«Սևան Ստարտափ Սամմիթ»-ը ընդլայնում է աշխարհագրությունը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEj_Yp7dej7vcttZPloY4RvTz-gbTsY203FLUFD-6GMqRHZkNE3K3P1DLdLo8_TEVeqkOSDLwW9CxJuzFWam-au-uDJVNM92kF_TtwWkwP_h6VR1Ts6lBh8wPJTKiBBUsml1J6KY7kdj7Ld1/s640/%25D4%25B3%25D5%25AC%25D5%25AD%25D5%25A1%25D5%25BE%25D5%25B8%25D6%2580+%25D5%25B6%25D5%25AF%25D5%25A1%25D6%2580.jpg)
«Startup Armenia» հիմնադրամը պատրաստվում է ընդլայնել «Sevan Startup Summit»-ի աշխարհագրությունը։ Նախատեսվում է սամմիթը կազմակերպել աշխարհի տարբեր երկրներում՝ ծովափնյա շրջաններում, ինչով պայմանավորված Հայաստանից դուրս անցկացվելիք միջոցառումները կունենան «Seaside Startup Summit» անվանումը։
![](https://blogger.googleusercontent.com/img/b/R29vZ2xl/AVvXsEhwzf6D1YUGpEaTsjvtbUPhg6gArNZK2pz6omRZ2M-xoacKhIfmF7e2bf3kga7CNPqCiLjg5ZhyidVK_4T-zW4aTBJK2MpTQMUnwe3YCHss_6nvR482Ci9fBNQTtdQdfUj3Lek3cluw77O4/s640/RAK+startupwknd+sheiks+2.jpg)
Այսօր «Startup Armenia»-ի հիմնադիր Հակոբ Հակոբյանը, «RAK Incubation and accelerator» կազմակերպության հիմնադիր տնօրեն Հիշամ Մ․ Հ․ Սաֆադին, և Ռաս ալ-Խայմա տնտեսական զարգացման դեպարտամենտը, ի դեմս շեյխ Մոհամեդ բին Քայեդ Ալ Քասիմի և Աբդուլռահման Ալ-Շայեբ Ալ-Նաքբիի ստորագրել են փոխըմբռնման և համագործակցության հուշագիր։ Նշված հուշագրով կողմերը պայմանավորվում են աջակցել միմյանց ՀՀ-ում և Արաբական Միացյալ Էմիրություններում ստարտափ էկոհամակարգի կայացմանն ու զարգացմանն ուղղված գործունեությունում։ Հատկանշական է, որ հուշագիրը ստորագրվել է նմանատիպ համագործակցության արդյունք հանդիսացող «Startup Weekend RAK» միջոցառման ընթացքում, որի գործընկերերի թվում է նաև «Startup Armenia» հիմնադրամը։
![](https://blogger.googleusercontent.com/img/b/R29vZ2xl/AVvXsEjl2k5DN5rnc6r_cQ1Ezn_bnMWdJbCRRxWKfXJKhpW2Tzoj_P9kmmXvrv6vsQbPmsCCYxhOfnqDyq3Ms30o8FZmJnXlrIpmRdwhvVuET3NvpxEodL2ftJuFqwEwraeSZNwnTYBm1EK8cciZ/s640/2.jpg)
Կողմերը նախատեում են «Seaside Startup Summit»-ը կազմակերպել Արաբական Միացյալ Էմիրություններում արդեն 2018թ-ի սկզբին և պլանավորում են Միացյալ Էմիրությունները դարձնել սամմիթի մշտական անցկացան վայրերից մեկը։
Ինչպես նշել է «Startup Armenia»-ի հիմնադիր Հակոբ Հակոբյանը․ «Sevan Startup Summit»-ի միջազգային հարթակ դուրս գալը ոչ միան «Startup Armenia»-ի և մեր գործընկերների ձեռքբերումն է, այլ նաև ողջ հայկական ստարափ էկոհամակարգի միջազգայնացմանն ուղղված կարևոր քայլ է։ Մյուս տարի մենք պաստրաստվում ենք սամմիթն անցկացնել մի շարք այլ երկրներում և հուսով ենք, որ այդ միջոցառումները մեծապես կնպաստեն հայկական ստարտափ էկոհամարգի և ԱՄԷ-ի ու մյուս երկրների ստարտափ համակարգերի հետ առավել սերտ համագործակցությանը։
![](https://blogger.googleusercontent.com/img/b/R29vZ2xl/AVvXsEgo9p2oP6QLt2PyW4WX2vyJAEFi3fnZCbERA3mR-vyiEw69amyP8TuoSigHSngu7UP2w3MHvAR34oKBT3FSEdoMlaTyT5VSbjrZbGt-FgtllYt_VeQe5J9NlyFsTgAkkwRlcVGOlySlvkpj/s640/3.jpg)
Հիշեցնեմ, որ «Sevan Startup Summit»-ն առաջին անգամ անցկացվել է 2016թ․ ամռանը՝ Սևանի ափին։ Սամմիթը իրավմամբ դարձավ հայկական ստարտափ էկոհամակարգի կարևորագույն միջոցառումներից մեկը։ Արդեն 2017թ․ «Sevan Startup Summit 2017»-ի շրջանակները զգալիորեն ընդլայնվեցին։ Հայաստանից և աշխարհի 23 երկրներից սամմիթ այցելեցին ավելի քան 2000 մասնակիցներ և հյուրեր։ Ընդհանուր մրցանակային ֆոնդը գերազանցեց 50,000 ԱՄՆ դոլարը, իսկ սամմիթի կազմակերպման և անցկացման համար ծախսվել է ավելի քան 250,000 ԱՄՆ դոլար։