Epic Games-ը շարունակում է PC համակարգիչների համար անվճար նվիրել հայտնի խաղեր: Այսպիսով այս շաբաթ անվճար կարող եք Ձեր գրադարանում ավելացնել հայտնի Among Us խաղը, որը կարող եք ինտերնետով կամ լոկալ ցանցով միաժամանակ խաղալ 4-10 հոգով:

Ստեղծվել է Time-Travel Rephotography կոչվող նոր տեխնոլոգիա, որը արհեստական բանականության միջոցով գեներացնում է հին լուսանկարները բարձր որակով: 

Սա նման չէ մինչ այժմ առկա տեխնոլոգիաներին, որոնք պարզապես գունավորում էին հին լուսանկարները: Այս տեխնոլոգիան վերբեռնված լուսանկարում առկա մարդու նմանակի բարձր որակով լուսանկարի վրա կիրառում է մուտքային լուսանկարի դեմքի կազմվածքը: Արդյունքն իրոք ապշեցուցիչ է: 

Spotify ծառայության Premium բաժանորդներն այսուհետ կարող եք երգերը ներբեռնել Apple Watch սմարթ ժամացույցի մեջ և լսել առանց ինտերնետի անմիջապես ժամացույցից (սմարթֆոնի առկայությունը պարտադիր չի): 

Google ընկերությունը I/O 2021 միջոցառման ժամանակ ներկայացրեց Android 12-ը: Այս նոր օպերացիոն համակարգում զգալի փոխվել է արտաքին ինտերֆեյսը: Համակարգի նոր դիզայնը կոչվում է Material You: Այլևս չկան ստանդարտ գույներն ու կոմպոնենտները:

Համակարգը էկրանի նկարի հիման վրա գեներացնում է գույներ, որոնք կիրառում են բոլոր հավելվածներում ու կոմպոնենտներում: Գույները կիրառվում են նաև այլ սարքերի վրա:

Արգելափակման էկրանը դարձել է ավելի դինամիկ: Օրինակ ծանուցումներ ունենալու դեպքում ժամը ցուցադրվում է վերևի հատվածում, իսկ դրանց բացակայության դեպքում այն զբաղեցնում է ազատ տարածքը: 

Անդրոիդ 12-ում էկրանի վերևի աջ անկյունում ցուցադրվելու են հատուկ նշաններ, եթե այդ պահին օգտագործվում են GPS-ը կամ միկրոֆոնը (iOS-ի նման): 

Հնարավորություն կա նաև կառավարման վահանակի վրայից միանգամից արգելել նշված մոդուլների օգտագործումը: Կարող եք ընտրել նաև, թե համակարգը հավելածներին ինչ ճշտությամբ տրամադրի GPS կոորդինատները:

Android 12-ում մանրամասն ցուցադրվում է նշված մոդուլների օգտագործման ժամանակագրությունը:

Android 12 օպերացիոն համակարգի բետա տարբերակն արդեն հասանելի է մի շարք սմարթֆոնների համար (Xiaomi Mi 11, OnePlus 9): Ներբեռնելու համար բացեք պաշտոնական կայքը և ընտրեք Ձեր սրարթֆոնի մոդելըը և կատարեք առաջարկվող քայլերը:

Epic Games-ը շարունակում է համակարգչային խաղերի սիրահարներին ուրախացնել իր անակնկալներով: Այս շաբաթը Epic Games-ում կարող եք անվճար Ձեր գրադարաններում ավելացնել NBA 2K21 բասկետբոլային սիմուլյատորը և անվերջ խաղալ: Ակցիան գործում է մի շաբաթ:

Google ընկերությունը Google I/O 2021 միջոցառման ժամանակ ցուցադրեց Google Photos ծառայությունում սպասվող նորույթները: Անիմացիոն լուսանկարների գործառույթը կընտրի երկու միանման լուսանկարները և դրանք միավորելով կստեղծի գեղեցիկ անիմացիոն լուսանկար:

Google Photos ծառայությունում կավելանան գաղտնաբառով թղթապանակներ, որտեղ կարող եք թաքցնել և գաղտնաբառով պաշտպանել ընտրված լուսանկարները:

Google I/O 2021 միջոցառման ժամանակ ներկայացվեցին Google Maps-ում սպասվող նորույթները: Նախևառաջ քարտեզները դառնալու են ավելի դետալիզացված:

Նավիգացիան կառուցվելուց հաշվի է առնվելու նաև այն ճանապարհը, որն անցնելու համար ավելի քիչ վառելիք կպահանջվի ծախսել: Հնարավոր կլինի նաև կառուցել այնպիսի նավիգացիա, որն ավելի անվտանգ է վթարների առումով (վիճակագրության հիման վրա): Live View ռեժիմում հնարավոր կլինի հեռախոսը պահել օրինակ ռեստորանի վրա և տեսնել մանրամասն տվյալներ: 

Live View-ով ցուցադրվում է նաև Ձեր հեռավորությունը ցուցադրվող շինությունից: Օրինակ կարող եք հեռախոսը պահել հեռվում գտնվող հյուրանոցի վրա և տեսնել, թե ինչքան է այն հեռու: 

Քարտեզներում ավելացել է նաև հասարակական վայրերի զբաղվածությունը ցուցադրող գործառույթ: Օրինակ քարտեզի վրա կարող եք տեսնել, որ ընտրված տարածքում տվյալ պահին ավելի շատ մարդիկ կան, քան սովորաբար:

Քարտեզը դառնալու է նաև ավելի ինտերակտիվ և ժամից կախված ցուցադրելու է տարբեր խանութներ, ռեստորաններ և այլ վայրեր:

Այսօր մեկնարկում է Google I/O 2021 միջոցառումը, որի ընթացքում Google ընկերությունը կներկայացնի իր ծրագրային նորությունները: Միջոցառումը նախևառաջ նախատեսված է ծրագրավորողների համար: Միջոցառման ժամանակ կներկայացվեն նաև Android 12-ի մասին տվյալներ: Հետագա գրառումներով առանձին կանդրադառնամ միջոցառման ժամանակ ցուցադրված կարևոր նորություններին:

Intel Labs-ի մասնագետները ներկայացրեցին նեյրոնային ցանցով աշխատող նոր տեխնոլոգիա, որը լուսանկարներն ու վիդեոները դարձնում է ավելի իրական: Տեխնոլոգիան փորձարկվել է GTA V խաղից արված ձայնագրության վրա: 

Մեքենայական ուսուցմամբ աշխատող այս տենխոլոգիան «սովորում է» է առանձին էլեմենտներով՝ ասֆալտի կտոր, հեծանվորդ, ճանապարհի նշան և այլն: Օրինակ GTA խաղի համար օգտագործվել են Cityscapes-ի տվյալները, որտեղ պահպահնված են Գերմանիայի մեքենաների վիդեոռեգիստրատորնեի վիդեոները: Տեխնոլոգիայի մասին ավելի մանրամասն կարող եք տեսնել այստեղ:

Ամիսներ առաջ մեծ տարածում գտավ ձայնային խոսակցությունների Clubhouse սոցցանցը, որտեղ օգտատերերը «սենյակներում» քննարկում էին տարբեր թեմաներ: Այս սոցցանցը հատկապես օգտակար է մարկելոգոների համար: Հավելվածը պաշտոնապես մինչ այժմ հասանելի էր միայն iOS սարքերի վրա: Ամիսներ առաջ տեղեկացրել էի, որ ռուս ծրագրավորողներից մեկին հաջողվել էր ստեղծել Clubhouse-ի սահմանափակ հնարավորություններով Անդրոիդ տարբերակը (հնարավոր չէր ստեղծել սենյակներ և այլն): 

Երեկ արդեն թողարկվել է պաշտոնական տարբերակը, որը Google Play-ում հասանելի է միայն ԱՄՆ բնակիչների համար: Սակայն համացանցում տեղադրվել է նաև apk ֆայլը, որը հեշտությամբ կարող եք ներբեռնել և տեղադրել: Նշեմ, որ այս սոցցանցի մուտքը հրավիրատոմսով է: Գրանցված օգտատերը կարող է հրավիրել երկու օգտատիրոջ: