Նեյրոնային ցանցը գեներացրել է սովետական մուլտֆիլմերի հերոսների ռեալիստիկ նկարները: Նկարները գեներացվել են Եվգենիա Շվենկայի նկարների հիման վրա: Այս նկարները գեներացնող նեյրոնային ցանցի հեղինակը նշում է, որ վերջում որոշ նկարներ մշակել է Ֆոտոշոփով ու ավելացրել որոշ դետալներ:
Microsoft ընկերությունը պաշտոնապես հասանելի դարձրեց Windows 11 օպերացիոն համակարգի նախնական թարմացումը: Այն տեղադրելու համար պետք է Windows 10 օպերացիոն համակարգում բացեք թարմացումների էկրանը, այնուհետև բացեք Windows Insider Program էջը, մուտք գործեք Ձեր Microsoft-ի պրոֆիլ և ընտրեք Dev Channel թարմացման աղբյուրը: Այս քայլերից հետո պետք է ռեստարտ անեք համակարգիչը և թարմացումների էջում արդեն կտեսնեք Windows 11-ի թարմացումը: Թարմացումը տեղադրվում է Windows 10-ի վրա և ոչ մի ֆայլ կամ ծրագիր չի ջնջվում:
Microsoft ընկերությունը վերջապես ներկայացրեց Windows 11-ի վերաբերյալ մի քանի մանրամասներ: Նախևառաջ նշեմ, որ մինչ այս համացանցում տարածված լուսանկարներն ու Windows 11 համակարգը իրական էին: Նոր օպերացիոն համակարգում փոխվել է ինչպես արտաքին ինտերֆեյսի էլեմենտները, այնպես էլ առկա են մի շարք ծրագրային փոփոխություններ:
Windows 11-ի առանցքային նորույթներից մեկն այն է, որ Microsoft Store-ից հնարավոր կլինի ներբեռնել Անդրոիդ հավելվածներ և դրանք բացել անմիջապես Windows 11-ում: Microsoft Store-ում առկա են Amazon App Store-ում տեղադրված Անդրոիդ հավելվածները:
Հավելվածները ներբեռնելուց հետո դրանք կաշխատեն ինչպես սովորական Windows հավելվածները: Օրինակ հնարավոր կլինի դրանք տեղադրել Taskbar-ի վրա:
Windows 11-ի Start Menu-ն ու Taskbar-ի էլեմենտները տեղափոխվել են էկրանի կենտրոն (կարգավորումներից հնարավոր է հետ բերել)
Taskbar-ում հայտնվել է նոր նշան, որի վրա սեղմելով բացվում է նորությունների վիջեթը: Այնտեղ ցուցադրվող նյութերը հնարավոր է կարգավորել:
Microsoft Teams-ը նույնպես ներդրվել է Windows 11-ի մեջ, ինչը թույլ է տալիս մշտապես տեքստային կամ աուդիո/վիդեո կապի մեջ լինել ընկերների հետ:
Խաղասերների համար հասանելի է Xbox Game Pass գրադարանը: xCloud ամպային ծառայության խաղերը նույնպես հասանելի են այս գրադարանում:
Auto HDR նոր գործառույթն ավտոմատ խաղերի վրա կկիրառի գունային HDR տեխնոլոգիան: Xbox Series X / S խաղային կոնսոլներում առկա DirectStorage գործառույթը նույնպես ներդրվել է Windows 11-ում, որը թույլ է տալիս խաղերը բացել համեմատաբար արագ (պետք է ունենալ համապատասխան հիշողության սարք, իսկ խաղեր արտադրողները պետք է խաղերում կիրառեն այս տեխնոլոգիան):
Microsoft-ը թարմացրել է նաև Microsoft Store հավելվածների խանութի արտաքին ինտերֆեյսը: Այս խանութում կարող են տեղադրվել նաև Windows-ի ավանդական ծրագրերը:
Պատուհանները մեծացնելու նշանի վրա մկնիկը պահելով ցուցադրվում են տարբեր ուղղանկյուններ, որոնց վրա սեղմելով պատուհանը տեղադրվում է էկրանի համապատասխան վայրում:
Epic Games Store-ը շարունակում է անվճար խաղեր նվիրել խաղասերներին: Այս շաբաթ օգտատերերը կարող են անվճար իրենց գրադարաններում ավելացնել հայտնի Horizon Chase Turbo և Sonic Mania խաղերը:
3D անիմատորներից մեկը ամբողջ աշխարհի անիմատորներին առաջարկել է վերանկարել իր կողմից ստեղծված կարճ անիմացիան: Առաջարկվող անիմացիայում քայլող մարդը ինչ-որ բան է տանում ուսերին կամ հետևից քաշում: Արդյունքում ավելի քան 2400 անիմատորներ ուղարկել են իրենց տարբերակները: Սկզբնական անիմացիայի հեղինակը հավաքել է բոլոր տարբերակները և ստեղծել 3մոտ ժամանոց վիդեո:
Առաջարկի հեղինակը նաև հավաքել է թոփ 100 վիդեոները մեկ վիդեոյի մեջ:
Cyberpunk 2077 խաղը վերջապես վերադարձավ PlayStation Store և հասանելի է ինչպես PS4, այնպես էլ PS5 կոնսոլների համար: Այնուամենայնիվ Sony ընկերությունը խորհուրդ է տալիս այն խաղալ PlayStation 5-ով կամ PS4 Pro-ով, քանի որ PS4-ի դեպքում կարող են լինել արագագործության խնդիրներ: Հիշեցնեմ, որ 2020թ. դեկտեմբերին այս խաղը ջնջվեց PS Store-ից (այս ընթացքում վաճառվում էր միայն սկավառակով), քանի որ այնտեղ առկա էին մեծ քանակով ծրագրային սխալներ: Խաղի հիմնադիր CD Projekt-ը նույնիսկ օգտատերերին առաջարկեց վերադարձնել խաղը և հետ ստանալ գումարը: Նշեմ, որ նոր սերնդի կոնսոլների համար ադապտացված Cyberpunk 2077 խաղը հավանաբար կթողարկվի 2021թ. երկրորդ կեսին:
Hyundai ընկերությունն այսօր պաշտոնապես դարձավ ռոբոտներ արտադրող Boston Dynamics-ի հիմնական սեփականատերը: Գործարքի գինը կազմել է 1.1 միլիարդ դոլար: Այսպիսով Hyundai-ին է պատկանելու Boston Dynamics-ի բաժնեմասերի 80%-ը, իսկ մնացած 20%-ը՝ Softbank-ին, որը 2017թ. գնել էր Boston Dynamics-ը Google-ից: Նշեմ, որ այս գործարքի մասին հաղորդվել էր դեռևս 2020թ. դեկտեմբերին:
