Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Ներկայացվեցին Redmi Note 11 սմարթֆոնների գլոբալ մոդելները: Մեկնարկային գինը 179$

Ներկայացվեցին Redmi Note 11 սմարթֆոնների գլոբալ մոդելները: Մեկնարկային գինը 179$

Xiaomi ընկերությունը հատուկ միջոցառում անցկացրեց և ցուցադրեց Redmi Note 11 սմարթֆոնների գլոբալ շուկայի տարբերակները: Ընդհանուր ցուցադրվեց 4 մոդել, որոնք չինական տարբերակներից մի փոքր տարբերվում են:


Redmi Note 11 Pro սմարթֆոնը հասանելի է սովորական և 5G տարբերակով և չինական Pro մոդելից տարբերվում են պրոցեսորներով: Բազային Pro տարբերակում տեղադրված է Helio G96, իսկ 5G տարբերակում՝ Snapdragon 695: Մնացած պարամետրերով սմարթֆոնները չեն տարբերվում և դրանց մասին կարող եք կարդալ բլոգի նախորդ գրառումներից մեկում:


Մյուս երկու նոր մոդելները կոչվում են Redmi Note 11 և Note 11S: Դրանք նույնպես հանդիսանում են չինական Note 11-ի գլոբալ տարբերակները Այստեղ նույնպես տարբերությունը պրոցեսորների մեջ է: Dimensity 810-ի փոխարեն բազային տարբերակում օգտագործվում է Snapdragon 680, իսկ 11S տարբերակում՝ Helio G96:


Բոլոր գլոբալ մոդելները աշխատելու են  MIUI 13 ինտերֆեյսով: Redmi Note 11-ի ամենացածր մոդելի գինը 179 դոլար է: Սմարթֆոնների վաճառքը կմեկնարկի հունվարի 28-ից և AliExpress-ում սկզբնական շրջանում կլինեն զեղչված գներ: 


Garmin-ը ներկայացրեց Fenix 7 և Epix Gen 2 սմարթ ժամացույցները

Garmin-ը ներկայացրեց Fenix 7 և Epix Gen 2 սմարթ ժամացույցները

10 տարիների ընթացքում, ինչ Գարմինը սկսեց Fenix շարքի արտադրությունը, Fenix-ը իր դիզայնի և ֆունկցիոնալ հատկությունների շնորհիվ կարողացավ իր ուրույն տեղը գրավել բոլոր սմարթ ժամացույցների կողքին՝ լինելով լավագույն թոփ սանդղակում ամբողջ աշխարհում։ Եվ այժմ Գարմինը, հոբելյանական 10-րդ տարում, ներկայացնում է Fenix-ի նոր 7-րդ սերիան։

Fenix 7 սերիան առանձնանում է․

     Ինտերֆեյսով
     Մարտկոցի աշխատանքով
     Պրեմիում նյութերի օգտագործմամբ
     Բարելավված ֆունկցիոնալությամբ
Ինտերֆեյսը բավականին ծանոթ կլինի Fenix 6-ի օգտատերերին․ 5 կոճակով կառավարման հնարավորություն, միաժամանակ հավելյալ թաչսքրին հնարավորություն, ինչը ակտիվության ընթացում փակվում է՝ պատահական հպումներից  խուսափելու համար։ Թաչսքրին համակարգը կարող եք անջատել երբ կամենաք, կախված ձեր գործունեությունից։ 


Ինչ վերաբերում է մարտկոցի աշխատանքին, ապա պետք է նշել, որ այս տեսանկյունից մեծ աշխատանք է կատարվել, որտեղ տպավորիչը այն է, որ  Garmin-ին հաջողվել է հետևողականորեն պահել քաշը՝ միաժամանակ զգալիորեն մեծացնելով մարտկոցի կյանքը և բարելավել էկրանի պարամետրերը: Հատկանշական է հավելել, որ Գարմինը առաջին անգամ Fenix-ում օգտագործեց Fenix 7 Sapphire Solar տեխնոլոգիան, որը արևից էներգիա է ստանում օրվա ընթացքում՝ ժամացույցի մարտկոցը լիցքավորելու համար: Իհարկե պետք է ժամացույցը ժամանակ առ ժամանակ դնել լիցքավորման, սակայն արևային ապակին զգալիորեն երկարացնում է մարտկոցի աշխատանքը: Միաժամանակ, Գարմինը նոր սերիայում հրաժարվել է Amoled էկրանի օգտագործումից՝ մարտկոցի աշխատանքը խնայելու համար։ 


Fenix 7-ը հագեցած է ժամանակակից նորագույն տեխնոլոգիայի օգտագործմամբ, ներկառուցված նոր ֆունկցիոնալ ծրագրերով։ Թարմացված և կարևոր փոփոխությունների շարքում պետք է նշել․

 •սենսորային տվիչների փոփոխությունը, GPS-ի ճշգրտությունը, ինչի շնորհիվ ստացվող տվյալները ավելի ճիշտ են և հուսալի՝ համեմատած Fenix 6-ի։ 
•Fenix 7X մոդելում առկա է հավելյալ լուսադիոդային լապտեր, որն ունի նաև հատուկ ռեժիմ վազորդների համար, ինչի արդյունքում այն սինխրոնանում է վազքի արագության հետ՝ ձեզ տեսանելի դարձնելու համար։ 


Բայց սա ամենը չէ․ Գարմինում տեղի ունեցած ամենամեծ զարգացումը և, հավանաբար, ամենամեծ անակնկալը Epix-ի երկրորդ սերնդի ժամանումն է: Նոր ժամացույցն ունի Fenix 7 ողջ ներուժը, հագեցած է շատ ավելի վառ AMOLED էկրանով։ Այս մոդելը կգնահատեն այն գնորդները, ովքեր սպորտային ֆունկցիոնալից բացի ցանկանում են առօրյա կրմանաը հարմար գեղեցիկ ժամացույց։  


Ժամացույցների այս նոր տեսականին շուտով հասանելի կլինի նաև Հայաստանում։
SkyTerminal` առաջին կրիպտո տերմինալը Հայաստանում

SkyTerminal` առաջին կրիպտո տերմինալը Հայաստանում

Վերջին տարիներին, թվային տեխնոլոգիաների զարգացմանը զուգընթաց, ողջ աշխարհում լայն կիրառություն են գտել կրիպտոարժույթները և շարունակում են զարգանալ` ակտիվորեն ընդլայնելով կիրառության ոլորտները։ Այս պահին ամբողջ աշխարհում մոտ 114մլն մարդ հանդիսանում է կրիպտոյի սեփականատեր։ Այս ամենին զուգընթաց, առաջադեմ երկրներում սկել են լայն կիրառություն ունենալ կրիպտոարժույթներ գնող և վաճառող սարքերը, որոնց քանակը օրեցօր աճում է։ Ամբողջ աշխարհում դրանց թիվը հասնում է 33,800-ի, որից միայն 32,000 հատն ԱՄՆ-ում է։ Այս պահին ՀՀ-ում արդեն իսկ գործում է նմանատիպ կրիպտո տերմինալ, որը տեղադրվել է  SkyLabs-ի կողմից։

SkyLabs-ը էկոհամակարգ է, որի նպատակն է  կրիպտոարժույթները հասանելի դարձնել բոլորին:

SkyLabs-ի առաջին պրոդուկտը SkyTerminal-ն է՝ Հայաստանում առաջին կրիպտո ինքնասպասարկման տերմինալը: Տերմինալը թույլ է տալիս օգտատերերին անմիջապես գնել և վաճառել իրենց կրիպտո ակտիվները: Գործարքները կատարվում են ՀՀ դրամով, որն ավելի է հեշտացնում կրիպտոարժույթներ ձեռք բերելու ընթացքը։ SkyTerminal-ն այս պահին սպասարկում է Bitcoin, Ethereum և USDT արժույթները, սակայն շուտով սպասվում են նաև ավելացումներ։


SkyWallet-ը հատուկ կրիպտո դրամապանակ է, որն օգտագործվում է օգտատերերի կրիպտո ակտիվները պահելու համար, և թույլ է տալիս օգտատերերին ակնթարթորեն վաճառել և գնել ակտիվներ SkyTerminal-ի միջոցով: SkyWallet-ը շատ պարզ և հարմար գործիք է, որը կարելի է ակտիվացնել մի քանի րոպեում  https://skylabs.am կայքի միջոցով։


Այժմ Երևանի տարածքում տեղադրված է մեկ տերմինալ, բայց կազմակերպությունը նախատեսում է  ավելացնել դրանց քանակը։

Տերմինալն այս պահին տեղադրված է Ազատության 24/15 հասցեում` Բիզնես Պլազա կենտրոնի առաջին հարկում։ 


Միացեք SkyLabs-ի Telegram-յան էջին հետաքրքիր առաջարկների և հետագա թարմացումների համար՝  https://t.me/SkyTerminal
Microsoft-ը գնում է Activision Blizzard խաղային ստուդիան ռեկորդային 68,7 մլրդ դոլարով

Microsoft-ը գնում է Activision Blizzard խաղային ստուդիան ռեկորդային 68,7 մլրդ դոլարով

Microsoft ընկերությունը հայտնում է, որ գնում է Activision Blizzard խաղային ընկերությունը: Գործարքի գինը գնահատվում է 68.7 միլիարդ դոլար, ինչը ռեկորդային է Microsoft-ի համար: Հիշեցնեմ, որ անցած տարի Microsoft-ը գնեց ZeniMax Media (Bethesda) խաղային ընկերությունը 8.1 մլրդ դոլարով: Մինչ այս Microsoft-ի ամենաթանկ գնումը LinkedIn սոցցանցն էր՝ 26.2 մլրդ դոլարով:

Activision Blizzard-ի խաղերը ավելացվելու են Xbox Game Pass և PC Game Pass ծառայություններում: Activision Blizzard-ին են պատկանում Tony Hawk, Spyro, Diablo, Overwatch, Candy Crush, World of Warcraft, Crash Bandicoot, Guitar Hero, Call of Duty և այլ հայտնի խաղեր:

Հիշեցնեմ նաև, որ օրեր առաջ Take-Two խաղային ընկերությունը գնեց Zynga-ին 12.7 մլրդ դոլարով: Համեմատության համար նշեմ նաև, որ Facebook-ը գնել էր Instagram-ը 1 մլրդ-ով, WhatsApp-ը՝ 19 մլրդ-ով: Իսկ Google-ը գնել էր Motorola-ն 12.5-ով: 2015թ.-ին Dell-ը գնել էր EMC-ն 67 մլրդ-ով:

Apple Pay վճարման համակարգն արդեն պաշտոնապես աշխատում է Հայաստանում

Apple Pay վճարման համակարգն արդեն պաշտոնապես աշխատում է Հայաստանում


Apple Pay վճարման համակարգն արդեն պաշտոնապես աշխատում է Հայաստանում: Այսինքն կարող եք կցել ձեր բանկային քարտերը iPhone/Apple Watch սարքերին ու դրանցով անհպում վճարումներ կատարել առևտրի կետերում գտնվող POS տերմինալներով: 


Մի շարք բանկեր արդեն պաշտոնապես հաստատել են, որ իրենց քարտերն աշխատում են Apple Pay համակարգում և կցել են ուղեցույցներ: 

Խարդախությամբ հափշտակում են գումարներ. ոստիկանությունը զգուշացնում է

Խարդախությամբ հափշտակում են գումարներ. ոստիկանությունը զգուշացնում է

Վերջերս Հայաստանում շատացել են դեպքերը, երբ սոցցանցերում ներկայանալով բանկի աշխատակից որոշ խաբեբաներ տիրանում են Idram-ի պրոֆիլին ու օգտատիրոջ անունով արագ վարկեր ձևակերպում: 

Օրինակ շատ դեպքերում Messenger-ով պահանջում են գրել Pin կոդը կամ sms վերիֆիկացման կոդը: Երբեք սոցցանցերով կամ զանգով այլ մարդկանց մի տվեք ձեր գաղտնաբառերը, հեռախոսին եկած sms կոդերը, pin կոդերը, անձնագրի/սոց քարտի համար և այլն: Ոստիկանությունը հաղորդագրություն է տարածել, որտեղ ասվում է՝

«Այսօր չափազանց հեշտացել է վարկ ձևակերպելու գործընթացը։ Ցանկացած անձ կարող է առանց բանկ կամ վարկային կազմակերպություն այցելելու օնլայն վարկ ձևակերպել։ Սա, իհարկե, հեշտացնում է մարդկանց կյանքը, սակայն այս հանգամանքից օգտվում են նաև հանցավոր հակումներ ունեցող անձինք։

Ընդանրապես, վարկ ձևակերպելու համար հարկավոր են վարկառուի անձնական տվյալները։ Հանցամիտների թիրախը նախ հենց քաղաքացիների անձնական տվյալներ հավաքելն է լինում։

Հավաքագրումը հիմնականում իրականացվում է սոցիալական կայքերի միջոցով։ Սոցիալական կայքերում բացում են տարատեսակ էջեր, որոնք իբր քաղաքացիներին տրամադրում են վարկեր։

Քաղաքացին հավատալով այս ամենին՝ ուղարկում է իր անձնական տվյալները, ինչից հետո նրա անունով ձևակերպվում է վարկ, բայց նա, բնականաբար, գումար չի ստանում։ Ձևակերպված վարկի գումարը հափշտակում է խարդախը, իսկ վարկային բեռը մնում է քաղաքացու ուսերին։

Էլեկտրոնային դրամապանակների մասով խաբեության մյուս եղանակն էլ այն է, որ սոցիալական ցանցով քաղաքացու հետ կապվում է իբր էլեկտրոնային դրամապանակի կազմակերպության մի աշխատակից, որն առաջարկում է «պրեմիումպլյուս» կամ, այլ կերպ ասած` ստանալ առավել բարձր դաս, ինչը կօգնի վարկեր ձևակերպել կամ ավելի շատ գործարքներ կատարել։ Կրկին պահանջում են տրամադրել անձնական տվյալներ։ Եվ նույն եղանակով բանկում կամ վարկային կազմակերպությունում ձևակերպում են վարկ։ Փորձը ցույց է տվել, որ խարդախները հիմնականում վարկի գումարը փոխանցում են իրենց բուքմեյքերական հաշիվներին, ապա` կանխիկացնում։

Խարդախության մեկ այլ եղանակն էլ հետևյալն է։ Հանցամիտը, այսպես ասած, ՙսև ցուցակում՚ հայտնված անձանց առաջարկում է միասին գնալ առևտրի որևէ կենտրոն, քաղաքացու անունով, ապառիկ եղանակով գնել որևէ իր։ Նա խոստանում է վաճառել այդ իրը և գումարը տալ քաղաքացուն։ Իրականում` գնածը վաճառում է շատ էժան, գումարը հափշտակում և անհետանում է։ «Լավագույն դեպքում» քաղաքացում տալիս է վաճառած ապրանքի չնչին մասը, սակայն քաղաքացին սկսում է վճարել ապառիկի ողջ գումարը։

Նշված բոլոր եղանակներով հանցագործությունների փաստերով ոստիկանությունում և քննչական կոմիտեում կան հարուցված քրեական գործեր, կան բացահայտված հանցագործություններ ու պատասխանատվության ենթարկված անձինք, սակայն դեռ կան նաև խաբեությամբ գումար հափշտակողներ։ Ուստի պետք է լինել տեղեկացված։

Հարգելի՜ քաղաքացիներ, զերծ մնացեք կասկածելի անձանց կամ կազմակերպությունների հետ շփումից, մի՜ հավատացեք ու մի՜ ուղարկեք անծանոթներին ձեր անձնական տվյալները։ Համացանցը ողողված է նման կեղծ հայտարարություններով, դրանք փակցված են նաև գետնանցումների պատերին ու փողոցների սյուներին։ Ֆինանսական գործարքներ կատարեք միայն Կենտրոնական բանկի կողմից վերահսկվող բանկերում ու վարկային կազմակերպություններում։ Եղե՜ք իրազեկված, որ չդառնաք հանցագործության զոհ։»

Samsung-ը ցուցադրեց հեռուստացույցների նոր ինտերֆեյսը, ինչպես նաև արևից և ռադիոալիքներից լիցքավորվող վահանակը

Samsung-ը ցուցադրեց հեռուստացույցների նոր ինտերֆեյսը, ինչպես նաև արևից և ռադիոալիքներից լիցքավորվող վահանակը

CES 2022 միջոցառման շրջանակներում Samsung ընկերությունը  ցուցադրեց հեռուստացույցների 2022թ. մոդելներում հայտնվող նորույթները: Նախևառաջ փոխվելու է հեռուստացույցի համակարգի ինտերֆեյսը: Համակարգը շարունակելու է մնալ Tizen, սակայն արտաքնապես այն նմանեցվել է Apple TV կամ Android TV ինտերֆեյսին: Առաջին էջի վրա ցուցադրվելու են տարբեր սթրիմինգային ծառայություններն ու խորհուրդ տրվող կոնտենտները: Բացի այդ, նոր համակարգում ներդրվելու են նաև խաղային ծառայությունները: Օրինակ հասանելի են լինելու Nvidia GeForce Now և Google Stadia ամպային ծառայությունները, որոնցում օգտատերերը բաժանորդագրվելով կարող են հեռուստացույցի վրա խաղալ ժամանակակից խաղերը: Նշվում է, որ համակարգն ավտոմատ ճանաչում է HDMI-ին միացված խաղային կոնսոլը և դրա գեյմփադը, ինչը թույլ է տալիս նույն գեյմփադը օգտագործել նաև ամպային խաղերում: 

Նոր համակարգում ներդրվելու է նաև NFT թվային լիցենցիաներ գնելու գործառույթ, ինչը թույլ կտա կատարել գործարքներ անմիջապես հեռուստացույցի միջից:

Samsung-ը ներկայացրեց նաև նոր հեռակառավարման վահանակ, որը լիցքավորվում է արևի էներգիայից կամ տան լուսավորությունից: Վահանակը լիցքավորվում է նաև շրջակայքում առկա ռադիոալիքներից (օրինակ WI-FI մոդեմից): Բացի վերընշված տարբերակները, վահանակը լիցքավորվում է նաև USB-C տարբերակով:

Խաղային համակարգերի և խաղերի էվոլյուցիան (վիդեո)

Խաղային համակարգերի և խաղերի էվոլյուցիան (վիդեո)


Apple-ը դարձավ աշխարհի առաջին ընկերությունը, որի կապիտալիզացիան գերազանցեց 3 տրիլիոն դոլարը

Apple-ը դարձավ աշխարհի առաջին ընկերությունը, որի կապիտալիզացիան գերազանցեց 3 տրիլիոն դոլարը

 


Հունվարի 3-ին Apple-ի ակցիայի գինը հասավ 182,68 դոլար, ինչի շնորհիվ Apple-ի կապիտալիզացիան հասավ մինչև 3.16 տրիլիոն դոլար: Փաստացի Apple-ը դարձավ աշխարհի առաջին ընկերությունը, որի կապիտալիզացիան հատեց 3 տրիլիոնի շեմը: 


Հանուն արդարության նշեմ, որ հետագայում ակցիաների գները նվազեցին և Apple-ի կապիտալիզացիան տվյալ պահին փոքր է 3 տրիլիոնից:

Vivo V23 և V23 Pro սմարթֆոններն ունեն երկու սելֆի-տեսախցիկ, իսկ գույնը արևից կախված փոխվում է

Vivo V23 և V23 Pro սմարթֆոններն ունեն երկու սելֆի-տեսախցիկ, իսկ գույնը արևից կախված փոխվում է

Vivo ընկերությունը ներկայացրեց V23 և V23 Pro սմարթֆոնները: Sunshine Gold մոդելի գլխավոր առանձնահատկությունն այն է, որ այն դինամիկ փոխում է գույնը: Սմարթֆոնը 30 վայկյանում արևի տակ գտնվելուց հետո դառնում է այլ գույն, իսկ ստվերում՝ այլ գույն:

Սմարթֆոններն ունեն նաև երկուական սելֆի տեսախցիկներ՝ 50 ՄՊ և 8 ՄՊ: Հետևի հատվածում V23 Pro մոդելն ունի 108 ՄՊ (Samsung ISOCELL HM2) հիմնական տեսախցիկ, իսկ V23-ը՝ 64 ՄՊ: Երկուսն էլ ունեն լրացուցիչ 8 ՄՊ լայնանկյուն մոդուլ և 2 ՄՊ մակրո մոդուլ:

V23 Pro սմարթֆոնի AMOLED էկրանը 6.56 դյույմ է (90 Հց, 1080p, HDR10), որը ճկված է կողքի հատվածներում:

V23 մոդելն ունի 6.44 դյույմանոց էկրան, որի անկյունները ճկված չեն (iPhone 12-ի կամ 13-ի նման): V23-ն աշխատում է Dimensity 920 պրոցեսորով, իսկ Pro տարբերակը՝ Dimensity 1200: 

V23-ի մարտկոցը 4300 մԱժ է, Pro տարբերակինը՝ 4200 մԱժ: Մարտկոցները լիցքավորվում են 44 Վտ հզորությամբ:

BMW-ն ցուցադրեց գույնը դինամիկ կերպով փոխող մեքենա

BMW-ն ցուցադրեց գույնը դինամիկ կերպով փոխող մեքենա

CES 2022 ցուցահանդեսում ցուցադրվեց մեքենա, որի գույնը փոխվում է սևից սպիտակ և հակառակը: Այստեղ օգտագործվում է E Ink տեխնոլոգիան, որը բոլորիս հայտնի է էլեկտրոնային գրքերի սարքերից (օրինակ Amazon Kindle): Հնարավոր է նաև տարբեր մասերի վրա կիրառել տարբեր գույներ:

Ներկայացվեց սրտի աշխատանքը, քնի որակն ու մարմնի ջերմաստիճանը չափող խելացի լամպ

Ներկայացվեց սրտի աշխատանքը, քնի որակն ու մարմնի ջերմաստիճանը չափող խելացի լամպ

Sengled ընկերությունը CES 2022 ցուցահանդեսում ցուցադրեց Smart Health Monitoring խելացի լամպը, որը կարողանում է հեռավորության վրա չափել մարդու սրտի աշխատանքը, ինչպես նաև քնի որակն ու մարմնի ջերմաստիճանը: Լամպում տեղադրված սենսորը արձակում է ռադիոալիքներ, որոնք անդրադառնում են մարդու մարմնից ու վերադառնում լամպ: Հնարավոր է տան մեջ գտնվող նմանատիպ լամպերը կապել մի ցանցի և դրանք կհետևեն տան մեջ գտնվող մարդու առողջությանը (օրինակ մարդու ընկնելու դեպքում կարող են ծանուցել հարազատներին կամ փրկարարներին): Նմանատիպ լամպերը վաճառքում կհայտնվեն 2022թ. վերջում: Լամպերն աշխատելու են Alexa և խելացի տան այլ համակարգերի հետ: