Armblog.net

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Fortnite խաղում հայտնվել է առաջին «տրանսպորտը»՝ սուպերմարկետի անվասայլակը

Epic Games ընկերությունը թողարկել է Fortnite խաղի հերթական թարմացումը, որտեղ մի շարք փոփոխությունների հետ մեկտեղ հայտնվել է նաև առաջին տրանսպորտային միջոցը՝ սուպերմարկետի անվասայլակը:)

Հիշեցնեմ, որ նմանատիպ PUBG խաղում օգտատերերն հնարավորություն ունեն օգտվել մոտոցիկլետից, ավտոմեքենայից և նույնիսկ նամակներից, իսկ ահա Fortnite-ում օգտատերերը կարող են միայն քայլել կամ վազել:

Անվասայլակները տեղադրված են խաղի քարտեզի տարբեր կետերում և դրանց գլխավոր առանձնահատկությունն այն է, որ օգտատերերից մեկը կարող է նստել դրա վրա և կրակել մրցակիցներին, իսկ մյուսը՝ վարել անվասայլակը:

Fortnite խաղի նոր թարմացման մեջ տեղ գտած բոլոր փոփոխությունները կարող եք տեսնել այստեղ:

Ինչպես օգտվել Chrome-ում թաքնված գաղտնաբառեր գեներացնող գործիքից

Ինտերնետ կայքերում գրանցվելուց հաճախ կարիք է լինում մտածել ու գրել ապահով գաղտնաբառ: Google Chrome-ը որոշել է այս հարցում օգնել օգտատերերին և ստեղծել է մի թաքուն գործիք, որն ինքնուրույն գեներացնում է գաղտնաբառը և այն պահպանում Chrome-ի մեջ՝ հետագայում այդ կայքում ավտոմատ գաղտնաբառը հավաքելու և մուտք կատարելու համար: Այդ գործիքն ակտիվացնելու համար պետք է այն միացնել Chrome-ի փորձնական ֆունկցիաների ցանկում:

1.Chrome-ում բացեք chrome://flags/#enable-password-generation էջը:

2. Միացրեք համապատասխան կարգավորումը:

3. Ռեստարտ արեք Chrome-ը:

Այս քայլերից հետո կարող եք այցելել այնպիսի կայք, որտեղ պահանջվում է գրանցվել և գաղտնաբառի դաշտում աջ քլիք արեք ու սեղմեք Generate Passwords կոճակը:

Chrome-ը կգեներացնի գաղտնաբառը և այն ընտրելու դեպքում ավտոմատ կլրացնի ու կպահպանի:

Նշեմ, որ սա փորձնական գործիք է, և դեռևս պարզ չի, թե ինչ ճակատագրի կարժանանա հետագայում:

Արմբլոգն արդեն հասանելի է նաև Տելեգրամում

Միացեք Armblog.net-ի պաշտոնական Telegram ալիքին, որտեղ կգտնեք բլոգում տեղադրվող վերջին գրառումները, ինչպես նաև ժամանցային, ուսուցողական ու տեղեկատվական այլ նյութեր:

Միանալ

Ինչպես ավելացնել ՖԻՖԱ 2018-ի խաղերի ժամանակացույցը Google Calendar-ում, iOS-ի և Անդրոիդի օրացույցներում

Google-ը թույլ է տալիս օրացույցի մեջ ներմուծել այլ օգտատերերի կողմից պատրաստված օրացույցներ և այսպիսով հեշտացնում Google օրացույց-ի հետ աշխատելու գործընթացը: Եթե ցանկանում եք տեղեկացված լինել և ստանալ ծանուցումներ Ռուսաստանում կայանալիք ՖԻՖԱ 2018-ի խաղերի օրերի ու ժամերի մասին, ապա կարող եք այդ խաղերի ժամանակացույցը ներառել Google-ի օրացույցում:

1. Մուտք գործեք Google Calendar:

2. Բացեք այս հասցեն:

3. Բացված էջում սեղմեք Google Calendar նշանի վրա:

Նշեմ, որ խաղերի օրերն ու ժամերը օրացույցի վրա կցուցադրվեն Հայաստանի ժամային գոտուն համապատասխան: Կարող եք նաև այս օրացույցը ներառել iOS համակարգի օրացույցում և խաղերից առաջ ստանալ ծանուցումներ iPad կամ iPhone սարքերի վրա:

1.Բացեք սարքի կարգավորումները և սեղմեք Mail, Contacts, Calendar ենթաբաժնի վրա:

2.Միացրեք Google-ի օրացույցի սինխրոնիզացիան:

3. Բացեք այս հասցեն, միացրեք ՖԻՖԱ 2018 օրացույցը և սեղմեք Save:

4.Բացեք iOS համակարգի օրացույցը և աշխարհի առաջնության խաղերի օրերն ու ժամերը կհայտնվեն օրացույցի վրա:

Անդրոիդի վրա նույնպես կարող եք ունենալ այս օրացույցը: Անհրաժեշտ է բացել օրացույցի կարգավորումները և միացնել համապաասխան օրացույցը: Որոշ ժամանակ անց համակարգն ավտոմատ կսինխրոնիզացնի օրացույցը: Կարող եք նաև ինքներդ ստիպել, որպեսզի օրացույցը թարմացվի:

Հերթական գովազդում Samsung-ը համեմատել է Galaxy S9 սմարթֆոնը iPhone 6-ի հետ

Samsung ընկերությունը պարբերաբար գովազդային հոլովակներ է թողարկում, որտեղ ծաղրում է Apple-ի iPhone-ները և ցուցադրում իր սմարթֆոնների առավելություններն այդ սմարթֆոնների նկատմամբ: Սակայն հերթական գովազդում Samsung-ն արդեն կորցրել է իրականության զգացումը:

Այս գովազդում Samsung-ը համեմատել է 2018 թվականի Galaxy S9 սմարթֆոնը 2014 թվականին արտադրված iPhone 6-ի հետ: Գովազդում ցուցադրվում է, որ iPhone 6-ը պարբերաբար կախում է և խորհուրդ է տրվում այս սմարթֆոնը փոխարինել Galaxy S9-ով:

Ճիշտ է, գովազդի սկզբում փոքր տառերով նշվում է, որ տվյալ պահին հասանելի են iPhone-ի ավելի նոր տարբերակներ, բայց դա չի արդարացնում Samsung-ին նկարահանել նման անհեթեթ գովազդներ: Հետաքրքիր է, թե ինչ կլիներ, եթե նույն տրամաբանությամբ համեմատելու լինենք Galaxy S5 սմարթֆոնը և iPhone X-ը:

«Алиса» ձայնային օգնականը ներդրվել է նաև Անդրոիդի «Яндекс» Launcher-ում

Անդրոիդի համակարգի «Яндекс» Launcher-ում ավելացել է «Алиса» ձայնային օգնականից օգտվելու հնարավորություն: Հիշեցնեմ, որ մինչ այժմ այս օգնականը հասանելի էր «Яндекс», «Яндекс.Навигатор», ինչպես նաև բջջային ու վեբ «Яндекс.Браузер» ծրագրերում:

«Яндекс» Launcher-ում «Алиса» օգնականից օգտվելու համար բավարար է ընդամենը սեղմել որոնման դաշտում գտնվող նշանի վրա, կամ կանչել համապատասխան ձայնային ազդանշանով:

«Алиса» ձայնային օգնականով կարող եք բացել ծրագրեր, կանչել «Яндекс.Такси», օգտվել «Яндекс.Навигатор»-ից, խաղեր խաղալ, կարգավորել զարթուցիչը և կատարել բազմաթիվ այլ գործողություններ:

Թարմացվել է YouTube-ի թրենդային վիդեոների էջը: Երկրների ցանկից հանվել է Հայաստանը

YouTube վիդեոհոսթինգը թարմացրել է թրենդային և հայտնի տեսահոլովակների ու երգիչների էջը` Charts-ը: Կարելի է ասել, որ ինտերֆեյսի առումով կատարվել են դրական փոփոխություններ, իսկ ֆունկցիոնալ առումով՝ բացասական: Օրինակ՝ նախկինում հնարավոր էր ընտրել կոնկրետ ամսաթիվ կամ ժամանակաշրջան և տեսնել այդ ժամանակվա թրենդային տեսանյութերը: Այժմ ամսաթիվ ընտրելու հնարավորություն չկա: Երկրորդ բացասական փոփոխությունն այն է, որ երկրների ցանկից հանվել է Հայաստանը և մի քանի այլ երկրներ:

YouTube Charts-ում տվյալ պահին ցուցադրվում են 4 բաժիններ՝ «Թրենդային տեսանյութեր», «Թոփ երգեր», «Թոփ երաժշտական տեսահոլովակներ» և «Թոփ երգիչներ»:

Բացել կայքը

Բացահայտում - Ուրվականների անտառը

iOS համակարգի Google Maps-ում այժմ կարող եք նավիգացիայի սլաքը փոխարինել ավտոմեքենայով

iOS համակարգի Google Maps հավելվածում ավելացել է նոր գործառույթ, որի միջոցով կարող եք փոխել նավիգացիայի սլաքը և դրա փոխարեն ընտրել եռաչափ ավտոմեքենա:

Տվյալ պահին հասանելի են երեք ավտոմեքենաներ՝ սեդան, պիքափ և ամենագնաց: Դեռևս պարզ չէ, թե երբ այս գործառույթը հասանելի կլինի Անդրոիդ հավելվածի վրա:

Beeline-ի բաժանորդները կկարողանան օգտվել Yandex-ի ծառայություններից՝ առանց ինտերնետի համար վճարելու

Բիլայնի «Սմարթ» սակագնային փաթեթի, ինչպես նաև «Neo Max» և «Quatro» ծառայությունների փաթեթների բոլոր ակտիվ և նոր բաժանորդներն այսուհետ կկարողանան օգտվել Yandex Music, Yandex Taxi, Yandex Disc և Yandex Navigator հավելվածներից առանց ինտերնետի ծախսի, նույնիսկ երբ հաշիվը 0 է։

«Դուխով» գլխարկի պատմությունը (Տեսանյութ)

«Դուխով» վանկարկումը, որը Թավշյա հեղափոխության ընթացքում կարելի էր գտնել ամենուր՝ սկսած գլխարկներից մինչև պաստառներ, դարձել է շարժման խոհրդանիշերից մեկը։ Թե ինչպես Նիկոլ Փաշինյանը սկսեց օգտագործել «Դուխով» գրառումով գլխարկ և ինչպես դրանից հետո գլխարկները դարձան զանգվածային, ՍիվիլՆեթին պատմում է դիզայներ Արա Ասլանյանը:

Ինչպես Gmail-ում միացնել ավտոմատ նամակներ գրող Smart Compose ֆունկցիան

Google I/O 2018 միջոցառման ժամանակ Google-ը ներկայացրեց իր ծառայությունների մի քանի նորույթներ, որոնցից անմասն չմնաց Gmail փոստային ծառայությունը: Մասնավորապես ներկայացվեց Smart Compose ֆունկցիան, որը նեյրոնային ցանցի ուսուցման տեխնոլոգիայով օգնում է օգտատերերին նամակ գրել:

Այսինքն Gmail-ը անալիզ է անում խոսակցությունը և գրելու ընթացքում ավտոմատ առաջարկում է բառեր և նախադասություններ: Այս ֆունկցիան դեռ գտնվում է փորձարկման փուլում և այն առանձին պետք է միացնել հետևյալ կերպ.

1.Եթե դեռ չեք օգտվում Gmail-ի նոր ինտերֆեյսից, ապա միացրեք այստեղ նկարագրված քայլերով:

2.Բացեք Gmail-ի կարգավորումների էջը և General բաժնում միացրեք Experimental Access ֆունկցիան: Բացված էջի ներքևում սեղմեք Save Changes կոճակը:

3. Նորից բացեք Gmail-ի կարգավորումները և միացրեք Smart Compose ֆունկցիան: Էջի ներքևում սեղմեք Save Changes կոճակը:

Սևան Ստարտափ Սամմիթ 2018-ի հայտերը կընդունվեն մինչև հունիսի 15-ը

Սևան Ստարտափ Սամմիթ 2018-ը տեղի կունենա հուլիսի 22-ից 29-ը։ Կազմակերպիչներն ակնկալում են Հայաստանում հյուրընկալել շուրջ 1000 ձեռնարկատերերի աշխարհի տարբեր երկրներից։ Ինչպես արդեն հայտարարվել էր Սևան 2018-ը կլինի այս տարվա գալա միջոցառումը՝ միավորելով ԱՄԷ-ում և Հնդկաստանում կայացած սամմիթների հաղթող ստարտափներին, տեղի ստարտափ էկո-համակարգի հիմնական շահառուներին, հաջողակ ձեռներեցներին և ներդրողներին։

Սևան Ստարտափ Սամմիթի տնօրեն Վահագն Ռափյանը նշել է․

- Հաշվի առնելով Սամմիթի միջազգայնացումը՝ մենք նպատակ ենք դրել ամեն տարի Հայաստանում միավորել ոլորտի առաջատար ներկայացուցիչներին։ Ակնկալում ենք, որ ոչ ֆորմալ վրանային միջավայրը կնպաստի փորձի և գիտելիքի անկաշկանդ փոխանակմանը շահառուների միջև։

Սևան Սարտափ Սամմիթ 2018-ի հայտերը կընդունվեն մինչև հունիսի 30-ը։ Անվճար մասնակցության համար հարկավոր է գրանցվել և լրացնել հարցաթերթիկը մինչև մայիսի 14-ը։ Մայիսի 15-ից հունիսի 4-ը դիմած ստարտափների՝ մասնակցության հաստատման դեպքում, ամեն մասնակցի անդամավճարը կկազմի ՝ 30 ԱՄՆ դոլար, իսկ հունիսի 5-ից՝ 45 ԱՄՆ դոլար։

Այս տարի Սևան 2018-ի նորամուծություններից է Հայաստանում առաջին անգամ անցկացվող աքսելերացիոն ծրագիրը, որի ներդրումային ֆոնդը կկազմի 100,000 ԱՄՆ դոլար։ Այս ներդրումը կկատարվի Սիսայդ Ստարտափ Սամմիթի կողմից, որը կավելացնի մի շարք հնարավություններ մասնակիցների համար։ Միջոցառման շրջանակներում կլինի նաև մրցանակային ֆոնդ, որը կկազմի 50,000 ԱՄՆ դոլար։ Ավելի քան 30 ստարտափներ կստանան դրամական մրցանակներ սամմիթի շրջանակներում անցկացվող ոլորտային մրցույթներից։ Ակնկալվում է, որ այլ ներդրումային ֆոնդերի և հրեշտակ ներդրողների կողմից կատարվող ներդրումները կկազմեն շուրջ 1,000,000 ԱՄՆ դոլար։

Մանրամասն տեղեկությունների համար կարող եք այցելել ՝ https://seasidestartupsummit.com/Sevan/

Ստարտափների հայտերը կարող եք լրացնել այստեղ՝

https://bit.ly/2I8LIIk

Ինչպես տեղադրել Android P-ի Launcher-ը ցանկացած Android (5.0+) հեռախոսի վրա

Գաղտքնիք չէ, որ Android-ի նոր տարբերակները հիմնականում հասանելի են լինում քիչ թվով սմարթֆոնների վրա: Android P օպերացիոն համակարգը ևս բացառություն չէ: Սակայն XDA Developers-ի օգտատերերը կարողացել են այնպես անել, որպեսզի այս համակարգի Launcher-ը հնարավոր լինի տեղադրել ցանկացած ժամանակակից Android սմարթֆոնի վրա: Անհրաժեշտ է ընդամենը ներբեռնել apk ֆայլը և տեղադրել (install) հեռախոսի մեջ: Տեղադրելուց առաջ համոզվեք, որ հեռախոսի մեջ չունեք այս Launcher-ի որևէ տարբերակ (ունենալու դեպքում ջնջեք):

XDA Developers-ում առաջարկվում է Android P Launcher-ի երեք տարբերակ՝ օրիգինալ, փոփոխված (Android 7.0+) և փոփոխված (Android 5.0+): Կարող եք նաև տեղադրել Google Wallpapers հավելվածը, որպեսզի Ձեր օպերացիոն համակարգի արտաքին ինտերֆեյսն ավելի նմանեցնեք Google-ի նոր օպերացիոն համակարգերին:

Նոր հայկական անիմացիա: Super Nikol

Google-ը Անդրոիդի Gboard ստեղնաշարում ավելացրել է Մորզեի այբուբենը

Google IO միջոցառման ժամանակ Google-ը տեղեկացրեց Gboard ստեղնաշարում ավելացված Մորզեի այբուբենի մասին: Այն արդեն հասանելի է Gboard-ի բետա տարբերակում: Այս նորույթը հայտնելու ժամանակ Google-ը ներկայացրեց մի կարճ տեսանյութ, որտեղ ցուցադրվում է մի սարք, որը հետևում է հաշմանդամ մարդու գլխի շարժումներին և այն փոխակերպում է Մորզեի կոդի: Այդ սարքի հեղինակը նաև աջակցել է Gboard-ում Մորզեի այբուբենի ներդրման գործում:

Gboard ստեղնաշարում հայտնված Մորզեի ռեժիմը փոխարինում է ստեղնաշարը երկու շերտերով, որտեղ տեղադրված են կարճ և երկար ազդանշաններ ուղարկող նշանները: Իսկ ստեղնաշարի վերևի հատվածում ցուցադրվում են հուշումներն ու լրացումները: Gboard-ի բետա տարբերակը կարող եք ներբեռնել այստեղից:

Google Maps-ի Street View-ում շուտով կհայտնվեն լրացված իրականության (AR) տարրեր

Google I/O ամենամյա միջոցառման ժամանակ Google-ը ցուցադրեց Google Maps ծառայության մի քանի նոր հնարավորություններ: Դրանցից մեկը՝ Google Maps-ի Street View-ում լրացված իրականության տարրերի հայտնվելն է: Այսինքն, կարող եք հեռախոսը պահել ճանապարհի վրա և լրացված իրականության միջոցով տեսնել նշանակետի ուղղությունը ցուցադրող սլաքները:

Google-ը նախատեսում է նաև լրացված իրականությունում ավելացնել կենդանիներ, որոնք նույնպես ցույց կտան ճանապարհը:

Google Assistant-ն արդեն կարող է օգտատիրոջ փոխարեն զանգել և ռեստորանում սեղան ամրագրել

Google IO 2018 ամենամյա միջոցառման ժամանակ Google ընկերությունը ներկայացրեց Google Assistant-ի նոր հնարավորությունները: Շուտով Assistant-ն ունակ կլինի օգտատիրոջ փոխարեն ինքնուրույն զանգեր կատարել: Այսինքն, երբ օգտատերը պահանջում է իրեն գրանցել բժշկի մոտ կամ ռեստորանում սեղան ամրագրել, ապա Google Assistant-ն ավտոմատ զանգում է համապատասխան վայրը և երկար-բարակ զրուցելով կատարում տիրոջ հրամանը :)

Սա իրոք կարելի է արդեն շատ մեծ ձեռքբերում համարել վիրտուալ օգնականների բնագավառում, քանի որ հեռախոսի մյուս կողմում գտնվող մարդը դժվար թե տարբերի, որ խոսում է ռոբոտի հետ:

Ինչպես տեղադրել Windows 10-ի գարնանային թարմացումը՝ Spring Creators Update-ը

Microsoft ընկերությունը մի քանի ամիս առաջ ներկայացրեց Windows 10-ի աշնանային թարմացումը, որտեղ տեղ էին գտել մի շարք կարևոր փոփոխություններ: Վերջերս օգտատերերին հասանելի դարձավ նաև գարնանային թարմացումը, որը կոչվում է Windows 10 Spring Creators Update: Այս թարմացումը շաբաթներ առաջ արդեն հասանելի էր Windows Insider Program ծրագրի շրջանակներում, իսկ հիմա այն հասանելի է բոլոր օգտատերերի համար: Անհրաժեշտ է ընդամենը ներբեռնել և աշխատեցնել թարմացման ծրագիրը:

Այս թարմացման առանցքային փոփոխություններից մեկը Timeline-ի ավելացումն է, որտեղ ցուցադրվում է այլ սարքերի վրա կիսատ թողած աշխատանքներն ու ծրագրերը և թույլ է տալիս շարունակել աշխատանքը:

Նոր թարմացումը ներառում է Fluent Design ինտերֆեյսի տարրեր: Այս թարմացման մեջ բարելավվել են Microsoft Edge, Cortana ծրագրերը, ավելացել են նոր կարգավորումներ Settings բաժնում, հնարավոր է հեշտ ու պարզ քայլերով ֆայլեր փոխանակել մոտակայքում գտնվող այլ համակարգիչների, տեղադրել տառատեսակներ Windows Store-ից, համակարգ մուտք գործելու նոր գործիքներով, կարգավորել թարմացումների ինտերնետ տրաֆիկը և այլն:

Ֆեյսբուքում հայտնվել է մեկնաբանությունները բացասական կամ դրական գնահատելու կոճակներ

Ֆեյսբուք սոցիալական ցանցի որոշ օգտատերեր լուսանկարներ են տեղադրել համացանցում, որոնցում երևում է, որ օգտատերերին հնարավորություն է տրվում բացասական կամ դրական գնահատել մեկնաբանությունները: Նշեմ, որ այս նոր գործառույթը նման է Reddit ցանցում գրառումները գնահատելու մեխանիզմին: Այս նոր կոճակների միջոցով օգտատերերը կարող են իրենց դիրքորոշումն ու գնահատականը հայտնել տարբեր մարդկանց կողմից արված մեկնաբանություններին:

Այսինքն` Ֆեյսբուքը ցանկանում է, որ մարդիկ այս կոճակների միջոցով նշեն օգտակար և վնասակար մեկնաբանությունները: Առայժմ այս գործառույթը հասանելի է միայն քիչ թվով օգտատերերի համար և առայժմ հայտնի չէ, թե երբ այն հասանելի կլինի բոլորի համար: