![Եվրամիության պահանջով Apple-ը iOS-ում կատարել է մի շարք փոփոխություններ (հավելվածներ ոչ միայն App Store-ից և այլն)](https://blogger.googleusercontent.com/img/b/R29vZ2xl/AVvXsEji5XfixE7498a0vPRNUijt_b5VXuZEKX1CIBK45ye5_rtWUC97FWOwF-mpEuPSDn5u78akiYGxOfC7g6EDIpiIBgskCE8a_B2OzlvnxZzYgLzY3Y8BzphgleW7xElcwG9BOEkT1LL_OLOk0HZY0tnUgRI-JMH3cxYiQeh3n0plyEah-LhMDaJ0h4HWrWVb/s72-w640-c-h426/eu-appstores-regulation-930x620.jpg)
Եվրամիության պահանջով Apple-ը iOS-ում կատարել է մի շարք փոփոխություններ (հավելվածներ ոչ միայն App Store-ից և այլն)
![](https://blogger.googleusercontent.com/img/b/R29vZ2xl/AVvXsEji5XfixE7498a0vPRNUijt_b5VXuZEKX1CIBK45ye5_rtWUC97FWOwF-mpEuPSDn5u78akiYGxOfC7g6EDIpiIBgskCE8a_B2OzlvnxZzYgLzY3Y8BzphgleW7xElcwG9BOEkT1LL_OLOk0HZY0tnUgRI-JMH3cxYiQeh3n0plyEah-LhMDaJ0h4HWrWVb/w640-h426/eu-appstores-regulation-930x620.jpg)
Եվրամիությունը պարտավորեցրել է Apple-ին թույլ տալ iOS համակարգում հավելվածներ տեղադրել ոչ միայն App Store-ից, այլև ալտերնատիվ օնլայն հարթակներից, որոնց մոդերացիա կանցնեն Apple-ի կողմից: Փոփոխություններն արդեն ուժի մեջ են մտնելու մարտ ամսից (iOS 17.4-ից սկսած), ինչի մասին Apple-ը պաշտոնապես հաստատել է իր կայքում:
Եվրամիության որոշման պատճառն այն է, որ Apple-ը միջնորդավճարներ է գանձում թե հավելվածներ գնելիս, թե դրանցում տրանզակցիաներ (հավելվածի մեջ գնումներ) կատարելիս: Apple-ը նաև տարեկան բաժանորդավճար է պահանջում App Store-ում հավելված տեղադրելու համար (թե՛ վճարովի, թե՛ անվճար): Այսպիսով Եվրամիությունը պահանջել է իր անդամ երկրների տարածքներում վերացնել մենաշնորհը և թույլ տալ ծրագրեր մշակողներին իրենց հավելվածները տեղադրել այլ հարթակներում և օգտատերերին թույլ տալ հավելվածներում տրանզակցիաներ կատարել ալտերնատիվ մեթոդներով:
![](https://blogger.googleusercontent.com/img/b/R29vZ2xl/AVvXsEizliZIGgcHMPuqJs73qML579lRnXj71YQIqsLzO5oeO9LszXG1WCwKZ7WrrHNmuszghrHhutVc0b02tVmJLTBT4wRvEpSoSpc1Zq51MmoQGR0MsbAFDjkejauQkc_TEVyUT1KSC-8ciQvz7dG2QjbnVGsd2O1rg-GyhEyqcgwHGmaPKESsiiDzejQuv4zE/w640-h360/Apple-EU-DMA-App-Store-update-hero-1-1024x576.jpg)
Թվում է, թե Եվրամիության հետ խնդիրը կարգավորման փուլում է, սակայն Apple-ը մտածել է նոր միջնորդավճար, որը կոչվում է Core Technology Fee (իր թվային ծառայություններից օգտվելու դիմաց): Եվրամիության տարածքում հավելվածներ մշակողները պետք է տարվա մեջ 1 միլիոնից ավել ցանկացած հաջորդ ներբեռնման համար Apple-ին վճարեն 0.5 եվրո (անկախ նրանից հավելվածը App Store-ում է, թե ալտերնատիվ հարթակում): Այս միջնորդավճարը բնականաբար բուռն քննարկման առիթ է դարձել: Այս միջնորդավճարի դեմ է խոսել նաև Spotify-ի ղեկավարությունը:
![](https://blogger.googleusercontent.com/img/b/R29vZ2xl/AVvXsEgU8aKLE3hYlPhxgfVLLOnS93AkuGm8NNnL7L5c8PJMPH96I9y288uwhQWaABxxsCJzV-j2Gsb-Fzh8zDJvA2L5KjuHE-gi7BiebYnxNSVzxWfghDPJ1BsJFzz749FwyOUvM12Uk-PR8WmNJeLpRp1qV9Z9x3zKbdiyexhnLBuBsZ944c-Yx-uejFxP4kx0/w640-h490/2024-01-28_22-17-55.png)
Ստացվում է, որ հայտնի անվճար հավելվածների հեղինակները ահռելի գումարներ են տալու Apple-ին զուտ ներբեռնումների համար: Բացի այդ, եթե նույնիսկ հավելվածն առաջարկում է գնումների ալտերնատիվ միջոց, սակայն տեղադրված է App Store-ում, միևնույն է պետք է Apple-ին վճարի հավելվածի վաճառքից 17% միջնորդավճար: Apple-ը նաև նոև միջնորդավճարները հաշվելու հաշվիչ է տեղադրել իր կայքում, որտեղ օրինակ կարող ենք տեսնել, որ 2 միլիոն ներբեռնում ունեցող անվճար հավելվածի հեղինակը պետք է ամսական Apple-ին վճարի 45.290 ԱՄՆ դոլար:
![](https://blogger.googleusercontent.com/img/b/R29vZ2xl/AVvXsEhO_nnlQ2pxTUs6fAgN2911VRGKVf4Zl6k440q5SuHVF48TaHHlo5RFg6Ro3tX64PdszcsKn9-97dYoGfRD1yFukYfRwyBnOQdR13uFJ9DYOy_j7AnwDC-XT1kju8bQmxRB8YdYgPW8RYhzkWOgwW-eZ825bYL37jWhjWtRKBHgHJF9UD6y64iSCgkvPYa4/w640-h628/Apple.jpg)
Ինչ վերաբերվում է Epic Games-ին, ապա չի բացառվում, որ Եվրամիության տարածքում iOS-ի համար կհայտնվի Epic Games Store, որտեղից հնարավոր կլինի նաև ներբեռնել Fortnite խաղը: Հիշեցնեմ, որ Apple-ի և Epic Gamesի միջև վաղուց կոնֆլիկտ կա խաղի մեջ կատարված տրանզակցիաների միջնորդավճարների պատճառով, ինչի հետևանքով Epic Games-ը iOS-ում անհասանելի էր դարձրել Fortnite խաղը:
![](https://blogger.googleusercontent.com/img/b/R29vZ2xl/AVvXsEi1cjrbBp6ide1NggWvVl9evnUMsk1DDovl59-KgDvSqAt-icU_O4u_b2ZMD_1VqHOqFI2BSO1fyVxi1JI6bmbZGgN2TK4fsE8rKc9KY9VRXu1FUIZxn4y8Ir2O83xByrdDr_H4xwUbp7XuPyZCd1p8l6vd1QiEFYStbu0rurObsn_OkQyqXjF5W-OJJ-FO/w640-h426/img_182353_epicgamesbg.png)
Apple-ի նոր փոփոխությունները կազդեն նաև ամպային խաղային ծառայությունների վրա. App Store-ում կթուլատրվի տեղադրել GeForce Now, Xbox Cloud և այլ նմանատիպ ծառայություններ: Այս փոփոխությունը վերաբերում է ոչ միայն Եվրամիության երկրներին:
![](https://blogger.googleusercontent.com/img/b/R29vZ2xl/AVvXsEiM7Ek6HpRpEKlezIvj6j1zhqlHSyOOt61288uoajJs6OxNpwXDVIaODNDQb4gbxfqPnu3NrPMeIZ7j0Pk8ceDDyBgsk843HNLtnlU6j1qo3K7s6AT1L8Oh0VDNR16RYzUL0E-Dg0oEww6ATt9szl8OKmKyOOfdD19YT3ldznqSm6QqFxYFSAEqEK4Xvrwl/w640-h360/90444_2_microsoft-to-bring-all-xbox-games-geforce-now-wins-nvidias-merger-support_full.png)
Եվրամիության տարածքում Apple-ը նաև թույլ է տալու իր սարքերի NFC մոդուլներն օգտագործել ոչ միայն Apple Pay-ով վճարումներ կատարելու համար (օրինակ բանկային հավելվածները և թվային դրամապանակները):
![](https://blogger.googleusercontent.com/img/b/R29vZ2xl/AVvXsEiKRmILzgxJlK8qUfFUu0s9PAoi96QH1qlZTLnbigWh-LET9vscJT0R5rZgji2YoLteZVl-RohH94R3x3fdpg45YrvKc07zs-PN8BA-ig5OfVnuR_EKt5QkZNDydUIc1PVWdsjwu5QNS3fx2Cfb70bZK-sIdS3GGwztF2UROPnlX0l5urMa2waJIuZCPrmK/w640-h320/Apple-Pay-competitors-could-include-EU.jpg)
Եվս մեկ փոփոխություն վերաբերում է ինտերնետ դիտարկիչներին: Apple-ը Եվրամիության տարածքում թուլատրելու է նմանատիպ հավելվածներին սեփական WebKit գրադարանի փոխարեն օգտագործել այլ գրադարաններ: Օրինակ Chrome-ը կարող է օգտագործել նույն Blink գրադարանները, ինչ այլ սարքերի վրա: Սակայն ևս մեկ անգամ նշեմ, որ սա վերաբերում է Եվրամիության անդամ երկրներին: Firefox-ից արդեն հասցրել են բողոքել այս առիթով, քանի որ այս դեպքում նրանք պետք է միաժամանակ երկու ծրագիր ունենան, որոնք տարբեր երկրներում աշխատում են տարբեր գրադարաններով:
![](https://blogger.googleusercontent.com/img/b/R29vZ2xl/AVvXsEiLx8ahI7xy7Hcd7HMuwwDuvlXeDWHYNeIl4xT2Fjnt0Isckr0gEwO22UMcM56tJ8Yr_7UJ52JRD1V6tKR00WWyU92tX33buhiaSxm4839Cr0okfJr881XfMTMA-45PsbEjmtq4dKzCVPxqTnokDsq-suNDX0H7RpSrmB2x8OyIXxhyphenhyphendZ6AW84mbAjH2J6r/w640-h384/Firefox-Web-Browsers-Safari-Crhome-Opera-Dolphin.jpg)
Դիտարիչների մասով ևս մեկ փոփոխություն կա: Safari դիտարկիչն առաջին անգամ բացելու դեպքում Apple-ը առաջարկելու է ընտրել համակարգի լռելյայն դիտարկիչը (default browser): Նախկինում դիտարկչի ընտրությունը թաքնված էր միայն iOS-ի կարգավորումներում: