Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Համացանցն արձագանքում է AirPods Pro ականջակալներին

Համացանցն արձագանքում է AirPods Pro ականջակալներին


Apple ընկերությունը ներկայացրեց AirPods Pro ականջակալները, որոնք արտաքնապես տարբերվում են AirPods ականջակալներից և ծայրամասում ունեն սիլիկոնից ներդիրներ: Համացանցում արդեն կարելի է գտնել  AirPods Pro-ին վերաբերող հետաքրքիր ու զվարճալի նկարներ:

  



Apple-ը ներկայացրեց AirPods Pro անլար ականջակալներ

Apple-ը ներկայացրեց AirPods Pro անլար ականջակալներ



Apple ընկերությունը թողարկել է AirPods Pro անլար ականջակալներ, որոնք արտաքնապես և ֆունկցիոնալությամբ բավականին տարբերվում են AirPods ականջակալներից:


Այս ականջակալների վրա տեղադրվում է սիլիկոնից փափուկ 3 չափանի ներդիրներ, որոնք օգտատիրոջ ականջի մեջ ընդունում են համապատասխան ձևը: 


Այս ականջակալենրը խլացնում են դրսի ձայնը և պաշտպանված են ջրից ու փոշուց: Հնարավորություն կա նաև միացնել «թափանցիկ» ռեժիմը, որն անջատում է արտաքին ձայնի խլացուցիչը (օրինակ փողոցն անցնելուց): 


Այս ռեժիմը միանում է ականջակալի վրա գտնվող տվիչի միջոցով, որով հնարավոր է նաև պատասխանել զանգերին:


AirPods Pro ականջակալները լիցքավորումից հետո աշխատում են 5 ժամ՝ երաժշտություն լսելու համար: Արտաքին ձայնի խլացման ռեժիմում ականջակալները աշխատում են 4.5 ժամ: Ականջակալների տուփով դրանք լիցքավորելու դեպքում հնարավոր է 24 ժամ երաժշտություն լսել և 18 ժամ խոսել: 


Բնականաբար այս տուփը հնարավոր է լիցքավորել անլար տեխնոլոգիայով: AirPods Pro ականջակալները վաճառվում են 250$-ով:
Ինչու Chrome-ի վերջին տարբերակը չի աշխատում KdWin-ի հետ

Ինչու Chrome-ի վերջին տարբերակը չի աշխատում KdWin-ի հետ


Google ընկերությունը վերջերս թողարկեց Chrome-ի 78.0.3904.70 տարբերակը, որտեղ ցավոք մի կարևոր բացթողում կա։ Բանն այն է, որ այս տարբերակում հնարավոր չի KdWin-ի միջոցով ինտերնետ կայքերում հայերեն գրել։ Այս խնդիրը հատկապես առկա է Windows 8 կամ 10 օպերացիոն համակարգերի վրա աշխատող Chrome-ի վերջին տարբերակում։ Բանն այն է, որ Chromium-ից վերջերս հանվել է legacy IME գործիքներով տեքստեր գրելու հնարավորությունը, ինչը վերաբերում է նաև KdWin-ին և լեզուների հետ աշխատող նմանատիպ ծրագրերի։ 


Chromium-ի ծրագրային կոդի կայքից տեղեկանում ենք, որ խնդրի մասին արդեն տեղյակ են ծրագրավորողները և պատրաստվում են շատ շուտով ետ վերադարձնել  legacy IME գործառույթը։ Իսկ մեզ մնում է այս ընթացքում կամ օգտվել Windows-ում ներդրված լեզուների գործիքից, կամ տեղադրել Chrome-ի հին տարբերակը։
Ռուսական նեյրոցանցը Ձեր լուսանկարը վերածում է կոմիքսի

Ռուսական նեյրոցանցը Ձեր լուսանկարը վերածում է կոմիքսի


Ռուսական Bubble հրատարակչությունը թողարկել է մի գործիք, որը վերածում է օգտատիրոջ լուսանկարը կոմիքսի: Այս ծրագիրն աշխատում է վեբ տարբերակով և ոչինչ պետք չի ներբեռնել կամ գրանցվել: 


Պարզապես պետք է բացել համապատասխան կայքը և վերբեռնել լուսանկարը: Նկարից կախված երբեմն արյդունքը չափազանց լավն է ստացվում, երբեմն էլ շատ խառը պատկեր է ստացվում:

Chrome 78-ում ավելացել է կայքերը ստիպողաբար սև ռեժիմով ցուցադրելու գործառույթ

Chrome 78-ում ավելացել է կայքերը ստիպողաբար սև ռեժիմով ցուցադրելու գործառույթ


Google ընկերությունը թողարկել է Chrome դիտարկչի նոր տարբերակը, որտեղ ավելացել են մի շարք նոր գործառույթներ: Դրանցից մեկը «ստիպողաբար սև ռեժիմն» է, որը կարող եք ակտիվացնել  chrome://flags/#enable-force-dark կարգավորումը միացնելով: Այս ռեժիմի դեպքում բոլոր կայքերը սկսում են ցուցադրվել մուգ գույներով: 



Chrome 78-ում ավելացել է նաև թաբերի մասին ինֆորմացիա ցուցադրող վահանակ, որը հայտնվում է մկնիկը թաբի վրա պահելով: 



Այս ֆունկցիան կարող եք անջատել/միացնել chrome://flags/#tab-hover-cards կարգավորումով:



Chrome 78-ում թարմացվել են նաև մեկնարկային էջը ձևավորելու կարգավորումները: Դրանք կարող եք գտնել մեկնարկային էջի աջ կողմում գտնվող մատիտը սեղմելով:



Chrome 78-ում ներդրվել է նաև Google Password Checkup հավելվածը, որը ստուգում է օգտատիրոջ գաղտնաբառերը և անհրաժեշտության դեպքում խորհուրդ է տալիս փոխել դրանք:
PES խաղում պաշտոնապես ներկայացված է նաև Հայաստանի ազգային հավաքականը

PES խաղում պաշտոնապես ներկայացված է նաև Հայաստանի ազգային հավաքականը


Համակարգչային ֆուտբոլի սիրահարները այսուհետ կարող են միմյանց դեմ մրցել՝ «օգտագործելով» Տիգրան Բարսեղյանին, Կամո Հովհաննիսյանին, Մարկոս Պիզելլիին և մեր ազգային ընտրանու այլ ֆուտբոլիստներին։ Դեռևս մի քանի ամիս առաջ ՀՖՖ-ն և Pro Evolution Soccer (PES) խաղի արտադրող ճապոնական Konami ընկերությունը պայմանավորվածության էին հասել, որի համաձայն խաղի վերջին թողարկման մեջ պաշտոնապես ներկայացված է նաև Հայաստանի ազգային հավաքականը։ Տևական բանակցություններից հետո ՀՖՖ-ի և Konami-ի միջև ստորագրվեց պայմանագիր, որով հիմք դրվեց համագործակցության ավելի լայն շրջանակների։ Առաջիկայում ՀՖՖ-ի կողմից կազմակերպվելու է PES 2020-ի մրցաշար, որի հաղթողները ներկայացնելու են Հայաստանը 2020 թ․ հուլիսին Լոնդոնում անցկացվելիք e-football-ի միջազգային մրցաշարին։ Մասնակցության կարգի և այլ մանրամասների մասին ՀՖՖ-ն շուտով կտեղեկացնի։
Epic Games-ը անվճար նվիրում է Observer և Alan Wake’s American Nightmare խաղերը

Epic Games-ը անվճար նվիրում է Observer և Alan Wake’s American Nightmare խաղերը



Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է Observer և Alan Wake’s American Nightmare խաղերը:Նշեմ, որ այս ակցիան գործում է մինչև ս.թ. հոկտեմբերի 24-ը: Այս ընթացքում եթե նշված խաղերը ավելացնեք Epic Games-ի ձեր գրադարանում, ապա դրանք հավիտյան կարող եք անվճար խաղալ:

Մոտ 7000 ռետրո խաղեր հնարավոր է օնլայն խաղալ անմիջապես ինտերնետ դիտարկչում

Մոտ 7000 ռետրո խաղեր հնարավոր է օնլայն խաղալ անմիջապես ինտերնետ դիտարկչում


Internet Archive կայքում տարիներ առաջ տեղադրվել էին MS-DOS-ի բազմաթիվ խաղեր, որոնք հնարավոր էր ակնթարթորեն բացել և խաղալ անմիջապես ինտերնետ դիտարկչում: Վերջերս այս խաղերի ցանկը համալրվել է ևս 2500-ով և տվյալ պահին մոտ 7000 խաղ հնարավոր է խաղալ այս կայքում: 


Այս խաղերի շարքում կարող եք գտնել հայտնի DOOM, Jurassic Park, Mortal Kombat և բազմաթիվ այլ խաղեր:

iOS 13-ի «սև ռեժիմը» զգալի խնայում է մարտկոցի լիցքը (Տեսանյութ)

iOS 13-ի «սև ռեժիմը» զգալի խնայում է մարտկոցի լիցքը (Տեսանյութ)


Ինչպես գիտեք iOS 13-ում ներդրված է «սև ռեժիմ», որը միացնելու դեպքում հավելվածները ցուցադրվում են սև ֆոնով: Այս ռեժիմը զգալի խնայում է նաև սմարթֆոնի մարտկոցի լիցքը, ինչը կարող եք տեսնել այս տեսանյութում:



Տեսանյութի հեղինակը iPhone 11 Pro Max-ի վրա ռոբոտների միջոցով կատարում է միևնույն գործողությունները և փորձը ցույց է տալիս, որ «սև ռեժիմով» աշխատող սմարթֆոնում դեռ 30% էներգիա կա այն ժամանակ, երբ մյուս ռեժիմով աշխատողն անջատվում է:


Նշեմ, որ «սև ռեժիմը» զգալի ավելի քիչ էներգիա է պահանջում այն դեպքում, երբ սմարթֆոնն ունի OLED էկրան (iPhone 11 և iPhone Xr սմարֆոններում IPS էկրան է):

Xbox-ի խաղերը ևս հնարավոր է խաղալ Անդրոիդով

Xbox-ի խաղերը ևս հնարավոր է խաղալ Անդրոիդով


Մի քանի օր առաջ Sony ընկերությունը հայտնեց, որ Android օպերացիոն համակարգի օգտատերերը կարող են ներբեռնել համապատասխան հավելվածը և իրենց PlayStation խաղային կոնսոլի խաղերը խաղալ (վերահեռարձակել) Անդրոիդի վրա: Այսօր արդեն Microsoft-ը հայտնեց, որ մեկնարկում է Xbox-ի խաղերը Android-ով խաղալու փորձարկումը, որը հասանելի է բոլոր ցանկացողների համար:


Եթե Ձեր սմարթֆոնի Android-ը 6.0-ից բարձր է, ապա ներբեռնեք Xbox Game Streaming App-ը և խաղացեք Ձեր Xbox-ի խաղերը սմարթֆոնի վրա:
Աշխարհի ամենամեծ 3D տպիչով տպել են ամենամեծ օբյեկտը (Տեսանյութ)

Աշխարհի ամենամեծ 3D տպիչով տպել են ամենամեծ օբյեկտը (Տեսանյութ)


ԱՄՆ-ում 3D տպիչի միջոցով հաջողվել է տպել 2.2 տոննա քաշով մեծ նավ: Սա ամենամեծ օբյեկտն է, որը մինչ այժմ տպվել է 3D տպիչով: Նշեմ նաև, որ ինժեներների կողմից ստեղծված այս տպիչը նույնպես համարվում է ամենամեծը: Նավը տպելու համար պահանջվել է 72 ժամ:


Fortnite խաղն անհետացել է «սև անցքի» մեջ: Ծնողներն անհանգստացած են

Fortnite խաղն անհետացել է «սև անցքի» մեջ: Ծնողներն անհանգստացած են


Երեկ միլիոնավոր խաղասերներ YouTube-ում և Twitch-ում հետևում էին Fortnite խաղի 10-րդ սեզոնի ավարտի իրադարձությանը, որի ժամանակ երկնքից երկնաքերեր ընկան և խաղի քարտեզը անհետացավ սև անցքի մեջ: Տվյալ պահին հնարավոր չի խաղալ այս խաղը և դրա փոխարեն ցուցադրվում է սև անցքի անիմացիան: Fortnite խաղի ստեղծողները որոշել են նաև այսքանով չսահմանափակվել և Twitter-ից ջնջել են բոլոր գրառումները: Խաղի պաշտոնական բոլոր էջերում պրոֆիլի լուսանկարի փոխարեն ցուցադրվում է սև ֆոն, իսկ խաղի կայքում ցուցադրվում է սև անցքի անիմացիան:



Նշեմ, որ այս ամենը չէր կարող չանհանգստացնել բազմաթիվ մարդկանց, ովքեր այս խաղի նախորդ սեզոններում բավականին շատ եռանդ ու ռեսուրսներ են ներդրել: Անհանգստացած են նաև երեխաների ծնողները, քանի որ երեխաները ընկճախտի մեջ են ընկել այս իրադարձությունների պատճառով: Որոշ ծնողներ նշում են, որ իրենց երեխաները խաղի վրա ծախսել են մի քանի հազար եվրո և նրանք չգիտեն, թե ինչ է լինելու հետագայում: Սպասվում է, որ շուտով Fortnite-ը կներկայացնի խաղի 11-րդ սեզոնը:
AliExpress-ը Ռուսաստանում բացել է նոր պաշտոնական ինտերնետ խանութ

AliExpress-ը Ռուսաստանում բացել է նոր պաշտոնական ինտերնետ խանութ


Չինական AliExpress-ը Ռուսաստանում բացել է Molnia Electronics անունով նոր ինտերնետ խանութ, որտեղ պաշտոնապես վաճառվում են հայտնի չինական բրենդների ապրանքները: Molnia Electronics-ն աշխատում է Tmall-ի նման և հանդիսանում է AliExpress-ի մի մասը: Այս խանութը վաճառում է Xiaomi, Realmi, ILIFE, Toshiba, Meizu և այլ հայտնի ընկերությունների ապրանքներ:



Հիշեցնեմ, որ հայ օգտատերերը ևս կարող են օգտվել Tmall-ից և Molnia Electronics-ից: Այդ դեպքում AliExpress-ից գնված ապրանքները կարող են առաքվել Globbing-ի կամ Onex-ի միջոցով մի քանի օրում: Այս խանութներից գնելու դեպքում նաև կարող եք վստահ լինել, որ գնում եք օրիգինալ ապրանք վստահելի պաշտոնական մատակարարից:

Mortal Kombat 11 խաղը կարճ ժամկետով դարձել է անվճար PS4 և Xbox օգտատերերի համար

Mortal Kombat 11 խաղը կարճ ժամկետով դարձել է անվճար PS4 և Xbox օգտատերերի համար


Հոկտեմբերի 11-ից 14-ը PlayStation և Xbox խաղային կոնսոլների օգտատերերը կարող են անվճար ներբեռնել և խաղալ Mortal Kombat 11 խաղը:



Դեմո տարբերակում ներառված են նաև վերջերս ավելացված նոր հերոսները (Տերմինատոր,  Nightwolf և այլն):
Call of Duty Mobile խաղը մի շաբաթում ներբեռնումների ռեկորդ է սահմանել

Call of Duty Mobile խաղը մի շաբաթում ներբեռնումների ռեկորդ է սահմանել


Վերջերս թողարկված Call of Duty Mobile խաղը ոչ միայն դարձել է մի շարք երկրներում Google Play-ի և App Store-ի թիվ մեկ հավելվածը, այլև սահմանել է բջջային խաղի ներբեռնումների նոր ռեկորդ: Նշվում է, որ թողարկումից սկսած մեկ շաբաթվա ընթացքում այս խաղը ներբեռնել է ավելի քան 100 միլիոն օգտատեր: Համեմատության համար նշեմ, որ նմանատիպ խաղերից PUBG-ի ցուցանիշը 28 միլիոն է, իսկ Fortnite-ինը՝ 26,3 միլիոն:


Այս խաղում առայժմ հասանելի են երկու ռեժիմներ՝ 5 ընդդեմ 5-ի օնլայն ռեժիմ և արքայական մենամարտեր (PUGB-ի ու Fortnite-ի նման):

Պաշտոնական: PlayStation 5-ի թողարկման ամսաթիվը հայտնի է

Պաշտոնական: PlayStation 5-ի թողարկման ամսաթիվը հայտնի է


Sony ընկերություը պաշտոնապես հայտնեց, որ հաջորդ սերնդի իր խաղային կոնսոլը կկոչվի PlayStation 5: Այս նոր սարքը օգտատերերի համար հասանելի կլինի 2020 թվականի դեկտեմբերին: Նշվում է, որ PS5-ը կունենա  բարելավված վիբրացիայով և այլ գործառույթներով նոր ջոյստիկ: PS5 սարքի արտաքին տեսքի մասին պաշտոնական տվյալներ առայժմ չկան:
Անդրոիդ սմարթֆոնով արդեն հնարավոր է խաղալ Ձեր PlayStation 4-ի խաղերը

Անդրոիդ սմարթֆոնով արդեն հնարավոր է խաղալ Ձեր PlayStation 4-ի խաղերը


Sony ընկերությունը հայտնում է, որ PlayStation 4 խաղային կոնսոլի նոր 7.0 օպերացիոն համակարգը թույլ կտա Android 5.0 կամ բարձր սմարթֆոն ունեցողներին խաղալ իրենց կոնսոլի խաղերը: Հիշեցնեմ, որ նախկինում Remote Play գործառույթը հասանելի էր միայն Sony Xperia սմարթֆոնների և iPhone-ների համար:


PS4 Remote Play գործառույթը թույլ է տալիս խաղերը բացել կոնսոլի վրա և WiFi կապով հեռարձակել դրանք սմարթֆոնների էկրաններին: Այս գործառույթը հասանելի է նաև Windows և Mac օգտատերերի համար:


PlayStation 4-ի 7.0 ծրագրային թարմացումը հասանելի կլինի մոտակա օրերին: Սմարթֆոնի վրա խաղալու համար պետք է ընդամենը ներբեռնել PS4 Remote Play հավելվածը: Վերջում նշեմ, որ Անդրոիդ 10-ի օգտատերերը կարող են նաև իրենց սմարթֆոններին կցել DualShock 4 անլար ջոյստիկները:

Օրվա կադրը

Օրվա կադրը


Արման Թադևոսյանի կողմից
ԴիջիԹեք տեխնոլոգիական ցուցահանդեսը տեղի կունենա հոկտեմբերի 6-9: Մուտքն անվճար է

ԴիջիԹեք տեխնոլոգիական ցուցահանդեսը տեղի կունենա հոկտեմբերի 6-9: Մուտքն անվճար է


ԴիջիԹեք տարածաշրջանի խոշորագույն տեխնոլոգիական ցուցահանդեսն այս տարի տեղի կունենա հոկտեմբերի 6-9՝ Երևան էքսպո կենտրոնում (Մերգելյան ինստիտուտի տարածքում):

Մուտքն անվճար է, գրանցումը՝ պարտադիր

Հերթերից խուսափելու համար, խնդրում ենք, նախապես գրանցվել digitec.am կայքում: Գրանցումն անվճար է և պահանջում է ընդամենը մեկ րոպե:

Պահպանե՛ք Ձեր էլ. հասցեին ուղարկված QR կոդը և ներկայացրե՛ք այն ԴիջիԹեք այցելելիս:

Ցուցահանդեսի բաժիններն են՝
  • Կոմպլեքս ինժեներական լուծումներ
  • ՏՏ սարքավորումներ և համակարգեր
  • Ծրագրային և վեբ լուծումներ
  • Տեղեկատվական և կիբեռ անվտանգություն
  • Հեռահաղորդակցության և ցանցային լուծումներ
  • Բջջային տեխնոլոգիաներ և հավելվածներ
  • Դիզայն և անիմացիա
  • Խաղային տեխնոլոգիաներ և մուլտիմեդիա
  • Տեխնոլոգիական լուծումներ բիզնեսի համար
  • Ինժեներական կրթություն

ԴիջիԹեքն ավանդաբար անց է կացվում Առաջատար տեխնոլոգիաների ձեռնարկությունների միության (ԱՏՁՄ) կողմից՝ ՀՀ վարչապետի բարձր հովանու ներքո:

Call Of Duty խաղի բջջային տարբերակն անվճար հասանելի է iOS և Անդրոիդ օգտատերերի համար

Call Of Duty խաղի բջջային տարբերակն անվճար հասանելի է iOS և Անդրոիդ օգտատերերի համար


Վերջապես հասանելի դարձավ երկար սպասված Call of Duty Mobile խաղը, որի գրաֆիկան գրեթե չի զիջում համակարգչային կամ խաղային կոնսոլների տարբերակին: 



Այս խաղում առայժմ հասանելի են երկու ռեժիմներ՝ 5 ընդդեմ 5-ի օնլայն ռեժիմ և արքայական մենամարտեր (PUGB-ի ու Fortnite-ի նման): 



Խաղի սկզբում խաղացողը ծանոթանում է կառավարմանը և խաղային մենյուներին, ինչի շնորհիվ շատ հեշտ ինտերգրվում է խաղին: Նշեմ նաև, որ 5 ընդդեմ 5 ռեժիմում կան այնպիսի քարտեզներ, որոնք կարելի է հանդիպել խաղի կոնսոլային տարբերակներում:



Call of Duty Mobile խաղում կարող եք մուտք գործել Facebook-ի միջոցով և ընկերների հետ խաղալ օնլայն: Խաղում հասանելի են զենքերի և զինամթերքի մեծ տեսականի, որոնց մի մասը հնարավոր է ձեռք բերել խաղում վաստակած միավորներով կամ գումարով: