Վիդեոներ խմբագրելու Pika ծառայությունն այժմ թույլ է տալիս վերբեռնել ցանկացած տեսանյութ և փոխարինել դրանում առկա օբյեկտները: Փոխարինելու համար կարող եք օգտվել բառերով նկարագրել (text prompt) փոփոխությունը, կամ վերբեռնել նկար և նշել փոխարինվող օբյեկտը:
Pika-ից ծառայություններից կարող եք օգտվել անվճար, սակայն կան որոշակի սահմանափակումներ:
xAI ընկերությունը բոլորի համար ժամանակավոր անվճար հասանելի է դարձրել Grok 3 նեյրոցանցը, որն Իլոն Մասկի խոսքերով հանդիսանում է «ամենախելացին»: Grok 3 նեյրոցանցը հասանելի է ինչպես X-ում (նախկին Twitter), այնպես էլ պաշտոնական կայքում:
Grok 3-ի վճարովի բաժանորդագրությունը ներառում է ավելի ընդլայնված նեյրոցանց, ինչպես նաև նոր ֆունկցիաների վաղաժամ հասանելիություն (օր. ձայնային ռեժիմ)
Microsoft ընկերությունը թողարկել է Windows 11-ի հերթական բետա տարբերակը (Insider Preview Build 22635.4950): Նոր տարբերակում թարմացվել է Start մենյուն, ինչպես նաև հայտնվել է ֆայլերի արագ փոխանակման նոր վահանակ: Նոր Start մենյուի բոլոր ծրագրերը ցուցադրելու «All» ռեժիմը ներառում է երկու ենթառեժիմ՝ Grid և Category:
Grid-ի դեպքում ծրագրերը դասավորվում են այբբենական, իսկ Category ռեժիմում ծրագրերն ավտոմատ խմբավորվում են ըստ կատեգորիաների և դասավորվում ըստ օգտագործման հաճախակիության: Start մենյուի կողքի հատվածում ցուցադրվում են նաև համակարգչին կցված Android սմարթֆոնի ծանուցումները:
Մյուս նորույթը ֆայլերի արագ փոխանակման վահանակն է, որը ցուցադրվում է էկրանին, եթե սեղմեք ֆայլի վրա և քաշեք վերև: Նախորդ բետա տարբերակում այս վահանակն ակտիվացնելու համար պետք էր օգտվել լրացուցիչ գործիքներից:
Նշեմ, որ Windows 11-ի բետա թարմացումները ստանալու համար պետք է ակտիվացնել Insider Program-ը:
Մեկ տարվա դադարից հետո որոշել եմ վերսկսել Armblog.net-ը գործունեությունը: Կփորձեմ բլոգի հետևորդներին նորից տեղեկացնել ՏՏ աշխարհում կատարվող նորարարություններին ու կիսվել օգտակար գրառումներով: Նման երկարատև դադարից հետո դժվար է միանգամից ապահովել գրառումների նույն ինտենսիվությունը, սակայն ժամանակի ընթացքում հուսով եմ կվերադառնամ նույն տեմպին: Շնորհակալ եմ բլոգի հետևորդներից, ովքեր այս ընթացքում նամակներով փորձում էին հասկանալ, թե ինչու է դադարել բլոգի գործունեությունը և ցանկանում էին բլոգում տեսնել նոր օգտակար և հետաքրքիր գրառումներ:
Ցանկանում եմ տեղեկացնել, որ դադարից հետո առաջին գրառումը նվիրում եմ Անդրոիդի համար վերջերս իմ կողմից ստեղծված հայտնի Ալիաս խաղի հայերեն տարբերակին, որը միակը չի, սակայն ունի որոշ առավելություններ, որոնց կանդրադառնամ այս գրառման մեջ: Հիշեցնեմ, որ մոտ 15 տարի առաջ բլոգի առաջին գրառումը նույնպես նվիրված էր իմ կողմից ստեղծված խաղերից մեկին:
Այսպիսով ներկայացնում եմ Ալիաս խաղը, որտեղ պահանջվում է խաղաքարտի բառերը բացատրել թիմակիցներին այլ բառերով՝ առանց արմատ օգտագործելու: Արգելվում է նաև բացատրելու ընթացքում օգտագործել տվյալ բառի այլ լեզուներով տարբերակները (թարգմանությունները):
Յուրաքանչյուր գուշակած բառի համար թիմը ստանում է 1 միավոր: Խաղաքարտի վրայի բոլոր բառերը գուշակելու դեպքում ցուցադրվում է նոր խաղաքարտ՝ նոր բառերով: Եթե բացատրողը խախտում է կանոնները (օրինակ արմատ է օգտագործում), ապա նա այլևս չի կարող տեսնել հաջորդ քարտը: Նա կարող է միայն բացատրել տվյալ խաղաքարտի մնացած բառերը:
Խաղում հասանելի է նաև «ՄԵկ բառ» ռեժիմ, որտեղ խաղաքարտի վրա ցուցադրվում է ընդամենը մեկ բառ: Հնարավորություն կա բաց թողնել այդ բառը և անցնել հաջորդ բառին, սակայն այդ դեպքում թիմից հանվում է 1 միավոր յուրաքանչյուր բաց թողնված բառի համար:
Խաղի առավելություններն են`
⮞Ամբողջովին անվճար
⮞Չի ներառում գովազդ
⮞Ավելի քան 7000 բառ
⮞Դժվարության ճկուն ընտրություն (հեշտ ռեժիմը կարող են խաղալ նաև երեխաները)
⮞Յուրաքանչյուր փուլի վերջում արհեստական բանականության միջոցով գեներացված ձայնի միջոցով հաղորդվում է վաստակած միավորների քանակը (հայերենով):
Ալիաս խաղում հնարավոր է ընտրել՝
⮞Խաղի տեսակը («Քարտ» կամ «Մեկ բառ»)
⮞Բառերի դժվարությունը («Հեշտ», «Միջին»,«Դժվար»,«Խառը»)
⮞Միավորների առավելագույն քանակը
⮞Փուլի տևողությունը (վայրկյաններով)
⮞Թիմերի քանակը
⮞Թիմերի անունները
⮞Քարտի բառերի քանակը