Խելացի բարձրախոսներ, տրանսֆորմեր նոթբուք, նոր սմարթֆոններ, անլար ականջակալներ և այլ սարքեր, որոնք երեկ ցուցադրեց Google-ը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEhFhai843zEBhHG2Zk-AbaIAvL_nL51PLegdHdEBFiETMVssPg1_chLAk-1JKfzApGVrSfQfvOKgiA_1ewJ_6sLU5CsUQOutfqSviBch_YT-Kgb1mC9NvvDCcoSfoHtdS-cg9H9VM4RCwk1/s640/Screen-Shot-2017-10-04-at-1.52.16-PM-796x395%255B1%255D.png)
Google ընկերությունը երեկ անցկացրեց հերթական միջոցառումը, որի ընթացքում ցուցադրեց իր նոր սարքերն ու ծառայությունները: Եկեք համառոտ տեսնենք, թե ինչ ցուցադրեց Google-ը:
Google Home Mini
![](https://blogger.googleusercontent.com/img/b/R29vZ2xl/AVvXsEgf4VqcPpypCuuSZO1bLD-A9_sNNLFcwboL-MdOxrCBkDWKkSdC94WilchYXyfIymGR3ZaYsv4wBkDmqlQD_AR7csTS5IrJ4dP2POrQeG3p_yXJ1jlkrGdyn6JiqKpSMU5-CV9vrl2VLoIG/s640/google-home-mini-cover%255B1%255D.jpg)
Փոքր չափսերով այս սարքը կատարում է օգտատիրոջ հրամանները Google Assistant ծրագրով (օր. ավելացնել նշումներ օրացույցում, որոնել ինֆորմացիա ինտերնետում, կառավարել սարքին միացված Google-ի այլ սարքավորումներ և այլն): Սարքը նախատեսված չի երգ լսելու համար, այսինքն, առաջին հերթին սա հենց ձայնային օգնական է, ոչ թե խելացի դինամիկ: Սարքը վաճառվելու է 50 դոլարով:
Google Home Max
![](https://blogger.googleusercontent.com/img/b/R29vZ2xl/AVvXsEh3ZEpoGXdjCm_FmRQDa1xPaz0-aCW7eHmTQUO2S-FFBjXzOyd67M2tzOgo1aWon_k452bgTg1NwbjTnroZiFJ5bwe7jBnksmdEZzPj6VXUUI4PKUS778S7NHlHQhcgduAtaHaV0we_DP7x/s640/345%255B1%255D.jpg)
Google Home Max սարքն ունի 2 հատ ցածր և 2 հատ բարձր հաճախականություններով աշխատող բարձրակարգ դինամիկներ: Սարքն ունակ է նվագարկել YouTube Music, Spotify, Google Play Music և այլ ծառայությունների երգերը: Այս սարքում նույնպես ներդրված է Google Assistant ձայնային օգնականը: Google Home Max սարքը վերլուծում է սենյակի չափսերը և այնտեղ տեղի ունեցող գործողությունները: Օրինակ լվացքի մեքենա միացնելու դեպքում սարքն ավտոմատ բարձրացնում է երաժշտության ձայնը: Google Home Max սարքը հնարավոր է տեղադրել ինչպես հորիզոնական, այնպես էլ ուղղահայաց դիրքերով: Սարքն արժի 399 դոլար:
Google Pixelbook
![](https://blogger.googleusercontent.com/img/b/R29vZ2xl/AVvXsEjXKsGY__ucWeg0mzrLqk8Iv8SS0ULvb7J_8t0X80Q3k4HHsomDzQVXcMh6-2Isud5_8rinhNhYzurYeepqUnBvfUT9ASYeyOTRBiFNlrpdW3P-56mZtYcMT-ohuluU9qk8TKwfsYwLL_ch/s640/2017-10-04_195750%255B1%255D.png)
Chrome OS-ով աշխատող այս նոթբուք-տրանսֆորմերի էկրանը հնարավոր է պտտել 360 աստիճանով և օգտագործել նոթբուքը 4 ռեժիմներով: Սարքը կշռում է ընդամենը 1կգ և ունի 10մմ հաստություն: Pixelbook-ն ունի 12.5 դյույմանոց սենսորային Quad HD (235 PPI) էկրան:
Pixelbook-ն ունի հետևյալ տեխնիկական բնութագրերը. Intel Core (i5 կամ i7), մինչև 16 ԳԲ օպերատիվ և մինչև 512 ԳԲ ներքին SSD հիշողություն: Սարքը լիցքավորվում է USB-C բնիկով: Մարտկոցի ամբողջական լիցքավորումը թույլ է տալիս աշխատել 10 ժամ շարունակ:
![](https://blogger.googleusercontent.com/img/b/R29vZ2xl/AVvXsEixyXK0pf-C8auG43YdC2njhyVc1L_ouAOm5f36acCx-hMTxx_a22FdP2zinzlhN34xt1FzmcU_slnSm-toncYRy4iNraPco7bv8Pp3hAmf8RXP4H8c6qY4o7Xi7v_HmCOzRYwR6g4ViGD1/s640/Google-Pixelbook-2%255B1%255D.jpg)
Նշվում է նաև, որ ինտերնետի բացակայության ժամանակ սարքն ավտոմատ միանում է Google Pixel հեռախոսին և օգտվում բջջային կապի ինտերնետից: Pixelbook սարքում հնարավոր է տեղադրել հավելվածներ Google Play-ից: Սարքը ներառում է նաև Google Assistant ձայնային օգնականը, որն ակտիվացնելու համար ստեղնաշարի վրա հատուկ կոճակ կա:
![](https://blogger.googleusercontent.com/img/b/R29vZ2xl/AVvXsEhMHpwPM3v0YOruNinkpxVk2iwHIu0r01K1-DFJLQ-MWPeqm9CnyNgyhfwjmjPhbC9D7nxeMoD15Ye9DJ4-EWVwuxm7To3rig_ETgkcTTAfC97fAO8qe2HmTZCEIaXY7gTEqwcI2pBWb5M8/s640/2017-10-04_195428%255B1%255D.png)
Google Pixelbook-ի հետ միաժամանակ ներկայացվեց նաև Google Pixelbook Pen խելացի ստիլուսը, որը կարող է ճանաչել սեղմման ավելի քան 2000 մակարդակներ: Այս ստիլուսով հնարավոր է նաև էկրանի վրա նշել տեքստ կամ լուսանկար և Google Assistant-ով տեսնել նշվածի մասին ինֆորմացիա: Google Pixelbook-ը վաճառվելու է 999 դոլարով, իսկ Pixelbook Pen-ը՝ 99:
Pixel 2 և Pixel 2 XL
![](https://blogger.googleusercontent.com/img/b/R29vZ2xl/AVvXsEgJOeDI_-e7KyKRDIt1j5rNMqC_H2b0ab7nCU1vBKLENWSB7XGPkGo9ekh90pdxlKYB1gOksA4bbelSrmS70C9OKOk4alHGKAlu1z56lYWVzH6pB2f2pGavhUrlBujcD-SClWsd5X8zDOng/s640/XaT2ptnMPzh85GnyJkhzM4-650-80%255B1%255D.jpg)
Google Pixel 2 սմարթֆոնի էկրանը 5 դյույմ է, իսկ XL-ինը՝ 6 դյույմ: Այս նոր սմարթֆոններն ունեն Always-on ֆունկցիա, որի միջոցով հեռախոսի էկրանին մշտապես ցուցադրվում է օգտակար ինֆորմացիա: Սմարֆոններն ունեն հետևյալ տեխնիկական բնութագրերը. 2,35 ԳՀց Qualcomm Snapdragon 835 պրոցեսոր, 4 ԳԲ օպերատիվ հիշողություն, 64 կամ 128 ԳԲ ներքին հիշողություն:
Pixel 2-ն ունի 2700 մԱ/ժ մարտկոց, իսկ ավագ եղբայրը՝ 3520 մԱ/ժ: Երկու սմարթֆոններն էլ չունեն 3.5 մմ ականջակալի բնիկ: Սմարթֆոնները պաշտպանված են ջրից և փոշուց: Սմարթֆոններն աշխատում են Android 8.0 Oreo օպերացիոն համակարգով:
![](https://blogger.googleusercontent.com/img/b/R29vZ2xl/AVvXsEiui5cPSymtP2YQFABxC066bJskTxhV87ENScjZZPArFJcUcvjLpCZNhNUB1LWVr6M6DS6QwjJOPf0wPJlbb2TT3sA6IAEhmGvoOxNjfNr9YZ7CkMmAK0xzO_q0-YCvrnqxyGHjWqJ3QrZM/s640/5-2%255B1%255D.jpg)
Pixel 2 սմարթֆոններում մեծ ուշադրություն է դարձվել տեսախցիկների վրա: Նշվում է, որ DxOMark թեստի ժամանակ Pixel 2 սմարթֆոնների տեսախցիկը հավաքել է առավելագույն միավորը և առաջ է անցել iPhone 8 Plus-ից և Galaxy Note 8-ից: Pixel 2 սմարթֆոններում ավելացել է Motion Photos ֆունկցիան, որը նման է iPhone-ի Live Photos-ին:
![](https://blogger.googleusercontent.com/img/b/R29vZ2xl/AVvXsEhSL75Gg_-SXve5R3ZubWW9X5qhgnypMUINCvsApK2ABglLJTKJ8nkcifR2BPi1aaGFWbwk-CkVNOJfp62CDbXINVsQcsg4TWOVpXzA-tVzKdd61yMpMncHBIYR4j_PLV3618Jxccy7yNL7/s640/2-3%255B1%255D.jpg)
Pixel 2 սմարթֆոնների կորպուսի կողքի հատվածը սեղմելով հնարավոր է բացել Google Assistant ձայնային օգնականը: Նշվում է, որ սմարթֆոնը տարբերում է պատահական սեղմումները և Assistant-ը բացվում է միայն այն դեպքում, երբ օգտատերը դիտմամբ սեղմել է կորպուսը: Google Pixel 2 և Pixel 2 XL սմարթֆոնների գները սկսվում են 649 և 849 դոլարից:
Google Pixel Buds
![](https://blogger.googleusercontent.com/img/b/R29vZ2xl/AVvXsEjf1rJ84FzxCIxZ5R89-Vti8RuuelbikMcEaf_sLDpuTkiNV_SiZVsJZkzvFprDmKVCHcn33F-zfuZv68eu5JQwQ9P80EO8duxppePttGlS1b1FtuUzA3RcLC5fqTcJ5fdsEFPSvgxyyX0l/s640/170824_Apollo_2GRP-TTQ-RS_Oreo_simp-v03.width-1000-796x597%255B1%255D.jpg)
Google-ն իր Pixel 2 սմարթֆոններում հրաժարվել է 3.5մմ ականջակալի բնիկից և ստեղծել է Google Pixel Buds անլար ականջակալներ: Pixel Buds-ը կարելի է համարել Apple AirPods-ի մրցակիցը: Pixel Buds-ով հնարավոր է ոչ միայն լսել երաժշտություն, այլ Google Assistant-ի միջոցով ստանալ հուզող հարցերի պատասխանները: Pixel Buds-ի աջ ականջակալի վրա տեղադրված է փոքր թաչփադ, որին հպվելով հնարավոր է կառավարել սմարթֆոնը:
![](https://blogger.googleusercontent.com/img/b/R29vZ2xl/AVvXsEiaOQrQk4zU19QozGtF1xpU4W_MhxG7YD8up1N_WKRGjoeOUySfWKqBtMn07HVlIB1LYlQz199HcVsye8l7W2Lzz8K4A7RQsSxvoJ5M7boaVOPoHQy5ICzcN8f5SgxWuezMk4_RiJZT8yNZ/s640/Google-Pixel-Buds-3%255B1%255D.jpg)
Օրինակ երաժշտության ձայնը բարձրացնելու կամ իջացնելու համար պետք է թաչփադի վրա մատը տեղաշարժել առաջ կամ ետ, իսկ երաժշտությունը սկսելու կամ դադարելու համար պետք է սեղմել թաչփադը: Google Assistant-ը բացելու համար պետք է սեղմած պահել թաչփադը, այնուհետև տալ համապատասխան ձայնային հրամանները:
![](https://blogger.googleusercontent.com/img/b/R29vZ2xl/AVvXsEgN4F0VUIS4qE1SPy0PO2gAeIjTqQWaYn3Gzc8rjECF_xA_KpUT4ZZ34sAY6zmAzv6QA-GW2of4wArKYWNjl_ue2YEA8XPxEnJXEqYfT_g7RKixs79BNE3vfESPC8qDNqTQtyid4XsSw3b1/s640/Google-Pixel-Buds-2%255B1%255D.jpg)
Pixel Buds ականջակալներով հնարավոր է նաև խոսակցության ընթացքում միանգամից թարգմանել զրույցը և լսել հարազատ լեզվով: Օրինակ իտալերենի համար համար պետք է ընդամենը սեղմած պահել թաչփադը և Google Assistant-ին տալ հետևյալ հրամանը՝ Help me speak Italian: Հետագայում ձեր խոսացածն ավտոմատ կթարգմանվի և սմարթֆոնի բարձրախոսի միջոցով կփոխանցվի զրուցակցին, իսկ նրա իտալերեն նախադասությունները ականջակալներով կլսեք ձեր նախընտրած լեզվով:
Google Pixel Buds ականջակալները վաճառվելու են 159 դոլարով: Ականջակալների հետ տրամադրվում է նաև հատուկ տուփ, որը նախատեսված է ոչ միայն ականջակալների ապահով պահպանման և տեղափոխման համար, այլև դրանց լիցքավորման: Ամբողջական լիցքավորումից հետո ականջակալներով հնարավոր է երաժշտություն լսել 24 ժամ շարունակ:
Google Clips
![](https://blogger.googleusercontent.com/img/b/R29vZ2xl/AVvXsEgDfJCkxcwaPec85E0sawTn0cM8D9WkI3Dpd2Dwe5IHRYM_ZHJUqEzFyp-IfUGsg64PqrrKp3cSOo1fAq3Lfe4RBppor2Hh2CARufHsl6_yQC3tdO-7uzcvoC8TuM2Wj0aAlygULWhbSPfc/s640/googleclips.png)
Արհեստական բանականությամբ առաջնորդվող այս տեսախցիկը որոշում է նկարվելու համար ամենահարմար պահերը և ինքնուրույն լուսանկարում է կյանքի ամենավառ դրվագները: Տեսախցիկն արժի 249 դոլար:
Google Daydream View
![](https://blogger.googleusercontent.com/img/b/R29vZ2xl/AVvXsEiI0Zg2zeg_FbsdnRnts42pVzyvZ99zBI_t0ltSBXy0LpVwe22LhiqaRaAwYEi6yuGozqTNT-IuReqd0gJbqmWztNxg0fK7TGPhD8qGLMl7q-S8TQz-xgeezNPN7SOvDB7smHebYJFb3bei/s640/Screen-Shot-2017-10-04-at-2.31.26-PM-796x498.png)
Google-ը թարմացրել է նաև Daydream VR ակնոցները, որտեղ կատարվել են արտաքին տեսքի և տեխնիկական մի քանի ոչ նշանակալի փոփոխություններ: