Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Ինչպես որոնել և գտնել Google Drive-ի վրա տեղադրված այլ մարդկանց ֆայլերը

Ինչպես որոնել և գտնել Google Drive-ի վրա տեղադրված այլ մարդկանց ֆայլերը

Google ընկերության ամպային Drive ծառայության վրա միլիոնավոր օգտատերեր տեղադրում են տարբեր տեսակի ֆայլեր, որոնք կարող են լինել ինչպես private (անձնական), այնպես էլ public` հասանելի բոլորի համար: Google Drive ծառայությունում չկա այլ մարդկանց public ֆայլերը որոնելու հնարավորություն,  սակայն դա չի նշանակում, որ դրանք հնարավոր չի որոնել ու գտնել: Հատուկ այդ նպատակով ստեղծվել է www.dedigger.com կայքը: Այն թույլ է տալիս որոնել ֆայլերը ինչպես անվանումներով, այնպես էլ ֆորմատով (օր. *.rar): Այս կայքը հարմար է մանավանդ այն օգտատերերի համար, ովքեր ցանկանում են գտնել ոչ լիցենզավորված ծրագրեր: Ծառայության դրական կողմն այն է, որ ընդամենը մի քլիքով տրամադրվում է ֆայլի ուղիղ հղումը (չի ցուցադրվում 7 հատ կեղծ download կոճակ):

Հիշեցնեմ, որ բլոգի նախորդ գրառումներից մեկում նույնպես անդրադարձել եմ նմանատիպ ծառայության, որը կոչվում է FileChef: Այս ծառայությունը որոնում է Google-ի կողմից ինդեքսավորված էջերը (օրինակ ftp) և տրամադրում է ֆայլերի վրա ուղիղ հղումներ:

Yandex-ի նոր տեխնոլոգիան անգլերեն վիդեոները սինխրոն ձայնով թարգմանում է ռուսերեն

Yandex-ի նոր տեխնոլոգիան անգլերեն վիդեոները սինխրոն ձայնով թարգմանում է ռուսերեն

Yandex ընկերությունը ստեղծել է նոր տեխնոլոգիա, որը կարողանում է սինխրոն ձայնով թարգմանել վիդեոները: Թարգմանության ձայնը սինխրոնիզացվում է խոսացողի հետ (ինչպես ֆիլմերում): Արհեստական բանականությունն ավտոմատ արագացնում կամ դանդաղեցնում է խոսակցությունը: Նշվում է նաև, որ ծրագիրը գուշակում է խոսացի տարիքն ու սեռը և թարգմանում համապատասխան ձայնով: Տվյալ պահին այս տեխնոլոգիան հասանելի է YouTube-ի այս ալիքում տեղադրված վիդեոների վրա, սակայն հետագայում այն հասանելի կլինի բոլոր վիդեոների համար: Տեխնոլոգիան փորձարկելու համար պետք է օգտվեք Yandex Browser դիտարկչից: Նախատեսվում է նաև հետագայում ավելացնել այլ լեզուներ:

Windows 365 նոր ծառայությունը բիզնեսներին թույլ է տալիս օգտվել Windows-ից անմիջապես ինտերնետ դիտարկչում

Windows 365 նոր ծառայությունը բիզնեսներին թույլ է տալիս օգտվել Windows-ից անմիջապես ինտերնետ դիտարկչում


Microsoft ընկերությունը ներկայացրեց Windows 365 անունով նոր ծառայություն, որը թույլ է տալիս օգտվել Windows 10-ից կամ 11-ից (երբ հասանելի լինի) ամպային սերվերների միջոցով: Ծառայությունը վճարովի է և հասանելի կլինի օգոստոսի 2-ից: 


Ծառայությունը թույլ է տալիս սեփական ֆայլերը տեղափոխել ամպային համակարգիչ (տարբեր հզորություններով) և աշխատել դրանց հետ ցանկացած վայրում ու ցանկացած սարքով, քանի որ հնարավորություն կա օգտվել այս ծառայությունից անմիջապես ինտերնետ դիտարկչում:

Super Mario 64 խաղի քարթրիջը աճուրդում վաճառվել է $1,560,000 գնով: Նախորդ ռեկորդը գրանցվել էր 3 օր առաջ

Super Mario 64 խաղի քարթրիջը աճուրդում վաճառվել է $1,560,000 գնով: Նախորդ ռեկորդը գրանցվել էր 3 օր առաջ


Եթե տանը Nintendo-ի կամ այլ հին խաղային կոնսոլի քարթրիջ ունեք, ապա դրանք պինդ պահեք ապագայի համար: Super Mario 64 խաղի քարթրիջը վերջերս աճուրդում վաճառվել է ռեկորդային $1,560,000 գնով: Քարթրիջը թողարկվել էր 1996 թվականին: Ըստ Heritage Auctions-ի այսպիսի լավ վիճակում գտնվող քարթրիջ աշխարհում ընդամենը 5 հատ կա (10-ից 9.8): 

Նախորդ ռեկորդը գրանցվել էր ընդամենը երեք օր առաջ. The Legend of Zelda խաղը վաճառվել էր  870.000$-ով: Ընդհանուր առմամբ վերջին 12 ամիսներին գրանցվել են հետևյալ ռեկորդները՝


2020թ. հունիսի 10 - Super Mario Bros. - $114,000

2020թ. նոյեմբերի 23 - Super Mario Bros. 3 - $156,000

2021թ. ապրիլի 2 - Super Mario Bros. - $660,000

2021թ. հոլիսի 9 - The Legend of Zelda - $870,000

2021թ. հուլիսի 11 - Super Mario 64 - $1,560,000

Հայաստանի Բիզնես Հրեշտակների Ցանցը հայտարարել է SAP Startup Factory աքսելերացիոն ծրագրի դիմումների մեկնարկի մասին

Հայաստանի Բիզնես Հրեշտակների Ցանցը հայտարարել է SAP Startup Factory աքսելերացիոն ծրագրի դիմումների մեկնարկի մասին


Հուլիսի 5-ին Հայաստանի Բիզնես Հրեշտակների Ցանցը (BANA - Business Angel Network of Armenia) հայտարարել է SAP Startup Factory աքսելերացիոն ծրագրի դիմումների մեկնարկի մասին։ 

SAP Startup Factory-ն աքսելերացիոն ծրագիր է, որը ստեղծվել է գերմանական համակարգչային ծրագրերի մշակմամբ զբաղվող առաջատար SAP ընկերության եւ Հայաստանի բիզնես հրեշտակների ցանցի համագործակցությամբ։ 


Ծրագրի շրջանակներում կկազմակերպվեն տարբեր միջոցառումներ, ինչպիսին են՝ ուսումնական ճամբարները, ինկուբատորների ստեղծումը՝ նպատակ հետապնդելով հզորացնել կայացման փուլում գտնվող ստարտափերը՝ աքսելերացիոն ծրագրերի համար: 

Կընտրվեն 10 կայացած (mature) ստարտափեր, որոնք հնարավորություն կստանան ուղղորդվելու SAP գնումների մոդուլ (SAP Store), որն ապահովում է SAP հաճախորդների ընդհանուր բազայից օգտվելու հնարավորություն: 

Ծրագիրը հնարավորություն կընձեռի Հայաստանին դառնալ տարածաշրջանային կենտրոն՝ նախագիծը հասանելի դարձնելով տարածաշրջանի ստարտափերի համար:

Ծրագրին կարող են մասնակցել այն ստարտափերը, որոնք բավարարում են հետեւյալ պահանջները. 

- Իրագործելի/գործող B2B ստարտափեր են 
- Առաջարկում են արդիական եւ արդյունավետ լուծում 
- Ներկայացնում են մրցունակ պրոդուկտ/ծառայություն 
- Ունեն ֆունկցիոնալ նախատիպ կամ MVP 
- Ֆինանսական հեռանկար 
- Թիրախային շուկայում (B2B) պահանջարկ ունեն եւ այլն 

Ծրագրին մասնակցելու համար անհրաժեշտ է լրացնել առցանց դիմումը SAP Startup Factory կայքում։ Վերջնաժամկետը հուլիսի 25-ն է։
Ներկայացվեց OLED էկրանով նոր Nintendo Switch խաղային կոնսոլը

Ներկայացվեց OLED էկրանով նոր Nintendo Switch խաղային կոնսոլը

Ճապոնական Nintendo ընկերությունը պաշտոնապես ներկայացրեց նոր Nintendo Switch խաղային կոնսոլը, որն ունի 7 դյույմանոց OLED էկրան: Այսպիսով այս պահին հասանելի են Nintendo Switch-ի երեք տարբերակներ՝ 6,2-դյույմանոց LCD էկրանով Nintendo Switch ($299,99), ավելի կոմպակտ Nintendo Switch Lite՝  5,5 դյույմանոց LCD էկրանով ($199,99) և նոր ներկայացրած Nintendo Switch (OLED model)՝ 7 դյույմանոց OLED էկրանով ($349,99): 

Այս նոր կոնսոլում բարելավվել է նաև տակդիրը: Նշվում է նաև, որ ավելացել է ցանցին միանալու նոր բնիկ և բարելավվել են դինամիկները:

Արտադրողականության փոփոխություն այս նոր կոնսոլում չկա (նոր պրոցեսոր կամ վիդեոքարտ): Նոր կոնսոլը հասանելի կլինի երկու գույներով: Վաճառքի մեկնարկը հոկտեմբերի 8-ից է:

Տոկիոյի փողոցներով շրջում է մեքենա, որի վրա գտնվում է շղթայված մեծ հրեշ

Տոկիոյի փողոցներով շրջում է մեքենա, որի վրա գտնվում է շղթայված մեծ հրեշ

Վերջերս Տոկիոյի փողոցներով սկսել է շրջել մի մեքենա, որի վրա գտնվում է շղթայված մեծ հրեշ: Պարզվում է, որ այս «այլմոլորակայինը» իրականում գովազդային արշավի մի մաս է: 

Անկանոն շարժվող ու հրեշի ձայն հանող այս «արարածը» գովազդում է Amazon Prime Video-ի The Tomorrow War ֆիլմը:

TikTok-ում հայտնվել է նոր ֆիլտր, որը կենդանացնում է լուսանկարները

TikTok-ում հայտնվել է նոր ֆիլտր, որը կենդանացնում է լուսանկարները

TikTok սոցցանցում հայտնվել է նոր ֆիլտր, որը Deep Nostalgia նեյրոցանցի միջոցով կենդանացնում է լուսանկարները: Հիշեցնեմ, որ նախկինում այս տեխնոլոգիան կիրառվել էր MyHeritage կայքում

Ֆիլտրը լուսանկարների վրա պահելու դեպքում մարդկիկ թարթում են, ժպտում կամ բիբերը շարժում:

Epic Games-ն անվճար նվիրում է The Spectrum Retreat գլուխկոտրուկ խաղը

Epic Games-ն անվճար նվիրում է The Spectrum Retreat գլուխկոտրուկ խաղը

Epic Games Store-ը շարունակում է անվճար խաղեր նվիրել խաղասերներին: Այս շաբաթ օգտատերերը կարող են անվճար իրենց գրադարաններում ավելացնել The Spectrum Retreat խաղը:

Թողարկվել է iOS 15-ի առաջին բետա թարմացումը: Ինչպես տեղադրել

Թողարկվել է iOS 15-ի առաջին բետա թարմացումը: Ինչպես տեղադրել

Apple ընկերությունը թողարկել է iOS 15, iPadOS 15, watchOS 8 և tvOS 15 օպերացիոն համակարգերի առաջին բետա տարբերակները բոլոր օգտատերերի համար: Մինչ այս դրանք հասանելի էին ծրագրեր մշակողների համար (կամ սարքերի մեջ հատուկ պրոֆիլ տեղադրելու դեպքում): iOS և iPadOS համակարգերի բետա տարբերակներն հնարավոր է թարմացնել անմիջապես սմարթֆոնից կամ պլանշետից (պահպանելով բոլոր ֆայլերն ու կարգավորումները):

Պետք է Safari-ով բացեք այս կայքը և մուտք գործեք Apple-ի պրոֆիլ: Հետո սեղմեք Enroll Your iOS Device, այնուհետև ընտրեք iOS կամ iPadOS և սեղմեք Download Profile կոճակը: Հաստատեք պրոֆիլը և կարգավորումներում բացելով Profile downloaded բաժինը սեղմեք install: Վերջում կարգավորումներում բացեք համակարգի թարմացման էջը և կտեսնեք նոր թարմացումը: watchOS համակարգը հնարավոր է թարմացնել դրան կցված սմարթֆոնի iPhone միջոցով, իսկ tvOS-ը հնարավոր է թարմացնել Xcode-ի միջոցով:

Շուտով Android-ի apk ֆորմատը փոխարինվելու է aab-ով

Շուտով Android-ի apk ֆորմատը փոխարինվելու է aab-ով

Google ընկերությունը հայտնում է, որ Android հավելվածների APK ֆորմատը շուտով փոխարինվելու է AAB-ով (Android App Bundle): 2021թ. օգոստոսից ծրագրավորողներն այլևս չեն կարողանա Google Play-ում տեղադրել apk ֆորմատի ֆայլեր: AAB ֆորմատը ներկայացվել է 2018թ. Android 9 համակարգի հետ միասին և շատ ծրագրավորման ընկերություններ արդեն օգտվում են դրանից: Այս ֆորմատը apk-ի համեմատ ունի մի շարք առավելություններ:

Օրինակ հնարավորություն կա սարքի վրա ներբեռնել միայն պահանջվող կոմպոնենտները (արխիտեկտուրան, լեզուների փաթեթը, էկրանի չափսը և այլն): Նշեմ, որ apk ֆայլերը շարունակելու են աշխատել: Խոսքը վերաբերում է նրան, որ ծրագրավորողներն այլևս չեն կարողանա apk ֆայլեր տեղադրել Google Play-ում:

GitHub-ի ու OpenAI-ի նոր գործիքն ավտոմատ գեներացնում է ծրագրային կոդը

GitHub-ի ու OpenAI-ի նոր գործիքն ավտոմատ գեներացնում է ծրագրային կոդը


Microsoft-ին պատկանող GitHub-ը OpenAI կազմակերպության հետ թողարկել են Copilot կոչվող գործիքի նախնական տարբերակը: Այն ներդրվել է Visual Studio Code բազմապլատֆորմ խմբագրիչի մեջ և նախատեսված է կոդերի բլոկներն ավտոմատ լրացնելու համար: Այս համակարգը անալիզ է անում օգտատիրոջ գրած կոդը և դրա հիման վրա գեներացնում է մնացած կոդը: Copilot-ն աշխատում է JavaScript, Python, Go, TypeScript և Ruby լեզուների հետ: 


Շուտով թողարկվելու է նաև առանձին API, որը թույլ կտա ծրագրավորողներին օգտագործել Copilot-ի հնարավորություններն իրենց ծրագրերում: Copilot-ը փորձարկելու համար կարող եք անվճար գրանցվել պաշտոնական կայքում: