Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Armtal՝ աշխատանք փնտրելու նոր և խելացի հարթակ

Armtal՝ աշխատանք փնտրելու նոր և խելացի հարթակ


Հայաստանում աշխատանք գտնելը կամ լավ մասնագետ վարձելը հաճախ ժամանակատար ու հոգնեցուցիչ գործընթաց է։ Armtal.com-ը ստեղծվել է հենց այս պրոցեսը հեշտացնելու և ավելի արդար դարձնելու համար։ Այն հարթակ է, որտեղ շեշտը դրվում է ոչ թե ծանոթ-բարեկամի կամ գեղեցիկ գրված CV-ների, այլ իրական հմտությունների վրա։

Ի՞նչ է Armtal-ը.

Armtal-ը (Armenian Talent) հմտությունների վրա հիմնված (Skills-first) հարթակ է, որը նախագծված է ՏՏ և բարձր տեխնոլոգիաների ոլորտի մասնագետների ու ընկերությունների համար։ Այն հանդես է գալիս որպես «խելացի միջնորդ», որն օգտագործում է տվյալների վերլուծությունը (Data Analytics)՝ ապահովելու առավելագույն համապատասխանություն թեկնածուի փորձի և գործատուի պահանջների միջև։



Ինչո՞վ է այն տարբերվում.

Armtal-ը շուկայում առանձնանում է երեք հիմնական հենասյուներով, որոնք այն դարձնում են եզակի.

  • Ի տարբերություն ստանդարտ հարթակների, որտեղ մասնագետի տվյալները հասանելի են բոլորին, Armtal-ում տաղանդը մնում է անանուն։ Մասնագետն ինքն է որոշում՝ բացել իր ինքնությունը, թե ոչ՝ միայն այն բանից հետո, երբ ծանոթանում է հրավեր ուղարկող ընկերության և կոնկրետ աշխատակցի պրոֆիլին։
  • Հարթակը տրամադրում է իրական ժամանակում թարմացվող տվյալներ աշխատավարձերի սանդղակի մասին։ Սա թույլ է տալիս մասնագետին հասկանալ իր շուկայական արժեքը՝ հիմնվելով կոնկրետ հմտությունների, այլ ոչ թե ընդհանուր ենթադրությունների վրա։
  • Armtal-ը գործատուներին և մասնագետներին ցույց է տալիս հմտությունների պահանջարկի և առաջարկի դինամիկան` իրական ժամանակում։ Դուք տեսնում եք, թե որ տեխնոլոգիաներն են դառնում պահանջված, որոնք էեն դուրս մղվում  աշխատաշուկայից, և որոնք են բացակայում էկոհամակարգում։


Ի՞նչ հիմնական խնդիրներ է լուծում հարթակը

Armtal-ը թիրախավորում է աշխատաշուկայի ամենացավոտ կետերը.

  • «Գաղտնի» փնտրտուքի խնդիրը. Թոփ մասնագետները հաճախ չեն ցանկանում, որ իրենց ներկայիս գործատուն իմանա նոր աշխատանք փնտրելու մասին։ Armtal-ը վերացնում է այս ռիսկը՝ ապահովելով 100% գաղտնիություն։
  • Ինֆորմացիոն անհամաչափություն. Աշխատողները հաճախ չգիտեն իրենց իրական արժեքը, իսկ գործատուները՝ թե որքան պետք է վճարեն կոնկրետ հմտության համար։ Անանուն հաշվիչը լուծում է այս հարցը։
  • Ժամանակի վատնում. Գործատուներն այլևս ստիպված չեն զննել հազարավոր անհամապատասխան CV-ներ, իսկ մասնագետները ուղարկել իրենց CV-ները հարյուրավոր գործատուների։ Նրանք տեսնում են միայն այն տաղանդներին, ում հմտությունները ճշգրիտ համընկնում են հաստիքի պահանջներին։


Ապագա տեսլականը. 

Armtal-ի տեսլականը դուրս է գալիս սովորական աշխատանքային պորտալի սահմաններից։ Հարթակի նպատակն է․

  • Ստեղծել այնպիսի ենթակառուցվածք, որտեղ աշխարհի ցանկացած կետից ընկերությունները կարող են վստահությամբ գտնել և համագործակցել հայ մասնագետների հետ։
  • Հիմնվելով հմտությունների պահանջարկի տվյալների վրա՝ Armtal-ը ապագայում կդառնա ուղեցույց կրթական կենտրոնների համար՝ հուշելով, թե որ ուղղություններով է պետք պատրաստել մասնագետներ։
  • Յուրաքանչյուր մասնագետի համար ստեղծել անհատականացված «ճանապարհային քարտեզ», որը ցույց կտա, թե ինչ հմտություններ են պակասում հաջորդ մակարդակին հասնելու կամ աշխատավարձը բարձրացնելու համար։


Armtal-ը հրավիրում է բոլոր ընկերություններին և ՏՏ մասնագետներին դառնալ այս նոր մշակույթի մասնակիցը։ Սա հարթակ է նրանց համար, ովքեր արժևորում են իրենց ժամանակը, գաղտնիությունը և ձգտում են տվյալների վրա հիմնված աճի։

Միացե՛ք Armtal-ին՝ միասին զարգացնելու հայկական տեխնոլոգիական ապագան։

 Կարդալ ավելին
📱 Tim Cook-ը հեռանում է CEO-ի պաշտոնից․ Apple-ը նոր ղեկավար կունենա

📱 Tim Cook-ը հեռանում է CEO-ի պաշտոնից․ Apple-ը նոր ղեկավար կունենա

 


Tim Cook-ը կլքի CEO-ի պաշտոնը 2026թ. սեպտեմբերի 1-ին, և ընկերության նոր գործադիր տնօրեն կդառնա John Ternus-ը, որը ներկայումս ղեկավարում է hardware engineering-ը և երկար տարիներ մասնակցել է iPhone, iPad և Mac սարքերի մշակմանը։ Անցումն արդեն սկսվել է, և մինչև աշուն Կուկը կշարունակի ղեկավարել ընկերությունը՝ ապահովելով սահուն փոխանցում։

CEO-ի պաշտոնից հետո Կուկը կստանձնի գործադիր խորհրդի նախագահի դերը՝ շարունակելով ներգրավված մնալ ռազմավարական որոշումներում։ Միաժամանակ ընկերության ներսում տեղի են ունենում կառուցվածքային փոփոխություններ․ hardware ուղղությունը կգլխավորի Johny Srouji-ն։

Կուկը ղեկավարում է Apple-ը 2011 թվականից՝ Steve Jobs-ից հետո։ Նրա ղեկավարության ընթացքում ընկերության արժեքը աճել է մոտ $350 մլրդ-ից մինչև շուրջ $4 տրլն, իսկ արտադրանքի և ծառայությունների շարքը զգալիորեն ընդլայնվել է։ Այս փոփոխությունը համարվում է վերջին տարիների ամենակարևոր կառավարչական անցումներից մեկը ընկերությունում։
 Կարդալ ավելին
Խելացի տուն Հայաստանում․ ինչ է դա և ինչու է դառնում պահանջված

Խելացի տուն Հայաստանում․ ինչ է դա և ինչու է դառնում պահանջված

Վերջին շրջանում «խելացի տուն» հասկացությունը դարձել է լայնորեն քննարկվող թեմա և մեծ հետաքրքրություն առաջացրել նաև Հայաստանում։ Նախկինում խելացի լուծումները ընկալվում էին որպես տեխնոլոգիական նորաձևություն կամ բարձրարժեք լուծում՝ նախատեսված սահմանափակ սեգմենտի համար, իսկ այսօր խելացի տունը հարմարավետ տուն ունենալու անխուսափելի բաղադրիչն է: 


Ի՞նչ է խելացի տունը

Խելացի տունը ամբողջական համակարգ է, որի միջոցով կարող ես ավտոմատացնել և կենտրոնացված կերպով կառավարել տան հիմնական գործառույթները։ Դրանք ներառում են լուսավորության, ջեռուցման և հովացման, անվտանգության, վարագույրների և այլ համակարգերի կառավարումը վահանակների, հավելվածի, սցենարների կամ ձայնային օգնականների միջոցով։ Խելացի տան ավտոմատացման համակարգերը կարող են լինել պրոֆեսիոնալ կամ սիրողական, որոնք իրականացվում են լարային կամ անլար տեխնոլոգիաներով՝ կախված նախագծի ծավալից և տեխնիկական պահանջներից։

Ինչու է խելացի տունը պահանջված դառնում Հայաստանում

Հայաստանում խելացի տան նկատմամբ հետաքրքրության աճը պայմանավորված է մի շարք գործոններով։ Նախ՝ զարգանում է բնակարանների և առանձնատների վերանորոգման մշակույթը, որտեղ կարևոր է դառնում ոչ միայն դիզայնը, այլև ֆունկցիոնալությունը։ 

Բացի այդ, էներգիայի խելամիտ օգտագործումը վերջին տարիներին դարձել է ինչպես տնտեսական, այնպես էլ երկարաժամկետ պլանավորման կարևոր մաս։ 

Այսօր խելացի տան ավտոմատացումը չի սահմանափակվում միայն մեկ լուծմամբ: Շուկայում արդեն առկա են ինչպես լարային, այնպես էլ անլար լուծումներ՝ կախված տարածքի առանձնահատկություններից։ 

Լարային համակարգերը նախատեսված են բացառապես վերանորոգման փուլում գտնվող տարածքների համար, իսկ անլար համակարգերը ինչպես վերանորոգված, այնպես էլ վերանորոգման փուլում գտնվող տարածքների համար: 

Հայսատանում արդեն կան և պրոֆեսիոնալ և սիրողական լուծումներ առաջարկող կազմակերպություններ։ Պրոֆեսիոնալ լուծումների դեպքում սպառողը ստանում է ամբողջական կայուն համակարգ, իսկ սիրողականի դեպքում պարզապես առանձին սարքավորումների կառավարւմ: 

Սիրողական լուծումներ առաջարկող բրենդներից Հայաստանում տարածված են՝ Aqara, Sonoff, Tuya բրենդերը։ Հայաստանում արդեն երկու տարի է գործում է նաև պրոֆեսիոնալ լուծումներ առաջարկող Lifesmart բրենդը, որի միակ և պաշտոնական ներկայացուցիչը Հայաստանում Smartic ընկերությունն է։ Smartic-ը խելացի տան և խելացի գրասենյակի ավտոմատացման ընկերություն է, որը Հայաստանում առաջարկում է պրոֆեսիոնալ անլար լուծումներ՝ միջազգային ստանդարտներին համապատասխան:


Ոլորտի առաջադեմ դիզայներական և ճարտարապետական ընկերությունները նույնպես իրենց ներդրումը ունեն «Խելացի Տների» ոլորտի զարգացման հարցում։ 

Հայաստանում արդեն մի շարք ընկերություններ իրենց նախագծերում դիտարկում են սմարթ լուծումներ։ Օրինակ` ժամանակակից ճարտարապետական լուծումներ առաջարկող Forma Toon ընկերությունը՝ իր նախագծերում սկսել է  ինտեգրել Խելացի Տան լուծումներ՝  համադրելով հարմարավետությունը և ֆունկցիոնալությունը մեկ նախագծում։


Պատկերն ավելի ամբողջական դարձնելու համար խոսեցինք նաև ոլորտի մասնագետների հետ ՝ լսելու իրենց իրական փորձն ու դիտարկումները։

Entrance Architects-ի հիմնադիր տնօրեն Գրիգոր Մարտիրոսյանի դիտարկմամբ՝ Հայաստանում «խելացի տան» համակարգերի նկատմամբ պատրաստվածությունը տարեցտարի աճում է․ հատկապես այն մարդկանց շրջանում, ովքեր արդեն անցել են նորակառույց բնակարանների կամ որակյալ վերանորոգման ճանապարհով։ Այս փուլում հիմնական խոչընդոտը ոչ թե տեխնոլոգիայի հասանելիությունն է, այլ ճիշտ ներկայացումը․ երբ «խելացի տունը» ընկալվում է որպես հարմարավետություն, էներգախնայողություն և վերահսկելի միջավայր, մարդիկ ավելի վստահ են գնում ներդրման։

Ինտերիեր Դիզայներ Julia Tikhonova-ի կարծիքով՝ այսօր տեխնոլոգիաները շատ արագ զարգանում են. մենք ամեն օր օգտագործում ենք ամենաժամանակակից տեխնոլոգիաները մեր սմարթֆոններում: Այսպիսով, բնական է, որ նույն մոտեցումը աստիճանաբար տեղափոխվում է մեր տուն՝ դարձնելով առօրյա կյանքը ավելի հարմար և հեշտ: Յուլյայի կարծիքով հայկական շուկան պատրաստ է դրան. անշարժ գույքի նկատմամբ հետաքրքրությունը միայն աճում է, և ավելի ու ավելի շատ մարդիկ մտածում են ոչ միայն դիզայնի, այլև ֆունկցիոնալ, տեխնոլոգիական լուծումների մասին։

Decoreeholding կազմակերպության տնօրեն՝ Կարո Փուչակչյանի կարծիքով՝ «Խելացի տան» համակարգերի ոլորտում իրենց փորձը ցույց է տալիս, որ ճիշտ ինտեգրված լուծումները չեն բարձրացնում միայն բնակարանի հարմարավետությունն ու անվտանգությունը, այլև ստեղծում են արժեք՝ բարձրացնելով գույքի մրցունակությունը շուկայում։

Հայաստանում խելացի տեխնոլոգիաները  աստիճանաբար կիրառվում են ոչ միայն բնակելի տարածքներում, այլև գրասենյակներում։ Խելացի գրասենյակների ավտոմատացումը ներառում է անվտանգության, լուսավորության, կլիմայի և Meeting room-երի ամբողջական կառավարում,որը հանգեցնում է ռեսուրսների խնայողության և աշխատանքի հարմարավետության։ Օրինակ Smartic ընկերության իրականացրած նախագծերից է Prodigi ընկերության շուրջ 400 քմ գրասենյակը, որտեղ գործող հանդիպումների խելացի սենյակ-ը  ապահովում է արդյունավետ ու հարմարավետ հանդիպումների պրոցես, ինպես նաև խելացի սցենարների միջոցով ստեղծում համակարգված միջավայր։ Smartic-ի իրականացրած մեկ այլ պրոյեկտում՝ Arara ընկերության գրասենյակում, խելացի սարքավորումների շնորհիվ իրականացվել է էներգիայի խնայողություն և արդյունավետ կառավարում։

Այսպիսով, խելացի տան տեխնոլոգիաները Հայաստանում աստիճանաբար ձևավորվում են որպես գիտակցված ընտրություն՝ ուղղված կյանքի որակի բարելավմանը։ Այն միավորում է հարմարավետությունը, անվտանգությունն ու էներգախնայողությունը։ Միջազգային փորձի և տեղական պրոֆեսիոնալ  մասնագիտական մոտեցման շնորհիվ խելացի տան գաղափարը դառնում է ժամանակակից կենսակերպի բաղկացուցիչ մաս։
 Կարդալ ավելին
Apple-ը նորացված Siri-ի և Apple Intelligence-ի համար կօգտագործի Google Gemini արհեստական բանականության մոդելը

Apple-ը նորացված Siri-ի և Apple Intelligence-ի համար կօգտագործի Google Gemini արհեստական բանականության մոդելը

 


Apple-ն ու Google-ը հայտարարել են բազմամյա համագործակցության մասին, որի շրջանակում Gemini-ն կդառնա նոր Siri-ի հիմքը։ Սա թույլ կտա օգնականին վարել ավելի բնական երկխոսություն, ավելի լավ հասկանալ հարցումների կոնտեքստը և խորացված կերպով աշխատել հավելվածների հետ։ Ներկայում Siri-ն և Apple Intelligence-ը միասին հիմնված են մոտ 150 մլրդ պարամետրերի վրա, մինչդեռ Google Gemini-ն օգտագործում է շուրջ 1.2 տրիլիոն պարամետր, ինչը զգալիորեն բարձրացնում է հարցումների մշակման և համատեքստի ըմբռնման մակարդակը։ 

🔒 Կարևոր է նշել, որ օգտատերերի տվյալները կմնան միայն Apple-ի Private Cloud Compute ենթակառուցվածքում․ անցում Google-ի սերվերներին չի նախատեսվում։ 

💰 Ըստ Bloomberg-ի՝ Apple-ը Gemini-ի օգտագործման համար տարեկան կվճարի մոտ $1 մլրդ։ 

📱 Թարմացումը սպասվում է արդեն iOS 26.4 տարբերակում՝ գարնանը։
 Կարդալ ավելին
OpenAI-ն հայտարարել է առողջությանը նվիրված առանձին բաժնի՝ ChatGPT Health-ի գործարկման մասին

OpenAI-ն հայտարարել է առողջությանը նվիրված առանձին բաժնի՝ ChatGPT Health-ի գործարկման մասին


OpenAI-ն հայտարարել է ChatGPT Health ծառայության գործարկման մասին։ Սա ChatGPT-ի ներսում նոր, առանձին բաժին է, որը նախատեսված է բացառապես առողջության հետ կապված հարցերի համար՝ համադրելով օգտատիրոջ առողջական տվյալներն ու ChatGPT-ի արհեստական բանականությունը։ 

Օգտատերերը կկարողանան միացնել առողջության հավելվածներ, ինչպիսիք են Apple Health և MyFitnessPal, ինչպես նաև (ցանկության դեպքում) տրամադրել բժշկական քարտերի հասանելիություն, որպեսզի խորհուրդներն ու վերլուծությունները լինեն ավելի անհատականացված և ճշգրիտ։ Կարևոր է, որ այս տվյալները չեն փոխանցվում այլ չատերի և մնում են միայն ChatGPT Health բաժնի շրջանակում։ 


ChatGPT Health-ի միջոցով հնարավոր կլինի հետևել առողջական պատմությանը, վերլուծել անալիզների արդյունքները, խորհրդակցել մարզումների և սննդակարգի վերաբերյալ, ինչպես նաև պատրաստվել բժշկի այցին։ «ChatGPT Health-ը ստեղծվել է բժշկական օգնությանը աջակցելու համար, ոչ թե այն փոխարինելու։ Այն նախատեսված չէ ախտորոշման կամ բուժման համար։ Փոխարենը այն օգնում է կողմնորոշվել առօրյա հարցերում և ավելի պատրաստ լինել կարևոր բժշկական զրույցներին» — OpenAI 

Առայժմ ծառայությունը հասանելի է բետա տարբերակով՝ միայն սպասման ցանկում գտնվող օգտատերերի համար, իսկ մոտ ապագայում այն կբացվի բոլորի համար՝ ChatGPT-ի վեբ տարբերակում և iOS-ում։
 Կարդալ ավելին
Թարմացվել է ArmRadio հավելվածը և ադապտացվել մեքենաների համար

Թարմացվել է ArmRadio հավելվածը և ադապտացվել մեքենաների համար


Վերջերս Հայաստանում զգալիորեն աճել է չինական էլեկտրական մեքենաների քանակը, որոնցում հաճախ անհրաժեշտ է տեղադրել լրացուցիչ Android հավելվածներ, որպեսզի գոնե հնարավոր լինի լսել օնլայն ռադիոկայաններ։ 

Հավանաբար շատերդ արդեն օգտագործում եք ArmRadio հավելվածը, որը տարիներ առաջ ստեղծվել էր որպես Google Chrome հավելված, իսկ հետագայում դարձավ հասանելի նաև որպես Android հավելված։ 

Հավելվածը երկար ժամանակ չէր թարմացվել, ինչի արդյունքում առկա էին մի շարք ծրագրային և ինտերֆեյսի հետ կապված խնդիրներ։ Ուրախ եմ տեղեկացնել, որ այժմ հավելվածը թարմացվել է և ներառում է մի շարք նոր ու վերամշակված գործառույթներ։ Ամենակարևոր փոփոխություններից մեկը ինտերֆեյսի թարմացումն է․ այն ադապտացվել է մեքենաների և պլանշետների էկրաններին, ավելացվել է մուգ թեմա, ինչպես նաև ներդրվել է լոգոների սալիկներով ինտերֆեյս (նախկինում հասանելի էր միայն ցուցակը)։ 


Մյուս նորությունն այն է, որ արդեն հասանելի է նաև http://radio.armblog.net/ կայքը, որտեղ կարելի է անմիջապես ինտերնետ դիտարկչում լսել ռադիոկայանները։ Այսինքն՝ եթե ձեր մեքենայում կամ այլ սարքում (օրինակ՝ iOS) հնարավոր չէ տեղադրել Android հավելվածներ, կարող եք օգտվել վեբ տարբերակից։ 


Android սարքերում հավելվածը կարելի է ներբեռնել ինչպես Google Play-ից, այնպես էլ Aurora Store, RuStore, Huawei AppGallery-ից։ Հասանելի է նաև APK ֆայլը ներբեռնելու և ինքնուրույն տեղադրելու տարբերակը։ 

Եթե նույնիսկ ձեր մեքենայում չկա Android օպերացիոն համակարգ, բայց այն ունի Android Auto, ապա վերջին թարմացումը թույլ է տալիս օգտվել հավելվածից նաև Android Auto միջավայրում։ Այս գործառույթը դեռ փորձնական բետա փուլում է, այնպես որ հնարավոր են որոշակի խնդիրներ: 


Նշեմ, որ հավելվածը որևէ շահույթ չի հետապնդում և չի պարունակում ոչ թաքնված, ոչ էլ բացահայտ գովազդ:

 Ահա հավելվածի հիմնական առավելությունները՝ 
✓ Անվճար և առանց գովազդների 
✓ Աշխատում է ֆոնային ռեժիմում 
✓ Բոլոր հայկական օնլայն ռադիոկայանները՝ ավտոմատ թարմացմամբ 
✓ Սպիտակ և մուգ ինտերֆեյս 
✓ Ցանցային կամ ցուցակային ադապտիվ դասավորություն 
✓ «Ընտրյալներ» ցանկ 
✓ Կառավարում մեքենայի ղեկի և Bluetooth կոճակների միջոցով 
✓ Սեփական ռադիոկայաններ ավելացնելու հնարավորություն ✓ Android Auto միջավայր 
✓ Հասանելի է հայերեն, ռուսերեն և անգլերեն լեզուներով 

Ուրախ կլինեմ լսել ձեր կարծիքներն ու առաջարկները հետագա թարմացումների համար։
 Կարդալ ավելին
Google-ը ելք է գտել և Quick Share-ը դարձրել համատեղելի iPhone AirDrop-ի հետ

Google-ը ելք է գտել և Quick Share-ը դարձրել համատեղելի iPhone AirDrop-ի հետ


Google-ը պաշտոնապես հայտարարեց, որ նորացված Quick Share տեխնոլոգիան կարող է փոխանակել ֆայլեր iPhone, iPad և Mac սարքերի հետ՝ օգտագործելով AirDrop-ին համարժեք ուղիղ peer-to-peer կապ։ Առանց ինտերնետի, առանց սերվերների, և առանց հավելյալ հավելվածների։ 


Google-ը AirDrop-ի աջակցությունը իրականացրել է ինքնուրույն: Android սարքը «ներկայանում է» որպես Apple սարք, ինչի շնորհիվ iOS-ը ընդունում է կապը որպես սեփական էկոհամակարգի մաս։ Apple-ը այս գործընթացում որևէ մասնակցություն չի ունեցել։ 

Ֆայլերի փոխանակման համար iPhone-ում AirDrop-ը պետք է դրված լինի «Everyone» ռեժիմում։ Ֆունկցիան առայժմ հասանելի է միայն Pixel 10 սերիայում։ Google-ը պլանավորում է աստիճանաբար բացել աջակցությունը նաև այլ Android-սմարթֆոնների համար։ 

Քանի որ իրականացումը կատարվել է առանց Apple-ի պաշտոնական համագործակցության, ընկերությունը կարող է ապագա iOS թարմացումներով սահմանափակել կամ ամբողջությամբ արգելել այս մեխանիզմը։
 Կարդալ ավելին
ԱՄՆ կառավարությունը թույլատրել է Firebird ստարտափին Հայաստան արտահանել NVIDIA-ի գերհզոր չիպերը

ԱՄՆ կառավարությունը թույլատրել է Firebird ստարտափին Հայաստան արտահանել NVIDIA-ի գերհզոր չիպերը


Bloomberg-ը հայտնում է, որ ԱՄՆ կառավարությունը պաշտոնապես թույլատրել է Firebird ստարտափին Հայաստան արտահանել NVIDIA-ի գերհզոր չիպերը։ Սա բեկումնային որոշում է, որը կայացվել է ԱՄՆ կողմից առաջադեմ չիպերի արտահանման սահմանափակումների թուլացման ֆոնին և հնարավորություն է տալիս Հայաստանը դարձնել տարածաշրջանային տեխնոլոգիական խաղացող։


Ըստ պարբերականի՝ 500 միլիոն դոլար սկզբնական ներդրմամբ և 100 ՄՎտ հզորությամբ այս կենտրոնը կգործի Dell-ի սերվերների ու NVIDIA Blackwell նորագույն պրոցեսորների հիման վրա։ Ստեղծվող ենթակառուցվածքի 20 տոկոսը կուղղվի հայաստանյան ընկերությունների կարիքներին, իսկ հիմնական մասը՝ 80 տոկոսը, կտրամադրվի տարածաշրջանում գործող ամերիկյան բիզնեսներին։ Firebird-ի համահիմնադիր Ռազմիկ Հովակիմյանի և Moderna-ի համահիմնադիր Նուբար Աֆեյանի աջակցությամբ կյանքի կոչվող այս նախաձեռնության առաջին փուլի մեկնարկը սպասվում է 2026 թվականի երկրորդ եռամսյակում։


NVIDIA-ն հենց երեկ՝ նոյեմբերի 19-ին, հրապարակեց նաև իր եռամսյակային ֆինանսական հաշվետվությունը, որտեղ գրանցեց ռեկորդային $57.0 միլիարդ դոլար հասույթ։


Հասույթն աճել է 22%-ով նախորդ եռամսյակից և 62%-ով՝ նախորդ տարվա նույն ժամանակահատվածի համեմատ։ Ամենակարևորը՝ ընկերության «Տվյալների կենտրոններ» (Data Center) ուղղության եկամուտը հասել է $51.2 միլիարդի։

 Կարդալ ավելին
Google-ը կրկին բարձրացնում է նշաձողը՝ թողարկելով իր մինչ այժմ եղած ամենահզոր մոդելը՝ Gemini 3 Pro-ն

Google-ը կրկին բարձրացնում է նշաձողը՝ թողարկելով իր մինչ այժմ եղած ամենահզոր մոդելը՝ Gemini 3 Pro-ն

Սա պարզապես հերթական թարմացումը չէ, այլ արհեստական բանականության հետ մեր շփման ձևի արմատական փոփոխություն: Gemini 3 Pro-ն Google-ի երբևէ ստեղծած ամենաուժեղ մոդելն է: Այն հասկանում է բարդ համատեքստը, գրում է ավելի լավ կոդ և կատարում է վերլուծություններ վայրկյանների ընթացքում:

Ի՞նչն է դարձնում Gemini 3-ը յուրահատուկ.

🧠 Նոր մոդելը կառուցված է Google-ի նորարարական ենթակառուցվածքների վրա, ինչը թույլ է տալիս Gemini 3-ին լինել ավելի արագ, ճշգրիտ և տրամաբանող: Այն գերազանցում է նախորդ սերունդներին բարդ խնդիրների լուծման և կոդավորման մեջ:


🎨 Generative UI (Գեներատիվ ինտերֆեյս). Սա թերևս ամենահետաքրքիր նորույթն է: Մինչ այժմ մենք սովոր էինք, որ AI-ը պատասխանում է տեքստով կամ կոդով: Generative UI-ի և Flutter-ի համադրման շնորհիվ՝ մոդելը կարող է իրական ժամանակում ստեղծել ինտերակտիվ վիզուալ էլեմենտներ: Օրինակ՝ եթե հարցնեք ապրանքների մասին, այն ոչ թե ցուցակ կգրի, այլ կցուցադրի ինտերակտիվ քարտեր, գրաֆիկներ կամ կոճակներ, որոնց հետ կարող եք հաղորդակցվել հենց չատի պատուհանում: Օրինակ՝ կարող եք Վան Գոգի մասին ինֆորմացիա տեսնել ինտերակտիվ կայքի տեսքով: Կամ, եթե պլանավորում եք ճամփորդություն, ապա Gemini-ն կարող է գեներացնել ինտերակտիվ երթուղի՝ նկարներով և քարտեզներով, որոնք կարող եք սեղմել և խմբագրել:


🤖Gemini Agent (Նոր հնարավորություն). Սա արդեն ավելին է, քան պարզապես չատբոտ: Gemini Agent-ը կարող է կատարել բազմաքայլ գործողություններ (multi-step tasks)՝ ուղիղ միանալով ձեր Google հավելվածներին: Դուք կարող եք պարզապես հանձնարարել կարգավորել ձեր inbox-ը, և այն կառանձնացնի կարևոր նամակները, կդասավորի անելիքները կամ կպատրաստի պատասխանների սևագրեր: Ավելին, այն կարող է իրականացնել կոնկրետ խնդիրներ, օրինակ՝ գտնել և նախապատրաստել մեքենայի ամրագրումը՝ հիմնվելով միայն ձեր էլ. փոստի տվյալների վրա, ընդ որում՝ կրիտիկական գործողություններից (օրինակ՝ վճարումներից) առաջ այն միշտ կսպասի ձեր հաստատմանը:


🛠Google Antigravity-ն նոր միջավայր է (IDE) ծրագրավորողների համար, որը նախատեսված է ագենտների հետ աշխատելու համար։ Այստեղ դուք ոչ թե պարզապես կոդ եք գրում, այլ ղեկավարում եք AI գործակալներին, որոնք կարող են ինքնուրույն ծրագրեր կառուցել, թեստավորել դրանք և ուղղել սխալները՝ աշխատելով ձեզ հետ զուգահեռ: Դուք կարող եք ստեղծել AI օգնականներ, որոնք ունեն իրենց հիշողությունը, գործիքները և նպատակները: Antigravity-ն թույլ է տալիս տեսնել, թե ինչպես է մտածում AI-ը: Դուք կարող եք հետևել ագենտի որոշումների կայացման ընթացքին, գտնել սխալները և միջամտել աշխատանքին ցանկացած պահի: Սա մի միջավայր է, որտեղ մարդը և AI-ը աշխատում են որպես թիմակիցներ՝ կառուցելով տարբեր բարդության ծրագրեր:


🔍Gemini 3 Search AI Mode. Որոնողական համակարգը դառնում է էլ ավելի խելացի: Նոր ռեժիմը թույլ է տալիս ստանալ խորքային վերլուծված պատասխաններ՝ առանց տասնյակ կայքեր այցելելու անհրաժեշտության:


🚀Եվ ամենակարևորը՝ առայժմ անվճար է. Google-ը որոշել է հասանելի դարձնել Gemini 3 Pro-ն բոլորի համար:


🔗Փորձել այստեղ՝ https://aistudio.google.com/prompts/new_chat?model=gemini-3-pro-preview

🔗Antigravity-ի մասին ավելին՝ https://antigravity.google/




 Կարդալ ավելին
NVIDIA-ն դարձավ առաջին ընկերությունը, որի շուկայական կապիտալիզացիան անցավ 5 տրիլիոն դոլարի սահմանը

NVIDIA-ն դարձավ առաջին ընկերությունը, որի շուկայական կապիտալիզացիան անցավ 5 տրիլիոն դոլարի սահմանը


NVIDIA-ն դարձավ աշխարհի առաջին ընկերությունը, որի շուկայական կապիտալիզացիան անցավ 5 տրիլիոն դոլարի սահմանը:

Միայն 4 ամիս առաջ ընկերությունը հաղթահարել էր 4 տրիլիոնի շեմը։

Երեկ NVIDIA-ն հայտարարեց, որ ներդնելու է 1 միլիարդ դոլար Nokia-ում, իսկ վերջերս էլ ներդրումային համագործակցության համաձայնագիր է կնքել Intel-ի հետ։

Բացի այդ, ընկերությունը համագործակցելու է ԱՄՆ Էներգետիկայի նախարարության ազգային լաբորատորիաների և առաջատար ամերիկյան ընկերությունների հետ՝

ստեղծելու Ամերիկայի AI ենթակառուցվածքը, որը կխթանի գիտական բացահայտումները, տնտեսական աճը և կդառնա հաջորդ արդյունաբերական հեղափոխության հիմքը։ 🚀

📈 NVIDIA-ի ակցիաները շարունակաբար աճում են արհեստական բանականության «բումի» շնորհիվ, որը դարձել է ընկերության գլխավոր շարժիչ ուժը։

2022-ին Հայաստանում հիմնվել է NVIDIA-ի հետազոտական կենտրոն, իսկ վերջերս հայտարարվեց նաև, որ Հայաստանի Հանրապետության կառավարության, NVIDIA-ի, Firebird-ի և Team Group-ի համագործակցությամբ կառուցվելու է արհեստական բանականության (ԱԲ) լուծումներով աշխատող՝ տարածաշրջանի ամենահզոր սուպերհամակարգչային և տվյալների մշակման կենտրոնը: Firebird ընկերությունը 2026 թվականին նախատեսում է գործարկել NVIDIA Blackwell գրաֆիկական հազարավոր պրոցեսորներով հագեցած տվյալների կենտրոն՝ մինչև ավելի քան 100 մեգավատտ մասշտաբավորման հնարավորությամբ:

 Կարդալ ավելին
Subscribe to: Comments (Atom)