Վերջերս Microsoft-ը թողարկեց Windows 11-ի նախնական տարբերակի հերթական թարմացումը (22000.132), որը տեղի է ունենում շաբաթը մեկ անգամ: Այս թարմացման հետ մեկտեղ Microsoft-ի պաշտոնական կայքում հայտնվեց Windows 11-ի նախնական տարբերակի ISO ֆայլերը ներբեռնելու հնարավորություն: Պետք է ընդամենը բացել այս կայքը, անվճար գրանցվել կամ մուտք գործել Windows Insider Program և ընտրել համապատասխան ISO ֆայլը: Այս ֆայլը կարող եք ձայնագրել սկավառակի վրա կամ USB կրիչի (որպես bootable) այս ծրագրով ու քայլերով: Կարող եք նաև երկու անգամ սեղմել այդ ֆայլի վրա և բացել Setup.exe ծրագիրը: Տեղադրելուց կառաջարկվի երկու տարբերակ՝ Keep Windows settings, personal files, and apps և clean install: Առաջինի դեպքում բոլոր ֆայլերը, ծրագրերն ու կարգավորումները կպահպանվեն և ընտացիկ համակարգի վրա կտեղադրվի Windows 11-ը, իսկ երկրորդի դեպքում ամեն ինչ կջնջվի և կտեղադրվի Windows 11-ը:

MIUI 12.5 Enhanced Edition-ում փորձարկվում է վիջեթների նոր համակարգը, որ նման է iOS 14-ի կամ 15-ի վիջեթներին: Այժմ գլխավոր էկրանին հնարավոր է տեղադրել 2×2, 4×2, 4×4 և 2×3 չափերով վիջեթներ: Նոր «Վիջեթների խանութը»  թույլատրում է քաշել և տեղադրել ինֆորմացիոն բլոկները էկրանի ցանկացած հատվածում: 

Xiaomi-ն նաև թարմացրել է համակարգային ծրագրերի վիջեթները, որպեսզի դրանք համապատասխանեն վիջեթների այս նոր համակարգին, որը հասանելի է App Vault (V5.0.56) և MIUI Gallery (V2.2.21) հավելվածների բետա տարբերակների միջոցով: Ցավոք գլոբալ տարբերակներում այս նոր համակարգը չկա:

Նշեմ, որ MIUI 12.5 Enhanced Edition-ը իրենից ներկայացնում է MIUI 12.5-ի բարելավված և օպտիմիզացված տարբերակը: Այն 15%-ով ավելի քիչ է ծանրաբեռնում պրոցեսորը և 8%-ով ավելի քիչ էներգիա է ծախսում: Այս համակարգը հասանելի է առայժմ միայն Չինաստանում Xiaomi-ի հետևյալ մոդելների  համար` 

Xiaomi Mi 11 Ultra/Pro
Xiaomi Mi 11
Xiaomi Mi 10 Ultra
Xiaomi Mi 10/10 Pro
Xiaomi Mi 10S

Xiaomi Redmi K40 Pro/Mi 11X Pro
Xiaomi Redmi K40/Mi 11X/Poco F3
Xiaomi Redmi K30S Ultra/Mi 10T/Mi 10T Pro
Xiaomi Redmi K30 Pro/Poco F2 Pro
Xiaomi Mi Mix 4 

Համացանցում հայտնվել է React-ով ստեղծված մի կայք, որտեղ օգտատերերը կարող են ծանոթանալ Windows 11-ի ինտերֆեյսի ու մի քանի ֆունկցիաների հետ: Նշեմ, որ այս նախագիծը բաց ծրագրային կոդով է և տեղադրված է Github-ում: 

Ցուցադրական վեբ կայքում աշխատում են հետևյալ ֆունկցիաները՝ Start menu, որոնման նոր ինտերֆեյսը, Windows Terminal, Calculator, Notepad, Vscode, Whiteboard, վիջեթների պատուհանը և այլն: 

Այս կայքում կարող եք տեսնել նաև Windows Store-ի թարմացված ինտերֆեյսը: Կայքում աշխատում է նաև Windows 11-ի նոր ֆունկցիաների մեկը՝ մեծացնելու նշանի վրա մկնիկը պահելով ցուցադրվում են էկրանի տարբեր հատվածները, որոնց վրա սեղմելով բացված ծրագիրը զվաղեցնում է այդ տարածքը:

 

Activision ընկերությունը ցուցադրեց Call of Duty խաղի հաջորդ մասի թրեյլերը, որը կոչվում է Vanguard: Խաղը իրադարձությունները տեղի են ունենում Երկրորդ Համաշխարհային պատերազմի ժամանակաշրջանում: Խաղը հասանելի կլինի ս.թ. նոյեմբերի 5-ից:

Google ընկերությունը թողարկել է Android Accessibility Suite հավելվածի նոր տարբերակը, որտեղ հայտնվել է դեմքի շարժումներով սմարթֆոնը կառավարելու հնարավորություն: Այն ակտիվացնելու համար պետք է կարգավորումներում միացնել Camera Switches պարամետրը: Այս գործառույթն առաջին հերթին նախատեսված է սահմանափակ հնարավորություններով մարդկանց համար և թույլ է տալիս կատարել պարզ գործողություններ դեմքի շարժումներով (նայել աջ/ձախ/վերև, ժպտալ, ունքերը շարժել, բերանը բացել և այլն):

Android Accessibility Suite ծրագրի 12.0.0 տարբերակը ներառված է Android 12-ի վերջին բետա տարբերակում, սակայն APK ֆայլը կարող եք ներբեռնել և տեղադրել այլ տարբերակների վրա:

Xiaomi ընկերությունը այսօր անցկացրեց հատուկ ցուցահանդես, որի ընթացքում ցուցադրեց մի քանի նորույթներ, որոնցից մեկը երկար սպասված MIX 4 սմարթֆոնն է: Սա Xiaomi-ի առաջին սմարթֆոնն է, որի տեսախցիկը ներդրված է էկրանի տակ: 

Այսպիսով սմարթֆոնի ամբողջ առջևի մասը զբաղեցնում 3 կողմերից շրջանակ չունեցող 6,67 դյույմանոց 120Հց էկրանը (2400×1080): Էկրանում ներդրված են Dolby Vision, HDR 10+ և True Tone տեխնոլոգիաները: Էկրանը պատված է Corning Gorilla Glass Victus պաշտպանիչ ապակիով:

MIX 4 սմարթֆոնի էկրանի տակ տեղադրված էկրանը 20 Մպ է: Իսկ ահա հետևում տեղադրված տեսախցիկն ունի մի քանի մոդուլներ՝ 108 ՄՊ Samsung ISOCELL HMX, 13 ՄՊ գերլայնանկյուն և 8 ՄՊ տելեֆոտո, որն ունի 5X օպտիկական և 50X թվային զում:

MIX 4 սմարթֆոնն ունի Qualcomm Snapdragon 888+ պրոցեսոր, 8/12ԳԲ LPDDR5 օպերատիվ հիշողություն և 128/256/512ԳԲ UFS 3.1 ներքին հիշողություն: 

Սմարթֆոնի մարտկոցը 4500 մԱժ է, որը լիցքավորվում է 120Վտ հզորությամբ: Առկա է նաև անլար լիցքավորման տեխնոլոգիա, որով սմարթֆոնը լիցքավորվում է 50Վտ հզորությամբ: Լարով լիցքավորելու դեպքում ամբողջական լիցքավորումը տևում է  21 րոպե, իսկ Boost ռեժիմում՝ 15 րոպե, իսկ անլարի դեպքում՝ 45 և 28 րոպե:

MIX 4 սմարթֆոնի վրա տեղադրված են երկու ստերեո դինամիկներ, որոնց ստեղծվել են Harman Kardon-ի կողմից: Սմարթֆոնն ունի 5G, Wi-Fi 6E, երկու SIM-քարտ, NFC, IR, UWB  և IP68 (ջրակայուն):

MIX 4 սմարթֆոնի բազային տարբերակն արժի 770 դոլար, իսկ ամենաթոփ տարբերակը՝ 970 դոլար: Սմարթֆոնը հասանելի է երեք գույներով՝ Ceramic Black, Ceramic White և Ceramic Gray: