Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Պաշտոնապես ներկայացվեցին Xiaomi 12, Xiaomi 12 Pro և Xiaomi 12X սմարթֆոնները

Պաշտոնապես ներկայացվեցին Xiaomi 12, Xiaomi 12 Pro և Xiaomi 12X սմարթֆոնները

Xiaomi ընկերությունը ներկայացրեց Xiaomi 12, Xiaomi 12 Pro և Xiaomi 12X սմարթֆոնները, որոնք փոխարինելու են Mi 11 մոդելներին:  Xiaomi 12 սմարթֆոնն ունի 6,28 դյույանոց Full HD+ էկրան (2400х1080, 120Հց, HDR10+, Dolby Vision): 

Մատնահետքի սկաները գտնվում է Corning Gorilla Glass Victus ապակիով պաշտպանված  պատված էկրանի մեջ: DisplayMate ընկերությունը այս էկրանին տվել է A+ գնահատական: Նշվում է, որ այս էկրանները DisplayMate-ում 15 ռեկորդ են գրանցել:

Այս սմարթֆոնի մեջ տեղադրված է նոր սերնդի Qualcomm Snapdragon 8 Gen 1 պրոցեսոր: Սմարթֆոնի LPDDR5 օպերատիվ հիշողությունը 8/12 ԳԲ է, իսկ UFS 3.1 ներքին հիշողությունը՝ 128 և 256 ԳԲ:

Սմարթֆոնի հիմնական տեսախցիկը երեք մոդուլից է բաղկացած՝ 50 ՄՊ Sony IMX 766 (օպտիկական ստաբիլիզացիայով), 13 ՄՊ լայնանկյուն և 5 ՄՊ տելե-մակրո մոդուլ: Սմարթֆոնի առջևի տեսախցիկը 32 ՄՊ է: Տեսախցիկն ունի CyberFocus կոչվող գործառույթ, որն ավտոֆոկուս է անում շարժվող մարդկանց կամ կենդանիների վրա: Սմարթֆոնի վրա տեղադրված է Harman Kardon դինամիկներ՝ Dolby Atmos հնարավորությամբ: Բնականաբար առկա են Wi-Fi 6, Bluetooth 5.2 և NFC տեխնոլոգիաներ:

4500 մԱժ մարտկոցը լարով լիցքավորվում է 67 Վտ հզորությամբ, իսկ անլար՝ 50 Վտ: Մարտկոցը նաև թույլ է տալիս լիցքավորել կամ լիցքավորվել այլ սմարթֆոններից 10 Վտ հզորությամբ:

Xiaomi 12 սմարթֆոնի բազային 8/128 ԳԲ մոդելի գինը 580 դոլար է, 8/256 ԳԲ մոդելն արժի 628 դոլար, իսկ 12/256 ԳԲ մոդելը՝ 690 դոլար:

Xiaomi 12 Pro սմարթֆոնն ունի 6,73 դյույանոց AMOLED LTPO (Samsung E5) էկրան (QHD+, 3200×1440): Xiaomi 12 Pro սմարթֆոնը 12-ից տարբերվում է հիմնականում տեսախցիկով: Այս մոդելում նույնպես հիմնական տեսախցիկները երեքն են, սակայն յուրաքանչյուրը 5 ՄՊ է: 

Սմարթֆոնի 4600 մԱժ մարտկոցը բաժանված է երկու բլոկի: Մարտկոցը լիցքավորվում է 120 Վտ հզորությամբ: Սմարթֆոնի լիցքավորման պրոցեսի համար պատասխանատու է նոր  Surge P1 չիպը:  Xiaomi 12 Pro-ն ունի 4 դինամիկ:

 

Xiaomi 12 Pro սմարթֆոնի 8/128 ԳԲ տարբերակն արժի 738 դոլար, 8/256 ԳԲ տարբերակը՝ 785 դոլար, իսկ 12/256 ԳԲ տարբերակը՝ 848 դոլար:

Xiaomi-ն թողարկել է նաև Xiaomi 12-ի ավելի թույլ պարամետրերով Xiaomi 12X սմարթֆոնը, որտեղ էկրանը չունի Dolby Vision, իսկ Qualcomm Snapdragon 8 Gen 1 պրոցեսորի փոխարեն օգտագործվում է Snapdragon 870: Այս մոդելը չի լիցքավորվում անլար տարբերակով:  Xiaomi 12X սմարթֆոնի 8/128 ԳԲ տարբերակն արժի 502 դոլար, իսկ 12/256 ԳԲ տարբերակը՝ 596 դոլար: Ներկայացված  բոլոր սմարթֆոններն աշխատում են նոր՝ MIUI 13 միջերեսով:

Xiaomi-ն թողարկել է հեռուստացույցը սմարթ Android TV դարձնող TV Stick սարքի 4K տարբերակը

Xiaomi-ն թողարկել է հեռուստացույցը սմարթ Android TV դարձնող TV Stick սարքի 4K տարբերակը

Հավանաբար տեղյակ եք, որ գոյություն ունեն բազմաթիվ սարքեր, որոնք HDMI պորտով միանում են հեռուստացույցներին և դրանք դարձնում են սմարթ: Այսինքն կարող եք օգտվել այդ սարքում տեղադրված օպերացիոն համակարգերից (օր. Android TV) և այնտեղ տեղադրել բազմաթիվ օգտակար ծրագրեր: 

Հենց այս նպատակի համար Xiaomi ընկերությունը վաղուց թողարկել էր Mi TV Box և ավելի մատչելի TV Stick սարքերը: Վերջերս Xiaomi-ն թողարկել է Mi TV Stick 4K սարքը, որը վերջապես ցուցադրելու է 4K թողունակությամբ վիդեոներ (եթե իհարկե հեռուստացույցը 4K է): 

Այս սարքն աշխատում է Android TV 11 օպերացիոն համակարգով, որտեղ հնարավոր է Play Market-ից ներբեռնել և տեղադրել ցանկացած հավելված: Սարքում ներդրված են Dolby Vision, Dolby Atmos և DTS HD տեխնոլոգիաները: 

Սարքում ներդրված է նաև Chromecast տեխնոլոգիան, որը թույլ է տալիս սմարթֆոնի վիդեոները ցուցադրել հեռուստացույցի վրա:

TV Stick 4K սարքն աշխատում է ARM Cortex-A35 միջուկով: Սարքն ունի 2 ԳԲ օպերատիվ և 8 ԳԲ ներքին հիշողություն: Սարքն արժի 45-50 դոլար:

Huawei ընկերությունը մտնում է էլեկտրական մեքենաների շուկա Aito M5 մոդելով

Huawei ընկերությունը մտնում է էլեկտրական մեքենաների շուկա Aito M5 մոդելով

Huawei ընկերությունը Seres ընկերության հետ համատեղ ներկայացրեց Aito M5 էլեկտրական հիբրիդ քրոսովերը: Huawei-ի գործադիր տնօրենի խոսքերով այս մոդելը Tesla Model Y-ից ավելի էժան է, սակայն ավելի հզոր է և մեկ լիցքավորումով ավելի երկար է գնում (1195կմ): 




Մեքենան 0-ից 100 կմ/ժ արագություն զարգացնում է 4.4 վայրկյանում: Մեքենան ունի 1,5 լիտրանոց տուրբո շարժիչ (125 ձիաուժ) և մեկական էլեկտրական շարժիչ յուրաքանչյուր առանցքի վրա (224 և 204 ձիաուժ): Մեքենայի վառելիքի միջին ծախսը 100 կմ-ի համար կազմում է 0,8 լիտր: 

Մեքենայի սրահում տեղադրված է 1200 Վտ-անով Huawei Sound աուդիոհամակարգ, իսկ մեքենայի երկշերտ ձայնամեկուսիչ ապակիները ավելի որակյալ են դարձնում այս համակարգը:


Մեքենայի սրահում տեղադրված է 15,6 դյույմանոց 2K HDR էկրան, որն աշխատում է Harmony OS օպերացիոն համակարգով: 

Huawei-ի սմարթ ժամացույցներն ու սմարթֆոնները կարելի է օգտագործել որպես բանալի: Aito M5 մեքենան կարող է լարով լիցքավորել բջջային սարքերը մինչև 66 ՎՏ հզորությամբ, իսկ անլար՝ 44 Վտ հզորությամբ:


Aito M5 էլեկտրական մեքենայի մեկնարկային գինը 250 000 յուան է (մոտ 39.000 դոլար), ինչը ավելի էժան է Չինաստանում Tesla Model Y-ի արժեքից (281 000 յուան): Մեքենայի մատակարարումը կմեկնարկի 2022թ. փետրվարից:

Ստեղծվել է photographers.am կայքը, որտեղ կարող եք գտնել լավագույն լուսանկարիչներին

Ստեղծվել է photographers.am կայքը, որտեղ կարող եք գտնել լավագույն լուսանկարիչներին

Հայկական նոր photographers.am կայքը նախատեսված է լավագույն լուսանկարիչներին հեշտությամբ գտնելու համար՝ տեսնելով նրանց աշխատանքները և կոնտակտային տվյալները մեկ վայրում։

Եթե նախկինում Ձեր միջոցառումների կամ անհատական ֆոտոսեսիաների համար լուսանկարիչ էիք փնտրում ընկերների, ծանոթների կամ սոց․ ցանցերի միջոցով, ապա այս կայքը լիովին լուծում է այդ խնդիրը և խնայում է Ձեր ժամանակը։ Photographers.am կայքից օգտվելը բավականին հեշտ է և հասանելի բոլորին։ Կայքում կարող եք ընտրել հասանելի կատեգորիաներից մեկ (օր. հարսանեկան) և ֆիլտրել լուսանկարիչներին։

Սա հրաշալի հնարավորություն է նաև լուսանկարիչների համար, որտեղ նրանք կարող են գրանցվել և ստեղծել գեղեցիկ պորտֆոլիո, որպեսզի ունենան ավելի ներկայանալի տեսք իրենց ապագա հաճախորդների մոտ։

Կայքի հեղինակները խոստանում են, որ անընդմեջ զարգացնելու են և ստեղծելու են նոր գործիքներ, որոնք էլ ավելի կօգնեն լուսանկարիչներին իրենց պրոֆեսիոնալ կարիեռայում, իսկ մնացած օգտատերերին ժամանակ խնայելու և արագ ու հեշտ լուսանկարիչ ընտրելու գործում։

VK Видео-ում տեսանյութերի վրա կիրառվելու է որակը բարձրացնող NeuroHD սփական տեխնոլոգիան

VK Видео-ում տեսանյութերի վրա կիրառվելու է որակը բարձրացնող NeuroHD սփական տեխնոլոգիան

VK Видео ծառայությունը ցուցադրեց NeuroHD սեփական տեխնոլոգիան, որը երկու անգամ մեծացնում է վիդեոյի չափը, ինչպես նաև վերականգնում է դետալներն ու մաքրում է պատկերի «աղմուկը»: Այս տեխնոլոգիան կիրառվելու է ВКонтакте և Одноклассники ցանցերում տեղադրված վիդեոների վրա: Նշեմ, որ այս տեխնոլոգիան աշխատում է իրական ժամանակում, այսինքն ցածր որակով տեսանյութ դիտելու ընթացքում այն ավտոմատ լավացվում է ու ցուցադրվում: 

NeuroHD տեխնոլոգիայով վիդեոներ արդեն հասանելի են ВКонтакте-ի մի շարք խմբերում և էջերում: Դրանց քանակը պարբերաբար թարմացվում է: Ադմինիստրատորները կարող են հայտ ուղարկել, որպեսզի իրենց տեղադրած վիդեոների վրա կիրառվի այս տեխնոլոգիան:

Հաքերներին հաջողվել է «ջարդել» PlayStation 4-ի համակարգը

Հաքերներին հաջողվել է «ջարդել» PlayStation 4-ի համակարգը


SpectreDev, Chendochap և Znullptr հաքերային խմբերին հաջողվել է «ջարդել» PlayStation 4 խաղային կոնսոլի համակարգը և այնտեղ տեղադրել խաղեր: Հաքերները կարողացել են ջարդել PlayStation 4-ի ծրագրային ապահովման 9.0.0 տարբերակը, որը թողարկվել էր այս տարվա սեպտեմբերին: Զավեշտալին այն է, որ հաքերների կարծիքով իրենց ստեղծած կոդը կաշխատի նաև PlayStation 5 կոնսոլների վրա, սակայն նրանք այս պահին չունեն PlayStation 5,որպեսզի կարողանան փորձարկեն: Նշեմ նաև, որ այս նորությունից հետո Sony-ն թողարկել է PlayStation 4 համակարգի 9.0.3 թարմացումը, որտեղ հավանաբար ուղղել է բացթողումը: 

SpectreDev, Chendochap և Znullptr հաքերային խմբերի ստեղծած կոդն ու դրա մասին ինֆորմացիան կարող եք տեսնել այստեղ:
Ubisoft-ն իր 35-ամյակի առթիվ նվիրում է Rayman Origins համակարգչային խաղը ( ̶$̶2̶0̶)

Ubisoft-ն իր 35-ամյակի առթիվ նվիրում է Rayman Origins համակարգչային խաղը ( ̶$̶2̶0̶)

Ubisoft ընկերությունն իր 35-ամյակի առթիվ նվիրում է Rayman Origins համակարգչային խաղը, որը կարելի է անվճար ավելացնել գրադարանում դեկտեմբերի 22-ը և հետագայում անվերջ խաղալ: Խաղը կարող եք վերցնել այս էջից:

Adobe-ը կոնտենտ ստեղծողների համար թողարկել է Creative Cloud Express անվճար գործիքը (վեբ, մոբայլ, PC)

Adobe-ը կոնտենտ ստեղծողների համար թողարկել է Creative Cloud Express անվճար գործիքը (վեբ, մոբայլ, PC)

Adobe ընկերությունը թողարկել է Creative Cloud Express վեբ, բջջային և համակարգչային ծրագրերը, որոնք նախատեսված են գովազդային, բաներային և նմանատիպ այլ կոնտենտներ արագ պատրաստելու համար: Այս գործիքը փոխարինելու է գալիս նախկին Adobe Spark գործիքին: 

Գործիքն իր մեջ ներառում է բազմաթիվ շաբլոններ, տառատեսակներ և Adobe Stock-ի 1 միլիոն լիցենզավորված նկարներ: Գործիքն օգտագործում է նաև ֆիրմային Sensei արհեստական բանականությունը, որը ներդրված է նաև Photoshop և Premiere ծրագրերում: Ստեղծված կոնտենտը կարելի է պահպանել նաև GIF, վիդեո կամ PDF տարբերակներով:

Creative Cloud Express ծառայությունն անվճար է, սական առկա է նաև պրեմիում փաթեթ (9.99 դոլար), որը հասանելի է դարձնում տառատեսակների և լուսանկարների ամբողջական գրադարանը (20 000 տառատեսակ և 175 միլիոն լուսանկարներ):

Adobe Creative Cloud Express ծառայությունը հասանելի է հետևյալ տարբերակներով՝

Վեբ տարբերակ

Անդրոիդ հավելված

iOS հավելված

Windows-ի ծրագիր

Microsoft Edge դիտարկչում փոխվել է ինտերնետի բացակայության ժամանակ ցուցադրվող խաղը

Microsoft Edge դիտարկչում փոխվել է ինտերնետի բացակայության ժամանակ ցուցադրվող խաղը

 

Microsoft ընկերությունը փոխել է Edge դիտարկչում ներդրված խաղը, որը ցուցադրվում է ինտերնետ կապի բացակայության ժամանակ (Google Chrome-ի դինոզավրի խաղի նման): Սերֆինգի խաղը փոխարինվել է դահուկային սպորտով: Խաղը կառավարվում է մկնիկով կամ ստեղնաշարով: Պահանջվում է որքան հնարավոր է շատ ժամանակում դահուկներով հաղթահարել խոչընդոտները և փախչել սառցե մարդուց: Ինտերնետի առկայության դեպքում խաղը կարող եք բացել այցելելով edge://surf  էջը:
Էկրանի անիմացիաներ ստեղծելու և տեղադրելու Wallpaper Engine ծրագիրն արդեն հասանելի է նաև Անդրոիդում

Էկրանի անիմացիաներ ստեղծելու և տեղադրելու Wallpaper Engine ծրագիրն արդեն հասանելի է նաև Անդրոիդում

Համակարգիչների համար վաղուց հասանելի է Wallpaper Engine ծրագիրը, որը թույլ է տալիս էկրանի նկարի փոխարեն տեղադրել անիմացիաներ: Ընդ որում անիմացիաները կարող են լինել ինչպես վիդեոֆայլեր, այնպես էլ համակարգչային գրաֆիկաներ: 

Wallpaper Engine ծրագրում ներդրված է նաև Wallpaper Engine Editor գործիքը, որով օգտատերերը կարող են ստեղծել իրենց անիմացիաները և կիսվել դրանցով այլ օգտատերերի հետ: Wallpaper Engine-ի անիմացիաներ կարող եք գտնել օրինակ այստեղից:

Վերջերս Wallpaper Engine ծրագիրը հասանելի դարձավ նաև Անդրոիդ օպերացիոն համակարգերի համար: Հավելվածն անվճար է և հասանելի է Google Play-ում: Հավելվածում ներդրված են մի քանի անիմացիաներ, սակայն ձեռքով ավելացնելու հնարավորություն կա: 

Օրինակ կարող եք տեղադրել անիմացիան սմարթֆոնի մեջ և այն ներդնել ծրագրի մեջ կամ ծրագիրը կապել համակարգչի Wallpaper Engine-ին և սինխրոնիզացնել անիմացիաները:

Sony-ն ցուցադրեց Playstation 5-ի գունավոր կողային վահանակներ

Sony-ն ցուցադրեց Playstation 5-ի գունավոր կողային վահանակներ

Sony ընկերությունը ցուցադրեց PS5 խաղային կոսնոլների համար նախատեսված գունավոր վահանակներ: Հասանելի են լինելու սև, կարմիր, վարդագույն, մանուշակագույն և երկնագույն երանգները: 

Վահանակները հասանելի են լինելու ինչպես Blu-ray տարբերակներով PS5-երի համար, այնպես էլ թվային մոդելների համար:

Sony-ն ներկայացրեց նաև DualSense խաղային գեյմպադերի 3 նոր գույներ՝ վարդագույն, երկնագույն և մանուշակագույն

Տեղի ունեցավ  «NFT Immersion | Digital Life by Rodolphe Barsikian» միջոցառումը

Տեղի ունեցավ «NFT Immersion | Digital Life by Rodolphe Barsikian» միջոցառումը


NFT, կրիպտոարժույթ, բլոկչեյն եւ արվեստ։ Ներկայումս մենք հանդիպում ենք բլոկչեյն տեխնոլոգիայի կիրառությունների կյանքի ցանկացած ոլորտում, եւ արվեստն առանձնահատուկ տեղ ունի այս համատեքստում։ 

NFT-ները բլոկչեյն տեխնոլոգիայի ամենահայտնի կիրառություններից են։ Ավելի լայն տարածում են ստացել թվային արվեստի շրջանակներում, քանի որ արվեստի մարդկանց համար նոր ճանապարհներ են բացել։ Բայց դրանք թե՛ որպես կոնցեպտ, թե՛ որպես բլոկչեյն տեխնոլոգիայի կիրառություն շատ մեծ հնրավորություններ են տալիս ոչ միայն արվեստի մարդկանց, այլ նաեւ մի շարք այլ ոլորտների ներկայացուցիչների։ 


Այս օրերին NFT-ների շուրջ հետաքրքրությունը չափազանց մեծ է, եւ հենց այդ պատճառով Nooor Blockchain Armenia-ն ֆրանսիական Vahan Studio-ի հետ համատեղ կազմակերպել էր «NFT Immersion | Digital Life by Rodolphe Barsikian» միջոցառումը, որը տեղի ունեցավ դեկտեմբերի 9-ին Երեւանում՝ ԳաբրիելՍունդուկյանի անվան ազգային ակադեմիական թատրոնում։ Միջոցառման նպատակն էր ցույց տալ իրական եւ թվային աշխարհների միջեւ եղած կապը։ 



Միջոցառման խոսնակները՝ Nooor Blockchain Armenia-ի հիմնադիր Վիգեն Առուշանյանը եւ օպերացիոն տնօրեն Վիկտորիա Խեչումյանը, խոսեցին NFT-ների մասին, բացահայտեցին՝ ինչպես է աշխատում այս արագ զարգացող ոլորտը, որոնք են դրա առավելությունները, ինչպես են մեր ժամանակներում կապվում արվեստն ու տեխնոլոգիան, եւ ինչու արժե դառնալ այս ոլորտի մի մասը։ 


Ելույթի ընթացքում հիմնական շեշտը դրված էր հետեւյալ հարցերի վրա. 

- Ինչպե՞ս է ստեղծվում NFT-ն, 
- Ինչպե՞ս կարելի է կիրառել այն, 
- Ի՞նչ անել, եթե դեռ չունես կամ արդեն ունես NFT, 
- Ի՞նչ է սպասվում շուկայում, 
- Ինչո՞վ է պայմանավորված ոլորտի շուրջ այսքան հետաքրքրությունը, եւ ի՞նչն է ընկած դրա հիմքում։ 


 Ներկաները հետաքրքիր քննարկումներից բացի հնարավորություն ունեցան տեսնել NFT-երի իրական օրինակներ ֆրանսահայ հայտնի նկարիչ Ռոդոլֆ Բարսիկյանի ցուցահանդեսի շրջանակներում, ով անցյալ ամիս Փարիզում NFT (եզակիության վկայական)-ով հասանելի աշխատանքների առաջին հավաքածուի բացումից հետո այժմ Հայաստանում է ու Ֆրանսիայի դեսպանատան աջակցությամբ իր վերջին աշխատանքներն է ներկայացնում ամբողջովին ընկղմող, իմերսիվ ցուցահանդեսում՝ միախառնելով թվայինը եւ ինստալացիաները։ 


«NFT Immersion | Digital Life by Rodolphe Barsikian» միջոցառումը իր շուրջն էր հավաքել ոլորտի փորձառու մասնագետներին, բլոկչեյն տեխնոլոգիայով ու NFT-ներով հետաքրքրված մարդկանց եւ արվեստի սիրահարներին, ովքեր դարձան կառուցողական ու արդյունավետ քննարկման մի մասը։ 



Նմանատիպ միջոցառումները շարունակական են լինելու: Մասնակցե՛ք «The Blockchain Challenger» դասընթացին եւ սովորե՛ք բլոկչեյն Nooor-ի հետ։