito-ն ու անվանափոխել մի քանի հայտնի տեսահոլովակներ

Հաքերները Youtube-ից ջնջել են Despacito-ն ու անվանափոխել մի քանի հայտնի տեսահոլովակներ



Թարմացված
Հարձակման հետևանքներն արդեն վերացված են: Despacito տեսահոլովակն արդեն հասանելի է:

Երեկ անդրադարձել էի YouTube կայքում տեղադրված Despacito երգի տեսահոլովակին, որը առաջինն էր հատել 5 միլիարդ դիտումների սահամնը: Այսօր արդեն հայտնի դարձավ, որ այս տեսանյութն այլևս չկա YouTube-ում: Պարզվում է, որ ինչ-որ հաքերային խմբի հաջողվել է ջնջել այս տեսահոլովը YouTube-ից: Նույն խմբի կողմից տուժվել են նաև Շակիրայի, Ադելի և այլն հայտնի մարդկանց Vevo ալիքները: 


Հաքերները հիմնականում փոխել են տեսանյութերի վերնագրերը և այնտեղ գրել իրենց անունները: Դեռ հայտնի չի, թե ինչ կլինի Despacito տեսահոլովակի ճակատագիրը: Տվյալ պահին այն չի ցուցադրվում YouTube-ում:
Apple-ը պաշտոնապես ներկայացրեց կարմիր iPhone 8 և iPhone 8 Plus սմարթֆոնները

Apple-ը պաշտոնապես ներկայացրեց կարմիր iPhone 8 և iPhone 8 Plus սմարթֆոնները


Apple ընկերությունը պաշտոնապես ներկայացրեց կարմիր Phone 8 և iPhone 8 Plus սմարթֆոնները, որոնք դասվում են RED Special Edition շարքին: Այս սմարթֆոնների հետևի մասը կարմիր է, իսկ առջևինը՝ սև: Արդեն վաղվանից հնարավոր կլինի օնլայն պատվիրել կարմիր սմարթֆոնները, իսկ խանութներում կհայտնվեն ապրիլի 13-ից: Միաժամանակ Apple-ը ներկայացրեց նաև iPhone X-ի համար նախատեսված նոր կարմիր Folio պատյան, որը նույնպես վաղվանից հասանելի կլինի:
Նշեմ, որ այս շարքի սմարթֆոնների վաճառքիս ստացված եկամտի մի մասը ուղղվում է ՁԻԱՀ-ի դեմ պայքարի միջազգային ֆոնդին: RED ծրագրի շրջանակներում Apple-ը 2016 թվականից սկսած փոխանցել է ավելի քան 160 միլիոն ԱՄՆ դոլար: Այս ծրագրի շրջանակներում փոխանցվող գումարը հավաքվում է ոչ միայն կարմիր սարքերի վաճառքից, այլ նաև App Store-ում տեղադրված հատուկ RED պիտակով հավելվածներից:



iPhone 8 և iPhone 8 Plus (PRODUCT) RED Special Edition սմարթֆոնները հասանելի են 64ԳԲ և 256ԳԲ ծավալներով: Սմարթֆոնների մեկնարկային գինը 699 դոլար է: Նոր iPhone X Leather Folio պատյանները կվաճառվեն 99 դոլարով:
«Marvel’s Spider-Man» խաղը կթողարկվի սեպտեմբերի 7-ին և հասանելի կլինի միայն PS4-ի համար

«Marvel’s Spider-Man» խաղը կթողարկվի սեպտեմբերի 7-ին և հասանելի կլինի միայն PS4-ի համար


Insomniac Games ընկերությունը տեղեկացրեց, որ «Marvel’s Spider-Man» խաղը կթողարկվի ս.թ. սեպտեմբերի 7-ին և հասանելի կլինի միայն PlayStation 4 կոնսոլների վրա: 



Թվային տարբերակով հասանելի կլինի խաղի ամբողջական տարբերակը, ինչպես նաև պարբերաբար կթողարկվեն նոր հավելումներ: Խաղի Collector's Edition տարբերակի հետ հասանելի կլինեն թեմատիկ գրքեր և արձանիկներ: 


Խաղի թվային տարբերակը նախապես պատվիրողները ևս կստանան վերոնշյալ ապրանքները, ինչպես նաև PSN-ի ավատար, թեմա և խաղի լրացուցիչ միավորներ:
«Despacito»-ն առաջինը հատեց 5 միլիարդ դիտումների սահմանը: Որոնք են Youtube-ի ամենաշատ դիտված 20 տեսանյութերը

«Despacito»-ն առաջինը հատեց 5 միլիարդ դիտումների սահմանը: Որոնք են Youtube-ի ամենաշատ դիտված 20 տեսանյութերը


2017 թվականի հունվարի 12-ին YouTube կայքում տեղադրված Despacito տեսահոլովակը շարունակում է ռեկորդներ սահմանել: Օրեր առաջ այս տեսահոլովակը դարձավ առաջինը, որի դիտումների քանակը YouTube-ում հատեց 5 միլիարդի սահմանը: Այս գրառումը գրելու պահին տեսահոլովակն ունի 5.015.106.311 դիտում: Անցած տարի այս տեսահոլովակը նույնպես ռեկորդներ սահմանեց: Նախ այն դիտումներով առաջ անցավ Փոլ Ուոլկերի հիշատակին նվիրված «See You Again» տեսահոլովակին, այնուհետև առաջինը հատեց 4 միլիարդի սահմանը: 


Ներկայացված աղյուսակում կարող եք տեսնել, թե որոնք են YouTube-ում բոլոր ժամանակների ամենաշատ դիտված 20 տեսահոլովակները: Դեղին գույնով նշված երկու տեսահոլովակները երաժշտական չեն:
Ռուս իլյուստրատորը սովետական  ֆիլմերի հերոսներին նկարում է «Անիմե» ոճով

Ռուս իլյուստրատորը սովետական ֆիլմերի հերոսներին նկարում է «Անիմե» ոճով


Ahriman մականունով հայտնի ռուս իլյուստրատոր Դմիտրի Գռոզովը աշխատում է Animotion կոչվող նածագծի վրա, որի շրջանակներում ռուսական ֆիլմերի հերոսներին նկարում է ճապոնական անիմե մուլտֆիլմերի ոճով: Animotion նախագծում կան նաև ամերիկյան հայտնի ֆիլմերից կադրեր:
Google-ը դադարեցնում է URL հասցեների կրճատման goo.gl ծառայությունը

Google-ը դադարեցնում է URL հասցեների կրճատման goo.gl ծառայությունը


Google ընկերությունը պարբերաբար ստեղծում է նոր ծառայություններ, սակայն դրանց հետ մեկտեղ դադարեցնում է նաև հին ծառայությունները: Հիմնականում փակվող ծառայությունները քիչ են օգտագործվում կամ Google-ն առաջարկում օգտվել այլընտրանքային ծառայություններից: Սակայն լինում են նաև դեպքեր, երբ Google-ի փակվող ծառայությունից օգտվում են միլիոնավոր օգտատերեր ու Google-ը չունի դրա այլընտրանքային տարբերակը: 


Նմանատիպ ծառայություններից է URL հասցեների կրճատման goo.gl ծառայությունը, որը թույլ է տալիս կրճատել երկար ինտերնետային հասցեները և դրանք ցուցադրել ավելի կարճ տեսքով: goo.gl ծառայությունը նաև հասցեների տերերին թույլ է տալիս տեսնել վիճակագրական տվյալներ (հասցեի վրա սեղմողների քանակը, երկիրը, աղբյուրը և այլն):


goo.gl ծառայության փակման գործընթացն արդեն սկսել է: Ս.թ. ապրիլի 13-ից սկսած այս ծառայության նոր օգտատերերն այլևս չեն կարողանա կրճատել հասցեները: Այսինքն, այն հասանելի կլինի միայն նախկինում գրանցված օգտատերերի համար: Իսկ 2019թ. մարտի 31-ից հետո այս ծառայությունը անհասանելի կլինի բոլորի համար: Google-ը նշում է, որ այս ծառայության միջոցով կրճատած բոլոր հղումները կշարունակել աշխատել: Այսինքն 2019թ. մարտի 31-ից հետո հնարավոր չի լինի կրճատել հղումներ ու տեսնել վիճակագրական տվյալներ, իսկ հին հղումները կաշխատենGoogle-ն առաջարկում է հետագայում օգտվել հասցեների կրճատման Bitly և Ow.ly ծառայություններից:

Նշեմ նաև, որ goo.gl-ի API-ից օգտվող ծրագրերը ևս չեն կարողանա օգտվել այս ծառայությունից: Այսինքն ծրագրավորողները ևս պետք է իրենց ծրագրերում կատարեն փոփոխություններ:


Google-ը գնում է այս քայլին, որպեսզի առաջխաղացնի իր Firebase Dynamic Links ծառայությունը: FDL հասցեները դինամիկ հասցեներ են, որոնք օգտատիրոջ սարքից կախված տարբեր կերպ են բացվում: Օրինակ, եթե օգտատերը չունի տեղադրված Android հավելվածը, ապա FDL-ի վրա սեղմելու դեպքում բացվում է Google Play-ում այդ հավելվածի էջը, իսկ հավելվածն ունենալու դեպքում՝ բացվում է հավելվածի մեջ գտնվող խորքային էջերից մեկը: Նույն հասցեն կարող է այլ կերպ իրեն դրսևորեն iOS համակարգում կամ վեբ տարբերակում: