Ինչպես հայտնաբերել Google-ում պահպանված խոցելի գաղտնաբառերը և շտկել դրանք
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEiBRs5gpk8NlzmtAh0LwajUySm8-1tzfv10W9RqpDzWMxgb96ueMw7Zbt9alC0S4rSz0lmX6MxdGIMYL44m6FQyZTToczs6yEzq450hdxoYMpKmXD7SUDe32swBs2g8Lwmf_hU3Y5KoGAWM/w640-h350/2021-04-06_12-02-52.png)
Համացանցում գոյություն ունի https://haveibeenpwned.com/ կայքը, որտեղ էլեկտրոնային փոստի հասցեն գրելուց հետո կարող եք տեսնել, թե արդյոք Ձեր էլ. փոստով գրանցված որևէ կայքից տեղի ունեցած արտահոսքերում կան Ձեր գաղտնաբառի մասին տվյալներ: Նորից նշեմ, որ խոսքը որևէ կայքի մասին է, որտեղ գրանցվել եք այդ էլ. փոստով: Եթե Ձեր տվյալները կան այդ կայքում, դա չի ենթադրում, որ Ձեր գաղտնաբառը բաց դրված է համացանցում: Միգուցե արտահոսքի արդյունքում գաղնաբառը կոդավորված է եղել, կամ միգուցե այնպիսի կայքի արտահոսք է, որ պատահական մի անգամ գրանցվել եք ու այդքան էլ կարևոր չէ: Նաև տեղեկացնեմ, որ այս կայքն անվտանգ է, քանի որ գրում եք միայն էլ. փոստը:
![](https://blogger.googleusercontent.com/img/b/R29vZ2xl/AVvXsEgJF72pkii5YuXBdgtrQg4k_V-AK0aoAYsP7K9_LwnrS05tD5B106Nmfvs2mXq-r_jIWv7wKP6LvigI_iHoII78r1Z-lVWhU66WQGmY1KdaPf8PTnNbXvYeW9RYsen435GbAEqHiLVhViJS/w640-h218/2021-04-06_11-35-38.png)
Այսպիսով հիմնականում աշխատեք Ձեր էլ. փոստի գաղտնաբառը հուսալի ու դժվար գուշակվող դարձնել: Ֆեյսբուքում ու նմանատիպ սոց կայքերում էլ կարող եք միացնել երկփուլային անվտանգությունը, որպեսզի օտար սարքից կամ երկրից մուտք գործելու պարագայում Ձեր հեռախոսին հարցում գա:
![](https://blogger.googleusercontent.com/img/b/R29vZ2xl/AVvXsEjJKB4QXESLXijLZJ8HGhrGtytvG-shSMuB9DuRbPBgXAH0CVfnJn0E9LmjnydYN5S2DLLJXF_tk26HswCMB0MrqLgiIehL1lOE4kLfdxjPK7H0mglfIU9cq2Y3l_cuNObAZDS6TNnijeky/w640-h302/2FA.jpg)
Ինչպես գիտեք Google Chrome դիտարկիչը թույլ է տալիս պահպանել տարբեր կայքերի գաղտնաբառերը և ավտոմատ լրացնել դրանք անհրաժեշտ պահին: Այս պարագայում Ձեզ մնում է միայն հիշել Google-ի գաղտնաբառը: Chrome-ն ունի նաև գաղտնաբառեր գեներացնող գործիք: Այսինքն ցանկացած նոր կայքում գրանցվելուց կարող եք աջ քլիք անել գաղտնաբառի դաշտի վրա և ընտրել Google-ի գեներացված գաղտնաբառը:
![](https://blogger.googleusercontent.com/img/b/R29vZ2xl/AVvXsEgAO5anxFsPLba5-FIN3O8gYJLPeQqReQ7fHm_JM9xc6OP_wG1PgxSaWE2uuGCVlvrMBmZdplaq7czCvjoFusuqTo1sgy6lyPPh66zZimxuls4ypKnDz9hR98Jr4NGLKYwfUtADXahjpvE2/s16000/x2019-07-02_11h52_01.png.pagespeed.gp%252Bjp%252Bjw%252Bpj%252Bws%252Bjs%252Brj%252Brp%252Brw%252Bri%252Bcp%252Bmd.ic.7ApbzfjG2S.png)
Google-ը վերջերս ներկայացրեց նոր գործիք, որն իր մեջ կարելի է ասել պարունակում է վերևում նշված կայքի գործառույթները, սակայն ավելի արդյունավետ է: Այդ գործիքը ցույց է տալիս, թե Google-ում պահպանված Ձեր գաղտնաբառերը երբևէ արտահոսքերի մեջ հայտնվել են ու առաջարկում է փոխել կոնկրետ կայքերում գրանցված գաղտնաբառերը:
Օրինակ ինձ առաջարկեց փոխել բազմաթիվ կայքերի գաղտնաբառեր ու հիմնականում դրանք այնպիսի կայքեր են, որտեղ գրանցվելուց օգտագործել եմ հեշտ ու կրկնվող գաղտնաբառեր: Գործիքը ցուցադրում է ոչ միայն արտահոսած գաղտնաբառերը, այլև հաճախ կրկնվող և թույլ գաղտնաբառերը: Օրինակ եթե երկու կայքերում գրանվել եք նույն էլ. փոստով ու գաղտնաբառով, ապա գործիքը կառաջարկի փոխել: Փոխելու ժամանակ կարող եք գրել ավտոմատ գեներացվող գաղտնաբառեր:
![](https://blogger.googleusercontent.com/img/b/R29vZ2xl/AVvXsEjixJeTuhxGMsxwm2CfYjNz-aMoAixh4eeNDCcPsATdS-ly1k4qw4opuR8_XkoiEBiezxnA26xcGz0QSU7UGYlaMkeh4Nmz4sfgps1IAjzGy6GFujW4yb4-aOBdMwzejUxkJw1eEYauCgg8/w640-h394/2021-04-06_11-50-06.png)
![](https://blogger.googleusercontent.com/img/b/R29vZ2xl/AVvXsEgs99LNHX0SjWQ5kZnH1kvR0tPQ0qjeNYOSc7_SxB9JqjvKDalA0PkO8yvorCHura2IU8C6YyJ1_5JonvuwHWkOnMyUrLSw_0gMWmQnWpOx2-TAPOrDIgPlU1hYsY3cK_Pn40H6hJIF6EcH/w640-h330/2021-04-06_11-55-18.png)
Վերջում նշեմ նաև, որ Google-ում պահպանված գաղտնաբառերը կարող եք տեսնել ցանկացած սարքի ու ցանկացած դիտարկչի վրա: Պետք է ընդամենը բացել passwords.google.com կայքը և մուտք գործել Google-ի պրոֆիլ: