Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Ինչպես Google Chrome-ում միացնել տեսանյութերն առանձին պատուհանում դիտելու գործառույթը

Ինչպես Google Chrome-ում միացնել տեսանյութերն առանձին պատուհանում դիտելու գործառույթը


Google Chrome-ի 70-րդ տարբերակը թույլ է տալիս ինտերնետ էջից առանձնացնել տեսանյութը և այն շարունակել դիտել առանձին փոքր պատուհանում: Այս գործառույթը կոչվում է Picture in Picture (PiP) և նախկինում հասանելի էր միայն Chrome Developer և Canary տարբերակներում:


PiP-ը միացնելու համար պետք է ընդամենը երկու անգամ աջ քլիք անել տեսանյութի վրա և ընտրել համախատասխան ենթամենյուն: Նշեմ, որ PiP-ը թույլ է տալիս ոչ միայն Chrome-ի կայքի վրա դիտել տեսանյութերը, այլև օպերացիոն համակարգի ցանկացած միջավայրում:
Eminem-ի նոր Venom տեսահոլովակը նկարահանվել է Google Pixel 3-ով

Eminem-ի նոր Venom տեսահոլովակը նկարահանվել է Google Pixel 3-ով



Վերջերս ներկայացված Google Pixel 3 և Pixel 3 XL սմարթֆոնները դեռ վաճառքում չկան, սակայն Google-ը շարունակում է գովազդել դրանց հնարավորությունները: Jimmy Kimmel Live հաղորդման ժամանակ ցուցադրվել է Eminem-ի նոր տեսահոլովակը, որն ամբողջությամբ նկարահանվել է Google Pixel 3-ով:



Հիշեցնեմ, որ 12.2 ՄՊ տեսախցիկ ունեցող Google-ի նոր սմարթֆոններն ունեն վիդեոյի օպտիկական ստաբիլիզացիայի հնարավորություն:

Ֆեյսբուքը շուտով թույլ կտա ստացողի մոտից ջնջել ուղարկված նամակները

Ֆեյսբուքը շուտով թույլ կտա ստացողի մոտից ջնջել ուղարկված նամակները


Ֆեյսբուքն այժմ փորձարկում է ուղարկած նամակները ջնջելու գործառույթ, որը մոտ ապագայում հասանելի կլինի բոլոր օգտատերերի համար: Այսինքն կարող եք ջնջել ուղարված նամակները նաև ստացողի մոտից:  Առայժմ չի նշվում, թե կոնկրետ ինչքան ժամանակ առաջվա նամակներն է հնարավոր ջնջել: Նշեմ, որ նմանատիպ գործառույթ արդեն կա Ֆեյսբուքին պատկանող WhatsApp մեսինջերում:
Ինչպես հայաֆիկացնել Xiaomi Mi Band 3 և AmazFit Bip ժամացույցները

Ինչպես հայաֆիկացնել Xiaomi Mi Band 3 և AmazFit Bip ժամացույցները


Xiaomi Mi Band 3 ֆիթնես ժամացույցները  Չինաստանից գնելու դեպքում հիմնականում ունենում են չիներեն/անգլերեն օպերացիոն համակարգ և ռուսերեն ու հայերեն տառերի փոխարեն ցուցադրվում են այսպես կոչված «դատարկ կուբիկներ»: Այս խնդիրը լուծելու համար պետք է փոխել ժամացույցի ծրագիրը և ֆոնտերը: Չինաստանից պատվիրելու դեպքում ժամացույցի համակարգը չինարեն է: 



Դա շտկելու համար պետք է Android հեռախոսի մեջ տեղադրել Mi Fit հավելվածը և դրանով կպնել ժամացույցին: Կապ հաստատելուց հետո ավտոմատ թարմացվում է ժամացույցի համակարգը, իսկ լեզուն փոխվում է սմարթֆոնի ընթացիկ լեզվին համապատասխան: 



Xiaomi Mi Band-ի մեջ հայերեն ու ռուսերեն տեղադրելու համար պետք է կատարեք հետևյալ քայլերը՝

1. Համոզվեք, որ Ձեր Mi Band 3-ի մեջ տեղադրված է 1.6.0.16 համակարգը: Դա անելու համար բացեք ժամացույցին կպած Mi Fit հավելվածի կարգավորումները: Եթե Ձեր ժամացույցի մեջ տեղադրված է 1.6.0.16 համակարգից ավելի հին տարբերակ, ապա կատարեք նաև 5-րդ քայլում ներկայացված ցուցումները:



2. Mi Fit-ի կարգավորումներում միացրեք նկարում ցուցադրված պարամետրը:



3. Mi Fit-ի կարգավորումներից անջատեք հավելվածի և ժամացույցի կապը: 


4.Ներբեռնեք և Android սմարթֆոնի մեջ տեղադրեք GadgetBridge հավելվածը: Բացեք տեղադրված հավելվածը և կապեք այն Ձեր ժամացույցի հետ: Ցանկալի է, որ սմարթֆոնի GPS-ը միացված լինի: Եթե այնուամենայնիվ չի հաջողվում կապ հաստատել, ապա ռեստարտ արեք սմարթֆոնը և կրկին փորձեք: 


5. Եթե Ձեր ժամացույցի մեջ նախօրոք տեղադրված էր 1.6.0.6 տարբերակը, ապա այս քայլը կարող եք բաց թողնել: Այդ տարբերակից ցածրի դեպքում հերթով ներբեռնեք և GadgetBridge-ով տեղադրեք հետևյալ ֆայլերը


6.Ներբեռնք այս ֆայլը սմարթֆոնի մեջ և սեղմեք դրա վրա: Պետք է ավտոմատ բացվի GadgetBridge հավելվածը և հայտնվի Install կոճակը: Սեղմեք այդ կոճակի վրա և սպասեք, մինչև նոր համակարգը կտեղադրվի: Այդ ընթացքում ժամացույցի վրա տոկոսներով ցուցադրվում է տեղադրման ընթացքը: Համակարգը տեղադրելուց հետո ժամացույցն ավտոմատ ռեստարտ է լինում: Եթե ժամացույցի էկրանը սառում է, ապա առանց անհանգստանալու կատարեք հաջորդ քայլերը :)

7. Սմարթֆոնից ջնջեք GadgetBridge հավելվածը: Բացեք Mi Fit-ը և նորից կապ հաստատեք ժամացույցի հետ:

8. Անջատեք նկարում ցուցադրված կարգավորումը:


Այս քայլերից հետո ժամացույցի լեզուն դառնում է ռուսերեն ու ցուցադրվում են հայերեն, ռուսերեն, անգլերենով ստացված բոլոր ծանուցումները:


Վերջում նշեմ, որ Armblog-ի օգտատերերի Հայկ Օհանյանը վերջերս ուղարկել է նաև Xiaomi AmazFit ժամացույցների հայերեն ֆոնտը: Պետք է ընդամենը ներբեռնել այս ֆայլը և GadgetBridge-ով տեղադրել այն:


Boston Dynamics-ի ռոբոտ-շունը պարել է սովորել (Տեսանյութ)

Boston Dynamics-ի ռոբոտ-շունը պարել է սովորել (Տեսանյութ)


Boston Dynamics ընկերությունը համացանցում տեսանյութ է տեղադրել, որտեղ Spot անունով հայտնի ռոբոտ-շունը պարում է «Uptown Funk» երգի ներքո:
Google-ը պաշտոնապես ներկայացրեց Pixel 3 և 3 XL սմարթֆոնները

Google-ը պաշտոնապես ներկայացրեց Pixel 3 և 3 XL սմարթֆոնները


Google ընկերությունը պաշտոնապես ներկայացրեց Google Pixel 3 և Google Pixel 3 XL սմարթֆոնները, որոնք նախորդ սերնդի հետ համեմատած ստացել են ավելի մեծ OLED էկրաններ: Դա հաջողվել է ավելի բարակ շրջանակների շնորհիվ, իսկ 3 XL-ի դեպքում՝ նաև էկրանի յուրօրինակ կտրվածքի: 



Pixel 3-ի էկրանը 5.5 դյույմ է (2160×1080), իսկ XL-ինը՝ 6.3 դյույմ (2960×1440): Սմարթֆոններն աշխատում են Snapdragon 845 պրոցեսորով և 4ԳԲ օպերատիվ հիշողությամբ: Սմարթֆոնների ներքին հիշողությունը 64 կամ 128 ԳԲ է: Pixel 3-ի մարտկոցը 2915 մԱ/ժ է, իսկ XL-ինը՝ 3430 մԱ/ժ:
Չնայած վերջերս տարածված թրենդին, Google-ը շարունակում է իր սմարթֆոնների վրա տեղադրել մի մոդուլով հիմնական տեսախցիկ:



Դրա փոխարեն Google-ը երկու մոդուլով տեսախցիկ է տեղադրել սմարթֆոնների առջևի հատվածում, որը թույլ է տալիս ավելի շատ մարդ տեղավորել խմբակային սելֆիների մեջ: 



Google-ը վստահեցնում է, որ 12,2 ՄՊ հիմնական տեսախցիկն այնքան լավն է, որ դրանով հնարավոր է լուսանկարներ կատարել հայտնի ամսագրերի կազմերի համար:


Pixel սմարթֆոններում առաջին անգամ ներդրվել է նաև Qi ստանդարտով աշխատող անլար լիցքավորման մոդուլ: Google-ն առաջարկում է օգտվել սեփական արտադրության Pixel Stand անլար լիցքավորման սարքից, որը նաև կարող է ծառայել որպես սմարթֆոնի հենակ: 



Pixel Stand-ի վրա տեղադրված սմարթֆոնը մտնում է հատուկ ռեժիմի մեջ և ցուցադրում օգտակար տվյալներ (ինտերակտիվ օրացույց, լուսանկարների սլայդշոու և այլն):Բնականաբար այս սարքը վաճառվում է Google Pixel սմարթֆոններից առանձին և լիցքավորում է Qi-ով լիցքավորվող ցանկացած սմարթֆոն: Pixel Stand-ն արժի 80 դոլար:



Pixel 3 սմարթֆոնի 64ԳԲ տարբերակը վաճառվելու է 799 դոլարով, իսկ Pixel 3 XL-ը՝ 899 դոլար: 128ԳԲ տարբերակները վաճառվելու են համապատասխանաբար 899 և 999 դոլարով:
Samsung-ը ներկայացրեց 4 հիմնական տեսախցիկ ունեցող աշխարհի առաջին սմարթֆոնը

Samsung-ը ներկայացրեց 4 հիմնական տեսախցիկ ունեցող աշխարհի առաջին սմարթֆոնը


Samsung ընկերությունը ներկայացրեց Samsung Galaxy A9 (2018) սմարթֆոնը, որը 4 հիմնական տեսախցիկ ունեցող առաջին սմարթֆոնն է: Հիշեցնեմ, որ շաբաթներ առաջ Samsung-ը ներկայացրեց նաև 3 տեսախցիկ ունեցող Galaxy A7 (2018) սմարթֆոնը:

Galaxy A9 (2018) սմարթֆոնի 4 տեսախցիկները դասավորված են ուղղահայաց դիրքով: Տեսախցիկների այս համախումբը բաղկացած է 24ՄՊ F/1.7, 5ՄՊ F/2.2, 8ՄՊ F/2.4 և 10ՄՊ F/2.4 մոդուլներից: 


Այս տեսախցիկների շնորհիվ Galaxy A9-ում առկա են նկարելու 19 տարբեր ռեժիմներ: Սմարթֆոնի առջևում տեղադրված է 24ՄՊ F/2.0 տեսախցիկ, որն օգտագործվում է նաև սմարթֆոնը դեմքով ապաարգելափակելու համար:



Samsung Galaxy A9 (2018 սմարթֆոնն ունի 6.3 դյույմանոց FullHD+ Super AMOLED էկրան, 8 միջուկանի SoC պրոցեսոր, 6/8 ԳԲ օպերատիվ և 128ԳԲ ներքին հիշողություն: Հնարավորություն կա նաև տեղադրել մինչև 512Գբ ծավալով microSD քարտ:


Նշեմ, որ microSD քարտ տեղադրելուց չեք զրկվելու 2 SIM քարտի հնարավորությունից: Սմարթֆոնի մարտկոցը 3800 մ/Աժ է: Հասանելի են երեք գույներ՝սև, մոխրագույն և վարդագույն: Սմարթֆոնի գնի մասին հստակ տվյալներ առայժմ չկան:
Fortnite խաղի iOS տարբերակն օրական բերում է 2.5 միլիոն դոլար եկամուտ

Fortnite խաղի iOS տարբերակն օրական բերում է 2.5 միլիոն դոլար եկամուտ


Fortnite խաղի 6-րդ սեզոնի մեկնարկից հետո օգտատերերը սկսել են ավելի շատ գումար ծախսել այս խաղի մեջ գնումներ կատարելիս: Այս պահին խաղի iOS տարբերակի օրական եկամուտը կազմում է 2.5 միլիոն դոլար, իսկ նախկինում՝ 1.5 միլիոն:



Նշեմ, որ iOS տարբերակը թողարկման օրվանից 200 օր անց վաստակել է 300 միլիոն դոլար, որի 65%-ը ԱՄՆ-ից կատարված գնումներ են:


Եթե այս ցուցանիշը համեմատենք մյուս հայտնի iOS խաղերի հետ, ապա Clash Royal-ը առաջին 200 օրվա մեջ բերել է 228 միլիոն դոլար եկամուտ, Honor of Kings-ը՝ 121 միլիոն, իսկ Knives Out-ը՝ 114 միլիոն: 300 միլիոնի ցուցանիշին Clash Royale-ը հասել է 249 օրում, իսկ Honor of Kings-ը՝ 316 օրում:


Իսկ ինչ վերաբերում է Fortnite-ի մրցակից համարվող PUBG Mobile խաղի iOS տարբերակին, ապա PUBG-ն մեկնարկից սկսած 173 օրում ստացել է ընդամենը 43 միլիոն դոլար եկամուտ: 



300 միլիոն եկամուտի շեմը ամենաարագը հաջողվել է հաղթահարել Pokemon Go խաղին՝ 113 օրում: Վերջում նշեմ, որ նշված բոլոր խաղերը հնարավոր է անվճար ներբեռնել և խաղալ: Խոսքը iOS համակարգում խաղերի ներքին գնումների մասին է:

Google Plus սոցցանցը կդադարի գործել

Google Plus սոցցանցը կդադարի գործել


Google ընկերությունը հայտնել է, որ մտադիր է մեկ տարվա մեջ դադարեցնել Google Plus սոցցանցի գործունեությունը: Նշվում է, որ Google+ API-ի մեջ լուրջ ծրագրային բացթողում է եղել, ինչի հետևանքով ավելի քան կես միլիոն օգտատերերի տվյալներ կարող են հայտնված լինել այլ մարդկանց ձեռքերում: Google ընկերության աշխատակիցներն այդ բացթողումը հայտնաբերել են ս.թ. մարտին և միայն հիմա են տեղեկացնում դրա մասին: Այս բացթողումն իր ազդեցությունն ունի Google Plus-ի դադարեցման որոշման մեջ, սակայն հիմնական պատճառն այն է, որ այս սոցցանցն այդպես էլ գրավիչ չդարձավ օգտատերերի համար: Նշվում է, որ այս սոցցանցում օգտատերերի 90 տոկոսի սեսիան տևում է ընդամենը 5 վայրկյան: Google Plus ցանցի դադարեցման պրոցեսը կավարտվի 2019թ. օգոստոսին, իսկ կորպորատիվ հաճախորդների համար այն կշարունակի գործել:
Xiaomi MI Band 3 ֆիթնես ժամացույցը չափում է նաև թղթի սրտի աշխատանքը

Xiaomi MI Band 3 ֆիթնես ժամացույցը չափում է նաև թղթի սրտի աշխատանքը




Վերջերս համացանցում օգտատերերը տեսանյութեր են տեղադրել, որտեղ ապացուցում են, որ ժամանակակից ֆիթնես ժամացույցների մեծ մասը սխալ են չափում սրտի աշխատանքը կամ պատահական թվեր են ցույց տալիս: Ես ինքս փորձեցի դրանում համոզվել և Xiaomi MI Band 3 ժամացույցի վրա: Պարզվում է, որ իմ սեղանին դրված թղթի սիրտն աշխատում է 91 զարկ րոպեում հաճախականությամբ :)
Չինաստանի տարրական դասարանի այս խնդիրը դժվարանում են լուծել նաև մեծերը

Չինաստանի տարրական դասարանի այս խնդիրը դժվարանում են լուծել նաև մեծերը

Համացանցում է հայտնվել Չինաստանի տարրական դասարանի խնդիրներից մեկը, որը համացանցը նորից բաժանել է երկու մասի։ Առաջին մասը դժվարությամբ է լուծում կամ ընդհանրապես չի կարողանում լուծել այս խնդիրը, իսկ երկրորդ մասը պնդում է, որ ամեն ինչ շատ պարզ է։ Այս խնդրում պահանջվում է գտնել սեղանի բարձրությունը։ Եթե այնուամենայնիվ չեք կարողանում գտնել պատասխանը կամ ուզում եք ստուգել, ապա դիտեք այս տեսանյութը, որտեղ ցուցադրվում է լուծման երկու տարբերակ։

Թողարկվեց Windows 10-ի հերթական մեծ թարմացումը՝ October Update 2018-ը

Թողարկվեց Windows 10-ի հերթական մեծ թարմացումը՝ October Update 2018-ը



Microsoft ընկերությունը թողարկեց Windows 10-ի հերթական մեծ թարմացումը, որը կոչվում է Windows 10 October Update 2018: Այս տարբերակի հերթական համարը 1809 է։ Այն կարող եք գտնել Windows 10-ի թարմացումների կենտրոնում։



Windows 10-ի նոր թարմացման մեջ տեղ են գտել մի շարք օգտակար ֆունկցիաներ, որոնցից մի քանիսին կանդրադառնամ այս գրառման մեջ։

Cloud Clipboard-ը ինֆորմացիայի պատճենահանման ու տեղադրման նոր գործառույթ է, որը թույլ է տալիս մի սարքից պատճենահանել ինֆորմացիան և այն տեղադրել մյուս սարքում։ Հնարավորություն կա նաև տեսնել պատճենահանված տվյալների հիշողությունը Win+V կոճակների միջոցով։


Windows 10-ի taskbar-ի վրա գտնվող որոնումների դաշտում ֆայլեր որոնելիս ցուցադրվում են դրան մասին մանրամասն տվյալներ։ Հնավորություն կա նաև միանգամից ներբեռնել որոնվող ծրագրերը։ Օրինակ կարող եք որոնել WinZip ծրագիրը ու միանգամից ներբեռնել։



Windows 10-ում թարմացվել է նաև էկրանը պատճենելու գործիքը։ Այս նոր գործիքը կոչվում է Screen Sketch, որը հնարավոր է նաև բացել Prt Scr կոճակի միջոցով։



Windows 10-ում ավելացել է նաև սև գույնի File Explorer, որն ակտիվանում է Windows-ի կարգավորումներից։



Windows 10-ում հայտնված Your Phone ծրագրով կարող եք անմիջապես համակարգչի մեջ տեսնել բջջային հեռախոսի նամակները, նկարները և այլ տվյալներ։


Windows 10-ում բազմաթիվ փոփոխություններ կան նաև կարգավորումների մեջ, Microsoft Edge դիտարկչում և ներդրված հավելվածներում։ Բոլոր փոփոխությունների մասին կարող եք կարդալ այստեղ։
Facebook-ում վերջերս հայտնաբերված լուրջ ծրագրային բացթողման արդյունքում ոչ մի պրոֆիլ չի տուժել

Facebook-ում վերջերս հայտնաբերված լուրջ ծրագրային բացթողման արդյունքում ոչ մի պրոֆիլ չի տուժել


Անցած շաբաթ Facebook-ի աշխատողները հայտարարեցին, որ կոդերից մեկի մեջ լուրջ բացթողում են հայտնաբերել, ինչի շնորհիվ մոտ 50 միլիոն պրոֆիլներ կարող էին հայտնվել այլ մարդկանց ձեռքերում: Այդ բացթողումն առկա էր «Դիտել ինչպես» գործառույթի կոդի մեջ: Հիշեցնեմ, որ այս գործառույթի միջոցով օգտատերերը կարող են տեսնել, թե ինչպես են այլ մարդիկ տեսնում իրենց պրոֆիլները: Բացթողումը հայտնաբերելուց հետո Ֆեյսբուքի աշխատողները որոշել էին մոտ 90 միլիոն օգտատերերի ստիպողաբար դուրս հանել ցանցից, որպեսզի նրանք նորից նույնականացում անցնեին և մուտք գործեին համակարգ:


Այսպիսով Facebook-ն ավարտել է այս միջադեպի հանգամանքների ուսումնասիրությունը և հայտնել, որ այս բացթողման արդյունքում ոչ մի պրոֆիլ չի տուժել: Այնուամենայնիվ «Դիտել ինչպես» գործառույթը ժամանակավոր հանվել է Facebook սոցցանցից:


Վերջում ավելացնեմ, որ մինչև այս բացթողման հայտնաբերումը, հայտնի հաքերներից մեկը խոստացել էր նախորդ կիրակի ուղիղ եթերում կոտրել Ֆեյսբուքի հիմնադիր Մարկ Ցուկերբերգի էջը, սակայն դա տեղի չունեցավ: Հաբանաբար նա տեղյակ էր հենց այս բացթողման մասին, որը Ֆեյսբուքի աշխատողները հասցրեցին ֆիքսել: Տարբերակներից մեկն էլ այն է, որ նա նախօրոք տեղեկացրել է Ֆեյսբուքի աշխատողներին այս բացթողման մասին և դրա դիմաց ստացել գումար:
DxOMark-ի վարկածով iPhone Xs Max-ի տեսախցիկը երկրորդ հորիզոնականում է

DxOMark-ի վարկածով iPhone Xs Max-ի տեսախցիկը երկրորդ հորիզոնականում է


Վերջապես DxOMark-ի մասնագետները ուսումասիրեցին վերջերս թողարկված  iPhone Xs Max-ի տեսախցիկը և այն ավելացրեցին իրենց վարկանիշային ցուցակում: Այսպիսով, բազմաթիվ մասնագիտական փորձարկումների արդյունքում  iPhone Xs Max-ի տեսախցիկը հավաքել է 110 միավոր, ինչի արդյունքում այս հեռախոսը զբաղեցրել է տեսախցիկների վարկանիշային աղյուսակի երկրորդ հորիզոնականը:


iPhone Xs Max-ի տեսախցիկը փաստորեն զգալի տարբերվում է iPhone X-ի տեսախցիկից, որը 97 միավորով այս ցուցակում զբաղեցնում է 9-րդ հորիզոնականը: DxOMark-ի վարկանիշային ցուցակը շարունակում է միանձնյա գլխավորել Hauwei P20 Pro սմարթֆոնը:

Նշեմ նաև, որ  iPhone Xs Max-ը 110 միավոր հավաքել է լուսանկարներ նկարելու համար, իսկ վիդեոներ նկարելու համար հավաքել է 96 միավոր:
Թողարկվել է Red Dead Redemption 2 խաղի գեյմփլեյի երկրորդ թրեյլերը

Թողարկվել է Red Dead Redemption 2 խաղի գեյմփլեյի երկրորդ թրեյլերը


Rockstar Games ընկերությունը թողարկել է Red Dead Redemption 2 խաղի գեյմփլեյի երկրորդ թրեյլերը, որտեղ ցուցադրվում է, թե ինչ «սև» գործերով եմ զբաղված Վայրի Արևմուտքի ավազակները: Red Dead Redemption 2 խաղում հնարավոր է թալանել գնացքներ, բանկեր, խանութներ և հասարակ մարդկանց: 


Եթե ձեք ցանկանում հանցավոր կարիերայով զբաղվել, ապա կարող եք հանգիստ ուսումնասիրել ահավոր մեծ խաղային բաց աշխարհը: Սակայն այս դեպքում ևս կարող եք հանդիպել մեկին, ով կցանկանա հարձակվել Ձեզ վրա և թալանել Ձեր ունեցվածքը: 



Հիշեցնեմ, որ Red Dead Redemption 2 խաղի թողարկման ամսաթիվը երկու անգամ արդեն տեղափոխվել է: Նախատեսվում է, որ այս խաղը կթողարկվի ս.թ. հոկտեմբերի 26-ին: