Armblog.net

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Անվճար դարձած խաղեր: Borderlands (PC), Far Cry 5 (PC), Call of Duty WWII (PS+) և այլն

Epic Games-ը PC համակարգիչների համար անվճար տրամադրում է Borderlands The Handsome Collection-ը (60$), որն իր մեջ ներառում է Borderlands 2 և Borderlands the Pre-Sequel խաղերը:

Բացի այդ, Epic Games-ը անվճար նվիրում է նաև SLUDGE LIFE խաղը: Այս խաղերը ակցիայի շրջանակներում Ձեր Epic Games-ի գրադարանում անվճար ավելացնելուց հետո կարող եք անվերջ խաղալ:

PC համակարգիչների համար Steam-ում նույնպես տվյալ պահին կան խաղեր, որոնք ձեռք բերելով կարող եք հետագայում անվճար խաղալ: Minion Masters խաղի համար անվճար է դարձել Charging Into Darkness հավելումը: Steam-ում անվճար է նաև Arma 3 Karts խաղը:

PC համակարգիչների համար լավ նորություն ունի նաև Ubisoft-ը: Այսօրվանից սկսած մոտակա հանգստյան օրերին անվճար կարող եք խաղալ Far Cry 5 խաղը (մինչև 31.05 ներառյալ):

PlayStation խաղային կոնսոլների համար տվյալ պահին անվճար է Kitten Squad խաղը, իսկ PS+ փաթեթի բաժանորդները կարող են անվճար խաղալ Call of Duty WWII և Star Wars Battlefront 2 խաղերը (վերջինը հասանելի կլինի մոտ օրերս):

Ի դեպ, PS+ տարեկան լիցքավորման քարտ տվյալ պահին վաճառվում է կես գնով (32$):

Google-ի նոր գործիքը կօգնի պահպանել սոցիալական հեռավորությունը

Ստեղծվել է նոր օնլայն գործիք, որը կոգնի COVID-19-ի ժամանակ պահպանել սոցիալական հեռավորությունը: Պետք է ընդամենը բջջային հեռախոսի Chrome-ով բացել https://sodar.withgoogle.com կայքը և սեղմել Lauch կոճակը: Եթե Ձեր սմարթֆոնի տեխնիկական բնութագրիչները բավարարում են, ապա կմիանա տեսախցիկը և լրացված իրականության մեջ կցուցադրվի 2մ հեռավորությունը հուշող գծանշում:

Բացել կայքը

Realme-ն ներկայացրեց 53$-անոց Realme Watch սմարթ ժամացույցները

Realme ընկերությունը ներկայացրեց մի քանի նորույթներ, որոնց մեջ են մտնում նաև Realme Watch սմարթ ժամացույցները: Նշեմ, որ մի քանի ամիս առաջ Realme-ն ներկայացրել էր նաև Realme Band սմարթ ֆիթնես թևնոցները:

Realme Watch ժամացույցներն ունեն 1.4 դյումանոց քառակուսի էկրան (320х320, 323ppi), որը ծածկված է Corning Gorilla Glass 3 պաշտպանիչ 2.5D ապակիով: Ժամացույը պաշտպանված է ջրից ու փոշուց IP68 ստանդարտով: Էկրանի լուսավորությունը ունի 10 մակարդակ:

Տվյալ պահին հասանելի են 12 ցիֆերբլատներ, սակայն հետագայում դրանց թիվը կտրուկ կաճի: Ցիֆերբլատները հնարավոր է փոխել Realme Link հավելվածով:

Ցիֆերբլատների վրա ցուցադրվում է ժամը, ամսաթիվը, շաբաթվա օրը, եղանակը, քայլերի քանակը, սրտի աշխատանքը և սպառված կալորիաները:

Realme Watch ժամացույցները հետևում են սրտի աշխատանքին 24/7 ռեժիմում:

Ժամացույցի սենսորը կարողանում է նաև հետևել արյան մեջ թթվածնի քանակությանը (SpO2):

Ցամացույցները հետևում են նաև օգտատիրոջ ֆիզիկական ակտիվությանը և ներառում են 14 սպորտային ռեժիմներ:

Realme Watch ժամացույցները ցուցադրում են հավելվածների ծանուցումները, հիշեցնում են ջուր խմելու և երկար ժամանակով չնստելու մասին:

Ցամացույցները հետևում են նաև մարդու քնի որակին: Realme Watch ժամացույցներով հնարավոր է ղեկավարել սմարթֆոնի տեսախցիկն ու երաժշտությունը:

Realme Watch ժամացույցներն ունեն 160 մ/Աժ մարտկոց, ինչը բավականացնում է 7 օր անոնիմ ռեժիմի համար, իսկ սրտի աշխատանքի 24/7 ռեժիմը անջատելու դեպքում՝ 9 օր:

Realme Watch սմարթ ժամացույցների վաճառքը կմեկնարկի հունիսի 5-ից: Classic Strap սև գույնի ժապավենով ժամացույցները կարժենան 53 դոլար: Հնարավոր կլինի նաև գնել այլ երանգների ժապավեններ, որոնք կարժենան 7 դոլար:

State of Play-ի շրջանակներում ներկայացվեց The Last of Us 2 խաղի մասին պատմող 24 րոպեանոց տեսանյութ

The Last of Us խաղի 2-րդ մասը կթողարկվի PS4 կոնսոլի համար ս.թ. հունիսի 19-ին:

Ուղիղ միացում: Ամերիկյան SpaceX-ը տիեզերք է ուղարկում իր առաջին տիեզերագնացներին

Falcon 9 հրթիռի և Crew Dragon տիեզերանավի արձակումն իրականացնում է Իլոն Մասկի SpaceX-ը՝ առաջին մասնավոր ընկերությունը, որը տիեզերագնացներ կտանի ուղեծիր (NASA-ի հետ համագործակցելով):

Դա կլինի վերջին 9 տարում տիեզերագնացների առաջին թռիչքը ԱՄՆ տարածքից: Թռիչքից 110 օր հետո տիեզերագնացներ Բոբ Բենքենն ու Դագ Հարլին Crew Dragon-ով կվերադառնան Երկիր։

Թարմացված:
Վատ եղանակի պատճառով թռիչքը չեղարկվեց: Երկրորդ փորձը տեղի կունենա մայիսի 30-ին:

Edge դիտարկչում ինտերնետի բացակայության դեպքում նույնպես հնարավոր է խաղ խաղալ

Microsoft ընկերությունը թարմացրել է իր Edge դիտարկիչը և այնտեղ ավելացրել է խաղ, որը հնարավոր է խաղալ ինտերնետի բացակայության դեպքում (ինչպես Chrome-ի դինոզավրի խաղը):

Նշեմ, որ այս խաղը նախկինում առկա էր Edge-ի փորձնական տարբերակներում: Խաղը հնարավոր է խաղալ նաև ինտերնետի առկայության դեպքում՝ դիտարկչի հասցեի դաշտում գրելով edge://surf:

GTA V-ի նոր անվճար ռեժիմով կարող եք հեծանիվ վարել Լոս-Սանթոս քաղաքում հեծանիվ-մարզասարքով

Makinolo անունով օգտատերը թողարկել է GTA V խաղի նոր անվճար ռեժիմ, որը կոչվում է GTBikeV: Այս ռեժիմում օգտատերերը կարող են իրենց մարզասարքերը կպցնել GTA V խաղին և հաճելին համատեղել օգտակարի հետ: GTBikeV ռեժիմն աշխատում է բոլոր տեսակի խելացի հեծանիվային մարզասարքերի հետ:

Խաղի ընթացքում էկրանին ցուցադրվում են արագությունը, տեմպը, հեռավորությունը, ժամանակը, կալորիաները և այլն: GTBikeV ռեժիմը հաշվի է առնում նաև խաղում ճանապարհի թեքվածությունները (վելեքները), ինչը փոխանցվում է նաև հեծանվասարքին և փոխվում է ծանրաբեռնվածությունը:

Խաղում ավտոմատ գեներացվում է նաև .FIT ֆայլ, որը պարունակում է GPS կոորդինատները և մնացած տվյալները: Այդ ֆայլը կարելի է տեղադրել ֆիթնես ծրագրերի մեջ ստատիստիկայի համար:

GTBikeV ռեժիմն ունի երեք ուղղություններ՝ 30, 16 և 10 կմ երկարություններով: GTBikeV անվճար ռեժիմը կարող եք ներբեռնել այս կայքից:

Xiaomi-ն շուտով կներկայացնի Mi TV Stick սարքը

Xiaomi-ի գերմանական մասնաճյուղը ցուցադրեց Mi TV Stick սարքի լուսանկարը և խոստացավ ավելի մանրամասն տվյալներ հաղորդել շուտով: Սարքը HDMI պորտով միանում է հեռուստացույցին և հնարավորություն տալիս օգտագործել տարբեր մեդիա ծառայություններ: Վահանակի վրա տեսնում ենք Google Assistant-ի, NetFlix-ի և Amazon Videos-ի լոգոները: Առայժմ հայտնի չի, թե ինչ օպերացիոն համակարգով կաշխատի այս սարքը, սակայն ամենայն հավանականությամբ դա կլինի Android: Հիշեցնեմ, որ Xiaomi-ն ունի նաև Mi TV Box սարք:

Ինչպես էմուլյատորի միջոցով PlayStation-ի խաղերը խաղալ Android/iOS հեռախոսների վրա

Tekken 7 խաղը ներբեռնեք այստեղից - https://dropmefiles.com/pxtzn

PPSSPP ծրագիրը IOS-ի համար
Տարբերակ 1 - https://youtu.be/rCf1SXAHU1c
Տարբերակ 2 - https://youtu.be/2gQAboQQ3gY

Ամենաշատ վաճառված խաղային կոնսոլների թարմացված ցուցակը

Learnbonds.com կայքը ներկայացրել է ամենաշատ վաճառված խաղային կոնսոլների թարմացված ցուցակը, որտեղ տեսնում ենք, որ մինչ այս պահը վաճառվել է ավելի քան 1,56 միլիարդ խաղային կոնսոլ: Ամենաշատը վաճառվել է Sony PS2 կոնսոլը (157.68 մլն), որը կազմում է շուկայի 10.07 տոկոսը:

Հայաստանում 5G չկա: Անհրաժեշտության դեպքում ՀՀ օպերատորները կդիմեն իրավապահներին

Վերջին շրջանում Ֆեյսբուք սոցիալական ցանցում մի քանի հայ օգտատերերի կողմից 5G կապի դեմ արշավ է սկսվել, ովքեր նկարում են բջջային կապի աշտարակները և կեղծ տեղեկություններ տարածում համացանցում: Հայաստանի բջջային կապի օպերատորները հանդես են եկել հայտարարությամբ.

Ստիպված ենք արձանագրել, որ վերջին շրջանում նկատվում է շարժական կապի և մասնավորապես՝ 5G ցանցի վերաբերյալ դավադրապաշտական, հակագիտական, իրականությանը չհամապատասխանող նյութերի ակտիվ շրջանառություն:

Հարկ ենք համարում տեղեկացնել, որ Հայաստանի հանրապետությունում առկա են բացառապես 2G, 3G, 4G ու 4G+/LTE Advanced ցանցեր, որոնցից յուրաքանչյուրի համար Հայաստանի Հանրային ծառայությունները կարգավորող հանձնաժողովի կողմից շարժական կապի օպերատորներին հատկացվել են հաճախականությունների համապատասխան շերտեր: Այս տեղեկատվությունը բաց է ու հասանելի: Վերազինման և ընդլայնման աշխատանքներն իրականացվում են բացառապես 2G, 3G, 4G ու 4G+/LTE Advanced ցանցերում:

Միևնույն ժամանակ, Հայաստանի շարժական կապի ներքոստորագրյալ երեք օպերատորները, որոնք գործում են ՀՀ օրենսդրության և պետական լիազոր մարմնի կողմից տրամադրված համապատասխան լիցենզիաների շրջանակներում, հորդորում են զերծ մնալ իրականությանը չհամապատասխանող, չճշտված, գիտականորեն չհիմնավորված, քաղաքացիների շրջանում անհարկի տագնապ առաջացնող տեղեկատվության, ինչպես նաև՝ օպերատոր-ընկերությունների գույքին սպառնալիք ներկայացնող սադրիչ հայտարարությունների տարածումից: Համավարակով պայմանավորված իրավիճակում երեք օպերատորներն անում են առավելագույնը, որպեսզի հայաստանյան բաժանորդները մշտապես կապի մեջ մնան աշխարհի տարբեր երկրներում բնակվող իրենց մտերիմների, գործընկերների և կարևոր մարդկանց հետ, կարողանան առցանց աշխատել, կրթվել և, մնալով տանը, կանխել վարակի տարածումը։ Սպառնալիք ու սադրանք պարունակող հայտարարությունների հետագա տարածման դեպքում Հայաստանի շարժական կապի օպերատոր ընկերություններն ստիպված կլինեն դիմել իրավապահ մարմիններին: Շնորհակալություն ըմբռնման համար:

Fortnite խաղում կայացավ Քրիստոֆեր Նոլանի Tenet ֆիլմի թրեյլերի պրեմիերան

Epic Games-ի Fortnite խաղում կայացավ հերթական մեծ միջոցառումը: Այս անգամ խաղասերներներին խաղի մեջ ցուցադրվեց Քրիստոֆեր Նոլանի նոր ֆիլմի թրեյլերի պրեմիերան:

Հիշեցնեմ, որ նախկինում ևս Fortnite խաղում տեղի են ունեցել ֆիլմերի պրեմիերաներ և լայնամասշտաբ համերգներ հայտնի երգիչների մասնակցությամբ:

Windows-ի նոր գործիքով կարող եք մեկ հրամանով ներբեռնել և տեղադրել ծրագրերի վերջին տարբերակները

Microsoft ընկերությունը GitHub-ում տեղադրել է ևս մեկ անվճար գործիքի կոդերը, որը կոչվում է Package Manager: Այն թույլ է տալիս cmd-ում կամ Windows-ի այլ տերմինալում գրել կարճ հրամաններ և ներբեռնելով տեղադրել ծրագրերի վերջին տարբերակները:

Ներբեռնվող ծրագրերը կարող են նաև լինել նաև ոչ Windows Store-ից (օրինակ WinRAR): Քանի որ այս գործիքը բաց ծրագրային կոդով է, ապա ցանկացողները կարող են նաև ավելացնել իրենց ծրագրերը այս գործիքի մեջ: Package Manager-ը տեղադրելուց հետո պետք է բացեք ցանկացած կոնսոլ և դրա մեջ գրել winget install {ծրագրի անունը}

Տվյալ պահին գործիքը գտնվում է փորձարկման փուլում, սակայն կարող եք ներբեռնել նախառելիզային տարբերակը: Նշեմ նաև, որ գործիքը նախատեսված է Windows 10-ի համար: Եթե Windows 7-ում ուզում եք ունենալ նմանատիպ գործիք, ապա կարող եք օգտվել Chocolatey-ից:

Ներբեռնել

Epic Games Store-ն արդեն յուրաքանչյուրին նվիրել է մոտ 2200 դոլարի խաղ

2018 թվականի տարեվերջին ամերիկյան Epic Games խաղային ընկերությունը թողարկեց խաղերի իր սեփական օնլայն խանութը և Steam-ի հետ մրցակցության մեջ մտնելու համար սկսեց անվճար նվիրել տարբեր խաղեր, որոնց մեծ մասը հայտնի և թանկ խաղեր են: Նախորդ շաբաթ Epic Games-ը անվճար նվիրել երևի թե ամենահայտնի խաղը՝ GTA V-ը և դա ստիպեց լրագրողներին հաշվել, թե ինչքան գումարի խաղ է այս ընթացքում նվիրել Epic Games-ը:

Այսպիսով Epic Games Store-ը մեկնարկից մինչ այժմ նվիրել է 100-ից ավել խաղ, որոնց գումարային արժեքը մոտավոր կազմում է 2200 դոլար: Նշեմ, որ սկզբնական շրջանում երկու շաբաթը մեկ էին թարմացվում անվճար խաղերը, իսկ հետագայում դարձավ շաբաթը մեկ: Այստեղ կարևոր հանգամանքն այն է, որ խաղերը ակցիայի շրջանակում ձեռք բերելու դեպքում կցվում են Ձեր Epic Games-ի պրոֆիլին և հետագայում նույնպես հնարավոր է լինում անվճար խաղալ:

Այսինքն, եթե նույնիսկ տվյալ պահին համակարգիչ չունեք կամ ցանկություն չունեք խաղալու, ապա կարող եք խաղերն անվճար ձեռք բերել և հետագայում խաղալ: Տվյալ պահին Epic Games-ում անվճար է Civilization VI խաղը:

Epic Games ընկերությունը հայտնի է իր Fortnite խաղով և խաղեր ստեղծելու համար նախատեսված Unreal խաղային շարժիչով, որը նույնպես անվճար է:

Այս գործիքով կարող եք ձեր լուսանկարները վերածել անիմեների

Համացանցում հայտնվել է նոր գործիք, որը վայրկյանների ընթացքում գեներացնում է Ձեր լուսանկարի անիմե տարբերակը: Հիշեցնեմ, որ բլոգի նախորդ գրառումներում մեկում անդրադարձել եմ նմանատիպ մեկ այլ կայքի, որը նույնպես ստեղծում է անիմե լուսանկարներ:

Մեքենայական ուսուցմամբ աշխատող մնացած հետաքրքիր գործիքների մասին Արմբլոգի գրառումները կարող եք տեսնել այստեղ:

Բացել կայքը

Շուտով կթողարկվի Serious Sam 4 խաղը PC, Xbox և PlayStation համակարգերի համար

Վերջապես հայտնի դարձավ հայտնի Serious Sam խաղի 4-րդ մասի թողարկման ամսաթիվը:

Այն PC համակարգիչների վրա հասանելի կլինի այս տարվա օգոստոսին, իսկ խաղային կոնսոլների վրա 2021թ. սկզբում: Տվյալ պահին խաղը հնարավոր է նախապես գնել Steam-ում:

Microsoft-ը թողարկել է Mac-ի Spotlight-ի նման լաունչեր: Ինչպես օգտվել

Microsoft ընկերությունը թարմացրել է իր PowerToys գործիքների հավաքածուն և այնտեղ ավելացրել է երկու նոր գործիքներ՝ Keyboard Manager և PowerToys Run: Առաջինը նախատեսված է ստեղնաշարի ստեղները վերանշանակելու համար (օրինակ A ստեղնը կապել B-ի հետ), իսկ երկրորդն իրենից ներկայացնում է նոր լաունչեր, որը նման է Mac-ի Spotlight-ին:

Նոր Launcher-ը նախատեսված է ինչպես ֆայլեր, ծրագրեր որոնելու համար, այլև Windows-ի տարբեր հրամաններ կատարելու համար: Օրինակ կարող եք գրել cmd, regedit,powershell և համակարգարային այլ հրամաններ:

PowerToys Run-ում կարող եք նաև արագ կատարել մաթեմատիկական գործողություններ:

PowerToys գործիքակազմում առկա են նաև մի շարք այլ օգտակար գործառույթներ: Օրինակ PowerRename-ով կարող եք միանգամից անվանափոխել մի քանի ֆայլեր՝ նախատես տրված պարամետրերով:

PowerToys ImageResizer-ով կարող եք միանգամից փոխել մի քանի նկարների չափսերը:

PowerToys FancyZones-ով կարող եք կարգավորել էկրանի հատվածները, որտեղ կցուցադրեն բացված ծրագրերը: Օրինակ կարող եք էկրանը բանանել մի քանի զուգահեռ կամ հորիզոնական հատվածների:

Նշեմ, որ PowerToys-ը տեղադրել և բացելուց հետո PowerToys Run լաունչերը տեսնելու համար պետք է ստեղնաշարի վրա սեղմել Alt+Space:

PowerToys-ը բաց ծրագրային կոդով է և տեղադրված է GitHub-ում: Բոլոր ռելիզները կարող եք գտնել և ներբեռնել այստեղից:

Ներբեռնել v0.18.0 տարբերակը

Civilization VI (PC), LEGO NINJAGO (PS4, PC, Xbox) և մի շարք այլ խաղեր դարձել են անվճար

Epic Games-ը GTA V խաղն անվճար նվիրելուց հետո տվյալ պահին անվճար է դարձրել Civilization VI խաղը PC համակարգիչների համար:

Ինչ վերաբերում է խաղային կոնսոլներին (PS4, Xbox), ապա LEGO NINJAGO խաղը կարող եք անվճար խաղալ: Այս խաղը հասանելի է նաև Steam-ում PC համակարգիչների համար:

Steam-ում տվյալ պահին անվճար է նաև Showdown Bandit խաղը:

PC-ի համար Ubisoft-ը նույնպես նվիրում է 2 անվճար խաղեր, որի շնորհիվ կարող եք վիրտուալ ուղևորվել դեպի հին Եգիպտոս և Հունաստան` Assassin's Creed Discovery Tour Ancient Egypt և Assassin's Creed Discovery Tour Ancient Greece.

Apple TV-ի օգտատերերի համար տվյալ պահին անվճար է դարձել Beat Sports խաղերի հավաքածուն:

Apple/iOS սարքերի վրա տվյալ պահին անվճար են Peppa Pig: Golden Boots (Android, iOS) և Pako 2 (iOS, Android) խաղերը:

Վերջում նշեմ, որ այս խաղերը կարող եք ձեռք բերելու դեպքում կարող եք հետագայում նույնպես անվճար խաղալ:

Facebook-ը գործարկել է վիդեոկոնֆերանսի Rooms ծառայությունը: Ինչպես օգտվել և ինչպես խուսափել խնդիրներից

Շաբաթներ առաջ Ֆեյսբուքը ներկայացրեց վիդեոկոնֆերանսի իր նոր Rooms ծառայությունը, որը թույլ է տալիս վիդեոզանգեր կատարել առավելագույնը 50 մարդու մասնակցությամբ: Այսօրվանից այս նոր ծառայությունը հասանելի է նաև Հայաստանի օգտատերերի համար: Նոր «սենյակ» ստեղծելու համար պետք է սեղմել Ֆեյսբուքի (կամ Messenger-ի) բջջային հավելվածում և վեբ տարբերակում հայտնված նոր նշանի վրա:

Նոր սենյակ ստեղծելուց ուշադիր եղեք, քանի որ այն ի սկզբանե կարգավորված է այնպես, որպեսզի Ֆեյսբուքի բոլոր ընկերները կարողանան միանալ: Այս դեպքում սենյակ ստեղծելուց բոլոր ընկերների մոտ նորությունների հոսքի վերևի հատվածում կցուցադրվի Ձեր սենյակը և նրանք կկարողանան անարգելք միանալ:

Որպեսզի խուսափեք նմանատիպ խնդրից, պետք է սենյակ ստեղծելու առաջին քայլում ընտրեք ընկերներին նշելու տարբերակը և նշեք միայն այն ընկերներին, ովքեր կարող են մտնել սենյակ:

Նշեմ նաև, որ կարող եք միացնել հղումով միանալու տարբերակը, որի դեպքում կտրամադրվի ունիկալ հղում, որն ունեցող ցանկացած մարդ կկարողանա մտնել սենյակ:

Ընդ որում պարտադիր չի, որպեսզի սենյակ մտնող մարդիկ ունենան Ֆեյսբուքի պրոֆիլ: Նրանք կարող են պարզապես գրել իրենց անուններն ու մուտք գործել որպես հյուր: Այնպես որ ուշադիր եղեք, քանի որ հղում ունեցող մարդիկ կարող են մտնել Ձեր խոսակցության մեջ:

Rooms-ում չկա հաղորդագրություններ ուղարկելու գործառույթ, սակայն օգտատերերը կարող են ցուցադրել իրենց էկրանները: Հաղորդագրություն ուղարկելու համար պետք է ընտրեք սենյակի մասնակցին և նրան առաջին նամակ ուղարկեք Messenger-ով (եթե իհարկե նա մուտք է գործել Ֆեյսբուքի պրոֆիլով): Մասնակիցների ցանկի նշանի վրա նշելով կարող եք տեսնել սենյակի մի շարք կարգավորումներ: Օրինակ կարող եք արգելափակել սենյակի մուտք, որպեսզի այլևս մարդ չմտնի

Այստեղից կարող եք նաև փակել սենյակը: Նշեմ, որ սենյակը չի փակվում կարմիր անջատելու նշանի վրա սեղմելով, այլ պարզապես տվյալ վիդեոկոնֆերանսն է ավարտվում:

Rooms-ում խոսակցության ընթացքում կարող եք միացնել բոլոր մասնակիցներին ցուցադրելու գործառույթը, կամ ցուցադրել միայն տվյալ պահին խոսացողին: