Facebook-ում վերջերս հայտնաբերված լուրջ ծրագրային բացթողման արդյունքում ոչ մի պրոֆիլ չի տուժել
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEjCDv7cAri45t_8aOjyi5i7vPSWw5a3sHPOwvurbbZ0FZKUAircBtY9TAYOFcr3v3eZOtM1o5HpRFSRNU8w0w5if54HarH5vAk63syrfRWMNuQ0Pvu7SBWX6xLUm0X1jizxOzkDETVnOIry/s640/78737176-c392-11e8-bfc4-8898d3e518ea_1280x720_182035.jpg)
Անցած շաբաթ Facebook-ի աշխատողները հայտարարեցին, որ կոդերից մեկի մեջ լուրջ բացթողում են հայտնաբերել, ինչի շնորհիվ մոտ 50 միլիոն պրոֆիլներ կարող էին հայտնվել այլ մարդկանց ձեռքերում: Այդ բացթողումն առկա էր «Դիտել ինչպես» գործառույթի կոդի մեջ: Հիշեցնեմ, որ այս գործառույթի միջոցով օգտատերերը կարող են տեսնել, թե ինչպես են այլ մարդիկ տեսնում իրենց պրոֆիլները: Բացթողումը հայտնաբերելուց հետո Ֆեյսբուքի աշխատողները որոշել էին մոտ 90 միլիոն օգտատերերի ստիպողաբար դուրս հանել ցանցից, որպեսզի նրանք նորից նույնականացում անցնեին և մուտք գործեին համակարգ:
![](https://blogger.googleusercontent.com/img/b/R29vZ2xl/AVvXsEiZrQVZIKLnuyBdxRMOqEcEc50PhrtFCjjqQpNKKqM4KuL2x-A6AGTnvagLkvLblidxD8ykEXzuzaQ8_A4nz3fWeW3xhgUzK-RNFZRoelmam77VgOXDKcEL2cV24FxQ0E3NqNkvx0R9IY_P/s640/ab00436e3832a0dd72d4122e1a5750ba.jpg)
Այսպիսով Facebook-ն ավարտել է այս միջադեպի հանգամանքների ուսումնասիրությունը և հայտնել, որ այս բացթողման արդյունքում ոչ մի պրոֆիլ չի տուժել: Այնուամենայնիվ «Դիտել ինչպես» գործառույթը ժամանակավոր հանվել է Facebook սոցցանցից:
![](https://blogger.googleusercontent.com/img/b/R29vZ2xl/AVvXsEi-hLQBmhxCMtoAxnUjB28Zyp_q0LYGTMyCj72gWRJOH_2800d0WWMNNYWlGYS_OOX2f5SCAT2LJ22SKkyBid5F4SS4ngy7GJjUJSXxDp6_ge3tYBhRd7DWZgZkP7rW2BfCIw0oKiqpRYE1/s640/facebook-view-as-feature.png)
Վերջում ավելացնեմ, որ մինչև այս բացթողման հայտնաբերումը, հայտնի հաքերներից մեկը խոստացել էր նախորդ կիրակի ուղիղ եթերում կոտրել Ֆեյսբուքի հիմնադիր Մարկ Ցուկերբերգի էջը, սակայն դա տեղի չունեցավ: Հաբանաբար նա տեղյակ էր հենց այս բացթողման մասին, որը Ֆեյսբուքի աշխատողները հասցրեցին ֆիքսել: Տարբերակներից մեկն էլ այն է, որ նա նախօրոք տեղեկացրել է Ֆեյսբուքի աշխատողներին այս բացթողման մասին և դրա դիմաց ստացել գումար: