Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Նոր iPhone-ները կներկայացվեն սեպտեմբերի 12-ին

Նոր iPhone-ները կներկայացվեն սեպտեմբերի 12-ին


Սեպտեմբերի 12-ին Apple-ը կներկայացնի նոր iPhone-ները: Հրավիրատոմսի վրա պատկերված է Apple-ի նոր մասնաշենքի տեսքով օղակ, որի տակ գրված է «Gather round»: Այդ իրադարձությունը հեռարձակվելու է ուղիղ եթերով:
Տեսախցիկները ֆիքսել են թռչող Tesla ավտոմեքենա

Տեսախցիկները ֆիքսել են թռչող Tesla ավտոմեքենա


Թռչող Tesla ասելով միանգամից հասկանում ենք ամիսներ առաջ Իլոն Մասկի կողմից տիեզերք ուղարկված Tesla Roadster-ը, սակայն այս անգամ խոսքն այլ մեքենայի մասին է: Կանադայում անվտանգության տեսախցիկները ֆիքսել են Tesla Model S ավտոմեքենայի ցածր ու երկար թռիչքը ճանապարհի վրայով: Պարզվում է՝ վարորդը բարձր արագությամբ երթևեկելով չի հասցրել արգելակել գնացքի գծերի մոտ և դրանց պատճառով ստացվել է բավականին վտանգավոր և արկածային թռիչք: 


Երկար թռիչքից հետո մեքենան հայտնվել է դպրոցի բակում, իսկ վարորդն ու ուղևորը ստացել են թեթև մարմնական վնասվածքներ: Ոստիկանությունից հայտնում են, որ վարորդիմնկատմամվ դատական գործընթաց է սկսվել:

Xiaomi Pocophone F1 սմարթֆոնների վաճառքը նոր ռեկորդ է սահմանել

Xiaomi Pocophone F1 սմարթֆոնների վաճառքը նոր ռեկորդ է սահմանել


Հնդկաստանի Flipkart օնլայն հարթակում կայացել է Xiaomi Pocophone F1 սմարթֆոնների վաճառքը ընդամենը 5 րոպեում ամբողջ խմբաքանակը վաճառվել է: Flipkart-ը տեղեկացնում է, որ 5 րոպեում վաճառվել է 2 միլիոն հդնկական րուփփիի սմարթֆոն և սա այս հարթակի համար ամենաարագ և ամենամեծ ցուցանիշն է: 


Վաճառված սմարթֆոնների քանակը չի նշվում, բայց եթե այդ գումարը բաժանենք բազային մոդելի գնի, ապա կստացվի մոտ 100.000 սմարթֆոն, իսկ բարձր մոդելների դեպքում կստացվի մոտ 69.000 սմարթֆոն: Միջինացված ցուցանիշով կստացվի, որ վաճառվել է մոտ 84.000 Pocophone F1 սմարթֆոն: Նշեմ, որ շատ շուտով կմեկնարկի այս սմարթֆոնի գլոբալ վաճառքը:
Instagram-ի օգտատերերն արդեն կարող են հայտ ներկայացնել և ստանալ «ստուգված» պրոֆիլի նշանը

Instagram-ի օգտատերերն արդեն կարող են հայտ ներկայացնել և ստանալ «ստուգված» պրոֆիլի նշանը


Instagram-ի ցանկացած օգտատեր այժմ կարող է հայտ ներկայացնել և ստանալ «ստուգված» պրոֆիլի նշանը: Պետք է ընդամենը բացել Instagram հավելվածի կարգավորումները և Request verification բաժնում կցել անձնագրի նկարը: Առայժմ պարզ չի, թե ինչ բնութագրերի հիման վրա են հայտերը մերժվելու կամ հաստատվելու:


Instagram-ի մյուս նորույթն այն է, որ կարող եք տեսնել ցանկացած պրոֆիլի մասին ավելի մանրամասն տվյալներ՝ գրանցման ամսաթիվը, երկիրը, տարվա կտրվածքով օգտանվան փոփոխությունները, տեղադրված գովազդները: 


Հնարավոր է նաև տեսնել այն պրոֆիլները, որոնց բաժանորդագրված են տվյալ օգտատիրոջ բաժանորդները:


Instagram-ում ավելացել է նաև կողմնակի հավելվածների միջոցով երկքայլ աուտենտիֆիկացիա կատարելու գործառույթ:
Օրվա կադրը

Օրվա կադրը


Ուղարկեց Սերգեյ Հակոբյանը

Maps.me հավելվածի քարտեզներում հայտնվել են 156 քաղաքների մետրոների սխեմաները

Maps.me հավելվածի քարտեզներում հայտնվել են 156 քաղաքների մետրոների սխեմաները


Maps.me անվճար հավելվածը շարունակում է համալրվել նոր ու օգտակար ֆունկցիաներով: Այս հավելվածի նոր տարբերակներում հասանելի են 156 քաղաքների մետրոների սխեմաները (Երևան քաղաքինը նույնպես կա): Մետրոների սխեմաներից կարելի է օգտվել երկու եղանակով: Նախևառաջ կարելի է միացնել մետրոյի «շերտը» և քարտեզի վրա տեսնել սխեման:


Հնարավոր է նաև նշել նշանակետը և որպես տրանսպորտային միջոց ընտրել մետրոն: Այս դեպքում Maps.me-ն օֆլայն ռեժիմում ճանապարհը կկառուցի մետրոյի կայարաններով:


Maps.me հավելվածն անվճար հասանելի է Android և iOS համակարգերի վրա: Եթե Ձեր սմարթֆոնի մեջ արդեն կա տեղադրված այս հավելվածը և մետրոների սխեմաները չկա, ապա տեղադրեք վերջին տարբերակը:
Xiaomi-ն ներկայացրեց Snapdragon 845 պրոցեսորով աշխատող բավականին էժան POCO F1 սմարթֆոնը

Xiaomi-ն ներկայացրեց Snapdragon 845 պրոցեսորով աշխատող բավականին էժան POCO F1 սմարթֆոնը


Xiaomi ընկերությունը պաշտոնապես ներկայացրեց POCO F1 սմարթֆոնը, որը հանդիսանում է Xiaomi-ի նոր ենթաբրենդի՝ POCO-ի առաջին սմարթֆոնը: Այս նոր սմարթֆոնն ունի Snapdragon 845 պրոցեսոր, 6/8ԳԲ օպերատիվ հիշողություն, 64/128/256ԳԲ ներքին հիշողություն (microSD-ով շատացնելու հնարավորություն), 6.18 դյույմանոց 2248×1080 IPS էկրան: 


Սմարթֆոնի հետնամասում տեղադրված է կրկնակի տեսախցիկ (12+5ՄՊ) և մատնահետքի սկաներ: Սմարթֆոնի էկրանն առջևում ունի մեծ կտրվածք, որի մեջ տեղադրված է 20ՄՊ տեսախցիկ և դեմքի ճանաչման ինֆրակարմիր սենսոր: 


POCO F1-ի մարտկոցը 4000 մԱ/ժ է: Այս սմարթֆոնի մեջ տեղադրված է նաև պրոցեսորի հովացման համակարգ, որն աշխատում է հատուկ հեղուկով: Սմարթֆոնն աշխատում է Android 8.1 Oreo օպերացիոն համակարգով:


POCO F1-ի վաճառքի կմեկնարկի ս.թ. օգոստոսի 29-ին Հնդկաստանում: Հասանելի կլինեն սև, կապույտ և կարմիր երանգները: Սմարթֆոնի հետ կվաճառվեն նաև պաշտոնական պատյաններ: 


Սմարթֆոնը Հնդկաստանում կվաճառվի հետևյալ գներով՝

6/64 ԳԲ - մոտ 145.000 դրամ
6/128 ԳԲ - մոտ 160.000 դրամ
8/256 ԳԲ - մոտ 195.000 դրամ


Օգոստոսի 27-ին հայտնի կդառնա, թե այս սմարթֆոնը մնացած որ երկրներում վաճառքի կհանվի ու ինչ գներով:
Հայերեն ստիկերներ Telegram-ի համար

Հայերեն ստիկերներ Telegram-ի համար


Քանի որ վերջերս Հայաստանում մեծ տարածում է գտել Telegram մեսինգերը, այդ պատճառով հատուկ  Telegram-ի համար ստեղծել եմ հայերենում հաճախ օգտագործվող արտահայտությունների ստիկերները: ArmPhrase ստիկերների հավաքածուն Ձեր Տելեգրամի մեջ ավելացնելու համար պարզապես բացեք ներքևի հղումը: Տվյալ պահին ArmPhrase-ում կան 35 ստիկերներ, որոնց թիվն ապագայում կշատանա:

Ինչպե՞ս գնումներ կատարել AliExpress-ի Ռուսաստանի պահեստից և արագ ստանալ պատվերը

Ինչպե՞ս գնումներ կատարել AliExpress-ի Ռուսաստանի պահեստից և արագ ստանալ պատվերը


Հաճախ է պատահում, որ չինական AliExpress-ից ապրանք ենք ուզում գնել, սակայն պատվերներն այնքան ուշ են հասնում Հայաստան (երբեմն 3 ամիս), որ այդ ցանկությունն իսկույն վերանում է: Չնայած վերջերս պատվերներ առաքող հայկական ընկերությունները սկսել են ապրանքներ առաքել Չինաստանից, սակայն AliExpress-ի դեպքում հիմնականում սա չի աշխատում, իսկ չինական մյուս կայքերի դեպքում պետք է երկար ու դժվար քայլեր կատարել:


Պարզվում է, որ AliExpress-ն ունի Tmall օնլայն խանութ, որտեղ տեղադրված են ստուգված ու պաշտոնական վաճառողները: Tmall-ի վաճառողները հիմնականում պատվերներն առաքում են հենց Ռուսաստանի պահեստներից: Համոզվելու համար բացեք Tmall-ից որևէ ապրանքի էջ և կտեսնեք, որ առաքող երկիրը նշված է Ռուսաստան (օրինակ այս ապրանքը):


Ռուսաստանի պահեստից գնումներ կատարելու մյուս տարբերակն այն է, որ AliExpress-ում ապրանք որոնելու ժամանակ պետք է որոնման պարամետրերում նշել Ռուսաստանի պահեստի առկայությունը:


Ռուսաստանից պատվերներ առաքելու համար կարող եք օգտվել սովորական փոստային առաքումից (ՀայՓոստի միջոցով): Այս դեպքում Չինաստանի պահեստից ավելի շուտ կհասնի պատվերը, սակայն երաշխիք չկա, որ այն մի քանի օրից կհասնի Հայաստան: Երաշխավորված առաքում ապահովելու համար կարող եք օգտվել Հայաստան պատվերներ առաքող ընկերություններից մեկից: Օրինակ կարող եք գրանցվել Գլոբբինգում և պատվերի առաքման հասցե նշել Գլոբբինգի Ռուսաստանի հասցեն: Այս դեպքում կստացվի, որ AliExpress-ից կատարված գնումները կարող եք ստանալ մոտ երկու շաբաթում:


Վերջում տեղադրեմ AliExpress-ում տեխնիկա վաճառող հայտնի բրենդների պաշտոնական կամ ստուգված էջերի հասցեները:

Lenovo-ն թողարկել է iPhone X-ի պատճեն՝ Motorola P30 սմարթֆոնը

Lenovo-ն թողարկել է iPhone X-ի պատճեն՝ Motorola P30 սմարթֆոնը


Lenovo ընկերությունը պաշտոնապես ներկայացրեց Motorola P30 սմարթֆոնը, որն արտաքնապես շատ նման է iPhone X-ին: Lenovo-ն այսքանով չի բավարարվել և որոշ էլեմենտներ պատճենահանել է նաև Huawei սմարթֆոնի յուրահատուկ երանգը:


Այս նոր սմարթֆոնն ունի ոչ այդքան գերհզոր տեխնիկական պարամետրեր՝ 8 միջուկանի Qualcomm Snapdragon 636 պրոցեսոր, 6ԳԲ օպերատիվ և 64/128Գբ ներքին հիշողություն: Սմարթֆոնն ունի նաև microSD քարտի հնարավորություն, որը տեղադրվում է երկրորդ SIM քարտի փոխարեն: Սմարթֆոնն ունի 6,2 դյույմանոց IPS էկրան՝ 19:9 կողմերի հարաբերակցությամբ (2246х1080): 


Սմարթֆոնի հետնամասում տեղադրված են 16ՄՊ և 5ՄՊ տեսախցիկներ, իսկ առջևում՝ 12ՄՊ: Այս տԵսախցիկներն աշխատում են արհեստական բանականությամբ՝ ավելի որակյալ լուսանկար նկարելու համար: Հետնամասում տեղադրված է նաև մատնահետքի սկաները, որը գտնվում է Motorola-ի տարբերանշանի տակ: Motorola P30 սմարթֆոնի մարտկոցը 3000 մԱ/ժ է:


Սմարթֆոնը հասանելի է երեք երանգներով՝ սև, սպիտակ և բազմագույն (Huawei P20 Pro-ի նման): Motorola P30 սմարթֆոի բազային մոդելն արժի $300:

ԲԱՑԱՀԱՅՏՈՒՄ - Էկսորցիզմ (Էնֆիլդի սարսափը)

ԲԱՑԱՀԱՅՏՈՒՄ - Էկսորցիզմ (Էնֆիլդի սարսափը)

Epic Games-ը համացանցում տեղադրել է Unreal Engine սովորելու անվճար վիդեոդասեր

Epic Games-ը համացանցում տեղադրել է Unreal Engine սովորելու անվճար վիդեոդասեր


Epic Games ընկերությունը թողարկել է Unreal Engine Online Learning պլատֆորմը, որտեղ ցանկացած օգտատեր կարող է անվճար ուսումնասիրել Unreal Engine խաղային գրադարանը: Այս օգտակար պլատֆորմում վիդեոդասերը դասակարգված են ըստ 4 բաժինների՝ Game Development, Architecture, Industrial Design և Media and Entertainment: Եթե ցանկանում եք դառնալ համակարգչային խաղեր նախագծող, ապա անպայման նայեք այս վիդեոդասերը: Նշեմ, որ Unreal Engine գրադարանը տարիներ առաջ դարձավ անվճար: Unreal Engine Studio-ն կարող եք ներբեռնել այստեղից:

Հայ ծրագրավորողներն արդեն կարող են իրենց վճարովի հավելվածները տեղադրել ու վաճառել «Google Play»-ում

Հայ ծրագրավորողներն արդեն կարող են իրենց վճարովի հավելվածները տեղադրել ու վաճառել «Google Play»-ում


ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը հաղորդագրություն է տարածել, որտեղ ասվում է, որ այսուհետ մոբայլ ծրագրավորողները կարող են Հայաստանից «Android Google Play»-ում տեղադրել և վաճառել իրենց ստեղծած հավելվածները։

Մինչ այժմ հայ ծրագրավորողները «Google play»-ում անվճար հավելվածներ տեղադրելու հնարավորություն ունեին, որոնք հասանելի էին ամբողջ աշխարհում: Սակայն վճարովի հավելված կամ հավելված, որը կարող է պարունակել ներհավելվածային գնումներ (In-app purchase), Հայաստանում բացված ծրագրավորողի հաշիվները (Developer account) տեղադրել չէին կարող, քանի որ Հայաստանը ընդգրկված չէր Google-ի կողմից թույլատրված երկրների ցանկում: Տեղական ընկերությունները ստիպված էին լինում այլ երկրներում բացել «Developer account» և հարկ վճարել այլ երկրներում ստացված վաճառքների դիմաց։ Դժվարություններ էին լինում նաև գումարը ստանալիս, քանի որ «Google»-ը ուղարկում էր գումարը միայն տվյալ երկրում բացված բանկային հաշիվներին:

Հայ մասնագետները բազմիցս բարձրաձայնել էին այս անհարմարության մասին: ՀՀ տրանսպորտի, կապի և տեղեկատվական տեխնոլոգիաների նախարարության և «Google» ընկերության ներկայացուցիչների միջև դեռ նախորդ տարվանից բանակցություններ էին ընթանում այս ուղղությամբ։

Վերջապես նախորդ շաբաթ այդ բանակցությունները հաջողությամբ ավարտվեցին: Հայաստանում գրանցված ընկերությունները կարող են վաճառել իրենց հավելվածները «Google Play»-ում և ստանալ եկամուտներ:

Սա իրական խոչընդոտ էր հայ ծրագրավորողների համար: Դրա վերացման արդյունքում Հայաստանում արտադրվող մոբայլ հավելվածների թիվն այսուհետ կաճի, միջազգային շուկայում դրանց սպառման ծավալները կավելանան:
Google-ը հետևում է Ձեր տեղաշարժին: Ինչպե՞ս ամբողջովին անջատել

Google-ը հետևում է Ձեր տեղաշարժին: Ինչպե՞ս ամբողջովին անջատել


Associated Press-ի լրագրողները պարզել են, որ Google-ը շարունակում է հետևել օգտատերերի տեղաշարշին այն բանից հետո, երբ օգտատերերն անջատում են Location History ֆունկցիան: Նույնիսկ, եթե օգտատերերը գտնվելու վայրն իմանալու թույլտվություն չեն տալիս Անդրոիդ հավելվածին, Google-ն այնուամենայնիվ որոոշում ու հավաքում է օգտատիրոջ գտնվելու վայրի մասին տվյալներ:


Google-ը հավաքում է այս ինֆորմացիան ավելի նպատակային գովազդներ, որոնման արդյունքներ ու նորությոններ ցույց տալու համար, սակայն օգտատերերի մեծ մասը չի համակերպվում այն փաստի հետ, որ Google-ը թաքուն հետևում է իրենց, մանավանդ, որ քարտեզի վրա հնարավոր է տեսնել տեղաշարժերը:


Պարզվում է, որ օգտատիրոջ տեղաշարժերին թաքուն հետևում են Android-ում տեղադրված Google հավելվածները, որոնք համակարգային մակարդակով ամտոմատ ստանում են GPS-ի թույլտվություն (Google Maps, Google Search, Google Assistant և այլն): Որպեսզի անջատեք այս ֆունկցիան, պետք է բացեք Google-ի կարգավորումները և անջատեք Web & App Activity պարամետրը: Բնականաբար պետք է նաև անջատեք Location History կարգավորումը: 


Այս կարգավորումներն անջատելուց հետո հավելվածներն անհրաժեշտության դեպքում կարող են իմանալ ձեր գտնվելու վայրը (օրինակ Maps-ը), սակայն չեն հիշի դրանք և Google-ի կողմից չեն օգտագործվի նպատակային ինֆորմացիա ցուցադրելու համար:
HTC-ի եկամուտները մեծ տեմպերով շարունակում են նվազել

HTC-ի եկամուտները մեծ տեմպերով շարունակում են նվազել


Վերջին ամիսներին HTC ընկերության գործերն այդքան էլ լավ չեն: Բանն այն է, որ այս ընկերության եկամուտները նախորդ ամիսների համեմատ գնալով նվազում են: 2018թ. հուլիսին HTC-ի եկամուտը կազմել է 45,7 միլիոն դոլար, ինչը 37,2%-ով ցածր է հունիս ամսվա ցուցանիշից և 77%-ով ցածր է նախորդ տարվա հուլիսի ցուցանիշից: 


Վերջին 15 տարվա մեջ սա HTC-ի ամենացածր ցուցանիշն է: HTC-ի ակցիաները գները նույնպես մեծ տեմպերով նվազում են: 2018թ. HTC-ն թողարկել է U12 Plus ֆլագմանը, որի տեսախցիկը DxOMark-ի վարկածով զվաղեցնում է երկրորդ հորիզոնականը: Սակայն ինչ-որ պատճառներով այս սմարթֆոնը մեծ տեմպերով չի վաճառվում:
500 միլիոն PlayStation վաճառելու առիթով թողարկվել է կիսաթափանցիկ կորպուսով PS4 Pro

500 միլիոն PlayStation վաճառելու առիթով թողարկվել է կիսաթափանցիկ կորպուսով PS4 Pro


Sony ընկերություն-ը Playstation-ի առաջին տարբերակը թողարկվել է հեռավոր 1994 թվականին և այն ժամանակվանից սկսած մինչ այժմ վաճառվել է 525,3 միլիոն խաղային կոնսոլ: 



Վաճառքի այս ցուցանիշի առիթով Sony-ն թողարկել է կիսաթափանցիկ կորպուսով PS4 Pro խաղային կոնսոլ: 


Այս սարքերը վաճառվելու են սահմանափակ քանակությամբ՝ ընդամենը 50.000 օրինակ: Կոնսոլները վաճառվելու են 500$-ով, ինչը 100$-ով թանկ է սովորական Pro մոդելներից, սակայն դրանք ունեն երկու անգամ շատ հիշողություն՝ 2ՏԲ:



Հոբելյանական այս կոնսոլի փաթեթում առկա է նաև տեսախցիկ, DualShock 4 ջոյստիկ և ականջակալ: Այս կոնսոլների վաճառքը կմեկնարկի օգոստոսի 24-ին:

YouTube-ը հրապարակել է տեսանյութեր նայելու լավագույն սմարթֆոնների ցանկը

YouTube-ը հրապարակել է տեսանյութեր նայելու լավագույն սմարթֆոնների ցանկը


Google ընկերությունը թողարկել է YouTube Signature Device նախագիծը, որի շրջանակներում որոշվում են  YouTube-ի տեսանյութերը նայելու լավագույն սմարթֆոնները: Այդ նախագծում տվյալ պահին առկա են հետևյալ մոդելները՝

Samsung Galaxy S8
Galaxy S8+
Galaxy S9
Galaxy Note 8
Galaxy Note 9
HTC U12+
Google Pixel 2
Google Pixel 2 XL
Sony Xperia XZ2 Premium
Xperia XZ2 Compact
Xperia XZ2
OnePlus 6
LG G7 ThinQ 
LG V30
Xiaomi Mi 8
Xiaomi Mi Mix 2S
Nokia 8 Sirocco
Huawei Mate 10 Pro

Նշված բոլոր սարքերն ունեն HDR, 4K, 360° և անհրաժեշտ վիդեոկոդեկները: Այս ցանկը պարբերաբար թարմացվելու է: Հետաքրքիր է, որ iPhone 8, 8 Plus և X սմարթֆոնները չկան ցուցակում (հավանաբար այն պատչառով, որ Safari դիտարկչում չկա VP9 կոդեկը):
Ֆեյսբուքի տեսախցիկի էֆեկտներում հայտնվել է հայտնի «Snake» խաղի երկու ռեժիմ

Ֆեյսբուքի տեսախցիկի էֆեկտներում հայտնվել է հայտնի «Snake» խաղի երկու ռեժիմ


Ֆեյսբուքի տեսախցիկի էֆեկտներում հայտնվել է Nokia հեռախոսներից հայտնի «Snake» խաղի երկու ռեժիմ, որոնք համալրված է AR լրացված իրականության տարրերով: Առաջինի դեպքում օգտագործվում է սմարթֆոնի հիմնական տեսախցիկն ու շրջակա միջավայրը, որտեղ AR տեխնոլոգիայի միջոցով տեղադրվում է օձն ու խաղի մնացած օբյեկտները: 



Երկրորդ ռեժիմը օգտագործում է սմարթֆոնի առջևի տեսախցիկը և օգտատիրոջը դեմքին վիրտուալ տեղադրում է օձի դիմակը: Այս խաղերը միանգամից տեսնելու համար կարող եք սեղմել ներքևի հղումներին, որոնք բացելուց հետո կարող է բջջային հեռախոսի Ֆեյսբուք հավելվածին ծանուցում ուղարկել և դրանով միանգամից տեսնել էֆեկտները:

«Դետեկտիվ» ժանրի 5 հանելուկներ և դրանց պատասխանները (Տեսանյութ)

«Դետեկտիվ» ժանրի 5 հանելուկներ և դրանց պատասխանները (Տեսանյութ)


Դասական Skype-ն անորոշ ժամկետով կշարունակի աշխատել

Դասական Skype-ն անորոշ ժամկետով կշարունակի աշխատել


Մի քանի շաբաթ առաջ Microsoft-ը հայտարարեց, որ սեպտեմբերի 1-ից դասական Skype-ն այլևս չի աշխատի և օգտատերերը ստիպված պետք է տեղադրեն նորացված 8-րդ տարբերակը: Այս հայտարարությունը բացասական արձագանք ստացավ օգտատերերի կողմից, քանի որ Skype-ի նոր տարբերակում դեռևս բացակայում են մի շարք կարևոր ֆունկցիաներ և օգտատերերը չեն հավանում դրա նոր ինտերֆեյսը: Այս արձագանքներից հետո Microsoft-ը որոշել է անորոշ ժամկետով երկարացնել դասական Skype-ի կյանքը:
Թողարկվեց Android 9 Pie օպերացիոն համակարգը

Թողարկվեց Android 9 Pie օպերացիոն համակարգը

Google ընկերությունը վերջապես թողարկեց Android 9 Pie օպերացիոն համակարգը, որտեղ հայտնված որոշ փոփոխությունների մասին կարող եք կարդալ Google-ի բլոգում և Արմբլոգի նախորդ գրառումներից մեկում: Այս նոր օպերացիոն համակարգն արդեն հասանելի է Google Pixel և Essential սմարթֆոնների համար: 

Մոտ ապագայում այս համակարգը հասանելի կդառնա Xiaomi Mi Mix 2S, Xperia XZ2, OnePlus 6, Nokia 7 Plus, Oppo R15 Pro, Vivo X21 սմարթֆոնների համար: Մնացած սմարթֆոնների ժամկետների մասին առայժմ տեղեկություններ չկան:
Chromebook-ի նոր գովազդում Google-ը ծաղրում է Windows-ին և macOS-ին

Chromebook-ի նոր գովազդում Google-ը ծաղրում է Windows-ին և macOS-ին


Google ընկերությունը նոր գովազդային հոլովակ է թողարկել, որտեղ ցուցադրվում է Chromebook սարքերի առավելությունը Windows-ով և macOS-ով աշխատող սարքերի նկատմամբ: Գովազդի սկզբում ցուցադրվում են Windows-ի և macOS-ի անցանկալի պատուհանները, որոնք ցուցադրվում են ծրագրային սխալների, թարմացումների կամ վիրուսների հետևանքով: Այնուհետև ցուցադրվում է Chromebook-ը, որն ավելի արագ է, պաշտպանված է վիրուսներից և ունի երկարակյաց մարտկոց: Հանուն արդարության նշեմ, որ գովազդում ցուցադրված Windows-ի և macOS-ի թերությունները հազվադեպ են հանդիպում վերջին տարբերակներում: Կարելի է ասել, որ Chromebook-ը համեմատվում է հին օպերացիոն համակարգերով աշխատող սարքերի հետ:

Անվճար ներբեռնեք հայկական «Նիկոլո», «Բոքոնիկ», «ՆորՏառ», «Գրքալիր» և «Երևանյան» տառատեսակները

Անվճար ներբեռնեք հայկական «Նիկոլո», «Բոքոնիկ», «ՆորՏառ», «Գրքալիր» և «Երևանյան» տառատեսակները


RenderForest-ը տեսանյութերի ստեղծման առցանց հարթակ է, որը թույլ է տալիս մի քանի րոպեում պատրաստել հեռարձակման որակի ստանդարտներին համարժեք տեսանյութեր: Renderforest-ում տեսանյութեր պատրաստելն անվճար է, սակայն ստեղծված տեսանյութերը բարձր որակով ներբեռնելու համար պետք է վճարել: Վերջերս RenderForest-ն անվճար հասանելի է դարձրել 5 հայկական տառատեսակներ, որոնք հնարավոր է ներբեռնել և տեղադրել համակարգչի մեջ:

ԱՄՆ-ում ծնողները «կրկնուսույցներ» են վարձում, որպեսզի երեխաներին սովորեցնեն Fortnite խաղալ

ԱՄՆ-ում ծնողները «կրկնուսույցներ» են վարձում, որպեսզի երեխաներին սովորեցնեն Fortnite խաղալ


Fortnite խաղը բավականին տարածված է ամբողջ աշխարհում՝ ավելի քան 125 միլիոն խաղացող: ԱՄՆ-ում վերջերս հաճախակի են դարձել դեպքերը, երբ ծնողները ժամավճարով վարձում են մասնագետների, ովքեր երեխաներին կսովորեցնեն ավելի լավ խաղալ Fortnite խաղը: Gamer Sensei և Bidvine կայքերում նախորդ 4 ամիսների ընթացքում վարձվել են ավելի քան 1400 Fortnite խաղի մարզիչներ: Ծնողները հիմնականում վարձում են մարզիչների, որպեսզի իրենց երեխաները հասակակիցների և ընկերների շրջապատում ավելի լավ խաղան և ավելի լավ արդյունք ցուցադրեն Fortnite-ում: Fortnite-ի կրկնուսույցները մեկ ժամ պարապելու համար ստանում են 15-20 դոլար:
Apple-ի շուկայական կապիտալիզացիան գերազանցեց մեկ տրիլիոն դոլարը

Apple-ի շուկայական կապիտալիզացիան գերազանցեց մեկ տրիլիոն դոլարը


Օգոստոսի 2-ին Nasdaq արժույթի միջազգային բիրժայում Apple-ի բաժնետոմսի արժեքը կազմել է 207 դոլար, ինչի շնորհիվ Apple ընկերությունը դարձավ առաջին Ամերիկյան ընկերությունը, որի շուկայական կապիտալիզացիան գերազանցեց մեկ տրիլիոն դոլարը: 



Սա պատմության մեջ երկրորդ նմանատիպ արդյունքն է. 2007թ. 1 տրիլիոնի շեմը հաջողվել էր հաղթահարել չինական PetroChina նավթային ընկերությանը: Այս գրառումը գրելու պահին Apple-ի բաժնետոմսի արժեքը կազմում է 207.39 դոլար: