Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Ինչպես Windows 11-ում վերադարձնել TaskBar-ի Drag&Drop գործառույթը

Ինչպես Windows 11-ում վերադարձնել TaskBar-ի Drag&Drop գործառույթը

Windows 11-ի բետա և ստաբիլ տարբերակներում բացակայում է մի չափազանց օգտակար գործառույթ, որը հասանելի էր նախորդ Windows-ներում: Եթե օրինակ Windows 10-ում կամ 7-ում տեքստային ֆայլը քաշեք TaskBar-ի վրա տեղադրված Notepad ծրագրի վրա (որը կարող է տվյալ պահին լինել փակված կամ ծալված), ապա ավտոմատ Notepad-ում կցուցադրվի այդ տեքստային ֆայլը: Այս գործառույթն աշխատում է գրեթե բոլոր ֆայլերի ու ծրագրերի համար (օրինակ լուսանկարը բացել Photoshop-ով,ֆայլը ուղարկել Տելեգրամով և այլն): Այս գործառույթն աշխատում է նաև File Explorer-ի համար: Այսինքն կարող եք ֆայլը քաշել TaskBar-ում բացված թղթապանակի նշանի վրա և այն կտեղադրվի այդ թղթապանակում:

Ցավոք Windows 11-ի TaskBar-ը չունի Drag&Drop գործառույթը: Ընդ որում Windows 11-ում նույնիսկ հնարավոր չի ծրագրի նշանը քաշել և տեղադրել TaskBar-ի վրա: Փոխարենը պետք է աջ քլիք անել ծրագրի վրա և սեղմել Pin to TaskBar մենյուն: 

GitHub-ում բաց ծրագրային կոդով տեղադրվել է մի փոքր ծրագիր, որը թույլ է տալիս ֆայլերը մկնիկով քաշել և բացել Taskbar-ի վրա տեղադրված ծրագրերով: Այդ ծրագիրը գրված է c++ լեզվով: Ծրագիրը Windows-ի ռեգիստրում կամ կարգավորումներում ոչինչ չի փոխում: Այն պարզապես առանձին աշխատող պրոցես է, որը հայտնաբերում է TaskBar-ի վրա Drag&Drop գործողությունը և մկնիկի տակ գտնվող ծրագրով բացում է ֆայլը:

Ծրագրից օգտվելու համար պետք է ընդամենը ներբեռնել exe ֆայլը և աշխատացնել:  Նշեմ նաև, որ որոշ անտիվիրուսներ այս ծրագիրը ճանաչում են որպես վտանգավոր ծրագիրը, սակայն ինչպես արդեն նշեցի այն բաց ծրագրային կոդով է և ոչ մի վնասակար կոդ չկա:

Նվիրիր TECH կրթություն Արցախի երիտասարդներին

Նվիրիր TECH կրթություն Արցախի երիտասարդներին


ՀԻՄԱ է ճիշտ ժամանակը Արցախի գյուղերում բնակվող երիտասարդներին աջակցելու համար: Նրանք լքում են իրենց հայրենի գյուղերը, որովհետև չեն տեսնում այնտեղ կրթության և զբաղվածության հնարավորություններ։ «ԵՍ» կրթական ծրագիրը այս խնդրի լուծմանը նպաստող նախաձեռնություններից է։ 

Ծրագրի դասընթացներից օգտվում է գյուղերում բնակվող 13-18 տարեկան պատանիների գրեթե կեսը։ Նրանք ձեռք են բերում կարևոր ՏՏ հմտություններ և սովորում են գործնականում կիրառել դրանք: Բարձր առաջադիմությամբ ուսանողները հնարավորություն են ստանում ստեղծելու իրենց ստարտափերը և պատվերներ ստանալ տեղական և միջազգային ընկերություններից անմիջապես իրենց գյուղերից։ 

Դրամահավաքային արշավի նպատակը
Արշավի նպատակն է 3 ամսվա ընթացքում (հոկտեմբեր-դեկտեմբեր) հավաքել 141 000 ԱՄՆ դոլարին համարժեք գումար՝ Արցախի Մարտունու շրջանի պատանիների համար նախատեսված մինի-տեխնոպարկի շենքի հիմնանորոգման համար։ Շենքը «ԵՍ» կրթական հիմնադրամին անհատույց տրամադրել է Հաղորտի գյուղի համայնքապետարանը։ Վերանորոգումից հետո ծրագրի շահառուների ընդհանուր թիվը կկազմի 280, ինչը 350%-ով կգերազանցի ներկայիս ուսանողների թիվը:

Ինչպես կարող եք աջակցել
Դուք կարող եք նվիրել TECH կրթություն և ավելի լավ ապագա Արցախի պատանիներին՝ 
- տարածելով դրամահավաքային արշավին նվիրված կայքէջն ու սոց. մեդիա հարթակներ (ֆեյսբուքյան էջը, ինստագրամյան էջը), թիմակիցների, ընկերների և գործընկերների շրջանում 
-կատարելով հանգանակություններ հոկտեմբերի 11-ից՝ արշավի մեկնարկից օրվանից։
Google-ը պաշտոնապես ներկայացրեց իր նոր Pixel 6 և Pixel 6 Pro գերհզոր սմարթֆոնները

Google-ը պաշտոնապես ներկայացրեց իր նոր Pixel 6 և Pixel 6 Pro գերհզոր սմարթֆոնները


Google ընկերությունը պաշտոնապես ներկայացրեց իր նոր Pixel 6 և Pixel 6 Pro սմարթֆոնները: Նոր սարքերն ունեն թարմացված դիզայն, բարելավված տեսախցիկ և սեփական արտադրության Tensor չիպեր:


Google-ը հավաստիացնում է, որ Tensor պրոցեսորները կարող են մրցել Qualcomm Snapdragon 888 պրոցեսորների հետ: Այն ստեղծվել է 5 նանոմետրանոց տեխնոլոգիայով և բաղկացած է երեք կլաստերներից՝ երկու մեծ ARM Cortex-X1 2,8 Գհց (Snapdragon 888-ը ունի մեկ Cortex-X1), երկու միջին Cortex A76 2,25 Գհց և 4 փոքր Cortex A55 1,8 ԳՀց: Չիպը ներառում է նաև TPU (Tensor Processing Unit) բլոկներ, որոնք նախատեսված են արհեստական բանականության առաջադրանքները կատարելու համար: Գրաֆիկայի համար պատասխանատու է GPU Mali-G78 չիպը: 


Google Pixel 6 սմարթֆոնն ունի 6.4 դյույմանոց 1080p OLED էկրան (90Գհց, HDR 10), իսկ ահա Pro տարբերակն ունի 6.7 դյույմանոց 1440p LTPO AMOLED էկրան (120 Գհց, HDR 10): Սմարթֆոնների մատնահետքի սկաները տեղադրված է էկրանի մեջ: Pixel 6 սմարթֆոնի Էկրանի վերևի հատվածում տեղադրված է նաև 8 ՄՊ սելֆի տեսախցիկը, իսկ Pro-ի դեպքում 11.1 ՄՊ:


Pixel 6 սմարթֆոններն ունեն 8 ԳԲ LPDDR5 օպերատիվ հիշողություն, իսկ Pro տարբերակները՝ 12ԳԲ: UFS 3.1 ներքին հիշողությունը բազային տարբերակում 128 ԳԲ է: Pixel 6 սմարթֆոնների դեպքում առկա են նաև 256ԳԲ տարբերակներ, իսկ Pro-ի համար՝ 512ԳԲ:


Նոր սմարթֆոնների արտաքին դիզայնի մեջ հատկապես աչքի է ընկնում հետևի տեսախցիկների վահանակը, որը բավականին մեծ է և ունի ուղղանկյան տեսք:


Pixel 6-ի դեպքում այս վահանակի վրա տեղադրված են տեսախցիկների երկու մոդուլ, իսկ Pro-ի դեպքում՝ 3 մոդուլ: Տեսախցիկների գլխավոր մոդուլը 50 ՄՊ է (Samsung GN1,f /1.85), որն ունի նաև լուսանկարի ստաբիլիզացիայի օպտիկական համակարգ: Լայնանկյուն մոդուլը 12 ՄՊ է (114 աստիճան, f /2.2):  Pixel 6 Pro-ն ունի լրացուցիչ 48 ՄՊ Sony IMX586 տելեֆոտո մոդուլ (f /3.5)՝ 4X օպտիկական զումով և 20X հիբրիդային զումով: 


Նոր պրոցեսորը թույլ է տալիս Magic eraser գործիքով լուսանկարների վրայից հեռացնել անցանկալի օբյեկտները:


Նոր սմարթֆոնները թույլ են տալիս ձայնագրել 4K HDR (60 կադր/վայրկյան) կամ Full HD 240 կադր/վայրկյան slow-mo վիդեոներ: Սմարթֆոններն ունեն ստերոո դինամիկներ:


Երկու սմարթֆոններն էլ պաշտպանված են փոշուց և ջրից IP68 ստանդարտով: Pixel 6 սմարթֆոններում տեղադրված է 4614 մԱժ մարտկոց, որը լարով լիցքավորվում է 30 Վտ հզորությամբ, իսկ անլար՝ 21 Վտ: Pixel 6 Pro սմարթֆոններում տեղադրված է 5000 մԱժ մարտկոց, որը լարով լիցքավորվում է 30 Վտ հզորությամբ, իսկ անլար՝ 23 Վտ:


Սմարթֆոնները կարող են աշխատել նաև երկու SIM քարտով (մեկ SIM քարտ+eSIM): Սմարթֆոններն աշխատում են նաև 5G ցանցով:


Սմարթֆոններն աշխատում են Android 12 օպերացիոն համակարով և ստանալու են հետագա Android թարմացումները 4 տարի շարունակ:


Pixel 6 սմարթֆոնները վաճառվելու են 599 դոլարով, իսկ Pro տարբերակները՝ 899 դոլարով: Pixel 6 մարթֆոնները հասանելի են լինելու երեք գույներով՝ Kinda Coral, Sorta Seafoam և Stormy Black, իսկ Pro տարբերակը՝ Sorta Sunny, Stormy Black և Cloudy White:
Ինչպես Տելեգրամով, էլ. փոստով կամ SMS-ով գրանցվել և ստանալ ՃՈ խախտումների ծանուցումները

Ինչպես Տելեգրամով, էլ. փոստով կամ SMS-ով գրանցվել և ստանալ ՃՈ խախտումների ծանուցումները


Ճանապարհային Ոստիկանությունը վերջերս օգտատերերին SMS հաղորդագրություններով տեղեկացնում է, որ ՃՈ խախտումների ծանուցումները ստանալու համար պետք է նորից գրանցվել: Սա նշանակում է, որ եթե դուք նախկինում գրանցվել էիք SMS բաժանորդագրությանը, ապա պետք է դա նորից անել: Եթե նույնիսկ նախկինում գրանցված չէիք, ապա խորհուրդ եմ տալիս բաժանորդագրվել ծանուցումներին, որպեսզի ժամանակին տեսնեք և վճարեք ՃՈ խախտումները:

Գրանցվելու համար պետք է բացել sms.roadpolice.am կայքը: Կայքում առաջարկվում է գրանցվել երկու տարբերակներից մեկով՝ ID քարտով (պետք է ունենալ հատուկ կարդացող սարք) կամ ՀԾՀ-ով (պետք է ընդամենը գրել սոցքարտի համարը): 


Իսկ ահա ներքևում կարող եք ընտրել ծանուցումը ստանալու երկու տարբերակներից մեկը՝ ստանալ SMS-ով (պետք է գրել հեռախոսահամարը) կամ էլ. փոստով (պետք է գրել էլ. փոստը):


Նշեմ, որ Ճանապարհային Ոստիկանությունը վաղուց ունի նաև Տելեգրամի հատուկ բոտ, որն ավտոմատ ուղարկում է խախտումների ծանուցումների ձեր Տելեգրամին: Այս բոտից օգտվելու համար ձեր բջջային հեռախոսի Տելեգրամ հավելվածով որոնք և միացեք @ROADPOLICEbot էջին: Այնուհետև ներքևում սեղմեք Start կոճակը և հետևեք հրահանգներին (պետք է գրանցել ավտոմեքենան գրելով մեքենայի համարանիշը և հաշվառման վկայականի համարանիշը):

Որոնք են Smart Watch-երի առավելությունները

Որոնք են Smart Watch-երի առավելությունները


Մարդիկ, ովքեր չունեն խելացի ժամացույց, ցանկանում են իմանալ թե ո՞րն է իրականում այս հայտնի սարքավորման առավելությունները: Որոշ առանձնահատկություններ կարող են օգնել ձեզ ավելի համարձակորեն գնել խելացի ժամացույցներ: Մենք առանձնացրել ենք հիմնական առավելությունները: Դե սկսեցինք! 

Նրանք միայն ժամանակ ցույց տալու համար չեն 
Սովորական ժամացույցով դուք միշտ կարող եք պարզել ճշգրիտ ժամանակը: Սակայն բացի այդ, սովորական ժամացույցները կարող են հանդիսանալ լրացնող մասնիկ ձեր տեսքին, չէ՞ որ լավ ժամացույցը միշտ հիանալի տեսք ունի դաստակի վրա: Բայց հեռախոսների գալուստով այս աքսեսուարը դարձավ ավելի ու ավելի քիչ տարածված և օգտագործվում է ավելի շատ որպես աքսեսուար, քան ժամը նայելու սարք: 
 
Այդ իսկ պատճառով, ժամացույցների շուկային անհրաժեշտ էր վերագործարկում, և այսպես հայտնվեցին smart watch-երը, որը կարող էր ոչ միայն ցույց տալ ժամանակը, այլև կատարել այլ գործողություններ: Հենց խելացի ժամացույցներն էլ բերեցին այս աքսեսուարների հայտնիությունը: 

Նավիգատոր ձեր ձեռքի վրա
Անծանոթ տեղանքներում կողմնորոշվելու համար միշտ չէ, որ հարմար է քարտեզին նայել և շեղվել գեղատեսիլ վայրեր նայելու հնարավորությունից: Չէ՞ որ անծանոթ տեղերում մենք ցանկանում ենք նայել շուրջը, այլ ոչ թե քարտեզին: Այդ իսկ պատճառով խելացի ժամացույցները կօգնեն ձեզ կողմնորշվել և վայելել ձեր հանգիստը: 

Գտնել սմարթֆոն կամ բանալիներ
Մեզանից յուրաքանչյուրը գոնե մեկ անգամ կորցրել է իր բանալիները կամ սմարթֆոնը հենց բնակարանում: Իսկ կորցրած իրերը գտնելը շատ դժվար է: Բայց խելացի ժամացույցները կարող են լուծել այս խնդիրը: Դրա համար գաջեթներից շատերն ունեն համապատասխան գործառույթ:Այն իրականացնելու համար պարզապես անհրաժեշտ է սարքը միացնել ժամացույցին: 

Ֆիտնես գործառույթներ 
Խելացի ժամացույցը կարող է իր վրա վերցնել ֆիտնես թրեքերի հիմնական գործառույթները: Ավելին, նման գործիքը առաջարկում է շատ ավելի ֆիթնես գործառույթներ, քան սովորական թրեքերը, այնպես որ, եթե մտածում եք սովորական ֆիթնես թևնոց գնելու մասին, ապա խելացի ժամացույցները կարող են փոխարինվել դրանց:Նրանք նույն կերպ կհաշվեն կալորիաներն ու քայլերը, կչափեն զարկերակի ուժգնությունը, կհետևեն քնի տևողությանը և որակին: Բացի այդ, smart watch-երում այս գործառույթներն ավելի ամբողջական են `շատ դեպքերում կառավարելու համար կարիք չկա սարքը սմարթֆոնի հավելվածի հետ համաժամեցնել:
    
Որոշ խելացի ժամացույցներ ամբողջովին անջրանցիկ են, այնպես որ կարող եք լողալ, ցնցուղ ընդունել: Այսինքն օգտագործել այն առանց հանելու: 

Հաղորդագրություններ և զանգեր 
Դուք այլևս կարիք չունեք ամեն անգամ սմարթֆոնը գրպանից հանել: Խելացի ժամացույցները նրա համար են, որ զանգերին և հաղորդագրություններին պատասխանելը էլ ավելի հեշտ լինի: Դրա շնորհիվ ձեր ձեռքերը ազատ կլինեն սպորտի ժամանակ, այն իրավիճակներում, երբ սարսափելի անհարմար կամ նույնիսկ անհնար է ձեզ հետ ուրիշ բան կրելը: 

Որոշ գաջեթներ ունեն նաև ձայնային աջակցություն և անհրաժեշտ այլ հնարավորություններ: Դա պարզեցնում է մեր առօրյան: Այո, մինչդեռ խելացի ժամացույցները չեն կարող ամբողջությամբ փոխարինել սմարթֆոնին, բայց դրանք ունակ են ժամանակավորապես ստանձնել նրա գործառույթները: 

Սոցիալական ցանցերից ծանուցումնեը դիտելու հնարավորություն
Ձեր խելացի ժամացույցի միջոցով սոցիալական մեդիայի բոլոր ծանուցումները կերևա ձեր դաստակին: Որոշ իրավիճակներում դա կարող է շատ հարմար լինել, քանի որ այժմ ձեր սոցիալական ցանցերի պրոֆիլում կարևոր իրադարձություն բաց չեք թողնի: Որոշ գաջեթներ թույլ են տալիս նաև բացել ծրագրեր և կատարել դրանցում անհրաժեշտ գործողություններ: 

Որոշ իրավիճակներում նման գործառույթը կարող է օգնել: Բայց մի մոռացեք, որ ժամացույցների մեծ մասն օգտագործում է սմարթֆոնը որպես միացման գործիք: Կան նաև ամբողջովին ինքնուրույն աշխատող սարքեր, սակայն դրանք բավականին թանկ են: 

Smart watch-ը անփոխարինելի սարք է այն մարդկանց համար, ովքեր վարում են ակտիվ ապրելակերպ, սպորտով են զբաղվում կամ անընդհատ ճանապարհորդում: Այս սարքերի օգնությամբ դուք կարող եք հեռացնել սմարթֆոնից որոշ բեռ, օրինակ ՝ սարքի լիցքը վատնելու փոխարեն օգտագործել խելացի ժամացույց: 

Ճիշտ է, դուք պետք է ուշադիր մոտենաք այս գործիքի ընտրության հարցին, քանի որ լավագույնը միշտ չէ, որ օպտիմալ կլինի որոշակի օգտագործողի համար: Ընտրեք, թե որ օպերացիոն համակարգն է ձեզ ավելի հարմար, որոշեք գործառույթների և տեխնիկական պահանջների ցանկը և այլն: Հաշվի առնելով այս բոլոր պահանջները, դուք կգտնեք ձեր խելացի ժամացույցը:

Գրառման հեղինակ՝ Լիլիա Մանուկյան
Ներկայացվեց GTA Trilogy խաղը, որը ներառում է հին GTA խաղերի թարմացված տարբերակները

Ներկայացվեց GTA Trilogy խաղը, որը ներառում է հին GTA խաղերի թարմացված տարբերակները


Rockstar ընկերությունը ներկայացրեց GTA Trilogy խաղը, որի ամբողջական անվանումն է՝ Grand Theft Auto: The Trilogy — The Definitive Edition: Հավաքածուն ներառելու է Grand Theft Auto III, Vice City և San Andreas խաղերի թարմացված տարբերակները: Շուտով այդ խաղերի հին տարբերակները կջնջվեն թվային խանութներից: 


Հին խաղերի թարմացված տարբերակները ներառելու են գրաֆիկական և գեյմփլեյին վերաբերող փոփոխություններ: GTA Trilogy-ն այս տարի հասանելի կլինի PC, PS4, PS5, Xbox One, Xbox Series, Nintendo Switch պլատֆորմերի համար, իսկ iOS և Android համակարգերի վրա հասանելի կլինի մյուս տարի:
Ծրագրավորողներից մեկը ստեղծել է Quake խաղի պատճենը, որի ծավալը 13 ԿԲ է և այն հնարավոր է խաղալ դիտարկչում

Ծրագրավորողներից մեկը ստեղծել է Quake խաղի պատճենը, որի ծավալը 13 ԿԲ է և այն հնարավոր է խաղալ դիտարկչում

Ծրագրավորողներից մեկը մեկ ամսում ստեղծել է Quake խաղի պատճենը, որը կոչվում է Q1K3: Խաղը ստեղծվել է Js13kGames մրցույթի համար: Հետաքրքիրն այն է, որ խաղի ծավալը 13 ԿԲ է: Այս խաղը հնարավոր է անվճար խաղալ անմիջապես ինտերնետ դիտարկչում: Խաղում հասանելի են երկու խաղամակարդակներ: Խաղում առկա են ձայնային էֆեկտներ, դինամիկ լուսավորություն և օրիգինալ սաունդթրեքը: Խաղը ստեղծվել է JavaScript-ով: Խաղամակարդակները ստեղծելու համար հեղինակը օգտվել է TrenchBroom խմբագրիչից:

Հատուկ Հայաստանի օգտատերերի համար Viber-ը թողարկել է ազգային տարազով  «դիմակներ»

Հատուկ Հայաստանի օգտատերերի համար Viber-ը թողարկել է ազգային տարազով «դիմակներ»

Rakuten Viber-ը Հայաստանի օգտատերերի համար գործարկում է լրացված իրականության (AR) դիմակներ Viber մեսենջերում: AR ֆիլտրերն ու դիմակները ստեղծված են Snap Inc տեխնոլոգիայով, որը AR դիմակների համաշխարհային առաջատարն է և Snapchat հավելվածի մշակողը: Նոր դիմակները թույլ կտան լուսանկարել և տեսանկարահանել լրացված իրականության էֆեկտով, դրանք ուղարկել ընկերներին և ընտանիքի անդամներին անմիջապես Viber մեսենջերով կամ պահել դրանք բջջային սարքերում:

Նոր գործառույթը շփումը, սելֆիներն ու տեսահաղորդագրությունները կդարձնի էլ ավելի հետաքրքիր և օգտատերերին ստեղծագործելու ավելի մեծ հնարավորություններ կընձեռի: 

AR դիմակները արձագանքում են մարդու դիմախաղերին. լուսանկարներ և տեսանյութեր նկարելիս կարող եք ժպտալ կամ աչքով անել, իսկ դիմակը կկրկնի դեմքի շարժումները:

Viber-ում արդեն հասանելի են բազմազան էֆեկտներով տասնյակ AR դիմակներ` կենդանիների դիմակներ, գեղեցկություն, ընդլայնված իրականության ֆիլտրեր: Հատուկ Հայաստանի օգտատերերի համար Viber-ը թողարկել է ազգային տարազի տարրերով դիմակներ: Մինչև տարեվերջ մեսենջերում կհայտնվեն հարյուրավոր նոր ֆիլտրեր և դիմակներ:

Բացի զվարճալի AR դիմակներից և ֆիլտրերից, Viber-ում հայտնվել են մի շարք այլ օգտակար և հետաքրքիր հնարավորություններ, ներառյալ ընդլայնված իրականության տեխնոլոգիաները, որոնք փոխակերպում են շրջակա միջավայրը սմարթֆոնի էկրանին, դիմահարդարման գործիքակազմով և սանրվածքներով հարուստ գեղեցկության ֆիլտրերը։ Շուտով կհայտնվեն նաև հարմարեցված Bitmoji ավատարները:

«Ընդլայնված իրականության դիմակների հայտնվելը մեզ համար տրամաբանական քայլ էր: Սա հաղորդակցության էվոլյուցիայի մի տեսակ է. նախ ինտերնետի օգտվողները շփվում էին սմայլիկների միջոցով, այնուհետև հայտնվեցին սթիքերները, էմոջիները և գիֆեր ստեղծելու հնարավորությունը, իսկ այժմ՝ AR դիմակները: Viber-ի և Snap-ի միջև համագործակցությունը մեր ընկերությունների համար դարձել է երկար սպասված իրադարձություն: Այժմ ամբողջ աշխարհում, այդ թվում և Հայաստանում, օգտվողները կկարողանան դիվերսիֆիկացնել վիրտուալ հաղորդակցությունը՝ ընդլայնված իրականության տեխնոլոգիաների շնորհիվ, կրեատիվ սելֆիներ անել և այլն: Մենք անհամբերությամբ սպասում ենք բովանդակությանը, որը կհայտնվի նոր գործիքների շնորհիվ»,- ասել է ԱՊՀ երկրներում Rakuten Viber-ի բիզնեսի զարգացման գծով ավագ տնօրեն Աննա Միգալը:

Մեսենջերի գործընկերներն ու բրենդները նույնպես կկարողանան իրենց բացառիկ բովանդակությունն ավելացնել դիմակների գրադարանում: Վայրի բնության համաշխարհային հիմնադրամը, «Բարսելոնա» ֆուտբոլային ակումբը և Առողջապահության համաշխարհային կազմակերպությունն (ԱՀԿ) արդեն թողարկել են իրենց սեփական ֆիրմային դիմակները: Հետագայում Viber-ում կլինեն նաև Հայաստանում գործող ընկերությունների կողմից ստեղծված դիմակներ: 
Նոր գործառույթն այժմ հասանելի է Android և iOS համակարգերի Viber հավելվածում: 
Ընդլայնված իրականության (AR) էֆեկտով լուսանկար, տեսանյութ կամ գիֆ ստեղծելու համար ուղղակի սեղմե՛ք բացված զրուցարանի ներքևում տեղակայված տեսախցիկի պատկերակին:

Rakuten Viber-ի մասին. 
Viber-ը զանգեր կատարելու և հաղորդագրություններ ուղարկելու հավելված է, որը հնարավորություն է տալիս բոլորին մշտապես լինել կապի մեջ անկախ գտնվելու վայրից։ 
Ամբողջ աշխարհում մեր օգտատերերը միմյանց անվճար տեքստային հաղորդագրություններ են ուղարկում, տեսազանգեր կատարում, զրուցում խմբային զրուցարաններում, հաղորդակցվում նախընտրած բրենդների և հայտնի մարդկանց հետ, ինչպես նաև հետևում նորություններին: Մենք երաշխավորում ենք  հավելվածից օգտվողների ազատությունն ու անվտանգ հաղորդակցությունը:
Viber-ը պատկանում է Rakuten Inc.-ին, որը էլեկտրոնային առևտրի և ֆինանսական ծառայությունների համաշխարհային առաջատարն է: Viber հավելվածը «Barcelona» ֆուտբոլային և «Golden State Warriors» բասկետբոլային ակումբների պաշտոնական մեսենջերն է՝ զանգերի և ակնթարթային հաղորդագրությունների ծրագիրը:

eFootball 2022 (նախկին PES) խաղը Steam-ում բացասական գնահատականներով համարվում է ամենավատ խաղերից մեկը

eFootball 2022 (նախկին PES) խաղը Steam-ում բացասական գնահատականներով համարվում է ամենավատ խաղերից մեկը

Konami ընկերությունը վերանվանել է հայտնի Pro Evolution Soccer(PES) ֆուտբոլային սիմուլյատորը և այն կոչվում է eFootball: Անունից բացի փոխվել է նաև ամբողջ խաղը (օգտագործվող գրաֆիկական գրադարանները, խաղում առկա ֆունկցիաները, նյութերը և այլն):  Konami-ն որոշել է նաև անվճար դարձնել խաղի ներբեռնում ու խաղալը (հավելյար նյութերի համար պետք է վճարել):

Թվում է, թե այս ամենը պետք է դրական ազդեր լեգենդար խաղի վրա, սակայն օգտատերերը գրեթե բոլոր հարթակներում բացասական կարծիքներ են հայտնում ու ցածր գնահատականներ դնում այս խաղին: 

Օրինակ Steam-ում խաղի գնահատականների մոտ 90 տոկոսը բացասական են, ինչի հաշվին այս խաղը տվյալ պահին համարվում է ամենավատ խաղերից մեկը: 

Պատճառն այն է, որ որոշ ֆուտբոլիստներ վախենալու տեսք ունեն: Խաղում առկա են նաև բազմաթիվ գրաֆիկական և ֆիզիկայի օրենքներին դեմ սխալներ: 

Google Pixel սմարթֆոնները արտակարգ իրավիճակներում ավտոմատ վիդեո են ձայնագրում ու տեղադրում համացանցում

Google Pixel սմարթֆոնները արտակարգ իրավիճակներում ավտոմատ վիդեո են ձայնագրում ու տեղադրում համացանցում

Google Pixel սմարթֆոններում առկա է «Personal Safety» հավելվածը, որն օրինակ զանգահարում է փրկարար ծառայություններ, երբ հայտնաբերում է վթար: Վերջերս այս ծառայությունում հայտնվել է նոր գործառույթ, որն ակտիվացված լինելու դեպքում ավտոմատ միանում է տեսախցիկի վիդեո ձայնագրությունն արտակարգ իրավիճակների պարագայում: Ձայնագրությունը կարող է տևել մինչև 45 րոպե, եթե իհարկե սմարթֆոնի վրա այդքան ազատ հիշողություն կա: 

Հնարավորություն կա նաև կարգավորել այնպես, որպեսզի ձայնագրված վիդեոները միանգամից վերբեռնվել Google-ի ամպային հաշիվ, որոնք այնտեղ պահպանվում են 7 օր: Վիդեոների հղումները ուղարկվում են նախօրոք ընտրված կոնտակտներին:

Այս նոր գործառույթն արդեն հասանելի է Pixel սմարթֆոնների  «Personal Safety» հավելվածում: SOS ռեժիմը միացնելու համար պետք է 5 անգամ սեղմել անջատել/միացնելու կոճակը:

Microsoft-ը թողարկել է Windows 11-ի վերջնական տարբերակը: Ինչպես տեղադրել

Microsoft-ը թողարկել է Windows 11-ի վերջնական տարբերակը: Ինչպես տեղադրել

Ինչպես և նախատեսվում էր, հոկտեմբերի 5-ին Microsoft ընկերությունը հասանելի է դարձրել Windows 11-ի վերջնական տարբերակը, որում ցավոք տեղ չեն գտել որոշ առանցքային ֆունկցիաներ (օրինակ Անդրոիդի հավելվածներ ներբեռնելն ու բացելը): Խոստացված մի շարք գործառույթներ հետագայում աստիճանաբար հասանելի կդառնան: Windows 10-ի օգտատերերը կարող են անվճար թարմացնել և տեղադրել Windows 11-ը: Թարմացումը ավտոմատ հայտնվելու է Windows-ի թարմացումների էկրանին: Սակայն այն կարող է ոչ բոլորի մոտ միանգամից հայտնվել և ոմանց մոտ կարող է ընդհանրապես չհայտնվել, եթե համակարգիչը չի բավարարում Windows 11-ի պայմաններին (պրոցեսոր, TPM մոդուլ և այլն): 

Եթե ցանկանում եք տեսնել, թե արդյոք Ձեր համակարգիչը բավարարում է պայմաններին, ապա ներբեռնեք և աշխատացրեք PC Health Check App ծրագիրը: 

Նշեմ նաև, որ նույնիսկ որոշ պայմանններին չբավարարելու դեպքում հնարավոր է տեղադրել Windows 11-ը: Օրինակ իմ համակարգչի դեպքում պրոցեսորը չի բավարարում, սակայն Windows Insider Program-ի շրջանակներում կատարվել էր փորձնական տարբերակների թարմացումը դեռևս ամիսներ առաջ: Բացի այդ, համացանցում կան բազմաթիվ ուղեցույցներ, թե ինչպես շրջանցել օրինակ TPM մոդուլի պահանջը:

Եթե չեք ցանկանում սպասել, թե երբ թարմացումը հասանելի կդառնա Ձեր Windows 10-ի թարմացումների էջում, ապա կարող եք ներբեռնել Windows 11 Installation Assistant պաշտոնական ծրագիրը և դրա միջոցով միանգամից տեղադրել Windows 11-ը: Microsoft-ի պաշտոնական կայքում այս պահին հասանելի է նաև Windows 11-ի ISO ֆայլը, որը կարող եք ներբեռնել և ձայնագրել USB կրիչի կամ սկավառակի վրա: Նշեմ նաև, որ եթե նախկինում գրանցված էիք Insider Program-ին ու ստացել էիք փորձնական թարմացումները, ապա կարող եք անջատել այդ ծրագիրը և տեղադրել վերջնական տարբերակը: Կարող եք նաև շարունակել մնալ Insider Program-ի բաժանորդ և շարունակել օգտվել փորձնական թարմացումներից:

Instagram, WhatsApp և Facebook հարթակներում գլոբալ խնդիր կա այս պահին

Instagram, WhatsApp և Facebook հարթակներում գլոբալ խնդիր կա այս պահին

 


DownDetector կայքում կարող ենք տեսնել, որ տվյալ պահին Facebook, Instagram, Whatsapp և Facebook-ին պատկանող այլ հարթակներում նկատվում է հասանելիության գլոբալ խնդիր: Հայաստանում նույնպես տվյալ պահին այս հարթակներն անհասանելի են:

Ամազոնը ցուցադրեց Astro ռոբոտ օգնականին, որը հսկում է տունը և կատարում հրամաններ

Ամազոնը ցուցադրեց Astro ռոբոտ օգնականին, որը հսկում է տունը և կատարում հրամաններ

Amazon ընկերությունը անցկացրեց իր ամենամյա աշնանային ցուցադրությունը, ինչի ժամանակ ներկայացվեցին մի շարք նոր սարքեր, որոնցից ամենահետաքրքիրը երևի թե նոր Astro ռոբոտ օգնականն է:

Astro ռոբոտը նախատեսված է տնային պայմաններում մարդկանց օգնելու համար:  Այն կարողանում է նվագարկել երաժշտություն, ցուցադրել եղանակը և այլ ինֆորմացիա և պատասխանել հարցերին ինչպես Alexa-ով աշխատող ցանկացած սարք: 

Ռոբոտի վրա տեղադրված է 12 դյույմանոց էկրան, ինչը հանդիսանում է ռոբոտի «դեմքը»: Այդ էկրանի վրա ռոբոտը ցուցադրում է իր էմոցիաները: 

Վիդեոզանգերի ընթացքում ռոբոտը հետևում է մարդուն և նրան պահում կադրի մեջ: Ռոբոտին հնարավոր է կառավարել նաև հեռակա (օրինակ տանից բացակայելու դեպքում ստուգել տունը): Ռոբոտի վրա կա նաև փոքր բեռնախցիկ, ինչի միջոցով ռոբոտը կարողանում է մարդկանց ապրանքներ առաքել: 

Astro ռոբոտը կարողանում է սկանավորել և ճանաչել ընտանիքի անդամներին: Այսինքն կարելի է խնդրել ռոբոտին, որպեսզի ինչ-որ ապրանք առաքի կոնկրետ մարդու:

Ռոբոտի վրա առկա է USB-C բնիկ, ինչով կարելի է լիցքավորել սմարթֆոնը կամ միացնել այլ ակսեսուարներ: Ռոբոտի լիցքավորումը տևում է 45 րոպե:

Ժամանակակից ռոբոտ փոշեկուլների նման Astro ռոբոտը գծում է տան հատակագիծը և հետագայում հեշտ կողմնորոշվում տան մեջ: Օրինակ կարելի է ուղարկել ինչ-որ սենյակ կամ արգելել ռոբոտին մտնել «գաղտնի» սենյակներ: Ռոբոտի վրա տեղադրված սկաներների ու տեսախցիկների շնորհիվ ռոբոտը կարողանում է հաղթահարել խոչընդոտները և գտնել լիցքավորման սարքը:

Astro ռոբոտն ունի նաև շարժական տեսախցիկ, որը բարձրանում է մոտ մեկ մետր: Այդ տեսախցիկով ռոբոտը օրինակ կարող է տեսնել այնպիսի տարածքներ, որոնք չեն երևում սովորական տեսախցիկով:

Astro ռոբոտին հնարավոր է սինխրոնիզացնել Ring անվտանգության համակարգի հետ և ռոբոտը կարող է ինքնուրույն հսկել տունը: Astro Alexa Guard համակարգն ավտոմատ հայտնաբերում է ջարդվող ապակու ձայնը կամ տարբեր անվտանգության սենսորներից էկող ազդանշանները: Վտանգ հայտնաբերելու դեպքում սմարթֆոնի վրա ծանուցում է գալիս և օգտատերը ուղիղ միացմամբ կարող է տեսնել առկա խնդիրը:

Amazon Astro ռոբոտն արժի 1449 դոլար, սակայն Day 1 Editions ակցիայի շրջանակներում այն վաճառվելու է 999 դոլարով, որը ներառում է նաև Ring Protect Pro ծառայության 6 ամսվա բաժանորդագրություն: Ակցիային միանալու համար պետք է այցելել այս հասցեն:

Apple-ի երեկվա պրեզենտացիայի ընթացքում ցուցադրված գեղեցիկ գովազդները

Apple-ի երեկվա պրեզենտացիայի ընթացքում ցուցադրված գեղեցիկ գովազդները








Ուղիղ միացում: Apple-ը ներկայացնում է iPhone 13-ն ու այլ նորույթներ

Ուղիղ միացում: Apple-ը ներկայացնում է iPhone 13-ն ու այլ նորույթներ

Epic Games-ում անվճար են Nioh և Sheltered խաղերը

Epic Games-ում անվճար են Nioh և Sheltered խաղերը

Epic Games-ը շարունակում է հետաքրքիր ու գեղեցիկ խաղեր նվիրել օգտատերերին: Այս շաբաթվա ընթացքում կարող եք Epic Games-ից անվճար վերցնել Nioh և Sheltered խաղերը, որոնք Ձեր գրադարանում ավելացնելուց հետո կարող եք անվերջ խաղալ:

Motorola-ն ցուցադրեց նոր տեխնոլոգիա, որը օդով միաժամանակ լիցքավորում է 4 սարքեր

Motorola-ն ցուցադրեց նոր տեխնոլոգիա, որը օդով միաժամանակ լիցքավորում է 4 սարքեր

2021թ. հունվարին Motorola ընկերությունը ցուցադրեց տարածության մեջ անլար լիցքավորման իր նոր տեխնոլոգիան: Այժմ արդեն Motorola-ն ներկայացրեց այդ տեխնոլոգիայի բարելավված տարբերակը, որն ստացել է  Space Charging անվանումը: Նշվում է, որ այս տեխնոլոգիան թույլ է տալիս միաժամանակ լիցքավորել մինչև 3 մետր հեռավորության վրա գտնվող 4 սարք: Լիցքավորումը տարածվում է 100 աստիճան անկյունով:

Լիցքավորող սարքն ունի 1600 անտենա, որոնցից դուրս էկող ազդանշանը կարող է անցնել թղթի կամ այլ նմանատիպ արգելքների միջով: Լիցքավորումը դադարում է, երբ մարդ է կանգնում լիցքավորող և լիցքավորվող սարքերի միջև: Այս տեխնոլոգիայով լիցքավորման հզորությունը 5Վտ է, ինչը կարող է քիչ լինել ժամանակակից սմարթֆոնների համար, սակայն այլ խելացի սարքերի համար բավական է (օր. սմարթ ժամացույց կամ անլար ականջակալ):

Space Charging տեխնոլոգիան գրեթե պատրաստ է շուկա դուրս գալու համար, սակայն կոնկրետ ժամկետներ չեն նշվում: Հիշեցնեմ, որ նմանատիպ տեխնոլոգիա ունի նաև Xiaomi ընկերությունը, որը կոչվում է Mi Air Charge:

Facebook-ն ու Ray-Ban-ը ներկայացրեցին նոր սմարթ ակնոցներ, որոնց վրա կան տեսախցիկներ

Facebook-ն ու Ray-Ban-ը ներկայացրեցին նոր սմարթ ակնոցներ, որոնց վրա կան տեսախցիկներ

Facebook-ն ու Ray-Ban-ը ներկայացրեցին նոր սմարթ ակնոցներ, որոնք վաճառվելու են 299 դոլարով: Այս ակնոցների վրա տեղադրված են երկու հատ 5ՄՊ տեսախցիկներ, որոնցով հնարավոր է լուսանկարել կամ վիդեոներ ձայնագրել: Ակնոցների լուսանկարները սինխրոնիզացվում են Ֆեյսբուքի նոր Facebook View բջջային հավելվածի հետ, որտեղ հնարավոր է մշակել նկարներն ու վիդեոները և ցանկության դեպքում տարածել սոցիալական ցանցերում (ոչ միայն Ֆեյսբուքում): 

Ակնոցների վրա տեղադրված է ֆիզիկական կոճակ, սակայն հնարավոր է նաև կառավարել ձայնի միջոցով (օր. Hey Facebook, take a video ասելով կմիանա վիդեո ձայնագրությունը): Ակնոցների վրա տեղադրված է նաև դինամիկ և միկրոֆոն, ինչը թույլ է տալիս Bluetooth-ով պատասխանել հեռախոսազանգերին: 

Ակնոցների կողքի հատվածում տեղադրված է սոնսորային վահանակ, որի միջոցով հնարավոր է կառավարել ձայնի բարձրությունը կամ դադարեցնել երաժշտության նվագարկումը:

Ակնոցների վրա տեղադրված են նաև ընթացիկ ստատուսը ցուցադրող լույսեր (մարտկոցի կարգավիճակը, ձայնագրման կարգավիճակը և այլն): Մեկ ամբողջական լիցքավորումը տևում է մոտ մեկ ժամ, որը բավականացնում է 5 ժամ ինտենսիվ աշխատանքի համար: Ակնոցները լիցքավորվում են նաև պատյանի մեջ դրված:

«Яндекс»-ն արդեն սինխրոն ձայնով թարգմանում է YouTube, Facebook և այլ կայքերում տեղադրված ցանկացած անգլերեն վիդեո

«Яндекс»-ն արդեն սինխրոն ձայնով թարգմանում է YouTube, Facebook և այլ կայքերում տեղադրված ցանկացած անգլերեն վիդեո

Բլոգի նախորդ գրառումներից մեկում անդրադարձել էի Yandex-ի նոր տեխնոլոգիային, որով հնարավոր է սինխրոն ձայնով թարգմանել անգլերեն վիդեոները ռուսերենի: Այն ժամանակ այս տեխնոլոգիան աշխատում էր միայն YouTube-ի հատուկ փլեյլիստի վրա: Այժմ արդեն Yandex-ը հասանելի է դարձրել այս տեխնոլոգիան բոլոր վիդեոների համար: 

Այս տեխնոլոգիան ավտոմատ ճանաչում է վիդեոյում խոսացողի սեռը (չնայած մեր օրերում դա այդքան էլ հեշտ գործ չի 😊) և սինխրոն թարգմանության ձայնը համապատասխանեցնում է ըստ սեռի: Տեխնոլոգիան նաև սինխրոնիզացնում է թարգմանված ձայնը տեսահոլովակի հետ (դադարներ, արագություն և այլն):

Այս տեխնոլոգիան աշխատում է Windows, macOS, Linux և Android համակարգերի «Яндекс.Браузер» ծրագրում և iOS-ի կամ Android-ի «Яндекс» հավելվածում:  Այս պահին հնարավոր է թարմանել YouTube, Vimeo, TikTok, Twitter, Facebook և «ВКонтакте» կայքերի վիդեոները: Ցավոք որոշ կայքերում այս տեխնոլոգիան դեռևս չի աշխատում (օր. Netflix):