Tesla-ի ղեկավար Իլոն Մասկին վերջապես հաջողվեց գործարքը ավարտին հասցնել և գնել Թվիթերը 44 միլիարդ դոլարով: Գործարքը կատարելուց հետո նաև Թվիթերում գրել է՝ «Թռչնակն արդեն ազատ է»: Մասկը նաև գովազդատուներին է ուղերձ հղել Թվիթերում, որում նշում է, որ Թվիթերը գնել է ոչ թե գումար վաստակելու համար, այլև մարդկությանը օգնելու համար:

Նշվում է, որ Մասկը անմիջապես աշխատանքից հեռացրել է գործադիր տնօրենին, իրավաբանական և ֆինանսական բաժինների ղեկավարներին: Ընդհանուր առմամբ նրանք ստացել են 88 միլիոն դոլարի փոխհատուցում: Միայն գլխավոր գործադիր տնօրենը ստացել է 38.7 միլիոն դոլար փոխհատուցում:

Xiaomi-ի ենթաբրենդ հանդիսացող Redmi ընկերությունը ներկայացրեց Redmi Note 12 սմարթֆոնների շարքը, որոնք նախկան պաշտոնական ներկայացումը արդեն հիթ էին դարձել Չինաստանում: Note 12 շարքը բաղկացած է 4 մոդելներից՝ Redmi Note 12 5G, Note 12 Pro, Note 12 Pro+ և Redmi Note 12 Discovery Edition:

Redmi Note 12 սմարթֆոնն ունի 6.67 դյույմանոց OLED էկրան (120 Հց, FHD+ 2400х1080, 20:9, 1200 նիտ): Սմարթֆոնն աշխատում է Qualcomm Snapdragon 4 Gen 1 պրոցեսորով և Adreno 619 գրաֆիկական ադապտերով: Սմարթֆոնի մարտկոցը 5000 մԱժ է, որը լիցքավորվում է 33 Վտ հզորությամբ: 

Սմարթֆոնի հիմնական տեսախցիկների բլոկը բաղկացած է 48 ՄՊ հիմնական և 2 ՄՊ խորության մոդուլներից: Առջևի տեսախցիկը 8 ՄՊ է: Սմարթֆոնի ներքին հիշողությունը 128/256 ԳԲ է, իսկ օպերատիվ հիշողությունը՝ 4/6/8 ԳԲ: Սմարթֆոնում առկա են USB Type-C, 5G, Wi-Fi 5, Bluetooth 5.1 տեխնոլոգիաները, ինչպես նաև 3,5 մմ բնիկը: Սմարթֆոնները հասանելի են լինելու սպիտակ, սև և կապույտ երանգներով:

Redmi Note 12 Pro սմարթֆոնն ունի 6.67 դյույմանոց OLED էկրան (120 Հց, FHD+ 2400х1080, 20:9, 900 նիտ, Dolby Vision, HDR10+): Սմարթֆոնն աշխատում է 8 միջուկանի MediaTek Dimensity 1080 (2 հատ Cortex-A78 2,6 Գհց և 6 հատ Cortex-A55 2,0 Գհց) պրոցեսորով և Mali G68 գրաֆիկական ադապտերով: Սմարթֆոնի մարտկոցը 5000 մԱժ է , որը լիցքավորվում է 67 Վտ հզորությամբ: 

Սմարթֆոնի հիմնական տեսախցիկների բլոկը բաղկացած է 50 ՄՊ (Sony IMX766) հիմնական, 8ՄՊ լայնանկյուն  և 2 ՄՊ մակրո մոդուլներից: Առջևի տեսախցիկը 16 ՄՊ է: Սմարթֆոնի ներքին հիշողությունը 128/256 ԳԲ է, իսկ օպերատիվ հիշողությունը՝ 6/8/12 ԳԲ: Սմարթֆոնում առկա են USB Type-C, 5G, Wi-Fi 6, Bluetooth 5.2, NFC տեխնոլոգիաները, ինչպես նաև 3,5 մմ բնիկը: Սմարթֆոնները հասանելի են լինելու սպիտակ, սև, կապույտ և վարդագույն երանգներով:

Redmi Note 12 Pro+ սմարթֆոնն ունի Pro տարբերակի էկրանն ու աշխատում է նույն պրոցեսորով: Մարտկոցը նույնպես 5000 մԱժ է, սակայն լիցքավորվում է 120 Վտ հզորությամբ: Տեսախցիկների հարցում նույնպես կա զգալի տարբերություն: Pro+ տարբերակում տեսախցիկների հիմնական մոդուլը 200 ՄՊ է (Samsung ISOCELL HPX): Առջևի տեսախցիկը 16 ՄՊ է: 

Սմարթֆոնի ներքին հիշողությունը 256 ԳԲ է, իսկ օպերատիվ հիշողությունը՝ 8/12 ԳԲ: Սմարթֆոնում առկա են USB Type-C, 5G, Wi-Fi 6, Bluetooth 5.2, NFC տեխնոլոգիաները, ինչպես նաև 3,5 մմ բնիկը: Սմարթֆոնները հասանելի են լինելու սպիտակ, սև և կապույտ երանգներով: Հասանելի է լինելու նաև երկերանգ Yibo Edition տարբերակը՝ կանաչ և սև գույներով: 

Redmi Note 12 Discovery Edition տարբերակը նույնպես ունի Pro տարբերակի էկրանն ու աշխատում է նույն պրոցեսորով: Սմարթֆոնի մարտկոցը 4300 մԱժ է, որը լիցքավորվում է 210 Վտ հզորությամբ (ամբողջական լիցքավորումը 9 րոպեում): 

Սմարթֆոնում տեղադրված են Pro+ տարբերակի տեսախցիկները: Սմարթֆոնի ներքին հիշողությունը 256 ԳԲ է, իսկ օպերատիվ հիշողությունը՝ 8 ԳԲ: Սմարթֆոնում առկա են USB Type-C, 5G, Wi-Fi 6, Bluetooth 5.2, NFC տեխնոլոգիաները, ինչպես նաև 3,5 մմ բնիկը: Սմարթֆոնները հասանելի են լինելու միայն սև երանգով:

Բոլոր սմարթֆոններն աշխատում են Android 12-ի հիման վրա ստեղծված MIUI 13 ինտերֆեյսով: Սմարթֆոնները պաշտպանված են ջրից ու փոշուց IP53 ստանդարտով: Սմարթֆոնները վաճառվելու են հետևյալ գներով՝

Redmi 12

4/128 ԳԲ - $165

6/128 ԳԲ - $180

8/128 ԳԲ - $205

8/256 ԳԲ - $235

Redmi 12 Pro

6/128 ԳԲ - $235

8/128 ԳԲ - $250

8/256 ԳԲ - $275

12/256 ԳԲ - $305

Redmi 12 Pro+

8/256 ԳԲ - $305

12/256 ԳԲ - $330

Redmi Note 12 Discovery Edition

8/256 ԳԲ - $330

Համացանցում հայտնվել է Android 13-ի հիման վրա աշխատող Samsung-ի One UI 5.0 ինտերֆեյսի թարմացման գրաֆիկը, որը ներկայացնում եմ ստորև:

Հոկտեմբեր 2022

Galaxy S22

Galaxy S22+

Galaxy S22 Ultra

Նոյեմբեր 2022

Galaxy Z Fold 4

Galaxy Z Flip 4

Galaxy Z Fold 3

Galaxy Z Flip 3

Galaxy S21

Galaxy S21+

Galaxy S21 Ultra

Galaxy Note 20

Galaxy S20

Galaxy S20+

Galaxy S20 Ultra

Galaxy Tab S8

Galaxy Tab S8+

Galaxy Tab S8 Ultra

Galaxy Tab S7

Galaxy Tab S7+

Galaxy Quantum 3

Galaxy A53 5G

Galaxy A33 5G

Դեկտեմբեր 2022

Galaxy Z Fold 2

Galaxy Z Flip 5G

Galaxy Z Flip

Galaxy S20 FE

Galaxy Tab S7 FE/S7 FE 5G

Galaxy Tab S6 Lite

Galaxy A Quantum

Galaxy A Quantum 2

Galaxy A52s 5G

Galaxy A51

Galaxy A51 5G

Galaxy A42 5G

Galaxy A32

Galaxy Jump

Galaxy Jump 2

Հունվար 2023

Galaxy Tab A8

Galaxy Tab A7 Lite

Galaxy Tab Active 3

Galaxy Buddy 2

Galaxy Wide 6

Galaxy Wide 5

Galaxy Buddy

Galaxy A23

Galaxy A13

Galaxy M12

Galaxy XCover 5

Փետրվար 2023

Galaxy Tab Active 4 Pro

Microsoft ընկերության պաշտոնական կայքում հայտնվել է PC Manager  անունով ծրագիր, որը նախատեսված է Windows 10 և 11 օպերացիոն համակարգերի համար: Այս ծրագիրը ֆունկցիոնալ առումով նման է հայտնի CCleaner ծրագրի ն: Այն թույլ է տալիս համակարգչից մաքրել ավելորդ ֆայլերը,  սկանավորել և գտնել վնասակար ծրագրերը, անջատել ավտոմատ մեկնարկվող ծրագրերը և այլն: 

Adobe ընկերությունը ցուցադրեց մի շարք նոր գործառույթներ, որոնք հայտնվելու են Photoshop ծրագրի PC, iPad և վեբ (բետա) տարբերակներում:

Adobe-ը կատարելագործել է 2020թ.-ին Photoshop-ում հայտնված օբյեկտները նշելու գործիքը (Object Selection tool), որի միջոցով կարող եք մկնիկը պահել լուսանկարում եղած օբյեկտի վրա և ծրագիրն ավտոմատ ճանաչում է օբյեկտն ու նշում այն: Գործիքի թարմացված տարբերակն արդեն ճանաչում է ավելի շատ օբյեկտներ (օր. երկինք, շինությոններ, բույսեր, լեռներ և այլն):

Նույն գործիքը թույլ է տալիս նաև արագ կատարել ևս մեկ կարևոր գործողություն մեկ քայլով: Օրինակ կարող եք մի քլիքով նշել օբյեկտը և SHIFT+DELETE կոճակները սեղմելով այդ օբյեկտը ջնջել լուսանկարից: Բնականաբար ջնջված օբյեկտի հատվածը դատարկ չի մնում և արհեստական բանականությամբ այն լրացվում է ֆոնին համապատասխան:

Photoshop-ում ավելացել են նաև նեյրոնային ֆիլտրերը, որոնք աշխատում են մեքենայական ուսուցմամբ: Օրինակ լուսանկարի վերականգման (Photo Restoration) ֆիլտրը թույլ է տալիս վերականգնել հին վնասված լուսանկարները:

Photoshop-ում բետա տարբերակում հայտնվել է նաև Share for Review գործիքը, որը թույլ է տալիս տարածել ընթացիկ դիզայնը ընկերների հետ, ովքեր կարող են մեկնաբանություններ և առաջարկություններ գրել:

Մեկնաբանություններն ու դիզայնի թարմացումները ցուցադրվում են իրական ժամանակում: Տարածվող հղումը կարելի է բացել ցանկացած դիտարկչով առանց որևէ համակարգ կամ օգտահաշիվ մուտք գործելու:

Photoshop-ի iPad հավելվածում հայտնվել է նկարի ֆոնը մի քլիքով ջնջելու հնարավորություն: iPad-ում նաև հայտնվել է Content-Aware Fill գործիքը, որով հնարավոր է լուսանկարից ջնջել անցանկալի օբյեկտները: 

Photoshop-ում հայտնված բոլոր նորույթներին կարող եք ծանոթանալ պաշտոնական բլոգում:

HONOR ընկերությունը թողարկել էր HONOR 70 սմարթֆոնները այս տարվա մայիսին և ահա վերջերս այս սմարթֆոնը թողարկվեց գլոբալ շուկայի համար: HONOR 70-ը կարելի է դասել միջինից բարձր և ժամանակակից ֆլագմաններից ցածր միջակայքում: Եթե հաշվի առնենք սմարթֆոնի պարամետրերը, արտաքին տեսքն ու գինը, ապա գին/որակ հարաբերությամբ այս սմարթֆոնը բավականին մրցունակ է իր սեգմենտի համար:

HONOR 70 սմարթֆոնն արտաքինից բավականին տարբերվող է և պրեմիում դասի սմարթֆոնի տեսք ունի, քանի որ կորպուսը մետաղյա է, իսկ հետևի հատվածը ծածկված է ապակիով: Առջևում էկրանը երկու եզրերում ունի 58 աստիճան թեքություն (ջրվեժի նման): 

Հասանելի են սմարթֆոնի կորպուսի 3 երանգներ՝ արծաթագույն (Crystal Silver), կանաչ (Emerald Green) և սև (Midnight Black): HONOR 70 սմարթֆոնի արծաթագույն (Crystal Silver) տարբերակը հետևի հատվածում ունի շեղանկյուն նախշեր, որոնք անկյան տակ նայելիս շողում են: Նշեմ, որ կանաչ (Emerald Green) երանգով մոդելի կորպուսն անփայլ է, իսկ մնացածը՝ փայլուն:

HONOR 70 սմարթֆոնի կողքի հատվածում տեղադրված են ձայնի կարգավորման և սմարթֆոնի միացման/անջատման կոճակները: Մատնահետքի սկաները տեղադրված է էկրանի մեջ: Սմարթֆոնը հնարավոր է նաև արգելափակումից հանել դեմքի միջոցով: Սմարթֆոնի ներքևի հատվածում տեղադրված են USB-C ու SIM քարտի բնիկնեը, ինչպես նաև բարձրախոսը: 3.5 մմ աուդիո բնիկը բացակայում է:

Չնայած մեծ էկրանի չափսին ու մեծ ծավալով մարտկոցին, HONOR 70 սմարթֆոնը բավականին թեթև է ու բարակ: Սմարթֆոնը կշռում է 178 գրամ և ունի 7.91 մմ հաստություն:

HONOR 70 սմարթֆոնի էկրանը OLED էկրանը 6.67 դյույմ է (FHD+ 2400×1080, 20:9, 395 ppi,  մինչև 120 Հց, HDR10+, 10-bit) թողունակություն: Սմարթֆոնի էկրանի առավելագույն լուսավորությունը 790 նիտ է: Արևային եղանակին փողոցում օգտագործելու դեպքում սա բավական է սմարթֆոնի էկրանը հստակ տեսնելու համար:

HONOR 70 սմարթֆոնի հետևի հատվածում տեղադրված են երկու մեծ կլորակներ, որոնց մեջ տեղադրված են տեսախցիկները: Առաջին հայացքից մի փոքր անսովոր ու մեծ են թվում այս 2 կլորակները, սակայն դրանք յուրատեսակ ու տարբերվող տեսք են տալիս սմարթֆոնին: Այդ կլորակներում տեղադրված են 54 ՄՊ հիմնական (Sony IMX800, f/1.9), 50 ՄՊ լայնանկյուն (122°, f/2.2) և 2 ՄՊ խորության սենսորները: Առջևի տեսախցիկը 32 ՄՊ է: 

Սմարթֆոնի մակրո ռեժիմի համար չկա առանձին սենսոր: Մակրո լուսանկարների համար պատասխանատու է լայնանկյուն սենսորը, որն ավտոմատ միանում է համապատասխան հեռավորության վրա: Սմարթֆոնում բացակայում է տելեֆոտո մոդուլը, այդ պատճառով այստեղ զումի սիրահարները կարող են մի փոքր հիասթափվել:

HONOR 70-ի տեսախցիկներին օգնության է գալիս նաև արհեստական բանականությունն ու ծրագրային ապահովումը, ինչի շնորհիվ բավականին որակյալ ու պայծառ լուսանկարներ են ստացվում: Ներկայացնում եմ իմ կողմից արված մի քանի լուսանկարներ: Ընդհանուր առմամբ նշեմ, որ տեսախցիկները բավականին լավ են նկարում: Ճիշտն ասած գիշերային ռեժիմից շատ բան չէի սպասում այս գնի ու դասի սմարթֆոնի համար, սակայն հաճելիորեն զարմացա տեսնելով արդյունքը:

HONOR 70-ով հնարավոր է միացնել նաև հատուկ ռեժիմ, որտեղ միաժամանակ նկարահանում են ինչպես առջևի, այնպես էլ հետևի տեսախցիկները և արդյունքում ստացվում է մեկ ընդհանուր վիդեո: Սմարթֆոնի տեսախցիկի ծրագրում առկա են մի շարք այլ ռեժիմներ, որոնց թվում է նաև «Սմարթ տեսաֆոկուսը: Վերջինս միացնելու դեպքում կարող եք ձեռքով ֆոկուսը նշել որևէ մարդու վրա և հիմնական տեսահոլովակից բացի կնկարահանվի նաև այդ մարդու վրա կենտրոնացած տեսանյութ:

HONOR 70 սմարթֆոնն աշխատում է 6 նանոմետրանոց Snapdragon 778G+ պրոցեսորով, որը բաղկացած է 8 միջուկներից՝ 1 հատ Cortex-A78 (2,5 Գհց), 3 հատ Cortex-A78 (2.4 Գհց) և 4 հատ Cortex-A55 (1.8 Գհց): Այս պրոցեսորը կարելի է դասել միջին դասի պրոցեսորների առաջատարների շարքին: Սմարթֆոնն աշխատում է բավականին արագ և նույնիսկ խաղերում խնդիրներ չեն նկատվում: Սմարթֆոնում տեղադրված է Adreno 642L գրաֆիկական ադապտեր, որն աշխատում է HONOR GPU Turbo X տեխնոլոգիայով: Սմարտֆոն ունի 8 ԳԲ օպերատիվ և 256 ԳԲ ներքին հիշողություն:

HONOR 70 սմարթֆոնի մարտկոցը 4800 մԱժ է, որը լարով լիցքավորվում է 66Վտ հզորությամբ: Ուրախալին այն է, որ այս հզորությամբ լիցքավորման սարքն առկա է սմարթֆոնի տուփի մեջ և կարիք չկա այն առանձին գնելու: 

Արագ լիցքավորման տեխնոլոգիայի շնորհիվ սմարթֆոնի մարտկոցի 60%-ը լիցքավորվում է 20 րոպեում: Սմարթֆոնը անլար տարբերակով լիցքավորման հնարավորություն չունի: HONOR 70 Սմարթֆոնն աշխատում է ինչպես 4G, այնպես էլ 5G ցանցում: Սմարթֆոնի մոդուլներից կարելի է առանձնացնել NFC, Wi-Fi 6, Bluetooth 5.2 և տեղորոշման GPS/AGPS/GLONASS/BeiDou/Galileo մոդուլները: Ջրից և փոշուց պաշտպանության ոչ մի IP ստանդարտ նշված չի արտադրողի կողմից: Սմարթֆոնն աշխատում է Android 12-ի հիման վրա ստեղծված Magic UI 6.1 ինտերֆեյսով: HONOR 70-ում առկա են նաև Google-ի բոլոր ծառայությունները (այդ թվում Google Play-ը):

HONOR 70 սմարթֆոնը կարելի է ձեռք բերել 245 900 դրամով Ucom, Vega, Team Telecom խանութ-սրահներց: Ի դեպ, մինչև հոկտեմբերի 31-ը HONOR 70 սմարթֆոնը գնելու դեպքում որպես նվեր կստանաք HONOR Earbuds 2 Lite ականջակալներ:

Microsoft ընկերությունը այսօրվա պրեզենտացիայի ժամանակ հայտնեց Windows 11 և Xbox համակարգերում Apple-ի արտադրանքների ինտեգրացիայի մասին: Շուտով Microsoft Store հավելվածների խանութում հայտնվելու են Apple TV և Apple Music ծառայությունները: Xbox համակարգում Apple Music-ն արդեն հասանելի է: Բացի այդ, Microsoft-ը ներկայացրեց ևս մեկ կարևոր նորություն. Windows-ի «Photos» հավելվածում ներդրվելու է iCloud-ը: Այսինքն այս հավելվածից հնարավոր կլինի միանգամից տեսնել iCloud-ի վրա գտնվող լուսանկարներն ու վիդեոները: Նախկինում դա անելու համար հարկավոր էր տեղադրել iCloud ծրագիրը: «Photos» հավելվածի թարմացված տարբերակն արդեն հասանելի է թարմացումների «Dev» կանալում:

Since the iPhone 14 went on sale, the 911 dispatch center near Kings Island amusement park has received at least six phones calls saying:

“The owner of this iPhone was in a severe car crash...”

Except, the owner was just on a roller coaster.

🆕 by me: https://t.co/hp1fHZBIf6 pic.twitter.com/i0lZPoWzGz

— Joanna Stern (@JoannaStern) October 9, 2022

Apple ընկերությունը վերջերս ներկայացրեց iPhone 14 սմարթֆոնները, որոնց առջևի տեսախցիկները վահանակը տեղադրված է այսպես կոչված «կղզյակի» մեջ: Apple ընկերությունը ներկայացրեց նաև Dynamic Island գործառույթը, որը ցուցադրում է օգտակար ինֆորմացիան անմիջապես այդ կղզյակի մեջ: Այսինքն տեսախցիկների կղզյակը լայնանում է և այնտեղ հայտնվում է օրինակ զանգողի տվյալները կամ այլ ծրագրերի ծանուցումները:

Տվյալ պահին շուկայում առկա են բազմաթիվ սմարթֆոններ, որոնք ունեն տեսախցիկների նմանատիպ կղզյակ: Այսինքն Անդրոիդում Dynamic Island-ի էֆեկտը ստանալու համար անհրաժեշտ է միայն համապատասխան ծրագրային ապահովում: Հենց այս նպատակով ստեղծվել է dynamicSpot հավելվածը, որը կարճ ժամանակահատվածում ունի ավելի քան մեկ միլիոն ներբեռնում և բազմաթիվ դրական արձագանքներ: Պետք է ընդամենը տեղադրել հավելվածը և կատարել պահանջվող կարգավորումները: Նշեմ, որ dynamicSpot-ում կա նաև տեսախցիկի վահանակի դիրքը ընտրելու գործառույթ, որպեսզի այն հարմարեցնեք ձեր սմարթֆոնին: