Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Microsoft-ի խոսնակը պրեզենտացիայի ընթացքում ստիպված Edge դիտարկիչը փոխարինել է Chrome-ով

Microsoft-ի խոսնակը պրեզենտացիայի ընթացքում ստիպված Edge դիտարկիչը փոխարինել է Chrome-ով


Վերջերս Microsoft-ի հետ կապված մի զավեշտալի դեպք է պատահել, ինչին ցանկանում եմ անդրադառնալ: Բանն այն, որ շաբաթներ առաջ Ֆլորիդայում տեղի ունեցած Microsoft Ignite համաժողովի ժամանակ Microsoft-ի աշխատակիցը ստիպված տեղադրել է Google Chrome դիտարկիչը: Microsoft-ի խոսնակը Azure տեխնոլոգիան սկզբում ներկայացրել է Microsoft Edge դիտարկչով, սակայն այն սկսել է ինչ-որ պահից կախել և խոսնակը պրեզենտացիայի ընթացքում ներբեռնել, տեղադրել ու օգտվել է Chrome-ից: Այս պրոցեսն ուղեկցվել է խոսնակի և դահլիճի ծիծաղով: Chrome-ը տեղադրելու ընթացքում խոսնակը հումորով նշել է, որ չի ցանկանում Chrome-ը դարձնել ավելի լավը և անջատել է համապատասխան կարգավորումը: Ներկայացված դեպքը կարող եք դիտել նեքևի ձայնագրության 37-րդ րոպեից:

Mercedes Benz-ի կրեատիվ ու զվարճալի գովազդը

Mercedes Benz-ի կրեատիվ ու զվարճալի գովազդը

Ինչ է իրենից ներկայացնում AutoHotkey ծրագիրը և ինչ է հնարավոր անել դրանով

Ինչ է իրենից ներկայացնում AutoHotkey ծրագիրը և ինչ է հնարավոր անել դրանով



Windows օպերացիոն համակարգի համար գոյություն ունի մի անվճար օգտակար ծրագիր, որը կոչվում է AutoHotkey: Սա շատ թեթև աշխատող ու քիչ ծավալ ունեցող ծրագիր է, որը թույլ է տալիս Windows-ում կատարել հրամաններ և ավտոմատացնել որոշ գործողություններ: Այս ծրագրով կարող եք օրինակ ստեղնաշարի կամ մկնիկի կոճակները կապել ինչ-որ գործողությունների հետ, բացել ծրագրեր, փոխել Windows-ի կարգավորումները կամ ֆայլերը, ավտոմատացնել տեքստերի հավաքումը և այլն: AutoHotkey ծրագրի հրամանները գրվում են հատուկ ստեղծված լեզվով,  որը հեշտ է սովորել և կիրառել:

Եկեք քայլ առ քայլ տեսնենք, թե ինչպես կարելի է տեղադրել և օգտվել այս ծրագրից:

Ինչպես տեղադրել
1. Ներբեռնեք AutoHotkey ծրագիրը:
2. Բացեք ներբեռնված ֆայլը և տեղադրեք (install):

Ինչպես ստեղծել script ֆայլեր
Ծրագիրը տեղադրելուց հետո կարիք չկա այն բացել: Պետք է ընդամենը ստեղծել script-երի ֆայլեր և դրանք աշխատացնել: Եկեք օրինակ ստեղծենք մի script, որի միջոցով հնարավոր կլինի ստեղնաշարի Win+N կոճակներով բացել Notepad-ը:

1. Համակարգչի էկրանի վրա աջ քլիք արեք և ընտրեք New-> AutoHotKey Script:

2. Ֆայլի անունը գրեք ցանկացած տեքստ: Տվյալ դեպքում կարող եք գրել notepad.ahk


3. Բացեք ստեղծված ֆայլը ցանկացած տեքստային խմբագրիչով:


4. Բացված պատուհանում արդեն պետք է գրել համապատասխան հրամանները: Տվյալ դեպքում պետք է գրել ներքևի հրամաններ, որպեսզի Win+N սեղմելուց բացվի Notepad ծրագիրը:


Առաջին տողի տեքստը նշանակում է, որ Win+N սեղմելուց պետք է կատարվի ներքևի տողի գործողությունը (# նշանը համապատասխանում է Windows-ի նշանով ստեղնաշարի կոճակին): Ներքևի տողում արդեն գրում ենք Run հրամանը և կողքը այն ծրագրի անունը, որը ցանկանում ենք բացել (ոչ ստանդարտ ծրագրերի դեպքում պետք է նշել ամբողջական հասցեն):

5. Պահպանեք բացված ֆայլը և փակեք (ctrl+s):

Ինչպես աշխատացնել script ֆայլերը
Ստեղծված script ֆայլը աշխատացնելու համար աջ քլիք արեք դրա վրա և ընտրեք Run Script, կամ երկու անգամ մկնիկով սեղմեք ֆայլի վրա: Հետագայում script փայլը փոխելու դեպքում պետք է նորից աշխատացնեք այն:


Script ֆայլն աշխատացնելուց հետո կարող եք արդեն փորձարկել հրամանները: Տվյալ դեպքում կարող եք սեղմել Win+N և տեսնել, որ բացվում է Notepad ծրագիրը:  Script ֆայլն աշխատացնելու ժամանակ Windows-ի բացված ծրագրերի ցանկում ավելանում է նաև script-ի նշանը, որի միջոցով կարող եք կառավարել այդ script-ը: Եթե ցանկանում եք թաքցնել այդ նշանը, ապա պետք է script ֆայլի սկզբում գրել #NoTrayIcon տողը:


Եթե ցանկանում եք, որ script ֆայլերը ավտոմատ մեկնարկեն համակարգիչը միացնելուց հետո, ապա պետք է դրանք տեղադրել Startup թղթապանակի մեջ, որը տեսնելու համար պետք է Run ծրագրում գրել shell:common startup հրամանը:


Script ֆայլերի հրամանները կարող եք ուսումնասիրել այստեղ:  Կարող եք ստեղծել ձեր սեփական script-ները, կամ էլ օգտվել ուրիշների script-ներից: Օրինակ կարող եք ներբեռնել և օգտվել այս երկու script ֆայլերից, որոնք մասամբ գրվել են իմ կողմից (ներբեռնել):

1. Chakertner.ajk - փոխարինում է  Alt, և Alt. կոճակները հայերեն չակերտներով:

2.Volume.ahk - Windows Taskbar-ի վրա մկնիկը պահելով և մկնիկի ակը պտտելով կարող եք բարձրացնել կամ ցածրացնել համակարգչի ձայնը: Մկնիկի ակը սեղմելու դեպքում միանում է անձայն ռեժիմը (mute):
iPhone X-ի չինական կրկնօրինակը վաճառվելու է 80 դոլարով

iPhone X-ի չինական կրկնօրինակը վաճառվելու է 80 դոլարով


Չինական Hotwav ընկերությունը արտադրել է Symbol S3 սմարթֆոնը, որն արտաքնապես շատ նման է iPhone X-ին: Այս նոր սմարթֆոնը վաճառվելու է iPhone X-ի գնից մոտ 10 անգամ ցածր գնով՝ 80 դոլարով: Նշեմ, որ այս սմարթֆոնը iPhone X-ին նման է միայն արտաքնապես, իսկ ֆունկցիոնալությամբ ու տեխնիկական պարամետրերով ամբողջովին տարբեր հեռախոս է:


Symbol S3 սմարթֆոնը աշխատում է Android 8.0 Oreo օպերացիոն համակարգով: Սմարթֆոնն ունի 6 դյույմանոց էկրան, MediaTek MT6739 պրոցեսոր, 2 ԳԲ օպերատիվ և 16 ԳԲ ներքին հիշողություն, 2900 մԱ/ժ մարտկոց: Սմարթֆոնի առջևում և ետնամասում տեղադրված են կրկնակի տեսախցիկներ:
Թողարկվել է «Վարորդի Ընկեր» բջջային հավելվածը

Թողարկվել է «Վարորդի Ընկեր» բջջային հավելվածը


Ֆեյսբուքի «Ճանապարհային Ոստիկանություն + Կարմիր Գծեր» խմբի ադմինիստրացիայի և Վարորդի Ընկեր ՀԿ-ի հիմնադիրների ջանքերով ստեղծվել է «Վարորդի Ընկեր» բջջային հավելվածը, որտեղ տեղադրված են ճանապարհային երթևեկության կանոնները, նշանների ու գշանշումների բացատրությունները, ինչպես նաև ճանապարհային երթևեկության կանոնները խախտելու դեպքում կիրառվող տուգանքներն ու դրանց վարչական տույժերի չափերը:


«Վարորդի Ընկեր»  հավելվածը ներառում է նաև որոշ օգտակար կայքերի հղումներ, որոնց շնորհիվ կարող եք բողոքարկել տուգանքները կամ տեսնել վարորդներին անհրաժեշտ այլ օգտակար տեղեկություններ:


«Վարորդի Ընկեր»  հավելվածը հասանելի է Android և iOS համակարգերի համար և առայժմ գտնվում է նախնական փուլում:

«Սևան Ստարտափ Սամմիթ»-ը ընդլայնում է աշխարհագրությունը

«Սևան Ստարտափ Սամմիթ»-ը ընդլայնում է աշխարհագրությունը


«Startup Armenia» հիմնադրամը պատրաստվում է ընդլայնել «Sevan Startup Summit»-ի աշխարհագրությունը։ Նախատեսվում է սամմիթը կազմակերպել աշխարհի տարբեր երկրներում՝ ծովափնյա շրջաններում, ինչով պայմանավորված Հայաստանից դուրս անցկացվելիք միջոցառումները կունենան «Seaside Startup Summit» անվանումը։


Այսօր «Startup Armenia»-ի հիմնադիր Հակոբ Հակոբյանը, «RAK Incubation and accelerator» կազմակերպության հիմնադիր տնօրեն Հիշամ Մ․ Հ․ Սաֆադին, և Ռաս ալ-Խայմա տնտեսական զարգացման դեպարտամենտը, ի դեմս շեյխ Մոհամեդ բին Քայեդ Ալ Քասիմի և Աբդուլռահման Ալ-Շայեբ Ալ-Նաքբիի ստորագրել են փոխըմբռնման և համագործակցության հուշագիր։ Նշված հուշագրով կողմերը պայմանավորվում են աջակցել միմյանց ՀՀ-ում և Արաբական Միացյալ Էմիրություններում ստարտափ էկոհամակարգի կայացմանն ու զարգացմանն ուղղված գործունեությունում։ Հատկանշական է, որ հուշագիրը ստորագրվել է նմանատիպ համագործակցության արդյունք հանդիսացող «Startup Weekend RAK» միջոցառման ընթացքում, որի գործընկերերի թվում է նաև «Startup Armenia» հիմնադրամը։


Կողմերը նախատեում են «Seaside Startup Summit»-ը կազմակերպել Արաբական Միացյալ Էմիրություններում արդեն 2018թ-ի սկզբին և պլանավորում են Միացյալ Էմիրությունները դարձնել սամմիթի մշտական անցկացան վայրերից մեկը։

Ինչպես նշել է «Startup Armenia»-ի հիմնադիր Հակոբ Հակոբյանը․ «Sevan Startup Summit»-ի միջազգային հարթակ դուրս գալը ոչ միան «Startup Armenia»-ի և մեր գործընկերների ձեռքբերումն է, այլ նաև ողջ հայկական ստարափ էկոհամակարգի միջազգայնացմանն ուղղված կարևոր քայլ է։ Մյուս տարի մենք պաստրաստվում ենք սամմիթն անցկացնել մի շարք այլ երկրներում և հուսով ենք, որ այդ միջոցառումները մեծապես կնպաստեն հայկական ստարտափ էկոհամարգի և ԱՄԷ-ի ու մյուս երկրների ստարտափ համակարգերի հետ առավել սերտ համագործակցությանը։


Հիշեցնեմ, որ «Sevan Startup Summit»-ն առաջին անգամ անցկացվել է 2016թ․ ամռանը՝ Սևանի ափին։ Սամմիթը իրավմամբ դարձավ հայկական ստարտափ էկոհամակարգի կարևորագույն միջոցառումներից մեկը։ Արդեն 2017թ․ «Sevan Startup Summit 2017»-ի շրջանակները զգալիորեն ընդլայնվեցին։ Հայաստանից և աշխարհի 23 երկրներից սամմիթ այցելեցին ավելի քան 2000 մասնակիցներ և հյուրեր։ Ընդհանուր մրցանակային ֆոնդը գերազանցեց 50,000 ԱՄՆ դոլարը, իսկ սամմիթի կազմակերպման և անցկացման համար ծախսվել է ավելի քան 250,000 ԱՄՆ դոլար։
Օրվա կադրը

Օրվա կադրը


Ուղարկեց Ժոր Խաչատրյանը
Լուրջ բացթողում iOS 11-ում: Ինչպես տեսնել արգելափակված iPhone-ի լուսանկարները

Լուրջ բացթողում iOS 11-ում: Ինչպես տեսնել արգելափակված iPhone-ի լուսանկարները


Վերջերս Apple ընկերությունը թողարկեց iOS 11 օպերացիոն համակարգը, որտեղ բավականին շատ են բացթողումներն ու սխալները: Օգտատերերից մեկը կարողացել է նաև գտնել iOS 11-ում մի բացթողում, որի միջոցով հնարավոր է տեսնել արգելափակված սմարթֆոնի լուսանկարները: Հնարքի էությունը կայանում է հետևյալում. պետք է մեկ այլ հեռախոսից զանգել արգելափակված հեռախոսի համարին, այնուհետև զանգ ստացող հեռախոսի վրա սեղմել հաղորդագրությունով պատասխանելու կոճակը և գրել էմոջիներ: Այնուհետև պետք է Siri-ին հրամայել, որպեսզի բացի կարգավորումները (Open Settings), որից հետո սեղմել On/Off կոճակը: 


Վերջում պետք է նորից այլ հեռախոսից զանգել արգելափակված հեռախոսի համարին և զանգ ստացող հեռախոսի վրա նորից սեղմել հաղորդագրությունով պատասխանելու կոճակը: Այս քայլերից հետո հնարավոր է սեղմել լուսանկարների նշանի վրա և դրանք տեսնել հաղորդագրություն ուղարկելու պատուհանի մեջ:

Հ.Գ.
Այս հնարքն աշխատում է iOS 11 և iOS 11.1 բետա տարբերակներում: Չի բացառվում, որ մոտ ապագայում Apple-ը կվերացնի այս բացթողումը:
Google-ի քարտեզների վրա ավելացել են արևային համակարգի մի շարք մոլորակներ

Google-ի քարտեզների վրա ավելացել են արևային համակարգի մի շարք մոլորակներ



Google maps ծառայությունում պարբերաբար ավելանում են Երկիր մոլորակի վրա գտնվող տարբեր օբյեկտներ, սակայն այս անգամ Google-ը որոշել է դուրս գալ Երկրի սահմաններից և maps ծառայությունում ավելացրել է արեգակնային համակարգի մի շարք մոլորակներ և արբանյակներ: Այս նոր երկնային մարմինների վրա ցուցադրվում են նաև բացահայտված տեղերի անունները, որոնց վրա սեղմելով կարելի է իմանալ այդ տեղամասի մասին տվյալներ: Տվյալ պահին Google maps-ում կան 16 երկնային մարմիններ:


Երկնային մարմինների ռեժիմն ակտիվացնելու համար պետք է բացել հետևյալ հղումը, կամ բացել Google maps ծառայությունը և Satelite ռեժիմում մկնիկի ակի միջոցով հեռվանալ Երկիր մոլորակից:
Windows 10 Fall Creators Update թարմացումն արդեն հասանելի է: Ինչպե՞ս թարմացնել

Windows 10 Fall Creators Update թարմացումն արդեն հասանելի է: Ինչպե՞ս թարմացնել


Ինչպես և սպասվում էր, հոկտեմբերի 17-ին Microsoft ընկերությունը բոլոր օգտատերերի համար հասանելի դարձրեց Windows 10-ի հերթական մեծ թարմացումը, որը կոչվում է Fall Creators Update: Այս թարմացման մեջ առկա են մի շարք փոփոխություններ ու նորույթներ, որոնց հետագայում առանձին կանդրադառնամ: Միայն նշեմ, որ այս թարմացման մեջ արդեն ներդրվել են Fluent Design-ից որոշ էլեմենտներ:



Windows 10 Fall Creators Update թարմացումը տեղադրելու համար կարող եք բացել այս հղումը և սեղմել Update now կոճակը: Այնուհետև պետք է բացել ներբեռնված ֆայլը և կատարել հրահանգները:

Դիմավորեք Яндекс-ի նոր ձայնային օգնականին՝ Алиса-ին

Դիմավորեք Яндекс-ի նոր ձայնային օգնականին՝ Алиса-ին


Яндекс ընկերությունը թողարկել է Алиса անունով ձայնային օգնականի: Այս օգնականը շատ նման է Siri, Cortana, Google Assistant և նմանատիպ այլ հայտնի ձայնային օգնականներին: Алиса-ն կարող է խորհուրդ տալ ռեստորաններ, որոնում կատարել համացանցում, բացել ծրագրեր, տեղեկացնել եղանակի տեսության և այլ նորությունների մասին: Алиса-ի հեղինակները վստահեցնում են, որ այս ծրագիրը չի սահմանափակվում նախօրոք մուտքագրված պատասխաններով: Խոսակցության ընթացքում Алиса-ն աստիճանաբար զարգանում է և արհեստական ինտելեկտի հաշվին տալիս է իր կողմից հորինված պատասխանները:


Օգտատերերը հնարավորություն ունեն նաև գնահատել Алиса-ի կողմից տրված պատասխանը: Եթե այդ գնահատականը բացասական է, ապա Алиса-ն աշխատում է հետագայում տալ ավելի ճիշտ պատասխան:



Տվյալ պահին Алиса-ն ներդրված է Անդրոիդ և iOS համակարգերի Яндекс հավելվածում: Windows-ի օգտատերերը նույնպես հնարավորություն ունեն ներբեռնել և օգտվել այս օգնականի ծառայություններից: Նախատեսվում է նաև հետագայում այս ծառայությունը ներդնել Яндекс ինտերնետ դիտարկչում:

Microsoft-ը թողարկեց նոր Անդրոիդ Launcher և դադարեցրեց Windows Phone համակարգի զարգացումը

Microsoft-ը թողարկեց նոր Անդրոիդ Launcher և դադարեցրեց Windows Phone համակարգի զարգացումը


Microsoft-ի փոխտնօրեն Ջո Բելֆիորեն իր Թվիթերի էջում գրառում է կատարել, որտեղ նշվում է, որ Microsoft Windows Phone բջջային օպերացիոն համակարգում այլևս զգալի փոխոխություններ ու թարմացումներ չեն լինի: Այսինքն՝ կթողարկվեն միայն որոշ ծրագրային շտկումներ և անվտանգությանը վերաբերող թարմացումներ: Սա նշանակում է, որ Windows Phone համակարգը գտնվում է իր ավարտական փուլում և այս համակարգով աշխատող սմարթֆոններ այլևս չեն թողարկվելու: Հիշեցնեմ, որ օրեր առաջ Windows Phone հեռախոսներ արտադրող վերջին ու միակ ընկերությունը՝ HP-ն հրաժարվեց այս համակարգով սմարթֆոններ թողարկելուց: Microsoft-ի համահիմնադիր Բիլ Գեյթսը բոլորովին վերջերս հայտարարեց, որ Windows Phone-ից անցում է կատարում դեպի Android:


Սեփական օպերացիոն համակարգը զարգացնելու փոխարենը Microsoft-ի ջանքերն ուղղվելու են Android և iOS համակարգերի համար սեփական ծրագրերի բարելավմանը: Նշեմ, որ օրեր առաջ Անդրոիդ համակարգի համար Microsoft-ը թողարկեց Microsoft Launcher ծրագիրը, որի հիմնական գործառույթներից մեկը Continue on PC-ն է: Այս ֆունկցիան թույլ է տալիս աշխատանքը սկսել Android սարքի վրա, իսկ հետագայում շարունակել համակարգչի վրա: Continue on PC ֆունկցիան հասանելի կլինի Windows 10 Fall Creators Update թարմացումից հետո:
Microsoft Launcher-ի Feed գործառույթի միջոցով օգտատերերը կարող են հեշտ գտնել հաճախ օգտագործվող ծրագրերը, տեսնել վերջին նորությունները և իրադարձությունները: Feed-ը տեսնելու համար բավական է մատը տեղաշարժել ձախից աջ: Microsoft Launcher-ը թույլ է տալիս նաև սմարթֆոնի էկրանին տեղադրել Bing-ի թարմացվող նկարները:
Նշեմ, որ փաստացի Microsoft Launcher-ը հանդիսանում է նախկինում Arrow Launcher անունով հայտնի ծրագրի թարմացված ու վերափոխված տարբերակը: Այս նոր Launcher-ը կարող եք անվճար ներբեռնել Google Play-ից:
Գործարկվել է mix.am ռադիոպորտալը և բջջային հավելվածը

Գործարկվել է mix.am ռադիոպորտալը և բջջային հավելվածը



Գործարկվել է mix.am ռադիոպորտալը, որտեղ առկա են ինչպես սեփական, այնպես էլ հայկական այլ առաջատար ռադիոկայանները: Mix.am-ի սեփական ռադիոկայանների մեջ կան նաև հատուկ ռադիոներ, որոնցով հեռարձակվում է կոնկրետ ժանրի երաժշտություն (օրինակ. urban, electronic, dance և այլն): Ռադիոկայանները լսելու ընթացքում ցուցադրվում է երաժշտության կամ հաղորդումների մասին մանրամասն տեղեկություն (օր. ալբոմի լուսանկարը, կատարողի անունը և այլն):


mix.am ռադիոպորտալն ունի նաև Android և iOS հավելվածներ, որոնցում առկա է catchup գործառույթը: Այսինքն՝ կարող եք լսել եթերային ռադիոկայանների նախորդ 7 օրվա հեռարձակումները:


Catchup-ի օրերը փոխելու համար անհրաժեշտ է սեղմած պահել ետ և առաջ կոճակները, իսկ ժամը փոխելու համար պետք է տեղաշարժել կառավարող վահանակը:

Vkontakte հավելվածներում երգ լսելը դարձել է վճարովի: Ինչպես շրջանցել արգելքը

Vkontakte հավելվածներում երգ լսելը դարձել է վճարովի: Ինչպես շրջանցել արգելքը


Vkontakte սոցիալական ցանցի բջջային հավելվածների վերջին թարմացումներում երգերը ֆոնային ռեժիմում մեկ ժամից ավել լսելու համար պահանջվում է բաժանորդագրվել վճարովի ծառայությանը: Հավանաբար շատերդ կմտածեք, որ այս պարագայում ավելի լավ է ընդհանրապես չթարմացնել այդ հավելվածները և օգտվել նախորդ տարբերակներից: Սակայն հին տարբերակներ օգտագործող որոշ օգտատերերի մոտ վերջերս դադարել է աշխատել երգեր որոնելու և լսելու ֆունկցիան: Օգտատերերը նշում են նաև, որ երգերը չեն աշխատում նաև այն հավելվածներում, որտեղ ներդրված է Vkontakte-ից երգեր լսելու հնարավորությունը:


Հիշեցնեմ, որ ամիսներ առաջ Vkontakte-ն հավելվածների հերթական թարմացումներից հանեց երգերը քեշավորելու և օֆլայն ռեժիմով լսելու գործառույթը, և օգտատերերից շատերը պարզապես չէին թարմացնում իրենց հավելվածները, կամ տեղադրում էին հին տարբերակներ: Փաստորեն Vkontakte-ն այժմ ստիպում է բոլորին, որպեսզի երգեր լսելու համար տեղադրեն վերջին տարբերակը և ֆոնային ռեժիմում 1 ժամից ավել լսելու համար գումար վճարեն:


Պարզվում է, որ ֆոնային ռեժիմի սահմանափակումը հանելու համար կա մի շատ պարզ ու արագ լուծում: Կարծիքներ կան, որ Vkontakte-ն շուտով կփակի նաև այս տարբերակը,  իսկ մինչ այդ կարող եք փորձել կատարել հետևյալ քայլերը.

1. Միացրեք ականջակալները հեռախոսին:
2. Բացեք Vkontakte հավելվածը:
3. Միացրեք ցանկացած երգ և սեղմեք pause կոճակը:
4. Արգելափակեք հեռախոսի էկրանը:
5. Միացրեք երգը՝ ականջակալների վրայի կոճակով:
Խելացի բարձրախոսներ, տրանսֆորմեր նոթբուք, նոր սմարթֆոններ, անլար ականջակալներ և այլ սարքեր, որոնք երեկ ցուցադրեց Google-ը

Խելացի բարձրախոսներ, տրանսֆորմեր նոթբուք, նոր սմարթֆոններ, անլար ականջակալներ և այլ սարքեր, որոնք երեկ ցուցադրեց Google-ը


Google ընկերությունը երեկ անցկացրեց հերթական միջոցառումը, որի ընթացքում ցուցադրեց իր նոր սարքերն ու ծառայությունները: Եկեք համառոտ տեսնենք, թե ինչ ցուցադրեց Google-ը:

Google Home Mini


Փոքր չափսերով այս սարքը կատարում է օգտատիրոջ հրամանները Google Assistant ծրագրով (օր. ավելացնել նշումներ օրացույցում, որոնել ինֆորմացիա ինտերնետում, կառավարել սարքին միացված Google-ի այլ սարքավորումներ և այլն): Սարքը նախատեսված չի երգ լսելու համար, այսինքն, առաջին հերթին սա հենց ձայնային օգնական է, ոչ թե խելացի դինամիկ: Սարքը վաճառվելու է 50 դոլարով:

Google Home Max


Google Home Max սարքն ունի 2 հատ ցածր և 2 հատ բարձր հաճախականություններով աշխատող բարձրակարգ դինամիկներ: Սարքն ունակ է նվագարկել YouTube Music, Spotify, Google Play Music և այլ ծառայությունների երգերը: Այս սարքում նույնպես ներդրված է Google Assistant ձայնային օգնականը: Google Home Max սարքը վերլուծում է սենյակի չափսերը և այնտեղ տեղի ունեցող գործողությունները: Օրինակ լվացքի մեքենա միացնելու դեպքում սարքն ավտոմատ բարձրացնում է երաժշտության ձայնը: Google Home Max սարքը հնարավոր է տեղադրել ինչպես հորիզոնական, այնպես էլ ուղղահայաց դիրքերով: Սարքն արժի 399 դոլար:

Google Pixelbook

Chrome OS-ով աշխատող այս նոթբուք-տրանսֆորմերի էկրանը հնարավոր է պտտել 360 աստիճանով  և օգտագործել նոթբուքը 4 ռեժիմներով: Սարքը կշռում է ընդամենը 1կգ և ունի 10մմ հաստություն: Pixelbook-ն ունի 12.5 դյույմանոց սենսորային Quad HD (235 PPI) էկրան:



Pixelbook-ն ունի հետևյալ տեխնիկական բնութագրերը. Intel Core (i5 կամ i7), մինչև 16 ԳԲ օպերատիվ և մինչև 512 ԳԲ ներքին SSD հիշողություն: Սարքը լիցքավորվում է USB-C բնիկով: Մարտկոցի ամբողջական լիցքավորումը թույլ է տալիս աշխատել 10 ժամ շարունակ:


Նշվում է նաև, որ ինտերնետի բացակայության ժամանակ սարքն ավտոմատ միանում է Google Pixel հեռախոսին և օգտվում բջջային կապի ինտերնետից: Pixelbook  սարքում հնարավոր է տեղադրել հավելվածներ Google Play-ից: Սարքը ներառում է նաև Google Assistant ձայնային օգնականը, որն ակտիվացնելու համար ստեղնաշարի վրա հատուկ կոճակ կա:


Google Pixelbook-ի հետ միաժամանակ ներկայացվեց նաև Google Pixelbook Pen խելացի ստիլուսը, որը կարող է ճանաչել սեղմման ավելի քան 2000 մակարդակներ: Այս ստիլուսով հնարավոր է նաև էկրանի վրա նշել տեքստ կամ լուսանկար և Google Assistant-ով տեսնել նշվածի մասին ինֆորմացիա: Google Pixelbook-ը վաճառվելու է 999 դոլարով, իսկ Pixelbook Pen-ը՝ 99:

Pixel 2 և Pixel 2 XL

Google Pixel 2 սմարթֆոնի էկրանը 5 դյույմ է, իսկ XL-ինը՝ 6 դյույմ: Այս նոր սմարթֆոններն ունեն Always-on ֆունկցիա, որի միջոցով հեռախոսի էկրանին մշտապես ցուցադրվում է օգտակար ինֆորմացիա: Սմարֆոններն ունեն հետևյալ տեխնիկական բնութագրերը. 2,35 ԳՀց Qualcomm Snapdragon 835 պրոցեսոր, 4 ԳԲ օպերատիվ հիշողություն, 64 կամ 128 ԳԲ ներքին հիշողություն: 


Pixel 2-ն ունի 2700 մԱ/ժ մարտկոց, իսկ ավագ եղբայրը՝ 3520 մԱ/ժ: Երկու սմարթֆոններն էլ չունեն 3.5 մմ ականջակալի բնիկ: Սմարթֆոնները պաշտպանված են ջրից և փոշուց: Սմարթֆոններն աշխատում են Android 8.0 Oreo օպերացիոն համակարգով:


Pixel 2 սմարթֆոններում մեծ ուշադրություն է դարձվել տեսախցիկների վրա: Նշվում է, որ DxOMark թեստի ժամանակ Pixel 2 սմարթֆոնների տեսախցիկը հավաքել է առավելագույն միավորը և առաջ է անցել iPhone 8 Plus-ից և Galaxy Note 8-ից: Pixel 2 սմարթֆոններում ավելացել է Motion Photos ֆունկցիան, որը նման է iPhone-ի Live Photos-ին:

Pixel 2 սմարթֆոնների կորպուսի կողքի հատվածը սեղմելով հնարավոր է բացել Google Assistant ձայնային օգնականը: Նշվում է, որ սմարթֆոնը տարբերում է պատահական սեղմումները և Assistant-ը բացվում է միայն այն դեպքում, երբ օգտատերը դիտմամբ սեղմել է կորպուսը: Google Pixel 2 և Pixel 2 XL սմարթֆոնների գները սկսվում են 649 և 849 դոլարից:

Google Pixel Buds
Google-ն իր Pixel 2 սմարթֆոններում հրաժարվել է 3.5մմ ականջակալի բնիկից և ստեղծել է Google Pixel Buds անլար ականջակալներ: Pixel Buds-ը կարելի է համարել Apple AirPods-ի մրցակիցը: Pixel Buds-ով հնարավոր է ոչ միայն լսել երաժշտություն, այլ Google Assistant-ի միջոցով ստանալ հուզող հարցերի պատասխանները: Pixel Buds-ի աջ ականջակալի վրա տեղադրված է փոքր թաչփադ, որին հպվելով հնարավոր է կառավարել սմարթֆոնը: 


Օրինակ երաժշտության ձայնը բարձրացնելու կամ իջացնելու համար պետք է թաչփադի վրա մատը տեղաշարժել առաջ կամ ետ, իսկ երաժշտությունը սկսելու կամ դադարելու համար պետք է սեղմել թաչփադը: Google Assistant-ը բացելու համար պետք է սեղմած պահել թաչփադը, այնուհետև տալ համապատասխան ձայնային հրամանները:
Pixel Buds ականջակալներով հնարավոր է նաև խոսակցության ընթացքում միանգամից թարգմանել զրույցը և լսել հարազատ լեզվով: Օրինակ իտալերենի համար համար պետք է ընդամենը սեղմած պահել թաչփադը և Google Assistant-ին տալ հետևյալ հրամանը՝ Help me speak Italian: Հետագայում ձեր խոսացածն ավտոմատ կթարգմանվի և սմարթֆոնի բարձրախոսի միջոցով կփոխանցվի զրուցակցին, իսկ նրա իտալերեն նախադասությունները ականջակալներով կլսեք ձեր նախընտրած լեզվով:


Google Pixel Buds ականջակալները վաճառվելու են 159 դոլարով: Ականջակալների հետ տրամադրվում է նաև հատուկ տուփ, որը նախատեսված է ոչ միայն ականջակալների ապահով պահպանման և տեղափոխման համար, այլև դրանց լիցքավորման: Ամբողջական լիցքավորումից հետո ականջակալներով հնարավոր է երաժշտություն լսել 24 ժամ շարունակ:

Google Clips

Արհեստական բանականությամբ առաջնորդվող այս տեսախցիկը որոշում է նկարվելու համար ամենահարմար պահերը և ինքնուրույն լուսանկարում է կյանքի ամենավառ դրվագները: Տեսախցիկն արժի 249 դոլար:

Google Daydream View

Google-ը թարմացրել է նաև Daydream VR ակնոցները, որտեղ կատարվել են արտաքին տեսքի և տեխնիկական մի քանի ոչ նշանակալի փոփոխություններ: