Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
7 տարեկան երեխան կարողացել է հեշտ ձևով շրջանցել iOS 12-ի ժամանակային սահմանափումը

7 տարեկան երեխան կարողացել է հեշտ ձևով շրջանցել iOS 12-ի ժամանակային սահմանափումը


Համացանցի օգտատերերի մեկը մի հետքրքիր ու զավեշտալի միջադեպ է տեղադրել Reddit-ում: Նա գրել է, որ որոշել է օգտվել iOS 12-ում հայտնված նոր գործառույթներից մեկից՝ հավելվածների վրա ժամանակային սահմանափակում դնելուց: Այս գործառույթի միջոցով հնարավոր է օրինակ երեխաների սմարթֆոնների վրա ժամանակով սահմանափակել որոշ հավելվածների օգտագործումը: Ժամանակը լրանալուց հետո այն պահանջում է «ծնողի» գաղտնաբառը:


Օգտատերը հետագայում պարզել է, որ իր երեխան ժամանակը լրանալուց հետո կարղանում է խաղալ սահմանափակված խաղերը: Երեխան խոստովանել է, որ կարողացել է դա անել մի պարզ մեթոդով. ընդամենը պետք է ջնջել սահմանափակված խաղը և նորից տեղադրել :) Փաստորեն iOS 12-ի ծրագրավորողները չեին կանխատեսել այսպիսի սցենար:
Samsung-ը ներկայացրեց 3 հիմնական տեսախցիկ ունեցող A7 (2018) սմարթֆոնը

Samsung-ը ներկայացրեց 3 հիմնական տեսախցիկ ունեցող A7 (2018) սմարթֆոնը


Samsung ընկերությունը ներկայացրեց Galaxy A7 (2018) նոր սմարթֆոնը: Այս սարքը հանդիսանում է Samsung-ի կողմից թողարկված առաջին սմարթֆոնը, որն ունի երեք հիմնական տեսախցիկ: Նոր սմարթֆոնի հետևի հատվածում տեղադրված են f/1.7 24 ՄՊ, f/2.4 8ՄՊ և f/2.2 5ՄՊ տեսխացիկներ, որոնք դասավորված են ուղղահայաց ուղղությամբ: Սմարթֆոնի առջևում տեղադրված է f/2.0 24 ՄՊ տեսախցիկը: Տեսախցիկներում առկա են Live Focus, Selfie Focus, Pro Lightning Mode, AR Emoji, Scene Optimizer տեխնոլոգիաները:


Galaxy A7 սմարթֆոնն ունի 6 դյույմանոց AMOLED էկրան (2220×1080), 8 միջուկանի 2.2ԳՀց պրոցեսոր, 4/6 ԳԲ օպերատիվ և 64/128ԳԲ ներքին հիշողություն: Հնարավորություն կա մեծացնել հիշողության ծավալը microSD քարտի հաշվին: Սմարթֆոնի մարտկոցը 3300 մԱ/ժ է:


Samsung-ը նոր լուծում է գտել նաև մատնահետքի սկաներ համար ու այն տեղադրել է անսովոր վայրում՝ սմարթֆոնի կողքը գտնվող անջատել/միացնելու կոճակի մեջ:


Galaxy A7 սմարթֆոնը հասանելի կլինի 4 գույներով՝ կապույտ, սև, ոսկեգույն և վարդագույն: Սմարթֆոնի վաճառքը կմեկնարկի մի քանի շաբաթից: Գնի մասին առայժմ տեղեկություններ չկան:
Xiaomi-ն ներկայացրեց բազմերանգ Mi 8 Lite և Mi 8 Pro սմարթֆոնները

Xiaomi-ն ներկայացրեց բազմերանգ Mi 8 Lite և Mi 8 Pro սմարթֆոնները


Xiaomi ընկերությունն այսօր ներկայացրեց Mi 8 ընտանիքի երկու նոր սմարթֆոններ՝ Mi 8 Lite (Youth) և Mi 8 Pro (Fingerprint Edition): Mi 8 Lite սմարթֆոնը հանդիսանում է Mi 8 սմարթֆոնի թեթևացված տարբերակը: Mi 8 Lite-ն ունի 6.26 դյույմանոց 2560х1080 էկրան, Snapdragon 660 պրոցեսոր, 3350 մԱ/ժ մարտկոց: 


Սմարթֆոնի ետնամասում հորիզոնական դիրքով տեղադրված են 12ՄՊ և 5ՄՊ տեսախցիկները, իսկ մի փոքր ներքև գտնվում է մատնահետքի սկաները: Սմարթֆոնի էկրանի վերևի հատվածն ունի կտրվածք, որի մեջ տեղադրված է 24ՄՊ տեսախցիկն ու դեմքի ճանաչման ինֆրակարմիր սենսորները:


Mi 8 Lite սմարթֆոնները ներկայացնելու ժամանակ Xiaomi-ն համեմատականներ տարավ դրանց և վերջերս ներկայացված Apple iPhone Xr սմարթֆոնների չափսերի միջև:



Mi 8 Lite սմարթֆոնները հասանելի են 4/64 ԳԲ, 6/64ԳԲ և 6/128 ԳԲ տարբերակներով: Mi 8 Lite և Pro սմարթֆոնները հանդիսանում են Xiaomi-ի առաջին սմարթֆոնները, որոնք Huawei-ի որոշ մոդելների նման ունեն գրադիենտ երանգներ: 


Տվյալ պահին հասանելի են կապույտ, վարդագույն/նարնջագույն և սև երանգները: Mi 8 Lite սմարթֆոնը մոդելից կախված վաճառվելու է 204, $248 և $292 դոլարով:


Xiaomi-ի կողմից ներկայացված երկրորդ մոդելը՝ Mi 8 Pro սմարթֆոնը Mi 8-ից տարբերվում է միայն նրանով, որ մատնահետքի սկաները տեղադրված է ամբողջ էկրանի մեջ: Հիշեցնեմ, որ Mi 8-ի մատնահետքի սկաները տեղադրված է հետնամասում, իսկ Mi 8 Explorer Edition-ի սկաները՝ էկրանի մեջ: 


Փաստացի Mi 8 Pro-ն հանդիսանում է Explorer Edition-ի գլոբալ տարբերակը: Սակայն Xiaomi-ն Mi 8 Pro-ի մեջ չի տեղադրել Explorer Edition-ի 3D դեմքի ճանաչման սկաները:


Mi 8 Pro-ն ունի 6,21 դյույմանոց AMOLED էկրան (2248х1080), Snapdragon 845 պրոցեսոր, կրկնակի GPS մոդուլ, 3400 մԱ/ժ մարտկոց: Սմարթֆոնի ետնամասում ուղղահայաց դիրքով տեղադրված են 12ՄՊ երկու տեսախցիկներ, իսկ առջևի մասում՝ 20 ՄՊ:


Xiaomi Mi 8 Pro սմարթֆոնները հասանելի են 6/128 ԳԲ և 8/128ԳԲ տարբերակներով և սև, գրադիենտ ոսկեգույն երանգներով: Xiaomi Mi 8 Pro մոդելը ունենալու է նաև կիսաթափանցիկ ետնամասով տարբերակ (Explorer Edition-ի նման): Մոդելից կախված Mi 8 Pro սմարթֆոնները վաճառվելու են 465 կամ 525 դոլարով:


Վերջում նշեմ նաև, որ Xiaomi Mi 8 ընտանիքն այժմ ներառում է հետևյալ սմարթֆոնները՝ Mi 8 Lite, Mi 8 Se, Mi 8, Mi 8 Pro, Mi 8 Explorer Edition: Նախկինում ներկայացված Mi 8 սմարթֆոնների մասին կարող եք կարդալ իմ նախորդ գրառումներից մեկում:
Sony-ն թողարկել է PlayStation Classic կոնսոլ, որը ներառում է 2 ջոյստիկ և 20 խաղ

Sony-ն թողարկել է PlayStation Classic կոնսոլ, որը ներառում է 2 ջոյստիկ և 20 խաղ


Sony ընկերությունը որոշել է հետ չմնալ Nintendo-ից և թողարկել է ռետրո ոճի PlayStation Classic խաղային կոնսոլ: Այս կոնսոլն արտաքնապես նման է 25 տարի առաջ թողարկված PlayStation կոնսոլին, սակայն մոտ 45%-ով ավելի փոքր չափսեր ունի:

Այս կոնսոլը փաթեթում ներառված են նաև երկու ջոյստիկներ, USB և HDMI լարեր:  


PlayStation Classic-ի մեջ ներդրված են 20 խաղեր (Final Fantasy VII, Jumping Flash, Ridge Racer Type 4, Tekken 3, Wild Arms և այլն): 


PlayStation Classic կոնսոլի վաճառքը կմեկնարկի 2018 թվականի դեկտեմբերի 3-ին և կարժենա մոտ 100 դոլար: Հիշեցնեմ, որ առաջին Playstation կոնսոլը ևս թողարկվել էր դեկտեմբերի 3-ին (1994 թվականին):
Photorobot: Նոր հայկական խաղ iOS-ի և Android-ի համար

Photorobot: Նոր հայկական խաղ iOS-ի և Android-ի համար


Բլոգի նախորդ գրառումներից մեկում անդրադարձել էի երիտասարդ ծրագրավորող Կարեն Հակոբյանի կողմից ստեղծված 2048 խաղի հայկական տարբերակին, որտեղ թվերի փոխարեն հայոց այբուբենի տառերն են: Այս անգամ Կարենը ստեղծել է Photorobot կոչվող խաղը, որտեղ պետք է մի քանի վայրկյան ուշադիր նայել մարդու դեմքին և փորձել հավաքել նրա ֆոտոռոբոտը: Խաղի ընթացքում հնարավորություն կա նաև օգտվել հուշումից և նորից տեսնել վերջնական դեմքը, սակայն հուշումների քանակը սահմանափակ է:


Photorobot խաղը հասանելի է երկու տարբեր հավելվածներով՝ Photorobot և Photorobot 2: Առաջին տարբերակում պետք է հավաքել կանանց ֆոտոռոբոտներ, իսկ երկրորդում՝ տղամարդկանց:

YouTube-ում ավելացել է դիտված վիդեոների ժամանակի հաշվիչ

YouTube-ում ավելացել է դիտված վիդեոների ժամանակի հաշվիչ


YouTube-ի բջջային հավելվածների վերջին տարբերակներում ավելացել են մի քանի գործիքներ, որոնք նախատեսված են YouTube-ում անցկացվող ժամանակը կառավարելու համար: Այս նոր գործիքները տեսնելու համար պետք է սեղմել պրոֆիլի նկարի վրա և բացել Time watched ենթաբաժինը:


Այս ենթաբաժնում ցուցադրվում է ինչպես ընթացիկ և նախորդ օրվա, այնպես էլ նախորդ շաբաթվա ընթացքում վիդեոներ դիտելու վրա ծախսված ժամանակը: Վիճակագրական տվյալների մեջ ցուցադրվում է նաև օրական միջին ցուցանիշը: Այս նոր գործիքների ենթաբաժնում ավելացել է նաև մի կարգավորում, որով կարող եք միացնել ընդմիջում անելու հիշեցումը (օրինակ օրական 1 ժամից ավել վիդեո դիտելու դեպքում ստանալ ծանուցում):


Ի դեպ, ծանուցումների հետ կապված նոր կառավարող գործառույթներ են ավելացել: Կարող եք ընտրել ժամը և օրվա մեջ մի անգամի ստանալ ամփոփիչ ծանուցում: Կարող եք նաև ընտրված ժամանակահատվածում անջատել ծանուցումների ձայնն ու վիբրացիան:

Չստացված ամուսնության առաջարկություն Marvel’s Spider-Man խաղում

Չստացված ամուսնության առաջարկություն Marvel’s Spider-Man խաղում


Թայլեր Շուլց անունով վիդեոբլոգերը ս.թ. մայիսին մտածեց ընկերուհուն ամուսնության առաջարկություն անելու մի հետաքրքիր տարբերակ: Նա Թվիթերում խնդրեց Insomniac ընկերությանը ապագայում թողարկվող Marvel’s Spider Man խաղում տեղադրել թաքնված «Զատկի ձու» և ինչ-որ կերպ ներառել իր ամուսնության առաջարկությունը: 


Հետաքրքիրն այն է, որ Insomniac-ը արձագանքեց նրա այդ գրառմանը և ս.թ. սեպտեմբերի 7-ին թողարկված Marvel’s Spider Man խաղի կինոթատրոններից մեկի վրա գրված է՝ MADDIE, WILL YOU MARRY ME? (Մեդդի, կամուսնանա՞ս ինձ հետ):


Թվում է թե այս պատմությունն ունի բարի վերջաբան: Սական Թայլերը YouTube-ում տեսահոլովակ է տեղադրել (տվյալ պահին ջնջված է), որտեղ ասվում է, որ իր ընկերուհին խաղի թողարկումից շաբաթներ առաջ բաժանվել է իրենից: Վիդեոբլոգերն այնուամենայնիվ շնորհակալություն է հայտնել խաղի հեղինակներին, որ չմերժեցին իր խնդրանքը: Հետաքրքիր է, որ Insomniac ընկերությունն այն անգամ ևս արձագանքեց Թայլերին և առաջարկեց փոխել ցուցանակի վրա գրված անունը: 


Թայլերը առաջարկեց գրել իր տատիկի անունը, ով նրան փոքր տարիքում նվիրել է Spider Man կոմիքսների գիրքը: Տվյալ պահին Թվիթերի այս խոսակցությունների մեծ մասը ջնջված են, քանի որ որոշ օգտատերեր սկսել էին բացասական կարծիքներ գրել: Վերջում ներկայացնեմ խաղի քարտեզը, որտեղ մոտավոր նշված է այդ ցուցանակի հատվածը:


Եթե այս խաղում գտնեք նշված կինոթատրոնն ու ցուցանակը, իմացեք, որ դրա հետևում թաքնված է այս պատմությունը: Հիշեցնեմ, որ Marvel’s Spider-Man խաղը հասանելի է միայն PlayStation 4 կոնսոլների վրա:
Xiaomi-ն վաճառքի է հանել Xr, Xs և Xs Max հավաքածուներ

Xiaomi-ն վաճառքի է հանել Xr, Xs և Xs Max հավաքածուներ


Չինական ընկերությունները շարունակում են անդադառնալ վերջերս Apple-ի կողմից ներկայացված iPhone Xr, Xs և Xs Max սմարթֆոններին: Xiaomi ընկերությունն իր կայքում տեղադրել է Xr, Xs և Xs Max հավաքածուներ, որոնք համանուն iPhone-ների գներով ներառում են միանգամից մի քանի Xiaomi սարքեր: Xr հավաքածուն ներառում է Mi 8 SE (6/128) սմարթֆոն, Mi Band 3 թևնոց, 12.5 դյույմանոց Mi Notebook Air (4/256) նոթբուք և Mi Bluetooth Headset Mini ականջակալ:


Xs հավաքածուն ներառում է Mi Mix 2S (8/256), 13.3 դյույմանոց Mi Notebook Air, Mi Band 3 թևնոց և Mi Bluetooth Headset Mini ականջակալ:



Xs Max հավաքածուն ներառում է Mi 8 (6/128), 15 դյույմանոց Mi Notebook Pro 2018, Mi Bluetooth Collar Headset ականջակալ և Mi Band 3 թևնոց:
Apple-ը վաճառքից հանել է iPhone X, 6s, 6s Plus և SE մոդելները

Apple-ը վաճառքից հանել է iPhone X, 6s, 6s Plus և SE մոդելները


Apple ընկերությունն իր պաշտոնական կայքում վաճառքից հանել է iPhone X, 6s, 6s Plus և SE մոդելները: Հետաքրքիր է, որ անցած տարի ներկայացված iPhone X մոդելը վաճառքում մնաց ընդամենը մեկ տարի: Apple-ը հավանաբար գնացել է այս քայլին, որպեսզի խթանի iPhone Xs և iPhone Xs Max սմարթֆոնների վաճառքը: Նշեմ, որ iPhone 6s, 6s plus և SE սմարթֆոնները հանդիսանում էին վաճառքում առկա միակ մոդելները, որոնք ունեին ականջակալների 3.5մմ բնիկ:
Huawei ընկերությունն անդրադարձել է նոր iPhone-ներին՝ «Շնորհակալություն, որ նոր բան ցույց չտվեցիք»

Huawei ընկերությունն անդրադարձել է նոր iPhone-ներին՝ «Շնորհակալություն, որ նոր բան ցույց չտվեցիք»


Huawei ընկերությունն իր Twitter-ի էջում տեղադրել է մի քանի գրառումներ, որոնցում անդրադարձել է երեկ ներկայացված նոր iPhone-ներին: Առաջին գրառման մեջ նշված է՝ «Շնորհակալություն, որ մեզ թույլ տվեցիք դառնալ այս տարվա իրական հերոսը: Կհանդիպենք Լոնդոնում 16.10.18-ին:»


Huawei ընկերությունն այսքանով չի բավարարվել և երկրորդ գրառման մեջ գրել է՝ «Շնորհակալություն, որ մեզ աջակցում եք որպես նորարարներ: Կհանդիպենք Լոնդոնում 16.10.18-ին»:

Իսկ երրորդ գրառման մեջ Huawei ընկերությունը գրել է՝ «Շնորհակալություն, որ նոր բան ցույց չտվեցիք»:



Հիշեցնեմ, որ ս.թ. հոկտեմբերի 16-ին Huawei ընկերությունը ցուցադրելու է Mate20 սմարթֆոնները:
Apple-ը ներկայացրեց iPhone Xs, iPhone Xs Max և iPhone Xr սմարթֆոնները

Apple-ը ներկայացրեց iPhone Xs, iPhone Xs Max և iPhone Xr սմարթֆոնները


Apple ընկերությունը ներկայացրեց iPhone Xs, iPhone Xs Max և iPhone Xr մոդելները: Միանգամից նշեմ, որ ներկայացման ժամանակ այս անվանումները հնչեցին որպես 10, այլ ոչ թե X: Ներկայացված բոլոր սմարթֆոններն ունեն iPhone X-ի էկրանի կտրվածքը և զրկված են Home կոճակից:



Նոր սմարթֆոններում տեղադրված է 6,9 միլիարդ տրանզիստորներից բաղկացած A12 Bionic նոր պրոցեսորը: Բոլոր սմարթֆոններում առկա է անլար լիցքավորման Qi տեխնոլոգիան:



iPhone Xs սմարթֆոնն ունի 5.8 դյույմանոց 2436х1125 (458 ppi) OLED էկրան: Չնայած էկրանի մեծ չափսին, այս սմարթֆոնի չափսն ավելի փոքր է նախորդ 5,5 դյույմանոց էկրանով մոդելի չափսից: 


iPhone Xs սմարթֆոնում ներդրված են բարելավվված Face ID, 3D Touch, Dolby Vision, HDR10 և IP68 տեխնոլոգիաները: Վերջինը թույլ է տալիս մոտ կես ժամ անվնաս մնալ մինչև 2 մետր խորության վրա:



iPhone Xs Max սմարթֆոնն ունի 6,5 դյույմանոց 2688×1242(458 ppi) OLED էկրան: iPhone Xs Max սմարթֆոնի չափսը գրեթե հավասար է նախորդ 5,5 դյույմանոց էկրանով մոդելի չափսին:


iPhone Xs և iPhone Xs Max սմարթֆոններում տեղադրված են թարմացված ու նոր սենսորներից բաղկացած տեսախցիկներ: Այս սմարթֆոնների հետնամասում տեղադրված է 12ՄՊ կրկնակի տեսախցիկ, որն աշխատում է արհեստական բանականության շնորհիվ: 


Smart HDR նոր ռեժիմը միանգամից կատարում է 9 լուսանկար և դրանք միացնելով ստանում է կատարելագործված լուսանկար: Հնարավորություն կա նաև փոխել արդեն նկարված լուսանկարի խորությունը: Սմարթֆոնների առջևի տեսախցիկը 7Մպ է: Այս տեսախցիկներով հնարավոր է նաև ձայնագրել ստերեո ձայնով տեսանյութեր:



iPhone Xs սմարթֆոնի մարտկոցը 30 րոպե ավելի երկար է դիմանում, քան iPhone X-ի մարտկոցը: Իսկ iPhone Xs Max սմարթֆոնի մարտկոցը՝ մոտ ժամ ու կես:



iPhone Xs և iPhone Xs Max սմարթֆոններում ավելացել է նաև երկու SIM քարտի հնարավորություն: Երկրորդ SIM քարտը eSIM է, որն աշխատում է միայն ԱՄՆ-ում: Ցուցադրության ժամանակ նշվեց, որ Չինաստանում երկրորդ SIM քարտը կարող է լինել սովորական քարտ:



iPhone Xs և iPhone Xs Max սմարթֆոնները հասանելի կլինեն 64, 256 և 512 ԳԲ տարբերակներով: iPhone Xs սմարթֆոնի գինը սկսվում է 999 դոլարից, իսկ iPhone Xs Max-ինը՝ $1099: Այս սմարթֆոնների վաճառքը կմեկնարկի ս.թ. սեպտեմբերի 21-ից: 



Նշեմ նաև, որ Հայաստանը նույնպես կար այն երկրների ցուցակում, որտեղ պաշտոնապես ս.թ. սեպտեմբերի 28-ից կմեկնարկի այս նոր սմարթֆոնների վաճառքը: Վաճառքում հասանելի կլինեն սև, սպիտակ-արծաթագույն և ոսկեգույն տարբերակները:



Apple ընկերությունը ներկայցրեց նաև «բյուջետային» iPhone Xr սմարթֆոնը, որի գինն իրականում այդքան էլ էժան չի՝ 750$: Այս սմարթֆոնն ունի 6.1 դյույմանոց 1792×828 (326 ppi) էկրան, որը կոչվում է Liquid Retina: Ինչպես արդեն նշեցի, այս սմարթֆոնը նույնպես ունի iPhone Xs-ի էկրանի կտրվածքը, աշխատում է նույն A12 Bionic պրոցեսորով և զրկված է Home կոճակից: Սմարթֆոնի կորպուսը պատրաստված է ապակուց և ալյումինից:


iPhone Xr սմարթֆոնի հետնամասում տեղադրված է 12Մպ սենսորով մեկ տեսախցիկ, սակայն Apple-ը հավաստիացնում է, որ այն գրեթե ոչնչով չի զիջում կրկնակի տեսախցիկներին: Սմարթֆոնի առջևի մասում տեղադրված է 7Մպ տեսացիկ, որը պատասխանատու է նաև Face ID տեխնոլոգիայի համար:



iPhone Xr սմարթֆոնները հասանելի են 6 գույներով՝ դեղին, կապույտ, սև, սպիտակ, կարմիր և կորալագույն: Այս սմարթֆոնների վաճառքը կմեկնարկի ս.թ. հոկտեմբերի 26-ին: Հասանելի կլինեն 64, 128 և 256ԳԲ մոդելները: