Google-ը դադարեցնում է URL հասցեների կրճատման goo.gl ծառայությունը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEgtUPeZBY_4Of_qwCU8aE0rQHnmyYr94jEPUr9q51mYHURA3SbqewKn2iWHo8nKS6dstsEbkceJoU5PgWLGtscts4UW_8kxXlBFOja5NDZp11U7nl8AQ-mpW0ncUteudLnZOCX_rPQ7zfwI/s640/Google-Is-Shutting-Down-Its-URL-Shortening-Service%255B1%255D.png)
Google ընկերությունը պարբերաբար ստեղծում է նոր ծառայություններ, սակայն դրանց հետ մեկտեղ դադարեցնում է նաև հին ծառայությունները: Հիմնականում փակվող ծառայությունները քիչ են օգտագործվում կամ Google-ն առաջարկում օգտվել այլընտրանքային ծառայություններից: Սակայն լինում են նաև դեպքեր, երբ Google-ի փակվող ծառայությունից օգտվում են միլիոնավոր օգտատերեր ու Google-ը չունի դրա այլընտրանքային տարբերակը:
![](https://blogger.googleusercontent.com/img/b/R29vZ2xl/AVvXsEhHkyZhflUFOmXrzy2-4s-6w9ZRbutQf7Utav6mHOBW7vWOrJv-fULyP55wsIk0xNJy7z2MxpgsD68uTKjJXYMvh5j-QqhRz539hvRKPLsYCw1F5NYYNeaCy8hdVtkoCSBvs-r1Slk3fbJ1/s640/new_google_product_icons_by_carlosjj-d2wk38e%255B1%255D.jpg)
Նմանատիպ ծառայություններից է URL հասցեների կրճատման goo.gl ծառայությունը, որը թույլ է տալիս կրճատել երկար ինտերնետային հասցեները և դրանք ցուցադրել ավելի կարճ տեսքով: goo.gl ծառայությունը նաև հասցեների տերերին թույլ է տալիս տեսնել վիճակագրական տվյալներ (հասցեի վրա սեղմողների քանակը, երկիրը, աղբյուրը և այլն):
![](https://blogger.googleusercontent.com/img/b/R29vZ2xl/AVvXsEj9VxW6j9V14w0PHkTHC3hSQbD38gYQLQyQOXCYq2SNNQcj1uyh3lf305HvIa9y3Ku9MlyPvvvDolEfhOvAyDYKGrbzZlj8V8_Tm24QJVb2XjPRpDNM2EfJENJLMBPgsaaXLIWd-AE8p3tf/s640/google+shortener.jpg)
goo.gl ծառայության փակման գործընթացն արդեն սկսել է: Ս.թ. ապրիլի 13-ից սկսած այս ծառայության նոր օգտատերերն այլևս չեն կարողանա կրճատել հասցեները: Այսինքն, այն հասանելի կլինի միայն նախկինում գրանցված օգտատերերի համար: Իսկ 2019թ. մարտի 31-ից հետո այս ծառայությունը անհասանելի կլինի բոլորի համար: Google-ը նշում է, որ այս ծառայության միջոցով կրճատած բոլոր հղումները կշարունակել աշխատել: Այսինքն 2019թ. մարտի 31-ից հետո հնարավոր չի լինի կրճատել հղումներ ու տեսնել վիճակագրական տվյալներ, իսկ հին հղումները կաշխատեն: Google-ն առաջարկում է հետագայում օգտվել հասցեների կրճատման Bitly և Ow.ly ծառայություններից:
![](https://blogger.googleusercontent.com/img/b/R29vZ2xl/AVvXsEjlBWQxlaL-94hyphenhyphenPBDAkmVy7V5oukOYEIFrHSN82TWCDG3jGivNEfiFd9Jnk7yCd1_8gTpNNqT3AlP1gaSKbGLlou6anJIDY0Hmd6_UbdmTH1RYBaY7A13QdgjImRTcLkXOAuZCO9zDoH3B/s640/google-url-shortener%255B1%255D.jpg)
Նշեմ նաև, որ goo.gl-ի API-ից օգտվող ծրագրերը ևս չեն կարողանա օգտվել այս ծառայությունից: Այսինքն ծրագրավորողները ևս պետք է իրենց ծրագրերում կատարեն փոփոխություններ:
![](https://blogger.googleusercontent.com/img/b/R29vZ2xl/AVvXsEicUcrITnK-R6IX2RUX4s1Ganap0EHU4Bi-3GRAOKJshTmt6jBF4ZyKinSgpMeXnK6BvDiTyxHAEWq-nQ3e_ICu6MwsCxVXO3g5M4Za-eYKZRuIj9MFbavDQNXlypNkDLa8ZwlMlK7AQToT/s640/6e88192bbc91593cb88c288f7d04c69f%255B1%255D.jpg)
Google-ը գնում է այս քայլին, որպեսզի առաջխաղացնի իր Firebase Dynamic Links ծառայությունը: FDL հասցեները դինամիկ հասցեներ են, որոնք օգտատիրոջ սարքից կախված տարբեր կերպ են բացվում: Օրինակ, եթե օգտատերը չունի տեղադրված Android հավելվածը, ապա FDL-ի վրա սեղմելու դեպքում բացվում է Google Play-ում այդ հավելվածի էջը, իսկ հավելվածն ունենալու դեպքում՝ բացվում է հավելվածի մեջ գտնվող խորքային էջերից մեկը: Նույն հասցեն կարող է այլ կերպ իրեն դրսևորեն iOS համակարգում կամ վեբ տարբերակում: