Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Չինացիները ներկայացրեցին Boston Dynamics-ի Spot ռոբոտի 30 անգամ էժան մրցակցին (վիդեո)

Չինացիները ներկայացրեցին Boston Dynamics-ի Spot ռոբոտի 30 անգամ էժան մրցակցին (վիդեո)


Չինական Welian ընկերությունը ներկայացրեց AlphaDog ռոբոտը, որը հանդիսանում է Boston Dynamics-ի հայտնի Spot ռոբոտի նմանակը: Ռոբոտը զարգացնում է մինչև 16 կմ/ժ արագություն, պահպանում է հավասարակշռությունը, եթե ոտքով հարվածես, գնահատում է ճանապարհն ու միջավայրը ու որոշումներ կայացնում: 


Ռոբոտը 5G ցանցով կարաող է նաև աշխատել ինքնուրույն: Boston Dynamics-ի ռոբոտից այս չինական նոր ռոբոտը տարբերվում է միայն շատ ցածր գնով՝ 2400$: Հիշեցնեմ, որ Boston Dynamics-ի Spot ռոբոտն արժի 74500$:
«Яндекс» հավելվածի «խելացի տեսախցիկով» կարող եք որոնել առարկաներ, թարգմանել տեքստեր

«Яндекс» հավելվածի «խելացի տեսախցիկով» կարող եք որոնել առարկաներ, թարգմանել տեքստեր

Android և iOS համակարգերի «Яндекс» հավելվածում հայտնվել է «խելացի տեսախցիկ», որը ֆունկցիոնալ առումով նման է Google Lens-ին: Այն կարողանում է իրական ժամանակում ճանաչել և որոնել առարկաներ, թարգմանել տեքստեր և սկանավորել փաստաթղթեր: 




«Խելացի տեսախցիկով» հնարավոր է օրինակ նկարել ինչ-որ առարկա և տեսնել, թե որտեղից է հնարավոր այն գնել: Կարելի է նաև այս տեսախցիկով իմանալ բույսերի և շների տեսակները:

Android և iOS համակարգերի «Яндекс» հավելվածում «խելացի տեսախցիկը» բացելու համար պետք է սեղմեք որոնման դաշտի ձախ մասում գտնվող նշանի վրա:

«Hye Combinator» - Սփյուռքահայերի նոր նախաձեռնությունը՝ հայկական տեխնոլոգիական համայնքը զարգացնելու համար

«Hye Combinator» - Սփյուռքահայերի նոր նախաձեռնությունը՝ հայկական տեխնոլոգիական համայնքը զարգացնելու համար


Սփյուռքահայ գործարարների նախաձեռնությամբ ստեղծվել է Hye Combinator (Հայ Կոմբինատոր) մենթորական հարթակը, որը միտում ունի միավորել ՏՏ ոլորտի հայ գործարարներին և խթանել տեխնոլոգիաների զարգացումը Հայաստանում։ Նախագծի մասնակից երկու կողմերը՝ մենթորները և ձեռներեցները հնարավորություն կստանան հաղորդակցվել և համագործակցել միմյանց հետ։ Մենթորները, ովքեր Միացյալ նահանգներում բնակվող փորձառու մասնագետներ են տարբեր ոլորտներում, ուղիղ կապի մեջ կլինեն ձեռներեցների հետ և կօգնեն նրանց մասնագիտական խորհուրդներով։


Հայ Կոմբինատորը սկսել են երկու սփյուռքահայ գործարարներ. Nicholas Cabraloff-ը՝ ներդրումային վերլուծաբան Whale Rock Capital Management (Վեյլ Ռոք Քեփիթալ Մենեջմենթ) ընկերությունում և Chris Abkarians-ը՝ համահիմնադիր Juno (Ջունո) ֆինթեք ընկերությունում։ Ե՛վ Նիքոլասը, և՛ Քրիսը Հարվարդ Բիզնես Դպրոցի շրջանավարտներ են։

Քրիս Աբկարիանսը նշում է. «Մենք արդեն երկար ժամանակ է ինչ կապի մեջ ենք Միացյալ Նահանգներում գտնվող մի շարք հայ ձեռներեցների հետ և տեսնում ենք, որ շատերը հետաքրքիր նախաձեռնություններ են սկսել, սակայն տեղյակ չեն միմյանց մասին։ Այդպիսով մտահաղացում առաջացավ ստեղծել մի կապող հարթակ, որտեղ հաջողություն գրանցած անձիք կկիսվեն իրենց գիտելիքներով և փորձով։ Իսկ հետագայում մտածեցինք նաև ընդգրկել սկսնակ գործարարներին և կապել նրանց մասնագետների հետ»։


Նիքոլաս Քաբրալոֆը նշում է. «Մենթորի հետ անհատական շփումը արդյունավետ է, բայց էլ ավելի արդյունավետ է, երբ հնարավոր է միաժամանակ տասնյակ մենթորների կարծիքներ լսել։ Այս պատճառով, նախագիծը իրականացնելու համար մենք ընտրել ենք Slack (Սլեք) պլատֆորմը»։ Սլեքում կան առանձնացված խմբեր ըստ թեմաների, ինչպիսիք են օրինակ՝ Ֆինանսավորումներ, Վաճառք և Մարքեթինգ, Ռազմավարություններ, Իրավաբանական Հարցեր, Մարդկային Ռեսուրսներ և այլն։


Ներկա պահին Հայ Կոմբինատորին են միացել ավելին քան 25 մենթորներ, իսկ սկսնակ գործարարների թիվը գնալով ավելանում է։


Հայ Կոմբինատորը ամբողջովին անվճար է։ Դիմելու համար անհրաժեշտ է այցելել գլխավոր կայք և լրացնել հայտը։ Հարկավոր է նշել դիմորդի անունը, linkedin հղումը, և կարճ բնութագիր բիզնեսի մասին։ Ընկերությունը կամ ստարտափը պետք է տեխնոլոգիական բնույթի լինի։ Խրախուսվում է, որ դիմորդները անցած լինեն գաղափարի փուլը։ Այն անձիք ովքեր ցանկանում են դառնալ մենթոր, կարող են գրել նամակ հետևյալ էլ. հասցեին ՝ info@hyecombinator.com։

PS5-ի առաջին մեծ ծրագրային թարմացումը թույլ է տալիս PS5 խաղերը տեղափոխել արտաքին կրիչ վրա

PS5-ի առաջին մեծ ծրագրային թարմացումը թույլ է տալիս PS5 խաղերը տեղափոխել արտաքին կրիչ վրա

Sony ընկերությունը վաղը թողարկելու է PlayStation 5-ի առաջին խոշոր ծրագրային թարմացումը, որտեղ կատարվել են մի քանի փոփոխություններ: Ամենանշանակալիներից մեկն այն է, որ հնարավորություն է տրվելու PS5-ի խաղերը տեղափոխել արտաքին կրիչի վրա: Ճիշտ է, Sony-ն դեռ հնարավորություն չի տալու միանգամից խաղալ դրանք, քանի որ PS5-ի խաղերը հարմարեցված են SSD կրիչների համար: Արտաքին կրիչի վրա տեղափոխված խաղերը նորից խաղալու համար կպահանջվի դրանք նորից տեղափոխել ներքին SSD-ի վրա: Sony-ն նշում է, որ սա ավելի արագ գործողություն է, քան նորից ինտերնետից կամ սկավառակից ներբեռնելն ու տեղադրելը:

Իսկ ահա արտաքին կրիչի վրա տեղափոխված PS4 խաղերը հնարավոր կլինի միանգամից խաղալ PS5-ի վրա: Sony-ն խոստանում է, որ ապագայում նաև թույլ կտա արտաքին կրիչի վրա տեղափոխված PS5-ի խաղերը միանգամից խաղալ PS5-ի վրա, եթե դրանք տեղադրվեն M.2 կրիչների վրա:

PS5-ի թարմացման մեջ փոփոխություն է կատարվել նաև Share Play գործառույթում: Այս թարմացումից հետո PS5-ի և PS4-ի օգտատերերը կարող են կիսվել իրենց խաղային սեանսներով ընկերների հետ, ինչպես նաև միասին խաղալ մի կոնսոլի վրա հեռավար ռեժիմով: Փոփոխություններ են կատարվել նաև բջջային հավելվածում:

Ստեղծվել է մարդու աչքի տեսքով վեբ տեսախցիկ, որը թարթում է ու շարժում բիբը (վիդեո)

Ստեղծվել է մարդու աչքի տեսքով վեբ տեսախցիկ, որը թարթում է ու շարժում բիբը (վիդեո)

Գերմանիայի համալսրաններից մեկում Մարկ Տեսյե անունով մասնագետը ստեղծել է Eyecam կոչվող վեբ տեսախցիկ, որը արտաքնապես նման է մարդու աչքին: 

Հետաքրքիրն այն է, որ այս տեսախցիկը շարժումը է բիբը և նայում է օգտատիրոջ ուղղությամբ: 

Տեսախցիկը նաև կարողանում է թարթել: Տեսախցիկի ծրագրային կոդը բաց տեսքով հեղինակը տեղադրել է Github-ում: Տեսախցիկը ստեղծվել է Arduino Nano պլատֆորմի վրա

Microsoft-ը պատրաստվում է կատարել իր պատմության մեջ երկրորդ ամենաթանկ գնման գործարքը

Microsoft-ը պատրաստվում է կատարել իր պատմության մեջ երկրորդ ամենաթանկ գնման գործարքը

Microsoft ընկերությունը հաստատեց, որ պատրաստվում է գնել Nuance ընկերությունը: Գործարքի գինը կազմում է 19.7 միլիարդ դոլար, ինչը հանդիսանում է Microsoft-ի պատմության մեջ երկրորդ ամենաթանկ գործարքը (ամենաթանկը LinkedIn-նն է՝ 26.2 մլրդ): Հիշեցնեմ, որ վերջերս Microsoft-ը կատարեց ևս մեկ թանկ գործարք և ձեռք բերեց ZeniMax Media-ն, որը հանդիսանում է համակարգչային խաղեր արտադրող Bethesda ստուդիայի մայր ընկերությունը:

Microsoft-ի և Nuance-ի միջև նախնական համաձայնությունն արդեն կա և սպասվում է, որ գործարքն ավարտին կհասնի այս տարվա վերջում: Այն դեռ պետք է թույլտվություն ստանա շուկայի ռեգուլյատորների կողից: Փաստացի Microsoft-ը պատրաստ է Nuance-ի մեկ ակցիայի համար վճարել 56 դոլար, ինչը 23%-ով բարձր է ապրիլի 9-ի օրվա ավարտի դրությամբ Nuance-ի ակցիայի շուկայական գնից:

Նշեմ, որ ամերիկյան Nuance ընկերությունը հիմնադրվել է հեռավոր 1992 թվականին և մասնագիտացված է «մարդու խոսքի» ճանաչման տեխնոլոգիաներում: Օրինակ Apple-ի սարքերում օգտագործվող Siri ձայնային օգնականը հիմնված է հենց Nuance-ի տեխնոլոգիաների վրա: Nuance-ի տեխնոլոգիաները օգտագործվում են նաև ԱՄՆ հիվանդանոցների 77%-ում:

Մեքենայական ուսուցմամբ աշխատող այս գործիքով կարող եք երգից առանձնացնել վոկալը

Մեքենայական ուսուցմամբ աշխատող այս գործիքով կարող եք երգից առանձնացնել վոկալը

Համացանցում հայտնվել է մեքենայական ուսուցմամբ աշխատող նոր գործիք, որը թույլ է տալիս վայրկյանների ընթացքում երգից հեռացնել երգչի ձայնը (վոկալը): Գործիքը մեքենայական ուսուցմամբ վարժեցվել է ավելի քան 20 ՏԲ ծավալով երգերի վրա: Նշեմ, որ ինքս փորձարկել եմ և արդյունքը տպավորիչ է այն պարագայում, որ գործիքը դեռ գտնվում է փորձարկման փուլում:

Գործիքից օգտվելու համար պետք է ընդամենը բացել այս կայքը և սեղմել Select File կոճակի վրա: Գործիքը թույլ է տալիս վերբեռնել ավելի քան 10 ֆորմատի ֆայլեր` M4A, MP3, WAV, WMA և այլն: 

Վերբեռնելուց մի քանի վայրկյան անց գործիքը ցույց կտա երկու կարճ առանձին աուդիո ֆայլեր՝ վոկալը և երաժշտությունը: Ստացված արդյունքի ամբողջական տարբերակը լսելու և ներբեռնելու համար պետք է գրեք էլ. փոստը և գրանցվեք: 

Գործիքի մեկ պրոֆիլով (էլ. փոստով) անվճար հնարավոր է առանձնացնել 3 երգեր (10 րոպե): Հասանելի են նաև վճարովի տարբերակներ՝ Lite 10 դոլար - 10 երգ (90 րոպե) և Professional 30 դոլար - 30 երգ (500 րոպե):

Google Floom-ով լրացված իրականությունում կարող եք տեսնել, թե ինչ կա երկրագնդի հակառակ կողմում

Google Floom-ով լրացված իրականությունում կարող եք տեսնել, թե ինչ կա երկրագնդի հակառակ կողմում

Google ընկերությունը մեկտեղ է հավաքել վեբով AR (լրացված իրականություն) և VR (վիրտուալ իրականություն) փորձարկումների գործիքները և դրանք տեղադրել Experiments with Google կայքում: Google-ը առաջարկում է նաև այլ ընկերություններին իրենց նախագծերը առաջարկել այդ կայքում: Տվյալ պահին այդ կայքում տեղադրված են 4 հետաքրքիր նախագծեր՝ Sodar, Measure Up, Picturescape և Floom: 

Sodar նախագիծը լրացված իրականությունում ցուցադրում է 2 մետր հեռավորությունը չափող օղակ, ինչը նախատեսված է սոցիալական հեռավորությունը պահպանելու համար:

Measure Up նախագիծն իրենից ներկայացնում է վիրտուալ քանոն, ինչի շնորհիվ հնարավոր է չափել եռաչափ տարածության օբյեկտները:

Picturescape նախագիծը դեռ գտնվում է ստեղծման փուլում: Այն Google Photos ծառայությունում սկանավորելու է օգտատիրոջ լուսանկարների վայրերը և լրացված իրականությունում ցուցադրելու է դրանք:

Իսկ ահա Floom նախագիծը օգտատիրոջ կանգնած վայրում գետնի վրա վիրտուալ թունել է բացում և ցուցադրում է, թե ինչ է գտնվում երկրագնդի հակառակ կողմում: 


Նշեմ, որ բոլոր այս նախագծերն աշխատում են միայն Անդրոիդ համակարգի Google Chrome դիտարկչի վրա:

Չիպավորված կապիկը մտքի ուժով Պինգ-Պոնգ է խաղում (վիդեո)

Չիպավորված կապիկը մտքի ուժով Պինգ-Պոնգ է խաղում (վիդեո)

Neuralink ընկերությունը թողարկել է վիդեո, որտեղ չիպավորված կապիկը մտքի ուժով կառավարում է համակարգչի կուրսորը և համակարգչային խաղ է խաղում: Հիշեցնեմ, որ  Neuralink -ի հիմնադիր Իլոն Մասկը ամիսներ առաջ խոստացել էր ցուցադրել իրենց ընկերության  կողմից կապիկի ուղեղի չիպավորման փորձարկումների այս վիդեոն:

Տեսանյութում նշվում է, որ այս փորձարկումից 6 շաբաթ առաջ կապիկի ուղեղի մեջ ներդրվել է նեյրոնային չիպ: Սկզբնական շրջանում կապիկին սովորեցրել են խաղալ ջոյստիկի միջոցով, իսկ որպես պարգև նա խողովակով բանանի սմուզի է ստանում: Հետո Neuralink-ի չիպից ինֆորմացիան կապիկի ուղեցից կարդալուց հետո կարողացել են այնպես անել, որպեսզի կապիկը շարունակի մտքի ուժով խաղալ առանց ջոյստիկի (2:16 րոպեից):

Forbes-ը թողարկել է միլիարդատերերի ամենամյա ցուցակը, որտեղ կան նաև Քիմ Քարդաշյանը, Նուբար Աֆեյանը և Սամվել Կարապետյանը

Forbes-ը թողարկել է միլիարդատերերի ամենամյա ցուցակը, որտեղ կան նաև Քիմ Քարդաշյանը, Նուբար Աֆեյանը և Սամվել Կարապետյանը

Forbes հանդեսը թողարկել է միլիարդատերերի ամենամյա ցուցակը: Նոր ցուցակում միլիարդատերերի թիվը հասել է 2755-ի, ինչը 660-ով շատ է նախորդից: Ընդ որում 493 հոգի ցուցակի մեջ են հայտնվել առաջին անգամ: Ցուցակի բոլոր մարդկանց ընդհանուր կարողությունը 13.1 տրիլիոն է, ինչը 8 տրիլիոնով շատ է նախորդից: Ցուցակի թոփերում հիմնականում ՏՏ ոլորտով զբաղվող մարդիկ են: Ցուցակի մեջ 724 հոգին ԱՄՆ-ից են, իսկ 698-ը Չինաստանից: Հայերից նույնպես մի շարք մարդիկ կան ցուցակում: Մասնավորապես Քիմ Քարդաշյանը արդեն պաշտոնապես համարվում է միլիարդատեր և զբաղեցնում է ցուցակի 2674-րդ հորիզոնականը: 


Միլիարդատերերի ցուցակում կան նաև Սամվել Կարապետյանը (925), Ռուբեն Վարդանյանը (2674), Նուբար Աֆեյանը (1664) և հայկական ազգանուն ունեցող մի քանի գործարարներ:

Ցուցակի առաջին հորիզնականում 4-րդ տարին անընդմեջ զբաղեցնում է Ամազոնի հիմնադիր Ջեֆ Բեզոսը, ում կարողությունը մի տարում 117-ից դարձել է 177 միլիարդ: Երկրորդ հորիզոնականում է հայտնվել SpaceX-ի հիմնադիր և Տեսլայի ղեկավար Իլոն Մասկը, ով մի տարում ֆանտաստիկ ցատկ է կատարել 31-րդ հորիզոնականից: Նրա կարողությունը 24.6-ից դարձել է 151 միլիարդ: Եռյակը եզրափակում է Louis Vuitton-ի նախագահ Բեռնար Առնոն: 

Microsoft-ի համահիմնադիր Բիլ Գեյթսն ու Ֆեյսբուքի հիմնադիր Մարկ Ցուկերբերգը զբաղեցնում են համապատասխանաբար 4-րդ և 5-րդ հորիզոնականները: Հետաքրքիր է, որ հայտնի բիզնեսմեն Բաֆֆետը 20 տարվա մեջ առաջին անգամ հնգյակում չի հայտնվել: Նա այժմ 6-րդ հորիզոնականում է (67,5-ից դարձել է 96 միլիարդ):

Վերջում նշեմ, որ Forbes-ի ամենամյա ցուցակից բացի համացանցում առկա է նաև «իրական ժամանակում» ցուցակ:

Լուսանկարները կենդանացնող գործիքում ավելացել են 10 նոր անիմացիաներ

Լուսանկարները կենդանացնող գործիքում ավելացել են 10 նոր անիմացիաներ

Բլոգի նախորդ գրառումներից մեկում անդրադարձել էի MyHeritage կայքում տեղադրված նոր գործիքին, որի միջոցով հնարավոր է կենդանացնել լուսանկարները: Այսինքն, այդ գործիքը արհեստական բանականության և մեքենայական ուսուցման միջոցով կարողանում է շարժել լուսանկարում եղած մարդկանց:

Վերջերս թարմացվել է այդ գործիքը և այնտեղ ավելացել են 10 նոր անիմացիաներ (օդային համբույր, պար, ժպիտ և այլն):

Բլոգի նախորդ գրառումներից մեկում կարող եք տեսնել նաև, թե ինչ զվարճալի ու հետքրքիր անիմացիաներ են ստացել համացանցի օգտատերերը այս գործիքի միջոցով: MyHeritage-ը հասանել է ինչպես վեբ տարբերակում, այնպես էլ iOS և Android հավելվածների տեսքով:

Ինչպես հայտնաբերել Google-ում պահպանված խոցելի գաղտնաբառերը և շտկել դրանք

Ինչպես հայտնաբերել Google-ում պահպանված խոցելի գաղտնաբառերը և շտկել դրանք

Համացանցում գոյություն ունի https://haveibeenpwned.com/ կայքը, որտեղ էլեկտրոնային փոստի հասցեն գրելուց հետո կարող եք տեսնել, թե արդյոք Ձեր էլ. փոստով գրանցված որևէ կայքից տեղի ունեցած արտահոսքերում կան Ձեր գաղտնաբառի մասին տվյալներ: Նորից նշեմ, որ խոսքը որևէ կայքի մասին է, որտեղ գրանցվել եք այդ էլ. փոստով: Եթե Ձեր տվյալները կան այդ կայքում, դա չի ենթադրում, որ Ձեր գաղտնաբառը բաց դրված է համացանցում: Միգուցե արտահոսքի արդյունքում գաղնաբառը կոդավորված է եղել, կամ միգուցե այնպիսի կայքի արտահոսք է, որ պատահական մի անգամ գրանցվել եք ու այդքան էլ կարևոր չէ: Նաև տեղեկացնեմ, որ այս կայքն անվտանգ է, քանի որ գրում եք միայն էլ. փոստը:

Այսպիսով հիմնականում աշխատեք Ձեր էլ. փոստի գաղտնաբառը հուսալի ու դժվար գուշակվող դարձնել: Ֆեյսբուքում ու նմանատիպ սոց կայքերում էլ կարող եք միացնել երկփուլային անվտանգությունը, որպեսզի օտար սարքից կամ երկրից մուտք գործելու պարագայում Ձեր հեռախոսին հարցում գա:

Ինչպես գիտեք Google Chrome դիտարկիչը թույլ է տալիս պահպանել տարբեր կայքերի գաղտնաբառերը և ավտոմատ լրացնել դրանք անհրաժեշտ պահին: Այս պարագայում Ձեզ մնում է միայն հիշել Google-ի գաղտնաբառը: Chrome-ն ունի նաև գաղտնաբառեր գեներացնող գործիք: Այսինքն ցանկացած նոր կայքում գրանցվելուց կարող եք աջ քլիք անել գաղտնաբառի դաշտի վրա և ընտրել Google-ի գեներացված գաղտնաբառը:


Google-ը վերջերս ներկայացրեց նոր գործիք, որն իր մեջ կարելի է ասել պարունակում է վերևում նշված կայքի գործառույթները, սակայն ավելի արդյունավետ է: Այդ գործիքը ցույց է տալիս, թե Google-ում պահպանված Ձեր գաղտնաբառերը երբևէ արտահոսքերի մեջ հայտնվել են ու առաջարկում է փոխել կոնկրետ կայքերում գրանցված գաղտնաբառերը: 

Օրինակ ինձ առաջարկեց փոխել բազմաթիվ կայքերի գաղտնաբառեր ու հիմնականում դրանք այնպիսի կայքեր են, որտեղ գրանցվելուց օգտագործել եմ հեշտ ու կրկնվող գաղտնաբառեր: Գործիքը ցուցադրում է ոչ միայն արտահոսած գաղտնաբառերը, այլև հաճախ կրկնվող և թույլ գաղտնաբառերը: Օրինակ եթե երկու կայքերում գրանվել եք նույն էլ. փոստով ու գաղտնաբառով, ապա գործիքը կառաջարկի փոխել: Փոխելու ժամանակ կարող եք գրել ավտոմատ գեներացվող գաղտնաբառեր:


Այս գործիքի առավելությունն այն է, որ ցույց է տալիս Ձեր գրանցված հստակ կայքերն ու դրանց գաղտնաբառերը: Գործիքի միակ թերությունն այն է (եթե կարելի է դա թերությորւն համարել), որ այն ցույց է տալիս միայն Google-ում պահպանված գաղտնաբառերի մասին տվյալներ:

Վերջում նշեմ նաև, որ Google-ում պահպանված գաղտնաբառերը կարող եք տեսնել ցանկացած սարքի ու ցանկացած դիտարկչի վրա: Պետք է ընդամենը բացել passwords.google.com կայքը և մուտք գործել Google-ի պրոֆիլ:

Hyundai-ին պատկանող Genesis ենթաբրենդը ռեկորդային 3281 դրոններով ցուցադրություն է կազմակերպել (վիդեո)

Hyundai-ին պատկանող Genesis ենթաբրենդը ռեկորդային 3281 դրոններով ցուցադրություն է կազմակերպել (վիդեո)

 

Hyundai Motor-ին պատկանող պրեմիում դասի Genesis ենթաբրենդը Շանհայի երկնքում դրոններով տարբեր պատկերներ է ցուցադրել, որի ընթացքում օգտագոևծվել է 3281 դրոն: Այս ցուցադրությունը նվիրված էր Genesis-ի Չինաստանի շուկա մուտք գործելուն:


Նշվում է, որ տվյալ պահի դրությամբ 3281 դրոնների օգտագործումը համարվում է ռեկորդային: Նախորդ ռեկորդը գրանցվել էր 2020թ. սեպտեմբերի 20-ին, որտեղ չինական ընկերություններից մեկը օգտագործել էր 3051  դրոն:

Հայաստանում արգելափակվել է Viber-ի ավելի քան 1200 կեղծ հաշիվ

Հայաստանում արգելափակվել է Viber-ի ավելի քան 1200 կեղծ հաշիվ


Վերջին շրջանում Հայաստանում հաճախակի են դարձել բանկային քարտերի սեփականատերերի նկատմամբ խարդախության դեպքերը և մեսենջերների ու սոցիալական ցանցերի միջոցով օգտատերերին խաբելու փորձերը: Հանցագործները հաճախ օգտագործում են հանրաճանաչ մեսենջերները՝ բանկերի հաճախորդների հետ կապ հաստատելու համար: Միայն տարեսկզբին օգտատերերի բողոքների հիման վրա Հայաստանում Viber-ի կողմից արգելափակվել է խարդախության նշաններ ունեցող ավելի քան 1200 հաշիվ։ Viber-ը նախազգուշացնում է ռիսկերի մասին և հիշեցնում՝ ինչպես պաշտպանվել, եթե խաբեբաները կապվում են ձեզ մեսենջերով: Չարագործները հաճախ զանգահարում կամ գրում են օգտատերերին բանկային կեղծ հաշիվներից և ներկայանում են որպես տվյալ բանկի աշխատակից։ Տվյալ բանկի լոգոն և անվանումն օգտագործվում են նմանատիպ հաշիվների կողմից առանց որևէ փոփոխության։ Հաղորդակցվելով հանցագործները փորձում են օգտատերերից տարբեր պատրվակներով տեղեկատվություն ստանալ բանկային քարտի տվյալների վերաբերյալ:

Viber-ը հիշեցնում է, որ մեսենջերներով օգտատերերը չպետք է որևէ մեկին փոխանցեն

  • բանկային քարտի տվյալները՝ հաշվեհամարը, վավերականության ժամկետը, CVV- ծածկագիրը,
  • որևէ PIN կոդ,
  • ինտերնետ բանկինգի մուտքանունն ու գաղտնաբառը, 
  • 3D Secure համակարգի գաղտնաբառը,
  • SMS գաղտնաբառը:
Բանկի աշխատակիցներից կամ ցանկացած այլ կազմակերպության ներկայացուցիչներից կասկածելի զանգեր կամ հաղորդագրություններ ստանալու դեպքում, որտեղ նրանք փորձում են գաղտնի տեղեկատվություն ստանալ ձեզանից, անհրաժեշտ է անմիջապես դադարեցնել նամակագրությունը և զանգահարել բանկի պաշտոնական կայքում կամ քարտի հետին մասում նշված համարին:

Viber-ի յուրաքանչյուր օգտատեր չարագործի հեռախոսահամարը կարող է նշել որպես «Սպամ»՝ կատարելով հետևյալ գործողությունները.
  • բացե՛ք տվյալ օգտատիրոջ հետ երկխոսության պատուհանը, 
  • քանի որ ուղարկողը ձեր գրանցված համարների ցուցակում չէ, ծրագիրն անմիջապես ձեզ կառաջարկի «Ավելացնել հեռախոսահամարը», «Սա սպամ է» կամ «Արգելափակել» տարբերակները, 
  • Տվյալ օգտատիրոջն արգելափակելու համար կարող եք ընտրել երկու տարբերակներից որևէ մեկը՝ «Սա սպամ է» կամ «Արգելափակել». երկու դեպքում էլ նրա հաշիվը կարգելափակվի: Որոշակի քանակությամբ հաղորդագրությունների և բողոքների առկայության դեպքում, տվյալ օգտատերը կարգելափակվի Viber-ում և այլևս հնարավորություն չի ունենա որևէ մեկին անհանգստացնել մեսենջերի միջոցով:
Կեղծ հաշիվների մասին կարող եք նաև տեղեկություններ փոխանցել Viber-ի աջակցության կենտրոն՝ 
  • տվյալ հեռախոսահամարը, որից կապ են հաստատել Ձեզ հետ Viber-ում, պետք է նկարել սքրինշոթի միջոցով, 
  • անցնել help.viber.com/ru/contact կայքի հղմամբ 
  • բացված պատուհանում լրացնել հետադարձ կապի համար նախատեսված հայտը՝ նկարագրելով խնդիրն ու կցել սքրինշոթը։ 
LG-ն լքում է սմարթֆոնների շուկան և այլևս սմարթֆոններ չի արտադրի

LG-ն լքում է սմարթֆոնների շուկան և այլևս սմարթֆոններ չի արտադրի


LG Electronics-ը պաշտոնապես հայտնեց, որ լքում է սմարթֆոնների շուկան և այլևս սմարթֆոններ չի արտադրի: Այս որոշումն արդեն ընդունվել է ընկերության տնօրենների խորհրդի կողմից: Սմարթֆոնների բիզենսը LG-ն վերջնականապես կփակի ս.թ. հուլիսի 31-ին: Նշվում է, որ այս քայլը կօգնի ընկերությանը կենտրոնացնել ռեսուրսները այլ ենթակառուցվածքներում (էլեկտրական մեքենանրի կոմպոնենտներ, խելացի տներ, ռոբոտատեխնիկա, արհեստական բանականություն և այլն): Նախկինում թողարկված սմարթֆոնները կշարունակվեն վաճառվել և տարածաշրջանից կախված դրանք որոշակի ժամկետներում կշարունակեն ստանալ թարմացումներ: Նշեմ, որ վերջին տարիներին LG-ի բջջային ենթակառուցվածքը եկամուտ չէր բերում և աշխատում էր վնասով: LG-ն որոշակի քայլեր ձեռնարկեց իրավիճակը շտկելու համար և վերջերս թողարկեց ոչ ստանդարտ  LG Wing սմարթֆոնը:
«Яндекс.Браузер»-ն արդեն թարգմանում է նաև կայքերի նկարների տեքստերը

«Яндекс.Браузер»-ն արդեն թարգմանում է նաև կայքերի նկարների տեքստերը


«Яндекс.Браузер» ինտերնետ դիտարկիչն արդեն կարողանում է ճանաչել կայքերում տեղադրված նկարների վրա գրված տեքստերը և թարգմանել դրանք: Նկարները թարգմանելու համար ոչ մի լրացուցիչ հավելված պետք չի: 

Պարզապես կարող եք աջ քլիք անել նկարի վրա և ընտրել համատասխան մենյուն: Այս նոր գործառույթը հասանելի է «Яндекс.Браузере»-ի Windows տարբերակում Android-ի բետա տարբերակում:
Siri-ն այլևս լռելյայն չի խոսի կանացի ձայնով: Օգտատերերին հնարավորություն է տրվում ընտրել օգնականի սեռը

Siri-ն այլևս լռելյայն չի խոսի կանացի ձայնով: Օգտատերերին հնարավորություն է տրվում ընտրել օգնականի սեռը

iOS 14.5-ի բետա 6 տարբերակում անգլերենի համար ավելացել են Siri ձայնային օգնականի երկու նոր ձայներ: Բացի այդ, այսուհետ սմարթֆոնի սկզբնական կարգավորումներում օգտատիրոջը առաջարկվելու է ընտրել Siri-ի ձայներից մեկը: Այսինքն կանացի ձայնը ավտոմատ չի ընտրվելու (որոշ երկրներում ավտոմատ տղամարդու ձայն է): Վերջերս ՄԱԿ-ը հաշվետվություն էր ներկայացրել, որտեղ նշվում էր, որ ձայնային օգնականներում հիմնականում կանացի ձայների օգտագործումը խորացնում է այն կարծրատիպը, որ կինը պիտի ծառայի տղամարդուն ու կատարի նրա հրամանները: iOS 14.5 բետա 6-ում թարմացվել են նաև այլ լեզուների Siri-ի ձայները (ռուսերեն, իտալերեն և այլն):